Tag: آتشزدگی

روس کے دارالحکومت ماسکو میں رات گئے شاپنگ سینٹرمیں خوفناک آگ بھڑک اٹھی۔

باغی ٹی وی : جمعہ کو شمالی ماسکو کے مضافاتی علاقے میں ایک وسیع و عریض شاپنگ اور تفریحی مرکز میں رات بھر لگنے والی آگ میںایک شخص ہلاک ہوگیا۔

روس کی ہنگامی حالات کی وزارت نے ٹیلی گرام پر کہا کہ ماسکو کے علاقے میں فائر فائٹرز 7,000 مربع میٹر (75,300 مربع فٹ) کے رقبے پر آگ پھیل گئی-

شاپنگ سینٹرکی چھت ٹوٹنے سے آگ فوری طور پر بڑے پیمانے پر پھیل گئی، روسی حکام نے ایک شخص کی ہلاکت کی تصدیق کر دی۔

روسی میڈیا نے بعد میں اطلاع دی کہ ماسکو کے شیریمیٹیو ہوائی اڈے سے تقریباً سات کلومیٹر (چار میل) دور میگا خمکی شاپنگ سینٹر میں آگ لگنے سے ایک شخص ہلاک ہو گیا ہے۔

70 سے زیادہ فائر فائٹرز اور 20 فائر ٹرک اس مقام پر کام کر رہے تھے، ایمرجنسی سروسز نے مزید کہا کہ عمارت کے ڈیزائن کی وجہ سے ان کے کام میں رکاوٹ پیدا ہوئی۔

اوکاڑہ: ارشاد ٹاون میں لنڈے کے گودام میں آگ بھڑک اٹھی

ماسکو ریجن کی ایمرجنسی سروسز نے ٹیلی گرام پر بتایا کہ چھت گرنے کی وجہ سے آگ فوری طور پر ایک بڑے علاقے میں پھیل گئی –

روسی خبر رساں ایجنسیوں نے ہنگامی خدمات کے ذرائع کے حوالے سے بتایا کہ "آتشزدگی” کا شبہ تھا لیکن ریاستی خبر رساں ایجنسیوں نے بعد میں ذرائع کے حوالے سے کہا کہ حفاظتی خلاف ورزیوں کا زیادہ امکان ہے۔

سوشل میڈیا پر ویڈیوز میں ایک بہت بڑی آگ کو دکھایا گیا ہے، جس میں لوگ جلتی ہوئی عمارت سے بھاگ کر پارکنگ میں جا رہے ہیں۔

روسی حکام کی جانب سے خدشہ ظاہر کیا جا رہا ہے کہ شاپنگ سینٹرمیں جان بوجھ کر آگ لگائی گئی-

جناح پولو فیلڈزکےزیراہتمام کورکمانڈرپولوکپ سپانسرڈ:دوبڑی ٹیموں نےکوالیفائی کرلیا

چین کی فیکٹری میں آگ لگنے کے نتیجے میں 38 افراد ہلاک ہوگئے۔

باغی ٹی وی : چین کے سرکاری میڈیا کے مطابق، پیر کے روز وسطی چین میں ایک فیکٹری میں آگ لگنے سے درجنوں افراد ہلاک ہو گئے وسطی چین کے صوبے ہینان کے شہر آنیانگ میں فیکٹری میں آتشزدگی کا واقعہ 21 نومبر کو پیش آیا جس کے نتیجے میں اب تک 38 ہلاکتیں ہوچکی ہیں جب کہ آگ لگنے کے دوران لاپتا ہونے والے 2 افراد کی لاشیں بھی مل چکی ہیں۔

امریکی خبررساں ادارے سی این این کے مطابق سرکاری اخبار ہینان ڈیلی نے منگل کو اطلاع دی کہ صوبہ ہینان کے اینیانگ میں فیکٹری میں آتشزدگی کے بعد لاپتہ ہونے والے دو افراد مردہ پائے گئے، جس سے مرنے والوں کی تعداد 38 ہو گئی۔

رپورٹس کے مطابق دو منزلہ فیکٹری میں آگ پر 7 گھنٹے بعد قابو پایا گیا۔

فیکٹری انتظامیہ کا کہنا ہے کہ آگ الیکٹرک ویلڈنگ پروٹوکول کی خلاف ورزی کی وجہ سے لگی ہے جس کی تحقیقات میں کئی افراد کو حراست میں بھی لیا گیا ہے-

ہینن ڈیلی نے حکام کا حوالہ دیتے ہوئے رپورٹ کیا کہ ابتدائی نتائج کے مطابق آگ الیکٹریکل ویلڈنگ پروٹوکول کی خلاف ورزی کی وجہ سے لگی۔

چین نے حالیہ برسوں میں صنعتی حادثات کی ایک لہر دیکھی ہے جس سے متعدد افراد ہلاک ہوئے ہیں، جس سے عوامی تحفظ کے بارے میں خدشات پیدا ہوئے ہیں۔

2015 میں، شمالی بندرگاہی شہر تیانجن میں ایک کیمیکل گودام میں سلسلہ وار دھماکوں کے نتیجے میں کم از کم 173 افراد ہلاک ہو گئے تھے۔

گزشتہ برس اکتوبر میں شمال مشرقی شہر شینیانگ کے ایک ریستوران میں زور دار دھماکے میں کم از کم تین افراد ہلاک اور 30 ​​سے ​​زائد زخمی ہو گئے تھے۔ گیس کا دھماکہ مخلوط استعمال کی رہائشی اور کمرشل عمارت میں ہوا۔

جبکہ رواں سال جون میں شنگھائی میں پیٹرو کیمیکل کمپلیکس میں آگ لگنے سے ایک شخص ہلاک ہو گیا تھا۔

ترکیہ: استنبول میں 6.1 شدت کا زلزلہ متعدد افراد زخمی

مالدیپ کے دارالحکومت مالے کی ایک رہائشی عمارت میں خوفناک آتشزدگی ،11 افراد ہلاک متعدد زخمی ہوگئے۔

باغی ٹی وی : بھارتی میڈیا کے مطابق آگ ایک رہائشی عمارت میں لگی جس کی بالائی منزل سے 11افراد کی جھلسی ہوئی لاشیں برآمد ہوئیں، متاثرہ عمارت میں زیادہ تر تارکین وطن مزدور رہائش پذیر تھے آگ عمارت کے گیراج میں لگی تھی جہاں گاڑیوں کی مرمت کا کام کیا جاتا ہے۔

کوٹ ادو میں 3 بچوں کے قاتل ڈاکو اپنے ہی ساتھیوں کی مبینہ فائرنگ سے ہلاک

فائر ڈپارٹمنٹ کا کہنا تھا کہ آگ کی شدت کی وجہ سے صورتحال پر قابو پانے میں چار گھنٹےکا وقت لگا۔

مالدیپ میں تعینات بھارتی ہائی کمشنر نے اپنے ٹوئٹر پر تصدیق کی کہ حادثے میں مرنے والوں میں 8 افراد بھارتی شہری ہیں ۔

We are deeply saddened by the tragic fire incident in Malé which has caused loss of lives, including reportedly of Indian nationals.

We are in close contact with the Maldivian authorities.

For any assistance, HCI can be reached on following numbers:
+9607361452 ; +9607790701

— India in Maldives (@HCIMaldives) November 10, 2022

فیس بک پیج کے ذریعے اسلحہ فروخت کرنیوالے ملزمان گرفتار

بھارتی ہائی کمشنر نے اپنی ٹوئٹ میں لکھا کہ ہمیں مالے میں ہونے والے آتشزدگی کے واقعے میں جانی نقصان پر دکھ ہوا ہے، جس میں بھارتی شہری بھی شامل ہیں لاشوں کی حوالگی سےمتعلق ہم مالدیپ کی انتظامیہ سے رابطے میں ہیں بھارتی ہائی کمشنر نے رابطے کیلئے اپنا نمبر بھی شیئر کیا۔

مالدیپ کی نیشنل ڈیزاسٹر مینجمنٹ اتھارٹی نے کہا کہ ایک قریبی اسٹیڈیم میں انخلاء کا مرکز قائم کیا گیا ہے۔

این ڈی ایم اے نے ٹوئٹ میں کہا کہ مالے میں آگ سے بے گھر اور متاثر ہونے والوں کے لیے مافانو اسٹیڈیم میں ایک انخلاء مرکز قائم کیا ہے امداد اور مدد فراہم کرنے کے انتظامات کیے جا رہے ہیں-

نیپال میں 6.3 شدت کا زلزلہ،6 افراد ہلاک متعدد زخمی