Tag: آذربائیجان

ایران کے خلاف حالیہ جنگ کے دوران اسرائیل نے آذربائیجان سمیت مشرق وسطیٰ اور خطے کے کئی ممالک میں خفیہ فوجی اور انٹیلی جنس اڈے قائم کیے تھے، جہاں سے ایرانی سرحد کے قریب نگرانی، انٹیلیجنس جمع کرنے اور ڈرون آپریشنز انجام دیے گئے۔

امریکی نشریاتی ادارے سی این این نے اپنی ایک رپورٹ میں دعویٰ کیا ہے کہ ان خفیہ تنصیبات نے اسرائیل کو ایران کی شمالی، جنوبی اور مغربی سرحدو ں تک غیر معمولی رسائی فراہم کی، تاہم آذربائیجان نے ان الزامات کو بے بنیاد قرار دیتے ہوئے سختی سے مسترد کر دیا ہے۔

سی این این کی رپورٹ کے مطابق ایران کے ساتھ جنگ کے دوران اسرائیل نے خفیہ طور پر اپنی ایلیٹ فوجی اور انٹیلیجنس یونٹس آذربائیجان میں تعینات کی تھیں،یہ فورسز جنوبی آذربائیجان کے متعدد مقامات پر موجود تھیں جو ایران کی شمالی سرحد سے متصل ہیں اور بعض مقامات ایرانی شہر تبریز سے محض 60 میل کے فاصلے پر واقع تھے۔

رپورٹ میں دعویٰ کیا گیا ہے کہ اسرائیلی کمانڈو دستوں، خصوصی آپریشن فورسز اور موساد اہلکاروں نے ان مقامات سے انٹیلی جنس معلومات جمع کرنے اور ڈرون آپریشنز انجام دیے، جس سے اسرائیل کو شمالی ایران کی سرگرمیوں پر نظر رکھنے میں نمایاں برتری حاصل ہوئی۔

سی این این کے مطابق آذربائیجان میں موجود یہ تنصیبات اسرائیل کے وسیع خفیہ نیٹ ورک کا حصہ تھیں، جس میں عراق، متحدہ عرب امارات اور صومالی لینڈ میں قائم خفیہ اڈے بھی شامل تھے ابتدائی طور پر ان اڈوں کا مقصد ہنگامی صورتحال میں امدادی اور ریسکیو کارروائیاں تھا، تاہم بعد میں انہیں فوجی اور انٹیلی جنس مقاصد کے لیے استعمال کیا گیا۔

ذرائع کے مطابق ان تعیناتیوں کے نتیجے میں اسرائیلی افواج ایران کی جنوبی، مغربی اور شمالی سرحدوں کے گرد موجود رہیں، جس سے انہیں ایرانی علاقوں کے اندر سینکڑوں میل تک کارروائیاں کرنے کی صلاحیت حاصل ہوئی اور ایران بھر میں متعدد حملوں کو برقرار رکھنے میں مدد ملی۔

تاہم آذربائیجان نے سی این این کی رپورٹ کو سختی سے مسترد کر دیا ہے آذربائیجان کی وزارت خارجہ نے ایک بیان میں کہا کہ ملک کی سرزمین کسی بھی تیسرے ملک کے خلاف فوجی، انٹیلی جنس یا دیگر دشمنانہ سرگرمیوں کے لیے استعمال ہونے کا دعویٰ ”مکمل طور پر بے بنیاد“ ہے آذربائیجان نے ماضی میں بھی ایسے الزامات کی تردید کی ہے اور رپورٹ شائع ہونے سے قبل بھی اپنا مؤقف سی این این کو آگاہ کر دیا تھارپورٹ میں گمنام ذرائع پر انحصار کیا گیا جبکہ کوئی قابلِ اعتماد ثبوت پیش نہیں کیا گیا۔

آذربائیجان کی میڈیا ڈویلپمنٹ ایجنسی نے بھی رپورٹ کو ”من گھڑت معلومات“ قرار دیتے ہوئے کہا کہ اس کا مقصد خطے میں کشیدگی پیدا کرنا، بین الاقوامی برادری کو گمراہ کرنا اور بین الریاستی تعلقات کو نقصان پہنچانا ہے۔

آذربائیجان کے نخچیوان ائیرپورٹ پر ایرانی ڈورن حملے میں 2 افراد زخمی ہوگئے۔

آذربائیجان کی وزارت خارجہ کے مطابق 2 ایرانی ڈرون سرحد عبور کر کے ملک میں داخل ہوئے، ایک ڈرون نخچیوان انٹرنیشنل ائیرپورٹ پر گرا جبکہ دوسرا ڈرون قریبی گاؤں میں ایک اسکول کی عمارت کے قریب گرا۔

واقعے کی ویڈیو میں ایئرپورٹ کے قریب سیاہ دھواں اٹھتا اور ٹرمینل عمارت کے نقصان پہنچا ہوا دکھائی دیتا ہے،آذربائیجان کی وزارت خارجہ نے جمعرات کے روز ایرانی سفارت خانے کے ساتھ باضابطہ احتجاج درج کراتے ہوئے کہا کہ یہ کارروائی بین الاقوامی قانون کے منافی ہے، ایران جلد از جلد اس واقعے کی وضاحت کرے اور مستقبل میں ایسے واقعات کی روک تھام کے لیے ضروری اقدامات کرے۔

سعودیہ اور اسرائیل کے تعلقات معمول پر آنےکی بات بھول جائیں، سابق سربراہ سعودی انٹیلی جنس

سندھ میں رواں سال کا پہلا پولیو کیس رپورٹ

سپریم کورٹ کے حتمی فیصلے پر متوازی اپیل دائر نہیں ہو سکتی، وفاقی آئینی عدالت

باکو: آذربائیجان نے غزہ کے لیے کسی بھی عالمی امن مشن میں شامل نہ ہونے کا اعلان کر دیا۔

آذربائیجانی ٹیلی ویژن کو ایک انٹرویو میں صدر الہام علیوف نے واضح کیا ہے کہ ان کا ملک اپنی سرحدوں سے باہر غزہ سمیت کسی بھی مقام پر امن مشن کے لیے فوجی دستہ بھیجنے کا کوئی ارادہ نہیں رکھتا آذربائیجان غزہ میں ممکنہ امن فوج کے آپریشن سے متعلق امریکی صدر ڈونلڈ ٹرمپ کی انتظامیہ کے ساتھ رابطے میں تھا، اور ہم نے واشنگٹن کو کسی مشن کے طریقہ کار سے متعلق 20 سے زائد سوالات پر مشتمل فہرست بھی ارسال کی تھی۔

الہام علیوف نے کہا کہ وہ آذربائیجان سے باہر کسی اور ملک میں فوج بھیجنے پر بالکل بھی غور نہیں کر رہے۔

آذربائیجان کی حکومت کے ایک اعلیٰ عہدیدار نے پہلے ہی آگاہ کر دیا تھا کہ آذربائیجان اس نوعیت کے کسی بھی آپریشن کے لیے فوجی فراہم نہیں کرے گا۔

کراچی میں سی ٹی ڈی کی کارروائی: کالعدم تنظیم کے 4 دہشت گردگرفتار

تیل سپلائی کو ٹرانسپورٹ سے پائپ لائن پر منتقل کرنے کا منصوبہ

2 سالوں کتنےفحش اور غیر قانونی ویب لنکس بلاک کئے؟پی ٹی اے کی رپورٹ جاری

وفاقی وزیر برائے موسمیاتی تبدیلی ڈاکٹر مصدق ملک نے آذربائیجان کے دارالحکومت باکو میں کوپ 29 کے صدر مختار بابایوف سے ملاقات کی، جس میں دونوں ممالک نے ماحولیاتی تعاون بڑھانے اور موسمیاتی تبدیلی سے نمٹنے کے لیے مشترکہ اقدامات کی ضرورت پر اتفاق کیا۔

ملاقات میں وفاقی وزیر نے پاکستان کی جانب سے ماحولیاتی چیلنجز پر قابو پانے کے لیے عالمی برادری سے موثر اور دیرپا اقدامات کا مطالبہ کیا۔ انہوں نے کہا کہ پاکستان موسمیاتی تبدیلی سے شدید متاثرہ ممالک میں شامل ہے اور اس بحران سے نمٹنے کے لیے عالمی سطح پر اجتماعی کوششیں ناگزیر ہیں۔اس موقع پر مصدق ملک نے آذربائیجان کے نائب وزیر خارجہ یالچن رفیعف سے بھی علیحدہ ملاقات کی، جس میں منصفانہ اور مربوط عالمی موسمیاتی ردعمل کی اہمیت پر زور دیا گیا۔

وفاقی وزیر نے کہا کہ موسمیاتی خطرات کسی ایک ملک تک محدود نہیں، بلکہ یہ ایک عالمی چیلنج ہے جس سے نمٹنے کے لیے مشترکہ حکمت عملی اختیار کرنا ضروری ہے۔ انہوں نے اس بات کا اعادہ کیا کہ پاکستان عالمی فورمز پر ماحولیاتی انصاف اور پائیدار ترقی کے لیے اپنا بھرپور کردار ادا کرتا رہے گا۔یاد رہے کہ آذربائیجان رواں برس کوپ 29 کانفرنس کی میزبانی کر رہا ہے، جہاں دنیا بھر سے ماحولیاتی ماہرین، پالیسی ساز اور وزرا شرکت کر رہے ہیں۔

بھارت میں جعلی سفارتخانے کا انکشاف، لاکھوں کی کرنسی اور لگژری گاڑیاں برآمد

روس اور طالبان حکومت کے وزرائے خارجہ کا رابطہ، تجارتی تعاون بڑھانے پر اتفاق

شامی صدر احمد الشرع کے دورہ آذربائیجان کے دوران شامی اور اسرائیلی حکام کے درمیان باکو میں ایک اہم ملاقات متوقع ہے، جس کا مقصد شام میں حالیہ اسرائیلی فوجی سرگرمیوں پر بات چیت کرنا ہے۔

غیر ملکی خبررساں ادارے کے مطابق یہ اطلاع دمشق میں موجود ایک سفارتی ذریعے نے دی، جس نے معاملے کی حساسیت کے پیش نظر اپنا نام ظاہر نہ کرنے کی شرط پر بات کی۔ذرائع کا کہنا ہے کہ یہ ملاقات شامی صدر احمد الشرع کی موجودگی کے بغیر ہوگی، اور اس میں ایک شامی اور ایک اسرائیلی عہدیدار شرکت کریں گے۔

واضح رہے کہ اسرائیل آذربائیجان کو اسلحہ فراہم کرتا ہے اور وہاں اس کی سفارتی موجودگی بھی مستحکم ہے، جب کہ آذربائیجان ایران کا ہمسایہ ملک ہے، جسے اسرائیل اپنا بڑا دشمن تصور کرتا ہے۔ذرائع کے مطابق اس خفیہ ملاقات کا مرکز شام میں اسرائیلی فوجی کارروائیوں سے جڑے امور ہوں گے، تاہم اس حوالے سے دونوں ممالک کی جانب سے کوئی باضابطہ تصدیق نہیں کی گئی۔

ایران: جنسی زیادتی اور قتل کے مجرم کو سرعام پھانسی

پی ٹی آئی ارکان کی نااہلی، مذاکرات کے لیے 11 رکنی کمیٹی قائم کر دی

ارشد ندیم اور نیرج چوپڑا 16 اگست کو آمنے سامنے، سنسنی خیز مقابلے کی توقع

پیک آورز میں اضافہ نہیں ہوا، پاور ڈویژن کا وضاحتی بیان