Baaghi TV

Tag: آزاد کشمیر

  • وزیراعظم آزادکشمیر نے چوہدری رشید کو وزارت سے برطرف کر دیا

    وزیراعظم آزادکشمیر نے چوہدری رشید کو وزارت سے برطرف کر دیا

    وزیراعظم آزاد کشمیر فیصل ممتاز راٹھور نے اپنی کابینہ کے اہم رکن چوہدری محمد رشید کو عہدے سے برطرف کردیا۔

    یہ سخت فیصلہ چوہدری رشید کی مسلم لیگ (ن) کی اعلیٰ قیادت سے ملاقات کے بعد سامنے آیا ہے، چوہدری محمد رشید کے پاس پاور ڈویلپمنٹ آرگنائزیشن اور پلاننگ اینڈ ڈویلپمنٹ کی وزارتیں تھیں،برطرفی کا فیصلہ وزیراعظم آزادکشمیر کی ہدایت پر فوری طور پر نافذ کر دیا گیا.

    چوہدری محمد رشید نے آج سابق وزیراعظم آزاد کشمیر راجا فاروق حیدر کے ہمراہ اسلام آباد میں مسلم لیگ ن کے سینیئر رہنما رانا ثنا اللہ سے ملاقات کی تھی، ذرائع کے مطابق اس ملاقات میں چوہدری رشید اور مسلم لیگ (ن) کے درمیان معاملات طے پاچکے ہیں اور وہ جلد ہی باقاعدہ طور پر ن لیگ میں شمولیت کا اعلان کرنے والے ہیں-

    چوہدری رشید کی ان سیاسی سرگرمیوں کو وزیراعظم فیصل ممتاز راٹھور نے نظم و ضبط کی خلاف ورزی تصور کرتے ہوئے انہیں وزارت سے فارغ کرنے کا حکم جاری کر دیا،،چوہدری محمد رشید کی وزارت ختم کرکے محکموں کے نئے قلمدانوں پر مشاورت جاری ہے۔

    دوسری جانب آزاد کشمیر میں عام انتخابات سے قبل گہما گہمی عروج پر ہے اور سیاسی جوڑ توڑ عروج پر پہنچ گیا ہے پاکستان مسلم لیگ ن کے صدر میاں نواز شریف کل (8 مئی) لاہور میں ن لیگ آزاد کشمیر کے پارلیمانی بورڈ کے اجلاس کی صدارت کریں گے، جس میں اہم فیصلے متوقع ہیں نواز شریف نے پارلیمانی بورڈ کا اجلاس مسلم لیگ ن کے سیکریٹریٹ ماڈل ٹاؤن لاہور میں کل دن 11 بجے طلب کیا ہے-

    نواز شریف پارلیمانی بورڈ کے اجلاس کی صدارت کے بعد ٹکٹ کے لیے درخواستیں دینے والے لیگی رہنماؤں سے بھی ملاقات کریں گے،اس سے قبل نواز شریف نے پارلیمانی بورڈ کا اجلاس مظفرآباد میں طلب کیا تھا، تاہم اچانک دورہ منسوخ کرکے لیگی قیادت کو لاہور بلا لیا گیا۔

  • معرکہ حق کا ایک سال مکمل،مظفرآباد میں پروقار تقریب کا انعقاد

    معرکہ حق کا ایک سال مکمل،مظفرآباد میں پروقار تقریب کا انعقاد

    معرکہ حق کا ایک سال مکمل ہونے پر آزاد کشمیر کے دارالحکومت مظفرآباد کے نڑول اسٹیڈیم میں ایک پروقار تقریب کا انعقاد کیا گیا۔

    تقریب میں شہریوں کی بڑی تعداد نے شرکت کی اور ’پاکستان زندہ باد‘ اور ’پاک فوج زندہ باد‘ کے نعروں سے فضا گونج اٹھی اس موقع پر شہدا اور غازیوں کو زبردست خراجِ عقیدت پیش کیا گیا،تقریب میں بھارت کے خلاف معرکہ حق کی کامیابی پر مبنی ایک دستاویزی فلم دکھائی گئی، نہتے اور مظلوم کشمیریوں پر بھارتی مظالم سے متعلق فلم نے حاضرین کو افسردہ کر دیا-

    تقریب میں معروف گلوکارہ آئمہ بیگ اور علی عظمت سمیت دیگر معروف گلوکاروں نے پرفارم کرکے تقریب کو چار چاند لگا دیے پروگرام کے دوران مختلف ملی نغمے پیش کیے گئے، جبکہ بچوں نے ٹیبلو بھی پیش کیا کشمیری ثقافت سے جڑے نغموں نے بھی محفل کو چار چاند لگا دیے۔ شرکا نے پاکستان اور کشمیر کے پرچم لہرا کر یکجہتی کا اظہار کیا تقریب میں نتاشہ خان اور ڈاکٹر عبدالباسط سمیت دیگر فنکاروں نے بھی ملی نغمے پیش کیے۔

    تقریب میں ملک کی سلامتی اور استحکام کے لیے خصوصی دعائیں کی گئیں، طلبہ نے معرکہ حق کی کامیابی پر پاک فوج کو زبردست خراجِ تحسین پیش کرتے ہوئے جوشیلے نعرے بھی لگائے۔

    تقریب سے خطاب کرتے ہوئے وزیراعظم آزاد کشمیر راجا فیصل ممتاز راٹھورنے کہاکہ گزشتہ برس بھارت نے مشکوک واقعے کو بنیاد پر پاکستان پر الزام تراشی کی اور پھر حملہ کردیا،پاکستان ایک امن پسند ملک ہے، لیکن ہم اپنے دفاع پر کوئی سمجھوتہ نہیں کریں گے، پاکستان علاقائی سالمیت کے لیے ہر حد تک جا سکتا ہے، بھارت کی جانب سے خطے کا امن سبوتاژ کرنے کی کوشش کی گئی،پاکستان کی مسلح افواج نے بھارتی جارحیت کا منہ توڑ جواب دیا، جبکہ سفارتی محاذ پر بھی کامیابی حاصل کی۔

  • 5 جی سروسز کا آغاز:وزیراعظم آزاد کشمیر نے عوام کو خوشخبری سنادی

    5 جی سروسز کا آغاز:وزیراعظم آزاد کشمیر نے عوام کو خوشخبری سنادی

    آزاد جموں و کشمیر کے وزیراعظم فیصل ممتاز راٹھور نے اعلان کیا ہے کہ 10 مارچ سے 5 جی سروسز کا باقاعدہ آغاز کیا جا رہا ہے-

    وزیراعظم فیصل ممتاز راٹھور نے کہا کہ جدید دور کے تقاضوں سے ہم آہنگ ڈیجیٹل سہولیات کی فراہمی حکومت کی اولین ترجیحات میں شامل ہے اور 5 جی ٹیکنالوجی کے ذریعے آزاد کشمیر تیز رفتار انٹرنیٹ، جدید تعلیم، ای ہیلتھ، ای گورننس اور ڈیجیٹل معیشت کے نئے دور میں داخل ہوگا۔

    اپنے پیغام میں وزیراعظم نے کہا کہ نوجوان نسل کو یہ خوشخبری دیتے ہوئے انہیں خوشی محسوس ہو رہی ہے کہ حکومت نے ڈیجیٹل دنیا کی جانب اہم پیش قدمی کی ہے 5 جی ٹیکنالوجی سے کاروباری سرگرمیوں میں اضافہ ہوگا، آئی ٹی اور فری لانسنگ کے مواقع وسیع ہوں گے اور باصلاحیت نوجوان عالمی مار کیٹ سے براہ راست منسلک ہو سکیں گے۔

    کاش مریم نواز کراچی آجائیں تو یہاں بھی بہتری ہوسکے،مومنہ اقبال

    انہوں نے کہا کہ حکومت کی کوشش ہے کہ ریاست کا ہر شہر اور ہر گاؤں ڈیجیٹل ترقی کے سفر میں برابر کا شریک ہو اس مقصد کے لیے ٹیلی کمیونیکیشن انفرا سٹرکچر کو مزید مضبوط بنایا جائے گا اور دور دراز علاقوں تک تیز رفتار انٹرنیٹ کی فراہمی یقینی بنائی جائے گی نوجوانوں کو ٹیکنالوجی کی تعلیم و تربیت فراہم کی جا ئے گی تاکہ وہ جدید معیشت میں مؤثر کردار ادا کر سکیں۔

    وزیراعظم نے کہا کہ ان کے نزدیک 5 جی صرف انٹرنیٹ کی رفتار نہیں بلکہ ترقی، روزگار اور خوشحالی کی رفتار ہے انہوں نے پاکستان ٹیلی کمیونیکیشن کے تعاون کو سراہتے ہوئے کہا کہ 4 جی سہولت آزاد کشمیر کو تقریباً پانچ سال بعد ملی تھی، تاہم اس بار 5 جی سہولت پاکستان میں آغاز کے ساتھ ہی حاصل کر لی گئی ہے۔

    ڈی آئی خان: سیکیورٹی فورسز کا آپریشن، گنڈاپور گروپ کے 4 فتنہ الخوارج دہشتگرد ہلاک

    انہوں نے چیف سیکرٹری آزاد کشمیر خوشحال خان اور سیکرٹری انفارمیشن ٹیکنالوجی راشد حنیف سمیت متعلقہ ٹیم کو مبارکباد پیش کی اور کہا کہ ان کی شبانہ روز کاوشوں سے یہ ممکن ہواحکومت نے ٹیلی کام سیکٹر کی اہمیت کو مدنظر رکھتے ہوئے رائٹ آف وے چارجز ختم کیے اور ون ونڈو سہولت فراہم کی تاکہ ٹیلی کام آپریٹرز کو آزاد کشمیر میں بہتر مسابقتی ماحول میسر آ سکے اور عوام کو معیاری سہولیات حاصل ہوں۔

  • مسلم لیگ ن آزاد کشمیر کا صدارتی انتخاب میں حصہ لینے کا اعلان

    مسلم لیگ ن آزاد کشمیر کا صدارتی انتخاب میں حصہ لینے کا اعلان

    مسلم لیگ ن آزاد کشمیر نے صدارتی انتخاب میں بھرپور حصہ لینے کا اعلان کیا ہے-

    سابق وزیراعظم آزاد کشمیر اور ن لیگ کے نائب صدر راجا فاروق حیدر نے کہا ہے کہ کہ آئندہ صدر ہمارا ہوگا پاکستان پیپلز پارٹی کے پاس اپنا صدر منتخب کرانے کے لیے مطلوبہ اکثریت موجود نہیں،یہ بھی ممکن ہے کہ موجودہ قانون ساز اسمبلی نئے صدر کا انتخاب نہ کرے اور معاملہ آئندہ اسمبلی پر چھوڑ دیا جائے۔

    واضح رہے کہ صدر آزاد کشمیر بیرسٹر سلطان محمود کے انتقال کے بعد اسپیکر قانون ساز اسمبلی چوہدری لطیف اکبر قائم مقام صدر کے فرائض انجام دے رہے ہیں،آزاد کشمیر میں اس وقت پیپلز پارٹی کی حکومت قائم ہے اور پارٹی قیادت کی جانب سے اپنا امیدوار صدر منتخب کرانے کا اعلان کیا جا چکا ہے۔ تاہم پارٹی کے اندر مختلف گروپس بھی صدارت کے حصول کے لیے سرگرم ہیں۔1

    بیرسٹر سلطان گروپ نے مطالبہ کیا ہے کہ صدر کا عہدہ ان کے گروپ سے کسی رکن کو دیا جائے، جس کے باعث پیپلز پارٹی کے اندرونی اختلافات بھی کھل کر سامنے آ رہے ہیں، صدر کا انتخاب الیکشن کمیشن نے کرانا ہوتا ہے، تاہم آزاد کشمیر میں کچھ عرصے سے چیف الیکشن کمشنر کا عہدہ خالی ہے، جس کے باعث آئینی بحران کی صورتحال پیدا ہو گئی ہے۔

  • آزاد کشمیر: ہیلتھ کارڈ کے اجرا کے حوالے سے اہم پیشرفت

    آزاد کشمیر: ہیلتھ کارڈ کے اجرا کے حوالے سے اہم پیشرفت

    جموں و کشمیر میں ہیلتھ کارڈ کے اجرا کے حوالے سے اہم پیش رفت سامنے آئی ہے۔

    وزیراعظم آزاد کشمیر فیصل ممتاز راٹھور کی زیر صدارت ہیلتھ کارڈ سروسز کے آغاز سے متعلق ایک اہم اجلاس منعقد ہوا، جس میں صوبائی وزرا اور اعلیٰ حکام نے شرکت کی،اجلاس میں وزیر صحت سید بازل علی نقوی، وزیر جنگلات سردار جاوید ایوب، وزیر خزانہ چوہدری قاسم مجید، پرنسپل سیکرٹری ظفر محمود خان، سیکرٹری صحت عامہ اور دیگر متعلقہ افسران شریک ہوئے۔

    اجلاس کے دوران وزیراعظم کو آزاد کشمیر میں ہیلتھ کارڈ کے اجرا اور اس حوالے سے اب تک ہونے والی پیش رفت پر تفصیلی بریفنگ دی گئی۔

    پنجاب اسمبلی کے حلقہ پی پی 289 میں ن لیگ کے امیدوار بلامقابلہ منتخب

    اجلاس سے خطاب کرتے ہوئے وزیراعظم آزاد کشمیر فیصل ممتاز راٹھور نے ہدایت کی کہ ہیلتھ کارڈ کی سہولیات کو جلد از جلد عملی شکل دی جائے تاکہ عوام کو مفت، معیاری اور بروقت طبی سہولیات فراہم کی جا سکیں، ہیلتھ کارڈ ایک اہم عوامی فلاحی منصوبہ ہے، جس سے بالخصوص غریب اور متوسط طبقے کو براہ راست فائدہ پہنچے گا۔

    وزیراعظم نے متعلقہ حکام کو ہدایت کی کہ ہیلتھ کارڈ کے اجرا میں حائل تمام انتظامی اور تکنیکی امور کو ترجیحی بنیادوں پر مکمل کیا جائے تاکہ منصوبے کا جلد آغاز ممکن بنایا جا سکے انہوں نے اس عزم کا اعادہ کیا کہ حکومت آزاد کشمیر عوام کو صحت کی بہتر سہولیات کی فراہمی کے لیے ہر ممکن اقدامات کرے گی۔

    پتنگ بازی پرمکمل پابندی کا اعلان، نوٹیفکیشن جاری

  • وزیراعظم نے آزاد کشمیر میں کینسر اسپتال کا افتتاح کردیا

    وزیراعظم نے آزاد کشمیر میں کینسر اسپتال کا افتتاح کردیا

    وزیراعظم شہبازشریف نے آزاد کشمیر میں کینسر اسپتال کا افتتاح کردیا۔

    کے آئی این او آر کی افتتاحی تقریب سے خطاب کرتے ہوئے وزیراعظم کا کہنا تھا کہ آزادکشمیر میں کینسر اسپتال کاقیام خوش آئند ہے،لوگوں کی جانیں بچانے سے بہترین کوئی کام نہیں ہوسکتا دکھی انسانیت کی خدمت سے بڑھ کر کوئی کام نہیں ہو سکتا،اسپتال کے قیام سے آزادکشمیر کے عوام کو علاج کیلئے دوسرے شہر نہیں جانا پڑے گا۔

    انہوں نے کہا کہ میں خود بھی کینسر جیسے موذی مرض کا شکا ر ہوا،مجھے اندازہ ہے کہ وسائل سے محروم افراد کیلئے کینسر کاعلاج کتنا مشکل ہے ،جان لیوا بیماری میں مبتلا مریضوں کاعلاج انسانیت کی بڑی خدمت ہے۔

    سعودی عرب سے مزید 13 ہزار سے زائد غیرقانونی تارکین وطن بے دخل

    قبل ازیں وزیراعظم شہباز شریف کو منصوبے سے متعلق بریفنگ دی گئی ،انہوں نے کے آئی این او آر کے مختلف حصوں کا دورہ کیا اس موقع پر راجہ علی رضا انور کا کہنا تھا کہ پنجاب میں 6،خیبرپختونخوا اور سندھ میں 5،5اسپتال قائم کیے گئے،اسلام آباد،بلوچستان ،گلگت بلتستان اور آزادکشمیر میں ایک ایک اسپتال قائم کیا گیا ، 21جدید اسپتالوں میں سالانہ 10لاکھ سے زائد کینسر کے مریضوں کاعلاج کیا جاتا ہے۔

    سہیل آفریدی نے پاکستان کے یورپ لاہور کی بہت سیر کرلی، واپس چلے جائیں،عظمیٰ بخاری

    بین الاقوامی ایٹمی توانائی ایجنسی کے ڈائریکٹر جنرل رافیل ماریانوگروسی نے ویڈیو پیغام میں کہا کہ آزادکشمیر میں کینسر کے اسپتال کاقیام اہم سنگ میل ہے،عوامی فلاح کے لیے ایٹمی توانائی کااستعمال لائق تحسین ہے۔

  • مظفر آباد: حکومت اور جوائنٹ ایکشن کمیٹی کے مذاکرات کا دوسرا دور جاری

    مظفر آباد: حکومت اور جوائنٹ ایکشن کمیٹی کے مذاکرات کا دوسرا دور جاری

    آزاد کشمیر کے دارالحکومت مظفر آباد میں حکومت اور جوائنٹ ایکشن کمیٹی کے درمیان مذاکرات کا دوسرا دور ہو رہا ہے۔

    پاکستان مسلم لیگ (ن) کے رکن قومی اسمبلی طارق فضل چوہدری نے سماجی رابطے کی ویب سائٹ ایکس پر بتایا کہ وزیراعظم شہباز شریف کی ہدایت پر مظفر آباد بھیجی گئی حکومتی ٹیم اور عوامی ایکشن کمیٹی آزاد جموں و کشمیر کے نمائندوں کے درمیان بات چیت جاری ہے۔طارق فضل چوہدری نے کہا کہ کشمیری عوام کے حقوق کے ہم مکمل حامی ہیں، ان کے زیادہ تر عوامی مفاد پر مبنی مطالبات پہلے ہی منظور کیے جا چکے ہیں جبکہ چند مطالبات جن کے لیے آئینی ترامیم درکار ہیں ان پر بات چیت جاری ہے۔

    انہوں نے مزید کہا کہ تشدد کسی مسئلے کا حل نہیں، توقع ہے کہ ایکشن کمیٹی تمام مسائل کو پُرامن مذاکرات کے ذریعے حل کرے گی۔مذاکرات میں شریک حکومتی ٹیم میں وفاقی وزرا رانا ثنااللہ، احسن اقبال، سردار یوسف، امیر مقام، ڈاکٹر طارق فضل چوہدری، پیپلز پارٹی کے رہنما قمر زمان کائرہ، سابق وزیراعظم راجا پرویز اشرف اور سابق صدر آزاد کشمیر سردار مسعود خان شامل ہیں۔

    عوامی ایکشن کمیٹی کی نمائندگی شوکت نواز میر، راجہ امجد ایڈووکیٹ اور انجم زمان کر رہے ہیں، جبکہ آزاد کشمیر کی حکومتی کمیٹی بھی اجلاس میں موجود ہے۔

    پنجاب حکومت کا دفاتر میں فائل سسٹم ختم، ڈیجیٹل نظام نافذ

    پی آئی اے کی برطانیہ کے لیے پروازوں کی بحالی کا اعلان

  • آزاد کشمیر کا 3 کھرب 10 ارب سے زائد کا بجٹ پیش

    آزاد کشمیر کا 3 کھرب 10 ارب سے زائد کا بجٹ پیش

    آزادکشمیر حکومت کی جانب سے مالی سال 26-2025 کے لیے تین کھرب 10 ارب روپے سے زائد حجم کا بجٹ پیش کیا جا رہا ہے جو گزشتہ سال کی نسبت 30 فیصد زیادہ ہے۔

    حکام کے مطابق مجوزہ بجٹ میں ترقیاتی اخراجات کے لیے 49 ارب روپے مختص کرنے کی تجویز دی گئی ہے جبکہ غیر ترقیاتی اخراجات کا حجم 261 ارب روپے رکھا گیا ہے بجٹ میں سرکاری ملازمین کی تنخواہوں اور پنشن میں وفاق کے برابر اضافے کی تجویز بھی بجٹ کا حصہ ہے،سرکاری ذرائع کے مطابق آئندہ مالی سال کا یہ بجٹ آزادکشمیر کی تاریخ کا سب سے بڑا بجٹ تصور کیا جا رہا ہے۔

    دوسری جانب آزاد جموں و کشمیر قانون ساز اسمبلی میں بجٹ اجلاس سے قبل اپوزیشن ارکان نے ایوان کے دروازے بند کر کے احتجاج کیا اور دھرنا دیا جس کی وجہ سے حکومتی اراکین ایوان میں داخل نہ ہو سکے اور اجلاس تاخیر کا شکار ہوا۔

    اپوزیشن کا مؤقف ہے کہ حکومت نے قواعد و ضوابط کو بالائے طاق رکھتے ہوئے قواعد انضباط کار معطل کر کے آج ہی بجٹ منظور کرانے کا فیصلہ کیا ہے، جس کی وہ بھرپور مخالفت کرتے ہیں،وزیر خزانہ عبدالماجد خان نے اپوزیشن سے اپیل کی کہ وہ ایوان کے اندر آ کر اپنا احتجاج ریکارڈ کرائیں، انہوں نے اپوزیشن کے اقدام کو غیر قانونی اور غیر پارلیمانی قرار دیا۔

  • آزاد کشمیر، گلگت و ضم شدہ اضلاع پر پانچ سال میں مرحلہ وار ٹیکس کا نفاذ ہوگا

    آزاد کشمیر، گلگت و ضم شدہ اضلاع پر پانچ سال میں مرحلہ وار ٹیکس کا نفاذ ہوگا

    وفاقی وزیر خزانہ محمد اورنگزیب نے مالی سال 2025-26 کا 17 ہزار 573 ارب روپے کا بجٹ قومی اسمبلی میں پیش کر دیا، جس میں خیبرپختونخوا اور بلوچستان کے ضم شدہ اضلاع کو حاصل ٹیکس چھوٹ ختم کرنے اور آئندہ پانچ سال کے دوران مرحلہ وار ٹیکس نافذ کرنے کا اعلان کیا گیا ہے۔

    وزیر خزانہ نے کہا کہ حکومت آزاد کشمیر، گلگت بلتستان اور خیبرپختونخوا کے نئے ضم شدہ اضلاع کی ترقی کو اولین ترجیح دے رہی ہے، جس کے تحت ان علاقوں کے لیے 164 ارب روپے مختص کیے گئے ہیں۔انہوں نے مزید کہا کہ بے نظیر انکم سپورٹ پروگرام کو آزاد جموں و کشمیر، گلگت بلتستان اور خیبرپختونخوا کے نئے ضم شدہ اضلاع تک توسیع دی جائے گی تاکہ زیادہ سے زیادہ مستحق افراد کو فائدہ پہنچایا جا سکے۔

    محمد اورنگزیب نے اعلان کیا کہ بی آئی ایس پی کے تحت کفالت پروگرام کو ایک کروڑ خاندانوں تک وسعت دی جائے گی، جس کے لیے 1928 ارب روپے کی گرانٹس مختص کی گئی ہیں۔ یہ اقدام غربت میں کمی، مالی معاونت اور پسماندہ علاقوں کی فلاح و بہبود کے لیے حکومت کے عزم کی عکاسی کرتا ہے۔

    بجٹ میں فاٹا، پاٹا سمیت سابقہ ٹیکس فری زونز کو قومی دھارے میں لانے کے لیے مرحلہ وار ٹیکس نفاذ کا جامع منصوبہ بھی پیش کیا گیا ہے تاکہ مالیاتی خود انحصاری کی راہ ہموار ہو سکے۔

    ای کامرس کاروبار پرٹیکس ، آن لائن فروخت پر نیا قانون لانے کا اعلان

    یوٹیوبر رجب بٹ اور ساتھیوں کیخلاف زیادتی و بلیک میلنگ کا مقدمہ درج
    پاکستان اور روس کے تعلقات بہتر، دوستی مزید مضبوط ہوگی،آصف علی زرداری

    بھارتی آبی جارحیت، پانی کے ذخائر کے منصوبوں کیلئے 133 ارب مختص، 15 بڑے ڈیمز پر کام تیز

  • راولا کوٹ میں سیکیورٹی فورسز کی کارروائی، 4 دہشت گرد ہلاک، 2 اہلکار شہید

    راولا کوٹ میں سیکیورٹی فورسز کی کارروائی، 4 دہشت گرد ہلاک، 2 اہلکار شہید

    قانون نافذ کرنے والے اداروں نے راولا کوٹ کے نواحی گاؤں حسین کوٹ میں خفیہ اطلاع پر دہشت گردوں کے خلاف کارروائی کرتے ہوئے 4 دہشت گردوں کو ہلاک کر دیا، تاہم فائرنگ کے تبادلے میں دو پولیس اہلکار بھی جام شہادت نوش کر گئے۔

    باغی ٹی وی کے مطابق آزاد کشمیر کے شہر راولاکوٹ میں سیکیورٹی فورسز نے دہشت گردوں کی موجودگی کی مصدقہ اطلاع پر علاقے کو گھیرے میں لیا، جس پر دہشت گردوں کی جانب سے شدید مزاحمت اور فائرنگ کا سامنا کرنا پڑا۔جوابی کارروائی میں چار دہشت گردوں کو موقع پر ہی ہلاک کر دیا گیا۔ پولیس اور قانون نافذ کرنے والے اداروں کے اہلکاروں نے آپریشن میں بھرپور حصہ لیا، تاہم افسوسناک طور پر دو اہلکار فائرنگ کے تبادلے میں شہید ہوگئے۔

    مسجدِ اقصیٰ میں اسرائیلی وزیر کا اشتعال انگیز دورہ، یو اے ای نے اسرائیلی سفیر کو طلب کر لیا

    اسرائیل کی صنعا ایئرپورٹ پر بمباری، یمنی ایئرلائن کا آخری طیارہ تباہ

    بلوچستان لیویز میں بڑی کارروائی: 18 اضلاع کے 62 اہلکار معطل

    ایران پر حملہ نہ کریں، ہم جنگ نہیں، نتیجہ چاہتے ہیں،ٹرمپ کا نیتن یاہو کو پیغام

    آزادکشمیر: تولی پیر میں پولیس وین کھائی میں گرنے سے 5 اہلکار جاں بحق