Tag: آزاد کشمیر

کشمیری شاعر احمد فرہاد کی بازیابی اور اغواء کے ذمہ داران کا تعین کرنے کی درخواست پر سماعت ہوئی

اسلام آباد ہائیکورٹ کے جسٹس محسن اختر کیانی نے عروج زینب کی درخواست پر سماعت کی .درخواست گزار کی جانب سے ایمان مزاری ایڈووکیٹ اور سینئر صحافی حامد میر بطور عدالتی معاون عدالت میں پیش ہوئے،ایڈیشنل اٹارنی جنرل منور اقبال دوگل اور اسسٹنٹ اٹارنی جنرل بیرسٹر عثمان گھمن بھی عدالت میں موجود تھے،ایمان مزاری نے کہا کہ انسداد دہشت گردی کی عدالت نے درخواست ضمانت مسترد کر دی ہے،ابھی ضمانت کی درخواست کو ہائیر فورم پر چیلنج کر رہے ہیں، جسٹس محسن اختر کیانی نے استفسار کیا کہ کیا اس پر کوئی اور بھی پرچہ ہے؟ایمان مزاری نے کہا کہ پہلے ایک مقدمے کا بتایا گیا اور بعد میں ایک اور پرچہ درج ہونے کا بتایا گیا،جسٹس محسن اختر کیانی نے ریمارکس دیتے ہوئے کہا کہ مجھے لگ رہا ہے کہ اس کی مشکلات میں اضافہ ہو رہا ہے،ابھی یہ تو یقین ہے کہ وہ اب جوڈیشل کسٹڈی میں ہے، پولیس اگر ٹرائل میں کسی کو پکڑے اور دو دن تک پیش نہ کرے تو ٹرائل ہی ختم کر دیتے ہیں،

تمام مسنگ پرسنز کے کیسز کے لیے لارجر بنچ کی تشکیل کے لیے چیف جسٹس کو لکھ رہا ہوں.جسٹس محسن اختر کیانی
جسٹس محسن اختر کیانی نے استفسار کیا کہ احمد فرہاد گرفتاری سے قبل کہاں تھا؟ سوال جبری گمشدگی کا ہے، ایڈیشنل اٹارنی جنرل نے کہا کہ اگر مغوی ریکور ہو جائے تو حبسِ بے جا کی درخواست خارج ہو جاتی ہے،یہ کہتے ہیں کہ اغواء کاروں کا تعین کرنے کی ہدایات بھی جاری کی جائیں،یہ بات تفتیش میں سامنے آئے گی، مغوی جوڈیشل کسٹڈی میں ہے اور احمد فرہاد کا 161 کا بیان لکھا گیا ہے،جسٹس محسن اخترکیانی نے کہا کہ تفتیشی افسر نے کشمیر میں جا کر احمد فرہاد کا بیان ریکارڈ کیا ہے؟ ذرا وہ دکھائیں،لکھا ہے کہ میں ذہنی و جسمانی طور پر بیان دینے کے قابل نہیں، یہ بھی لکھا ہے کہ وہ خود عدالت میں پیش ہو کر یا وکیل کے ذریعے بیان دے گا،احمد فرہاد کی واپسی پر تھانہ لوئی بھیر کا تفتیشی جوڈیشل مجسٹریٹ کے سامنے 164 کا بیان کرائے،تمام مسنگ پرسنز کے کیسز کے لیے لارجر بنچ کی تشکیل کے لیے چیف جسٹس کو لکھ رہا ہوں،کریمنل ایڈمنسٹریشن کمیٹی میں ڈی جی آئی ایس آئی اور دیگر بھی پیش ہوں، اسلام آباد میں قانون کی عملداری کیسے ہونی ہے؟ اس پر فیصلے کے لیے معاملہ کمیٹی کو بھجوا رہا ہوں، ان کو مت آسمان پر بٹھائیں، پھر ان کو یہ بات بری لگے گی، قانون کو احترام دیں، ججز سمیت کوئی قانون سے بالاتر نہیں، ادارے اپنی حدود میں کام کریں، انا کے مسئلے میں ایک آدمی دو مقدموں میں چلا گیا، عدالت کی کارروائی کے نتیجے میں وہ دو مقدمات میں چلا گیا جس کی فیملی متاثر ہو رہی ہے،یہ ظلم کا ایک سلسلہ اور روز کا کام ہے، اسلام آباد کی حدود کو عدالتیں دیکھیں گی،قومی سلامتی کے معاملات پر عدالت ان کیمرا پروسیڈنگ اور اس کی رپورٹنگ پر پابندی لگائے گی،لارجر بینچ اس لیے بھجوا رہا ہوں کہ ایک جج کا موقف کچھ اور ہو تو دوسرے ججز بھی دیکھیں، ہو سکتا ہے کہ باقی ممبران اس سے متفق نہ ہوں کہ انٹیلی جنس ایجنسیوں کے سربراہان کو بلانا ہے،ہم نے کہیں بیٹھنا ہے اور طے کرنا ہے کہ کون سی لائن ہے جسے کراس نہیں کرنا،

حامد میر،اسد طور نے وی لاگ میں غلط دلائل رپورٹ کئے،غدار کہنے کی کوشش کی.ایڈیشنل اٹارنی جنرل کا شکوہ
ایڈیشنل اٹارنی جنرل نے کہا کہ گزشتہ سماعت کے بعد حامد میر صاحب اور اسد طور نے وی لاگ کیا، وی لاگ میں آزاد کشمیر غیر ملکی علاقہ سے متعلق مجھ سے منسوب دلائل رپورٹ کیے،میں نے یا کسی اور نے ایسا کچھ نہیں کہا وی لاگ میں غلط کہا گیا، میں نے اس حوالے سے اضافی دستاویزات بھی جمع کروا دی ہیں،جسٹس محسن اخترکیانی نے کہا کہ عدالت نے کسی وی لاگ یا رپورٹنگ پر پابندی نہیں لگائی، ایڈیشنل اٹارنی جنرل نے کہا کہ حامد میر نے ایک کالم لکھا جس میں میرے بیان کا غلط تاثر دینے کی کوشش کی،میں سینئر صحافی کا بہت احترام کرتا ہوں، جسٹس محسن اختر کیانی نے کہا کہ آپ کہتے ہیں کہ آزاد کشمیر کا اپنا وزیراعظم، پارلیمنٹ، آئین اور عدالتیں ہیں، یہ دائرہ اختیار کی بات ہے،صحافی کی اپنی ایک رائے ہے، اخبار خود کہتا ہے کہ اُس کا رائے سے متفق ہونا ضروری نہیں، ایڈیشنل اٹارنی جنرل نے کہا کہ صحافی نے ایک وی لاگ بھی کیا اور وفاق کا حوالہ دے کر غدار کہنے کی کوشش کی،جسٹس محسن اخترکیانی نے کہا کہ ایسی بات نا کریں، عدالت میں موجود حامد میر نے کہا کہ صرف یہ بات نہیں ہوئی کہ کشمیر فارن ٹیریٹری ہے، پراسیکیوٹر جنرل نے یہ بھی کہا ہے کہ کشمیر میں نو مئی جیسے واقعات ہوئے، پراسیکیوٹر جنرل اسلام آباد نے کہا کہ میں نے اس طرح کی بات نہیں کی تھی،جسٹس محسن اختر کیانی نے کہا کہ میں کیا کروں کہ ان کا کالم مسترد کر دوں؟ایڈیشنل اٹارنی جنرل، آپ حامد میر کو چائے پلائیں اور اپنی بات سمجھائیں، جہم نے اس کیس میں حامد میر کو خود عدالتی معاون کے طور پر بلایا ہے، عدالت نے حامد میر کو ہدایت کی کہ آپ بار کے صدر کے ساتھ ایڈیشنل اٹارنی جنرل کے پاس جائیں اور ان کی بات کو بھی سمجھیں،

احمد فرہاد کی درخواست ضمانت مسترد

احمد فرہاد کی بازیابی کیس، گزشتہ سماعت کا تحریری حکمنامہ جاری

وفاقی حکومت نے شاعر اور صحافی احمد فرہاد کی گرفتاری ظاہر کر دی

اسلام آباد ہائیکورٹ،اٹارنی جنرل کی احمد فرہاد کی بازیابی کی یقین دہانی پر سماعت ملتوی

عدالت کا احمد فرہاد کے طبی معائنے کا حکم

سابق وزیراعظم آزاد کشمیر سردار تنویر الیاس کو وزیراعظم کا عہدہ چھوڑنے کے بعد ڈپلومیٹک پاسپورٹ استعمال کرنے پر ایف آئی اے نے گرفتار کرکے عدالت میں پیش کردیا گیا،عدالت نے سردار تنویر الیاس کا 3 روزہ جسمانی ریمانڈ منظور کرلیا۔

ڈسٹرکٹ اینڈ سیشن کورٹس اسلام آباد میں کیس کی سماعت ہوئی،سابق وزیراعظم آزاد کشمیر تنویر الیاس کو ایف آئی اے نے سول جج عباس کی عدالت میں پیش کیا،تنویر الیاس کی جانب سے صابر ملک ایڈووکیٹ اور نوید رضا مغل ایڈووکیٹ عدالت میں پیش ہوئے،دوران سماعت ایف آئی اے پراسیکیوٹر نے دلائل دیتےہوئے کہا کہ "سابق وزیراعظم آزاد کشمیر تنویر الیاس نے وزیراعظم کا عہدہ چھوڑنے کے بعد ڈپلومیٹک پاسپورٹ استعمال کرتے ہوئے سعودی عرب کا دورہ کیا ، قانون کے مطابق وزیراعظم کا عہدہ چھوڑنے کے بعد پاسپورٹ کا استعمال نہیں جا سکتا ،تنویر الیاس کا پاسپورٹ کینسل کیا گیا مگر انہوں نے تاحال واپس نہیں کیا، پاسپورٹ ریکور کروانا ہے 8 دن کا ریمانڈ دیا جائے”۔

وکیل صفائی نے کہا کہ تنویر الیاس سابق وزیر اعظم ہیں لہٰذا ڈپلومیٹک پاسپورٹ استعمال کر سکتے ہیں اور انہوں نے ڈپلومیٹک پاسپورٹ پر بس سعودی عرب کا دورہ کیا،پاسپورٹ ریکور کرنے کے لیے ریمانڈ مانگا ہے ہم پاسپورٹ عدالت میں پیش کرتے ہیں، جس پر ایف آئی اے پراسیکیوٹر نے کہا کہ انہوں نے پاسپورٹ نکال کر جرم کا اقرار کیا ہے،عدالت نے ایف آئی اے پراسیکیوٹر کے آٹھ روز کے جسمانی ریمانڈ کی استدعا مستر د کر دی، عدالت نے تنویر الیاس کا تین روزہ جسمانی ریمانڈ دےدیا

واضح رہے کہ تنویر الیاس کو دو روز قبل گرفتار کیا گیا تھا، گزشتہ روز عدالت نے تنویر الیاس کو عدالت بھجوایا تھا بعد ازاں انکی ضمانت منطور کر لی گئی تھی تا ہم سابق وزیراعظم تنویر الیاس کو ایف آئی اے نے دوسرے مقدمے میں گرفتار کر لیا تھا.

سابق وزیراعظم آزاد کشمیر تنویر الیاس کا بیٹا شراب کیس میں گرفتار

تنویر الیاس نے سپریم کورٹ میں دائر اپیل میں خود کو” وزیراعظم” لکھ دیا،اپیل خارج

تنویر الیاس کے بیٹے کا آزاد کشمیر پولیس و مسلح ملزمان کے ہمراہ سینٹورس پر دھاوا، مقدمہ درج

،وزیر اعظم آزاد کشمیر کو اگر بلایا نہیں گیا تو انہیں جانا نہیں چاہیے تھا،

سردار تنویر الیاس کی نااہلی ، غفلت ، غیر سنجیدگی اور ناتجربہ کاری کھل کر سامنے آگئی 

تنویر الیاس مشکل میں پھنس گئے،سیکرٹ فنڈز کا غیر قانونی استعمال، انکوائری شروع

سابق وزیراعظم آزاد کشمیر سردار تنویر الیاس کو اسلام آباد کے ڈسٹرکٹ اینڈ سیشن کورٹ پیش کر دیا گیا
سابق وزیر اعظم آزاد کشمیر تنویر الیاس کا 14 روزہ جوڈیشل ریمانڈ منظورکر لیا گیا، عدالت نے تنویر الیاس کو جیل بھجوا دیا، اس موقع پر سیکورٹی کے سخت انتظامات کئے گئے تھے، پولیس کی بھاری نفری موجود تھی تا ہم تنویر الیاس کے حامی صحافیوں پر بھڑک اٹھے،گزشتہ رات کیے گئے گرفتار سابق وزیراعظم آزاد کشمیر سردار تنویر الیاس صحافیوں پر غصہ نکالنے لگے. سیشن عدالت میں پیشی کے موقع پر تنویر الیاس، انکے ساتھیوں اور پولیس کی فوٹیج بنانے والے کیمرہ مینوں سے بدتمیزی کی گئی، تشدد کیا گیا اور موبائل فونز چھین لیے گئے، واقعہ پر اسلام آباد کی صحافی تنظیموں نے مذمت کی ہے،اسلام آباد ہائیکورٹ جرنلسٹ ایسوسی ایشن کا کہنا ہے کہ سابق وزیراعظم آزاد کشمیر تنویر الیاس کے حامیوں کی جانب سے کچہری میں ڈیوٹی پر موجود صحافیوں کے ساتھ ہاتھا پائی اور موبائل چھیننے کی مذمت کرتے ہیں۔ اسلام آباد پولیس سے مطالبہ کرتے ہیں کہ واقع میں ملوث تمام افراد کو فوری گرفتاری کرے

گزشتہ رات کیے گئے گرفتار سابق وزیراعظم آزاد کشمیر سردار تنویر الیاس صحافیوں پر غصہ نکالنے لگے. سیشن عدالت میں پیشی کے موقع پر تنویر الیاس، انکے غنڈوں اور پولیس کی فوٹیج بنانے والے کیمرہ مینوں سے بدتمیزی، تشدد کیا اور موبائل فونز چھین لیے pic.twitter.com/juKLlrOsPI

— Hussain Ahmed Ch (@HussainAhmedCh8) May 20, 2024

واضح رہے کہ سابق وزیراعظم آزاد کشمیر تنویر الیاس کو گزشتہ شب اسلام آباد پولیس نے گرفتار کیا تھا،سردار تنویر الیاس کو تھانہ مارگلہ میں درج مقدمے میں گرفتار کیا گیا، تنویر الیاس پر ایف آئی آر ڈپٹی سکیورٹی انچارج دی سینٹورس مال کرنل (ر) ٹیپو سلطان کی جانب سے درج کروائی گئی تھی، جس میں سردار تنویر الیاس، محمد علی، انیل سلطان، رضوان اور دیگر نامعلوم ملزمان کو نامزد کیا گیا ہے۔ درج مقدمہ کے مطابق تنویر الیاس پر ساتھیوں سمیت اسلحہ کے زور پر زبردستی سینٹورس کے دفتر میں گھسنے کا الزام ہے،تنویر الیاس 20 سے 25 مسلح افراد کے ہمراہ زبردستی تالہ توڑ کر دفتر میں داخل ہوئے،گارڈ کو شدید زدوکوب کیا اور زخمی کر دیا۔

سابق وزیراعظم آزاد کشمیر تنویر الیاس کا بیٹا شراب کیس میں گرفتار

تنویر الیاس نے سپریم کورٹ میں دائر اپیل میں خود کو” وزیراعظم” لکھ دیا،اپیل خارج

تنویر الیاس کے بیٹے کا آزاد کشمیر پولیس و مسلح ملزمان کے ہمراہ سینٹورس پر دھاوا، مقدمہ درج

،وزیر اعظم آزاد کشمیر کو اگر بلایا نہیں گیا تو انہیں جانا نہیں چاہیے تھا،

سردار تنویر الیاس کی نااہلی ، غفلت ، غیر سنجیدگی اور ناتجربہ کاری کھل کر سامنے آگئی 

تنویر الیاس مشکل میں پھنس گئے،سیکرٹ فنڈز کا غیر قانونی استعمال، انکوائری شروع

اسلام آباد: وفاقی وزیر اطلاعات عطا تارڑ نے کہا ہے کہ حکومتی اقدامات سے مہنگائی کا جن قابو میں آ رہا ہے اور بیرونی سرمایہ کاری دن بدن بڑھتی جا رہی ہے-

باغی ٹی وی : اسلام آباد میں پارلیمنٹ ہاؤس کے بباہر وزیر امور کشمیر انجینئر امیر مقام کے ہمراہ میڈیا سے گفتگو کرتے ہوئے وفاقی وزیر اطلاعات عطا تارڑ نے کہا کہ تحریک انتشار یہ سوچ رکھتی ہے کہ کسی نہ کسی طرح انتشار پھیلے، ماضی کی نااہل حکومت اور ہماری حکومت میں زمین آسمان کا فرق ہے، ہماری حکومت کا کام زخموں پر مرہم رکھنا ہے-

انہوں نے کہا کہ وزیراعظم کے بروقت نوٹس نے ہمیں ایک سانحے سے بچالیا، جس کی وجہ سے دشمن کی سازش ناکام ہوگئی، کل جب وزیراعظم شہباز شریف نے بلا امتیاز طور پر تمام اسٹیک ہولڈرز کو بلایا تو وفاق کے اعلیٰ عہدیداران اور اتحادی جماعتوں کے نمائندگان موجود تھے جن کے ساتھ مل کر آزاد کشمیر میں مظاہرین کے مسائل کے حل کے لیے فوری اقدامات کیے گئے، میں سمجھتا ہوں یہ حکومت کی کامیابی ہے کہ کیس بڑے نقصان کے بغیر آزاد کمشیر میں ہڑتال ختم ہوئی اور مظاہرین منتشر ہوگئے،یہی وہ فیصلہ سازی ہے جو حکومتوں کو کرنا چاہیے، ماضی کی حکومتیں ایسا نہیں کرتی تھیں،آزاد کشمیر میں جو پولیس والے شہید ہوئے ان کے خاندان کے ساتھ مکمل ہمدردی ہے، آزاد کشمیر کا ایک خصوصی اسٹیٹس ہے اور وفاقی حکومت کی گرانٹ سے آزاد کشمیر حکومت کے معاملات چلائے جاتے ہیں جب کہ مقبوضہ کشمیر کا مسئلہ اقوام متحدہ کی قراردادوں کے مطابق حل ہونا چاہیے۔

آج سچ بولنے کا وقت ہے، آج وقت ہے کہ سب سچ بولیں،علی محمد خان

وفاقی وزیر اطلاعات عطا تارڑ نے کہا کہ مہنگائی میں کمی، اسٹاک ایکسچیج کی کارکردگی بہتر ہورہی ہے، بین الاقوامی وفود آرہے ہیں اور ملک میں سرمایہ کاری کی بات کررہے ہیں تو یہ باتیں ملک دشمن عناصر کو ہضم نہیں ہورہیں اور وہ گھر کے اندر سازش کرتے ہیں جو ناکام ہر گئی ہیں جیل سے باتیں کرنے والے کو اپنی کرپشن کا جواب دینا چاہیے، آپ قیدی ہیں سزا یافتہ ملزم ہیں تو آپ کے قول، خط اور فعل کسی کی وقعت نہیں، آپ نے آئی ایم ایف اور دیگر معاملات میں ملک کو نقصان پہنچانے کی کوشش کی ہم پاکستان کی ترقی کی خاطر ہر قدم اٹھائیں گے اور ملک دشمن عناصر کو کامیاب نہیں ہونے دیں گے، کشمیر ہماری شہ رگ ہے اور کسی کو اس کی طرف میلی آنکھ سے دیکھنے نہیں دیں گے اور سازش کرنے والوں کو ناکام بنائیں گے۔

آئی ایم ایف کا پاکستان کے ٹریک اینڈ ٹریس سسٹم میں خرابیوں پر تشویش کا …

اس موقع پر امیر مقام کا کہنا تھا کہ 9 مئی پر معذرت کریں اور 9 مئی کو تسلیم کریں، پاکستان اور کشمیریوں کی جیت ہوئی ہے، یہ پلان جن لوگوں نے بنایا تھا ان کا خیال تھا کہ لاشیں گریں گی۔