Baaghi TV

Tag: اجلاس

  • او آئی سی اجلاس ، اسلام آباد کو دلہن کی طرح سجانا شروع کردیا گیا

    او آئی سی اجلاس ، اسلام آباد کو دلہن کی طرح سجانا شروع کردیا گیا

    او آئی سی اجلاس ، اسلام آباد کو دلہن کی طرح سجانا شروع کردیا گیا
    پارلیمنٹ میں صفائی، رنگ وروغن ،شاہرہ دستورسمیت دیگر شاہرائوں پر پھول ،لائٹیں،سڑکوں کی کارپیٹنگ و لائنگ کا کام جاری

    اسلام آباد(محمداویس)او آئی سی اجلاس کے لیے وفاقی دارلحکومت اسلام آبادکو دلہن کی طرح سجانا شروع کردیاگیا،پارلیمنٹ میںصفائی رنگ وروغن شاہرہ دستورسمیت جن شاہرائوں پر وفود نے پارلیمنٹ تک پہنچناہے وہاں پر بھی پھول ،لائٹیں،سڑکوں کی کارپیٹنگ و لائنگ کا کام جاری ہے ۔باغی ٹی وی کے مطابق مطابق او آئی سی (آرگنائزیشن آف اسلامک کوپرایشن) کا اجلاس 19دسمبر کوپاکستان میں ہونے جارہاہے او آئی سی کی تقریب کے لیے پارلیمنٹ کو منتخب کیا گیا ہے اور اس کے لیے قومی اسمبلی کا ہال استعمال کیا جائے گا جس کے لیے پہلے ہی قومی اسمبلی نے تحریک پاس کرکے او آئی سی اجلاس کے لیے ہال دینے کی اجازت دے دی ہے ۔جس کے بعد انتظامیہ نے او آئی سی اجلاس کے لیے تیاریاں تیز کردی ہیں پوری پارلیمنٹ کی عمارت میں رنگ وروغن کاکام تیزی کے ساتھ جاری ہے پارلیمنٹ کے اندر لائٹیں تبدیل کی جارہی ہیں

    قومی اسمبلی کے ہال میں کارپٹ صاف اور نئے ڈالے جارہے ہیں صفائی کے لیے خصوصی عملہ لایاگیاہے جو پوری عمارت کی کیمیکلز کے ذریعے سے صفائی کررہاہے اس کے ساتھ پارلیمنٹ کی عمارت کے بارشاہراہ دستور پر انتظامیہ سڑک اکھڑکر دوبارہ کارپیٹنگ کررہی ہے فٹ پاتھ اور ٹھیک اور ان کورنگ دیاجارہاہے نئے پھول وپودے لگائے جارہے ہیں لائٹ پول کے ساتھ مزید مختلف ڈیزائن کی لائٹیں لگائی جارہی ہیں جبکہ درختوں وپودوں کومختلف رنگوں سے روشن کرنے کے بھی انتظام کئے جارہے ہیں ۔اس کے ساتھ وی آئی پی وفودکو ائیرپورٹ سے پارلیمنٹ تک لانے کے راستوں کی بھی خصوصی صفائی اور رنگ وروغن کاکام جارہی ہے اسلام آباد ہائی وئے او رایکسپریس وے پر سڑکوں کی دوبارہ کارپٹنگ کی جارہی ہے سڑکوں پر لائنیں لگائی جارہیں تاکہ مسلم ملک کے سامنے پاکستان کی بہترین تصویر پیش کی جاسکے ۔

    او آئی سی وزرائے خارجہ کونسل کے 19 دسمبر کو اسلام آباد میں منعقد ہونے والے غیر معمولی اجلاس کے حوالے سے وزیر خارجہ شاہ محمود قریشی کی جانب سے جاری بیان میں کہا گیا ہے کہ اس اجلاس میں کچھ بین الاقوامی اور علاقائی تنظیموں کو بھی مدعو کیا جارہا ہے-

    انہوں نے جاری بیان میں کہا کہ اس غیر معمولی اجلاس کا مقصد، افغانستان کی سنگین انسانی صورتحال پر غور و خوض کرنا اور موثر لائحہ عمل طے کرنا ہے، اقوام متحدہ کے تخمینے کے مطابق اس وقت افغانستان کے 38 ملین افراد میں سے 50 فیصد کو بھوک کے سنگین بحران کا سامنا ہے اور یہ صورتحال روز بروز بدتر ہوتی جا رہی ہے۔

    وزیر خارجہ نے کہا کہ سردیوں کی آمد نے افغانستان کی صورتحال کو مزید گھمبیر بنا دیا ہے، اگر اس صورت حال پر بروقت توجہ نہ دی گئی تو ایک بڑا انسانی بحران جنم لے سکتا ہے، افغانستان او آئی سی کے بانی اراکین میں شامل ہے، امت مسلمہ کا حصہ ہونے کے ناطے، ہم افغانستان کے لوگوں کے ساتھ دوستی اور بھائی چارے کے برادرانہ بندھنوں میں بندھے ہوئے ہیں، او آئی سی نے ہمیشہ افغانستان کے عوام کی حمایت کی ہے، آج پہلے سے کہیں زیادہ افغان عوام کو او آئی سی سمیت عالمی برادری کی حمایت کی ضرورت ہے تاہم پاکستان اس ضمن میں مسلسل اپنی سفارتی کاوشیں جاری رکھے ہوئے ہے۔

    شاہ محمود قریشی نے کہا کہ ورلڈ فوڈ پروگرام نے خبردار کیا ہے کہ افغانستان میں 3.2 ملین بچے شدید غذائی قلت کے خطرات سے دوچار ہیں، یو این او سی ایچ اے کے مطابق، جنوری اور ستمبر 2021 کے درمیان 665,000 نئے افراد افغانستان کے اندر بے گھر ہوئے ہیں، قبل ازیں، افغانستان میں اندرونی طور پر بے گھر ہونے والے 2.9 ملین افراد اس کے علاوہ ہیں تاہم پاکستان اپنے محدود وسائل کے باوجود، پچھلی کئی دہائیوں سے 40 لاکھ افغان مہاجرین کی میزبانی کر رہا ہے۔

    ترکی طالبان کے ساتھ تعاون کے لیے تیار

    امریکی سیکریٹری خارجہ کا سعودی وزیر خارجہ سے رابطہ

    انتظار کی گھڑیاں ختم، طالبان کا اسلامی حکومت تشکیل دینے کا اعلان

    طالبان اب واقعی بدل گئے، کابل کے شہریوں کی رائے

    جنہوں نے حملہ کیا وہ اس کی قیمت چکائیں گے، جوبائیڈن کا کابل دھماکوں پر ردعمل

    امریکی فضائیہ کے طیاروں کی پاکستانی فضائی حدود میں پرواز

    کابل ایئر پورٹ، مزید دھماکوں کا خدشہ برقرار،دو ممالک کا انخلا ختم کرنیکا اعلان

    امریکا کا افغانستان کے شہرجلال آباد پر فضائی حملہ

    کابل ائیرپورٹ پر راکٹ حملوں کو دفاعی نظام کے زریعے روک لیا ،امریکی عہدیدار

    مقبوضہ کشمیر، ریاض نائیکو کے ہمراہ حریت رہنما کے بیٹے کو بھی بھارتی فوج نے کیا شہید

    افغان طالبان نے عیدالفطرکے بعد ہندوستان میں جہاد شروع کرنے کا اعلان کردیا

    سرینگر ،بھارتی فوج اور مجاہدین کے مابین جھڑپ ,ایک فوجی ہلاک، 5زخمی

    چئرمین تحریک حریت کا فرزند ارجمند کشمیر کی مٹی پر جان نچھاور کر گیا، باغی سپیشل رپورٹ

    او آئی سے اجلاس سے خطاب میں وزیر خارجہ نے او آئی سی اور عالمی دنیا سے کیا بڑا مطالبہ

    کشمیر میں بھارتی ڈومیسائل کا نیا قانون، او آئی سی نے بڑا اعلان کر دیا

    وزیرخارجہ شاہ محمودقریشی کی نائیجر میں او آئی سی اجلاس سے قبل اہم ملاقات

     او آئی سی کو قابض قوتوں کے خلاف دباؤ بڑھانے کے لئے عملی اقدامات کرنا ہوں گے

  • گوادر،غیر قانونی ماہی گیری بارے اجلاس میں ہوا بڑا فیصلہ

    گوادر،غیر قانونی ماہی گیری بارے اجلاس میں ہوا بڑا فیصلہ

    گوادر،غیر قانونی ماہی گیری بارے اجلاس میں ہوا بڑا فیصلہ

    چیف سیکرٹری بلوچستان مطہر نیاز رانا کی زیر صدارت گوادر میں اعلیٰ سطحی اجلاس منعقد ہوئی۔

    اجلاس میں کمشنر مکران ڈویژن شبیر مینگل، چئیرمن گوادر بندر گاہ نصیر خان کاشانی، ڈاٹریکٹر جنرل ادارہ ترقیات گوادر مجیب الرحمٰن قمبرانی،ڈپئی کمشنر گوادر کپٹن ریٹائرڈ جمیل احمد بلوچ سمیت دیگر اعلیٰ حکام شریک تھے۔ اجلاس میں غیر قانونی لڑالنگ اور غیر قانونی ماہی گیری کے روک تھام سمیت دیگر امور کا جائزلیا گیا۔

    اجلاس میں فیصلہ کیا گیا کہ گوادر میں زیر تعمیر نیو انٹرنیشنل ایئرپورٹ کا پروجیکٹ ڈائریکٹر آفس کراچی سے گوادر منتقل ھوگا اور آئندہ پروجکیٹ ڈائریکٹر اپنے آفس گوادر میں بیٹھیں گے چیف سیکرٹری نے اجلاس سے خطاب کرتے ہوئے کہا کہ گوادر میں پینے صاف پانی کی فراہمی کا مسلہ حل کردیا گیا ھے جن منصوبوں پر کام تیزی جاری ہے ان جلد پایہ تکمیل تک پہنچ جائیگا۔چیف سیکرٹری نے اجلاس میں برہمی کا اظہار کیا ہے کہ افیسران اپنی صلاحیتوں کو صحیح بروکار نہیں لا رہے انہوں نے ہدایت کی کہ افسر اپنی تمام تر صلاحیتیں لوگوں کو بنیادی سہولتوں کی فراہمی کے لیے بروکارلائیں اور لوگوں کی فلاح و بہبود کے لیے اقدامات کیے جائیں چیف سیکرٹری نے کہا وزیر اعظم عمران خان کے خصوصی احکامات کی روشنی میں گوادرکے مسائل کو فوری طور پر حل کیا جارہا ہے جس کے تحت غیر قانونی فشنگ ٹرالرز پر مکمل پابندی عائد کر دی گئی ہے۔ ماہی گیروں کے مسائل کے حل کے لیے ڈی جی فشیریز کے مرکزی دفتر کو فی الفور کوئٹہ سے گوادر منتقل کر دیا گیا ہے۔ غیر قانونی ٹرالنگ روکنے کے لیے محکمہ فشریز اور دیگر اداروں کے اہلکاروں کا گشت بڑھا دیا گیا ہے۔ انہوں نے کہا کہ حکومت کی کوشش ھے کہ لوگوں کی بنیادی سہولتوں کی فراہمی ان کے دہلیز پر فراہم کی جائے جس کے لئے فوری طور پر اقدامات کیے جارہے ہیں،اجلاس میں فوری طور گوادر ایک فائر بریگیڈ فراہم کرنے کی ھدایت کی

    سیکرٹری بلوچستان مطہر نیاز رانا کے زیر صدارت آل پارٹیز کا اجلاس منعقد ہوا اجلاس میں لوگوں کے بنیادی سہولتوں کی فراہمی سے متعلق امور پر تبادلہ خیال کیا گیا اجلاس میں بتایا گیا کہ گوادر اولڈ سٹی کی تعمیر ومرمت میں مقامی لوگوں کے مشاورات تجاویز س عملدرآمد کی جائے گی.اجلاس میں بتایا گیا ہے گوادر میں ایک نرسنگ اسکول کی منظوری ہوئی ہے بہت جلد گوادر نرسنگ اسکول میں داخلہ اور کلاسز شروع ھوجائیں گے۔ اجلاس میں کمشنر مکران ڈویژن شبیر مینگل، چئیرمن گوادر بندر گاہ نصیر خان کاشانی، ڈاٹریکٹر جنرل ادارہ ترقیات گوادر مجیب الرحمٰن قمبرانی،ڈپئی کمشنر گوادر کیپٹن ریٹائرڈ جمیل احمد بلوچ سمیت دیگر اعلیٰ حکام شریک تھے۔ ا

    جلاس میں فیصلہ کیا گیا کہ لوگوں کے مسائل حل اور ان کو بنیادی سہولتوں کی فراہمی کے لیے کمشنر مکران ہفتے میں تین دن گوادر میں کمیپ آفس قائم کریں اور لوگوں کے مسائل سنیں گے
    چیف سیکرٹری نے غیر قانونی فشنگ کی روک تھام کیلئے اقدامات اٹھائے جارہے ہیں جبکہ حکومت غیر قانونی فشنگ کی روک تھام کیلئے مؤثر اقدامات اٹھارہی ہے اور بہت جلد غیر قانونی لڑالنگ کی روک تھام ھو جائے گی چیف سیکرٹری بلوچستان نے کہا کہ وہ گوادر میں اجلاس کرنے نہیں آتا ھوں بلکہ ان کے آنے کا مقصد لوگوں کو بنیادی سہولتوں کی فراہمی کو یقینی بنانا ہے۔

  • وزیر اعظم کی زیر صدارت اجلاس، آرمی چیف کی شرکت،سری لنکن مینجر کے قتل کے ظالمانہ فعل پر تشویش کا اظہار

    وزیر اعظم کی زیر صدارت اجلاس، آرمی چیف کی شرکت،سری لنکن مینجر کے قتل کے ظالمانہ فعل پر تشویش کا اظہار

    وزیر اعظم عمران خان کی زیر صدارت ملک کی مجموعی سکیورٹی صورتحال پر جائزے کیلئے اجلاس ہوا-

    باغی ٹی وی : تفصیلات کے مطابق اجلاس میں آرمی چیف جنرل قمر جاوید باجوہ، وزیر اطلاعات فواد چوہدری، وزیر داخلہ شیخ رشید، معاون خصوصی برائے قومی سلامتی ڈاکٹر معید یوسف، وزیراعلیٰ پنجاب عثمان بزدار اور اعلیٰ عسکری و سول افسران نے شرکت کی ۔

    قائمہ کمیٹی برائے خزانہ کا اجلاس ، سیالکوٹ واقعہ پرکی مذمت

    اعلامیے کے مطابق اجلاس میں سیالکوٹ کی فیکٹری میں سری لنکا سے تعلق رکھنے والے منیجر کے قتل کے ظالمانہ فعل پر تشویش کا اظہار کیا گیااجلاس میں قصور واروں کو انصاف کے کٹہرے میں لانے کے عزم کا اظہار کیا گیا۔

    اجلاس کے شرکا نے مؤقف اپنایا کہ افراد اور ہجوم کو قانون ہاتھ میں لینے کی اجازت نہیں دی جاسکتی، ایسے واقعات کو برداشت نہیں کیا جاسکتا ایسے واقعات کی روک تھام کیلئے ایک جامع حکمت عملی پر عمل درآمد کیا جائے گا، تمام مجرموں کو سخت سزائیں دی جائیں گی علاوہ ازیں سری لنکن منیجر کو بچانے کی کوشش کرنے والے ملک عدنان کی بہادری اور جرأت کی بھی تعریف کی گئی۔

    سیالکوٹ واقعہ کی ابتدائی رپورٹ پیش،گرفتار افراد میں سے 13اہم ملزمان کی تصاویر جاری

    اعلامیے کے مطابق ملک عدنان نے سری لنکن شہری کو بچانے کے لیے اپنی جان خطرے میں ڈالی اجلاس میں سری لنکن شہری کے اہل خانہ سے بھی تعزیت کا اظہار کیا گیا۔

    واضح رہے کہ اس سے قبل وزیراعظم عمران خان نے ملک عدنان کو تمغہ شجاعت دینے کا اعلان کیا تھا انہوں نے کہا تھا کہ وہ پوری قوم کی جانب سے ملک عدنان کی اخلاقی جرات اور بہادری کو سلام پیش کرنا چاہتے ہیں ملک عدنان نے اپنی جان کو خطرے میں ڈال کر پریانتھا کمارا کو مشتعل ہجوم سے بچانے کی ہرممکن کوشش کی۔

    سیالکوٹ میں تشدد سے ہلاک ہونیوالے سری لنکن منیجر کا پوسٹمارٹم مکمل:پریشان کن حقائق

    علاوہ ازیں سیالکوٹ میں سری لنکن شہری کو بچانے کی کوشش کرنے پر پنجاب حکومت نے ملک عدنان کو انسانی حقوق کا ایوارڈ د ینے کا اعلان کیا تھا صوبا ئی وزیر انسانی حقوق اعجاز عالم کا کہنا تھا کہ ملک عدنان کو 10 دسمبر کو انسانی حقوق کے عالمی دن پر ایوارڈ دیا جائے گا ملک عدنان نے سری لنکن منیجر کو بچانے کی ہر ممکنہ کوشش کی خوشی ہے کہ ملک عدنان نے انسانیت کی بہترین مثال قائم کی۔

    نعرہ عشق رسول ہی نہیں سیرت رسول کا بھی مطالعہ کرو ازقلم: غنی محمود قصوری

  • ڈسٹرکٹ پریس کلب قصور کا مشاورتی اجلاس

    ڈسٹرکٹ پریس کلب قصور کا مشاورتی اجلاس

    قصور
    ڈسٹرکٹ پریس کلب قصور کا مشاورتی اجلاس زیر صدرات قائم مقام صدر پیر افضل حیدر،چئیرمین الیکشن بورڈ سردار شریف سوہڈل اور سئینر جرنلسٹ کوٹ رادہاکش ملک عبدالعزیر کی زیر صدارت ہوا

    تفصیلات کے مطابق کل ڈسٹرکٹ پریس کلب قصور کا مشاورتی اجلاس قائم مقام صدر پیر افضل حیدر ،چئیرمین الیکشن بورڈ سردار شریف سوہڈل و سینئر جرنلسٹ کوٹ رادہاکشن ملک عبدالعزیر کی زیر صدرات ہوا منعقد ہوا صدر حافظ شریف اشرف کی علالت کے باعث صدرات قائم مقام صدر پیر افضل حیدر نے کی جس میں عہدیداران و ممبران نے متفقہ فیصلہ کیا کہ اگلے اجلاس تک سابقہ باڈی کو تحلیل نہیں کیا جائیگا اور بعد میں الیکشن کی تاریخ مقرر کی جائے گی نیز سردار شریف سوہڈل نے کہا کہ صحافت ایک مقدس فریضہ ہے ہمیں ڈر و خوف کو بالائے طاق رکھ کر مظلوموں کی آواز بننا ہو گا اور جو صحافی پورے سال میں سب سے زیادہ مظلوم و مجبور لوگوں کی آواز بنے گا اسے ان شاءاللہ عمرہ کروایا جائے گا اور یہ سلسلہ جاری رکھا جائے گا تقریب کل 4 بجے تک جاری رہی جس میں ممبران سے بھی مشاورت کی گئی اور تقریب کے اختتام پر صدر پریس کلب حافظ شریف اشرف کی صحت یابی کے لئے دعا بھی کی گئی

  • ڈسٹرکٹ پریس کلب کا مشاورتی اجلاس طلب

    ڈسٹرکٹ پریس کلب کا مشاورتی اجلاس طلب

    قصور
    ڈسٹرکٹ پریس کلب قصور کا ہنگامی مشاورتی اجلاس طلب،الیکشن 2021 کے متعلق ممبران و عہدیداران سے مشاورت کی جائے گی

    تفصیلات کے مطابق ڈسٹرکٹ پریس کلب قصور میں کل ایک ہنگامی مشاورتی اجلاس طلب کیا گیا ہے جس کی صدارت عہدیداران پریس کلب و چئیرمین الیکشن بورڈ سردار شریف سوہڈل کرینگے اجلاس میں پریس کلب کے 500 کے قریب ممبران و عہدیداران شرکت کرینگے جس میں سال 2021 کے الیکشن کیلئے ممبران و عہدیداران سے مشاورت کرکے الیکشن کی تاریخ کا اعلان کیا جائے گا اجلاس کل بروز پیر بوقت صبح 11 بجے شروع ہو گا

  • ایپکا کا ہنگامی اجلاس آج لاہور میں ہوگا

    ایپکا کا ہنگامی اجلاس آج لاہور میں ہوگا

    قصور
    زکوٰۃ ایمپلایز ایسوسی ایشن کا ھنگامی اجلاس آج ہوگا
    تفصیلات کے مطابق صوبائی زکوٰۃ ایمپلایز ایسوسی ایشن ،ایپکا، پنجاب کا ھنگامی اجلاس آج ہوگا ، صوبائی کوآرڈینیٹر خیر بحش لغاری زکوٰۃ ایمپلایز ایسوسی ایشن ایپکا پنجاب نے ھنگامی اجلاس ( 08 _ 03 _ 2021 ) کو ٹاون ھال لاھور میں طلب کر لیا ہے اجلاس کی خصوصی قیادت حاجی محمد ارشاد چوہدری مرکزی صدر ایپکا پاکستان کریں گے نیز صدارت مہر محمد منیر قصوری صوبائی صدر محکمہ زکوۃ ایمپلایز ایسوسی ایشن ایپکا پنجاب اور صوبائی چیئرمین یاسین صابر بھی کرینگے
    اجلاس میں صوبائی عہدیداروں، زکوٰۃ پیڈ سٹاف ، ڈویثزنل عہددران زکوٰۃ پیڈ سٹاف ، ضلعی عہددران زکوٰۃ پیڈ سٹاف شرکت کرینگے اجلاس میں ایک ھی ایجنڈا ھے کہ
    ( 06_11_ 2018 ) کو وزیر اعلی صاحب پنجاب کی تشکیل کردہ کمیٹی کا اجلاس جناب راجہ بشارت صوبائی وزیر قانون پنجاب کی سربراہی میں ھوا تھا جس میں فیصلہ کیا گیا تھا کہ زکوٰۃ فیلڈ کلرکوں کو 2004 کی پالیسی کے مطابق کنٹریکٹ دیا جائے اور آڈٹ سٹاف کو ریگولر کیا جائے مگر 2 سال 5 ماہ گزر گئے ابھی تک نوٹیفکیشن جاری نہیں کیا گیا جوکہ زکوٰۃ پیڈ سٹاف کے ساتھ ذیادتی ھے

  • ریکیسو کی کارکردگی پر اجلاس

    ریکیسو کی کارکردگی پر اجلاس

    قصو ر
    ریسکیو 1122 نے فروری کے مہینے میں 1804 ایمرجینسی متاثرین کو ریسکیو کیا,انجینئرسلطان محمود انچارج ریسکیو قصور
    تفصیلات کے مطابق ڈسٹرکٹ ایمرجینسی آفیسر ریسکیو 1122 قصورانجینئر سلطان محمود کی زیر صدارت ماہانہ اجلاس منعقد کیا گیا اور اجلاس میں گزشتہ ماہ کے دوران ریسکیو سروس کی کارگردگی کا جائزہ لیا گیا
    رپورٹ کے مطابق ریسکیو 1122 قصور نے فروری کے مہینے میں 1836 ریسکیو آپریشنز انجام دیے ان آپریشنز میں 1804ایمرجنسی متاثرین کو ریسکیو کیا جن میں سے 246 افراد کو موقع پرطبی امداد دی گئی 48 افراد مختلف حادثات میں جاں بحق ہوئے اس کے علاوہ 1510 افراد کو طبی امداد دیتے ہوئے ہسپتال منتقل کیا لڑائی جھگڑے اور فائرنگ کے,56روڈ ٹریفک ایکسیڈنٹ 686 میڈیکل 912 اور عمارتیں گرنے کے 3 واقعات رپورٹ ہوئے اس دوران سروس نے سات منٹ سے کم اوسط ریسپانس ٹائم بھی برقرار رکھا جبکہ روزانہ اوسط ایمرجنسی کی تعداد 66 رہی فروری کے مہینے میں قصورمیں آگ لگنے کے29 حادثات میں بروقت اور جدید طرز فائر فائٹنگ کرتے ہوئے سانحات بننے سے بچا یا گیا جس سے شہریوں کو احساس فراہم ہوا

  • پنجاب اسمبلی نے بل منظور کر دیا، ریسکیو 1122 کا ادارہ مزید پھلے پھولے گا، چودھری پرویزالٰہی

    پنجاب اسمبلی نے بل منظور کر دیا، ریسکیو 1122 کا ادارہ مزید پھلے پھولے گا، چودھری پرویزالٰہی

    پنجاب اسمبلی کا اجلاس سپیکر چودھری پرویزالٰہی کی زیر صدارت شروع ہوا۔ اجلاس میں محکمہ کان کنی و معدنیات کے متعلق سوالات دریافت کئے گئے جن کے جوابات صوبائی وزیرکان کنی و معدنیات حافظ عمار یاسر نے دئیے۔ سپیکر پنجاب اسمبلی چودھری پرویزالٰہی کی خصوصی ہدایت پرپنجاب ایمرجنسی سروس ترمیمی بل 2021 ایجنڈے میں شامل کیا گیا، پاکستان مسلم لیگ کی رکن اسمبلی خدیجہ عمر نے بل پیش کیا جسے پنجاب اسمبلی کے ایوان نے متفقہ طور پر منظور کر لیا۔ سپیکر پنجاب اسمبلی نے ریسکیو 1122 ترمیمی بل 2021 کی منظوری کے بعدایوان میں اظہار خیال کرتے ہوئے کہا کہ بل کی منظوری سے ریسکیو 1122 کو خود مختار ادارے کا درجہ مل گیا اور اب ادارے کا سروس اسٹرکچر بن سکے گا، پنجاب ایمرجنسی کونسل کے باعث ادارے کے حوالے سے حائل رکاوٹیں دور کر دی گئیں، اب پنجاب ایمرجنسی کونسل کا اجلاس وزیر قانون طلب کر سکے گا۔ سپیکر نے کہا کہ بل کی منظوری کے باعث ادارے میں سروسز سرانجام دینے والوں کیلئے بہتر مستقبل کے اقدامات ہوسکیں گے۔ انہوں نے کہا کہ یہ ادارہ الحمدللہ میرے ہاتھوں سے بنا، اللہ نے آج اس ادارے کو مزید بہتر بنانے کیلئے قانون سازی کا موقع دیا۔ چودھری پرویزالٰہی نے کہا کہ پنجاب اسمبلی نے آج ایسا تاریخی بل منظور کیا ہے جس سے ریسکیو 1122 کا ادارہ مزید پھلے پھولے گا اور عوامی خدمت اور ریلیف کے سفر کو مزید آگے بڑھائے گا.

  • بی او جی 61ویں اجلاس کی کارروائی میں اہم معاملات زیرِ بحث

    بی او جی 61ویں اجلاس کی کارروائی میں اہم معاملات زیرِ بحث

    کراچی، پاکستان کرکٹ بورڈ کے بورڈ آف گورنرز کا 61واں اجلاس ہفتے کے روز کراچی میں منعقد ہوا۔
    اجلاس میں زیرِ بحث معاملات کی تفصیلات مندرجہ ذیل ہے:
    چھ کرکٹ ایسوسی ایشنز کے فرسٹ بورڈز ہونگے۔ پی سی بی کے آئین 2019 کی شق 16 کے تحت بی او جی نے چھ کرکٹ ایسوسی ایشنز کےلیے فرسٹ بورڈز کی منظوری دے دی ہے۔فرسٹ بورڈز کی منظوری ایک سالہ مدت کے لیے دی گئی ہے۔اس مدت کے دوران، یہ فرسٹ بورڈز ماڈل آئین برائے سٹی کرکٹ اور کرکٹ ایسوسی ایشنز میں منیجمنٹ کمیٹیز کو سونپی جانی والی ذمہ داریاں نبھائیں گے۔ اس میں روز مرہ کے معاملات چلانے اور کرکٹ کلبز کی رجسٹریشن کے ابتدائی عمل کی نگرانی کرنا بھی شامل ہے، ان ذمہ داریوں میں کرکٹ ایونٹس کا انعقاد بھی شامل ہے۔

    ہر فرسٹ بورڈ میں مختلف شعبہ ہائے زندگی سے تعلق رکھنے والے ان اعلیٰ پائے کے افراد کو شامل کیا گیا ہے کہ جن سے پی سی بی کو یقین ہے کہ وہ منتخب شدہ کرکٹ ایسوسی ایشنز کو بروقت اور بآسانی اختیارات منتقل کردیں گے۔
    بلوچستان کرکٹ ایسوسی ایشن: قاسم خان جمالی (چیئرمین)، عرفان احمد اعوان، منور خان ترین، مراد اسماعیل، نرگس حمید اللہ، شاہ دوست، سید فرید الدین اور ظفر اللہ جدگال۔

    سینٹرل پنجاب کرکٹ ایسوسی ایشن:عبداللہ خان سنبل (چیئرمین)، احمد علی جان، عامر الیاس بٹ، ارشد احمد خان، عاطف نعیم رانا، بابر الطاف بٹ، شاہ ریز عبداللہ روکھڑی، محمد عمر اور سرفراز احمد باجوہ۔

    خیبر پختون خواہ کرکٹ ایسوسی ایشن: انور زیب جان (چیئرمین)، عامر نواب، عبدالجلیل خان، فیاض علی شاہ، حارث بلال آفریدی، اخلاق احمد خان، کبیر احمد خان، محمد جاوید آفریدی، روزامین خان اور شاہد خان شنواری۔

    ناردرن کرکٹ ایسوسی ایشن: سلیم اصغر میاں (چیئرمین)، عبدالسمیع، آصف فریدی، محمد ایاز بٹ، ندیم احمد عباسی، کرنل ریٹائرڈ نوشاد علی، راجہ ایم ضیاء اشرف اور تنویر احمد۔

    سندھ کرکٹ ایسوسی ایشن: عمران حسین (چیئرمین)، عبدالرقیب، آفتاب بلوچ، آغا جاوید احمد، ہدیل عبید، جمیل اے مغل، لیفٹیننٹ جنرل ریٹائرڈ جاوید ضیاء اور سید فاروق حسین شاہ۔

    سدرن پنجاب کرکٹ ایسوسی ایشن: محمد انیس خواجہ (چیئرمین)، علی خان ترین، حسن حسین قریشی، خالد فاروق، شاہد احمد بٹ اور تیمور الطاف ملک۔

    کلب رجسٹریشنز اور سٹی کرکٹ ایسوسی ایشن کے ایونٹس: بی او جی کو بتایا گیا کہ پاکستان بھر میں کلبز کی رجسٹریشن آئندہ ماہ کے آغاز سے شروع ہوجائے گی، جس کی تمام تر تفصیلات مناسب وقت پر جاری کردی جائیں گی تاہم رجسٹریشن کے اس عمل میں صرف کلبز کے صدور کو ہی رجسٹریشن کرانے کی اجازت ہوگی، اس حوالے سے تمام تر معلومات کی تصدیق اور جانچ پڑتال کے لیے تمام متعلقہ ڈیٹا فرسٹ بورڈز کو منتقل کیا جائے گا۔
    جو کلب سال 18-2017 اور 19-2018 میں فضل محمود کلب ٹورنامنٹس میں شرکت کرچکا ہوگا، اسے ووٹنگ کا حق دیا جائے گا۔ ایسے کلب جنہوں نے ان مندرجہ بالا ایونٹ میں شرکت نہیں کی اور وہ اہلیت کے مقررہ معیار پر پورا نہیں اترتےانہیں ووٹنگ رائٹس دوسری سکروٹنی کے بعد ملیں گے تاہم پلیئنگ رائٹس تمام کلبز کے پاس ہوں گے۔ بی او جی نے الیکشن کے ضابطے اور ڈومیسٹک کرکٹ کے بائی لاز میں مجوزہ تبدیلیوں کی منظوری دے دی۔
    بی او جی کو بتایا گیا کہ مئی کے آخر سے شروع ہونے والے سٹی کرکٹ ایسوسی ایشنز کے ٹورنامنٹس کے انعقاد میں پی سی بی تمام متعلقہ فرسٹ بورڈز کی معاونت کرے گا۔ یہ ٹورنامنٹس ڈومیسٹک سیزن 22-2021 کے لیے ٹیموں کی تیاری میں مدددیں گے۔ اس حوالے سے مزید تفصیلات مناسب وقت پر جاری کی جائیں گی۔

    چیئرمین اور چیف ایگزیکٹو کی رپورٹس: چیئرمین نے بی او جی کو انٹرنیشنل معاملات، ڈومیسٹک اور انٹرنیشنل میڈیا رائٹس پر تفصیلی بریفنگ دی۔ چیف ایگزیکٹو پی سی بی وسیم خان نے بی او جی کو کرکٹ سے متعلق معاملات پر بریفنگ دی، جس میں قومی کرکٹ ٹیم کی کارکردگی کا جائزہ، ہائی پرفار منس کے ایونٹس اور ایچ بی ایل پاکستان سپرلیگ 2021 شامل تھے۔ بی او جی نے دورہ نیوزی لینڈ کے بعد قومی کرکٹ ٹیم کی جنوبی افریقہ کے خلاف ہوم سیریز میں عمدہ کارکردگی کو سراہا۔ بورڈ آف گورنرز نے کورونا وائرس کی وباء کے باوجود ڈومیسٹک سیزن 21-2020 کے کامیاب انعقاد پر شعبہ ہائی پرفارمنس کو مبارکباد پیش کی۔ سیزن میں کُل 9 ایونٹس میں 220 میچز کھیلے گئے۔
    بی او جی کو بتایا گیا کہ قومی خواتین کرکٹ ٹیم دورہ جنوبی افریقہ مکمل کرنے کے بعد زمبابوے پہنچی تاہم وہاں فلائٹ آپریشن معطل ہونے کی وجہ سے نیشنل ویمنز ٹیم کو دورہ زمبابوے جلد ختم کرکے وطن واپس لوٹنا پڑا۔
    بی او جی کو ایچ بی ایل پاکستان سپر لیگ 2021 پر بھی اپ ڈیٹ دی گئی کہ وہاں توقعات کے مطابق مسابقتی کرکٹ اور سنسنی خیز میچز جاری ہیں۔

  • چیئرمین پی اینڈ ڈی بورڈ کے زیر صدارت اجلاس میں 8 ترقیاتی سکیميں منظور

    چیئرمین پی اینڈ ڈی بورڈ کے زیر صدارت اجلاس میں 8 ترقیاتی سکیميں منظور

    چیئرمین پی اینڈ ڈی بورڈ کی زیر صدارت صوبائی ترقیاتی ورکنگ پارٹی کا اجلاس ہوا۔ اس میں مختلف سیکٹرز کی 8 ترقیاتی سکیموں کی منظوری دی۔
    ننکانہ صاحب میں بابا گرونانک یونیورسٹی (فیز ;73;) کیلئے 2 ارب 14 کروڑ 69 لاکھ 96 ہزار روپے کی منظوری
    دے دی ۔ ڈی جی خان میں چوکی والا تا آٹومک انرجی منصوبہ تک میٹلڈ روڈ کی کشادگی کیلئے 87 کروڑ 32 ہزار روپے منظور ہو گئے۔ ڈی جی خان میں کوٹ قیصرانی تا ویہوا برآستہ جھوک بودو اور لترا میٹلڈ روڈ کی بحالی کیلئے 46 کروڑ سے زائد فنڈز منظور۔ماحولیاتی انڈوومنٹ فنڈ مینجمنٹ یونٹ کے قیام کیلئے 13 کروڑ روپے کی منظوری دی گئی۔لاہور میں شیرانوالہ فلائی اوور کی تعمیر کیلئے 5 ارب 26 کروڑ 31 لاکھ 11 ہزار روپے کی منظوری
    دے دی گئی۔ممبران پی اینڈ ڈی بورڈ اور متعلقہ سیکٹرز کے افسران بھی اجلاس میں شریک ہوئے