پاکستان مسلم لیگ(ن) کی نائب صدر اور چیف آرگنائزرمریم نواز کا کہنا ہے کہ پاکستان ڈیموکریٹک موومنٹ (پی ڈی ایم) نے بتا دیا کہ پرامن جمہوری احتجاج کیا ہوتا ہے۔

باغی ٹی وی : چیف آرگنائزر مریم نواز شریف کا شاہراہ دستور پر احتجاج میں آنے والے کارکنوں کو خراج تحسین پیش کرتے ہوئے شکریہ ادا کیا مریم نواز شریف نے جمعیت علمائے اسلام(ف)، پی پی پی، اے این پی سمیت پی ڈی ایم کی تمام جماعتوں کے قائدین، سیاسی کارکنان کا شکریہ ادا کیا –

میں ہر کسی کو’گڈ ٹو سی یو‘کہتا ہوں ،مجھے تنقید کا نشانہ بنایا گیا،چیف جسٹس

انہوں نے کہا کہ امسلم لیگ (ن) کے قائدین اور کارکنوں کو بھی خراج تحسین پیش کرتی ہوں شدید گرمی میں بڑی تعداد میں خواتین،بچوں اور نوجوانوں کے شرکت کرنے پر بھی مشکور ہوں میڈیا کا بھی شکریہ ادا کرتے ہیں جنہوں نے سخت موسم اور حبس میں اپنی ذمہ داریاں نبھائیں آئین کی سربلندی اور آزاد و غیر جانبدار سپریم کورٹ کے لئے آواز بلند کرنے آئے، آپ سب کا شکریہ –

مریم نواز نے کہا کہ اشاہراہ دستور پر ہزاروں مظاہرین نے جمہوری احتجاج کی روشن مثال قائم کی ہزاروں کی تعداد میں مرد، خواتین اور نوجوانوں نے بتایا کہ پرامن، جمہوری، عوامی احتجاج کیا ہوتا ہے ہزاروں کارکنوں کی آمد اور روانگی ہوئی لیکن ایک شاخ، گملا نہیں ٹوٹا کوئی عمارت جلی نہ گاڑی، کوئی ایمبولنس روکی گئی نہ کسی پولیس اہلکار کا سر پھٹا، یہ ہوتا ہے عوام کا احتجاج-

اسلام آباد ہائیکورٹ نے شیریں مزاری کی گرفتاری کالعدم قراردی

مریم نواز نے کہا کہ 9 مئی کے یوم سیاہ اور15 مئی کے عوامی احتجاج میں فرق پوری دنیا نے دیکھ لیا9 مئی کو عمرانی منصوبہ بندی کے تحت دہشت گردی کیسے ہوتی ہے اور ایک دن کی کال پہ عوام خود کیسے امڈ آتی ہے، فرق سامنے آگیا حق، انصاف اور آئین کےلئے آواز اٹھانے اور چوری چھپانے کی خاطر پاکستان کو جلانے میں کیا فرق ہے، دنیا نے دیکھ لیا –

انہوں نے کہا کہ 9 مئی کو عمران خان کی منصوبہ بندی پر اس کے غنڈوں اور مسلح جتھوں نے دہشت گردی کی عمران خان کی منصوبہ بندی کے نتیجے میں سکول، مساجد، سرکاری املاک جلائیں گئیں، شہدا کی یادگاروں کی بےحرمتی کی گئی 15 مئی کوشاہراہِ دستور پر عوام کے احتجاج میں میڈیا کی گاڑیوں کو توڑا گیا نہ کسی صحافی پر تشدد ہوا –

ظل شاہ قتل کیس:تحریک انصاف کے 6 رہنماؤں کی عبوری ضمانت خارج کردی

مریم نواز نے کہا کہ عارف علوی کے خلاف اشتعال کے باوجود کسی کارکن نے ایوان صدر کا رخ نہیں کیاعوام جانتے ہیں کہ یہ اپنے آئینی حلف کی خلاف ورزی کرنے والے شخص کا گھر نہیں، ایوان صدر ہے 9 مئی کو غنڈے، مسلح جتھے باہر نکلے اور دہشت گردی کی، 15 مئی کو عوام نکلےاورایک پتہ نہیں ٹوٹا 9 مئی وطن دشمنی اور 15 مئی حب الوطنی کی دو مثالیں، دو موازنے اور دو روئیے ہیں اپنی چوری چھپانے کے لئے ملک جلانے اور انصافی کے خلاف آواز اٹھانے میں یہ فرق ہوتا ہے-

اسلام آباد ہائی کورٹ نے چیئرمین پاکستان تحریک انصاف (پی ٹی آئی) عمران خان کے خلاف اقدام قتل اور بغاوت کے دو مقدمات میں عبوری ضمانت میں 8 جون تک توسیع کردی۔

باغی ٹی وی :چیف جسٹس اسلام آباد ہائی کورٹ جسٹس عامرفاروق نےعمران خان کے 2 مقدمات میں عبوری ضمانت میں توسیع کی درخواستوں پر سماعت کی عمران خان کے وکیل گوہر علی کی جانب سےآج حاضری سے استثنیٰ کی درخواست دی گئی جسے عدالت نے منظور کرلیا وکیل نے اسلام آباد ہائیکورٹ کے حکم امتناع کی کاپی سیشن کورٹ میں جمع کرادی۔

عمران خان کی گرفتاری پر توہین عدالت کیس کی سماعت ملتوی

چیف جسٹس عامر فاروق نے ریمارکس دیئے کہ بتادیں کہ عمران خان نے مزید کیسز میں کس دن آنا ہے؟ اسی دن کی تاریخ رکھ دیتے ہیں عدالت نے عسکری اداروں کے خلاف بیان بازی کے مقدمے اور مسلم لیگ ن کے رہنما محسن شاہنواز رانجھا کی مدعیت میں درج اقدام قتل کے مقدمے میں عمران خان کی عبوری ضمانت میں توسیع کردی۔

پاکستانی خاتون کوہ پیما نائلہ کیانی نےایک اور چوٹی سرکر لی

دونوں مقدمات میں 8 جون تک چیئرمین پی ٹی آئی کی عبوری ضمانت میں توسیع کردی گئی۔

اسلام آباد ہائیکورٹ نے پی ٹی آئی چئیرمین عمران خان کی گرفتاری پر توہین عدالت کیس کی سماعت مئی کے آخری ہفتے تک ملتوی کر دی-

باغی ٹی وی : چیف جسٹس اسلام آباد ہائیکورٹ عامر فاروق نے عمران خان کی گرفتاری پر توہین عدالت کیس کی سماعت کی سماعت کے دوران آئی جی اسلام آباد اور ڈی سی اسلام آباد عدالت میں پیش ہوئے۔

پاکستانی خاتون کوہ پیما نائلہ کیانی نےایک اور چوٹی سرکر لی

سماعت کے دوران ایڈووکیٹ جنرل نے دلائل دیتے ہوئے کہا کہ سپریم کورٹ نے بھی ایک آرڈر کیا جس میں درخواست نمٹائی گئی، سپریم کورٹ کے تفصیلی فیصلے کا انتظار ہے۔

چیف جسٹس اسلام آباد ہائیکورٹ نے استفسار کیا کہ واقعے کی ایف آئی آر درج ہوئی؟ توڑ پھوڑ تو ہوئی ہے، لوگ زخمی بھی ہوئے ہیں، اگر مقدمے کے اندراج میں تاخیر ہو تو پھر چیزیں خراب ہو جاتی ہیں، ہمارے آفس سے تو ریکویسٹ چلی گئی ہے، کون سا تھانہ لگتا ہے؟ ہائی کورٹ کو بھی 22 اے لانی پڑے گی؟ کیا رجسٹرار کو کہوں کہ مقدمےکے اندراج کے لیے کچہری میں درخواست دے؟-

علی زیدی کی رہائش گاہ سب جیل قرار

ایڈووکیٹ جنرل نے استدعا کی کہ سیکریٹری داخلہ کی حد تک توہینِ عدالت کا نوٹس ڈسچارج کیا جائے، اس دن تو وہ یہاں موجود بھی نہیں تھے چیف جسٹس اسلام آباد ہائی کورٹ عامر فاروق نے کہا کہ سپریم کورٹ کا آرڈر آنے دیں، ابھی تو رجسٹرار کی رپورٹ بھی نہیں آئی۔

بعد ازاں اسلام آباد ہائیکورٹ نے توہینِ عدالت کیس کی سماعت مئی کے آخری ہفتے تک ملتوی کر دی۔

ملک کے بیشتر میدانی علا قوں میں موسم خشک اور گرم رہے گا

اسلام آباد: پاکستان تحریک انصاف کے رہنما شہریار آفریدی کو پولیس نے گرفتار کرلیا۔

باغی ٹی وی : ذرائع کے مطابق اسلام آباد سے تحریک انصاف کے رہنما شہریار آفریدی کو گرفتار کیا گیا ہے شہریار آفریدی کو سیکٹر ایف 8 سے 3 ایم پی او کے تحت گرفتار کیا گیا ہے۔

وزیراعظم کا جمعرات کو ایرانی صدر سے ملاقات کا امکان

واضح رہے کہ گزشتہ روز کارکنوں کو اکسانے اور توڑ پھوڑ کے الزام میں پی ٹی آئی رہنما فیاض الحسن چوہان کو بھی گرفتار کیا گیا تھا یاض الحسن چوہان کو پریس کلب جاتے ہوئے راولپنڈی سے حراست میں لیا گیا تھا-

جبکہ سربراہ عوامی مسلم لیگ (اے ایم ایل) شیخ رشید اور راشد شفیق کی گرفتاری کے لئے پولیس کی بھاری نفری نے لال حویلی پر چھاپہ مارا تاہم دونوں عدم موجودگی کے باعث گرفتار نہ ہو سکے۔

رواں سال داخلی عازمین حج کو تین ویکسینز لگوانا ہوں گی. سعودی محکمہ صحت

لال حویلی کے ملازمین کا کہنا تھا کہ اہلکاروں نے لال حویلی کے کمروں کی تلاشی لی جب کہ پولیس شیخ رشید کے زیر استعمال کمرے میں بھی گئی۔

اسلام آباد: وزیر دفاع خواجہ آصف نے قومی اسمبلی میں خطاب کرتے ہوئے کہا کہ ملکی صورتحال سب کے سامنے ہے،عدلیہ انصاف نہیں سیاست کررہی ہے۔

باغی ٹی وی : پارلیمنٹ کی حدود محفوظ کرنے کے لیے اداروں کو پیغام دیناچاہیے،ایک شخص کو تمام ترمراعات سے نوازا جارہاہےآئین او رقانون کی سربلندی کے لیے ایوان بحث کرے،اس ادارے کی آئینی حیثیت کوچیلنج کیاجارہا ہےعدلیہ میں ایک گروہ نے سیاست کرنے کا بیڑہ اٹھالیا ہے، یہ گروہ عدل نہیں سیاست کر رہا ہے، ان کے فیصلے سیاست کے تحت ہوتے ہیں-

پارلیمنٹ کا چیف جسٹس پاکستان کے خلاف ریفرنس لانے کا فیصلہ

خواجہ آصف نے کہا کہ صاف ظاہر ہے کہ 4 تین کا فیصلہ آیا،اس کی خلاف ورزی ہوئی اقلیتی فیصلے کو فرد واحد نافذ کر رہا ہے، اور عمران خان کو ریلیف دے رہا ہے وقت آگیا ہے کہ پارلیمنٹ اپنے آئینی اختیارات استعمال کرے، سپریم جوڈیشل کونسل کو مس کنڈکٹ پر ریفرنس بھیجا جائے۔

خواجہ آصف نے کہا کہ 2 تین والے ججز کے خلاف سپریم جوڈیشل کونسل کوپارلیمنٹ ریفرنس بھیجے آئین میں جو بھی کارروائی درج کی گئی اس پرعمل درآمد ہوناچاہیےوقت آگیاہےکہ پارلیمنٹ آئینی اختیارات کا استعال کرے ماضی میں ایسے واقعات ہوئے جس نے ہولناک اثرات چھوڑے،عدلیہ کی روایات اورآئینی حدود کی خلاف ورزی ہورہی ہے۔

لیگی رہنما نے کہا کہ ایک شخص کے مفادات کے تحفظ کیلئے آئین کو تبدیل کیا گیا پہلے کہا گیا کہ پارٹی سےانحراف پر ووٹ گنانہیں جائے گا، جب کہ پرویزالہیٰ کے انتخاب میں 10منحرف ارکان کا ووٹ گنا گیا، حضرت عمررضی اللہ تعالیٰ عنہ نے جج کو ڈی نوٹیفائی کیا، کیا ہم کسی جج کو ڈی نوٹیفائی کرسکتے ہیں۔

سعودی عرب: حج سیزن کےدوران غیر ملکیوں کےمکہ مکرمہ جانےسے متعلق ہدایات جاری

وزیر دفاع نے کہا کہ ایک شخص کیلئے ریلیف کی بھرمار ہے، اپنے رشتہ داروں کے کہنے پر فیصلے کئے جاتے ہیں آپ ایک ملزم کوکہہ رہے ہیں وش یو گڈ لک کہا گیا ،کہتے ہیں آپ کو دیکھ کر خوشی ہوئی، کہا گیا کہ عمران خان کو فون کی سہولت دی جائے، جبکہ نواز شریف کو دم توڑتی اہلیہ سے بات نہیں کرنے دی گئی۔

وفاقی وزیر کا کہنا تھا کہ 75 سال میں انصاف اس طرح پامال نہیں ہوا تھا، عدلیہ کو دیئے گئے اختیارات سے تجاوز کیا گیا، ہماری عدالتوں میں 4 لاکھ مقدمات زیرالتوا ہیں، سپریم جوڈیشل کونسل میں ریفرنس دائرکرنےکیلئےکمیٹی بنائی، 4لاکھ زیرالتوا مقدمات کی بھی انکوائری کرائی جائےعدل کےعالمی انڈیکس میں ہم کہاں کھڑے ہیں، عالمی انڈیکس میں 11 درجے تنزلی ہوئی ہے۔

یہ ممکن ہی نہیں کہ عمران خان اور ان کے سپوٹرز کو شرم آ جائے،عفت …

انہوں نے کہا کہ گواہی ہے ایک لیفٹیننٹ کرنل جو رانا ثنا اللہ کا محلہ دار ہے ا ن کے کہنے پر یہ فیصلہ کرتے ہیں، خواجہ آصف کا کہنا تھا کہ یادگاروں کو مسمار اور کور کمانڈر کے گھر پر حملہ کیا گیا جی ایچ کیو پر طالبان کے بعد پی ٹی آئی نے حملہ کیا، کارگل کے شہید ہیرو کے مجسمے کی توہین کی گئی، شہدا ہمارے محسن ہیں، یہ قوم ان کی مرہون منت ہیں، جو قوم شہدا کو بھول جائیں وہ مٹ جاتی ہے ہمارے دشمن انڈیا نے چینلز پر تماشا لگایا ہوا ہے،وقت آگیا ہے پارلیمنٹ اپنا رول منوائے، آج ایوان اپنا تاریخی کردار ادا کرے۔

باغی ٹی وی کی رپورٹ کے مطابق تحریک انصاف کی رہنما شیریں مزاری کی جیل میں طبیعت خراب ہو گئی

طبیعت خراب ہونے کے بعد شیریں مزاری کی بیٹی نے عدالت میں دائر درخواست دائر کردی جس میں کہا گیا ہے کہ شیریں مزاری کو ہسپتال منتقل کیا جائے، شیریں مزاری کو تھری ایم پی او کے تحت گرفتار کیا گیا ہے، اسلام آباد ہائیکورٹ میں شیریں مزاری کی بیٹی کی جانب سے درخواست دائر کی گئی ہے، ایمان مزاری نے عدالت سے آج ہی سماعت کی بھی استدعا کی ہے

شیریں مزاری کو عمران خان کی گرفتاری کے بعد ہونیوالی ہنگامہ آرائی،توڑ پھوڑ کے بعد گرفتار کیا گیا تھا، تحریک انصاف کے دیگر رہنمابھی گرفتار ہیں جنہیں اڈیالہ جیل میں رکھا گیا ہے،

دوسری جانب حکومت نے سابق وزیر اعظم عمران خان کی گرفتاری کے بعد مظاہروں کے دوران اسلام آباد میں ہونیوالے نقصان کا تخمینہ لگایا لیا حکومت کی جانب سے جاری ہونیوالی رپورٹ میں بتایا گیا عمران خان کی گرفتاری کے بعد ہونیوالے مظاہروں کے دوران پرتشدد واقعات میں 25 کروڑ کا نقصان ہوا احتجاج میں 15 گاڑیاں، 34 موٹر سائیکل اور 2 تھانوں کو نذر آتش کردیا گیا، پر تشدد واقعات میں پولیس کے 71 اور ایف سی کے 11 اہلکارزخمی ہوئے پولیس نے 26 مقدمات درج کرکے 564 ملزمان کو گرفتار کرلیا ہے جبکہ مزید ملزمان کی گرفتاری کے لیے بھی چھاپے مارے جارہے ہیں۔

برج فیڈریشن آف ایشیا اینڈ مڈل ایسٹ چیمپئن شپ کے اختتام پر نگران وزیر اعلی پنجاب محسن نقوی مہمان خصوصی

بنوں آپریشن کے بعد سپہ سالار جنرل عاصم منیر کا وزیرستان،ایس ایس جی ہیڈکوارٹر کا دورہ بھی اہمیت کا حامل 

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

چیف جسٹس کی سربراہی میں پنجاب انتخابات سے متعلق کیس کی سماعت آج سپریم کورٹ میں ہوگی۔

باغی ٹی وی : الیکشن کمیشن آف پاکستان کی نظر ثانی درخواست پر چیف جسٹس عمر عطاء بندیال کی سربراہی میں 3 رکنی خصوصی بینچ اڑھے بارہ بجےسماعت کرے گا۔ جسٹس اعجازالاحسن اور جسٹس منیب اختر بھی بینچ میں شامل ہیں۔

مسلم لیگ نواز کے بعد اے این پی نے بھی پی ڈی ایم احتجاج …

الیکشن کمیشن نے سپریم کورٹ کے 4 اپریل کے حکم پر نظر ثانی دائر کررکھی ہے جس میں موئقف اختیار کیا گیا ہے کہ آئین و قانون کے مطابق سپریم کورٹ انتخابات کی تاریخ کا حکم نہیں دے سکتی، عدالت نے تاریخ دیکر اختیارات سے تجاوز کیا ہے۔

دریں اثنا سپریم کورٹ کے واضح حکم کے باوجود پنجاب میں 14 مئی کو انتخابات نہیں ہوسکے، 4 اپریل کو سپریم کورٹ نے 14 مئی کو پنجاب میں الیکشن کرانے کا حکم دیا تھا۔

ملک میں ایک ہی دن انتخابات کرانے سے متعلق سپریم کورٹ کی جانب سے جاری کردہ حکم نامے میں کہا گیا تھا کہ سپریم کورٹ نے مذاکراتی عمل کیلئے کوئی ڈائریکشن نہیں دی، پنجاب میں 14 مئی کو انتخابات کرانے کا حکم نامہ برقرار رہے گا سپریم کورٹ سیاسی جماعتوں کے درمیان مذاکراتی عمل کو سراہتی ہے۔ سیاسی جماعتیں انتخابات ایک دن کرانے پر متفق ہوتی ہیں تو یہ قابلِ ستائش عمل ہے عدالت واضح کرتی ہے کہ مذاکراتی عمل میں عدالت کا کوئی کردار نہیں۔

سپریم کورٹ کو بلیک میل کرنے کا عوامی قوت سے جواب دیا جائےگا،پی ٹی آئی

واضح رہے کہ چیف جسٹس عمر عطا بندیال کی سربراہی میں سپریم کورٹ کے 3 رکنی بینچ نے 14 مئی کو پنجاب بھر میں انتخابات کرانے کا حکم دے رکھا تھا۔ الیکشن کمیشن کی طرف سے 4 اپریل کے فیصلے کو عدالت عظمٰی میں چیلنج کیا گیا تھا دوسری طرف پاکستان پی ڈی ایم کے سربراہ مولانا فضل الرحمان نے آج بروز پیر سپریم کورٹ کے باہر احتجاج کرنے کا اعلان بھی کر رکھا ہے۔

وزیر اعظم شہباز شریف نے مولانا فضل الرحمان کو پیغام میں کہا تھا کہ احتجاج ضرور کریں مگر مقام تبدیل کرلیں ، رانا ثنا اور اسحاق ڈار نے کہا تھا کہ دھرنا پرامن ہوگا، ایک گملا بھی نہیں ٹوٹے گا، دھرنے کے مقام کا تعین صبح کیا جائے گا۔

نیوکراچی:نامعلوم افراد کی فائرنگ سے بچےسمیت 3 افراد زخمی

مولانا فضل الرحمان نے کہا ہے کہ وہ اعلان کرچکے ہیں ، فیصلہ اب عوام کی عدالت میں ہوگا ، فضل الرحمان نے تمام سیاسی جماعتوں کو دھرنے میں شرکت کی دعوت دی ہےاسلام آباد میں پی ڈی ایم کے دھرنے میں شرکت کے لیے ملک بھر سے قافلے رواں دواں ہیں مسلم لیگ ن کے جلوس کی قیادت مریم نواز کریں گی ، پاکپتن اور ملتان سے ن لیگ کے قافلے بھی چل پڑے جبکہ پشاور سے ن لیگ کا قافلہ صبح 8 بجے اور پنڈی سے صبح 10 بجے اسلام آباد کے لیے نکلے گا جے یو آئی ایف کے علاوہ، مسلم لیگ ن پیپلز پارٹی،عوامی نیشنل پارٹی احتجاج میں شرکت کا اعلان کر چکی ہیں ۔

عمران خان حکومت سے محاذ آرائی روک دے۔ انٹرنیشنل کرائسز گروپ کا مطالبہ

اسلام آباد: سپریم کورٹ بار نے پی ڈی ایم کے دھرنے کے پیش نظر سپریم کورٹ سے بھرپور یکجہتی کا اعلان کردیا۔

باغی ٹی وی: سپریم کورٹ بار ایسوسی ایشن کے صدر بیرسٹر عابد ایس زبیری، سیکرٹری سپریم کورٹ بار مقتدیر اختر شبیر نے مشترکہ بیان میں کہا کہ قانون کی حکمرانی، آئین کی بالادستی اور عدلیہ کی آزادی کے ساتھ کھڑے ہیں، سیاسی جماعتوں کے اعلان کردہ احتجاج کے خلاف سپریم کورٹ کی حمایت اور یکجہتی کا اظہار کرتے ہیں۔

ہم کراچی کا مینڈیٹ چوری نہیں ہونے دیں گے ،حافظ نعیم الرحمان

سپریم کورٹ بار نے کہا کہ سپریم کورٹ کا تحفظ یقینی بنائیں گے،تقدس مجروح کرنے کی کوشش ناکام ہوگی، پرتشدد دھرنا اور احتجاج کا اعلان، قانون کی خلاف ورزی اور امن و امان کے لیےخطرہ ہوگا اسلام آباد میں پہلے ہی آئین کے آرٹیکل 245 کو لاگو کیا جا چکا ہے وفاقی حکومت اور اداروں پر فرض ہےکہ سپریم کورٹ کی حفاظت کیلئےفول پروف سکیورٹی انتظامات کریں،سپریم کورٹ بار آئین پاکستان، قانون کی حکمرانی اور عدالت کی سالمیت کو برقرار رکھنے کے لیے پرعزم ہے۔

اعلامیے میں کہا گیا ہے کہ پرامن احتجاج اور اظہار رائے کی آزادی کے حق کو تسلیم کرتے ہیں، سپریم کورٹ کے اختیار کو کمزور کرنے یا چیلنج کرنے کی کوئی بھی کوشش جمہوریت کے لیے نقصان دہ ہے۔

پاکستان کوسٹ گارڈز نے بیرون منشیات اسمگلنگ کا منصوبہ ناکام بنادیا

واضح رہے کہ پاکستان مسلم لیگ (ن) نے سپریم کورٹ کے باہر پی ڈی ایم کے دھرنے میں بھرپور شرکت کرنے کا فیصلہ کیا ہے، ماڈل ٹاؤن کے پارٹی سیکریٹریٹ میں ہونے والے اجلاس میں مسلم لیگ ن کے رہنماؤں نے شرکت کی اور پھر ڈی ایم کے سپریم کورٹ کے باہر ہونے والے احتجاجی مظاہرے میں بھرپور شرکت کرنے کا فیصلہ دیا۔

ذرائع کے مطابق ہنگامی اجلاس مریم نواز کی ہدایت پر منعقد کیا گیا، جس کی صدارت خواجہ سعد رفیق، ملک سیف الملوک کھوکھر نے کی۔ جس میں اراکین قومی و صوبائی اسمبلی اور ٹکٹ ہولڈرز سمیت سابقہ بلدیاتی نمائندوں نے شرکت کی۔

دوسری جانب وزیراطلاعات و نشریات مریم اورنگزیب نے بتایا کہ پاکستان مسلم لیگ(ن) کی نائب صدر اور چیف آرگنائزر مریم نواز شریف دھرنے میں ن لیگ کی نمائندگی کرنے کے لیے اسلام آباد پہنچ گئیں۔

اسلام آباد ہائیکورٹ کا عمران خان کو آئندہ سماعت پر ذاتی حیثیت میں پیش ہونے …

اسلام آباد ہائیکورٹ نے سابق وزیراعظم عمران خان کو 16 ایم پی او اور دیگر مقدمات میں گرفتار نہ کرنے کا حکم نامہ جاری کردیا۔

باغی ٹی وی: جسٹس میاں گل حسن اورنگزیب نے تین صفحات پر مشتمل تحریری حکم جاری کیا جس میں عمران خان کی 50 ہزار روپے مچلکوں کے عوض 17 مئی تک ضمانت منظور کی گئی ہے وکیل کے مطابق عمران خان کی زندگی کو سنگین خطرات ہیں۔

اسلام آباد ہائیکورٹ سے عمران خان کو ملا بڑا ریلیف

اسلام آباد کے حکم نامے میں کہا گیا ہےکہ وکیل کے مطابق عمران خان سے سابق وزیراعظم کی سیکیورٹی واپس لے لی گئی درخواستگزار کے مطابق سیاسی بنیادوں پر بنایا گیا مقدمہ بدنیتی پر مبنی ہے، سپریم کورٹ کے حکم کے مطابق عمران خان کو سیکیورٹی فراہم کی جائے۔

عدالتی حکم نامے میں یہ بھی کہا کہ وکیل عمران خان کے مطابق لا اینڈ آرڈر کی صورتحال بہتر ہونے تک عدالت اس کیس کو سنے عدالت نے عمران خان کو آئندہ سماعت پر ذاتی حیثیت میں پیش ہونے کا حکم دیا گیا ہے جب بلایا جائے عمران خان شامل تفتیش ہوں-

اسلام آباد ہائیکورٹ نے القادر ٹرسٹ کیس میں عمران خان کی عبوری ضمانت کا تحریری حکم نامہ جاری کردیا اسلام آباد ہائیکورٹ نے کہا ہےکہ عمران خان تفتیش میں رکاوٹ ڈالیں تو نیب ضمانت منسوخی کی درخواست کرسکتا ہے، تفتیشی کو جب بھی ضرورت ہو عمران خان ان کے سامنے پیش ہوں۔ عدم تعاون پر نیب یا حکومت ضمانت منسوخی کی درخواست دائر کرے-

حکم نامے میں کہا گیا ہےکہ ایڈووکیٹ جنرل، ایڈیشنل اٹارنی نے کہا کہ آرٹیکل 245 کا نفاذ ہے، عمران خان کو ریلیف نہیں مل سکتا، ایڈووکیٹ جنرل اور ایڈیشنل اٹارنی کا یہ مؤقف جارحانہ ہے، اس مؤقف کا مطلب وہ بنیادی حقوق غصب کرنا ہے جو جمہوری اور اسلامی ریاست کی بنیاد ہیں، تصور نہیں کیا جاسکتا ایک ذمے دارحکومت شہریوں کے لیے انصاف کی رسائی میں یہ رکاوٹ ڈالےگی عدالت نے آرٹیکل 245 کے نفاذ میں عدالت تک رسائی کے نکتے پر اٹارنی جنرل کو نوٹس جاری کرتے ہوئے معاونت طلب کی ہے۔

عمران خان کا مقصد ملک میں انارکی پھیلانا ہے،ایک سال سے ان لوگوں کی ٹریننگ کررہا تھا،راناثناءاللہ

عدالت نے کہا کہ ایڈووکیٹ جنرل اور ایڈیشنل اٹارنی جنرل نے متعلقہ فورم احتساب عدالت کے ہونےکا اعتراض اٹھایا، عمران خان کو سپریم کورٹ کے احکامات پر ہائیکورٹ میں پیش کیا گیا، ایڈووکیٹ جنرل اورایڈیشنل اٹارنی جنرل کا اعتراض درست نہیں،ہائیکورٹ کوڈ آف کرمنل پروسیجرکے تحت بھی کیس سننے کا اختیار رکھتی ہے۔

علاوہ ازیں اسلام آباد ہائیکورٹ نے ظلِ شاہ قتل کیس میں عمران خان کی حفاظتی ضمانت منظور ہونے کا تفصیلی فیصلہ بھی جاری کردیا تین صفحات پر مشتمل تفصیلی فیصلہ جسٹس طارق محمود جہانگیری نے جاری کیا۔

تحریری فیصلے میں کہا گیا کہ عمران خان کی پچاس ہزار روپے مچلکوں کے عوض 22 مئی تک ضمانت منظور کی جاتی ہے۔ چیئرمین تحریک انصاف کو ظل شاہ قتل کیس میں شامل تفتیش ہونے کا حکم دیا گیا عمران خان 22 مئی تک متعلقہ عدالت سے رجوع کریں، وکیل درخواست گزار نے استدعا کی کہ انصاف کی فراہمی کے لئے ضمانت دی جائے تاکہ متعلقہ عدالت میں پیش ہو سکیں، پولیس نے اس کیس میں عمران خان کا بیان ریکارڈ کر لیا ہے۔

حریم شاہ کی رانا ثنا اللہ کو دھمکی،انٹر نیٹ بحال،عوام ٹک ٹاکر کی مشکور

مزید کہا گیا کہ پولیس نے لاہور ہائیکورٹ میں بیان دیا کہ عمران خان کی اس کیس میں گرفتاری کی ضرورت نہیں،وکیل درخواست گزار کے مطابق خدشہ ہے کہ عمران خان لاہور پہنچیں گے تو گرفتار کر لیا جائے گاعمران خان کی 22 مئی تک کی حفاظتی ضمانت منظور کی جاتی ہے-

واضح رہے کہ 12 مئی کو اسلام آباد ہائی کورٹ نے القادر ٹرسٹ کیس کے بعد دیگر تمام مقدمات میں بھی ضمانت منظور کر لی تھی اسلام آباد ہائیکورٹ نے 9 مئی اور اس کے بعد ہونے والے کسی بھی مقدمے میں عمران خان کو گرفتار نہ کرنے کا حکم‏ دیا عدالت نے ریمارکس دیتے ہوئے کہا تھا کہ اس احاطے سے جو غیر قانونی گرفتاری ہوئی کیا آپ نے کوئی مقدمہ دیا ؟عمران خان کی تمام مقدمات میں ضمانت منظور کر لی گئی ہے-