Tag: اسلام آباد

سوشل میڈیا پر گستاخانہ مواد کی تشہیر کا مقدمہ دائر کیا گیا۔ انسداد دہشتگردی عدالت اسلام آباد سے توہین مذہب کے جرم میں دس سال قید کی سزاء پانے والے مجرم پروفیسر انوار احمد نے اپنی سزاء کے خلاف اپیل اسلام آباد ہائیکورٹ میں دائر کر دی۔
اسلام آباد ہائیکورٹ کا مجرم پروفیسر انوار احمد کی جانب سے سزاء کے خلاف دائر کی گئی اپیل پر اعتراض کیا ۔اسلام آباد ہائیکورٹ نے اپیل زائد المیعاد ہونے پر اعتراض لگا کر واپس کر دی۔

اسلام آباد میں چیئرمین سینیٹ محمد صادق سنجرانی سے نیپال کے سفیر تاپس آدھیکاری کی پارلیمنٹ ہاؤس میں ملاقات ہوئی۔ ملاقات کے دوران دوطرفہ اور پارلیمانی تعلقات کے حوالے سے اہم امور پر گفتگو کی گئی۔ چیئرمین سینیٹ نے کہا کہ پاکستان سارک ممالک کے ساتھ دوطرفہ تعاون کو علاقائی خوشحالی کیلئے اہم سمجھتا ہے اور پاکستان اور نیپال نے بین الپارلیمانی یونین، ایشائی پارلیمانی اسمبلی اور دیگر اہم فورمز پر مثالی تعاون کا مظاہرہ کیا ہے۔ انہوں نے کہا کہ دونوں ملکوں کے مابین پارلیمانی سطح پر رابطہ کاری کثیر لجہتی تعاون کیلئے اہم ہے اور دونوں ممالک ان بین الاقوامی فورمز کو خطے کے بہتر مستقبل اور خوشحالی کیلئے استعمال کر سکتے ہیں۔

چیئرمین سینیٹ نے نیپالی سفیر کو بھارتی افواج کے ہاتھوں مقبوضہ کشمیر میں جاری مظالم اور انسانی حقو ق کی خلاف ورزیوں کے بارے میں آگاہ کیا۔ انہوں نے کہا کہ بھارت نے مقبوضہ کشمیر میں مظالم اور انسانی حقوق کی خلاف ورزیوں کا بازار گرم کر رکھا ہے اور بھارت اقوام متحدہ کی سیکورٹی کونسل کی قرارداوں اور عالمی قوانین کی کھلم کھلا خلاف ورزی کر رہا ہے۔ چیئرمین سینیٹ نے کہا کہ پاکستان کشمیر سمیت تمام مسائل کا حل پُر امن طریقے سے چاہتا ہے اور کشمیر کے مسئلے کا حل کشمیری عوام کی خواہشا ت اور اقوام متحدہ کی قرارداوں کے مطابق ہی قابل قبول ہو گا۔انہوں نے کہا کہ پارلیمانی رابطہ کاری کیلئے پاکستان نیپال پارلیمانی فرینڈ شپ گروپ کو موثر کردار ادا کرنا ہو گا اور عوامی سطح پر روابط اور پارلیمانی سفارتکاری کے فروغ کیلئے پارلیمانی فرینڈ شپ گروپ موثر کردار ادا کر سکتے ہیں۔چیئرمین سینیٹ نے پاکستان اور نیپال کے پارلیمانی وفود میں تیزی لانے پر بھی زور دیا۔

چیئرمین سینیٹ محمد صادق سنجرانی نے کہا کہ نیپال کی پارلیمان پاکستان کے ادارہ برائے پارلیمانی خدمات سے تربیتی ورک شاپس اور نیپال کے پارلیمان کے اراکین اور سٹاف کی استعداد کار بڑھانے کیلئے استفادہ کر سکتے ہیں اور ادارہ جاتی روابط کے تحت ایک دوسرے کے تجربات سے بہت کچھ سیکھا جا سکتا ہے۔انہوں نے کہا کہ تجارت، تعلیم اور دیگر شعبوں میں بھی معاونت و رابطہ کاری کیلئے وسیع گنجائش موجود ہے۔ چیئرمین سینیٹ نے سفیر کیلئے نیک خواہشات کا اظہار کیا اور کہا کہ میں امید کرتا ہوں کہ سال 2021پاکستان اور نیپال کے دوطرفہ تعلقات، پارلیمانی روابط کے استحکام اور معاونت کیلئے ایک بہترین سال ثابت ہو گا۔

اسلام ہائی کورٹ پر حملے کے بعد تمام عدالتیں کھل گئیں ہیں۔ چیف جسٹس اسلام آباد ہائیکورٹ سمیت تمام ججز اور عملے نے کام شروع کردیا لیکن اسلام آباد ہائیکورٹ میں سیکیورٹی کے انتظامات، غیر متعلقہ افراد کا داخلہ ابھی بند ہے۔بار ایسوسی ایشن کی ہڑتال کے اعلان کے باوجود وکلاء عدالتوں میں پیش ہورہے ہیں اور عدالتوں میں سائلین کو ریلیف کی فراہمی شروعکردی گئی ہے، نيز فوری نوعیت کے کیسز پر احکامات جاری ہیں۔
اسلام آباد ہائی کورٹ میں وکلا نے جزوی ہڑتال کر دی، بعض وکلا کیسز کی پیروی کے لیے عدالتوں میں پیش ہو رہے ہیں۔

اسلام آباد میں عدالتیں بند، جوڈیشل کمپلیکس میں 61 مقدمات بغیر کارروائی ملتوی کر دی گئی۔
احتساب عدالتوں میں 19 ، انسداد دہشتگردی عدالت میں 4 مقدمات کی سماعت بغیر کارروائی ملتوی۔ انسداد منشیات میں 25 ، اسپیشل جج سنٹرل کے پاس 13 مقدمات بھی بغیر کارروائی ملتوی۔ احتساب عدالت نمبر ایک میں 5، احتساب عدالت نمبر دو اور تین میں سات سات مقدمات مقرر تھے۔ سابق وزیراعظم شوکت عزیز کے شریک ملزمان پر فرد جرم کی کارروائی موخر کر دی گئی۔سابق سفیر بابر ہاشمی ، سابق چئیرمین اوگر توقیر صادق کیخلاف ریفرنسز پر بھی کارروائی نہ ہو سکی۔

آئی جی اسلام آباد قاضی جمیل الرحمان کے احکامات پر اسلام آباد کے 12 تھانوں کے محرران تبدیل

آئی جی اسلام آباد نے چارج سنبھالنے کے بعد تھانوں میں کوالیفائیڈ اور اچھی شہریت کے حامل محرران کی تعیناتی کے احکامات دئیے تھے- ڈی آئی جی آپریشنز افضال احمد کوثر نے محرران کی تعیناتی کے لئے ایک کمیٹی بنائی گئی تھی- کمیٹی ڈی آئی جی آپریشنز کی سربراہی میں ایس ایس پی انوسٹیگیشن، ایس پی سی ٹی ڈی اور ڈی ایس پی سپیشل برانچ پر مشتمل تھی- کمیٹی نے محرر لگنے کے خواہشمند کنسٹیبل سے اے ایس آئی رینک کے ملازمین سے تحریری ٹیسٹ و انٹرویوکیا- کامیاب ہونے والے ملازمین کو تھانوں میں تعینات کردیا گیا ہے۔

اسلام آباد:
وفات پانے والے اسلام آباد ٹریفک پولیس کے انسپکٹر غلام محی الدین کی نماز جنازہ پولیس لائن ہیڈکوارٹرز میں اداکر دی گئی-

نماز جنازہ میں آئی جی اسلام آباد قاضی جمیل الرحمان سمیت دیگر سینئیر افسران وملازمین کی شرکت- متوفی ہارٹ اٹیک کے باعث ایم ایچ راولپنڈی میں زیر علاج تھے جہاں وہ اپنے خالق حقیقی سے جاملے- آئی جی اسلام آباد نے مرحوم کے بچوں سے پیار کیا- محروم کے جسد خاکی کو پورے اعزاز کے ساتھ آبائی گاؤں روانہ کر دیا گیا-

مرحوم غلام محی الدین بہت ملنسار اور اسلام آباد ٹریفک پولیس میں تعینات تھے- آئی جی اسلام آباد کا کہنا تھا کہ مرحوم انسپکٹر کی فیملی کا ہر طرح سے خیال رکھا جائے گا-