Tag: افغانستان

ایران سے واپس آنے والے مہاجرین کو لے جانے والی بس ہرات میں آئل ٹینکر اور موٹر سائیکل سے ٹکرا گئی، جس کے نتیجے میں 17 بچوں سمیت 76 سے زائد افراد جاں بحق ہو گئے۔

’اے ایف پی‘ کے مطابق پولیس کا کہنا ہے کہ حادثہ ہرات شہر کے باہر گزره ضلع میں پیش آیا، اور اس میں ایک موٹر سائیکل بھی حادثے کا شکار ہوئی 2 افراد ٹرک میں اور 2 موٹر سائیکل پر سوار تھےحادثہ بس کی تیز رفتاری اور ڈرائیور کی غفلت کے باعث پیش آیا، تصادم کے بعد بس میں آگ لگ گئی، بس میں سوار تمام افراد، آئل ٹینکر میں سوار 2 اور موٹرسائیکل سوار 2 افراد جان کی بازی ہار گئے-

ہرات کی صوبائی حکومت کے ترجمان محمد یوسف سعیدی نے بتایا کہ بس میں وہ افغان سوار تھے جو حال ہی میں ایران سے واپس آئے، اور کابل جا رہے تھےیہ افراد اُن ہزاروں افغانوں میں شامل ہیں جنہیں حالیہ مہینوں میں ایران سے زبردستی نکالا گیا یا ملک بدر کیا گیا-ہ تمام مسافر مہاجر تھے، جو اسلام قلعہ سے بس میں سوار ہوئے تھے، اسلام قلعہ ایران اور افغانستان کے درمیان ایک سرحدی کراسنگ پوائنٹ ہے۔

واضح،رہےکہ افغانستان میں ٹریفک حادثات عام ہیں، جس کی وجوہات میں دہائیوں کی جنگ کے باعث خستہ حال سڑکیں، ہائی ویز پر خطرناک ڈرائیونگ اور قوانین کی کمی شامل ہیں۔

دہلی کی وزیر اعلیٰ پر حملہ کرنے والا شخص”ڈاگ لور” ہے، ماں کا دعویٰ

عمران خان نے محمود خان اچکزئی کو قومی اسمبلی میں اپوزیشن لیڈر نامزد کر دیا

افغانستان، چین اور پاکستان کا انسداد دہشت گردی امور پر سہ فریقی اجلاس آج ہوگا

کابل آج پاکستان اور چین کے ساتھ انسداد دہشت گردی اور دیگر امور پر سہ فریقی اجلاس کی میزبانی کر رہا ہے۔

افغان وزارت خارجہ نے منگل کو ایک بیان میں کہا کہ 20 اگست کو چینی حکمران جماعت کے سیاسی بیورو کے رکن اور وزیر خارجہ وانگ ژی، اور پاکستان کے نائب وزیر اعظم و وزیر خارجہ اسحٰق ڈار کابل کا دورہ کریں گے اور سہ فریقی اجلاس میں شرکت کریں گے۔

توقع ہے کہ ان مذاکرات میں پہلے سے کیے گئے وعدوں پر پیش رفت کا جائزہ لیا جائے گا، جن میں انسداد دہشت گردی کے تعاون، چین-پاکستان اقتصادی راہداری (سی پیک) کو افغانستان تک توسیع دینے اور علاقائی تجارت و روابط کو مضبوط بنانے جیسے موضوعات شامل ہوں گے، اجلاس کے شرکا مشترکہ مفادات، باہمی سمجھوتے اور وسیع تعاون کی بنیاد پر مستقبل کے تعلقات کے بارے میں خیالات کا تبادلہ کریں گے۔

پنجاب کے دریاؤں اور ندی نالوں میں پانی کی صورتحال

یہ طالبان کے کابل پر کنٹرول کے بعد افغانستان میں اپنی نوعیت کا پہلا اجلاس ہے جو ایک روزہ ڈائیلاگ پر مشتمل ہوگا، جس میں وانگ ژی، اسحاق ڈار اور افغان قائم مقام وزیر خارجہ امیر خان متقی شرکت کریں گے،نائب وزیر اعظم اور وزیر خارجہ سینیٹر محمد اسحاق ڈار آج کابل پہنچ گئے ہیں،وزیر خارجہ کے ہمراہ افغانستان کے لیے خصوصی نمائندہ اور سینئر مشیر، سفیر محمد صادق اور وزارت خارجہ کے اعلیٰ حکام بھی اس دورے میں موجود ہیں۔

اس دوران نائب وزیر اعظم/وزیر خارجہ کی افغانستان کے قائم مقام وزیر خارجہ سے دوطرفہ ملاقات بھی متوقع ہے، جس میں دونوں ممالک کے درمیان باہمی امور اور تعاون پر بات چیت ہوگی۔

ملک بھر میں تیز ہواؤں اور گرج چمک کے ساتھ مزید بارشوں کی پیشگوئی

وانگ ژی کابل میں اجلاس کے بعد اسلام آباد روانہ ہوں گے، تاکہ 21 اگست کو پاک-چین اسٹریٹجک ڈائیلاگ میں شرکت کریں،اسٹریٹجک ڈائیلاگ کا پانچواں دور مئی 2024 میں بیجنگ میں اسحٰاق ڈار اور چینی وزیر خارجہ وانگ ژی کی مشترکہ صدارت میں منعقد ہوا تھا۔

جرمنی کی ایک عدالت نے افغانستان میں خطرے سے دوچار ایک افغان خاندان کو ویزا جاری کرنے کا حکم جاری کر دیا ہے، جو طالبان کے اقتدار سنبھالنے کے بعد شروع کیے گئے خصوصی تحفظ پروگرام کے تحت پہلے ہی منظوری حاصل کر چکا تھا۔

خبر رساں ادارے کے مطابق برلن کی انتظامی عدالت نے منگل کو اپنے فیصلے میں کہا کہ وفاقی حکومت اس خاندان کو ویزا دینے کی پابند ہے، کیونکہ اسے ایک "قانونی طور پر لازم عہد” دیا جا چکا ہے۔یہ فیصلہ ایسے وقت میں آیا ہے جب جرمنی میں قدامت پسند چانسلر فریڈرک میرز کی نئی حکومت نے اس خصوصی پروگرام کو روک دیا ہے، جس کے باعث ہزاروں افغانوں کی منتقلی کا عمل متاثر ہوا ہے۔

رپورٹس کے مطابق پاکستان میں تقریباً 2500 افغان شہری موجود ہیں، جنہیں اسی طرح کی منظوری دی جا چکی ہے اور وہ جرمنی جانے کے منتظر ہیں۔یہ پروگرام ان افغانوں کے لیے شروع کیا گیا تھا جنہوں نے افغانستان میں جرمن فوج، صحافیوں، انسانی حقوق کے کارکنوں یا دیگر اداروں کے ساتھ کام کیا اور جنہیں طالبان حکومت سے براہ راست خطرہ لاحق ہے۔

عدالت کے اس فیصلے کو انسانی حقوق کے حامی حلقوں کی جانب سے خوش آئند قرار دیا جا رہا ہے۔

پی آئی اے کی نجکاری، 4 سرمایہ کار کمپنیاں نے پری کوالیفائی کر لیا

بھارتی کرکٹرکے خلاف خاتون سے مبینہ زیادتی کا مقدمہ درج

قومی اسمبلی کی خواتین کی 2 مخصوص نشستوں پر انتخابی شیڈول جاری

لاہور میں 84 خستہ حال عمارتیں خطرناک قرار، پی بی سی اے کا سروے مکمل

قندھار : افغانستان کے جنوبی صوبے قندھار میں طالبان حکام نے اسکولوں اور مدارس میں طلبہ، اساتذہ اور عملے پر اسمارٹ فونز کے استعمال پر مکمل پابندی عائد کردی ہے، جس کا اطلاق فوری طور پر کر دیا گیا ہے۔

’اے ایف پی‘ کے مطابق افغانستان کے جنوبی علاقے میں طالبان حکام کی جانب سے اسکولوں میں اسمارٹ فونز پر پابندی نافذ کردی گئی ہے، جس کی تصدیق طلبہ اور اساتذہ نے بھی کی ہے، یہ اقدام ’توجہ‘ اور ’اسلامی قانون‘ کے خدشات کے پیش نظر کیا گیا ہے قندھار میں صوبائی محکمہ تعلیم کی جانب سے جاری کردہ ہدایت نامہ طلبہ، اساتذہ اور اسکول و دینی مدارس کے انتظامی عملے پر لاگو ہوتا ہے۔

بیان میں کہا گیا ہے کہ یہ فیصلہ تعلیمی نظم و ضبط اور توجہ کو یقینی بنانے کے لیے کیا گیا، جو کہ شرعی نقطہ نظر سے بھی درست قراردیا گیا ہے، کیونکہ اسمارٹ فونز آئندہ نسل کی تباہی کا باعث بن سکتے ہیں، یہ پالیسی پہلے ہی صوبے بھر کے اسکولوں میں نافذ کی جاچکی ہے-

پاک بحریہ کا سمندر میں زخمی بھارتی عملے کو بچانے کیلئے کامیاب ریسکیو آپریشن

واضح رہے کہ حالیہ برسوں میں فرانس، ڈنمارک اور برازیل سمیت کئی ممالک نے بھی کلاس رومز میں موبائل فونز پر پابندیاں عائد کی ہیں۔

یاد رہے کہ طالبان حکام پہلے ہی میڈیا میں جانداروں کی تصاویر پر پابندی عائد کر چکے ہیں، کئی صوبوں نے اس حوالے سے اقدامات کیے ہیں اور بعض طالبان اہلکاروں نے اپنی تصاویر یا ویڈیوز بنوانے سے بھی انکار کر دیا ہےطالبان کے سپریم لیڈر ہیبت اللہ اخوندزادہ نے گزشتہ ہفتے حکام اور علمائے کرام سے اسمارٹ فونز کے استعمال میں کمی کی اپیل کی۔

نامعلوم افراد کی فائرنگ سے ٹک ٹاکر مقدس عباس قتل

افغانستان میں اقوام متحدہ کے لیے کام کرنے والی خواتین کو نامعلوم افراد کی جانب سے دھمکیاں دیے جانے کے بعد گھروں سے کام کرنے کی اجازت دے دی گئی ہے۔

عالمی خبر رساں ادارے کے مطابق اقوام متحدہ کی مختلف ایجنسیوں سے منسلک افغان خواتین نے شناخت ظاہر نہ کرنے کی شرط پر بتایا کہ انہیں راستے میں اور فون پر نامعلوم افراد کی جانب سے ’گھروں میں رہنے‘ کی تنبیہ کی گئی۔ایک خاتون اہلکار، جنہیں رپورٹ میں فرضی نام ہدیٰ دیا گیا، نے بتایا کہ کئی ہفتوں سے انہیں غیر ملکی ادارے میں کام کرنے کی پاداش میں گالیاں اور دھمکیاں مل رہی ہیں۔ ان کا کہنا تھا کہ انہیں پیغامات کے ذریعے کہا جا رہا ہے: ’’دوبارہ نظر نہ آنا، ورنہ…‘‘ ان کے دفتر نے سیکیورٹی وجوہات کی بنا پر انہیں عارضی طور پر گھروں سے کام کرنے کی ہدایت دی ہے۔

اقوام متحدہ کے امدادی مشن برائے افغانستان (یوناما) نے ان دھمکیوں کی تصدیق کرتے ہوئے انہیں ’انتہائی سنگین‘ قرار دیا ہے اور سیکیورٹی یقینی بنانے کے لیے عبوری اقدامات کا اعلان کیا ہے۔طالبان حکومت، جس نے 2021 میں اقتدار سنبھالا، نے ان دھمکیوں میں کسی بھی قسم کی مداخلت سے انکار کیا ہے۔ افغان وزارت داخلہ کے ترجمان عبدالمتین قانع نے کہا کہ یہ عمل جرم کے زمرے میں آتا ہے اور پولیس تحقیقات کر رہی ہے۔

یاد رہے کہ طالبان حکومت نے خواتین پر تعلیم اور ملازمت سے متعلق سخت پابندیاں عائد کر رکھی ہیں۔ 2022 میں خواتین کو مقامی اور بین الاقوامی این جی اوز میں کام سے روک دیا گیا تھا، اور 2023 میں یہ پابندی اقوام متحدہ کے دفاتر تک بھی بڑھا دی گئی تھی۔ تاہم صحت اور تعلیم جیسے شعبوں میں کام کرنے والی خواتین کو کچھ حد تک استثنیٰ حاصل ہے۔

سندھ طاس سے چھیڑ چھاڑ ہوئی تو شملہ معاہدہ بھی زیر غور ہوگا،خواجہ آصف

برطانیہ کا اسرائیلی کارروائیوں پر سخت ردعمل،غزہ کی صورتحال ناقابل برداشت ہے

چینی صدر اور ٹرمپ کے درمیان ڈیڑھ گھنٹے طویل گفتگو، تجارتی تعلقات پر زور

برطانیہ: ٹیکس محکمے کے اکاؤنٹس فشنگ اسکیم کا شکار، 47 ملین پاؤنڈ کا فراڈ ناکام

عالمی بینک کا نیا غربت پیمانہ، پاکستان میں غربت کی شرح 44.7 فیصد ہو گئی