واشنگٹن :امریکہ جلد ہی اپنی باتوں سے پھر گیا اور پھر سےافغان طالبان کی منتیں کرنے لگا، اطلاعات کے مطابق امریکا کے سیکریٹری دفاع مارک ایسپر 18 سالہ جنگ کے خاتمے کے لیے افغان طالبان کے ساتھ اچانک معطل ہونے والے مذاکرات کی بحالی کے لیے افغانستان پہنچ گئے۔

اسٹریٹ کرائم کے بارے میں ڈی جی رینجرز کا بیان سب حیران

ذرائع کے مطابق امریکی سیکرٹر ی دفاع مارک ایسپر کا کہنا تھا کہ ‘مقصد اب بھی یہی ہے کہ کسی نکتے پر امن معاہد یا سیاسی معاہدہ ہوجائے جو آگے بڑھنے کا بہترین راستہ ہے’۔امریکی سیکریٹری دفاع اس دورے میں افغان صدر اشرف غنی اور افغانستان میں موجود امریکی فوجیوں سے ملاقات کریں گے۔

ایک کروڑ پنجابی ہیپاٹائٹس کے مریض‌

امریکی سیکرٹری دفاع کہتے ہیں کہ ‘مجھے امید ہے کہ ہم ایک سیاسی معاہدے کے ساتھ آگے بڑھ سکتے ہیں جو ہماری واپسی اور جو مقاصد ہم حاصل کرنا چاہتے ہیں، اس کے مطابق ہوگا’۔انہوں نے واضح کیا کہ مذاکرات کرنا اسٹیٹ ڈپارٹنمنٹ کا کام ہے۔

وزیراعظم نے یو این سیکریٹری جنرل سے کیا مطالبہ کردیا ؟

افغانستان سے فوج کی دستبرداری کےحوالے سے کہنا تھا کہ اگر ضرورت پڑی توامریکا، افغانستان میں اپنی فوج کی موجودہ تعداد کو 14 ہزار سے کم کرکے 8 ہزار 600 تک لاسکتا ہے جس سے انسداد دہشت گردی پر کوئی فرق نہیں پڑے گا۔

قندوز : افغان طالبان کی طرف سے کل کیا جانے والا حملہ اس قدر شدید تھا کہ اس حملے کے نتیجے میں‌آخری اطلاعات آنے تک 67 سے زائد افغان کٹھ پتلی ، امریکی اور اتحادی فوج اپنی جانوں سے ہاتھ دھو بیٹھے ہیں‌اور یہ بھی اطلاعات ہیں کہ اتوار کی صبح تک بعض علاقوں میں‌لڑائی جاری ہےاور افغان طالبان نے قندوز کے بہت سے علاقے پر اپنا قبضہ مستحکم کرلیا ہے ،

افغان صدر اشرف غنی کے ترجمان صدیق صدیقی نے بھی اس بات کی تصدیق کردی ہے کہ ہفتے اور اتوار کی درمیانی شب افغان طالبان نے شہر پر کئی سمتوں سے حملہ کیا تھا ،افغان طالبان کے قندوز پر حملے کے بعد سرکاری فورسز سے ان کی شدید لڑائی اور فائرنگ کا تبادلہ ہوا، حملے کے ساتھ ہی شہر کی بجلی معطل ہو گئی اور شہری گھروں میں محصور ہو گئے، جب کہ ٹیلی فونز اور رابطے کے دیگر ذرائع بھی معطل ہوگئے۔

افغان میڈیا کے مطابق قندوز میں ہونے والے دھماکے میں اب تک 31 اہلکاروں کی ہلاکت کی تصدیق ہوچکی ہے،جبکہ درجنوں فوجی ابھی تک لاپتہ ہیں، دوسری جانب افغان طالبان کے ترجمان ذبیح اللہ مجاہد نے بھی دھماکے کی ذمہ داری قبول کرتے ہوئے کہا کہ یہ دھماکہ خودکش حملہ تھا جو ہم نے کیا اور اس کی ذمہ داری بھی قبول کرتے ہیں۔افغان طالبان کی طرف سے 67 سے زائد فوجیوں کی ہلاکت کا دعویٰ کیا جارہا ہے.

کابل : افغانستان میں حالات مزید بگڑنے لگے ، حکومت کی طرف سے کئے گئے معاہدوں کی خلاف ورزی کی وجہ سے افغان طالبان نے افغانستان میں آئندہ ماہ صدارتی انتخابات روکنے کے لیے ’حملوں‘ کی دھمکی دے دی۔افغان طالبان نے صدارتی انتخابات کی مخالفت کی اور کہا کہ ان کے جنگجو انتخابات روکنے کے لیے کچھ بھی کرسکتے ہیں۔

کابل سے آنی والی اطلاعات کے مطابق افغان طالبان نے عوام پر زور دیا کہ انتخابی ریلی سے دور رہیں جنہیں نشانہ بنایا جا سکتا ہےواضح رہے کہ افغان طالبان نے 28 ستمبر کو انتخابات کے بائیکاٹ کا مطالبہ کیا اور کہا کہ غیرملکی طاقتیں افغان امن عمل پر اپنی توجہ مرکوز رکھیں۔انہوں نے اپنے اعلامیہ میں کہا کہ ’مذکورہ انتخابات کا عمل عام لوگوں کو دھوکا دینے کے علاوہ اور کچھ نہیں‘۔

ذرائع کے مطابق افغان طالبان نے حملوں سے خبردار کرتے ہوئے کہا کہ ’جانی نقصان سے بچنے کے لیے، شہری کارنر میٹینگز اور ریلیز سے دور رہیں جن پر ہمارے جنگجو حملہ کرسکتے ہیں‘۔ذرائع کے مطابق افغان طالبان کا کہنا تھا کہ ’انتخابات کا انعقاد محدود مگر بوگس سیاستدانوں کی اّنا کو تسکین دینے کے لیے ہے‘۔دوسری جانب افغانستان کے صدر اشرف غنی کے دفتر سے اعلامیہ جاری ہوا جس میں افغان طالبان کی دھمکی کے تناظر میں کہا گیا کہ لوگوں کو اپنا لیڈر منتخب کرنے کا پورا حق ہے اور حکومت ملک بھر میں شفاف انتخابات کے انعقاد کے لیے تیار ہے۔