Tag: امریکا

بیجنگ: چین نے امریکی صدر ڈونلڈ ٹرمپ کی فلسطینیوں کو غزہ سے جبری بے دخل کرکے کسی دوسرے ملک بسانے کے منصوبے کو مسترد کرد یا۔

باغی ٹی وی: عالمی خبر رساں ادارے کے مطابق چین کی وزارت خارجہ کی معمول کی پریس بریفنگ کے دوران صحافی نے امریکی صدر کی غزہ سے متعلق نئی پالیسی کے بارےمیں پوچھا جس پر چینی ترجمان گو جیاکون نے کہا کہ غزہ صرف اور صرف فلسطینیوں کا ہےیہ ان کی آبائی سرزمین ہے، غزہ سے فلسطینیوں کی جبری نقل مکانی کی سختی سے مخالفت کرتے ہیں جبری منتقلی کی حمایت نہیں کی جا سکتی۔

واضح رہے کہ رواں ماہ کے آغاز پر امریکی صدر نے اسرائیلی وزیراعظم سے نیتن یاہو واشنگٹن میں ملاقات کے بعد پریس کانفرنس میں اپنا منصوبہ پیش کیا تھا،کہا تھا کہ وہ غزہ کی تعمیر نو کریں گے تاہم فلسطینیوں کو وہاں سے دوسرے ممالک میں بسائیں گے ڈونلڈ ٹرمپ نے یہ تجویز بھی رکھی تھی کہ فلسطینیوں کو مصر اور اردن میں بسایا جائے گا کیوں یہ ممالک امریکا سے مالی امداد لیتے ہیں اس لیے آمادہ ہوجائیں گے، ڈونلڈ ٹرمپ کے اس منصوبے کو فلسطینی، حماس، عرب ممالک،پاکستان، اقوام متحدہ اور دیگر ممالک بھی مسترد کرچکے ہیں۔

پنجاب:4 نئی جیلیں تعمیر کرنے کا فیصلہ

راولپنڈی: مالکان کے تشدد سے گھریلو ملازمہ کی ہلاکت:ملزمان گرفتار ،مقدمہ درج،دفعہ 302 سمیت 7 دفعات شامل

پاکستانی سیاست میں خواتین کا کردار انتہائی اہم ہے.تابش قیوم

واشنگٹن: امریکی صدر ڈونلڈ ٹرمپ نےیوکرین سے امریکی امداد کے بدلے قیمتی معدنیات کا مطالبہ کر دیا کہا کہ وہ چاہتے ہیں کہ یوکرین کو اگر روس کے خلاف امداد چاہیے تو اب اسے امریکا کو نایاب زمینی معدنیات کی صورت میں ادائیگی کرنا ہوگی۔

باغی ٹی وی : ڈونلڈ ٹرمپ نے وائٹ ہاؤس میں صحافیوں سے بات کرتے ہوئے کہا کہ وہ روس کے خلاف 300 بلین ڈالرز کی سپور ٹ کے بدلے یوکرین سے ادائیگی چاہتے ہیں جو نایاب زمینی معدنیات کی صورت میں ہوگی ہم یوکرین کو بتا رہے ہیں کہ ان کے پا س بہت قیمتی نایاب زمینی معدنیات ہیں، ہم یوکرین کے ساتھ ایک معاہدہ کرنے کی کوشش کر رہے ہیں جس میں وہ ہماری امداد کو ا پنی نایاب معدنیات اور دیگر چیزوں کو فراہم کرکے یقینی بنائے گا-

ٹرمپ نے دعویٰ کیا کہ انہیں یوکرینی حکومت کی جانب سے مثبت اشارے ملے ہیں کہ وہ امریکہ کو ان قیمتی معدنیات تک رسائی دینے پر آمادہ ہیں، جو جدید ٹیکنالوجی کی صنعت کے لیے انتہائی اہم ہیں ’میں نایاب معدنیات کی سیکیورٹی (یقین دہانی) چاہتا ہوں، ہم یوکرین میں سینکڑوں ارب ڈالر لگا رہے ہیں، وہاں شاندار معدنی وسائل ہیں، اور میں ان کی سیکیورٹی چاہتا ہوں، اور وہ اس کے لیے تیار ہیں۔‘

عراقی صدر وزیر اعظم کیخلاف عدالت پہنچ گئے

تاہم یہ واضح نہیں کہ آیا ٹرمپ ہر قسم کی مخصوص معدنیات کیلئے ’نایاب‘ کی اصطلاح استعمال کر رہے ہیں یا صرف نایاب زمینی معدنیات کے لیے،نایاب زمینی معدنیات 17 دھاتوں کا ایک گروپ ہے جو مقناطیس بنانے کے لیے استعمال ہوتے ہیں جو الیکٹرک گاڑیوں، سیل فونز اور دیگر الیکٹرانکس میں توانائی کو حرکت میں بدل دیتے ہیں ان معدنیات کا کوئی معروف متبادل نہیں ہے۔

یوکرین لیتھیئم، یورینیئم اور ٹائٹینیئم کے بڑے ذخائر رکھتا ہے اب بھی امریکا کے پاس ایسی معدنیات کے ذخائر موجود ہیں جنہیں تاحال استعمال میں نہیں لایا گیا، جبکہ چین ایسی نایاب معدنیات پیدا کرنے والا دنیا کا سب سے بڑا ملک ہے۔

جائیداد کا تنازع ، 2 سوتیلے بھائیوں نے ایک دوسرے کو مار ڈالا

فوربس نے 2025 کے لیے دنیا کے طاقتور ترین ممالک کی فہرست جاری کی ہے، جس میں امریکا نے پہلی پوزیشن پر اپنی گرفت برقرار رکھی ہے جبکہ چین اس فہرست میں دوسرے نمبر پر ہے۔

باغی ٹی وی کے مطابق یہ درجہ بندی صلاحیت، اقتصادی اثر و رسوخ، سیاسی طاقت، عالمی اتحاد اور فوجی طاقت جیسے اہم عوامل کے جائزے پر مبنی ہے۔ یہ مطالعہ وارٹن اسکول کے پروفیسر ڈیوڈ ریبسٹین اور بی اے وی گروپ کے محققین نے یو ایس نیوز اینڈ ورلڈ رپورٹ کے تعاون سے تیار کیا ہے۔فوربس کی 2025 کی فہرست میں سرفہرست 10 طاقتور ترین ممالک ان کے جی ڈی پی اور آبادی کے مطابق پہلے نمبر پر امریکا ہے جس کی جی ڈی پی 3.34 ٹریلین ڈالر جبکہ آبادی 34.5 کروڑ ہے دوسرے نمبر پر چین ہے جس کی جی ڈی پی 19.35 ٹریلین ڈالر اور آبادی 141.9 کروڑ ہے تیسرے نمبر پر روس ہے جس کی جی ڈی پی 2.2 ٹریلین ڈالر اور آبادی 8.4 کروڑ ہے چوتھے نمبر پر برطانیہ ہے جس کی جی ڈی پی 3.73 ٹریلین ڈالر اور آبادی 6.9 کروڑ ہے پانچویں نمبر پر جرمنی ہے جس کی جی ڈی پی 4.92 ٹریلین ڈالر اور آبادی 8.54 کروڑ ہے ۔

چھٹے نمبر پر جنوبی کوریا ہے جس کی جی ڈی پی 1.95 ٹریلین ڈالر اور آبادی 5.17 کروڑ ہے اسی طرح ساتویں نمبر پر فرانس ہے جس کی جی ڈی پی 3.8 ٹریلین ڈالر اور آبادی 6.65 کروڑ ہے۔ آٹھویں نمبر پر جاپان ہے جس کی جی ڈی پی 4.39 ٹریلین ڈالر اور آبادی 12.37 کروڑ ہے۔نویں نمبر پر سعودی عرب ہے جس کی جی ڈی پی 1.14 ٹریلین ڈالر اور آبادی 3.39 کروڑ ہے آخری اور دسویں نمبر پر اسرائیل موجود ہے جس کی جی ڈی پی 0.55 ٹریلین ڈالر اور آبادی محض 0.938 کروڑ ہے۔

فوربس کے مطابق، درجہ بندی کا ماڈل BAV گروپ نے تیار کیا ہے، جو کہ عالمی مارکیٹنگ کمیونیکیشن کمپنی WPP کی اکائی ہے۔ یونیورسٹی آف پنسلوانیا کے وارٹن اسکول کے پروفیسر ڈیوڈ ریبسٹین نے تحقیقی ٹیم کی قیادت کی۔ اس فہرست کو بنانے کے لیے پانچ پیرامیٹرز استعمال کیے گئے، جن کی بنیاد پر ممالک کو لیڈروں، اقتصادی اثر و رسوخ، سیاسی اثر و رسوخ، مضبوط بین الاقوامی اتحاد اور مضبوط فوج کے لحاظ سے درجہ بندی کیا گیا۔

سندھ ہائی کورٹ نے صارم برنی کی درخواست ضمانت مسترد کر دی

آئی سی سی چمپئینز ٹرافی کے گروپ میچز کیلیے آفیشلز کا اعلان

کراچی والوں نے ہیوی ٹریفک کے خلاف ازخود محاذ سنبھال لیا

انسٹاگرام پر پرانے فیچر واپس آنے شروع

صدر زرداری کی پرنس رحیم سے ملاقات، پرنس کریم کے انتقال پر تعزیت

ڈینور: امریکی ریاست کولوراڈو کے دارالحکومت ڈینور میں 9 ملین ڈالر (23 ارب سے زائد) کا ایک ہوٹل صرف 10 ڈالر (2700 روپے) میں فروخت ہورہا ہے ۔

باغی ٹی وی : عالمی میڈیا رپورٹ کے مطابق ڈینور شہر کسی ایسے شخص کی تلاش میں ہے جس کی تزئین و آرائش اور بے گھر افراد کے لیے رہائش میں تبدیل کرنے کے لیے خالی ہوٹل خریدے، اس انتہائی کم قیمت کے پیچھے ایک شرط بھی رکھی گئی ہے وہ یہ کہ خریدار کو پوری عمارت کی تزئین و آرائش اور بے گھر افراد کے لیے ہوٹل کو رہائش گاہ میں تبدیل کرنے پر رضامند ہونا ہوگا۔

رپورٹ کے مطابق ڈینور شہر نے سال 2023 میں Stay Inn کے نام سے ایک سابقہ ​​ہوٹل 9 ملین ڈالر میں خریداشہر نے چند چھوٹی اصلاحات کیں، لیکن عمارت پر تاحال بہت زیادہ کام کی ضرورت ہے، دراصل یہ شہر بے گھر افراد کی مدد کرنا چاہتا ہے، اس لیے یہ شرط عائد کی گئی ہے کہ جو بھی ہوٹل خریدے وہ اسے ایک رہائش گاہ میں تبدیل کر کے بے گھر افراد کی مدد کرے۔

فخر زمان ہمارے لیے بڑا خطرہ ہوسکتے ہیں،مچل سینٹنر

رپورٹ میں کہا گیا کہ اس منفرد ڈیل نے دنیا بھر کے لوگوں کی توجہ اپنی طرف مبذول کرائی ہے، جس سے بہت سے لوگوں کو اس بات کے بارے میں تجسس پیدا ہو گیا ہے کہ ہوٹل کی تزئین و آرائش اور بے گھر افراد کو انتہائی ضروری مدد فراہم کرنے کے چیلنج کا مقابلہ کون کرے گا۔

ڈینور کے ہاؤسنگ ڈیپارٹمنٹ کے ترجمان ڈیرک ووڈبری کے مطابق ہوٹل کی تزئین و آرائش کے لیے ایک ڈویلپر کے انتخاب کا عمل شروع ہو چکا ہےوہ درخواست دہندگان کا جائزہ لے رہے ہیں اور پھر اپنی تجویز سٹی کونسل کو منظوری کے لیے بھیجیں گے۔

غزہ کا کنٹرول سنبھالنے اور تعمیر نو کی کوئی جلدی نہیں ،ٹرمپ

ڈیرک ووڈبری نے ایک ای میل میں کہا کہ ہم پر امید ہیں کہ ہوٹل کو معاون رہائش میں تبدیل کرنے کا راستہ تلاش کر لیں گے، جو واقعی ہماری کمیونٹی کی مدد کرے گا۔

واشنگٹن: امریکی جج نے صدر ڈونلڈ ٹرمپ کو یو ایس ایڈ کو مکمل ختم کرنے سے روک دیا۔

باغی ٹی وی: غیر ملکی میڈیا کے مطابق جج کارل نکولس نے 2200 ملازمین کو جبری رخصت پربھیجے جانے پر عارضی پابندی لگادی، جج نے ایجنسی کے تقریباً تمام اوورسیز ملازمین کو 30 روز میں واپس بلانے کے خلاف حکم جاری کیا تھا جس پر یونین نے عدالت سے درخوا ست کی ہے کہ ٹرمپ نے اقدام کیلئے کانگریس سے اجازت نہیں لی، اس لیے ٹرمپ کا اقدام غیرآئینی اور غیرقانونی ہےکرپشن اور دھوکا دہی کا الزام لگاتے ہوئے ٹرمپ نے یو ایس اے آئی ڈی کو بند کرنے کا حکم دیا تھا۔

واضح رہے کہ صدر ڈونلڈ ٹرمپ نے یو ایس ایڈ (USAID) کو بند کرنے کا حکم بھی جاری کر دیا ہے میڈیا رپورٹس کے مطابق، ادارے کے زیادہ تر اہلکاروں کو جبری رخصت پر بھیجنے کی تیاریاں مکمل کر لی گئی ہیں۔

غزہ کا کنٹرول سنبھالنے اور تعمیر نو کی کوئی جلدی نہیں ،ٹرمپ

کریم خان امریکی صدر کی پابندیوں کا شکار ہونیوالے پہلے عہدیدار ہوں گے

ایک لیٹر پٹرول پر حکومت کتنا لیوی ٹیکس لے رہی ہے؟

واشنگٹن: امریکی صدر ڈونلڈ ٹرمپ نے کہا ہے کہ غزہ کا کنٹرول سنبھالنے اور تعمیر نو کے امریکی منصوبے پر عمل درآمد میں کوئی جلدی نہیں ہے۔

باغی ٹی وی : واشنگٹن میں گفتگو کرتے ہوئے صدر ٹرمپ نے اعلان کیا کہ اگلے ہفتے کئی ممالک پر جوابی ٹیرف نافذ کریں گے روسی صدر ولادیمیر پیوٹن سے بات چیت کے خواہشمند ہیں اور ساتھ ہی شمالی کوریا سے بھی تعلقات قائم کرنے کی امید ظاہر کی انہوں نے کہا کہ اگر وہ شمالی کوریا کے صدر کم جونگ ان کے ساتھ اچھے تعلقات بناتے ہیں تو یہ سب کے لیے فائدہ مند ہوگا۔

صدر ڈونلڈ ٹرمپ نے یو ایس ایڈ (USAID) کو بند کرنے کا حکم بھی جاری کر دیا ہے میڈیا رپورٹس کے مطابق، ادارے کے زیادہ تر اہلکاروں کو جبری رخصت پر بھیجنے کی تیاریاں مکمل کر لی گئی ہیں۔

ایک لیٹر پٹرول پر حکومت کتنا لیوی ٹیکس لے رہی ہے؟

گزشتہ دنوں صدر ٹرمپ نے غزہ پر امریکا کی جانب سے قبضہ کرنے کا اعلان کیا تھا ان کا کہنا تھا کہ امریکا غزہ کی پٹی پر قبضہ کر لے گا اور اس کا مقصد علاقے میں استحکام لانا اور ہزاروں ملازمتیں پیدا کرنا ہےوہ غزہ میں طویل المدتی ملکیت کی پوزیشن دیکھتے ہیں، جہاں ترقیاتی منصوبے کے ذریعے علاقے کے لوگوں کو ملازمتیں فراہم کی جائیں گی اور شہریوں کو بسایا جائے گا۔

صدر ٹرمپ کے اس اعلان پر اقوام متحدہ سمیت دنیا کے کئی ممالک نے غزہ سے فلسطینیوں کی بے دخلی کی مخالفت کی ہے اور دو ریاستی حل پر زور دیا ہے۔

کریم خان امریکی صدر کی پابندیوں کا شکار ہونیوالے پہلے عہدیدار ہوں گے

دوسری جانب مصرنے غزہ سے فلسطینیوں کے جبری انخلاء سے متعلق تجاویز سامنے آنے کے بعد امریکہ کو دوٹوک الفاظ میں جواب دیا ہے کہ فلسطینیوں کی جبری نقل مکانی ہر گز ممکن نہیں۔

العربیہ کے مطابق مصر نے امریکہ کو غزہ کی پٹی کے مکینوں کو بے گھر کرنے کے منصوبے پر عمل درآمد کے ناممکن ہونے کے بارے میں مطلع کیا ہے قاہرہ نے باور کرایا غزہ کے باشندوں کو بے گھر کرنے سے متعلق اس کا موقف تبدیل نہیں ہوگا،مصر اس بات پر زور دیتا ہے کہ وہ فلسطینی باشندوں کو بے گھر کیے بغیر غزہ کی تعمیر نو کا وژن رکھتا ہے اور غزہ کے باشندوں کو بے گھر کیے بغیر ان کے اندر موجود رہنے پر اصرار کرتا ہے۔

ایک لیٹر پٹرول پر حکومت کتنا لیوی ٹیکس لے رہی ہے؟

ایسوسی ایٹڈ پریس کے مطابق مصر اور اسرائیل کے درمیان تقریباً نصف صدی تک جاری رہنے والے امن معاہدے کو اب امریکی صدر ڈونلڈ ٹرمپ کے غزہ کی پٹی کے منصوبے سے خطرہ لاحق ہے۔

دوسری جانب سابق اسرائیلی وزیراعظم ایہود باراک نے امریکی صدر ڈونلڈ ٹرمپ کی غزہ پٹی میں بسنے والے 20 لاکھ فلسطینیوں کو بیرون ملک آباد کرنے کے منصوبے کوخیالی تصور قرار دیا ہے۔

ملک کے مختلف علاقوں میں بارش و برفباری کی پیشگوئی

انٹرنیشنل کرمنل کورٹ (آئی سی سی) کے پراسیکیوٹر کریم خان امریکی صدر ڈونلڈ ٹرمپ کی پابندیوں کا سامنا کرنے والے پہلے اہلکار ہوں گے-

باغی ٹی وی : امریکی صدر ڈونلڈ ٹرمپ کی جانب سے عالمی فوجداری عدالت (آئی سی سی) پر پابندیاں لگانے کا فیصلہ کرلیا گیا ہے برٹش پاکستانی کریم خان کا نام ابھی عوامی سطح پر جاری نہیں کیا گیا، تاہم امریکی صدر ڈونلڈ ٹرمپ نے اس حوالے سے ایگزیکٹو آرڈر پر بھی دستخط کر دیئے ہیں جس کے ذریعے عالمی فوجداری عدالت پر امریکا اور اسرائیل کے خلا ف بے بنیاد اقدامات کا الزام لگاتے ہوئے ادارے پر پابندیاں عائد کی گئی ہیں۔

مسلمانان جموں کشمیر کی تاریخی جدوجہد اور یکجہتی کشمیر کے تقاضے

پابندی کا شکار ہونے والے افراد کے امریکا میں موجود اثاثے منجمد کیے جائیں گے انٹرنیشنل کرمنل کورٹ نے امریکی پابندیوں کی مذمت کرتے ہوئے اعلان کیا ہے کہ وہ اپنے اہلکاروں کا دفاع کرے گی ٹرمپ کے اس فیصلے کے بعد عالمی عدالت کی تحقیقات میں شامل عملے اور ان کے اہلخانہ پر مالیاتی اور ویزہ پابندیاں عائد ہوں گی۔

ڈونلڈ ٹرمپ نے حکم نامے پر اس وقت دستخط کیے جب اسرائیلی وزیر اعظم واشنگٹن میں کانگریس کے اراکین سے ملاقات کر رہے تھے۔ دونوں کی ملاقات منگل کو وائٹ ہاؤس میں ہوئی تھی۔

پاکستان میں بیروز گاری کی شرح بھارت اور بنگلا دیش سے بھی زیادہ ،پلاننگ کمیشن

واضح رہے کہ گذشتہ برس نومبر میں عالمی فوجداری عدالت نے غزہ میں جنگی جرائم کے الزام میں نیتن یاہو کے وارنٹ گرفتاری جاری کیے تھے جس پر اسرائیل سراپا احتجاج تھااس سے قبل جمعرات کو وائٹ ہاؤس نے ہیگ میں قائم بین الاقوامی فوجداری عدالت پر الزام لگایا تھا کہ حماس اور اسرائیل کے لیے بیک وقت یہ سزائیں جاری کرتے ہوئے آئی سی سی نے اخلاقی گرواٹ کا مظاہرہ کیا ہے۔

حماس نے آج رہا کیے جانے والے 3 اسرائیلی یرغمالیوں کے نام جاری کر دئیے

امریکا نے اسرائیل کو 7 ارب ڈالر سے زائد کے ہتھیار فروخت کرنے کی منظوری دی ہے-

باغی ٹی وی : امریکی محکمہ دفاع کی جانب سے جاری بیان میں کہا گیا ہے محکمہ خارجہ نے اسرائیل کو 7 اعشاریہ 4 بلین ڈالر کے ہتھیار فروخت کرنے کی منظوری دے دی ہےڈیموکریٹک ارکان کانگریس نے ٹرمپ انتظامیہ سے اسرائیل کو ہتھیاروں کی فروخت کو روکنے کی درخواست کی تھی۔

باغی ٹی وی : امریکی محکمہ خارجہ کے مطابق کانگریس کو ہتھیاروں کی 2 الگ الگ کھیپوں کے بارے میں آگاہ کیا گیا جن میں سے ایک چھ اعشاریہ 75 ارب ڈالر کی ہے اس میں گولہ بارود، گائیڈنس کِٹس اور دیگر متعلقہ سامان کے ساتھ ساتھ چھوٹے قطر کے 166 بم ، پانچ پاؤنڈ وزن کے 2800 بم وغیرہ شامل ہیں، ان ہتھیاروں کی فراہمی رواں برس شروع ہو جائے گی۔

ڈونلڈ ٹرمپ نے جنوری میں صدارت سنبھالنے کے بعد اسرائیل کو 2 ہزار پاؤنڈ والے بموں کی ترسیل کی اجازت دے دی تھی ان بموں کی ترسیل پر جو بائیڈن انتظامیہ نے اس خدشے کے تحت پابندی عائد کی تھی کہ ان سے شہریوں کی ہلاکتیں ہو سکتی ہیں اسرائیل کے لیے امریکی ہتھیاروں کی دوسری کھیپ میں تین ہزار ہیلفائر میزائل اور ان سے متعلق سامان شامل ہےان ہتھیاروں کی مالیت 660 ملین ڈالر ہے اور ان کی ترسیل کا آغاز 2028 میں متوقع ہے۔

پاکستان میں بیروز گاری کی شرح بھارت اور بنگلا دیش سے بھی زیادہ ،پلاننگ کمیشن

تباہ ہونے والا چھوٹا امریکی طیارہ جمے ہوئے سمندر میں مل گیا

امریکا ، اسرائیل کو 7 ارب ڈالر سے زائد کے ہتھیار فروخت کرے گا

نوم:بیرنگ ایئر کی ایک پرواز، جس میں 9 مسافر اور 1 پائلٹ سوار تھے، الاسکا میں نوم کے قریب لاپتہ ہوگیا تھا جو اب تباہ کن حالت میں جمے ہوئے سمندر میں مل گیا۔

باغی ٹی وی : غیر ملکی میڈیا کی رپورٹ کے مطابق جمعرات کی سہ پہر انالکلیٹ سے الاسکا کے شہر نوم کی طرف جانے والا چھوٹا امریکی طیارہ سیسنا 208B گرینڈ سمندری برف پر گر کر تباہ ہو گیا، جس میں سوار تمام 10 مسافر ہلاک ہو گئے، یہ المناک حادثہ الاسکا میں گزشتہ 25 سالوں میں ہوائی جہاز کے سب سے خوفناک حادثے میں سے ایک ہے۔

رپورٹ کے مطابق امریکی کوسٹ گارڈ کے ترجمان مائیک سالر نو نے بتایا کہ جب انہیں لاپتہ طیارے کا ملبہ ملا اس وقت ریسکیو ٹیمیں ہیلی کاپٹر کے ذریعے طیارے کی تلاش میں مصروفِ عمل تھیں، اس کے بعد دو ریسکیو تیراکوں کو طیارے کے جائزے کے لیے نیچے اتارا گیا، کوسٹ گارڈ کی جانب سے جاری کردہ تصویر میں 2 ٹکروں میں طیارہ برف پر بکھرا ہوا ملبہ دکھایا گیا۔

مذہب کو تقسیم کے بجائے اتحاد کے لیے استعمال کیا جانا چاہیے،بلاول بھٹو زرداری

واضح رہے کہ پرواز نمبر 445 نے 2 بج کر 37 منٹ (2:37pm) پر انالکلیٹ سے ٹیک آف کیا تھا جسے آخری بار نورٹن ساؤنڈ کے علاقے میں 3 بجکر 16 منٹ (3:16pm) پر ریڈار پر دیکھا گیا تھا طیارہ لاپتہ ہونے کے بعد شام 4 بجے سے سرچ اینڈ ریسکیو آپریشن کی جانب سے طیارے کی تلاش اور مسافروں کو بچانے کی کارروائیاں مسلسل جاری رہیں۔

حکومت سندھ تھر ڈیزرٹ سفاری ٹرین چلانے کیلئے تیار

اس سلسلے میں نوم فائر ڈیپارٹمنٹ اور وائٹ ماؤنٹین کے زمینی عملے نے بھی تلاش کا عمل شروع کردیا ہے گو کہ موسم کی خرابی اور کم مرئیت (Low visibility) کی وجہ سے فضائی تلاش میں مشکلات کا سامنا کرنا پڑا مقامی حکام کا کہنا تھا کہ علاقے کا موسم شدید خرا ب تھا جس کے باعث لاپتہ طیارے لہ تلاش میں رکاوٹ پیدا ہورہی تھی، زمین پر تلاش کرنے والی ٹیمیں سنو مشینوں اور دیگر گاڑیوں کے ذریعے کام کر رہی ہیں، سمندری برف کی غیر مستحکم صورتحال کی وجہ سے بچاؤ عملے کو مشکلات کا سامنا ہے۔

ملک کے مختلف علاقوں میں بارش و برفباری کی پیشگوئی