Tag: انگلینڈ

کراچی:تیسرے ٹی 20 میچ میں انگلینڈ نے پاکستان کو جیت کیلئے 222 رنز کا پہاڑ جیسا ہدف دے دیا تھاجو پاکستانی ٹیم حاصل نہ کرسکی اور یوں تیسرے ٹی 20 میچ میں انگلینڈ نے پاکستان کو 63 رنز سے شکست دے دی۔

نیشنل سٹیڈیم کراچی میں کھیلے جارہے تیسرے ٹی 20 میچ میں قومی ٹیم کے کپتان بابراعظم نے ٹاس جیت کر انگلش قائد معین علی کو پہلے بیٹنگ کی دعوت دی۔

انگلینڈ اننگز

مہمان ٹیم کی جانب سے فل سالٹ اور ول جیکس نے اننگز کا آغاز کیا جبکہ محمد حسنین نے پہلا اوور کرایا۔شروع میں دونوں اوپنرز نے جارحانہ انداز میں بیٹنگ کی کوشش کی، تاہم تیسرے اوورز کی پہلی گیند پر حسنین نےفل سالٹ کو پویلین بھیجا، انہوں نے 6 گیندوں پر آٹھ سکور بنائے۔

ون ڈاؤن آنے والے ڈیوڈ ملان اور ڈیبیو کرنے والے وِل جیکس نے سکور کو آگے بڑھایا اور چند خوبصورت شاٹس کھیلے، تاہم ساتویں اوورز میں لیگ سپنر عثمان قادر کی گیند پر ڈیوڈ ملان حیدر علی کو کیچ دے بیٹھے۔ لیفٹ ہینڈ بیٹر 15 گیندوں پر 14 سکور بنا سکے، 9 ویں اوورز میں ایک مرتبہ پھر وکٹ عثمان قادر کے حصے میں آئی، وِل جیکس کو 82 کے مجموعی سکور پر پویلین بھیج دیا، انہوں نے 22 گیندوں پر 40 رنز بنائے۔

پاکستان پلیئنگ الیون

دوسرے ٹی 20 کے لئے پاکستان کی پلیئنگ الیون میں کپتان بابر اعظم، وکٹ کیپر محمد رضوان، حیدر علی، شان مسعود، افتخار احمد، خوشدل شاہ، محمد نواز، عثمان قادر، حارث رؤف، شاہنواز دھانی اور محمد حسنین شامل ہیں۔

انگلینڈ پلیئنگ الیون

انگلینڈ کی ٹیم میں تین تبدیلیاں کی گئی ہیں، انگلش پلیئنگ الیون میں کپتان معین علی، فل سالٹ، ول جیکس، ڈیوڈ ملان، بین ڈکٹ، ہیری بروک، سیم کرن، ریسی ٹاپلی، مارک ووڈ، لیام ڈاسن اور عادل رشید شامل تھے۔

بابر اعظم

ٹاس جیتنے کے بعد قومی ٹیم کے کپتان بابر اعظم نے کہا کہ آج کی پچ بھی اچھی لگی رہی ہے، 150 سے لیکر 180 سکور ہدف حاصل کیا جا سکتا ہے، میری باڈی اچھا محسوس کر رہی ہے لیکن مسلسل میچز کھیلنا آسان نہیں ہے۔

معین علی

مہمان ٹیم کے کپتان معین علی نے کہا کہ ہم ٹاس جیتے تو پہلے بولنگ کرتا، حریف ٹیم کے خلاف بڑا سکور کریں گے، اس کے بعد جلد وکٹیں حاصل کرنے کی کوشش کریں گے، گزشتہ روز ہم نے اچھی کرکٹ کھیلی، آخری دس اوور زیادہ اچھے نہیں تھے لیکن شاہینوں نے غیر معمولی طور پر اچھا کھیلا۔

خیال رہے کہ 7 میچوں کی سیریز اب تک 1،1 میچ سے برابر ہے، قومی ٹیم نے کپتان بابر اعظم اور رضوان کی دھواں دار بلے بازی کی بدولت دوسرے ٹی 20 میں مہمان ٹیم کو 10 وکٹوں سے تاریخی شکست دی تھی، پاکستان کی جانب سے بابر اعظم نے ہدف کا تعاقب کرتے ہوئے سنچری مکمل کی۔

لاہور:دوسرے ٹی 20 میچ میں بابر اعظم کی ناقابل شکست سنچری اور محمد رضوان کی دھواں دار بیٹنگ کی بدولت پاکستان نے انگلینڈ کا 200 رنز کا ہدف بغیر کسی نقصان کے حاصل کرلیا۔

نیشنل سٹیڈیم کراچی میں کھیلے گئے دوسرے ٹی 20 میچ میں بابر اعظم پاکستان جبکہ معین علی نے انگلینڈ کرکٹ ٹیم کی کپتانی کے فرائض انجام دیئے۔

پاکستان اننگز

200 رنز ہدف کے تعاقب میں قومی ٹیم کی جانب سے بابر اعظم اور محمد رضوان نے اننگز کا آغاز کیا جبکہ ڈیوڈ ویلے نے پہلا اوور کرایا۔

محمد رضوان نے ایک مرتبہ پھر شاندار بلے بازی کا مظاہرہ کرتے ہوئے 2 چھکوں اور 4 چوکوں کی مدد سے اپنی نصف سنچری سکور کی جبکہ بابر اعظم نے بھی 1 چھکے اور 6 چوکوں کی مدد سے 39 گیندوں پر ففٹی مکمل کی۔

میچ میں کپتان بابر اعظم نے ایک اور سنگ میل عبور کرتے ہوئے ٹی 20 کیریئر میں 8 ہزار رنز بنالئے، اس طرح وہ کرس گیل کے بعد 218 اننگز میں یہ اعزاز حاصل کرنے والے دنیا کے دوسرے بلے باز بن گئے ہیں۔

قومی ٹیم کے کپتان نے دھواں دار بلے بازی کا مظاہرہ کرتے ہوئے 5 چھکوں اور 9 چوکوں کی مدد سے 62 گیندوں پر سنچری مکمل کی، وہ بطور کپتان دو سنچریاں بنانے والے دنیا کے پہلے بیٹر بھی بن گئے۔

انگلینڈ نے دوسرے ٹی 20 میچ میں پاکستان کو جیت کے لئے 200 رنز کا ہدف دیا تھا ، جسے پاکستان کے اوپنربلے بازوں نے بڑی آسانی سے حاصل کرکے یہ فتح پاکستان کے نام کردی

نیشنل سٹیڈیم کراچی میں کھیلے جا رہے دوسرے ٹی 20 میچ میں بابر اعظم پاکستان جبکہ معین علی انگلینڈ کرکٹ ٹیم کی کپتانی کے فرائض انجام دے رہے ہیں۔

کپتان بابر اعظم کا کہنا تھا کہ قومی ٹیم میں ایک تبدیلی کی گئی ہے، نسیم شاہ کی جگہ محمد حسنین کو پلیئنگ الیون کا حصہ بنایا گیا ہے۔

انگلینڈ اننگز

مہمان ٹیم کی جانب سے الیکس ہیلز اور فل سالٹ نے اننگز کا آغاز کیا جبکہ پاکستان کے محمد حسنین نے پہلا اوور کرایا۔

46 کے مجموعی سکور پر انگلینڈ کے دو کھلاڑی شاہنواز دھانی کی مسلسل دو گیندوں پر کلین بولڈ ہوکر پویلین لوٹے، الیکس ہیلز 1 چھکے اور 3 چوکوں کی مدد سے 21 گیندوں پر 26 رنز بناسکے جبکہ ڈیوڈ ملان بغیر کوئی رن بنائے آؤٹ ہوئے، فل سالٹ 30 رنز بناکر حارث رؤف کی گیند پر کلین بولڈ ہوگئے۔

بین ڈکٹ نے شاندار بیٹنگ کا مظاہرہ کیا اور 7 چوکوں کی مدد سے 22 گیندوں پر 43 رنز بناکر محمد نواز کی گیند پر بولڈ ہوئے، ہیری بروک 3 چھکوں اور 1 چوکے کی مدد سے 19 گیندوں پر 31 رنز بناکر حارث رؤف کی گیند پر کلین بولڈ ہوگئے۔

اس طرح مہمان ٹیم نے 20 اوورز میں 5 وکٹ کے نقصان پر 199 رنز بنائے۔

پاکستان پلیئنگ الیون

دوسرے ٹی 20 کے لئے پاکستان کی پلیئنگ الیون میں کپتان بابر اعظم، وکٹ کیپر محمد رضوان، حیدر علی، شان مسعود، افتخار احمد، خوشدل شاہ، محمد نواز، عثمان قادر، حارث رؤف، شاہنواز دھانی اور محمد حسنین شامل ہیں۔

انگلینڈ پلیئنگ الیون

انگلش پلیئنگ الیون میں کپتان معین علی، فل سالٹ، الیکس ہیلز، ڈیوڈ ملان، بین ڈکٹ، ہیری بروک، سیم کرن، ڈیوڈ ویلے، لیوک ووڈ، لیام ڈاسن اور عادل رشید شامل ہیں۔

پاکستان اور انگلینڈ کے درمیان 7 ٹی ٹوئنٹی پر مشتمل سیریز کا دوسرا میچ آج کھیلا جائےگا۔

باغی ٹی وی : میچ نیشنل اسٹیڈیم کراچی میں پاکستانی وقت کے مطابق شام ساڑھے سات بجے شروع ہوگا انگلینڈ کو سیریز میں ایک صفر کی برتری حاصل ہے۔

ٹی ٹوئنٹی سیریز:میزبان پاکستان کومہمان ٹیم انگلستان نے پہلے ہی میچ میں‌شکست فاش دے دی

گزشتہ روز پاکستان اور انگلینڈ کی ٹیموں نے نیشنل اسٹیڈیم میں پریکٹس تو نہیں کی البتہ ہوٹل میں ٹینس کھیلی اور انڈور اسپورٹس کھیل کر خوب انجوائے کیا۔

واضح رہے کہ پہلے انگلینڈ کرکٹ ٹیم کے کپتان معین علی نے ٹاس جیت کر قومی ٹیم کے کپتان بابر اعظم کو پہلے بیٹنگ کی دعوت دی قومی ٹیم کی طرف سے بیٹنگ کا آغاز بابر اعظم اور محمد رضوان نے کیا،دونوں کی 85 رنز کی شراکت داری کا خاتمہ عادل راشد کی شاندار گیند پر ہوا جب بابر اعظم 31 سکور بنا کر بولڈ ہوئے۔

اس دوران محمد رضوان نے اپنے کیریئر کی 17 ویں نصف سنچری مکمل کی ، وہ تیز ترین دو ہزار رنز بنانے والے بابر اعظم کے ہم پلہ بیٹر بن گئے ہیں109 کے مجموعی سکور پر حیدر علی 13 گیندوں پر 11 رنز بنا کر پویلین لوٹے، کوران نے وکٹ حاصل کی، محمد رضوان کی اننگز کا خاتمہ معین علی نے کیا-

شان مسعود کی باری کا خاتمہ عادل راشد نے کیا، ڈیبیو کرنے والے بیٹر پہلے میچ میں ناکام رہے اور سات گیندوں پر 7 سکور بنا کر گلیسن کو کیچ دے بیٹھے قومی ٹیم کو پانچواں نقصان محمد نواز کی صورت میں اٹھانا پڑا، آل راؤنڈر 5 گیندوں پر چار رنز بنا کر ووڈ کی گیند پر بولڈ ہو گئے۔ افتخار احمد نے 28 رنز بنا کر آؤٹ ہوئے، نسیم شاہ صفر پر پویلین لوٹے۔

آئی سی سی نےکرکٹ قوانین میں تبدیلیاں کردیں:ٹی 20 ورلڈ کپ بھی انہیں قوانین کے تحت کھیلا جائے گا

قومی ٹیم نے مقررہ اوورز میں 7 وکٹوں کے نقصان پر 158 رنز بنائے، لوک ووڈ نے تین شکار کیے، عادل راشد نے 2 وکٹیں حاصل کیں۔

ہدف کے تعاقب میں انگلینڈ کی طرف سے اننگز کا آغاز تین سال بعد ٹیم میں واپس آنے والے ایلکس ہیلز اور فِل سالٹ نے کیا، دونوں نے ابتداء میں ہی جارحانہ انداز اپناتے ہوئے سکور کو آگے بڑھانے کی کوشش کی۔

19 کے مجموعی سکور پر شاہنواز دھانی نے فل سالٹ کو پویلین بھیج دیا، انہوں نے 10 گیندوں پر 10 رنز بنائے، اس کے بعد ڈیوڈ مالان اور ہیلز نے سکور کو آگے بڑھایا۔

ساتویں اوورز کی دوسری گیند پر ڈیوڈ مالان عثمان قادر کی گیند پر آؤٹ ہو گئے، گیارہ اوورز میں ایک مرتبہ پھر لیگ سپنر نے بین ڈکٹ کو ایل بی ڈبلیو کر دیا۔ ایلکس ہیلز 40 گیندوں پر53 رنز بنا کر حارث رؤف کا نشانہ بن گئے۔

انگلینڈ نے ہدف آخری اوور میں پورا کیا۔ ہیری بروک نے 41 رنز کی زبردست ناٹ آؤٹ باری کھیلی، کپتان معین علی 6 رنز بنا کر ناٹ آؤٹ رہے، قومی ٹیم کی طرف سے عثمان قادر نے دو، حارث رؤف اور شاہنواز دھانی نے ایک ایک وکٹ حاصل کی تھی-

پاکستان اورانگلینڈ کےدرمیان کھیلا گیا میچ 200 سیلاب متاثرین نےاسٹیڈیم میں دیکھا

پاکستانی سکواڈ:
میچ کے دوران ٹی ٹونٹی میں ڈیبیو کرنے والے شان مسعود کو قومی ٹیم کے کپتان بابر اعظم نے ٹی ٹوئنٹی کیپ دی۔

بابر اعظم (کپتان)، محمد رضوان ، حیدر علی، شان مسعود، افتخار احمد، خوشدل شاہ، محمد نواز، عثمان قادر، حارث رؤف، نسیم شاہ، شاہنواز دھانی شامل ہیں۔

انگلینڈ سکواڈ:
فل سالٹ، ایلکس ہیلز، ڈیوڈ مالان، بین ڈکٹ، ہیری بروک، معین علی، سام کوران، ڈیوڈ ولی، عادل راشد، لوک ووڈ، رچرڈ گلیسن

کراچی :چیئرمین پی سی بی رمیز راجہ اور انگلش کرکٹ بورڈ کے چیئرمین مارٹن ڈارلو میچ دیکھنے کیلئے نیشنل اسٹیڈیم پہنچ گئے۔

نیشنل اسٹیڈیم میں میڈیا سے گفتگو کرتے ہوئے رمیز راجہ نے کہا بابر اعظم کو سمجھاتا ہوں کہ فینز کی یادداشت کمزور ہے، فینزکو خوش کرنے کےلیےآپ کو ہر میچ جیتنا ہوگا، انہوں نے کہا کہ امپورٹ بند ہونے کے باعث فینز کو شادی کی کرسیوں پر بٹھا رہے ہیں۔

رمیز راجہ کا کہنا تھا کہ ورلڈ کپ کی تیاری کیلئے پاکستان اور انگلینڈ کی ٹی ٹوئنٹی سیریز اہم ہے، صرف کرکٹ کی طرف توجہ دے رہا ہوں امید ہے اچھا مقابلہ ہوگا۔

چیئرمین پی سی بی نے کہا شاہین ری ہیب کیلئے انگلینڈ میں ہے جبکہ فخر کو بھی انگلینڈ بھیج رہے ہیں۔انہوں نے کہا شاہین کامعاملہ بلا ضرورت متنازع بنایا گیا وہ ورلڈ کپ میں ٹیم میں ہوگا، رضوان کا بھی پی سی بی خیال رکھ رہا ہے۔

پاکستان اور انگلینڈ کے مابین کراچی میں آج شروع ہونے والی ٹی ٹوئنٹی سیریز میں شرکت کے لیے انگلینڈ کرکٹ بورڈ کے ڈپٹی چیئرمین اور آفیشل بھی کراچی پہنچ گئے ہیں۔

ای سی بی کے ڈپٹی چیئرمین مسٹر مارٹن ڈارلو اور آفیشل مسٹر جان ریڈ لندن سے براستہ دبئی ایمریٹس ائیر لائنز کی پرواز ای کے 600 کے ذریعے کراچی پہنچے، جناح انٹرنیشنل ائیرپورٹ پر پاکستانی حکام نے ان کا استقبال کیا۔

ای سی بی کے ڈپٹی چیئرمین مسٹر مارٹن ڈارلو اور آفیشل مسٹر جان کو انتہائی سخت سکیورٹی اور پروٹوکول میں ہوٹل پہنچایا گیا۔پاکستان اور انگلینڈ کے مابین ٹی ٹوئنٹی سیریز کا پہلا میچ آج شام کراچی کے نیشنل اسٹیڈیم میں شروع ہو رہا ہے۔

پاکستان اور انگلينڈ کے درميان پہلے میچ کی گیٹ منی سیلاب متاثرین فنڈ میں جائے گی۔300 سيلاب متاثرين ميچ اسٹيڈيم ميں ديکھ سکيں گے۔سیریز کے ابتدائی 4 میچز کراچی اور دیگر 3 میچز لاہور میں کھیلے جائیں گے۔

پاکستان اور انگلینڈ کی ٹی 20 سیریز کے لئے 28 ایچ ڈی کیمرے نصب کئے گئے ہیں۔ٹی 20 سیریز میں ڈرون کیمرے اور بگی بھی شامل ہے۔اس کےعلاوہ الٹرا موشن، بال ٹریکنگ، الٹرا ایج سمیت ہاک آئی کے ساتھ ڈی آر ایس کی سہولت بھی میسر ہے

صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس