Baaghi TV

Tag: اہم ترین

  • ورلڈ ٹیسٹ چیمپئین شپ،سری لنکا نےپاکستان کو پیچھےچھوڑدیا

    ورلڈ ٹیسٹ چیمپئین شپ،سری لنکا نےپاکستان کو پیچھےچھوڑدیا

    کولمبو:سری لنکا نے بنگلہ دیش کے خلاف حالیہ سیریز میں فتح حاصل کرنے کے بعد ورلڈ ٹیسٹ چیمپئین شپ کے پوائنٹس ٹیبل پر پاکستان کو پیچھے چھوڑ دیا ہے۔

    تفصیلات کے مطابق بنگلادیش کے خلاف سیریز میں کامیابی کے بعد سری لنکا پوائنٹس ٹیبل پر چوتھے نمبر پر آگیا جبکہ پاکستان پانچویں نمبر پر چلا گیا ہے۔سری لنکا نے بنگلہ دیش کو دوسرے ٹیسٹ میں 29 رنز کے ہدف کے تعاقب میں شکست دے کر سیریز 1-0 سے اپنے نام کر لی۔

    سری لنکا کے اسیتھا فرنینڈو کو 10 وکٹیں لینے پر پلیئر آف دی میچ کا ایوارڈ دیا گیا۔تجربہ کار اینجلو میتھیوز کو سیریز کا بہترین کھلاڑی قرار دیا گیا کیونکہ انہوں نے دو میچوں میں دو سنچریوں سمیت 344 رنز بنا ئے۔

    پوائنٹس ٹیبل پر40 پوائنٹس کے ساتھ سری لنکا چوتھے نمبر پر ہے اور پاکستان 44نمبر کے ساتھ پانچویں نمبر پر ہے ،تاہم سری لنکا کی بہتر وننگ اوسط نے پاکستان کو پانچویں نمبر پر پہنچا دیا۔پاکستان کا وننگ اوسط 52 اعشاریہ 38 ہے جبکہ سری لنکا کا 55.56 ہے۔ورلڈ ٹیسٹ چیمپئین شپ کے پوائنٹس ٹیبل پر آسٹریلیا 75.00 وننگ اوسط کے ساتھ سر فہرست ہے۔

    واضح رہے کہ پاکستان سری لنکا کے خلاف جولائی میں دو میچوں کی ٹیسٹ سیریز کھیلے گا۔

    اس سے پہلے سری لنکا نے دوسرے ٹیسٹ میچ میں بنگلادیش کو 10 وکٹوں سے شکست دے دی۔تفصیلات کے مطابق سری لنکا کو جیت کے لیے 29 رنز کا ہدف ملا جو اس نے بغیر کسی نقصان کے 3 اوورز میں ہی حاصل کرلیا۔اوشادا فرنانڈو 21 اور کپتان دیموتھ کرونا رتنے 7 رنز بنا کر ناقابل شکست رہے۔

    بنگلادیشی ٹیم اپنی دوسری اننگز میں صرف 169 رزن پر ڈھیر ہوگئی تھی۔شکیب الحسن 58 اور لٹن داس 52 رنز بناکر نمایاں رہے تھےجبکہ مشفق الرحیم 23 اور محمود الحسن جوئے 15 رنز بناسکے۔ان کے علاوہ کوئی دیگر کھلاڑی ڈبل فیگرز میں داخل نہ ہوسکا ۔

    سری لنکا کی جانب سے اسیتھا فرنانڈو نے نے شاندار بالنگ کا مظاہرہ کرتے ہوئے 6 وکٹیں حاصل کیں اور سری لنکا کی جانب سے چمندا واس کے بعد ٹیسٹ میچ میں 10 وکٹیں لینے والے دوسرے فاسٹ بولر بن گئے۔کسوتھ راجیتھا نے 2 اور رمیش مینڈس نے ایک وکٹ حاصل کی۔

    اس سے قبل بنگلا دیش نے ٹاس جیت کر پہلے بیٹنگ کرتے ہوئے 365 رنز بنائے تھے۔ مشفق الرحیم نے ناقابل شکست 175 رنز کی اننگز کھیلی تھی جبکہ لٹن داس نے 141 رنز بنائے تھے۔سری لنکا کی جانب سے کسون راجیتھا نے 5 اور اسیتھا فرنانڈو نے 4 وکٹیں حاصل کی تھیں۔

    سری لنکن نے ٹیم نے پہلی اننگز میں 506 رنز بنائے تھے۔اینجلو میتھیوز 145 رنز بناکر ناقابل شکست رہے تھے جبکہ دنیش چندیمل نے 124 ، کپتان دیموتھ کرونا رتنے نے 80 اور اوشادا فرنانڈو نے 57 رنز بنائے تھے۔

    بنگلا دیش کی جانب سے شکیب الحسن نے 5 اور عبادت حسین نے 4 وکٹیں حاصل کی تھیں۔اس فتح کے ساتھ ورلڈ ٹیسٹ چیمپئن شپ میں شامل دو ٹیسٹ میچز کی سیریز 0-1 سے سری لنکا کے نام ہوگئی۔یاد رہے کہ دونوں ٹیموں کے مابین پہلا ٹیسٹ میچ ڈرا ہوگیا تھا۔

  • وزیراعلیٰ خیبرپختونخوا کیخلاف وفاقی حکومت نے بڑا فیصلہ کرلیا

    وزیراعلیٰ خیبرپختونخوا کیخلاف وفاقی حکومت نے بڑا فیصلہ کرلیا

    اسلام آباد: وزیراعلیٰ خیبرپختونخوا کیخلاف وفاقی حکومت نے بڑا فیصلہ کرلیا ،اطلاعات کے مطابق وفاقی حکومت نے تحریک انصاف کے لانگ مارچ میں شرکت پر وزیراعلیٰ خیبرپختونخوا (کے پی) محمود خان کے خلاف کارروائی کا فیصلہ کیا ہے۔

    وفاقی وزیر داخلہ رانا ثنااللہ کا کہنا ہےکہ وزیراعلیٰ خیبر پختونخوا نے وفاق پر چڑھائی کرکے عہدےکا غیرآئینی استعمال کیا، مسلح پولیس افسران کے ہمراہ وزیراعلیٰ کے پی کی شرکت وفاق پرحملہ ہے۔

    رانا ثنااللہ کا کہنا ہےکہ وزیراعلیٰ کے غیرآئینی اقدام پر ان کےخلاف قانونی کارروائی کا فیصلہ کیاہے، اس سلسلے میں وزارت قانون سےرائے طلب کرلی ہے، وزارت قانون سے حاصل قانونی رائے پرعمل کریں گے۔

    وفاقی وزیر داخلہ کا کہنا ہےکہ خیبرپختونخوا میں تعینات وفاقی سرکاری ملازمین اور پولیس افسران نے پی ٹی آئی کے فتنہ مارچ میں سہولت کاری کی، ان کے خلاف بھی کارروائی کا فیصلہ کیا ہے۔

    رانا ثنااللہ کا کہنا ہےکہ بعض پولیس افسران مسلح ہوکرپی ٹی آئی فتنہ مارچ میں وفاق پر چڑھائی میں ملوث پائےگئے، ایسے افسران کے خلاف اپنے عہدوں کا خلاف قانون استعمال کرنے پرکارروائی کا فیصلہ کیا ہے۔

  • بھارت کی موجودہ صورتحال کے پیش نظر سکھوں کے پاس جدید ہتھیار ہونا ضروری ہے:سربراہ اکال تخت

    بھارت کی موجودہ صورتحال کے پیش نظر سکھوں کے پاس جدید ہتھیار ہونا ضروری ہے:سربراہ اکال تخت

    امرتسر:اکال تخت کے سربراہ گیانی ہرپریت سنگھ نے بھارت میں آر ایس ایس کی حمایت یافتہ مودی کی فسطائی بھارتی حکومت کے اقلیتوں خصوصاسکھوں اور مسلمانوں کے خلاف مذموم عزائم کے پیش نظرسکھوں پر جدیدہتھیار رکھنے پر زوردیا ہے۔

    گیانی ہرپریت سنگھ نے سری گرو ہرگوبند صاحب کے یومِ گرگدی کے سلسلے میںجاری ایک ویڈیو پیغام میں کہاہے کہ گرو ہرگوبند جی نے اپنے پیروکاروںکو گھڑ سواری اور ہتھیاروں کااستعمال سیکھنے کی ہدایت کی تھی ۔ لہذا سکھ برادری کو جدیدہتھیار رکھنے اور ان کے اصول کو کو آگے بڑھانے کی ضرورت ہے۔سکھ گرو ہرگوبند صاحب نے اپنے پیروکاروںکو گربانی پڑھ کر مضبوط ہونے اور مسلح ہونے کی بھی ہدایت کی تھی ۔

    انہوں نے کہاکہ گروہرگوبند کی ہدایت پرعمل درآمد آج بھی سکھ لڑکوں اور لڑکیوں کے لیے ضروری ہے۔ گیانی ہرپریت سنگھ کے بیان سے بھارتی ریاست پنجاب میں تنازعہ کھڑا ہو گیا ہے ۔

    وزیر اعلیٰ بھگونت سنگھ مان نے ان کے بیان پر تبصرہ کرتے ہوئے کہاہے کہ گیانی ہرپریت سنگھ کو سکھ نوجوانوں کو ہتھیاررکھنے کی بجائے امن و ہم آہنی اور بھائی چارے کی فضا قائم کرنے کی ہدایت کرنی چاہیے ۔ بی جے پی کے ریاسی صدر اشونی شرما نے کہاہے کہ ہرپریت سنگھ کے بیان سے لوگوں میں غلط پیغام جائے گا

  • اینکر عمران ریاض خان پر بھی مقدمہ درج

    اینکر عمران ریاض خان پر بھی مقدمہ درج

    لاہور:پاکستان کے سب سے زیادہ سننے والے اینکر عمران ریاض خان پر بھی مقدمہ درج کیا گیا ہے.اطلاعات کے اس دائر مقدمے میں کہا گیا ہے کہ عمران ریاض خان نفرت انگیز گفتگو کرتا ہے.

    یہ بھی بتایا جارہا ہےکہ یہ مقدمہ سندھ کے علاقہ ٹھٹھہ کے تھانے میں ہوا ہے ، اس حوالے سے کہا جارہا ہےکہ عمران ریاض خان پرالزام ہے کہ وہ اداروں کے خلاف کھُل کربات کرتے ہیں ،

     

     

    یاد رہے کہ اس سے پہلے 2اینکر پرسنز پر مقدمے درج کرلئے گئے ۔ مقدمہ تھانہ بی سیکشن پر شہری کی فریاد پر درج کروایا گیا، مقدمہ ملکی دفاعی ادارے کیخلاف ہرزہ سرائی اور نفرت پھیلانے کی دفعات کے تحت درج کیا گیا۔پولیس کا کہنا ہے کہ مقدمہ ریاستی اداروں کیخلاف گفتگو کرنے کے تحت درج کیا گیا،

    طیب نامی نوجوان نے گزشتہ روز مقدمہ درج کروادیا ہے، اینکر پرسن پر یوٹیوب پر ریاستی اداروں کیخلاف زبان استعمال کرنے کا الزام ہے، مقدمہ 131,153,505 پی پی سی کی دفعات کے تحت درج کروایا گیا۔فریادی کے مطابق ہوٹل پر دوستوں کیساتھ یوٹیوب چینل پر پروگرام دیکھا، پولیس کی غلطی ہے کہ پولیس نے ایف آئی آر میں نام اشرف شریف درج کردیا۔ دوسرے اینکر صابر شاکر پر بھی میرپور خاص میں مہران پولیس اسٹیشن مقدمہ درج کرلیا گیا۔

    دفاعی اداروں کے خلاف بیان دینے پر صابر شاکر کے خلاف مقدمہ درج کیا گیا ہے۔ مقدمہ محمود حسن نامی شہری کی مدعیت میں درج کیا گیا ہے۔ مقدمے میں دفعہ 153، 505 اور 131 شامل کی گئی۔ علاوہ ازیں راولپنڈی اسلام آباد یونین آف جرنلسٹس کے صدرعابد عباسی،جنرل سیکرٹری طارق علی ورک،فنانس سیکرٹری کاشان اکمل گل اور مجلس عاملہ کے اراکین نے دونوں اینکر پرسنز کیخلاف سندھ میں ایف آئی آرز کے اندراج کی بھرپور مذمت کرتے ہوئے اس اقدام کو آزادی اظہار رائے پر قدغن لگانے کے مترادف قرار دیا ہے۔

  • آج ایک بار پھر عمران خان سچے ثابت ہوئے:قاسم خان سوری

    آج ایک بار پھر عمران خان سچے ثابت ہوئے:قاسم خان سوری

    اسلام آباد:سابق ڈپٹی اسپیکر قاسم خان سوری نے کہا ہے کہ آج ایک بار پھر عمران خان سچے ثابت ہوئے۔تفصیلات کے مطابق پاکستان تحریک انصاف ویمن ورکرز ونگ کنونشن سے قاسم خان سوری نے خطاب کرتے ہوئے کہا کہ آج ایک بار پھر عمران خان سچے ثابت ہوئے، عمران خان کے نام پر ووٹ لینے والے لوٹوں نے منڈی میں کشمیر بیچا۔

    انہوں نے کہا کہ آج وہ لوگ نا اہل ہوگئے اور عبرت کا نشانہ بنے، لوٹا کریسی کر کے پنجاب اور وفاق میں پی ٹی آئی حکومت گرائی، کچھ خواتین نے بھی اپنا ضمیر بیچا اور عبرت بنی۔

    ان کا کہنا تھا کہ ہم واحد مسلم ملک ہیں جو اسلام کے نام پر بنا، حق اور سچ کی جنگ میں سب سے بڑا کردار ہماری خواتین کا ہے، سب سے زیادہ نوجوان خواتین پاکستان میں ہیں، عمران خان پاکستان کی آزاد خارجہ پالیسی کی جنگ لڑ رہے تھے۔

    قاسم خان سوری نے کہا کہ کیا امریکہ پاکستان میں سازش کے تحت رجیم چینج کرتا رہے گا؟ ساری عوام اس امپورٹڈ حکومت سے نجات حاصل کرنے کے لیے نکل پڑی ہے، ملتان کے خطاب میں آج اسلام آباد مارچ کا فیصلہ ہوگا۔

    یاد رہے کہ آج الیکشن کمیشن کی جانب سے پاکستان تحریک انصاف کے 25 منحرف اراکین پنجاب اسمبلی کو ڈی سیٹ کردیا گیا۔

    معاملے پر محفوظ فیصلہ چیف الیکشن کمیشنر سکند سلطان راجہ کی جانب سے سنایا گیا۔

    جن 25 منحرف اراکین کو ڈی سیٹ کیا گیا ان کے نام ملک غلام رسول، سعید اکبر خان، محمد اجمل، عبدالعلیم خان، نذیر احمد چوہان، محمد امین ذوالقرنین، ملک نعمان لنگڑیال، محمد سلمان اور زوار حسین وڑائچ شامل ہیں۔ دیگر ڈی سیٹ ہونے والے اراکین میں محمد طاہر، عائشہ نواز، ساجدہ یوسف، ہارون عمران گل، عظمیٰ کاردار، ملک اسد علی، اعجاز مسیح، محمد سبطین رضا، محسن عطا خان کھوسہ، میاں خالد محمود، مہر محمد اسلم اور فیصل حیات شامل ہیں۔ ان منحرف ارکان نے حمزہ شہباز کو وزارت اعلیٰ کیلئے ووٹ دیا تھا۔

  • مشکلات درپیش ہیں، حالات پر قابو پانے کی کوشش کررہی ہے،شاہد خاقان عباسی

    مشکلات درپیش ہیں، حالات پر قابو پانے کی کوشش کررہی ہے،شاہد خاقان عباسی

    اسلام آباد:حکومت اس وقت سخت مشکل صورت حال سے دوچار ہے، ان خیالات کا اظہار کرتے ہوئے سابق وزیر اعظم اور مسلم لیگ ن کے سینئر رہنما شاہد خاقان عباسی نے کہا ہے کہ حکومت کو بہت سی مشکلات کا سامنا ہے۔احتساب عدالت کے باہر میڈیا سے گفتگو کرتے ہوئے مسلم لیگ ن کے سینئر رہنما شاہد خاقان عباسی نے کہا ہے کہ احتساب کا حال دیکھنا ہے تو عدالتوں میں آ کر دیکھیں ، لوگوں کی تذلیل کیلئے جھوٹے کیسز بنائےگئے۔

    شاہد خاقان عباسی نے کہا کہ ملک میں احتساب کا نیا ادارہ بنانا ہوگا ، اتحادی حکومت کے درمیان اس حوالے سے مشاورت جاری ہے۔انہوں نے کہا کہ ہمارے کیسز بے شک چلتے رہے، عمران خان بھی اپنے کیسز کا سامنا کریں اور چیئرمین نیب بھی عدالتوں کے سامنے پیش ہوں۔

    سابق وزیر اعظم نے کہا کہ حکومت بنے تین ہفتے ہو گئے ہیں، حکومت کو بہت سی مشکلات کا سامنا ہے ،ملک کی معاشی صورتحال نے سیاست کو ثانوی حیثیت دیدی ہے ۔انہوں نے کہا کہ معاشی حالات کو ٹھیک کرنے کیلئے ایک ٹیبل پر تمام اداروں کو بیٹھنا ہوگا ، چار سالوں میں ملکی معشیت کی تباہی کی گئی۔
    انہوں نے کہا کہ ایک سال میں اس تباہ شدہ معشیت کو ٹھیک نہیں کیا جا سکتا ہے ، اسمبلیاں توڑنا کسی چیز کا حل نہیں ہے۔

    شاہد خاقان عباسی نے کہا کہ عوام چاہتی ہے کہ جنھوں نے یہ حشر کیا ملک کا ان کا بھی احتساب ہو، عمران خان نے کرپشن کی ہے ان کا بھی احتساب ہو۔انہوں نے کہا کہ پاکستانی سیاست میں مداخلت ہوتی رہی ہے، یہ ہو نہیں سکتا کہ آپ مداخلت کرتے رہے ہوں اور آج ذمہ دار سیاستدان قرار پائیں۔سابق وزیر اعظم نے مزید کہا کہ اب جو فیصلے ہو رہے ہیں وہ پاکستان کے مستقبل کے لیے ہیں۔

  • میں قوم کو اسلام آباد سیاست کے لیے نہیں، انقلاب کے لیے بلا رہا ہوں:عمران خان

    میں قوم کو اسلام آباد سیاست کے لیے نہیں، انقلاب کے لیے بلا رہا ہوں:عمران خان

    مردان:عمران خان نے کہا ہے کہ میں قوم کو اسلام آباد سیاست کے لیے نہیں، انقلاب کے لیے بلا رہا ہوں۔

    چیئر مین پاکستان تحریک انصاف عمران خان نے جلسے سے خطاب کرتے ہوئے کہا ہے کہ شاندار استقبال کرنے پر مردان کا شکریہ، شاندار استقبال پر مردان کا دل سے شکریہ ادا کرتا ہوں۔

    انہوں نے کہا کہ یہاں آپ سب کو اسلام آباد مارچ کیلئے تیار کرنے آیا ہوں، میں مردان والوں کو اسلام آباد سیاست کیلئے نہیں انقلاب کیلئے بلا رہا ہوں، میں پاکستان کو حقیقی آزادی دینے کیلئے آپ سب کو بلا رہا ہوں۔

    عمران خان نے کہا ہے کہ نوجوانوں نے خاص طور پر اسلام آباد مارچ میں شرکت کرنی ہے، میری عمر سے جو بھی کم ہے وہ نوجوان ہے، 70 سال سے کم عمر افراد نوجوان ہیں۔

    چیئر مین پاکستان تحریک انصاف نے کہا کہ میں پاکستان کی ساری ماؤں، بہنوں اور بچوں کو بھی دعوت دینے آیا ہوں، میرے والدین کہتے تھے تحریک پاکستان میں عورتیں، بچے اور بزرگ سب شامل تھے۔

    انہوں نے کہا کہ لندن میں بیٹھنے والوں نے نہیں بلکہ تم نے اس ملک کے فیصلے نہیں کرنے، پاکستان کی قیادت کون کرے گا یہ فیصلہ عوام کرے گی۔

    عمران خان نے کہا ہے کہ پاکستان پر یہ فیصلہ کن وقت ہے، امریکا کے غلاموں سے اس ملک کو آزاد کرنا ہے،

    چیئرمین پاکستان تحریک انصاف نے کہا کہ ڈیزل نے آتے ہی وہ وزارت لی جس میں کمائی ہو، اگر الیکشن کی تاریخ نہ دی تو عوام کا سمندر اسلام آباد آ رہا ہے، عوام کا یہ سمندر سب کچھ بہا کر لے جائے گا۔

    انہوں نے کہا کہ امریکا کے ساتھ مل کر سازش کی گئی، امریکا کے ایک چھوٹے سے سرکاری افسر نے مجھے ہٹانے کی دھمکی دی، ڈونلڈ لو نے کہا عمران خان کو نہ ہٹایا تو تمہیں نقصان ہو گا۔

    عمران خان نے کہا ہے کہ امریکی افسر نے کہا اگر شہباز شریف کو بٹھا دیا تو پاکستان کو معاف کر دیں گے، اس سے پوچھتا ہوں تم ہو کون پاکستان کو معاف کرنے والے، ہم امریکیوں کے نوکر اور غلام نہیں ہیں۔

    چیئرمین پاکستان تحریک انصاف نے کہا کہ شہباز شریف بوٹ پالش اور آصف زرداری امریکیوں کے غلام ہیں، ڈیزل نے امریکی سفارتکار کو کہا مجھے موقع دیدیں میں بہتر خدمت کروں گا۔

    انہوں نے کہا کہ یہ امریکیوں کے غلام ہیں، ہم اس کی امت ہیں جو دنیا کی تاریخ کا عظیم ترین لیڈر تھا، خوف کی زنجیر انسان کو پرواز نہیں کرنے دیتی، اللہ ایمان والوں کے خوف دور کردیتا ہے۔

    عمران خان نے کہا ہے کہ زندگی اور موت اللہ کے ہاتھ میں ہے، میرے خلاف میڈیا پر کمپین کی گئی، عوام میری اتنی ہی عزت افزائی کر رہی ہے۔

    چیئرمین پاکستان تحریک انصاف نے کہا کہ کبھی غلام بڑے کام نہیں کر سکتا، صرف آزاد آدمی بڑے کام کرتا ہے، ہمارے اوپر بٹھائے گئے امریکا کے غلام کبھی قوم کو عظیم قوم نہیں بننے دیں گے، جب ہمیں حکومت ملی یہ چور 10 سال حکومت کر چکے تھے۔

  • سوتیلے باپ نے چودہ سالہ بیٹی کو زیادتی کا نشانہ بنا ڈالا

    سوتیلے باپ نے چودہ سالہ بیٹی کو زیادتی کا نشانہ بنا ڈالا

    قصور:محلہ کھٹکاں والہ چونیاں میں سوتیلے باپ نے نشہ آور جوس پلا کر بیوی کو بہوش کرکے چودہ سالہ بیٹی کو زیادتی کا نشانہ بنا دیا۔پولیس نے مقدمہ درج کر کے ملزم کو گرفتار کر لیا۔جوہر ٹاون لاھور کی رہائشی روحی بانو نے پولیس تھانہ چونیاں سٹی میں مقدمہ درج کروایا ھے کہ تین سال قبل اس نے اپنی سگی بھانجی رابعہ بی بی کی شادی ملزم افضل سے کی۔

    رابعہ بی بی کے سابق خاوند سے ایک بیٹی ماریہ بی بی بھی اس کے ساتھ رہنے گئی مگر ملزم افضل کی پہلے دن سے ماریہ بی بی پر بری نظر تھی اسکی ان حرکات کی وجہ سے میں ماریہ بی بی کو واپس اپنے پاس لاھور لے آئی مگر میری بھانجی رابعہ حاملہ ھو گئی تو گھر کے کام کاج کے پیش نظر چودہ سالہ ماریہ کو دوبارہ چونیاں بھیج دیا کہ وقوعہ کے روز افضل نے جوس وغیرہ میں نشہ آور چیز ملا کر اپنی بیوی رابعہ بی بی کو بہوش کر دیا اور وہ ماریہ کو کمرہ میں لیجا کر اسے زیادتی کا نشانہ بنا دیا اور شور کرنے پر ماریہ بی بی اور اپنی بیوی کو تشدد کا نشانہ بنایا اور کسی کو بتانے پر جان سے مارنے کی دھمکیاں دیتے ہوئے گھر سے فرار ھو گی۔

    علاج کے لئے دونوں ماں بیٹیوں کو ڈسٹرکٹ ہسپتال قصو ر منتقل کیا گیا تاہم ملزم کے تشدد سے رابعہ بی بی کا حمل ضائع ھو گیا جبکہ ماریہ بی بی کی میڈیکل رپورٹ میں زیادتی ثابت ھونے پر پولیس نے مقدمہ درج کر کے ملزم افضل کو گرفتار کرلیا ھے ۔

  • گورنر پنجاب کا ہائیکورٹ کے جج کیخلاف سپریم جوڈیشل کونسل میں ریفرنس بھیجنے کا اعلان

    گورنر پنجاب کا ہائیکورٹ کے جج کیخلاف سپریم جوڈیشل کونسل میں ریفرنس بھیجنے کا اعلان

    لاہور:گورنر پنجاب عمر سرفراز چیمہ نے لاہور ہائیکورٹ کے جج کے خلاف سپریم جوڈیشل کونسل میں ریفرنس بھیجنے کا اعلان کیا ہے۔

    ایک بیان میں گورنر پنجاب نے کہا کہ عالمی سازش کی وجہ سے بھٹو کو پھانسی پر چڑھا دیا گیا، آج عمران خان کے خلاف سازش ہوئی اور ایک جمہوری حکومت کو ختم کیا گیا۔

    علاوہ ازیں عمر سرفراز چیمہ نے سوشل میڈیا پر جاری بیان میں کہا کہ ہر گزرتا لمحہ پنجاب کے بے قصور غیرت مند جوانوں کے لیے زندگی مشکل کرتا جا رہا ہے ۔انہوں نے مزید لکھا کہ سسیلین مافیا اپنے مخالفوں پر ناموس رسالت ﷺ جیسے سنگین جرائم کے جھوٹے پرچے کاٹ رہی ہے۔

    گورنر پنجاب کا کہنا تھا کہ پنجاب کے غریب اور معصوم شہریوں کو ہراساں کیا جا رہا ہے، وزیراعظم وقت ضائع نہ کریں، آپشننز محدود ہوتے جا رہے ہیں۔

    گورنر پنجاب عمر سرفراز چیمہ نے وزیراعظم شہباز شریف کے بعد آرمی چیف جنرل قمر جاوید باجوہ کو بھی خط لکھ دیا۔گورنر پنجاب نے آرمی چیف کو صدر مملکت اور وزیر اعظم کو لکھے گئے خطوط کی نقول بھی بھیجوا دیں۔

    خط میں گورنر پنجاب نے آرمی چیف سے پنجاب کی موجودہ صورتحال میں کردار ادا کرنے کی اپیل کی ہے۔خط میں کہا گیا ہے کہ آرمی چیف پنجاب میں آئینی فریم ورک پر عمل درآمد کیلئے کردار ادا کریں۔خط میں وفاقی اور صوبائی حکومتوں پر عوامی اعتماد بحال کرنے کیلئے بھی کردار ادا کرنے کی اپیل کی گئی ہے۔

    خیال رہے کہ اس سے قبل عمر سرفراز چیمہ کا وزیراعظم شہباز شریف کو لکھا گیا خط سامنے آیا تھا جس میں انہوں نے کہا کہ کوئی طاقت مجھے آپ کے بیٹے کے غیر آئینی اقدامات کو روکنے سے منع نہیں کر سکتی، میں تمام صلاحیتوں کو بروئے کار لا کر آئین پاکستان کی حفاظت کروں گا۔

  • ڈپٹی اسپیکر قومی اسمبلی قاسم سوری مستعفی نہیں ہوئے،اسمبلی کے اجلاس کی صدارت کریں گے

    ڈپٹی اسپیکر قومی اسمبلی قاسم سوری مستعفی نہیں ہوئے،اسمبلی کے اجلاس کی صدارت کریں گے

    اسلام آباد: قومی اسمبلی سیکریٹریٹ کے عہدیدار نے کہا ہے کہ ڈپٹی اسپیکر قاسم سوری نے استعفیٰ نہیں دیا ہے، کل قومی اسمبلی کے اجلاس کی صدارت قائم مقام اسپیکر قاسم سوری کریں گے۔

    قائم مقام اسپیکر قاسم سوری قومی اسمبلی پہنچ گئے، قومی اسمبلی سیکرٹریٹ نے ایوان صدر کو تحریک عدم اعتماد کی کامیابی سے متعلق آگاہ کردیا۔

    واضح رہے کہ سابق وزیراعظم عمران خان کے خلاف تحریک عدم اعتماد آنے کے بعد اسپیکر قومی اسمبلی اسد قیصر اپنے عہدے سے مستعفی ہوگئے تھے جبکہ ڈپٹی اسپیکر قومی اسمبلی قاسم سوری نے استعفیٰ نہیں دیا تھا۔

    یاد رہے کہ سابق اسپیکر قومی اسمبلی اسد قیصر نے گزشتہ روز دھمکی آمیز مراسلہ قومی اسمبلی میں دکھاتے ہوئے کہا تھا کہ دھمکی آمیز مراسلہ میرے پاس ہے جس کو دیکھنا چاہیے تو دیکھ سکتا ہے۔

    انہوں نے کہا کہ ریاست پاکستان کا تحفظ کرنا میری آئینی ذمہ داری ہے، آج شاید یہ میرا آخری اجلاس ہے جس کو میں چیئر کررہا ہوں۔ ہمیں خود مختاری کے لیے کھڑا ہونے ہو گا۔

    میں آئین پاکستان کا حلف پابند ہوں، اسد قیصر کی جانب سے مستعفی ہونے کے بعد اسپیکر کی سیٹ پینل آف چیئر ایاز صادق نے سنبھال لی جنہوں نے بعد ازاں تحریک اعدم اعتماد پر ووٹنگ کروائی۔