Tag: اہم ترین

کراچی :کے الیکٹرک اور ایس ایس جی سی کے مذاکرات ناکام ہوگئے،اطلاعات کے مطابق کراچی میں لوڈ شیڈنگ سے ستائے شہریوں کے لئے بری خبرنے کراچی والوں کو اور پریشان کردیا ہے،؛ اطلاعات ہیں کہ الیکٹرک اور ایس ایس جی سی کے درمیان معاملات طئے نہیں پاسکے

کے الیکٹرک اور ایس ایس جی سی کے مذاکرات کا پہلا مرحلہ ناکام ہوگیا ہے۔تفصیلات کے مطابق ایم ڈی سوئی گیس اور سیکریٹری پیٹرولیم کے کے الیکٹرک انتظامیہ سے ہونے والے مزاکرات ناکام ہوگئے، ایس ایس جی سی نے کے الیکٹرک کو گیس کی سپلائی کم کر دی۔

لوڈشیڈنگ جاری،شارٹ فال کم ہو کر 6 ہزار 85 میگاواٹ رہ گیا

کے الیکٹرک ایس ایس جی سی کے اربوں روپے کی نادہندہ ہوگئی، ایس ایس جی سی ذرائع کا کہنا ہے کہ 3 جون کو تازہ ادائیگیوں میں دوسری بار ادائیگیوں میں ڈیفالٹ کیا ہے، 10 ارب کی حالیہ ادائیگیوں میں صرف دو روز میں 75 کروڑ کی ادائیگی ہوئی ہے۔ذرائع ایس ایس جی سی کے مطابق پیر سے مذاکرات کا دوسرا مرحلہ شروع ہوگا، پیر سے ادائیگی نہ ہونے کی صورت میں مزید گیس کم کی جائے گی۔

کراچی میں بجلی کا تعطل برقرار، شہری 12، 12 گھنٹے لوڈشیڈنگ سے اذیت میں مبتلا

ادھرخرم دستگیر نے کہا ہے کہ انرجی سیکٹر میں 25 سال سے اصلاحات لائی جا رہی ہیں۔وفاقی وزیر توانائی خرم دستگیر نے توانائی کے حوالے سے منعقدہ کانفرنس سے خطاب کرتے ہوئے کہا ہے کہ ہماری حکومت نے توانائی بحران پر قابو پانے کے لئے شمسی توانائی کے منصوبے لگائے۔انہوں نے کہا کہ قائداعظم سولر پاور پلانٹ کا بجلی ریٹ 17 سینٹ فی یونٹ تھا، پاکستان میں لارج اسکیل پر شمسی توانائی فائدہ مند ہے یا نہیں، یہ سوال بہت اہم ہے، 1200 میگاواٹ کا آر ایل این جی پر چلنے والے پلانٹ کو چلانے پر کام جاری ہے

متعکفین کی خاطر رمضان کے باقی ایام لوڈشیڈنگ نا کی جائے

اسلام آباد:عالمی برادری انسانی حقوق کی خلاف ورزیاں بند کرائے، کہ اس کی ذمہ داری ہے ، اگر ایسا نہ ہوا تو دنیا میں بے چینی بڑھے گی جس سے عالمی دنیا بھی متاثر ہوگی ، ان خیالات کا اظہارکرتے ہوئے ترجمان دفترخارجہ پاکستان عاصم افتخار نے کہا ہے کہ پاکستان عالمی برادری پر دباؤ ڈالتا ہے کہ وہ انسانی حقوق کی خلاف ورزیاں بند کرائے۔

ترجمان دفترخارجہ عاصم افتخار احمد نے صحافیوں کو ہفتہ وار بریفنگ دیتے ہوئے کہا ہے کہ 30 اور 31 مئی کو پاک بھارت سندھ طاس آبی کمشنرز کا نئی دلی میں اجلاس ہوا، فریقین نے سندھ طاس معاہدے کی حقیقی روح کے مطابق عملدرآمد کرانے کے عزم کا اظہار کیا۔

انہوں نے کہا کہ پاکستان نے سندھ طاس آبی کمشنرز کے اجلاس میں اپنے تحفظات پیش کیے، 28 مئی کو پاکستان نے ایٹمی دھماکے کیے تھے، 29 مئی کو پاکستان نے اقوام متحدہ کے امن دستوں کی تقریب میں شرکت کی۔

عاصم افتخار نے کہا ہے کہ ملکہ برطانیہ کی پلاٹینم جوبلی تقریبات کے حوالے سے برطانوی ہائی کمیشن کے ساتھ مل کر بیکن لائٹ تقریب کا انعقاد کیا گیا۔

پنجاب سے ڈی سیٹ پی ٹی آئی کے منحرف ارکان کا سپریم کورٹ میں اپیل کا فیصلہ

خواتین پر تشدد کروانے پر عوام میں شدید غصہ پایا جاتا ہے:عمران خان

عمران خان کی سی پی این ای کے نو منتخب عہدیداران کو مبارکباد

مریم نواز کی ایک اور آڈیو لیک

کراچی :پیپلز پارٹی ذرائع ابلاغ کی آزادی پر یقین رکھتی ہے،اطلاعات کے مطابق پی پی پی چیئرمین و وزیرِ خارجہ بلاول بھٹو زرداری نے کہا ہے کہ پاکستان پیپلز پارٹی ذرائع ابلاغ کی آزادی پر یقین رکھتی ہے۔

تفصیلات کے مطابق بلاول بھٹو زرداری نے سی پی این ای کے نو منتخب عہدیداران کے نام تہینتی پیغام جاری کرتے ہوئے کہا کہ کونسل آف پاکستان نیوز پیپرز ایڈیٹرز کے نومنتخب صدر کاظم خان اور جنرل سیکریٹری میاں عامر محمود کو مبارکباد دیتا ہوں۔انہوں ںے ایاز خان کو سینئر نائب صدر، یوسف نظامی کو ڈپٹی سیکریٹری جنرل، غلام نبی چانڈیو کو فنانس سیکرٹری اور زبیر محمود کو انفارمیشن سیکریٹری منتخب ہونے پر مبارکباد دی جبکہ ڈاکٹر جبار خٹک کو نائب صدر سندھ اور مقصود یوسفی کو جوائنٹ سیکریٹری سندھ منتخب ہونے پر مبارکباد کا پیغام دیا۔

بلاول بھٹو زرداری نے حیدر امین کو نائب صدر پنجاب، سلمان مسعود کو نائب صدر اسلام آباد، طاہر فاروق کو نائب صدر خیبر پختونخواہ اور عارف بلوچ کو نائب صدر بلوچستان منتخب ہونے پر مبارک باد دی جبکہ چیئرمین بلاول بھٹو کی جانب سے سی پی این ای کی اسٹینڈنگ کمیٹی کے نو منتخب 44 اراکین کو بھی مبارک باد دی گئی۔ان کا کہنا تھا کہ جمہوریت کے استحکام اور آزادی صحافت کے فروغ کے باب میں سی پی این ای کا کردار قابلِ تحسین ہے، پاکستان پیپلز پارٹی ذرائع ابلاغ کی آزادی پر یقین رکھتی ہے۔

پی پی پی چیئرمین و وزیرِ خارجہ بلاول بھٹو زرداری نے مزید کہا کہ ملک میں آزادیِ اظہار و صحافت کو یقینی بنانے اور فعال میڈیا کی ترقی کیلئے ہر ممکن تعاون جاری رکھیں گے۔

بہاولپور: وزیراعلیٰ پنجاب میاں محمد حمزہ شہباز شریف نے کہا ہے کہ اسلام آباد میں احتجاج کے دوران قاسم سوری کان میں کہتا ہے اسلامی ٹچ دو، یہ ہے اس کا اصل چہرہ، عمران نیازی نے جتنے ٹچ دینے تھے دے چکے،چھ روز بعد دوبارہ فساد کی کوشش کی تو ہم جیل کا ٹچ دیکر حوالات بھیج دیں گے۔

بہاولپور میں جلسے سے خطاب کرتے ہوئے انہوں نے کہا کہ آج یوم تکبیرکے موقع پرحاضرہوئے ہیں، شدید گرمی کے باوجود شیروں نے نکل کر ثابت کر دیا آپ (ن) لیگ کے سچے سپاہی ہیں، بہاولپورکے لوگ چار سال سپیڈو بس سے محروم رہے، 8ہزار لوگ سپیڈو بس پر سفر کر رہے ہیں، آپ نےاتنا پیار دیا اب 12 سپیڈو بسیں نہیں 24 آئیں گی، بہاولپوروالوں کی دن رات خدمت کروں گا، چولستان میں پانی کی کمی کا مسئلہ ہے، خورشید شاہ کو کہا پنجاب کو اس کے حصے کا پانی دیں، چولستان میں پانی کی کمی سے جانور مر گئے، خورشید شاہ کا شکرگزارہوں پنجاب کے حصے کا پانی دیا، 3 سال بہاولپور کے لوگوں سے فری نیٹ سروس چھینی گئی۔

انہوں نے کہا کہ یہ حقیقی آزادی مارچ کے لیے نکلا تھا، شہید کانسٹیبل کے 12 سال کے بچے کوحوصلہ دیا، عمران نیازی نے بچوں کوباپ کے سائے سے محروم کردیا، سیالکوٹ میں کانسٹیبل جاوید کے بچوں نے کہا ہمارا سب کچھ چلا گیا، عمران نیازی تم نے انتشار پھیلایا۔ عمران خان نے خیبرپختونخوا کے سرکاری وسائل کو استعمال کیا، قوم اس کا 126دن دھرنا نہیں بھولی تھی، انہوں نے رینجرز، پولیس کے جوانوں کو زخمی کیا، اس نے توالیکشن کی تاریخ لینا تھا ایک دن بھی نہ رُک سکا، یہ بزدل آدمی ہے، اس نے ریاست مدینہ کا نعرہ لگا کرغریبوں کے گھرگرائے، اس نے اپنے گھر کو ریگولرائزکرایا، ریاست مدینہ کا نعرہ لگا کر عوام کو مہنگائی، بے روزگاری کی چکی میں پیس دیا۔

وزیراعلیٰ پنجاب نے کہا کہ قاسم سوری کان میں کہتا ہے اسلامی ٹچ دو، یہ ان کا اصل چہرہ ہے، عمران تم نے عوام کوسبزباغ کا ٹچ دیا، اسلام آباد میں صبح 8 بجے خالی کرسیوں سے خطاب کیا، اس نے جتنے ٹچ دینے تھے دیدیئے، عمران نیازی میری بات سن لو اگر تم نے دوبارہ ایسا کیا تو تمہیں جیل کا ٹچ دیں گے۔

انہوں نے کہا کہ آج ٹیلی فون آڈیولیک ہوئی اس نے سازش کا بھانڈا ہی پھوڑدیا ہے، جن کو تم بُرا بھلا انہی سے حکومت بچانے کی بھیک مانگ رہے تھے، یہ جھوٹا، فریبی ہے، جب یہ اسلام آباد گھوم رہا تھا تواس کے 24 لاکھ 90 ہزارلوگ کم تھے، جنوبی پنجاب صوبے کا ڈھونگ رچایا گیا، ابھی آٹا سستا کیا چند دنوں میں گھی، چینی سستا کرنے کی بھی خوشخبری سناؤں گا، نوازشریف نے کہا اگر گورنر ہو گا تو بہاولپورسے ہو گا۔

حمزہ شہباز کا کہنا تھا کہ کہتا تھا آئی ایم ایف گیا تو خودکشی کر لوں گا، ہم تمہیں مجبور کریں گے تم سیاسی خود کشی کرو گے، جاوید میانداد نے کہا اس کو ایک کام بھیک مانگنی اچھی آتی ہے، آڈیولیک میں بھی یہ اپنی حکومت کے لیے بھیک مانگ رہا تھا، پٹرول مہنگا کرتے ہوئے دل کو بڑی تکلیف ہوئی، جب بیماری حد سے بڑھ جائے تو پھر الیکٹرک شاک دینا پڑتا ہے، عوام کو مشکل گھڑی میں تنہا نہیں چھوڑیں گے، عمران نیازی نے معیشت کا بیڑہ غرق کیا ہے، دوبارہ شیروں کی طرح آگے بڑھ کر ملک کو قائد کا خوشحال پاکستان بنائیں گے، اگر آزاد حقیقی مارچ کا مقصد یہ ہے تمہارے توشہ خانہ کے ڈاکوؤں کا سوال کوئی نہ پوچھے تو ایسا نہیں چلے گا، تمہاری انا آئین پاکستان سے بڑھی نہیں، تمہاری انا کو گریبان سے پکڑ کر اس مٹی میں دفن کردیں گے، تم نے بڑی کوشش کی میری کابینہ اورگورنرنہ آسکے، دو ماہ سے آئینی بحران پنجاب کا پیچھا کر رہا ہے۔ اب کہانی میں جیل کا ٹچ رہ گیا ہے، تمہیں جیل بھیجیں گے، دوبارہ انتشارپھیلانے کی کوشش کی توتمہیں جیل جانا پڑے گا۔

لاہور:عمران خان پکڑے گئے ، یہ بات سینئر صحافی مبشرلقمان نے ایک آڈیو کے منظرعام پرآنے کےبعد کہی ، ان کا کہنا تھا کہ اس وقت جو آڈیو وائرل ہورہی ہے ،اس نے عمران خان کو بُری طرح بے نقاب کردیا ہے، ان کا کہنا تھا کہ ان کو پتہ ہےکہ یہ آڈیو کس کی ہے اور کب کی ہے

اس حوالے سے اپنے ویڈیو پیغام میں مبشرلقمان نے کہا کہ ملک ریاض کی طرف سے آصف علی زرداری کے نام یہ ویڈیو پیغام عمران خان کی بے بسی کو ظاہر کرتا ہے جواس وقت بُری طرح پھنس چُکے ہیں‌، ان کا یہ بھی کہنا تھا کہ عمران خان نے 6 دن کا الٹی میٹیم تو دے دیا ہے لیکن اب اس کے بعد اس کے پاس اس قسم کے ہتھکنڈے آستعمال کرنے کے سوا کوئی چارہ کار نہیں ہے

انکا کہنا تھا کہ میں بتایا ہوں کہ یہ آڈیو اصل میں اس وقت کی ہے جب پچھلے دنوں عدم اعتماد کی تحریک پیش کی گئی تھی تو عمران خان کی طرف سے ملک ریاض نے یہ پیغام زرداری کو پہنچایا تھا ، ان کا یہ بھی کہنا تھا کہ زرداری جو کہ سب پھر بھاری ہونے کے حوالے سے مانے جاتے ہیں اس وقت بھی وہ سب پر بھاری ہیں ان کاکہنا تھا کہ عمران خان نے اپنے اقتدار کو طول دینےکےلیے تمام ہتھکنڈے استعمال کیے

مبشرلقمان کہتے ہیں کہ ملک ریاض کہ جن کے ساتھ اس ملک کے بڑے بڑے طاقتوروں کے رابطے ہیں وہ آصف علی زرداری کے بھی بہت قریب جانے جاتے ہیں ، اور ملک ریاض وہ شخص ہے کہ جس کے ذریعے کے پی میں بحریہ ٹاون اور دیگر کئی پراجیکٹ عمران‌ خان نے حاصل کیے ، ان کا کہنا تھا کہ اس سلسلے میں سینیئر صحافی محسن بیگ نے مرکزی کردار ادا کیا

ان کا یہ بھی کہنا تھا کہ ملک ریاض کے پیغام کے جواب میں آصف علی زرداری نے انکار کردیا تھا اور کہا تھا کہ اب تو وقت گزر چکا ہے، مبشرلقمان کا کہنا تھا کہ وہ عمران خان کے بہت قریب تھے لیکن انہیں عمران خان سے کچھ اختلافات تھے جن کی بنا پر انہوں نے دوری اختیار کی ،ان کا یہ بھی کہنا تھا کہ عمران خان اس وقت سخت مشکل میں ہیں اور وہ چاہتےہیں کہ کسی نہ کسی طرح وہ پھر سے کچھ پانے کے لیے کامیاب ہوجائیں