Baaghi TV

Tag: ایران

  • مسلم ممالک عالم اسلام کےمسائل کےحل کےلیےاسلام آباد جمع:پیچھےسےحوثیوں نےسعودی عرب پرحملہ کردیا

    مسلم ممالک عالم اسلام کےمسائل کےحل کےلیےاسلام آباد جمع:پیچھےسےحوثیوں نےسعودی عرب پرحملہ کردیا

    ریاض: مسلم ممالک عالم اسلام کے مسائل کے حل کے لیے اسلام آباد جمع:پیچھے سے حوثیوں نے سعودی عرب پرحملہ کردیا ،اطلاعات کے مطابق عرب اتحادی افواج نے سعودی شہر پر حوثی باغیوں کے ڈرون حملے کی کوشش کو ناکام بنادیا۔

    عرب میڈیا کے مطابق سعودی عرب پر حوثی باغیوں کے ڈرون حملے کی کوشش کو ایک بار پھر ناکام بناتے ہوئے ڈرون کو فضا میں ہی تباہ کردیا گیا۔ عرب اتحادی افواج کی جانب سے جاری بیان میں کہا گیا ہے کہ حوثی باغیوں نے سعودی شہر خمیس مشیط کو نشانہ بنایا تاہم بروقت کارروائی کے باعث ڈرون فضا میں ہی تباہ ہوگیا جب کہ حملے میں کوئی جانی نقصان نہیں ہوا۔

    عرب اتحاد افواج کی جانب سے جاری بیان میں کہا گیا ہے کہ گزشتہ 24 گھنٹوں کے اندر حوثی باغیوں کے خلاف 19 حملے کیے گئے جس کے نتیجے میں 80 کے قریب حوثی باغی مارے گئے جب کہ متعدد گاڑیوں کو بھی نقصان پہنچا۔

    واضح رہے کہ حوثی باغیوں کی جانب سے آئے روز یمن کی سرحد سے منسلک سعودی شہروں پر میزائل یا ڈرون سے حملے ہوتے رہتے ہیں تاہم عرب اتحادی افواج نے متعدد بار ان حملوں کو ناکام بنایا ہے۔

    یاد رہے کہ کستان کی میزبانی میں اسلامی تعاون تنظیم (او آئی سی) کی وزرائے خارجہ کونسل کا 17واں غیر معمولی اجلاس اسلام آباد کے پارلیمنٹ ہاؤس میں جاری ہے۔ یہ اجلاس سعودی عرب کی دعوت پر طلب کیا گیا ہے جو اسلامی تعاون تنظیم کا چیئرمین ہے۔

    پاکستان کی دعوت پر اجلاس میں 22 ممالک کے وزرائے خارجہ، 10 نائب وزرائے خارجہ سمیت 70 وفود شریک ہیں

  • اسرائیلی وزیر دفاع کا صیہونی فوج کو ایران پر حملے کی تیاری کا حکم

    اسرائیلی وزیر دفاع کا صیہونی فوج کو ایران پر حملے کی تیاری کا حکم

    فلوریڈا: اسرائیلی وزیر دفاع بنی گینٹز نے صیہونی فوج کو ایران پر حملے کی تیاری کا حکم دے دیا۔

    باغی ٹی وی : غیر ملکی میڈیا کے مطابق وزیر دفاع بنی گینٹز امریکا کے دورے پر ہیں جہاں وہ امریکا کے ساتھ مل کر ایران پر دباؤ بڑھانے کے اقدامات کر رہے ہیں اسرائیلی وزیر دفاع بینی گینٹز نے امریکیوں کو بتایا کہ انہوں نے ایک آخری تاریخ مقرر کر دی ہے جس میں اسرائیلی فوج کو ایران پر حملے کی تیاری مکمل کرنے کی ضرورت پوری کرنے کو کہا گیا ہے۔

    اسرائیلی میڈیا کا کہنا ہے کہ وزیر دفاع بنی گینٹز نے فوج کو ایران پر ممکنہ حملے کی تیاری کا حکم دے دیا ہے اور انہوں نے امریکی وزیر دفاع لائیڈ آسٹن کو بھی ایران پر حملے کی تیاری سے آگاہ کر دیا ہے۔

    امریکی صدر جوبائیڈن کی روسی صدر ولادمیر پیوٹن کو دھمکی

    العربیہ کے مطابق عالمی طاقتوں کے ایران کے ساتھ ہونے والے جوہری مذاکرات کے حوالے سے بات کرتے ہوئے اسرائیلی وزیر دفاع کا کہنا تھا کہ وہ (امریکی اور یورپی) ویانا مذاکرات میں صبر کھو رہے ہیں مذاکرات میں کوئی پیش رفت نہیں ہوئی دنیا کی ایران کے ساتھ جوہری معاملے پر بات چیت کا کوئی نتیجہ نہیں نکلا اور بین الاقوامی برادری جان گئی ہے کہ ایران ان کے ساتھ گیم کھیل رہا ہے ایران پر فوجی دباؤ بڑھانے کی ضرورت ہے جس کے لیے صیہونی فوج کو اسٹرائیک کے لیے تیار رہنے کا حکم دے دیا ہے۔

    العربیہ کے مطابق ایک سینیر سفارتی ذریعے نے مزید کہا کہ اسرائیل نے ایران پرحملے سے متعلق اپنی تیاریوں کا اظہار جمعہ کے روز کیا تھا تاہم امریکا نے بینی گینٹز کی اس تجویز کو ویٹو نہیں کیا اخبار "یروشلم پوسٹ” کے حوالے سے بتایا کہ بہ ظاہر امریکی حکام بھی اسرائیلی وزیر دفاع کے اس ممکنہ اقدام کے بارے میں خاموش دکھائی دیئے۔

    ایران کو ایٹم بم بنانے سے روکنے کی ہرممکن کوشش کریں گے اسرائیل

    یہ بیان اس وقت سامنے آیا ہے جب گینٹز نے کل ہفتے کو انکشاف کیا کہ امریکا اور یورپی ممالک اچھی طرح سمجھتے ہیں کہ کیا ہو رہا ہے۔ان کا اشارہ ویانا میں ایرانیوں کے ساتھ جوہری معاہدے کو بچانے کے حوالے سے بات چیت کی طرف تھا دریں اثنا اسرائیلی فوج نے اعلان کیا کہ اس نے جنوبی سرحد پر جنگی منظر نامے کے مطابق اچانک مشقیں کی ہیں۔

    گزشتہ روز گینٹز نے واشنگٹن میں تحقیقی اداروں کے سربراہان اور سینیر محققین کے سامنے اس بات پر زور دیا کہ ان کا ملک ہر ضروری چیز کا مقابلہ کرنے کے لیے تیار ہے۔ ان کا کہنا تھا کہ ایران مشرق وسطیٰ کے ممالک پر حملہ کرنے کے لیے اپنے ملک کے مغرب میں اپنی طاقت بنا رہا ہے۔ خاص طورپر اسرائیل ایران کا ہدف ہوسکتا ہے لیکن ہم اپنے شہریوں اور املاک کے تحفظ کے لیے ہر ممکن کوشش کریں گے۔

    نیٹو کا جاسوسی طیارہ اور اسرائیلی مسافر بردارہوائی جہاز تصادم سے بال بال بچ گئے

    انہوں نے کہا کہ ایران کے جوہری عزائم کو ناکام بنانے اور خطے میں ایرانی مداخلت روکنے کت کے لیے امریکا کے ساتھ تعاون جاری رہے گا۔ انہوں نے کہا کہ تہران کو جوہری ہتھیاروں کے حصول سے روکنے کے لیے امریکی انتظامیہ کے عزم پر اعتماد ہے۔

    امریکی مسافرطیاروں میں لڑائی معمول بن گئی:تازہ واقعہ میں مسافرکا ایئرمارشل…

  • ایرانی نطنز جوہری پلانٹ کے قریب زوردار دھماکا:تفصیلات کا انتظار

    ایرانی نطنز جوہری پلانٹ کے قریب زوردار دھماکا:تفصیلات کا انتظار

    تہران :ایرانی نطنز جوہری پلانٹ کے قریب زوردار دھماکا:تفصیلات کا انتظار،اطلاعات کے مطابق ایران میں نطنز جوہری پلانٹ کے قریب زوردار دھماکا سنا گیا ہے۔

    برطانوی خبر ایجنسی نے ایرانی خبررساں ادارے کے حوالے سے بتایا ہےکہ نطنز شہر میں جوہری پلانٹ کے قریب زور دار دھماکا سنا گیا ہے۔خبر ایجنسی کے مقامی ذرائع نے تصدیق کی ہےکہ انہوں نے زور دار دھماکے کی آواز سنی ہے۔

    ایرانی خبر ایجنسی فارس نیوز کے مطابق دھماکے کے بعد آسمان پر تیز روشنی دیکھی گئی ہے۔

    دوسری جانب ایران کے سرکاری میڈیا کے مطابق ائیر ڈیفنس یونٹ کی جانب سے نطنز میں میزائل فائر کیا گیا تھا، یہ میزائل فوری ردعمل فورس کے تجربات کے سلسلے میں فائر کیا گیا۔

    خیال رہے کہ اس سے قبل گذشتہ سال جولائی میں بھی نطنز جوہری پلانٹ میں ہونے والے دھماکے میں جوہری تنصیبات کو جزوی نقصان پہنچا تھا اور بعد ازاں ایرانی حکام نے تصدیق کی تھی یہ واقعہ تخریب کاری کا نتیجہ تھا۔

     

  • کامیابیوں کا سفر جاری :ایرانی شہر مشہد سے کراچی کیلئے براہ راست پروازوں پر اتفاق

    کامیابیوں کا سفر جاری :ایرانی شہر مشہد سے کراچی کیلئے براہ راست پروازوں پر اتفاق

    کراچی:کامیابیوں کا سفر جاری :ایرانی شہر مشہد سے کراچی کیلئے براہ راست پروازوں پر اتفاق،اطلاعات کے مطابق پاکستان اور ایران کے درمیان فضائی سروس کا ایک زبردست معاہدہ سامنے آیا ہے ،اسی سلسلے میں‌ قومی ایئرلائن کے چیف ایگزیٹو آفیسر ایئر مارشل اشد ملک سے ایرانی سفری محمد علی حسینی نے ملاقات کی اس دوران ایرانی شہر مشہد سے کراچی کیلئے براہ راست پروازوں پر اتفاق ہوا۔

    تفصیلات کے مطابق ایئر مارشل ارشد ملک اور ایران کے سفیر محمد علی حسینی کے درمیان ہونے والی ملاقات کے دوران ہوا بازی کے شعبے میں دوطرفہ تعلقات پر تبادلہ خیال اور دوطرفہ تعاون بڑھانے پر بھی تبادلہ خیال کیا گیا۔

    ایران اور پاکستان نے مشہد سے کراچی کے لیے براہ راست پروازیں شروع کرنے پر اتفاق کیا ہے جس کا مقصد دونوں ہمسایہ ممالک کے درمیان عوام کے درمیان روابط اور سیاحت کو فروغ دینا ہے۔حکام کا کہنا ہے کہ پی آئی اے جنوری 2022 سے شمال مشرقی ایران کے شہر مشہد سے کراچی کے لیے براہ راست پروازیں شروع کرے گی۔

    ترجمان پی آئی اے کا کہنا ہے کہ کراچی سے مشہد کی براہ راست پروازوں کے آغاز سے دونوں ہمسایہ ممالک کے مختلف گروپوں کی ایک دوسرے کے ممالک میں نقل و حرکت میں اضافہ ہوگا، جس میں ایران میں مقدس مقامات کی زیارت اور تجارتی و تجارتی وفود کا تبادلہ بھی شامل ہے۔

    قومی ایئرلائن کے ترجمان نے مزید کہا کہ پی آئی اے زائرین کی سہولیات کے لئے شام، عراق اور ایران کے سیکٹر پر پروازوں میں اضافہ پر بہت زیادہ توجہ دے رہا ہے تمام مقدس مقامات پی آئی اے کے نیٹ ورک میں آجائیں گے۔

  • ایران کو ایٹم بم بنانے سے روکنے کی ہرممکن کوشش کریں گے اسرائیل

    ایران کو ایٹم بم بنانے سے روکنے کی ہرممکن کوشش کریں گے اسرائیل

    اسرائیلی فضائیہ کے کمانڈر نے کہا ہے کہ ہر ممکن کوشش کریں گے کہ تہران کے پاس جوہری بم نہ ہو۔

    باغی ٹی وی: تفصیلات کے مطابق اسرائیلی فضائیہ کے کمانڈر امیکم نورکن نے کہا تل ابیب ایک "انشورنس پالیسی” کی نمائندگی کرتا ہے جو اس بات کی ضمانت دیتا ہے کہ ایران جوہری بم حاصل نہیں کرے گا ہم انشورنس پالیسی رکھتے ہیں، ہم غلطیاں کرتے ہیں، لیکن ہم غلطیوں کی اصلاح کرلیتے ہیں ہم اس بات کو یقینی بنانے کے لیے ہر ممکن کوشش کریں گے کہ تہران کے پاس جوہری بم نہ ہو۔

    "ٹائمز آف اسرائیل” کے مطابق منگل کے روز اسرائیلی عہدیدار نے کہا کہ ان کے ملک کی کوشش ہے کہ ایران کے ساتھ ایک تازہ معاہدہ کیا جائے یا پھر ایران پر وسیع پیمانے پر حملے کا منصوبہ بنایا جائے۔

    ایران نے جوہری پروگرام میں تمام” حدیں” عبور کر لی ہیں اسرائیلی وزیراعظم

    یہ بیانات ایسے وقت میں سامنے آئے ہیں جب 29 نومبر کو ویانا میں جوہری مذاکرات کا ساتواں دور شروع ہوا تھا منگل کے روز ایرانی جوہری معاہدے میں شریک یورپی ممالک نے اس فائل پر مذاکرات کی بحالی کے ایک دن بعد کہا کہ بات چیت میں آنے والے دنوں میں ایرانیوں کی "سنجیدگی” کا اندازہ لگایا جائے گا اور بات چیت کو جاری رکھنے کا فیصلہ کیا جائے گا۔

    سنہ 2015 کے بین الاقوامی معاہدے میں شریک ممالک فرانس، جرمنی اور برطانیہ کے ویانا میں سفارت کاروں نے خبردار کیا کہ "اگر ایرانی ہمیں سنجیدگی نہیں دکھاتے ہیں کہ تواگلے 48 گھنٹے نازک ہوں گے۔

    واضح رہے کہ گذشتہ جمعرات کو بینی گینٹز نے کہا تھا کہ تل ابیب ایران کے جوہری پروگرام پر فوجی حملہ کرنے کی صلاحیت تیار کرنے کے لیے کام کر رہا ہے ہمیں ایران کے حوالے سے اپنے شراکت داروں پر اثر انداز ہونا ہے اور ان کے ساتھ مسلسل بات چیت کرنی ہے۔ انہوں نے واضح کیا کہ اسرائیل ایک ایسا جوہری معاہدہ چاہتا ہے جو نہ صرف یورینیم کی افزودگی کے مسئلے کو حل کرے بلکہ خطے میں ایران کی سرگرمیوں کو بھی حل کرے۔

    دوسری جانب ویانا جوہری مذاکرات میں ایران نے امریکا سے دو طرفہ مذاکرات کا امکان مسترد کر دیا ہے ترجمان ایرانی وزارت خارجہ سعید خطیب زادہ کا کہنا تھا کہ ویانا میں امریکی وفد سے دو طرفہ ملاقات نہیں ہوگی-

    دنیا کو ایران کے جوہری پروگرام سے لاتعلق نہیں ہونا چاہیے سعودی عرب

    ایران جوہری معاہدہ بحالی کے لیے مذاکرات 29 نومبر سے شروع ہوئے جن میں ایران، چین، روس، جرمنی، فرانس اور برطانیہ جوہری معاہدے پربات چیت میں شریک ہوئےجبکہ جوہری معاہدے پر مذاکرات میں امریکا بالواسطہ طور پر شریک ہوگا۔

    واضح رہے کہ ایران اور 6 ممالک کے درمیان ایرانی جوہری معاہدہ 2015ءمیں ہوا تھا، 2018ء میں امریکا یک طرفہ طور پر معاہدے سے علیحدہ ہو گیا تھا جس کے بعد ایران نے بھی معاہدے پر عمل درآمد روک دیا تھا۔

  • طالبان کے ساتھ سرحدی جھڑپ غلط فہمی کا نتیجہ تھی ایران

    طالبان کے ساتھ سرحدی جھڑپ غلط فہمی کا نتیجہ تھی ایران

    تہران: ایران نے کہا ہے کہ طالبان اورایران کی فورسزمیں سرحدی جھڑپ غلط فہمی نتیجے میں ہوئی۔

    باغی ٹی وی :رپورٹس کے مطابق ایران کی وزارت خارجہ کے ترجمان سعید خطیب زادے کا کہنا تھا کہ افغانستان کے سرحدی علاقوں کے رہائشیوں کی نقل وحرکت سے غلط فہمی ہوئی اورسرحد پرفائرنگ کا تبادلہ ہوا اب سرحد پرمعمول کے مطابق ہیں۔

    ایران اورافغانستان کی سرحد پرگزشتہ روز جھڑپ ہوئی تھی یہ جھڑپ مغربی افغانستان کے صوبہ نمروز کے سرحدی ضلع کُنگ میں ہوئی ہے دونوں جانب سے بھاری اسلحہ کا استعمال کیا گیا –

    افغان طالبان اور ایرانی سرحدی فوج کے درمیان شدید جھڑپیں،افغان طالبان نے تین چوکیو‌ں پرقبضہ کرلیا

    طالبان نے ایرانی شہریوں کی جانب سے مبینہ طورپرسرحد پارکرکے افغان علاقے میں آنے پرفائرنگ کی جوابی کارروائی میں ایرانی فورسزنے شیلنگ کی سرحدی جھڑپ میں کوئی زخمی نہیں ہوا تاہم طالبان کی جانب سے تین سرحدی چوکیوں پر قبضہ کا دعوی کیا گیا ہے-

    طالبان حکومت کے نائب ترجمان بلال کریمی نے نمروزکے سرحدی علاقے میں جھڑپ کی تصدیق کی تھی تاہم تفصیلات نہیں بتائیں-

    خیال رہے کہ افغانستان میں طالبان کی حکومت آنے کے بعد افغان اور ایرانی سرحد پر یہ پہلی جھڑپ ہے دوسری طرف ایرانی حکام نے کہا ہے کہ ایران کی چیک پوسٹ پر قبضے کی خبریں غلط ہیں، طالبان نے غلط فہمی کی بنیاد پر ایرانی کسانوں پر بلا اشتعال فائرنگ کی۔

    متحدہ عرب امارات کا قومی دن،حکام کا شہریوں کو اسپیشل سہولیات فراہم کرنے کا اعلان

  • ایرانی قونصل جنرل محمد رضا ناظری کی ماڈل ٹاﺅن میں شہباز شریف کی رہائشگاہ پر ملاقات

    لاہور:ایرانی قونصل جنرل محمد رضا ناظری کی ماڈل ٹاﺅن میں شہباز شریف کی رہائشگاہ پر ملاقات ،اطلاعات کے مطابق ایرانی قونصل جنرل محمد رضا ناظری کی ماڈل ٹاﺅن میں شہباز شریف کی رہائشگاہ پر ملاقات کی ہے اور اہم معاملات پرگفتگو بھی کی ہے

    ادھر پارٹی ذرائع کا کہنا ہے کہ اس موقع پر شہبازشریف نے ایرانی وفد کا پرتپاک استقبال کیا اور ساتھ ہی شہبازشریف کی ایرانی وفد کےلیے نیک خواہشات کا اظہارکیا

    ایرانی قونصل جنرل رضانذیری نے شہبازشریف سے مخاطب ہوتے ہوئے کہا کہ مجھے آپ کے پاس آنے میں تاخیر ہوئی لیکن آج ملاقات پر بے حد خوشی محسوس ہورہی ہے:ان کا یہ بھی کہنا تھا کہ مجھے پاکستان میں آئے ابھی 20دن ہوئے تھے کہ بیگم کلثوم نواز صاحبہ کا انتقال ہوا تھا:

    ایرانی قونصل جنرل رضا ناظری نے اس موقع پر مزید کہاکہ میں جاتی امراءمیں میاں نوازشریف کے پاس انکی زوجہ کے انتقال پر اظہار افسوس کرنے گیا تھا: یہ ہماری روایات ہیں جن کے تحت ہم گزشتہ کئی صدیوں سے قائم دائم چلتے آرہے ہیں:

    شہبازشریف نے اس موقع پر کہا کہ ہم آپکے اور ایرانی قوم کے شکر گزار ہیں :شہبازشریف نے کہ ایران کا دورہ مجھے آج بھی یاد ہے :میں ایران میں مشہد کے دورے پر صفائی سے بہت متاثر ہوا تھا

    شہبازشریف نے کہا کہ میں نے مشہد کی صفائی کے متعلق وہاں کے افسران سے تفصیلی بریفنگ بھی لی تھی:ہم نے پاکستان اور ایران کے درمیان باہمی تجارت اور سرمایہ کاری کو فروغ دینے کےلیے لاہور میں باہمی اشتراک سے جدید طرز پر مذبحہ خانہ قائم کیا ، ان کا یہ بھی کہنا تھا کہ یہ پاک ایران دوستی کا ثبوت ہے

     

     

     

  • ایران کے سفیر کی وزیر ریلوے سے ملاقات

    ایران کے سفیر کی وزیر ریلوے سے ملاقات

    ایران کے سفیر کی وزیر ریلوے سے ملاقات
    وفاقی وزیر ریلوے اعظم خان سواتی سے پاکستان میں تعینات ایران کے سفیر سید محمد علی نے وزارت ریلوے میں ملاقات کی ۔

    ملاقات کے دوران دونوں ممالک کے تعلقات اور ریلوے پروجیکٹس کے حوالے سے بھی بات چیت ہوئی ۔ پاکستان اور ایران کے درمیان تمام شعبوں میں تعلقات میں مزید بہتری پید ا ہو رہی ہے۔
    ایران کے سفیر نے کہا پاکستان اور ایران کی دو ستی لازاول ہے ایران اور پاکستان کے درمیان اخوت اور محبت کے رشتہ بہت مضبوط ہیں،وفاقی وزیر ریلوے اعظم خان سواتی کا کہنا تھا کہ
    پا کستان ریلویز مستقل طور پر ملکی اور بین لاقوامی سپلائرز کے ساتھ طویل مدتی معاہدوں کے ذریعے اپنے کسٹمرز کو بہتر بنانے میں کوشاں ہے۔ایرانی سرمایہ کاروں کو فائدہ اٹھانے کی ضرورت ہے۔ پاکستان اور ایران کے ساتھ تجارتی تعلقات کو بہتر بنانے خواہاں ہے۔

    ملاقات کے دوران دونوں ممالک کے دو طرفہ معاملات کے امور اور ریلوے کے حوالے سے بھی زیر بحث آئے ۔دونوں رہنماؤں نے دوطرفہ تعاون جاری رکھنے اور اسے وسعت دینے پر بھی اتفاق کیا ملاقات کے میں چئیر مین ریلوے حبیب الرحمٰن گیلانی۔ ڈی جی پلا ننگ ودیگر شامل تھے

    قبل ازیں وزیر خارجہ مخدوم شاہ محمود قریشی نے کہا ہے کہ پاکستان مختلف مذاہب ثقافتوں اور تہذیبوں کے درمیان امن وآشتی اور ہم آہنگی کے فروغ کے لئے اپنی تمام کوششیں بروئے کار لانے کے لئے پرعزم ہے۔ مغرب اظہار رائے کی آزادی کے غلط استعمال کی حوصلہ افزائی نہ کرے،اسلام امن کا دین ہے جو تشدد وانتہا پسندی کو قبول نہیں کرتا مختلف تہذیبوں کے گہوارے کے طور پر پاکستان،مختلف ثقافتوں کا ایک حسین امتزاج ہے انتہا پسندی، بالادست نظریات، تنازعات اور دیرینہ جھگڑوں سے تقسیم درتقسیم کا شکار آج کی دنیا میں بین المذاہب ہم آہنگی نے نہایت کلیدی اہمیت اور خاص حیثیت حاصل کرلی ہے شرانگیز پراپیگنڈے کے باوجود دنیا میں یہ احساس بڑھ رہا ہے کہ اسلام امن کا دین ہے جو تشدد وانتہا پسندی کو قبول نہیں کرتا اور نہ ہی اس کے فروغ یا حوصلہ افزائی کی ترغیب دیتا ہے۔ اسلام نسلی برتری کے نظریات اور رنگ ونسل کی بنیاد پر امتیازات کو سختی سے مسترد کرتا ہے

    کرونا میں مرد کو ہمبستری سے روکنا گناہ یا ثواب

    فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف

    ٹویٹر پر جعلی اکاؤنٹ، قائمہ کمیٹی اجلاس میں اراکین برہم،بھارت نے کتنے سائبر حملے کئے؟

    بیس ہزار کے عوض خاتون نے ایک ماہ کی بیٹی کو فروخت کیا تو اس کے ساتھ کیا ہوا؟

    بھارت ، سال کے ابتدائی چار ماہ میں کی 808 کسانوں نے خودکشی

    سال 2020 کا پہلا چائلڈ پورنوگرافی کیس رجسٹرڈ،ملزم لڑکی کی آواز میں لڑکیوں سے کرتا تھا بات

    سائبر کرائم ونگ کی کاروائی، چائلڈ پورنوگرافی میں ملوث تین ملزمان گرفتار

    سائبر کرائم کا شکار ہونے والی خواتین خودکشی کی طرف مائل ہو جاتی ہیں،انکشاف

    پاکستانی اداروں پر سائبر حملوں میں اضافہ، بھارت سمیت کئی ممالک ملوث

  • "عالمی ہدایت کار(عالمی اسٹیبلیشمنٹ) اور مڈل ایسٹ کا اسٹیج” تحریر: محمد عبداللہ

    "عالمی ہدایت کار(عالمی اسٹیبلیشمنٹ) اور مڈل ایسٹ کا اسٹیج” تحریر: محمد عبداللہ

    گرین شیٹ اور لائٹس سے مزین یہ روم اسٹوڈیو کہلاتا ہے. بالی ووڈ سے لے کر نیوز چینلز اور حتیٰ کہ یوٹیوب چینلز تک سبھی اس کو حسب اسطاعت استعمال کرتے ہیں. یہاں تک کہ بالی ووڈ کی کئی اقساط پر مشتمل سیریز اور موویز اس ایک کمرے میں بنتی ہیں. ان گرین ، بلیو یا دیگر شیٹس کو بنیادی طور پر کروما شیٹس کہا جاتا ہے اور ویڈیو ریکارڈ کرنے کے بعد ایڈیٹنگ میں اس کروما کو کٹ کرکے رنگ بھرنگے ساکن اور متحرک بیک گراؤنڈز وغیرہ سیٹ کیے جاتے ہیں. جن کرداروں کو حقیقت سے ہٹ کر دکھانا ہو تو ان کو بھی ان کروما شیٹس میں کچھ اسطرح سے کیمرے کے سامنے لایا جاتا جس میں بعد از ایڈیٹنگ ان کی ہیئت ہمیں عجیب و غریب دکھتی ہے.

    آپ بھی کہتے ہوں گے کہ عبداللہ نے یہ کیا بتانا شروع کردیا اور کوئی ان چیزوں کا ماہر مجھ سے ہزار درجہ بہتر یہ ساری چیزیں بیان کرے گا لیکن آج آفس میں اسٹوڈیو کی تصویر بنائی تو میرے ذہن میں بھی کوئی بات نہیں تھی بس فوٹو گرافی کی عادت کے تحت تصویر بنا لی لیکن ابھی سوشل میڈیا پر اور اس سے قبل بھی اکثر اوقات اپنے سوشل میڈیا ایکٹوسٹس کو مختلف حادثات و واقعات میں کنفیوز اور پھر اسی کنفیوزن میں مختلف تبصرے اور تجزیئے کرتے دیکھتے ہیں تو ہنسی بھی آتی اور دکھ بھی ہوتا کہ ہم لوگ کب سطحیت سے نکل کر بین السطور دیکھنا شروع کریں گے. ہم کب اس بات پر غور کریں گے دنیا کے اس اسٹوڈیو میں ہدایت کار کیسے مختلف واقعات کو کروما شیٹس پر سیٹ کرتے ہیں اور پھر ہمارے سامنے چیزیں آتی ہیں تو بالکل بدلی ہوئی اور ہم اسی کو حقیقت سمجھ رہے ہوتے ہیں( جیسے ارطغرل ڈرامے اور اردگان کی تقاریر کو ہمارا جذباتی نوجوان عمران خان کی تقاریر کی طرح سریئس لے کر جذباتی ہوجاتا ہے).
    حالیہ ایران و امریکہ تنازعے میں اور اس سے قبل کی شام و عراق کی بربادیوں کیفیت بھی ایسی ہی ہے. اس بات میں کوئی شبہ نہیں کہ جس طرح اردگان بہت اچھا لیڈر ہے مگر صرف ترکی کے لیے ترکی سے باہر دیگر مسلم ممالک اور اقوام کے لیے وہ دوسروں سے کم نہیں ہے جو فقط اپنے مفادات دیکھتے ہیں ایسے ہی اس بات میں بھی ذرہ برابر شک نہیں کہ ایران کے آنجہانی جنرل قاسم سلیمانی کی خدمات بے پناہ ہیں اس کی قابلیت اور لیاقت ایسی کہ ملڑی اکیڈمیز میں پڑھائی جائے لیکن اس کا سارا کچھ ایران کے لیے تھا امت مسلمہ کے لیے نہیں البتہ شام و عراق کے کھنڈرات میں بہت بڑا کردار اس جنرل قاسم سلیمانی اور اس کی تیار کردہ فورسز کا بھی ہے.
    میں نے دن میں بھی یہ بات کی تھی کہ مڈل ایسٹ میں پکی ہوئی کچھڑی کے معاملات کو آپ فقط فیسبک کی دو چار پوسٹس سے نہیں سمجھ سکتے اور جب سمجھ ہی نہیں سکتے تو ان پر تبصرہ کیسے کر سکتے ہیں کہ وہاں کے ٹوٹل کردار تو کروما شیٹس کے پیچھے چھپے ہوئے اور آپ کے سامنے اصل حیثیت میں موجود ہی نہیں ہے. فقط شام کو لیں تو شام میں ایران، روس، ترکی، امریکہ، داعش، فری سیرین آرمی و دیگر گروپس براہ راست موجود تھے اسکے علاوہ دیگر ممالک کے سپانسرڈ گروپس کی تعداد بیسیوں سے متجاوز تھی اور یہ سب کردار باہم دست و گریباں تھے اور ہیں. آپ جب تک ان سب کے مفادات، آپس کے تعلقات، آپس کی دشمنیوں کو نہیں سمجھتے تب تک آپ کیا سمجھیں گے.
    لہذا اپنے دوستوں کو کہوں گا کہ ہر موضوع اور ہر موقعہ پر تبصرے اور تجزیئے دینا ضروری نہیں ہے بلکہ حالات اور کرداروں کو پڑھنا اور سمجھنا چاہیے اور ان کے پیچھے چھپی حقیقت کو بھی تلاشنا چاہیے یہ نہ ہوکہ موویز اور ڈراموں کی طرح عالمی ہدایت کاروں کے اسٹیج کردہ یہ فکشن اور خون سے بھری یہ رئیل اسٹوریز میں مختلف لوگوں کا کردار آپ کو دھوکہ دے دے اور کوئی ولن آپ کی نظر میں ہیرو ٹھہر جائے.
    انتہائی ضروری نوٹ: یہ چند الفاظ میں نے انتہائی حد تک غیر جانبدار ہوکر لکھے ہیں میرے لیے بہت آسان تھا کہ جذباتی ہوکر الفاظ کا نوحہ لکھوں، شام و عراق میں شہید ہونے والے امت مسلمہ کے جواہرات کا ماتم لکھوں اور لوگوں کو بتاؤں آپ جن کو ہیروز سمجھتے ہیں ان کے کردار کی وجہ سے کتنے لاکھوں مسلمان بچے، عورتیں، بوڑھے شہید ہوئے اور کروڑوں آج جانوروں سے بدتر زندگی گزارنے پر مجبور ہیں.

    Muhammad Abdullah
    Muhammad Abdullah

  • ایران نے توسیع پسندی کی روش نا بدلی تو انجام کا زمہ دار خود ہوگا، کنگ سلمان کی دھمکی

    ایران کے توسیع پسندانہ عزائم کی وجہ سے خطہ عدم استحکام کا شکار ہوا، ایران کی توسیع پسندی کی یہ خواہش خود ایران کیلئے خطرناک ثابت ہوگی. ان خیالات کا اظہار کنگ سلمان نے ایک تقریب سے گفتگو کے دوران کیا.

    ان کا کہنا تھا کہ تیل کی ترسیل سے متعلق پالیسی کا مقصد خطے میں تیل کی سپلائی کو محفوظ بنانا ہے. وژن 2030 سعودیہ کیلئے مزید ترقی کا زریعہ ثابت ہوگا. انہوں نے کہا کہ ہم مسئلہ فلسطین پر اپنے مسلمان بھائیوں کے ساتھ ہیں، اور انکے قدم سے قدم ملا کر کھڑے رہیں‌ گے.

    انہوں نے کہا کہ سعودیہ پر 286 میزائل جبکہ 289 ڈرون حملے ہوئے ہیں. جنکی بڑی وجہ ایران کے توسیع پسندانہ عزائم ہیں. انکا کہنا تھا کہ ایران کے یہ عزائم سعودیہ کی سلامتی کیلئے بڑا خطرہ ہیں. ایران کو متنبہ کرتے ہوئے انہوں نے کہا کہ ایران کو یہ یاد رکھنا چاہئے جو وہ بوئے گا وہی کاٹے گا.انکا مزید کہنا تھا کہ امن ہماری خواہش ہے لیکن اگر کوئی ہماری خود مختاری کو چیلنج کرے گا تو اسکے لیے ہم کسی بھی حد سے گریز نہیں کریں گے.

    اس حوالے سے مزید جانیں

    سعودیہ کا یمن کے متحارب گروپوں کے درمیان امن معاہدہ خطے میں امن لا سکے گا؟

    ایران کی کس پیشکش کو سعودیہ نے سستی سوداگری قرار دے دیا

    آرامکو حملوں کا جواب دینے کے کئ آپشن موجود ہیں. سعودیہ