Tag: ایف آئی اے

وفاقی تحقیقاتی ادارے (ایف آئی اے) نے بھاری رشوت کے عوض شہریوں کو بیرونِ ملک بھیجنے کی کوشش ناکام بنا دی اور اسلام آباد انٹرنیشنل ایئرپورٹ پر تعینات اپنے ہی دو اہلکاروں کو گرفتار کر لیا۔

ترجمان ایف آئی اے کے مطابق کارروائی اسلام آباد زون کے ڈائریکٹر کی ہدایت پر ڈپٹی ڈائریکٹر (امیگریشن) سلمان لیاقت کی نگرانی میں امیگریشن اسٹاف کی اچانک چیکنگ کے دوران کی گئی۔بیان میں کہا گیا کہ ایک اسسٹنٹ سب انسپکٹر اور ایک کانسٹیبل کو ڈیوٹی کے دوران موبائل فون استعمال کرنے پر گرفتار کیا گیا، حالانکہ امیگریشن عملے کو ڈیوٹی کے وقت موبائل فون رکھنے کی اجازت نہیں ہے۔ شک کی بنیاد پر ان کے فونز کی تلاشی لی گئی تو غیر قانونی امیگریشن سے متعلق اہم شواہد برآمد ہوئے۔

ابتدائی تحقیقات کے مطابق دونوں اہلکار مسافروں اور ایجنٹوں سے رابطے میں تھے اور فی کس 50 ہزار روپے لے کر شہریوں کو فلپائن اور ازبکستان بھیجنے کی کوشش کر رہے تھے۔ ملزمان کے فونز سے کروڑوں روپے کے لین دین کا ریکارڈ بھی ملا، جو وہ مائیکروفنانس اکاؤنٹس کے ذریعے وصول کر رہے تھے۔ایف آئی اے اینٹی کرپشن سرکل اسلام آباد میں مقدمہ درج کر لیا گیا ہے اور ملزمان کا تین روزہ جسمانی ریمانڈ بھی حاصل کر لیا گیا ہے۔

روس کا یوکرین پر بڑا حملہ، 4 ہلاک، درجنوں زخمی

افغانستان نے امریکی شہری عامر امیری کو رہا کردیا
بھارت: 20 لڑکیوں سے زیادتی،مذہبی رہنما سوامی سرسوتی گرفتار

کراچی: قاتلانہ حملے میں زخمی صحافی امتیاز میر دم توڑ گئے

وفاقی تحقیقاتی ایجنسی (ایف آئی اے) کے ترجمان کے مطابق ادارے میں جامع اصلاحات اور تنظیمِ نو کا عمل جاری ہے جس کے تحت آپریشنل ڈھانچے کو 3 ریجن میں تقسیم کر دیا گیا ہے۔

ترجمان کے مطابق اب ایف آئی اے میں ایڈیشنل آئی جی کی سربراہی میں نارتھ، سینٹرل اور ساؤتھ ریجن کام کریں گے۔ اس سے قبل صرف نارتھ اور ساؤتھ ریجن موجود تھے۔نئے ڈھانچے کے تحت نارتھ ریجن میں اسلام آباد، گلگت بلتستان، پشاور اور کوہاٹ زون شامل ہوں گے۔سینٹرل ریجن میں لاہور، گوجرانوالہ، فیصل آباد اور ملتان زون شامل ہوں گے۔ساؤتھ ریجن میں کراچی، حیدرآباد، سکھر اور بلوچستان زون شامل ہوں گے۔اس کے علاوہ ایف آئی اے میں 2 نئے زون بھی قائم کیے گئے ہیں.

گلگت بلتستان زون، جس کا زونل آفس گلگت میں قائم ہوگا (اس سے قبل گلگت اور اسکردو سرکلز اسلام آباد زون کا حصہ تھے)۔سکھر زون، جس کا زونل آفس سکھر میں ہوگا۔ترجمان ایف آئی اے کے مطابق ان اصلاحات کا مقصد ادارے کی کارکردگی اور عوامی خدمات کو مزید مؤثر بنانا ہے۔

اسرائیل کے صنعا پر فضائی حملے، 70 اسکوائر اور باب الیمن میں 13 مقامات نشانہ

ٹرمپ کی نوبیل امن انعام کی خواہش پھر ادھوری، ماہرین نے امکان مسترد کر دیا

سندھ ایمپلائز الائنس کی کال پر احتجاج، ٹھٹھہ اور کندھ کوٹ میں سرکاری ادارے بند، ریلیاں اور دھرنے

ایف آئی اے کمرشل بینک سرکل نے کارروائی کرتے ہوئے نجی بینک میں ڈیڑھ ارب روپے کے فراڈ میں ملوث بینکار اور پی آئی اے کے نائب قاصد کو گرفتار کرلیا۔

ایف آئی اے کے مطابق فراڈ میں ملوث بینک کے 3 افسران نے ملی بھگت سے آر ٹی سولوشن نامی ایک کمپنی بنا کر ایس ای سی پی میں رجسٹرڈ کرائی، مذکورہ کمپنی کا سربراہ پی آئی اے کے نائب قاصد کو بنایا گیاغبن شدہ رقم پہلے جعلی کمپنی اور بعد میں بینکر کے ذاتی اکاؤنٹس میں منتقل کی جاتی رہی، ملزمان نے بیرون ملک دوروں کے لیے سوا کروڑ روپے کے فضائی ٹکٹس بھی بنوائے۔

ایف آئی اے کے مطابق،ملزمان نے کروڑوں روپے اپنے اہل خانہ کے نام پر بھی منتقل کیے، گرفتار ملزمان میں بینک کا اے آئی ہیڈ سید عظیم الشان اور پی آئی اے کا ڈیلی ویجز ملازم کاشان شامل ہیں،ایف آئی اے کی جانب سے اکاؤنٹس منجمد کرکے مزید کارروائی جاری ہے۔

وقاص مقصود نے انٹرنیشنل کرکٹ سے ریٹائر منٹ کا اعلان کر دیا

خیبرپختونخوا حکومت کی مختلف حکمتِ عملیوں نے انسداد دہشتگردی کی کوششوں کو پیچیدہ بنا دیا،رپورٹ

اسرائیلی حملہ: وزیراعظم ہنگامی دورے پر قطر پہنچ گئے، محمد بن سلمان کی آمد بھی متوقع

وفاقی تحقیقاتی ایجنسی (ایف آئی اے) نے شہریوں کو خبردار کیا ہے کہ جرائم پیشہ عناصر ایف آئی اے کے نام سے واٹس ایپ پر جعلی اور من گھڑت ایف آئی آرز بھیج کر عوام کو ہراساں کر رہے ہیں۔

ایف آئی اے کے ترجمان کے مطابق ان جعلی ایف آئی آرز میں شہریوں کو جھوٹے مقدمات میں نامزد کر کے خوف و ہراس پھیلایا جا رہا ہے اس کے علاوہ، یہ عناصر فرضی نام اور جعلی شناخت استعمال کر کے خود کو ایف آئی اے کے اہلکار ظاہر کرنے کی کوشش کرتے ہیں۔

ان پیغامات میں ’’سائبر کرائمز‘‘ اور ’’دہشت گردی‘‘ جیسے سنگین الزامات لگا کر شہریوں کو بلیک میل کرنے کی کوشش کی جا رہی ہے، جو کہ سراسر غیر قانونی اور قابل گرفت اقدام ہے ایف آئی اے نے واضح کیا ہے کہ ادارہ کسی بھی شہری کو واٹس ایپ یا سوشل میڈیا کے ذریعے اس نوعیت کا پیغام نہیں بھیجتا۔

عوام سے اپیل کی گئی ہے کہ اگر کسی کو اس قسم کا مشکوک پیغام یا رابطہ موصول ہو تو فوری طور پر نیشنل سائبر کرائم انویسٹیگیشن ایجنسی میں شکایت درج کروائیں، جو سائبر کرائم کی تحقیقات کی مجاز اتھارٹی ہے۔

ایف آئی اے نے شہریوں کو ہدایت کی ہے کہ وہ ایسے فراڈ سے ہوشیار رہیں، کسی بھی مشتبہ فرد سے ذاتی یا مالیاتی معلومات شیئر نہ کریں۔ مزید معلومات اور مدد کے لیے ایف آئی اے کی ہیلپ لائن 1991 پر رابطہ کریں۔