Baaghi TV

Tag: بارشیں

  • سیلاب کی تباہ کاریاں: این ڈی ایم اے کو 5 ارب روپے جاری کرنے کی ہدایت

    سیلاب کی تباہ کاریاں: این ڈی ایم اے کو 5 ارب روپے جاری کرنے کی ہدایت

    اسلام آباد:ملک میں بارشوں اورسیلابوں کی وجہ جو صورت حال اس وقت درپیش ہے اس سے نمٹنے کےلیے وزیرِاعظم محمد شہباز شریف کی ہدایت پر وفاقی حکومت نے بارش اور سیلاب سے متاثرہ علاقوں میں ایمرجنسی نافذ کرتے ہوئے وزیر خزانہ کو نیشنل ڈیزاسٹر مینجمنٹ اتھارٹی کو 5 ارب روپے جاری کرنے کا حکم دیدیا۔ این ڈی ایم اے اور صوبائی ڈیزاسٹر مینجمنٹ اتھارٹیز (پی ڈی ایم ایز) کے درمیان ریسکیو اور ریلیف کے کام کو مؤثر انداز سے سرانجام دینے کیلئے ایک اعلیٰ سطح کی کمیٹی بھی قائم کردی۔

    وزیراعظم آفس کے میڈیا ونگ سے جاری بیان کے مطابق جمعہ کو وزیراعظم شہباز شریف کی زیر صدارت اسلام آباد میں سیلاب کی صورتحال کے حوالے سے جائزہ اجلاس ہوا، جس میں وفاقی وزراء، مشیران، پارلیمنٹ کے ارکان، آزاد کشمیر اور گلگت بلتستان سمیت تمام صوبوں کے چیف سیکریٹریز، سینئر حکومتی ارکان، چیئرمین این ڈی ایم اے اور ڈی جی محکمہ موسمیات نے شرکت کی۔

    وزیرِاعظم کی ہدایت پر وفاقی حکومت نے بارش اور سیلاب سے متاثرہ علاقوں میں ایمرجنسی نافذ کردی جبکہ وزیراعظم نے وزراتِ خزانہ کو فوری طور پر 5 ارب روپے این ڈی ایم اے کو جاری کرنے کی ہدایت کی ہے۔ وزیراعظم شہباز شریف نے کہا کہ سیلاب متاثرین کی ریسکیو، ریلیف اور بحالی ایک قومی فریضہ ہے، ہمیں اپنے جماعتی مفادات سے بالا تر ہو کر عوام کی مدد کرنی ہے۔

    ان کا کہنا ہے کہ ہم سیاست بعد میں کریں گے، ابھی اُن لوگوں کی مشکلات کا مداوا کرنے کا وقت ہے جو سخت مشکل میں ہیں، سیلاب سے متاثرہ علاقوں کے دوروں کے دوران میں نے اتحاد اور قومی یگانگت کی بات کی تاکہ ہم سب مل کر اس بہت بڑے چیلنج سے نمٹ سکیں۔

    وزیراعظم نے این ڈی ایم اے اور صوبائی ڈیزاسٹر مینجمنٹ اتھارٹیز کے درمیان ریسکیو اور ریلیف کے کام کو مؤثر انداز سے سرانجام دینے کیلئے ایک اعلیٰ سطح کی کمیٹی قائم کردی۔

    کمیٹی وفاقی وزیر پلاننگ اینڈ ڈیولپمنٹ احسن اقبال، وفاقی وزیر مواصلات مولانا اسد محمود، وفاقی وزیر ہاؤسنگ اینڈ ورکس مولانا عبدالواسع، وزیر برائے پارلیمانی امور مرتضیٰ جاوید عباسی، وزیراعظم کے مشیر برائے امور کشمیر و گلگت بلتستان قمر زمان کائرہ، چیئرمین این ڈی ایم اے اور سیکریٹری وزارتِ مواصلات پر مشتمل ہوگی۔

    ڈیرہ غازی خان ۔ وزیراعظم کا دورہ، سیلاب سے جاں بحق افراد کے ورثاء کو 10، 10 لاکھ روپے امداد دینے کا…

    وزیراعظم نے ہدایت کی کہ کمیٹی فوری اپنا اجلاس منعقد کرے، وفاقی اور صوبائی اداروں میں روابط کو بہتر کرنے کیلئے اپنی تجاویز پیش کرے۔ ان کا کہنا تھا کہ ملک میں موسمیاتی تبدیلی کے پیشِ نظر، وسط مدتی سے طویل مدتی حکمت عملی بنانے کی ضرورت ہے، صوبائی حکومتیں مستند معلومات پر مبنی رپورٹس وفاقی حکومت کو ارسال کریں تاکہ سیلاب اور بارشوں سے ہونے والے نقصانات کا جلد از جلد تخمینہ لگایا جاسکے۔

    شہباز شریف نے مزید کہا کہ ملک میں ہونے والے ترقیاتی کاموں کو موسمیاتی تبدیلی کی ترجیحات کے مطابق ڈھالنے کی ضرورت ہے تاکہ مستقبل میں سیلاب اور بارشوں کے نقصانات سے بچا جاسکے۔

    راہِ حق کےشہیدو،وفا کی تصویرو!:عمران خان شہیدلیفٹیننٹ جنرل سرفرازعلی کےگھرپہنچ

    وفاقی وزراء پر مشتمل کمیٹیوں نے سیلاب زدہ علاقوں کے دوروں کے بعد اجلاس کو بریفنگ دی اور ساتھ ہی ریسکیو اور ریلیف کے حوالے سے مسائل سے آگاہ کیا۔ اجلاس میں وزیراعظم کو ملک میں جاری ریسکیو اور ریلیف آپریشنز کے بارے تفصیلی طور پر آگاہ کیا گیا۔

    روس نےیاری کاحق ادا کردیا:ہندوستان پرنوازشات ہی نوازشات

  • سندھ :مون سون بارشوں کی دوران جاں بحق افراد کی 100 ہوگئی

    سندھ :مون سون بارشوں کی دوران جاں بحق افراد کی 100 ہوگئی

    کراچی :سندھ میں حالیہ مون سون سیزن کے دوران ہونے والی بارشوں کے دوران 100 افراد لقمہ اجل بنے ہیں۔پراونشل ڈیزاسٹر مینجمنٹ اتھارٹی سندھ کی جانب سے اجری رپورٹ کے مطابق 20 جون سے 29 جولائی تک صوبے بھر میں ہونے والی بارشوں کے دوران حادثات و واقعات میں 100 افراد جاں بحق ہوئے ہیں۔

    رپورٹ کے مطابق بارشوں کے نتیجے میں پیش آنے والے واقعات میں جاں بحق ہونے والوں میں 51 بچے، 43 مرد اور 6 خواتین شامل ہیں۔
    سندھ میں ہونے والی ہلاکتوں میں سے 41 کراچی میں ہوئیں جب کہ 10 کا تعلق ملیر سے تھا۔

    رواں برس مون سون سیزن کے دوران اب تک سندھ میں خلاف توقع کئی 500 فیصد زائد بارش ریکارڈ ہوئی ہے، صرف کراچی میں جولائی کے مہینے میں بارش کا 55 سالہ ریکارڈ ٹوٹ گیا ہے۔کراچی کے کئی علاقوں میں صرف ایک ماہ کے دوران 400 ملی میٹر سے زائد بارش ریکارڈ کی گئی ہے۔

    محکمہ موسمیات کا کہنا ہے کہ اگست کے مہینے میں بھی مون سون بارشوں کے کچھ اسپیل آئیں گے۔ 6 اگست کو بارش برسانے کا طاقتور سسٹم سندھ میں داخل ہوگا جو ناصرف سندھ بلکہ بلوچستان میں بھی شدید بارشوں کا باعث بن سکتا ہے۔

    وزیراعظم سیلاب زدہ علاقوں کا دورہ کرنے کیلئے بلوچستان روانہ

    ادھر ملک کے مختلف علاقوں میں مون سون بارشوں کے طوفانی اسپیل اور سیلاب نے تباہی مچا دی، بلوچستان اور پنجاب کے کئی علاقوں سے ہزاروں افراد متاثر ہو گئے، فصلیں تباہ، بستیاں اجڑ گئیں۔

    بلوچستان میں بارشیں اور سیلاب نے ہر طرف تباہی مچادی، لسبیلہ شدید متاثر، سینکڑوں مکانات زمین بوس، چاغی ، احمد وال، دالبندین میں سلابی ریلے سے مزید کئی فٹ ریلوے ٹریک بہہ گیا، پاک ایران ٹرین سروس معطل، حب ندی میں پھنسے 3 افراد کو بچالیا گیا، پاک فوج کا متاثرہ علاقوں میں ریلیف آپریشن جاری ہے۔

    یرہ غازی خان ۔ ڈپٹی کمشنر محمد انور بریار سیلاب زدگان سے بات کرتے ہوئے آبدیدہ…

    ادھر مسلسل طوفانی بارشوں سے دریائے چناب میں پانی کی سطح بلند ہونے پر ملتان میں قاسم بیلہ کی متعدد بستیاں زیر آب آگئیں، سیکڑوں ایکڑ پر فصلوں اور آم کے باغات کو بھی شدید نقصان پہنچا ہے، اوچ شریف میں بھی دریائے چناب میں پانی کی سطح میں اضافہ ہونے سے ہزاروں افراد متاثر ہوئے ہیں، متاثرہ علاقوں میں ریسکیو اہلکار لوگوں کو محفوظ مقامات پر منتقل کررہے ہیں۔

    سیلاب ریلوے ٹریک بہا لے گیا، پاک ایران ٹرین سروس معطل

    راجن پور میں حالیہ طوفانی بارشوں سے بڑے پیمانے پر تباہی ہوئی، 75 سے زائد مواضعات متاثر ہوئے ،ایک ہزار سے زائد گھروں کو نقصان پہنچا، 27 ہزار ایکڑ پر کاشت کی گئی فصلیں بھی تباہ ہوگئیں۔

  • بلوچستان، بارشوں کے دوران 42 بچوں سمیت 120 اموات

    بلوچستان، بارشوں کے دوران 42 بچوں سمیت 120 اموات

    بلوچستان میں بارشوں اور سیلاب سے تباہ کاریاں ، متاثرہ علاقوں میں فضائی امدادی کارروائیاں جاری ہیں

    حکومت بلوچستان کے ایم آئی سیونٹین ہیلی کاپٹر کی جھل مگسی میں امدادی کارروائی جاری ہے ہیلی کاپٹر کے ذریعے راشن ، ادویات اور پینے کا صاف پہنچایا گیا ہیلی کاپٹر کے ذریعے شدید بیمار مریض کو کوئٹہ منتقل کیا گیا ،

    بلوچستان میں مون سون بارشیں ،نقصانات سے متعلق پی ڈی ایم اے کی رپورٹ جاری کر دی گئی ہے بلوچستان میں بارشوں کے دوران مختلف حادثات میں 120 افراد جاں بحق ہوئے بلوچستان میں بارشوں کے دوران جاں بحق افراد میں 46 مرد،32 خواتین اور 42 بچے شامل ہیں اموات بولان ، کوئٹہ، ژوب، دکی، خصدار، کوہلو، کیچ، مستونگ، ہرنائی، قلعہ سیف اللہ میں ہوئیں بلوچستان میں بارشوں کے دوران 70 افراد مختلف حادثات میں زخمی ہوئے بلوچستان میں بارشوں کے دوران 12 ہزار 320 مکانات منہدم ہوئے ،

    دوسری جانب ڈیرہ غازی خان، سیلاب سے ہونے والے نقصانات کی ابتدائی رپورٹ جاری کر دی گئی ڈیرہ غازی خان کا سیلاب سے ایک لاکھ 75 ہزار ایکڑ رقبہ زیرآب آیا،برساتی ندی نالوں کے سیلاب سے 87 ہزار لوگ متاثر اور8جاں بحق ہوئے،متاثرہ علاقوں میں 21 رابطہ سڑکیں مکمل اور جزوی متاثر ، 499 جانور بہہ گئے متاثرہ علاقوں سے 972 افراد کو ریسکیو کیا، 14ریلیف کیمپ قائم کئے گئے سیلابی پانی اترنا شروع ہو گیا ہے متاثرین کی گھروں کو واپسی جاری شروع ہو گئی ہے 123 افراد ریلیف کیمپوں میں موجود ہیں متاثرین میں خشک راشن اور 690 خیمے ،500 ٹینٹ ،500 چٹائیاں ،200 مچھردانیاں تقسیم کی گئی ہیں نقصانات کا تخمینہ لگانے کے لیے سروے ٹیمیں تشکیل دیدی گئیں،

    تخت بھائی میں موسلادھار بارش کا سلسلہ جاری ہے نشیبی علاقے زیرآب آ چکے ہیں بارش کا پانی ماکیٹوں، گھروں اور مساجد میں داخل ہو چکا ہے مین ملاکنڈ روڈ پر پانی جمع ہے راہگیروں کو مشکلات کا سامنا ہے

    ڈیرہ اسماعیل خان، تحصیل پہاڑپور کے مختلف علاقوں میں سیلابی پانی آبادی میں داخل ہو گیا ہے ٹانک اور گومل سے آنے والے سیلابی پانی سے رہائشی متاثر ہوئے ہیں بندکورائی ،بگوانی شمالی، وانڈہ خالق شاہ ،سول راکھ کیچ کے لوگ نقل مکانی پر مجبورہو چکے ہیں پہاڑپور واٹر چینلز کی صفائی نہ ہونے کی وجہ سے پانی نے آبادی کا رخ کر لیا پانی اسکولوں، گھروں ، کھیتوں اور بجلی کے گریڈ میں داخل ہو چکا ہے

    دوسری جانب وزیراعلیٰ سندھ مراد علی شاہ سیہون پہنچ گئے، بارش سے متاثرہ علاقوں کا دورہ کریں گے وزیراعلیٰ سندھ مراد علی شاہ سیہون میں منچھر جھیل ، دراوٹ ڈیم کا معائنہ کریں گے وزیراعلیٰ سندھ مراد علی شاہ سے بارش سے متاثرہ لوگ ملاقات بھی کریں گے،

    قبل ازیں سکھر بیراج کے مختلف گیٹوں سے 7 لاشیں برآمد ہوئی ہیں، انتظامیہ کو اطلاع دے دی گئی دو روز قبل بھی 5 لاشیں نکالی گئی تھیں،

    سیلاب سے ہونے والے نقصان کے سرکاری اعداد وشمارجاری

    حکومت بارش سے متاثرہ افراد کو معاوضہ دینے کا اعلان کرے،سربراہ پاکستان سنی تحریک

    بارش کے بعد کی صورتحال ، میئر کراچی نے گورنر سندھ سے ملاقات میں وفاق سے مدد مانگ لی

    اکثر ارکان اسمبلی ڈیفنس اور کلفٹن کے رہائشی ہیں انہیں پتا ہی نہیں کہ کراچی کے عوام کے مسائل کیا ہیں،حافظ نعیم الرحمان

    ملک میں سیلاب سے متاثرہ اضلاع میں پاک فوج کی امدادی سرگرمیاں جاری ہیں

  • وزیراعلیٰ پنجاب کی سیلاب متاثرین کیلئے امدادی سرگرمیاں مزید تیز کرنے کی ہدایت

    وزیراعلیٰ پنجاب کی سیلاب متاثرین کیلئے امدادی سرگرمیاں مزید تیز کرنے کی ہدایت

    وزیراعلیٰ پنجاب چودھری پرویز الٰہی نے راجن پور، روجھان اور تونسہ میں سیلاب متاثرین کیلئے امدادی سرگرمیاں مزید تیز کرنے کی ہدایت کر دی

    وزیراعلیٰ پنجاب چودھری پرویز الہیٰ کا کہنا تھا کہ سیلاب متاثرین کو ریلیف کی فراہمی میں کوئی کسر اٹھا نہ رکھی جائے۔
    سیلاب سے متاثرہ افراد کے کھانے پینے اور دیگر ضروریات کا مکمل خیال رکھا جائے انتظامیہ ریلیف کیمپوں میں متاثرین کو ہرممکن سہولتوں کی فراہمی یقینی بنائے  سیلاب سے متاثرہ علاقوں میں امدادی سرگرمیوں کیلئے متعلقہ ادارے کمربستہ ہو جائیں متاثرہ دیہات میں امدادی کیمپوں میں تمام ضروری اشیاء وافر تعداد میں موجود ہونی چاہئیں

    وزیراعلیٰ پنجاب چودھری پرویز الہیٰ نے متاثرہ علاقوں میں میڈیکل کیمپس بھی لگانے کی ہدایت کی اور کہا کہ متاثرہونے والے دیہات کے لوگوں کو تنہا نہیں چھوڑیں گے  متاثرہ افراد کو ریلیف کی فراہمی اولین ترجیح ہے

    واضح رہے کہ ڈیرہ غازیخان کی تحصیل کوٹ چھٹہ کے علاقہ بستی عطا محمدتالپورمیں تین دن سے ہونیوالی باران رحمت لوگوں کیلئے زحمت بن گئی ہے،بارش کے پانی نے سیلابی ریلے کی شکل اختیارکرلی اورپانی کی سطح اس وقت چھ سے سات فٹ ریکارڈ کی جارہی ہے جوانتہائی خطرناک ہے بستی عطا محمدخان تالپور شدید متاثرہوچکی ہے اور پانی گھروں میں داخل ہوچکا ہے

    علاقہ مکینوں کا کہنا ہے کہ ضلعی وتحصیل انتظامیہ کی مکمل چشم پوشی سے غریب عوام کا لاکھوں روپے کا نقصان ہو رہا ہے جن کے گھر فصلات سب کچھ ڈوب گیا ہے مال مویشی اب روڈ پر نکالنا شروع کردیا گیا ہے مگر سرکاری مشینری صرف دفتروں تک محدود ہے

    ملازمت کے نام پر لڑکیوں کی بنائی گئیں نازیبا ویڈیوز،ایک اور شرمناک سیکنڈل سامنے آ گیا

    200 سے زائد نازیبا ویڈیو کیس میں اہم پیشرفت

    نازیبا ویڈیو سیکنڈل،پولیس لڑکیوں کو بازیاب کروانے میں تاحال ناکام

  • متحدہ عرب امارات: شدید بارش کا 27 سالہ ریکارڈ ٹوٹ گیا

    متحدہ عرب امارات: شدید بارش کا 27 سالہ ریکارڈ ٹوٹ گیا

    فجیرہ :متحدہ عرب امارات میں شدید بارش کا 27 سالہ ریکارڈ ٹوٹ گیا، سڑکوں پر سیلابی صورتحال پیدا ہوگئی۔

    متحدہ عرب امارات کا بارش کے لیے ڈرونز کا استعمال

    فجیرہ کی بندرگاہ پر 255 ملی میٹر بارش ریکارڈ کی گئی جو جولائی کے مہینے میں سب سے زیادہ بارش کا ریکارڈ ہے، مسافی میں 209 ملی میٹر اور فجیرہ ایئرپورٹ پر 187 ملی میٹر بارش ریکارڈ ہوئی، نیشنل سینٹر آف میٹرولوجی کے مطابق بھارت سے ہوا کا کم دباؤ آیا ہے جو ڈپریشن کا باعث بنا اور یہ پاکستان اور ایران کے علاقے میں بھی موجود ہے۔

    متحدہ عرب امارات میں بارشوں اور آسمانی بجلی سے سیلاب آ گیا

    شدید بارش سے نظام زندگی مفلوج ہوگیا جبکہ امدادی اداروں نے پانی میں پھنسے شہریوں کو محفوظ مقامات تک منتقل کیا، حکومت نے لوگوں کو گھروں تک محدود رہنے کی ہدایت کی ہے، بارش اور سیلابی ریلوں میں پھنسے ہوئے شہریوں اور تارکین کو امداد پہنچانے کے لیے وزارت دفاع سمیت تمام سرکاری ادارے اور رضا کار متحرک ہوگئے ہیں۔

    گرمی ختم کرنے کے لیے مصنوعی بارش نے سب کو حیران کردیا

    حکومت نے متاثرہ علاقوں شارجہ، راس الخیمہ، فجیرہ میں اداروں کو ہدیت کی ہے کہ وہ اپنے غیر ضروری ملازمین کو جمعرت اور جمعہ کو گھروں سے کام کرائیں، واضح رہے کہ فجیرہ میں ہونے والی ایک دن کی بارش کی مقدار ریاض میں تین سال کے دوران ہونے والی بارش کی کل مقدار کے برابر رہی ہے۔

  • بارشوں سے متاثرہ علاقوں میں نقصان کے تعین کیلئے وفاقی وزرا کی کمیٹی تشکیل

    بارشوں سے متاثرہ علاقوں میں نقصان کے تعین کیلئے وفاقی وزرا کی کمیٹی تشکیل

    وزیراعظم شہبازشریف کی زیر صدارت اجلاس ہوا

    اجلاس میں حالیہ بارشوں اور سیلاب کے دوران نقصانات کا جائزہ لیا گیا وزیراعظم نے متاثرہ علاقوں میں نقصان کے تعین کیلئے وفاقی وزرا کی کمیٹی تشکیل دیدی اور کہا کہ کمیٹی آئندہ 4 دن کے اندر تمام متاثرہ علاقوں کا دورہ کرے کمیٹی کی سفارشات کی روشنی میں جامع پلان تشکیل دیا جائے گا،زخمیوں کی امداد کو 50 ہزار سے بڑھا کر 2 لاکھ تک کیا جائے تمام متاثرہ مکانات کیلئے ایک جیسی امداد فراہم کی جائے جزوی طور پر متاثرہ مکانات کی امداد 25 ہزار سے بڑھا کر اڑھائی لاکھ کیا جائے مکمل طور پر متاثرہ گھروں کیلئے 50 ہزار سے بڑھا کر 5 لاکھ کیا جائے،

    وزیراعظم شہباز شریف کا کہنا تھا کہ پاکستان ہم سب کہ ذمہ داری ہے، باہمی معاونت سے متاثرہ لوگوں کی مدد کرینگے

    وزیراعلیٰ سندھ مراد علی شاہ نے وزیراعظم شہباز شریف کی زیرصدارت بارشوں کے نقصانات سے متعلق اجلاس میں وزیراعلیٰ ہاؤس سے بذریعہ وڈیو لنک شرکت کی وزیراعلیٰ سندھ نے وزیراعظم کو آگاہی دی کہ سندھ میں جولائی کے دوران بارشورں کے سلسلہ شروع ہوا،مون سون کا پہلا اسپیل 2 تا 11 جولائی تک جاری رہا، بارشوں کا دوسرا اسپیل 14 تا 18 جولائی تک جاری رہا، تیسرا اسپیل 23 جولائی سے ابتک جاری ہے، سندھ میں ابتک نارمل بارشوں سے 369 فیصد زیادہ ہوئی ہیں، سندھ میں مون سون سیزن میں 48.5 ملی میٹر بارشیں ہوتی ہیں، شہر کراچی میں 556 ملی میٹر بارشیں ریکارڈ ہوئی ہیں، لیکن یکم تا 26 جولائی تک 227.1 ملی میٹر بارشیں ہوئی ہیں جو 369 فیڈ زیادہ ہیں، سندھ کے تقریباً تمام شہروں میں تینوں اسپیل میں بارشیں ہوئی ہیں، ابتک سندھ میں 93 اموات اور 59 افراد زخمی ہوئے ہیں، 93 اموات میں 47 بچے ہیں جو انتہائی تکلیف دہ بات ہے، موسلادھار بارشوں کے باعث 35 کراچی واٹر بورڈ کی سیوریج کی لائن کو نقصان پہنچا، 3 پل ضلع غربی اور ملیر میں ٹوٹ گئیں، کراچی میں اہم سڑکیں جس میں ای بی ایم کازوے، کراسنگ کازوے بری طرح متاثر ہیں، صوبے بھر میں 388.5 کلومیٹر مختلف شہروں کو ملانے والی سڑکیں بری طرح متاثر ہوئیں، ان 388.5 کلومیٹر میں کراچی، حیدرآباد، بدین، ٹھٹہ، سجاول شامل ہیں،

    حکومت بارش سے متاثرہ افراد کو معاوضہ دینے کا اعلان کرے،سربراہ پاکستان سنی تحریک

    بارش کے بعد کی صورتحال ، میئر کراچی نے گورنر سندھ سے ملاقات میں وفاق سے مدد مانگ لی

    اکثر ارکان اسمبلی ڈیفنس اور کلفٹن کے رہائشی ہیں انہیں پتا ہی نہیں کہ کراچی کے عوام کے مسائل کیا ہیں،حافظ نعیم الرحمان

  • فیصل قریشی کراچی کی صورتحال پر بول پڑے

    فیصل قریشی کراچی کی صورتحال پر بول پڑے

    مون سون کی بارشوں کے بعد کراچی شہر کی صورتحال خاصی افسوسناک ہے، شہر بارش کے پانی سے ڈوب گیا ہے لوگ گھروں میں محصور ہو کر رہ گئے ہیں. کراچی کے شہر کے لوگوں کے معاملات زندگی معطل ہو کر رہ گئے ہیں.سوشل میڈیا پر جہاں لوگ عام عوام تشویش کا اظہار کررہے ہیں وہیں شوبز شخصیات بھی مایوس نظر آرہی ہیں. فیصل قریشی نے گزشتہ روز ایک پوسٹ لگائی اور لکھا کہ ایک بارش میں ڈوب گئے ڈیفنس اور ناظم آباد، نہ کوئی برگر بچا نہ کوئی کباب. فیصل قریشی نے کراچی میں بارش کی صورتحال پر پریشانی کا اظہار کرتے ہوئے حکام سے اپیل کی کہ شہر کی صورتحال بہتر کریں.

    کراچی میں‌ کئی برسوں سے پاکستان پیپلز پارٹی کی حکومت ہے ہر برس جب بھی بارشیں ہوتی ہیں تو کراچی شہر ڈوب جاتا ہے سندھ حکومت کی طرف سے بڑے بڑے دعوے کئے جاتے ہیں لیکن اگلے برس وہی مایوس کن صورتحال ہوتی ہے اور بارش آتے ہی شہر پانی میں ڈوب جاتا ہے اور شہری پریشان ہو کر اپنے گھروں میں‌محصور ہو کر رہ جاتے ہیں. یہ صورتحال یقینا سندھ حکومت کی کارکردگی پر سوالیہ نشان ہے. اس وقت کراچی کا ہر علاقہ پانی میں ڈوب چکا ہے لوگوں کی گاڑیاں اور املاک تباہ و برباد ہو رہی ہی کہیں تو گھروں کے اندر پانی داخل ہو چکا ہے.

  • مون سون بارشیں،وزیراعظم نےوفاق اور صوبائی محکموں کو الرٹ کر دیا

    مون سون بارشیں،وزیراعظم نےوفاق اور صوبائی محکموں کو الرٹ کر دیا

    وزیراعظم شہبازشریف نےجمعرات سے ملک میں مزید مون سون بارشوں پر وفاق اور صوبائی محکموں کو الرٹ رہنے کی ہدایت کر دی،وزیراعظم نے سندھ، بلوچستان اور جنوبی پنجاب سمیت ملک بھر میں عوام کے تحفظ کے اقدامات کی کڑی نگرانی کرنے کی ہدایت کی ہے.

    کراچی میں بارش کے بعد تا حال علاقوں میں بجلی غائب

    وزیراعظم نے وفاق کی طرف سے صوبائی حکومتوں اور اداروں کو مکمل معاونت فراہم کرنے پراین ڈی ایم اے کو شاباش دی.وزیراعظم نے اپنے پیغام میں کہا کہ اتحاد، تعاون ، اشتراک عمل اور عوام کی خدمت کا بے لوث جذبہ ہی ہماری قوت اورکامیابی ہے،وزیراعظم نے صوبائی حکومتوں اور اداروں کو بھی عوام کے جان ومال کے تحفظ کے لئے خدمات پر خراج تحسین پیش کیا.

    وزیراعظم نے اپنے پیغام میں کہا کہ عوام کی خدمت کے لئے کوئی کسر اٹھا نہ رکھیں، آپ کا جذبہ اور خدمات لائق تحسین ہیں، اللہ تعالی کی مخلوق کی خدمت کا جذبہ ہی دراصل سب سے عظیم جذبہ ہے،وزیراعظم نے انتظامی افسروں کو کہا کہ عید کی تعطیلات میں عوامی خدمت کے شاندار جذبے کا آپ نے مظاہرہ کیا،انہوں نے کہا کہ پولیس سمیت میونسپل اور شہری انتظامات کے ذمہ دار تمام اداروں کی تحسین کرتا ہوں.

    دوسری طرف محکمہ موسمیات نے کراچی میں جمعرات سے مزید تیز بارشوں کی پیش گوئی کرتے ہوئے کہا ہے کہ بارشوں کا ایک اور مضبوط سسٹم شہر قائد کی جانب رواں دواں ہے۔ ذرائع کے مطابق محکہ موسمیات نے پیش گوئی کی ہے کہ حالیہ بارشوں کے سسٹم کا پھیلاؤ کراچی اور زیریں سندھ پر اب بھی موجود ہے، شہر میں کبھی تیز اور کبھی معتدل بارش ہورہی ہے۔

    چیف میٹرو لوجسٹ سردار سرفراز کے مطابق 14 جولائی کی شام سے ایک اور سسٹم سندھ میں داخل ہونے کی توقع ہے، مون سون بارشوں کا سبب بننے والا نیا سسٹم 18 جولائی تک اثرانداز رہے گا۔

  • رواں ہفتے کے دوران مزید مون سون بارشوں کی پیشنگوئی

    رواں ہفتے کے دوران مزید مون سون بارشوں کی پیشنگوئی

    محکمہ موسمیات کی روا ں ہفتے کے دوران مزید مون سون بارشوں کی پیش گوئی

    محکمہ موسمیات کے مطابق سندھ ، بلوچستان اور جنوبی پنجاب میں موسلادھار بارشوں کا امکان ہے خلیج بنگال سے مون سون ہوائیں بالائی اور وسطی علاقوں میں داخل ہو رہی ہیں 14جولائی کو ہوا کا کم دباؤ سندھ میں شدت کے ساتھ داخل ہوگا، 14سے17 جولائی کے دوران کراچی، حیدر آباد ،ٹھٹہ اوربدین میں بارشوں کا امکان ہے شہید بینظیر آباد، دادو،تھر پارکر، عمر کوٹ، سانگھڑ،میر پور خاص اورمٹھی میں بارش متوقع ہے جامشورو ، نوشہرو فیروز، لاڑکانہ،جیکب آباد، گھوٹکی ،سکھر اورخیرپور میں بھی بارش کا امکان ہے شکار پور، قمبر شہداد کوٹ،کشمور، ژوب، زیارت، بارکھان اور لورالائی میں بارش کی پیشگوئی کی گئی ہے بولان ،کوہلو، قلات، خضدار،لسبیلہ ، آواران، نصیر آباد، جعفر آباداور جھل مگسی میں بارش متوقع ہے ڈیرہ بگٹی،سبی،پنجگور ، تربت اورپسنی میں تیز ہواؤں اور گرج چمک کے ساتھ بارش ہوگی

    مسلح افواج پر تنقید کی سزا پانچ سال قید،دو لاکھ جرمانہ، عمران ریاض خان کی اپنی ویڈیو وائرل

    ایف بی آر نوٹس کی مہلت ختم،عمران ریاض خان پیش نہ ہوئے

    آپ اتنا مت گھبرائیں،فارن فنڈنگ کیس میں عدالت کا پی ٹی آئی وکیل سے مکالمہ

    فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

    فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

    فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

    فارن فنڈنگ کیس میں بھی عمران خان کو اب سازش نظر آ گئی، اکبر ایس بابر

    13 سے 15 جولائی کے دوران اسلام آباد، کشمیر، سوات، مانسہرہ اور کوہستان مین بارش متوقع ہے ایبٹ آباد، ہری پور، پشاور،مردان، صوابی ،نوشہرہ ، کرم ، بنوں، لکی مروت اورکوہاٹ میں بارش ہوگی میانوالی، سرگودھا، حافظ آباد، منڈی بہاؤالدین، راولپنڈی، مری اور اٹک میں بارش متوقع ہے چکوال، جہلم، سیالکوٹ، نارووال، لاہور، گوجرانوالہ،گجرات، شیخوپورہ اورفیصل آباد میں بارش ہوگی جھنگ ،ساہیوال ، اوکاڑہ ، بھکر، لیہ، ملتان، راجن پور اور ڈیرہ غازی خان میں بھی بارش کا امکان ہے بہاولپور، بہاولنگر، رحیم یار خان اور خانپورمیں وقفے وقفے سے مزید بارش ہوگی پنجگور اور تربت میں موسلادھار بارش کے باعث نشیبی علاقے زیر آب آنے کا خطرہ ہے فیصل آباد،لاہور اور گوجرانوالہ میں بھی نشیبی علاقے زیر آب آنے کا خدشہ ہے 14سے 16 جولائی کے دوران کیتھر رینج، بولان،قلات، خضدار اور لسبیلہ میں طغیانی کا خدشہ ہے بارکھان،نصیر آباد، کوہلو،ژوب، سبی اور ڈیرہ غازی خان کے پہاڑی علاقوں میں طغیانی کا امکان ہے 13 اور 14 جولائی کو راولپنڈی،اسلام آباد ،مانسہرہ، دیر اور کشمیر کے ندی نالوں میں طغیانی کا خدشہ ہے کشمیر،گلیات ، مری ،چلاس، دیامیر، گلگت،ہنزہ، استور اور اسکردومیں لینڈ سلائیڈنگ کا خدشہ ہے ، محکمہ موسمیات کا کہنا ہے کہ مسافر اور سیاح موسمی حالات کو مدنظر رکھ کر سفر کے دوران محتاط رہیں

  • نالے میں پھنسے چار بچوں کو نکالنے پر وزیراعظم کی ریسکیو ٹیم کو شاباش

    نالے میں پھنسے چار بچوں کو نکالنے پر وزیراعظم کی ریسکیو ٹیم کو شاباش

    نالے میں پھنسے چار بچوں کو نکالنے پر وزیراعظم کی ریسکیو ٹیم کو شاباش
    وزیراعظم شہباز شریف نے اسلام آباد کورنگ نالے میں پھنسے 4 بچوں کو بچانے پر ریسکیو ٹیم کو شاباش دی

    وزیراعظم شہباز شریف کا کہنا تھا کہ پاک بحریہ، اسلام آباد کی ضلعی انتظامیہ ، پولیس اور ریسکیو نے عمدہ مثال قائم کی سیلابی ریلے میں ریسکیو نے جانفشانی، چابکدستی ، مہارت اور دلیری کا مظاہرہ کیا، والدین بچوں کی حفاظت کے حوالے سے ذمہ داری کا مظاہرہ کریں، ضلعی انتظامیہ، پولیس اور ریسکیوٹیمیں اسلام آباد ٹیم کی مثال کی تقلید کریں

    واضح رہے کہ نالہ کورنگ میں چار بچے پانی میں پھنس گئے تھے جنکو ریسکیو کر لیا گیا ہے،بچوں کو ریسکیو کرنے کیلئے پولیس اور امدادی ٹیمیں موقع پر پہنچی تھیں آج صبح 8 بجے کے قریب بچے کھیل رہے تھے جو پانی میں نہانے لگے موسلا دھار بارشوں کے باعث پانی کا بڑا ریلا آیا جس کے باعث چار بچے پانی میں پھنس گئے تھے مقامی افراد کی جانب سے پہلے 15 پر کال کی گئی جس پر پولیس پہنچی بعد ازاں ریسکیو اداروں کو کال کی گئی جس پر ریسیکیو ٹیمیں فوری پہنچیں اور آدھے گھنٹے کے آپریشن کے بعد بچوں کو پانی کے ریلے کے درمیان موجود ٹیلے سے بحفاظت ریسکیو کرلیا گیا ہے

    شادی اس بات کا لائسنس نہیں کہ شوہر درندہ بن کر بیوی پر ٹوٹ پڑے،عدالت

    خواجہ سراؤں کا چار رکنی گروہ گھناؤنا کام کرتے ہوئے گرفتار

    چار ملزمان کی 12 سالہ لڑکے کے ساتھ ایک ہفتے تک بدفعلی،ویڈیو بنا کر دی دھمکی

    ماموں کی بیٹی کے ساتھ گھناؤنا کام کرنیوالا گرفتار

    پانی پینے کے بہانے گھر میں گھس کر لڑکی سے گھناؤنا کام کرنیوالا ملزم گرفتار

    تین سال قبل بہن کو بھگا کر شادی، سالے نے بہنوئی کو گلا دبا کر قتل کر دیا