Tag: باغی ٹی وی

لاہور : تحریک انصاف کے صوبائی وزیر چودھری ظہیرالدین کا پنجاب سے بلامقابلہ کامیاب ہونے والے سینیٹرز اور ارکان صوبائی اسمبلی کے اعزاز میں عشائیہ تقریب کے مہمان خصوصی سپیکر پنجاب اسمبلی چودھری پرویزالٰہی تھے جنہوں نے کہا کہ پنجاب میں سینیٹ کا بلامقابلہ انتخاب ایک احسن پیش رفت ہے۔کشیدگی کے سیاسی ماحول میں جمہوریت کو پروان چڑھنے کا موقع ملا ہے۔ تمام سیاسی جماعتوں نے افہام و تفہیم سے درست فیصلہ کیا ہے۔
ہم سیاسی معاملات میں مشاورت پر یقین رکھتے ہیں۔
ایوان کے اندر اور باہر ہمیشہ قومی مفادات کو ترجیح دیتے ہیں۔عوام کی خدمت کا جذبہ رکھ کر سیاست کرنے سے خلق خدا بھی خوش ہوتی ہے اور خالق کائنات بھی۔
اللہ تعالیٰ اپنے بندوں کی خود مدد فرماتا ہے بس آپ نیک نیتی سے کام جاری رکھیں۔
نومنتخب سینیٹر کامل علی آغا نے کہا کہ چودھری شجاعت حسین اور چودھری پرویزالٰہی کا قومی معاملات میں ویژن بڑا واضح ہے۔ اپنے اوپر اتحادی جماعتوں کے اعتماد کرنے پر شکر گزار ہوں۔ ایوان بالا میں قیادت کے ویژن کے مطابق قومی معاملات پر اپنا کردار ادا کروں گا۔
ارکان اسمبلی اور پارٹی رہنماؤں نے سینیٹ انتخابات کے حوالے سے سپیکر پنجاب اسمبلی چودھری پرویزالٰہی کے کردار کو سراہا۔ ارکان اسمبلی نے سینیٹر کامل علی آغا کو بلامقابلہ انتخاب پر مبارکباد دی ۔ عشائیہ میں پاکستان مسلم لیگ کے نومنتخب سینیٹر کامل علی آغا کے علاوہ ارکان صوبائی اسمبلی کی بڑی تعداد نے شرکت کی۔
عشائیہ میں ملک محمد انور، میاں شفیع محمد، ساجد احمد خان، علی اختر ،احسان الحق، ڈاکٹر افضل، شجاعت نواز اجنالہ، عبداللہ وڑائچ، ملک جمشید الطاف، چودھری عدنان ،راجہ یاور کمال خان، ظفر اقبال، سردار آصف نکئی، مہر محمد اسلم، نوابزادہ سیم خان بدوزئی _عون حمید، فیصل فاروق چیمہ، میاں علمدار عباس قریشی، احمد علی اولکھ، محترمہ سونیا , عمر آفتاب، خرم اعجاز، نذیر چوہان، ملک مختار احمد، عبدالحئی دستی، آصف مجید، چودھری مسعود احمد ,رضا حسین بخاری، اشرف خان رند، خواجہ داؤد سلیمانی، سردار دوست محمد مزاری ,سبرینا جاوید، عظمیٰ کاردار، مسرت جمشید، آسیہ امجد، مومنہ وحید، باسمہ چودھری، خدیجہ عمر، مامون تارڑ، احمد خان بھی شریک تھے

راولپنڈی: چیف ٹریفک آفیسر راولپنڈی کاٹریفک ہیڈ کواٹرکی مختلف برانچز کا سرپرائز وزٹ. ٹریفک ہیڈ کواٹر کی سکیورٹی صورتحال بیان کی گی۔ ویلفیئرمرکز اور لائسنسنگ حال کا جائزہ لیا۔چیف ٹریفک آفیسر راولپنڈی کا ٹریفک دفتر میں آنے والے شہریوں کو ہر ممکنہ سہولیات فراہم کی جائیں۔ ڈیوٹی کو خدا کی خوشنودی اورعوام الناس کی خدمت کے لیے سر انجام دیں۔
۔سی ٹی او رائے مظہر اقبال کا کہنا ہے کہ راولپنڈی پولیس عوام الناس کی خدمت کے جذبہ کے تحت بھرپور محنت کر رہی ہے ۔ ٹریفک سٹاف کی ویلفیئر کے لیے ٹریفک ہیڈ کواٹر میں پولیس ویلفیئر مرکز قائم کیا گیا ہے پولیس ویلفیئر مرکز میں ٹریفک اہلکاروں کے محکمانہ مسائل کو ہر ممکنہ طور پر حل کیا جائے گا۔

فیاض الحسن چوہان کا کہنا ہے کہ بہت جلد ”ن” لیگ کی قیادت اور بیانیہ ”ش” لیگ کے ہاتھوں میں آ جائے گا۔
حمزہ شہباز کا حکومت مخالف خطاب میم لیگ کے خلاف اپنے جذبات کی عکاسی کر رہا تھا۔
لاہور 28 جنوری: وزیر جیل خانہ جات پنجاب فیاض الحسن چوہان نے کہا ہے کہ بیگم صفدر اعوان کے بعد حمزہ شہباز کی رہائی پر ”خوب گزرے گی جو مل بیٹھیں گے دیوانے دو” صادق آتا ہے۔ بہت جلد ”ن” لیگ کی قیادت اور بیانیہ اب ”ش” لیگ کے ہاتھوں میں آ جائے گا۔ فیاض الحسن چوہان نے کہا کہ ایک انڈر ٹرائل ملزم کی ضمانت پر رہائی پر جشن کی توقع صرف ن لیگ سے ہی کی جا سکتی تھی۔ حمزہ شہباز کی اطلاع کے لیے عرض ہے کہ ان کی سزا ختم نہیں ہوئی، صرف ضمانت ہوئی ہے۔ فیاض الحسن نے مزید کہا کہ حمزہ شہباز کا حکومت مخالف خطاب دراصل میم لیگ کے خلاف اپنے جذبات کی عکاسی کر رہا تھا۔ فیاض الحسن چوہان نے لیگی قائدین سے درخواست کرتے ہوئے کہا کہ اپنے آپس کے اختلافات کا ملبہ وزیر اعظم عمران خان اور حکومت پر نہ ڈالیں۔ حمزہ شہباز سمیت کسی بھی کرپٹ فرد کو وزیر اعظم عمران خان سے این آر او کی امید نہیں رکھنی چاہیئے۔

لاہور پولو کلب کے زیراہتمام اتحاد پنجاب پولو کپ 2021ء ٹیم بی این پولو نے جیت لیا، فائنل میں دلچسپ مقابلے کے بعد ڈائمنڈ پینٹس کو سڈن ڈیتھ پر 6-5 سے شکست کا سامنا کر نا پڑا۔ تفصیلات کے مطابق تاریخی اتحاد پنجاب کپ کا 135 واں فائنل دیکھنے کیلئے تماشائیوں کی ایک بہت بڑی تعداد موجود تھی۔ اس موقع پر مہمان خصوصی اتحاد ٹیکسٹائل کے سی ای او ناظم شہزاد شیخ، سارہ رضوان تھیں۔اس موقع پر لاہور پولو کلب کے صدر عمر صادق، ایگزیکٹو کمیٹی ممبران آغا مرتضی علی خان،شاہ قبلائی عالم،فیروز گلزار، عثمان حئی،ثاقب خان خاکوانی، آغا نجیب رضا، سیکرٹری لیفٹیننٹ کرنل (ر) مدثر شریف اور غیرملکی کھلاڑیوں کی بڑی تعداد موجود تھی۔بی این پولو اور ڈائمنڈ پینٹس کے درمیان فائنل میچ انتہائی سنسنی خیز ثابت ہوا اور پانچویں چکر تک گیا۔ جہاں بی این پولو ٹیم نے زبردست مقابلے کے بعد 6-5 سے میدان مار گیا۔ بی این پولو کی طرف سے ٹی ٹو رئیوز گنزو نے 3 گول، الوکیو نے دو جبکہ راجہ میکائل سمیع نے ایک گول سکور کیا جبکہ ڈائمنڈ پینٹس کی طرف سے راول لیپ سیٹا نے چار جبکہ میر حذیفہ احمد نے ایک گول سکور کیا۔ قبل ازیں سب سڈری فائنل میں ٹیم ڈی ایس پولو نے ری ماؤنٹس کو زبردست مقابلے کے بعد 5-4 سے ہرا دیا۔ ڈی ایس پولو/ اے ایس سی کی طرف سے حسام علی حیدر اور میکس چارلٹن نے دو دو جبکہ لیفٹیننٹ کرنل عمر منہاس نے ایک گول سکور کیا۔ ری ماؤنٹس کی طرف سے اگناسیو نیگری نے دو جبکہ ویری انٹویو اور ایل ڈی عمران شاہد نے ایک ایک گول سکور کیا۔

اٹک ۔حضرومیں 9 سالہ بچی زیادتی کے بعدقتل کر دی گئی۔بچی گزشتہ رات والدہ کے ساتھ شادی کی تقریب میں گئی تھی ۔دوران تقریب بچی کی گمشدگی پرورثاء نے تلاش شروع کردی۔ نو سالہ شبانہ کومبینہ زیادتی کےبعد قتل کیاگیا۔ بچی کو گلے میں پھندالگاکرقتل کیاگیا ۔بچی کی لاش چھچھ انٹرچینج کے قریب پنج ڈھیرگاوں سے برآمد کی گئی۔ بچی کاحضروہسپتال میں پوسٹ مارٹم جاری ہے۔

پریس کلب میں فری آئی اینڈ میڈیکل کیمپ کا انعقاد کیا گیا۔ آئی و میڈیکل کیمپ میں سپیشلسٹ پروفیسرزو ڈاکٹرز نے مریضوں کا معائنہ کیا۔ لاہور پریس کلب کی گورننگ باڈی نے لائف ہسپتال ، ٹرانسپیرنٹ ہینڈز اور فاطمید فاﺅنڈیشن کے تعاون سے معززممبران اور ان کے اہلخانہ کے لئے فری میڈیکل ، آئی وبلڈ ڈونیشن میڈیکل کیمپ کا اہتمام کیا۔۔میڈیکل کیمپ میں سپیشلسٹ ڈاکٹرافضال علی سید،ڈاکٹر آمنہ ، ڈاکٹر ساجد ، ڈاکٹرعمار، ڈاکٹرًطیبہ ،ڈاکٹرمہک ، ڈاکٹر ارشمہ نواز ، ذیشان صدیق، پیرامیڈیکل سٹاف و آفیشلزعامر حق اور ناصر سہگل سمیت ٹیکنیکل سٹاف نے شرکت کی اور کیمپ میں آنے والے مریضوں کی آنکھوں کے معائینہ سمیت جوڑوں و پٹھوں کا چیک اپ اور شوگروبلڈکے ٹیسٹ، ہڈی وجوڑوں کے امراض ، دماغ اور پٹھوں کے امراض ، آنکھوں کے امراض ، ہیپاٹائٹس بی اور سی کی سکریننگ ، ایچ بی کا ٹیسٹ ، شوگر ٹیسٹ، ٹی بی ٹیسٹ ، فری ادویات اور عینکیں مہیاکی ۔ میڈیکل کیمپ میںصحافیوں اور انکی فیملیزنے بڑی تعداد میں شرکت کی اورمیڈیکل کیمپ کے کامیاب انعقاد پر گورننگ باڈی کے اقدام کو سراہا۔کیمپ میں شرکت کرنے والے مریضوں کو ڈاکٹرزکی ایڈوائس کے مطابق موقع پر عینکیں اور ادویات فراہم کی گئیں جبکہ بہت سے سیریس مریضوںکو مستقل علاج کے لئے ہسپتال آکرعلاج کرانے کی ہدایت کی گئی جو کہ مکمل طور پر فری ہوگا۔ اس موقع پر لاہور پریس کلب کے صدرارشد انصاری نے کہاکہ منتخب گورننگ باڈی ممبران اور ان کے اہلخانہ کی خدمات کے جذبہ سے سرشارہے اور ہم اپنی روایات کو برقرار رکھتے ہوئے ایسے پروگرامز ترتیب دے رہے ہیں جس سے ممبران اور ان کی فیملیز زیادہ سے زیادہ مستفید ہوسکیں ۔ لائف ہسپتال کی جانب سے ممبرگورننگ باڈی ناصر احمد سہگل نے صدر ارشد انصاری اور سیکرٹری زاہد چوہدری کو پھول پیش کئے جبکہ صدر ارشد انصاری اور سیکرٹری زاہد چوہدری نے پریس کلب کی جانب سے شاندار میڈیکل کیمپ کے انعقاد پر ممبر گورننگ باڈی عمران شیخ اور لائف ہسپتال کے مارکیٹنگ منیجر ذیشان صدیق کو کاوشوں کو سراہتے ہوئے کیمپ میں شرکت کرنے والے ڈاکٹرزاور پیرامیڈیکل سٹاف کا شکریہ ادا کیااور انہیں کلب کی جانب سے یادگاری شیلڈز اور پھول پیش کئے۔