تیمور جھگڑا کا کہنا ہے کہ غریب و متوسط طبقے کو اب علاج کی خاطر اثاثے بیچنے کی ضرورت نہیں پڑے گی۔ خیبرپختونخوا میں صحت کارڈ پلس پروگرام کے آغاز کے بعد پیچیدہ امراض کے لاحق ہونے پر علاج کے لیے غریب اور متوسط طبقے کو اثاثے بیچنے کی ضرورت نہیں پڑے گی۔ یہ پروگرام صوبے کے غریب عوام کی مشکلات کو سامنے رکھتے ہوئے ہی شروع کیا گیا ہے۔ اس پروگرام کے تحت گزشتہ دور حکومت میں صوبے کی 30 فیصد آبادی کور کی گئی تھی تاہم اب 100 فیصد آبادی کو ہیلتھ کوریج میسر ہے۔ ان خیالات کا اظہار خیبرپختونخوا کے وزیر صحت و خزانہ تیمور سلیم خان جھگڑا نے پشاور میں قائمقام امریکی کونسل جنرل جم ایزن ہٹ سے وڈیو لنک پر بات چیت کرتے ہوئے کیا۔ اس موقع پر دو طرفہ باہمی تعاون کو مزید بڑھانے اور فروغ دینے پر اتفاق کیا گیا۔ امریکی کونسل جنرل نے صوبائی وزیر سے صحت کارڈ پلس پروگرام کے حوالے سے بات چیت کی اور اس منصوبے کی افادیت کے بارے میں معلومات حاصل کیں۔ تیمور جھگڑا نے کونسل جنرل کو بتایا کہ خیبرپختونخوا حکومت کے اس فلیگ شپ منصوبے کے اجراء کے بعد غریب اور متوسط طبقے کو پیچیدہ امراض لاحق ہونے کی صورت میں علاج کے لیے اپنا گھر، گاڑی، جائیداد یا دیگر اثاثے بیچنے کی ضرورت نہیں پڑے گی۔ حقیقتا یہ منصوبہ صوبے کے غریب عوام کی مشکلات کو سامنے رکھتے ہوئے ہی شروع کیا گیا ہے۔ انہوں نے کہا کہ کہ گزشتہ دور حکومت میں یہ پروگرام صوبے کی 30 فیصد آبادی کو کور کرتا تھا تا اب اس منصوبے کے تحت صوبے کی تمام سو فیصد آبادی کو سالانہ 10 لاکھ روپے تک کی ہیلتھ کوریج حاصل ہے۔ تیمور جھگڑا نے کہا کہ اب تک کے اعداد و شمار کے مطابق صحت کارڈ کے اجراء کے بعد صوبے کے تمام اضلاع میں مریضوں کے ہسپتال میں داخلے کی شرح میں اضافہ ہوا ہے۔ دریں اثناء پشاور میں تعینات امریکی کونسل جنرل نے خیبرپختونخوا حکومت کے یونیورسل ہیلتھ انشورنس پروگرام کو سراہا اور وزیر صحت و خزانہ کو اس کے کامیاب اجراء پر مبارکباد دی۔
Tag: باغی ٹی وی
-
جمعتہ المبارک پرعوام الناس کی جان و مال کا تحفظ یقینی ، سیکیورٹی ہائی الرٹ رہی
جمعتہ المبارک کے موقع پر شہر بھر میں سکیورٹی ہائی الرٹ رہی جس کے تحت لاہور پولیس کی طرف سے جمعتہ المبارک پر مساجد اورامام بارگاہوں کی سکیورٹی کو یقینی بنایا گیا۔
ڈی آئی جی آپریشنز لاہورساجد کیانی کے حکم پر جمعتہ المبارک کے موقع پر شہر بھر میں سکیورٹی ہائی الرٹ رہی۔شہر کے داخلی و خارجی راستوں پر تمام آنے جانے والے افراد اور گاڑیوں کی چیکنگ کی گئی۔ ڈی آئی جی آپریشنزکی ہدایات کی روشنی میں تمام ڈویژنل ایس پیز،ڈی ایس پیزاور ایس ایچ اوز اپنے علاقوں میں قائم مساجد اورامام بارگاہوں سمیت تمام اہم تنصیبات اور حساس مقامات کے حفاظتی انتظامات کا جائز لیتے رہے۔ نماز جمعہ کی ادائیگی کے دوران ڈولفن سکواڈ اور پولیس رسپانس یونٹ کے اہلکاروں نے شہر کی تمام حساس مساجداور امام بارگاہوں کے ارد گردموئثرپٹرولنگ کو یقینی بنایاگیا۔ڈی آئی جی آپریشنز ساجد کیانی کی ہدایت پرعوام الناس کی جان و مال کا تحفظ یقینی بنانے کیلئے شہر کے مختلف علاقوں میں سرچ آپریشنز جاری رہے جن میں ڈولفن فورس، پی آر یو، ایلیٹ فورس، سکیورٹی اداروں اور پولیس کی بھاری نفری نے حصہ لیا۔ سرچ آپریشنز کے دوران بائیومیٹرک اور جدید اینڈرائیڈ سیٹ کے ذریعہ تمام مشکوک افراد کو چیک کیا گیا۔ سرچ آپریشن اورحفاظتی مشقوں کا مقصد شہر میں امن وامان کی صورتحال کو برقرار رکھنا اور شہریوں میں احساس تحفظ پیدا کرنا تھا۔
-
پشاور تاجر انصاف اور نانبائی ایسوسی ایشن کے عہدیداروں میں راضی نامہ کیسے ممکن ہوا؟
تاجر انصاف کا نانبائی ایسوسی ایشن کے عہدیداروں میں راضی نامہ پیش۔اختلافات اور
بقول شاہد خان مسائل مذاکرات اور جرگہ سسٹم ہی کے ذریعے حل کئے جا سکتے ہیں۔ پشاور تاجر انصاف نے نانبائی ایسوسی ایشن کے عہدیداروں میں راضی نامہ کرلیا۔ اس سلسلے میں گزشتہ روز تاجر انصاف چیمبر میں صدر تاجر انصاف شاہد خان‘ میاں سید بادشاہ‘ حاجی رامبیل اور حاجی زرماش کی قیادت میں جرگے کا انعقاد کیا گیا جس میں دونوں فریقین حاجی اقبال اور خائستہ رحمان کے موقف کو سنا گیا اور اختلافات کو باہمی اتفاق رائے سے ختم کردیا اور دونوں فریقین بغلگیر ہو گئے۔ فریقین نے آئندہ ملکر پشاور سمیت صوبے بھر کے نانبائیوں کیلئے کام کرنے کا عہد کیا۔ صدر تاجر انصاف شاہد خان نے اختلافات کے خاتمے پر نانبائی ایسوسی ایشن کے عہدیداروں کو مبارکباد دی اور کہا کہ وہ ملکر پشاور سمیت صوبے بھر میں نابنائیوں کے حقوق کیلئے آواز اٹھائیں اس سلسلے میں تاجر انصاف ان کے ساتھ بھر پور تعاون کرے گی۔ انہوں نے کہا کہ اختلافات اور مسائل مذاکرات اور جرگہ سسٹم ہی کے ذریعے حل کئے جا سکتے ہیں۔ انہوں نے دونوں فریقین کا شکریہ ادا کیا جنہوں نے تاجر انصاف کی قیادت کی موجودگی میں راضی نامہ کرلیا جو تاجر انصاف اور نانبائی ایسوسی ایشن کی اصل کامیابی ہے۔ نانبائی ایسوسی ایشن کے عہدیداروں نے تاجر انصاف پر اعتماد کا اظہار کیا اور صدر تاجر انصاف شاہد خان کو ہر قسم کے تعاون کی یقین دہانی کرائی ۔ -
ٹائر بلاسٹرز کو نقصان پہنچانے والوں کے خلاف سخت قانونی کارروائی!!!
سٹی ٹریفک پولیس پشاور چیف ٹریفک آفیسر عباس مجید خان مروت کا ون ویز پوائنٹس اور ٹائر بلاسٹرز کا جائزہ لینے کیلئے مختلف سیکٹرز نے دورہ کیا۔
ٹائر بلاسٹرز کو نقصان پہنچانے والوں کے خلاف سخت قانونی کارروائی عمل میں لانے کی مختلف سیکٹرز کے دوروں کے موقع پر حکام کو ہدایت دی گئی۔
چیف ٹریفک آفیسر عباس مجید خان مروت نے شہر میں مختلف مقامات پر ون ویز پوائنٹس اور ٹائر بلاسٹرز کا جائزہ لینے کے لئے مختلف سیکٹرز کا دورہ کیا۔ تفصیلات کے مطابق چیف ٹریفک آفیسر عباس مجید خان نے گزشتہ روز شہر میں ٹریفک کی روانی یقینی بنانے کے لئے شہر کے مختلف ون ویز پوائنٹس کا دورہ کیا اور دورے کے دوران پوائنٹس پر موجود اہلکاروں سے ملے اور ٹریفک کی روانی کا جائزہ لیا اور انہیں بغیر کسی تعطل کے ٹریفک روانی یقینی بنانے کے حوالے سے ہدایات جاری کیں۔ اسی طرح چیف ٹریفک آفیسر عباس مجید خان مروت نے شہر کے مختلف علاقوں میں قائم ٹائر بلاسٹرز کا بھی جائزہ لیا اور ٹریفک حکام کو ہدایت کی کہ وہ مختلف اوقات میں ٹائر بلاسٹرز کی دیکھ بھال کریں تاکہ اس کو شہریوں یا ٹریفک میں خلل ڈالنے والوں کی طرف سے کسی قسم کا نقصان نہ پہنچایا جائے اور ٹریفک کی روانی بلا تعطل جاری رہے۔ انہوں نے ٹریفک حکام کو ہدایت کی کہ ٹائر بلاسٹرز کو نقصان پہنچانے والوں کے خلاف قانون کے مطابق سخت کارروائی عمل میں لائی جائے۔ -
لیڈی ریڈنگ ہسپتال ایم ٹی آئی میں ایل آر ایچ کا دورہ !!
لیڈی ریڈنگ ہسپتال ایم ٹی آئی پشاور میں نیشنل کمانڈ اینڈ کنٹرول کی ٹیم کا ایل آر ایچ کا دورہ جس کا مقصد کورونا وائرس سے بچاؤ کی ویکسینیشن کا جائزہ لینا تھا۔ ویکسینیشن کے عمل کو آسان اور تیز تر بنانے کے لئے واک ان سسٹم کا قیام کرنا ہے۔ حکومت طبی عملے کے بچاؤ کے لئے اقدامات کر رہی ہے، تمام طبی عملے کو ویکسینیٹ کر رہے ہیں۔ ایل آر ایچ میں اب تک 60 سے زائد طبی عملے کو کورونا سے بچاؤ کی ویکسین لگائی گئی ہے۔
-
خیبرپختونخوا کورونا وائرس سے جاں بحق افراد کی تعداد میں اضافہ!!!
باغی ٹی وی کی تحقیقات کے مطابق کورونا وائرس کی صورتحال:
محکمہ صحت: خیبرپختونخوا میں 24 گھنٹوں میں کورونا سے4 افراد کا انتقال ہوا، کورونا سے جاں بحق افراد کی تعداد1980 ہوگئی۔
اگلے 24 گھنٹوں میں کورونا کے192 کیسز رپورٹ ہوئے، خیبرپختونخوا میں کورونا کیسز کی مجموعی تعداد69 ہزار164 ہوگئی، خیبرپختونخوا میں 24 گھنٹوں کے دوران کورونا کے277 مریض صحت یاب ہوئے، کورونا سے صحت یاب افراد کی تعداد65 ہزار213 ہوگئی ہے۔
پشاورمیں 24 گھنٹوں کے دوران کورونا کے92 نئے کیسز رپورٹ ہوئے، مزید کورونا کیسز کی تعداد27ہزار 986 تک پہنچ گئے،1021 افراد کا انتقال ہوا۔ -
ملک کی تاریخ میں پہلی دفعہ چار سالہ بی ایس پبلک ہیلتھ پروگرام کا آغاز!!!
پشاور:خیبر میڈیکل یونیورسٹی انسٹی ٹیوٹ آف پبلک ہیلتھ اینڈ سوشل سائنسز (کے ایم یو آئی پی ایچ اینڈ ایس ایس) پشاور نے ملک کی تاریخ میں پہلی دفعہ چار سالہ بی ایس پبلک ہیلتھ پروگرام کا آغاز کردیا۔یہ پروگرام آبادی کی انفرادی اور اجتماعی صحت کی بہبود و تحفظ، فروغ اور بہتری کے مشن کے ساتھ شروع کیاگیا ہے۔ واضح رہے کہ کے ایم یو انسٹی ٹیوٹ آف پبلک ہیلتھ ملک میں اپنی نوعیت کامنفرد ادارہ ہے جس میں پبلک ہیلتھ سے متعلق انڈرگریجویٹ سے لے کر پی ایچ ڈی سطح تک کی تعلیم دی جارہی ہے۔تفصیلات کے مطابق بی ایس پبلک ہیلتھ چار سالہ پروگرام کی افتتاحی تقریب گزشتہ روزکے ایم یو آئی پی ایچ اینڈ ایس ایس میں منعقد ہوئی جس کے مہمان خصوصی کے ایم یو کے وائس چانسلر پروفیسر ڈاکٹر ضیاء الحق تھے جب کہ اس موقع پر ڈائریکٹر آئی پی ایچ ڈاکٹر صائمہ آفاق بھی موجود تھیں۔ دریں اثناء تقریب سے پروفیسر ڈاکٹر ضیاء الحق نے گفتگو کرتے ہوئے کہا کہ بی ایس پبلک ہیلتھ پروگرام کا مقصد آبادی کی صحت کی صورتحال کو بہتر بنا نے کے ساتھ ساتھ پیشہ ور افراد کو صحت عامہ میں اعلیٰ معیار کی انڈرگریجویٹ ٹریننگ فراہم کرناہے۔ انہوں نے وضاحت کی کہ پبلک ہیلتھ بیماریوں سے بچاؤ،امراض کے پھیلاؤ اور کنٹرول کے بنیادی تصورات سے نمٹتی ہے۔انہوں نے کہا کہ پبلک ہیلتھ کی تعلیم کا مقصدمعاشرے پر بیماریوں کے بوجھ کوکم کرنے کے علاوہ مختلف امراض کی روک تھام میں راہنمائی اور مدد فراہم کرناہے۔ پروفیسر ضیا ء الحق نے کہا کہ بی ایس پبلک ہیلتھ پروگرام کے آغاز سے نہ صرف پبلک ہیلتھ کے ہنر مند اور پیشہ ور افراد کی تیاری میں مدد ملے گی بلکہ اس سے معاشرے میں مختلف امراض کی تشخیص، روک تھام اور سدباب کی راہ بھی ہموار ہوگی۔ انہوں نے کہا کہ پاکستان مختلف بیماریوں کے ایک بڑے بوجھ کا شکار ہے جس کی وجہ بنیادی وجہ وسائل کی کمی،ناخواندگی اور آبادی کی شرح میں تیزی سے اضافہ ہے۔ انہوں نے کہا کہ پاکستان میں ہر سال بڑے پیمانے پر مختلف امراض کے باعث اموات واقع ہوتی ہیں جن میں احتیاطی تدابیر اختیار کرنے کے ساتھ ساتھ عام لوگوں میں شعور بیدار کرکے کافی حد تک کمی لائی جاسکتی ہے لہٰذاان مقاصد کے حصول کی خاطر کے ایم یو نے ملک کی تاریخ میں پہلی دفعہ بی ایس پبلک ہیلتھ کاچارسالہ ڈگری پروگرام شروع کیاہے۔توقع ہےکہ اس پروگرام کے حوصلہ افزاء نتائج برآمد ہوں گے۔
-
ایبٹ آباد پولیس نے سکولز کیلیےضروری اقدامات کی ہدایات جاری کر دیں، محکمہ تعلیمات
افغانستان دہشتگردی کا خدشہ ظاہر ہو گیا ہے۔ افغان دہشتگرد گروپ ایبٹ اباد میں تعلیمی اداروں کو نشانہ بنا سکتے ہیں،ایبٹ آباد پولیس نے محکمہ تعلیم کو اگاہ کردیا
ہے۔ محکمہ تعلیم ایبٹ آباد نے بھی تمام سکولوں کو اعلامیہ بھیج دیا ہے۔
محکمہ تعلیمات کا کہنا ہے کہ ایبٹ آباد پولیس نے ضروری اقدامات کی ہدایات جاری کردی ہیں، دہشتگردانہ حملوں سے بچنے کے لیے تمام سکول ضروری اقدامات کریں،
کسی بھی قسم کی مشکوک سرگرمی پر فوری پولیس کنٹرول روم کو خبر کیا جائے، اسکول چوکیدار سکول کے باہر اسلحے کے ساتھ الرٹ کھڑے رہنے کی ہدایات دی گئی ہے۔تمام اسکول انتظامیہ سکول میں انے والوں کا ریکارڈ اپنے پاس رکھیں، تمام اسکول انتظامیہ سی سی ٹی وی کیمرہ لگائیں اور ریکارڈ کو رکھیں۔ -
سمینٹ سے لدے ٹرک میں کسٹم اپریزمنث سٹاف نے کیا برآمد کیا؟
ضلع خیبر طورخم بارڈر پر این ایل سی ایکسپورٹ سکینر میں ,کسٹم اپریزمنٹ حکام نے کامیاب کاروائی کرتے ہوئے سیمنٹ ٹرک سے 120عدد پستول 43500کارتوس برآمد کرکے ملزم گرفتار کر لئے۔
باغی ٹی وی کی تحقیقات کے مطابق طورخم ایکسپورٹ سکینر میں ڈیوٹی پر معمور کسٹم اپریزمنٹ سٹاف نے کامیاب کاروائی کرتے ہوئے سیمنٹ ٹرک نمبر KBL11256 ٹرک سے بھاری تعداد تعداد میں اسلحہ برامد کرکے ڈرائیور سمیت ٹرک تحویل میں لے لیا , اس حوالے سے سپرنڈنٹنٹ اپریزمنٹ یعقوب شاہ نے کہا ہے کہ ایکسپورٹ سکینر پوائنٹ پر سمینٹ سے لدے ٹرک میں کسٹم اپریزمنث سٹاف نے ڈیوٹی کے دوران 120 عدد پستول ,43500 کارتوس اور دیگر مواد بھی برامد کرکے ٹرک سمیت ڈرائیور کو تحویل میں لے لیا اس موقع پر طورخم پولیس کے انچارج اسسٹنٹ انسپکٹر عشرت شینواری , اینٹی نارکوٹکس حکام اور این ایل سی و دیگر حکام بھی موجود تھے کسٹم حکام نے اسلحہ ٹرک اور ملزم کو تحویل میں لیکر تفتیش شروع کردی گئی ہیں۔ -
حیران کن زریعےسے منشیات بحرین بھیجنے کی کوشش، مگر ناکامی کا سامنا ہوا!!!
خشک میوہ جات کی آڑ میں 4 کروڑ روپے کی منشیات بحرین بھیجنے کی کوشش ناکام ہو گیی۔
کراچی میں کسٹم نے خشک میوہ جات کے پارسل کی آڑ میں 4 کروڑ 10 لاکھ روپے مالیت کی منشیات بحرین بھیجنے کی کوشش ناکام بنادی۔ تفصیلات کے مطابق پاکستان کسٹمز جناح ائیرپورٹ نے پاکستان پوسٹ ایکسپریس میل سروس ایکسپورٹ شارع فیصل پر ایک کامیاب کارروائی میں پاکستان سے خشک میوہ جات پارسل کی آڑ میں منشیات بھیجنے کی کوشش ناکام بنادی۔
ڈپٹی کلکٹر کسٹمز انعام وزیر نے میڈیا کو بتایا کہ پاکستان سے بذریعہ پارسل 14 سیل شدہ ٹن پیک کے ذریعے ایمیٹامائن کرسٹل بحرین بھیجی جارہی تھی، 14 سیل شدہ ٹن پیک میں برآمد شدہ ایمیٹامائن کرسٹل کا وزن 4.10 کلو گرام ہے جس کی بین الاقوامی مارکیٹ میں مالیت 4 کروڑ 10 لاکھ روپے ہے۔ انہوں نے بتایا کہ 14 ٹن پیک پر مشتمل یہ پارسل کراچی کے رہائشی محمد علی نامی شخص نے بک کرایا تھا جسے گرفتار کرکے مجاز عدالت سے ریمانڈ بھی حاصل کرلیا گیا ہے۔حکام نے کسٹمز/نارکوٹکس ایکٹ کے تحت مقدمہ درج کرکے تفتیش شروع کردی ہے۔