Tag: باغی ٹی وی

خرم نواز گنڈا پور نے سرکاری ملازمین پر تشدد کی مذمت کرتے ہوئے کہا کہ ملازمین پر تشدد کرنے والوں کے خلاف کارروائی کی جائے- سیکرٹری جنرل کا کہنا تھا کہ عوامی تحریک نے لاشیں اٹھائیں تشدد ہر شکل میں قابل مذمت ہے-سرکاری ملازمین مہنگائی سے بری طرح متاثر ہیں ان کے مسائل حل کیے جائیں-

پاکستان عوامی تحریک کے سیکرٹری جنرل خرم نواز گنڈا پور نے کہا ہے کہ عوامی تحریک نے سابق حکمرانوں کے تشدد کا سامنا کیا ،لاشیں اٹھائیں، تشدد ہر شکل میں قابل مذمت ہے- سابق حکمران حق کےلئے پرامن احتجاج کرنے والوں پر پولیس کے ذریعے تشدد کرواتے تھے- موجودہ حکومت سابق ظالم حکمرانوں کے نقش قدم پر نہ چلے- مہنگائی سے سرکاری ملازم سب سے زیادہ متاثر ہوئے ہیں- ان کے مسائل حل کیے جائیں اور اساتذہ اور سرکاری ملازمین پر تشدد کرنے والوں کے خلاف سخت کارروائی کی جائے-

جمہوریت اور فاشزم میں فرق یہ ہے کہ جمہوریت میں بات سنی جاتی ہے جب کہ فاشزم گالی اور گولی استعمال کی جاتی ہے، انھوں نے کہا کہ پی ٹی آئی اور پاکستان عوامی تحریک نے سابق حکمرانوں کے جبر و تشدد کا سامنا کیا ہے- عوامی تحریک نے تو لاشیں بھی اٹھائیں ، ہم اس ظلم کی سنگینی کو سمجھتے ہیں تشدد کی کوئی بھی شکل ہو وہ قابل مذمت ہے- وحشیانہ لاٹھی چارج اور آنسو گیس کی شیلنگ سے اسلام آباد جنگ زدہ علاقہ کا منظر پیش کررہا تھا- اس پرتشدد واقعہ سے دنیا بھر میں پاکستان کی بدنامی ہوئی پرامن ملازمین پر تشدد کرنے والے اور حکم دینے والوں کے خلاف کارروائی کی جائے اور پولیس کو تہذیب سکھائی جائے- انہوں نے کہا کہ ماضی میں بھی اساتذہ اور سرکاری ملازمین پر تشدد ہوتا تھا ان کی تذلیل کی جاتی تھی اب بھی وہی ہونا ہے تو پھر تبدیلی کا نعرہ نہ لگایا جائے ۔

وزیر خارجہ مخدوم شاہ محمود قریشی کی زیر صدارت وزارت خارجہ میں یورپی ممالک میں معاشی سفارت کاری کے حوالے سے پہلے ورچوئل سفراء اجلاس کا انعقاد کیا گیا- سیکرٹری خارجہ سہیل محمود اور وزارت خارجہ کے سینئر افسران کی اجلاس میں شرکت کی گئی-
اجلاس میں آسٹریا،بیلجیئم، بیلاروس، بوسنیا ،بلغاریہ، چیک ریپبلک، ڈنمارک، جرمنی، یونان، ھنگری، آئیرلینڈ اور پرتگال میں تعینات پاکستانی سفراء نے بذریعہ ویڈیو لنک شرکت کی

وزیر خارجہ مخدوم شاہ محمود قریشی نے اجلاس میں خطاب ترتے ہوئے کہا کہ میں آپ کو یورپ میں معاشی سفارت کاری کے حوالے سے منعقدہ اس ورچوئل اجلاس میں شرکت پر خوش آمدید کہتا ہوں – جیسا کہ آپ کے علم میں ہے کہ معاشی سفارت کاری کی اہمیت میں روزافزوں اضافہ ہو رہا ہے- ہمیں اس حقیقت کو پیش نظر رکھنا چاہیے کہ بہترین سفارت کاری کا تعلق مضبوط معیشت کے ساتھ ہے-قبل ازیں ہم نے افریقی ممالک کے ساتھ معاشی سفارت کاری کا آغاز کیا-افریقی ممالک میں تعینات ہمارے سفراء اور سفارت خانوں نے بھرپور محنت کی جس کے حوصلہ افزا نتائج برآمد ہوئے- نیروبی میں معاشی سفارت کاری کانفرنس کے انعقاد اور افریقی ممالک کی مارکیٹس کے ساتھ معاشی روابط کے بعد افریقی ممالک کے ساتھ ہماری ایکسپورٹ کی شرح میں 7 فیصد اضافہ دیکھنے میں آیا- ہمیں یورپی ممالک میں موجود مارکیٹس اور میسر مواقعوں کو پیش نظر رکھتے ہوئے اپنی کاوشیں بروئے کار لانا ہوں گی-

یورپی یونین کی جانب سے پاکستان کیلئے جی ایس پی پلس اسٹیٹس سے بھرپور استفادہ کرنے کی ضرورت ہے- پاکستان کی معیشت میں بہتری لانے کیلئے ہمارے سفراء کو اپنا کردار ادا کرنا ہوگا- کاروبار میں سہولت کی فراہمی(Ease of doing business ) کیلئے ہم نے بہت سے اقدامات اٹھائے ہیں- مجھے خوشی ہے کہ کاروبار کے حوالے سے سہولت کی فراہمی میں، عالمی سطح پر پاکستان کی درجہ بندی میں 39 درجے بہتری دیکھنے میں آئی ہے- یورپ، 500 ملین آبادی پر مشتمل ایک بہت بڑی مارکیٹ ہے جہاں تجارت کے فروغ کے بہت سے مواقع موجود ہیں-

وزارتِ خارجہ، متعلقہ وزارتوں کے ساتھ مل کر معاشی سفارت کاری کے اھداف کے حصول کیلئے اپنی کاوشیں بروئے کار لانے کیلئے پرعزم ہے- یورپ میں پاکستانی کمیونٹی کثیر تعداد میں موجود ہے جو یورپی ممالک کی مارکیٹس کے ساتھ گہری واقفیت رکھتی ہے- یورپ میں مقیم پاکستانی کمیونٹی کے تعاون سے معاشی سفارت کاری اہداف کے حصول میں معاونت مل سکتی ہے- یورپی ممالک میں تعینات پاکستانی سفراء نے وزیر خارجہ کو اپنے اپنے سفارت خانوں کی جانب سے معاشی سفارت کاری کے حوالے سے کی جانے والی کاوشوں سے آگاہ کیا-

اے این پی کا خیبرپختونخوا سے جنرل نشست پر حاجی ہدایت اللہ کو سینیٹ ٹکٹ جاری کرنے کا فیصلہ- عوامی نیشنل پارٹی خیبرپختونخوا کے پارلیمانی بورڈ نے منظوری دے دی- صوبائی پارلیمانی بورڈ کا اجلاس چیئرمین ایمل ولی خان منعقد ہوا، تمام اراکین نے بھی شرکت کی
اجلاس میں سیکرٹری پارلیمانی بورڈ سردارحسین بابک، اراکین ثمرہارون بلور، خادم حسین اور شاہی خان شیرانی بھی شریک تھے- اجلاس میں سینیٹ انتخابات کیلئے امیدواروں کے ناموں کی جانچ پڑتال کی گئی- عوامی نیشنل پارٹی کی جانب سے مسعود عباس خٹک اور حاجی ہدایت اللہ خان نے کاغذات نامزدگی جمع کرائے تھے- اراکین نے متفقہ طور پر حاجی ہدایت اللہ خان کو سینیٹ انتخابات میں امیدوار نامزد کردیا- الیکشن کمیشن کی جانب سے شیڈول جاری ہونے کے بعد پارلیمانی بورڈ نے اجلاس طلب کر کے امیدوار کے نام کی منظوری دیچ
سیکرٹری پارلیمانی بورڈ سردارحسین بابک نے اس بابت باقاعدہ نوٹیفیکیشن بھی جاری کردیا-

عوامی نیشنل پارٹی خیبرپختونخوا نے سینیٹ کے انتخابات میں جنرل نشست پر مرکزی سیکرٹری مالیات اور سابق صوبائی وزیر حاجی ہدایت اللہ خان کو امیدوار نامزد کردیا۔ جمعرات کے روز اے این پی خیبرپختونخوا کے پارلیمانی بورڈ کا اجلاس منعقد ہوا جس کی صدارت صوبائی چیئرمین پارلیمانی بورڈ اور صوبائی صدر اے این پی ایمل ولی خان نے کی۔ اجلاس میں سیکرٹری پارلیمانی بورڈ سردارحسین بابک اور اراکین ثمرہارون بلور، خادم حسین اور شاہی خان شیرانی نے بھی شرکت کی۔ اجلاس میں سینیٹ انتخابات کیلئے امیدواروں کی جانچ پڑتال کی گئی۔عوامی نیشنل پارٹی کی جانب سے مسعود عباس خٹک اور حاجی ہدایت اللہ خان نے کاغذات نامزدگی جمع کرائے تھے۔ اجلاس میں اراکین نے متفقہ طور پر حاجی ہدایت اللہ خان کو سینیٹ انتخابات میں امیدوار نامزد کردیا۔سیکرٹری پارلیمانی بورڈ سردارحسین بابک نے اس بابت باقاعدہ نوٹیفیکیشن بھی جاری کردیا۔واضح رہے کہ اے این پی نے کاغذات نامزدگی جمع کرانے کی تاریخ 15 فروری مقرر کی تھی لیکن الیکشن کمیشن آف پاکستان کی جانب سے شیڈول جاری ہونے کے بعد پارلیمانی بورڈ کا اجلاس طلب کیا گیا اور امیدوار کے نام کی منظوری دے دی گئی۔

پنجاب میں سینیٹ الیکشنز کامیابی کے لئے تحریک انصاف کے رابطوں میں تیزی دیکھنے میں آرہی ہے-‏ پنجاب میں سینیٹ کیلئےپارٹی اورحکومتی عہدوں پرفائزرہنماٹکٹ کےخواہشمند‏ ہیں-

ذرائع‏ سے معلوم ہوا ہے کہ سینٹرل پنجاب سےعمرسرفراز چیمہ،اعجازچودھری ،ظہیر عباس ٹکٹ کےخواہشمندہیں- نارتھ پنجاب سےسیف اللہ نیاز ی،ساوتھ پنجاب سےجلال الدین رومی ٹکٹ کےخواہشمند ہیں- ڈاکٹرزرقا،تنزیلہ عمران،جمشیداقبال چیمہ بھی ٹکٹ کےلئےکوشاں،،ذرائع‏سینیٹ ٹکٹ کے خواہشمند نظر آرہے ہیں- حکومتی رہنماوں میں بابراعوان ،شہزاد اکبر شامل ہیں- ثانیہ نشتر، کے نام بھی متوقع امیدواروں میں شامل ہے- ق لیگ کےاتحادی کامل علی آغا کےٹکٹ کی منظوری عمران خان پہلےہی دےچکے ہیں-

حکومت کی جانب سے مدارس کے نئے پانچ بورڈز کی منظوری کا معاملہ حل کرنے کو لیے منصوبہ بندی کا عمل آغز کردیا ہے

مولانا فضل الرحمان نے حکومت کی جانب سے مدارس کے نئے بورڈ منظور کرنے کا فیصلہ مسترد کردیا ہے- مولانا فضل الرحمان نے مؤقف پیش کیا کہ علماء کا مطالبہ نہیں بلکہ اسٹیبلشمنٹ کی خواہش پوری کی گئی- ان بورڈوں کا بھی وہی حال ہوگا جو مشرف کے مدرسے بورڈ کا تھا- ہمارے حکمران باہر کے غلام اور ایجنٹ ہے- وفاق المدارس ہماری تنظیم ہے، وفاق کے زمہ داران مدارس کا تحفظ کریں-

وفاق المدارس اگر مدارس کا تحفظ نہیں کرسکتی تو جمعیت علماء اسلام مدارس کا تحفظ کرے گی- مدارس کے تحفظ کو کسی کے رحم و کرم پر نہیں چھوڑیں گے- جےیوآئی مدارس کی چوکیدار ہے- وفاق المدارس العربیہ ہماری نمائندہ جماعت ہے اس کے علاوہ اور کوئی جماعت ہم تسلیم نہیں کریں گے-علماء کرام سے مشاورت کے بعد حکومت کے اس اقدام کے خلاف بڑا فیصلہ کریں گے- حکومت اپنے فیصلے کو واپس لیں نہیں تو ملک بھر کے مدارس کے طلباء سڑکوں پر ہوں گے-