Tag: باغی ٹی وی

وزیراعظم عمران خان کی زیر صدارت صوبہ پنجاب میں یونیورسل ہیلتھ انشورنس کی فراہمی کے حوالے سے پیش رفت پر جائزہ لیا گیا۔
اس اجلاس میں وزیر اعلی پنجاب سردار عثمان بزدار، وزیر برائے اقتصادی امور مخدوم خسرو بختیار، مشیر وزیر اعظم شہزاد اکبر، معاون خصوصی ملک امین اسلم، صوبائی وزیر خزانہ پنجاب مخدوم ہاشم جواں بخت، معاون خصوصی وزیر اعلی پنجاب ڈاکٹر فردوس عاشق اعوان اور سینئر افسران شریک تھے
اجلاس میں پنجاب کی صوبائی کابینہ کی جانب سے صوبے کی 100 فیصد آبادی کو اس سال کے آخر تک یونیورسل ہیلتھ کوریج کی فراہمی کی منظوری کے بعد اب تک کی پیش رفت کےحوالے سے آگاہ کیا گیا ۔ صحت سہولت پروگرام کی فزیبلٹی، بجٹ کے تخمینے، اور مرحلہ وار عملدرآمد پر شرکاء کو تفصیلی بریفنگ دیتے ہوئے آگاہ کیا گیا کہ قلیل مدتی پلان کے تحت موجودہ مالی سال کے اختتام تک ساہیوال اور ڈیرہ غازی خان ڈویژن کے 7 اضلاع میں ہیلتھ کارڈز کی فراہمی یقینی بنائی جائے گی جبکہ دسمبر 2021 تک پنجاب کی 100 فیصد آبادی کو یونیورسل ہیلتھ انشورنس کے تحت ہیلتھ کارڈ کے ذریعے علاج معالجے کی بہتر سہولیات میسر ہوں گی۔
وزیراعظم عمران خان نے اجلاس سے خطاب کرتے ہوئے کہا کہ ماضی میں صحت اور تعلیم کے شعبوں کو نظرانداز کیا گیا جس کی وجہ سے صحت کا نظام غیر موثر ہو گیا اور اس کا سب سے زیادہ نقصان غریب عوام کو ہوا۔ عوام، خصوصا نچلے طبقےکو صحت کی معیاری اور سستی سہولیات کی فراہمی اور سماجی تحفظ فراہم کرنا موجودہ حکومت کی اولین ترجیح ہے ۔
ہیلتھ کارڈ کی فراہمی کی بدولت نہ صرف عام آدمی کو صحت کے حوالے سے تحفظ فراہم ہو گا جس وہ گزشتہ ستر سال سے محروم رہا بلکہ نظام صحت میں بھی انقلابی تبدیلی رونما ہو گی اور نظام صحت پختہ بنیا دوں پر استوار ہو گا۔ وزیراعظم عمران خان نے یونیورسل ہیلتھ انشورنس کے اہداف کی تکمیل کے حوالے سے مسلسل مانیٹرنگ کرنے کی ہدایت کی اور وفاقی حکومت کی طرف سے ہر ممکن تعاون کی یقین دہانی کرائی ۔

ایس ایس پی اپریشنز پشاور یاسر آفریدی کی سربراہی میں تعارفی میٹنگ ہوئی۔
ملک سعد شہید پولیس لائنز میں ایس ایس پی اپریشنز یاسر آفریدی کی سربراہی میں خصوصی تعارفی میٹنگ کا انعقاد کیا گیا جس میں جرائم اور ان کی تفتیش کا تفصیلی جائزہ بھی لیا گیا۔
میٹنگ میں چاروں ڈویژنز کے ایس ڈی پی اوز اور ایس ایچ اوز نے شرکت کی، اس موقع پر ایس ایس پی اپریشنز نے زیر تفتیش کیسز کا تقابلی جائزہ لیتے ہوئے ہاٹ سپاٹس کا تعین کرکے نئی حکمت عملی ترتیب دینے کی ہدایت کی۔ ایس ایس پی اپریشنز نے امن و امان کو برقرار رکھنے کی خاطر انفارمیشن بیسڈ سرچ آپریشنز، سرپرائز ناکہ بندیاں اور پولیس گشت میں اضافے کے ساتھ ساتھ تفتیشی نظام میں بھی مزید تیزی لانے کی ہدایت کی۔

صدر مملکت ڈاکٹر عارف علوی سے گلگت بلتستان اسمبلی کے نومنتخب اراکین کی ملاقات کی ہے- ملاقات میں وفاقی وزیر برائے امور ِکشمیر و گلگت بلتستان علی امین گنڈاپورکی شرکت کی- اسپیکر گلگت بلتستان اسمبلی سید امجد علی زیدی اور ڈپٹی اسپیکر جی بی اسمبلی بھی شریک ہوئے-

صدر عارف علوی نے کہا کہ گلگت بلتستان کو قومی دھارے میں شامل کرنے کیلئے اقدامات کررہے ہیں- گلگت بلتستان بے پناہ قدرتی حسن کا مالک ، سیاحت کے فروغ کیلئے اقدامات کی ضرورت ہے- گلگت بلتستان میں حالیہ انتخابات شفاف انداز میں منعقد ہوئے- گلگت بلتستان میں فور جی کی سہولت اور انٹرنیٹ کی فراہمی کیلئے فنڈز جلد مہیا کریں گے- آن لائن تعلیم کے حصول میں مشکلات دور کرنے کیلئے بنیادی انفرانسٹرکچر جلد تعمیر کیا جائے گا- چائنہ پاکستان معاشی راہداری سے گلگت بلتستان کی معیشت کو فائدہ ہوگا- علاقائی تجارت اور گوادر بندرگاہ سے گلگت بلتستان کی معیشت پر مثبت اثر پڑے گا- قراقرم ہائی وے کی استعداد کار بڑھانے سے تجارت کو فروغ حاصل ہو گا- عالمی معیار کے مطابق پھلوں کی برآمدات بڑھانے کیلئے فوڈ پراسیسنگ میں سرمایہ کاری کی ضرورت ہے- جی بی کی معدنیات کی صلاحیت سے فائدے کیلئے جدید طریقہ کار اپنانا ہوں گے-

گلگت بلتستان میں سیاحت کے فروغ کیلئے نیشنل بینک جلد قرضوں کی فراہمی شروع کرے گا- جی بی میں سیاحت اور مہمان نوازی کے شعبے کی ترقی کیلئے بلاسود قرضوں کی فراہمی کیلئے اقدامات جاری ہیں- شعبہ تعلیم اور صحت کی ترقی سے ہی گلگت بلتستان کی خوشحالی ممکن ہے- صدر مملکت کی گلگت بلتستان کے شعبہ صحت اور تعلیم کے مسائل جلد حل کروانے کی یقین دہانی علی امین گنڈا پور کا کہنا تھا کہ جی بی میں سال کے آخر تک ڈویژنل سطح پر الٹراساؤنڈ اور ایم آر آئی مشینوں کی فراہمی یقینی بنائیں گے- گلگت بلتستان کے تعلیم، صحت ، زراعت اور ماہی گیری کے شعبے کی ترقی کیلئے اقدامات کررہے ہیں- گلگت بلتستان کے پانی کے بہتر انتظام سے زرعی شعبہ جلد خود کفیل ہوجائے گا- وفاقی حکومت گلگت بلتستان کے مسائل کے حل اور ترقی کیلئے بھرپور تعاون کرے گی-

ثانیہ نشتر نے اپنی میڈیا ٹاک میں کہا کہ اس وقت پورے ملک میں احساس کفالت کا ستر فیصد سروے مکمل ہوگیا ہے- سروے کا مقصد نادار افراد تک احساس پروگرام کے تحت آحساس سروے کاغذوں پر نہیں ہورہا یہ ڈیجیٹل سروے ہے- اس سروے کا ڈیٹا چوری ہونے کا خدشہ نہیں ہے تمام لسانی اور طبقات کو بالا تر رکھتے ہوٙتے سروے کیا جا رہا ہے- بچوں کی تعلیمی وظائف احساس نشو نما اور ماہانہ وظیفہ کا سلسلہ اس پروگرام سے منسلک ہے- ہمارے لیے سروے کا جلد اور غیر سیاسی بنیادوں پر ہونا اہمیت کا حامل ہے- سروے کے بارے میں آگاہی بہت ضروری ہے- لوگوں کے گھر ٹیمیں جائیں گی ان کی خاص وردی ہوگی- مقامی اساتزہ گھر گھر جا کر سروے کرِیں گے- اس سروے کی کوئ فیس نہیں ہے جہاں بھی سروے ہوتا وہاں بد عنوان عناصر متحرک ہو جاتے ییں-

ٹیموں کو شناختی کارڈ نمبر ضرور دیں خاس طور پر خواتین کے بہت سارے وظائف خواتین سے منسلک ہیں اس لیے انکا شناختی کارڈ اہم ہے- وزیراعظم نے کلر سیداں ساہیوال اور وزیراستان میں وظائف دیے – جہاں جہان سروے مکمل ہو رہا ہے وہاں وظائف دے رہیں ہیں کل تک دو لاکھ اسی ہزار لوگوں کو احساس کفالت کا میسج بھیجا گیا ہے- اج بھی دو لاکھ کو لوگوں کو پیسوں کا میسج بھیجا جائے گا- ستر لاکھ خاندانوں کی کفالت کا پروگرام شروع ہوچکا ہے- جون تک یہ اہداف مکمل کر لیں گے- حکموت پاکستان کی مد د کر کے احسان نہیں کر رہی ہے یہ ہمارا فرض ہے مدد کرنا-

احساس پروگرام کے بہت سارے ثمرات ہین- احساس کا بجٹ وزارت خزانہ سے آتا ہے- کسی انٹرنیشنل۔ڈونر سے پیسے نہِن آتےغربت کی شرح بیورو آف سٹیٹکس کا کام ہے- ہم ہاوس ہولڈ کی بنیاد پر ہوتا ہے جیسے جیسے سروے ہو رہا ہے وہاں امداد جاری ہے- آج کل ڈیٹا کی بنیاد پر فیصلے ہوتے ہیں- ہماری زمہ داری ہے ڈیٹا کو محفوظ رکھنا اسکے لیے پوری ٹیم موجود ہے- اساتذہ کو زمہ داری انکی مرضی سے دی جاتی ہے- ٹارگٹد سبسڈی کا نظام اسی سروے کی بنیاد پر ہوگا- گزشتہ کابینہ اجلاس میں اسلام آباد کے مظاہرین کے مطالبات کی منظوری کے لیے فیصلہ ہوگیا ہے- بہت جلد کابینہ کی طرف سے نوٹیفکیشن جاری ہوجائے گا-

اس وقت پورے ملک قومی خوشحالی سروے ہو رہا ہے- جن کا چولہا نہیں جل رہا انکے ہاتھ میں غیر سیاسی طریقے سے پیسے پہنچے- ایسے پروگرام میں بد عنوان عناصر ہمارے لیے بڑا چیلنج ہے- آحساس پروگرام ایک سیل ہے جو فیک اکاونٹس کے خلاف کاروائ کرتی ہے- ہر دس ٹیچرز پر ایک پولیس افیسر سکیورٹی کے فرائض سرانجام دے گا- تین عشاریہ آٹھ ملین خاندان رجسٹر ہوئے ہیں دو عشاریہ دو ملین شناختی کارڈ ہیں آٹھارہ الکھ تصدیق شدہ کارڈ ہیں- معزور افراد کو احساس کفالت پروگرام خصوصی کے تحت دو ہزار روپے مزید ملیں گے-

وفاقی وزیر اطلاعات سینیٹر شبلی فراز کا ‏سرکاری ملازمین کے احتجاج کے حوالے سے ٹویٹ کیا-

ٹویٹ وفاقی وزیر اطلاعات سینیٹر شبلی فراز کا کہنا تھا کہ میں ‏سرکاری ملازمین کو اپنے اخراجات کم کرنے سے متعلق خود سے منسوب جملوں کی تردید کرتا ہوں- ایسی کوئی بات نہیں کہی۔ سرکاری ملازمین کے جائز مطالبات کو سننے اور ان پر پیش رفت کے لئے تیار ہیں۔
افسوس ہے کہ ایسی بات مجھ سے منسوب کی گئی جو میں نے نہیں کہی۔غلط طورپر جو بات مجھ سے منسوب کی گئی، اس کا اس کے سوا اور کوئی مقصد دکھائی نہیں دیتا کہ غلط فہمیاں پیدا کرکے سیاسی مفاد حاصل کیاجائے۔ امید کرتا ہوں کہ میڈیا اس معاملے پر اپنی ذمہ داریاں نبھائے گا۔