Tag: باغی ٹی وی

پشاور پولیس کی جانب سے مختلف کاروائیوں کے دوران قتل میں ملوث دو ملزمان گرفتار کر لیے گئے اور اسلحہ برآمد کر لیا گیا-

پشاور میں کیپٹل سٹی پولیس پشاور نے تھانہ خزانہ اور تھانہ چمکنی کی حدود میں دو مختلف کاروائیوں کے دوران قتل کے دو الگ الگ واقعات میں ملوث دو ملزمان کو گرفتار کر لیے۔ گرفتار ملزمان میں ایک نے مستورات کے تنازعہ پر اور دوسرے نے زبانی تکرار پر ایک شخص کو قتل کر دیا تھا. دونوں ملزمان نے ابتدائی تفتیش کے دوران اپنے جرائم کا اعتراف کر لیا ہے جن کے قبضہ سے آلۀ قتل بھی برآمد کر لئے گئے- تفصیلات کے مطابق مدعی عبد الصمد ولد عبد الرزاق سکنہ قادر خیل چمکنی نے تھانہ خزانہ پولیس کو رپورٹ کی تھی کہ اس کے بیٹے عامر کو نامعلوم ملزم نے قتل کیا ہے، جس پر مقدمہ درج کرکے تفتیش شروع کر دی گئی۔

ایس پی رورل سجاد حسین نے نوجوان کے اندھے قتل کا سختی سے نوٹس لیتے ہوئے ڈی ایس پی گران اللہ اور ایس ایچ او تھانہ خزانہ اعجاز نبی پر مشتمل ٹیم تشکیل دیکر ملوث ملزم کو گرفتار کرنے کا ٹاسک حوالہ کیا – ایس ایچ او تھانہ خزانہ اعجاز بنی نے جدید سائنسی خطوط پر مختلف زاویوں سے تفتیش شروع کرتے ہوئے متعدد مشکوک افراد کا ڈیٹا اکٹھا کیا جس کے دوران واردات میں ملوث ملزم وقاص ولد سید اکبر سکنہ تہکال کو گرفتار کرلیا گیا۔ گرفتار ملزم نے ابتدائی تفتیش کےدوران مقتول عامر کو مستورات کے تنازعہ پر قتل کرنے کا اعتراف کرلیا جس کے قبضے سے واردات میں استعمال ہونے والا پستول بھی برآمد کرلیاگیا۔

اسی طرح ایس پی رورل سجاد حسین کو خفیہ ذرائع سے اطلاع موصول ہوئی کہ تھانہ خان رازق شہید کو قتل میں مطلوب ملزم تھانہ چمکنی کی حدود میں موجود ہے جس پر اے ایس پی چمکنی زنیر احمد چیمہ کی سربراہی میں ایس ایچ او تھانہ چمکنی سردار حسین نے دیگر نفری پولیس کے ہمراہ فوری کارروائی کر تے ہوئے ملزم ذبیح اللہ ولد قدیم سکنہ یکہ توت کو گرفتار کر لیا ہے۔ گرفتار ملزم نے زبانی تکرار پر امتیاز عالم نامی شخص کو قتل کردیا تھا۔ دونوں ملزمان نے ابتدائی تفتیش کے دوران اپنے اپنے جرم کا اعتراف کر لیا ہے جن کے قبضہ سے آلۀ قتل اسلحہ بھی برآمد کر لیا گیا ہے جن سے مزید تفتیش جاری ہے۔

ایس پی اقبال ٹاؤن کیپٹن (ر) محمداجمل نے تھانہ مسلم ٹاؤن کا دورہ کیا جس میں انھوں نے تھانہ کے ریکارڈ اور اہلکاران و افسران کی حاضری کو چیک کیا-

تھانہ مسلم ٹاؤن کے دورے میں ایس پی اقبال ٹاؤن نے آپس روم، فرنٹ ڈیسک، ریڈر روم اور پی۔ایس۔او روم کو بھی چیک کیا- محرر تھانہ کو تمام تر ریکارڈ کی بروقت تکمیل کرنے کی ہدایت دی گئی- حوالات کی صفائی اور قیدیوں کی حفاظت کے اقدامات کا جائزہ لیا-

ایس پی اقبال ٹاؤن نے تھانہ میں لگے کیمروں کو چیک کیا اور فنکشنل حالت میں رکھنے کی ہدایت دیں۔ محمداجمل رائے کا کہنا تھا کہ غیر قانونی حراست ,زیر حراست ملزمان پر تشدد اور نجی ٹارچر سیل جیسے اقدامات ہرگز برداشت نہیں کیے جائیں گے- فرنٹ ڈیسک پر موصول ہونے والی درخواستوں کو فوری برائے کاروائی متعلقہ افسران کے حوالے کریں-

کرایہ داران اور پرائیویٹ ملازمان کے اندارج کو یقینی بنائیں- تھانہ کے مالخانہ اور صفائی کو چیک کیا,صفائی کو بہتر رکھنے کی ہدایات دیں- افسران ماتحت اہلکاران کے ساتھ اچھے رویے سے پیش آئیں- عوام الناس کے ساتھ تحمل مزاجی اور احترام سے پیش آئیں- تھانہ میں آنے والے عوام الناس کو ہر صورت صاف ستھرا اور منظم ماحول فراہم کریں گے- تھانہ میں آنے والے عوام الناس کے ساتھ خوش اخلاقی سے پیش آئیں اور اولین ترجیحات پر عوام الناس کے مسائل کو حل کریں-

چئیرمین قائمہ کمیٹی داخلہ سینیٹر رحمان ملک نے سرکاری ملازمین پر تشدد اور گرفتاری کی شدید مذمت کا اظہار کیا ہے-

سینیٹر رحمان ملک نے سرکاری ملازمین پر تشدد اور گرفتاری پر بیان دیتے ہوئے کہا کہ سرکاری ملازمین کے پرامن احتجاج پر حکومتی تشدد قابل مذمت اور افسوس ہے- سرکاری ملازمین کے مطالبات سن کر معاملہ باہمی افہام و تفہیم کیساتھ حل کرنا چاہئے- سرکاری ملازمین ہماری سوسائٹی کا پسا ہوا طبقہ ہے- سرکاری ملازمین کا اپنے مطالبات کے لئے پرامن احتجاج جائز ہے- لاٹھی چارج و گرفتاریوں کی بجائے سرکاری ملازمین کے ساتھ شفقت کا برتاؤ کیا جائے- گرفتار سرکاری ملازمین کو جلد رہا کیا جائے اور انکے مطالبات پورے کئے جائے-

نیپرا کی جانب سے بجلی کی قیمت میں اضافہ پر شیری رحمان کا بیان سامنے آگیا-

شیری رحمان  نے بجلی کی اضافی قیمتوں پر اظہار خیال کرتے ہوئے کہا کہ نیپرا نے بجلی کی قیمت میں 1 روپیہ 53 پیسے فی یونٹ اضافہ کیا ہے- تباہی سرکار کے پاس عوام کو مہنگائی کے علاوہ دینے کو کچھ نہیں- مہنگی بجلی کی وجہ ماضی کے منصوبے نہیں حکومت کی نالائقی ہے- 

توانائی کا گردشی قرضہ 2300 ارب روپے سے زیادہ ہو چکا ہے- تباہی سرکار ہر ماہ فیول ایڈجسٹمنٹ کی مد میں عوام پر اربوں روپے کا بوجھ ڈال رہی- حکومت ملازمین کی تنخواہ نہیں بڑھا سکتی تو قیمتیں کیسے بٹھائی جا رہی؟ ملازمین تنخواہ بڑھانے کا مطالبہ کریں تو ان پر لاٹھی چارج کی جاتی- لیکن آئے روز بجلی، گیس اور پیٹرول کی قیمتوں میں اضافہ کیا جاتا- نیپرا عوام دشمن نوٹیفکیشن واپس لے-

پی پی پی چیئرمین بلاول بھٹو زرداری نے اسلام آباد میں احتجاج کرنے والے سرکاری ملازمین پر تشدد کرنے اور گرفتاریوں کی شدید مذمت کی ہے-

بلاول بھٹو زرداری نے احتجاج کرنے والے سرکاری ملازمین پر تشدد کرنے اور گرفتاریوں کی شدید مذمت کرتے ہوئے کہا ہے کہ سلیکٹڈ حکومت ملازمین کے جاٸز مطالبات تسلیم کرے، گرفتار ملازمین کو رہا کیا جاٸے- پی ٹی آئی حکومت نے غریب ملازمین کے حتیٰ کہ مطالبات سننے کے بجائے ان کے خلاف طاقت کے استعمال سہارا لیا- پی پی پی حکومت نے سرکاری ملازمین کی تنخواہوں میں دگنا اضافہ کیا تھا- لیکن پی ٹی آئی حکومت نے سرکاری ملازمین کو مراعات دینے کے بجائے مہنگائی میں رکارڈ اضافہ کیا، معیشت کو تباہ کردیا-
احتجاج کرنے والے ملازمین کے ساتھ ہیں، ملازمین کے جاٸز مطالبات بلا تاخیر تسلیم کیے جائیں-