Tag: باغی ٹی وی

صوبائی وزیر صنعت و تجارت میاں اسلم اقبال سے چیئرمین پاکستان کوٹینگ ایسوسی ایشن معظم رشید کی ملاقات ہوئی۔
پنجاب سرمایہ کاری بورڈ کے کمیٹی روم میں ہونے والی ملاقات میں کوٹینگ انڈسٹری کو درپیش مسائل پر بات چیت ہوئی۔ چئیرمین کوٹینگ ایسوسی نے فیڈمک سے متعلقہ کوٹینگ انڈسٹری کے معاملات، انڈسٹری کے لئے کیروسین آئل کی خریداری اور ریفنڈ کے ایشوز سے آگاہ کیا۔
صوبائی وزیر نے کوٹینگ انڈسٹری کے مسائل ترجیحی بنیادوں پر حل کرنے کی یقین دہانی دلائی۔مزید میاں اسلم اقبال نے کہا ہے کہ "حکومت کی کامیاب صنعتی پالیسی کے باعث تیزرفتاری سے نئے صنعتی یونٹس لگ رہے ہیں، حکومت کی کاروبار دوست پالیسیوں کے باعث صنعتی سرگرمیوں میں تیزی آئی ہے۔ صنعت کاپہیہ چلے گا تو معشیت فروغ پائے گی اور روزگار کے مواقع بڑھیں گے۔ حکومت ملکی وغیر ملکی سرمایہ کاروں کو بہترین سہولتیں دے رہی ہے۔کوٹینگ انڈسٹری سے متعلقہ شارٹ کورسز کیلئے ٹریننگ انسٹی ٹیوٹ کاقیام عمل میں لایا جائے گا۔
صوبائی وزیر نے کوٹینگ انڈسٹری کے فیڈمک سے متعلقہ معاملات حل کرنےاور ادارے کے قیام کے لئے تیزی سے اقدامات کرنے کی سی ای او فیڈمک کوہدایت دی۔
سیکرٹری جنرل پاکستان کوٹینگ ایسوسی ایشن کرنل ریٹائرڈ قمر اور دیگر افسران بھی ملاقات میں موجود تھے۔

سربراہ لاہور پولیس غلام محمود ڈوگر نے قبضہ مافیا کے خلاف ایکشن لیا۔
سی سی پی او لاہور غلام محمود ڈوگر کی ہدایت پر شہری کا گھر واگذار ہوا۔
شہری عمران نے ہربنس پورہ الفیصل ٹاﺅن 05 مرلہ ایک مکان خریدا جس پر 01 سال پہلے رانا افضل نامی شخص نے قبصہ کیا ہوا تھا۔ شہری نے سی سی پی او آفس میں قبضہ چھڑوانے کی درخواست دی جس پر سی سی پی او لاہور نے فوری کارروائی کرواتے ہوئے مکان واگذار کروا دیا،
سی سی پی او لاہور نے کہا کہ لاہور پولیس شہریوں کے جان و مال کے تحفظ کی ضامن ہے،
کسی بھی غنڈا عناصر اور سماج دشمن عناصر کی کوئی گنجائش نہیں ہے،
گھر ملنے پر شہری نے وزیراعظم پاکستان اور سی سی پی او لاہور سے اظہارِ تشکر کیا۔