Tag: باغی ٹی وی

مسلم لیگ(ن) پنجاب کی ترجمان عظمیٰ بخاری کا فردوس عاشق کے بیان پر ردعمل

عظمیٰ بخاری کہتی ہیں کہ رنگ باز اور ڈرامے باز حکمرانوں کو آپ جیسی خادمہ ہی سوٹ کرتی ہے- آپ جہاں دال کی دیگ دیکھتی ہیں وہاں کٹورا لے کر پہنچ جاتی ہیں- عثمان بزدار نے اڑھائی سالوں میں کونسی دودھ اور شہد کی نہریں بہادی ہیں جن کی آپ تعریفیں کرتے نہیں تھکتی- خادمہ جی کبھی کبھی قوم کو عثمان بزدار کے فرنٹ مینوں کے قصے اور وارداتیں بھی سنادیا کریں ،روز وہی گھسی پٹی کہانیاں سنانے آجاتی ہیں-

مزید کہا کہ پنجاب کے عوام اس وقت سب سے زیادہ مہنگائی اور بیروزگاری کا سامنا کررہے ہیں- فردوس باجی کیاایک کروڑ نوکریاں اور پانچ لاکھ گھروں کے منصوبے خلاءمیں بن رہے ہیں؟ جب ملک پر ”سلیکٹڈ اور چنتخب“لوگ مسلط ہونگے تو عوام کبھی ترقی اور خوشحالی کا تصور نہیں کرسکتی- عمران خان اپنی اے ٹی ایم مشینوں اور عثمان بزدار اپنے فرنٹ مینوں اور رشتے داروں کو نوازنے میں مصروف ہیں- نئے پاکستان میں ںبیچاری قوم کےلئے صرف”لنگر خانے اور پناہ گاہیں“باقی رہ گئی ہیں

کلائمیٹ چینج کا مقابلہ گرین پاکستان سے ہی کیا جا سکتا ہے۔ ماضی میں جنگلات کے محکمے کو نظر انداز کیا گیا۔ وزیر جنگلات
وزیر اعلیٰ پنجاب میرے حلقہ کے ترقیاتی کاموں میں ذاتی دلچسپی لے رہے ہیں۔ وزیر جنگلات پنجاب کی میڈیا نمائندگان سے غیر رسمی گفتگو. وزیر جنگلات پنجاب سردار محمد سبطین خان نے کہا کہ ہے کہ ماضی میں جنگلات کے محکمے پر توجہ نہیں دی گئی۔ موجودہ حکومت نے اس محکمے کی سرپرستی کرتے ہوئے اس کے کردار کو بڑھایا اور اس کی اہمیت کو بھی تسلیم کیا ہے۔ ان خیالات کا اظہار انہوں نے میڈیا کے نمائندوں سے غیر رسمی گفتگو کرتے ہوئے کیا۔ انہوں نے کہا کہ اس وقت دنیا کو یونیورسل کلائمیٹ چینج کا سامنا ہے۔ ہم سب کی جنگ پلوشن کے ساتھ ہے جس کا مقابلہ گرین پاکستان سے ہی کیا جا سکتا ہے۔ انہوں نے کہا کہ ہمیں کلائمیٹ چینج کو گرینری کے ذریعے روکنا ہے۔ محکمہ جنگلات اس ضمن میں پنجاب میں 46 کروڑ درخت لگا رہا ہے۔ یہ ہدف 2023 سے قبل مکمل کر لیا جائے گا۔ اسی تسلسل میں پنجاب میں 3 نیشنل پارک بھی ڈکلیئر کئے گئے ہیں جو ناپید ہوتے جانوروں کے تحفظ کا سبب بھی بنیں گے۔ ایک سوال کے جواب میں انہوں نے کہا کہ میڈیا عوام کی آنکھ، کان اور آواز ہے۔ میڈیا کا موجودہ دور میں جس قدر اہم کردار ہے، پہلے کبھی نہیں رہا۔ انہوں نے کہا کہ لوگوں کے مسائل اجاگر کرنے حوالے سے میڈیا نمائندگان کا اہم کردار ہے۔ میڈیا عوامی نمائندوں کی بھی راہنمائی کررہا ہے اور لوگوں اور عوامی نمائندوں کے درمیان پل کا کردار ادا کر رہا ہے۔ حلقہ کے ترقیاتی کاموں کے حوالے سے انہوں نے مختلف سوالوں کے جواب دیتے ہوئے میڈیا کے توسط سے وزیر اعلیٰ پنجاب کا شکریہ ادا کیا اور کہا کہ عثمان بزدار نے میرے حلقے میں ذاتی دلچسپی لے کر ترقیاتی فنڈز منظور کئے اور پراجیکٹس جلد از جلد مکمل کرنے کی ہدایات کر رکھی ہیں۔ اس موقع پر انہوں نے پنجاب اسمبلی کی سیاست اور سینیٹ الیکشن کے حوالے سے بھی میڈیا نمائندوں کے مختلف سوالوں کے جوابات دئیے۔

اقدام قتل اور نوسر بازی میں ملوث 3ملزمان گرفتار، لاکھوں روپے مالیت کے 6موبائل فون برآمد۔
ڈی آئی جی انویسٹی گیشن لاہور شارق جمال خان نے تمام ڈویژنل ایس پیز کو جرائم پیشہ عناصر کے خلاف کارروائیاں کرنے کے احکامات جاری کیے تھے۔جس پر ایس ماڈل ٹاؤن انویسٹی گیشن عاصم افتخارنے ایس ڈی پی او گلبرگ کی زیر نگرانی پولیس کی سپشیل ٹیمیں تشکیل دی تھیں۔ انچارج انویسٹی گیشن غالب مارکیٹ مظہر ہدایت نے اپنی ٹیم کے ہمراہ کارروائی کرتے ہوئے اقدام قتل کے ملزمان سمیت نوسر باز کی وارداتوں میں ملوث 3ملزمان ملزم شعمون عرف چھیم مسیح، عثمان آفریدی اور اویس کو گرفتار کر کے ان کے قبضہ سے لاکھوں روپے مالیت کے 6موبائل فون برآمد کر لیے ہیں۔ تفصیلات کے مطابق اقدام قتل کے جرم میں ملوث عثمان آفریدی اور اویس نے نشہ کرنے سے منع کرنے پر استرے سے شہری محمد امیر کی شاہ رگ کاٹ دی تھی۔ملزمان نے نشہ کرنے سے منع کرنے پر استرے سے شہری محمد امیرکو شدید زخمی کر دیا تھا۔ڈی آئی جی انویسٹی گیشن شارق جمال خان نے ملزمان کی گرفتاری پر پولیس ٹیم کو شاباش دی ہے مزید کہا کہ جرائم پیشہ عناصر کے خلاف کارروائیاں جاری رہیں گی۔

ڈی آئی جی انویسٹی گیشن لاہور شارق جمال خان کی ہدایات پر سٹی ڈویژن پولیس نے کارروائیاں کرتے ہوئے رواں ماہ اشتہاری ملزمان کے خلاف کریک ڈاؤن کیا گیا ہے۔ایس پی سٹی انویسٹی گیشن ذوہیب نصراللہ رانجھا نے اشتہاری ملزمان کو گرفتار کرنے کے لئے پولیس ٹیمیں تشکیل دیں۔ انویسٹی گیشن پولیس سٹی ڈویژن کی ٹیموں دن رات کی محنت سے قتل کی واردات میں ملوث تمام 9ملزمان کو گرفتار کر کے چالان عدالت میں پیش کر دیا۔اقدام قتل کے 9مقدمات میں ملوث 30ملزمان، ڈکیتی، رابری اور چوری کی 139وارداتوں میں ملوث225ملزمان،ریپ اور بدفعلی کے مقدمات میں ملوث 6ملزمان،اغواء کے 34مقدمات میں ملوث ملزمان کوگرفتار جبکہ دیگر872 مقدمات میں ملوث 1578ملزمان کو گرفتار کیا گیا۔ایس پی سٹی انویسٹی گیشن کے مطابق17گینگز کے 39ملزمان کو گرفتار کیا گیا جن کے خلاف245مقدمات بھی ٹریس ہوئے،اسی طرح انویسٹی گیشن پولیس سٹی ڈویژن نے مختلف مقدمات میں لاہور پولیس کو مطلوب119اشتہاری ملزمان کو گرفتار کیا گیا۔رواں ماہ گرفتار ملزمان سے تقریباًایک کروڑ روپے مالیت کا مالِ مسروقہ برآمد کیا گیا۔مجموعی طور پر 1061مقدمات کو حل کر کے 2495ملزمان کو گرفتار کیا گیا۔ڈی آئی جی انویسٹی گیشن لاہور کی طرف سے ملزمان کی گرفتاری پرسٹی ڈویژن پولیس ٹیمز کو شاباش دی گئی ہے۔

چوری کی وارداتوں میں ملوث نومی چور گینگ کے 2ملزمان گرفتار، لاکھوں روپے مالیت کے 8موبائل فونز اور نقدی برآمد۔
ڈی آئی جی انویسٹی گیشن لاہور شارق جمال خان نے تمام ڈویژنل ایس پیز کو جرائم پیشہ عناصر کے خلاف کارروائیاں کرنے کے احکامات جاری کیے تھے۔جس پر ایس پی صدر انویسٹی گیشن محمد عیسیٰ خاں کی سربراہی میں ڈی ایس پی سبزاہ زاراعجاز احمد کی زیرنگرانی پولیس کی سپیشل ٹیمیں تشکیل دی گئی تھیں۔ انچارج انچارج انویسٹی گیشن ہنجر وال قمر عباس نے اپنی ٹیم کے ہمراہ کارروائی کرتے ہوئے چوری کی وارداتوں میں ملوث نومی چور گینگ کے 2ملزمان کو گرفتار کرکے ان کے قبضہ سے لاکھوں روپے مالیت کے 8موبائل فونز اور نقدی برآمد کر لی ہے گرفتار ملزمان کے خلاف ہنجر وال سمیت لاہور کے مختلف تھانوں میں چوری کے متعدد مقدمات بھی ٹریس ہوئے ہیں۔ڈی آئی جی انویسٹی گیشن شارق جمال خان نے ملزمان کی گرفتاری پر پولیس ٹیم کو شاباش دی ہے مزید کہا کہ جرائم پیشہ عناصر کے خلاف کارروائیاں جاری رہیں گی۔

وزیر خارجہ مخدوم شاہ محمود قریشی کا ”کشمیر کی ناشنیدہ آوازوں سے یک جہتی“ کے موضوع پر سیمینار سے خطاب
(بمقام انسٹی ٹیوٹ آف ریجنل سٹڈیز۔ مورخہ 3 فروری 2021)
حاضرین محترم
معزز خواتین و حضرات
اسلام علیکم
میں ”کشمیر کی اَن سنی آوازوں سے یک جہتی“ کے موضوع پر منعقدہ اس اہم سیمینار کے انعقاد پر منتظمین کو مبارک دیتا ہوں۔
5 فروری کویوم یک جہتی کشمیر سے قبل آج ہماری یہاں موجودگی معصوم کشمیریوں کے ساتھ ہماری ٹھوس حمایت اور یک جہتی کا اعادہ ہے جو 73 سال سے غیرقانونی طورپر بھارت کے زیرقبضہ جموں وکشمیر میں بھارتی قابض فوج کے جبرواستبداد کا سامنا کررہے ہیں۔ جیسا کہ ہم سب جانتے ہیں کہ غیرقانونی طورپر بھارت کے زیرقبضہ جموں وکشمیر میں صورت حال 5 اگست 2019 کے بھارت کے غیرانسانی اوریک طرفہ اقدامات کے بعد سے مزید بدتر ہوچکی ہے۔ بندوق کی نوک پر غیرقانونی طورپربھارت کے زیرقبضہ علاقے میں ایک نئی جارحیت اور نئے قبضے نے کشمیری عوام کے مصائب کو کئی گنا مزید بڑھا دیا ہے۔
9 لاکھ سے زائد قابض بھارتی افواج بے گناہ کشمیریوں پر بدترین بربریت اور مظالم ڈھارہی ہے
اٹھارہ ماہ ہوچکے ہیں کہ غیرقانونی طورپر بھارت کے زیرقبضہ جموں وکشمیر میں فوجی محاصرہ مسلسل جاری ہے، کمیونیکیشن قدغنیں عائد ہیں اور بنیادی آزادیوں پر سفاکانہ غیرمعمولی پابندیاں نافذ ہیں۔
غیرقانونی طورپر بھارت کے زیرقبضہ جموں وکشمیر میں جعلی ”مقابلوں“، تلاشیوں اور چھاپوں کی آڑ میں نوجوان کشمیریوں کی ماورائے عدالت شہادتیں معمول بن چکا ہے۔
قابض بھارتی افواج 5 اگست 2019 سے اب تک 300 سے زائد بے گناہ کشمیریوں کو شہید کرچکی ہیں۔
بربریت اور سفاکی اس انتہاءپر ہے کہ کشمیری شہداءکے جسد خاکی بھی ان کے اہل خانہ کو حوالے نہیں کئے جاتے کہ وہ اپنے پیاروں کی تدفین کی آخری رسومات اداکرسکیں۔
کشمیریوں کے گھر تباہ کئے جارہے ہیں تاکہ پورے کشمیری معاشرے اور آبادیوں کو ”اجتماعی سزا“ دی جائے۔
دختران ملت کی بانی رہنما اور کشمیر کی خاتون آہن محترمہ آسیہ اندرابی، جموں وکشمیر ڈیموکریٹک فریڈم پارٹی کے بانی رہنما شبیر احمد شاہ، نامور رہنما یاسین ملک، مسرت عالم بھٹ، محمد اشرف صحرائی سمیت دیگر سینئر کشمیری قیادت جھوٹے اور بدنیتی پر مبنی جعلی الزامات کے تحت بدنام زمانہ تہاڑ جیل میں پابند سلاسل ہے۔
ہزاروں کشمیری قیدوبند کی صعوبتوں کا شکار ہیں جن میں سے بہت سارے نوجوانوں کو خفیہ مقام پر قید کیاگیا ہے جن کے بارے میں ان کے اہل خانہ کو کچھ معلوم نہیں۔
’آر۔ایس۔ایس‘،’بی۔جے۔پی‘ حکومت کا 5 اگست 2019 کے غیرقانونی اور یک طرفہ اقدامات کا مقصد بہت واضح ہے۔
بھارت مقبوضہ خطے میں آبادی کا تناسب تبدیل کرنا چاہتا ہے جو اقوام متحدہ کی سلامتی کونسل کی قراردادوں، عالمی قانون بشمول چوتھے جینیوا کنونشن کی صریحاً خلاف ورزی ہے۔
اس غیرقانونی اور غیرانسانی مقصد کے حصول کے لئے ’بی۔جے۔پی‘ حکومت غیرکشمیریوں کو 18 لاکھ بوگس ڈومیسائل سرٹیفیکیٹ جاری کرچکی ہے تاکہ اس غیرقانونی آبادکاری کے ذریعے بھارت کے زیرقبضہ جموں وکشمیر میں اقوام متحدہ کی سلامتی کونسل کی قراردادوں کے مطابق استصواب رائے کے عمل کو متاثر کیاجاسکے۔
قابض بھارتی فوج کے شدید ترین مظالم اور جبرواستبداد کے باوجود کشمیریوں نے بھارتی غلامی قبول کرنے سے انکار کیا ہے۔
بھارتی مظالم کے نتیجے میں کشمیریوں کا بھارتی قبضے سے آزادی حاصل کرنے کا عزم مزید مضبوط اور طاقت ور ہوا ہے۔
اپنی عظیم قربانیوں کے ذریعے کشمیریوں نے روز روشن کی طرح واضح کردیا ہے کہ جموں وکشمیر بھارت کا ”اٹوٹ انگ“ نہیں ہے اور یہ نام نہاد بھارتی دعوی باطل ہے۔
نہ تو یہ کبھی تھا ۔۔۔۔ اور نہ ہی کبھی ہوگا۔
دنیا آج دیکھ رہی ہے کہ ’آر۔ایس۔ایس‘کے زیراثر ’بی۔جے۔پی‘ حکومت کی انتہاءپسندانہ ’ہندتوا‘ سوچ کی گرفت میں بھارت کے اندر شدید نوعیت کی قوم اور نسل پرستی، فسطائیت، مذہبی نفرت اور عدم برداشت سرچڑھ کر بول رہی ہے۔ انتہا پسند بھارتی حکومت تشدد کو اپنے ناجائز مقاصد کے حصول کے ہتھیار کے طورپر استعمال کررہی ہے۔ ’ہندتوا‘ کی انتہاءپسندسوچ نہ صرف کشمیریوں بلکہ خود بھارت کے شہریوں خاص طورپر مسلمانوں کے لئے بھی ایک سنگین خطرہ ہے۔’بی۔جے۔پی‘ کے بھارت میں مسلمانوں کو نشانہ بنانا اور ان کے خلاف متعصبانہ اقدامات روزمرہ کا معمول بن چکا ہے۔ مسلمانوں کو منظم انداز میں سیاسی طورپر تنہاءکرنے کی پالیسیز سے لے کر ان پر براہ راست حملوں، ’جہاد سے پیار“ اور ”کورونا جہاد“ کے نعروں اوردیگر مسلمان مخالف کارروائیوں کا مقصد انہیں بدنام کرنا، ان کے حقوق چھین کر انہیں دیوار سے لگانا ہے۔ پاکستان غیرقانونی طورپر بھارت کے زیرقبضہ جموں وکشمیر میں قابض بھارتی افواج کے بہیمانہ مظالم کو مسلسل بے نقاب کر رہا ہے۔
تنازعہ جموں وکشمیر عالمی میڈیا کی شہہ سرخیوں میں آچکا ہے۔ مجھے یاد نہیں کہ اس سے قبل کبھی اس بڑے پیمانے پر جموں وکشمیر کامسئلہ عالمی سطح پر یوں نمایاں ہوا ہو۔
انسانی حقوق کی تنظیموں اور میڈیا کے اداروں نے کئی ٹھوس رپورٹس جاری کی ہیں جن میں غیرقانونی طورپر بھارت کے زیرقبضہ جموں وکشمیر میں اپناغیرقانونی تسلط قائم رکھنے کے لئے فوجی محاصرے، کمیونکیشن قدغنوں، میڈیا بلیک آوٹ اور دیگر استبدادی ہتھکنڈوں کے استعمال پر بھارت کی شدید ملامت ومذمت کی گئی ہے۔ سفارتی محاذ پر غیرقانونی طورپر بھارت کے زیرقبضہ جموں وکشمیر میں اپنے غیرقانونی اور یک طرفہ اقدامات کے بعد سے بھارت عالمی سطح پر ذلت در ذلت کا سامنا کررہا ہے۔
5 اگست 2019 کے بعد سے اقوام متحدہ کی سلامتی کونسل کے تین اجلاس منعقد ہوچکے ہیں جن میں جموں وکشمیر کے تنازعے پر غور کیاگیا جو بھارت کے اس جعلی دعوے کی بھرپور اور واضح تردید ہے کہ یہ تنازعہ اس کا ”داخلی معاملہ“ ہے۔
اس کے ساتھ ساتھ یورپی یونین، برطانیہ اور امریکی کانگریس سمیت متعدد ارکان پارلیمان نے مختلف مواقع پر غیرقانونی طورپر بھارت کے زیرقبضہ جموں وکشمیر کی صورتحال کا جائزہ لیا ہے۔ حال ہی میں برطانوی پارلیمان میں ”غیرقانونی طورپر بھارت کے زیرقبضہ جموں وکشمیرمیں سیاسی صورتحال“ پربحث منعقد ہوئی جس میں برطانوی ارکان پارلیمان نے ’بی۔جے۔پی‘ حکومت سے بے گناہ کشمیریوں کے خلاف منظم تشدد اور جبر روکنے کا مطالبہ کیا ہے۔ عالمی برادری کی جانب سے بھارتی جبر واستبداد کی مہم کو مسترد کرنا بلاشبہ درست سمت میں قدم ہے۔
تاہم اس ضمن میں ابھی بہت کچھ کرنے کی ضرورت ہے جس سے جموں وکشمیر کاتنازعہ جلد حل کرنے کی راہ ہموار کرنے میں مدد ملے گی جو جنوبی ایشیاءمیں پائیدار امن وسلامتی کے لئے ایک ناگزیر تقاضا ہے۔ بھارتی قبضے سے آزادی کے حصول کی منصفانہ جدوجہد میں کشمیری عوام کے غیرمتزلزل یقین اور عزم کی وجہ سے ہمارے دل ان کی عظمت اور ان پر فخر سے معمور ہیں۔ قابض بھارتی افواج کی جانب سے ڈھائے جانے والے ناقابل بیان مظالم اور جبر واستبداد کے باوجود کشمیریوں کی بے مثال مزاحمت اور عزم ناقابل فراموش ہے۔ پاکستان کا بنیادی نصب العین جموں وکشمیر کے تنازعہ کو کشمیری عوام کی خواہشات، امنگوں اور اقوام متحدہ کی سلامتی کونسل کی متعلقہ قراردادوں کے مطابق اقوام متحدہ کی نگرانی میں منعقدہ آزادانہ، شفاف اور غیرجانبدارانہ استصواب رائے کے ذریعے حل کرانا ہے۔ پاکستان کی حکومت اور عوام کشمیریوں کے منصفانہ استصواب رائے کے حق کی جدوجہد میں ان کی بھرپور حمایت جاری رکھنے کے عزم کا اعادہ کرتے ہیں۔ ہم کسی کو کشمیر کشمیریوں سے چھیننے نہیں دیں گے۔ یہ مقصد اور جدوجہد منصفانہ و مقدس ہے اور اس پر کوئی سمجھوتہ نہیں ہوسکتا۔ کشمیری فتح سے ہمکنار ہوکر ہی رہیں گے۔ انشاءاللہ۔ میں آپ سب کا شکریہ ادا کرتا ہوں۔