ضلعی انتظامیہ لاہور نے ماہ جنوری 2021 کی پرائس کنٹرول کی رپورٹ جاری کر دی.
ڈی سی لاہور مدثر ریاض نے رپورٹ پیش کرتے ہوئے کہا کہ 27477 انسپکشنز کی گئیں-2831 خلاف ورزیاں پائی گئیں- 72 لاکھ 07 ہزار روپے کے جرمانے عائد کئے گئے ہیں- 315 ایف آئی آرز کا اندراج کروایا گیا- 315 افراد کو حراست میں لیا گیا- 06 افراد کو سیدھا جیل بھیج دیا گیا-
ڈی سی لاہور مدثر ریاض نے یقین دہانی کروائی کہ ضلعی انتظامیہ لاہور اشیائے ضروریہ کی فروخت کو سرکاری نرخوں پر یقینی بنانے کے لئے متحرک ہے-
مسلم لیگ(ن) پنجاب کی ترجمان عظمیٰ بخاری کا فردوس عاشق اعوان کے بیان پر ردعمل سامنے آگیا-
اانھوں نے فردوس عاشق اعوان کو نشانہ بناتے ہوئے کہا کہ فردوس باجی اگر پی ڈی ایم کی تحریک ناکام ہے تو بار بار نوازشریف کو”معافی نامے“کے پیغامات کیوں بھجوائے جارہے ہیں؟ ہمارا مینار پاکستان پر جلسہ اور الیکشن کمیشن کے باہر احتجاج”آر پار“کےلئے کافی تھا،لیکن سیلیکٹڈ کو شرم نہیں آنی تھی،نہیں آئی- پی ڈی ایم کی تحریک ملکی تاریخ کی واحد تحریک ہے جو بغیر کسی ریٹائرڈ جنرل کی مدد سے جاری ہے- تحریک انصاف کس نے بنائی اور پی ٹی آئی کامینار پاکستان پرجلسہ کس نے کرایا وہ سب پرویزالٰہی قوم کو حقیقت بتاچکے ہیں-
بوٹ پالش کرکے لیڈر بننے والا شخص کس منہ سے خود کو عوام کا وزیر اعظم کہتا ہے- عوام کا منتخب کردہ وزیراعظم پیٹرول مہنگاکر کے ملبہ سابقہ حکومتوں پر نہیں ڈالتا-کٹھ پتلی وزیراعظم مہنگائی کرکے کہتا ہے مہنگائی مافیا مجھ سے بھی پاور فل ہے- عمران صاحب اگر آپ مہنگائی کنٹرول نہیں کرسکتے تو وزیراعظم ہاﺅس پر قابض کیوں ہیں؟
پنجاب انڈسٹریل اسٹیٹ ڈویلپمنٹ اینڈ مینجمنٹ کمپنی کا زیرانتظام تمام انڈسٹریل اسٹیٹس میں خود بجلی کی فراہمی کا فیصلہ ۔
پیڈمک بورڈ آف ڈائریکٹرز نے اوپن مارکیٹ سے بجلی خریداری کی پالیسی کی منظوری دے دی۔ چیئرمین پیڈمک سید نبیل ہاشمی کی ہدایت پر نیپرا کو ڈسٹری بیوشن لائسنس کے حصول کے لئے درخواست دے دی گئی ہے- نیپرا کی جانب سے مسابقتی تجارت کے لئے باہمی معاہدوں کی مارکیٹ کی منظوری دی گئی ہے- جس کی افادیت کو مدنظر رکھتے ہوئے پیڈمک براہ راست اس مارکیٹ سے اوپن بڈنگ کے ذریعے بجلی کی خریداری کرے گا۔
چیئرمین پیڈمک سید نبیل ہاشمی فرماتے ہیں کہ لائسنس جاری ہونے کے بعد پیڈمک خود سندر، قائداعظم، شیخوپورہ، رحیم یار خان ، ملتان،بہاولپور، وہاڑی اور بھلوال انڈسٹریل اسٹیٹس کو بجلی فراہم کرے گا۔ صنعتی دور میں یوٹیلٹیز کی فراہمی نہ ہونا صنعتی شعبے کے لئے خوفناک عمل ہے- انڈسٹریل اسٹیٹس کو بجلی کی فراہمی کے لئے نیپرا کی بے جا تاخیر کا جلد سے جلد حل چاہتے ہیں-
اسلام آباد:
وفات پانے والے اسلام آباد ٹریفک پولیس کے انسپکٹر غلام محی الدین کی نماز جنازہ پولیس لائن ہیڈکوارٹرز میں اداکر دی گئی-
نماز جنازہ میں آئی جی اسلام آباد قاضی جمیل الرحمان سمیت دیگر سینئیر افسران وملازمین کی شرکت- متوفی ہارٹ اٹیک کے باعث ایم ایچ راولپنڈی میں زیر علاج تھے جہاں وہ اپنے خالق حقیقی سے جاملے- آئی جی اسلام آباد نے مرحوم کے بچوں سے پیار کیا- محروم کے جسد خاکی کو پورے اعزاز کے ساتھ آبائی گاؤں روانہ کر دیا گیا-
مرحوم غلام محی الدین بہت ملنسار اور اسلام آباد ٹریفک پولیس میں تعینات تھے- آئی جی اسلام آباد کا کہنا تھا کہ مرحوم انسپکٹر کی فیملی کا ہر طرح سے خیال رکھا جائے گا-
اسلام آباد سے شادی کی تقریب کیلئے مردان آنے والے مہمان حادثے کا شکار، 12 افراد زخمی.ریسکیو1122. فلائنگ کوچ بےقابو ہوکر روڈ سے نیچے کھائی میں جاگری. حادثہ ولی انٹرچینج روڈ علاقہ طورو میں پیش آیا. فلائنگ کوچ میں سوار 12 افراد ڈرائیور سمیت زخمی. حادثے کی اطلاع موصول ہونے پر ریسکیو1122 کی ایمبولینسز اور میڈیکل ٹیمز موقع پر پہنچ گئی. ریسکیو1122 میڈیکل ٹیمز نے حادثے میں زخمی ہونے والے 12 افراد کو ابتدائی طبی امداد فراہم کردی. تمام زخمی افراد کو ریسکیو1122 ایمبولینسز کے ذریعے ایم ایم سی منتقل کردیا گیا
کراچی کے قومی ادارہ برائے امراض قلب میں 4 مسلح افراد نے فائرنگ کی اور سکیورٹی گارڈ سمیت دو افراد کو زدو کوب کیا۔
پولیس کے مطابق ملزمان اسپتال میں مریض کو دیکھنے کے لیے زبردستی اسپتال کے اندر داخل ہونا چاہتے تھے لیکن ملاقات کا وقت نا ہونے کی وجہ سے گارڈ نے ان افراد کو گیٹ پر روکا تاہم ملزمان نے گارڈ سے ہاتھا پائی کی اور اسپتال کے اندر جانےکی کوشش بھی کی۔
پولیس کے مطابق فائرنگ سے کوئی جانی نقصان نہیں ہوا جب کہ اسپتال انتظامیہ کا کہنا ہے کہ فائرنگ کرنے والوں کی تعداد 4 تھی جن میں سے ایک ملزم کو پکڑ کر صدر پولیس کے حوالے کردیا ہےانتظامیہ کا کہنا ہے کہ ملزمان نے سکیورٹی گارڈ سمیت دو افراد کو تشدد کا نشانہ بھی بنایا
. نار پاکستان پورے ملک کے صارفین کو ان چیزوں سے جوڑتا رہتا ہے جو سب سے زیادہ اہمیت رکھتے ہیں ، یہاں تک کہ پاکستان کے شمال مشرقی علاقوں میں بھی۔ ٹیلی نار پاکستان میں مقامی شمالی ثقافتوں کو گلے لگانے اور اس کی ترویج کرنے ، اور متنوع اعانت فراہم کرنے کی تاریخ ہے۔ نباتات اور حیوانات کی بحالی ، سیاحت کے لئے مقامی تہواروں کے انعقاد اور عملدرآمد ، اور مضبوط بنیادی ڈھانچے کی ترقی۔ ہندوکش اسنو اسپورٹس فیسٹیول ٹیلی نار پاکستان کے شمال پاکستان کے ساتھ دیرینہ وابستگی کا ثبوت ہے۔ثقافت سے بھر پور اور قدرتی خوبصورتی سے مالا مال ، چترال ، اس سال میڈاکلاشت میں ہندوکش اسنو اسپورٹس فیسٹیول 2021 کی میزبانی کرنے والا ہے۔ دو دن تک جاری رہنے والے اس میلے میں سکیئنگ ، شو بورڈنگ اور آئس اسکیٹنگ سمیت پورے کنبے کے لئے تفریحی سرگرمیاں پیش کی جائیں گی۔ مادکلاشٹ 500 غیر ملکی کھلاڑیوں اور ٹرینرز سمیت 500 سے زیادہ کھیلوں کے کھلاڑیوں کی میزبانی کے لئے تیار ہے۔
توقع ہے کہ بین الاقوامی سامعین کے ساتھ تقریبا 2000 سے زائد افراد بونانزا میں شریک ہوں گے۔ ٹیلی نار پاکستان پورے تہوار کا ایک اہم حصہ ہے ، کیونکہ اس نے شرکاء اور مقامی لوگوں کو بلا تعطل 4 جی رابطے کا وعدہ کیا ہے تاکہ یہ یقینی بنایا جاسکے کہ ہر لمحہ فانی اور دنیا کے ساتھ فوری طور پر شیئر کیا جاسکے۔
ٹیلی نار پاکستان میں ایک بیان میں کہا گیا ہے ، "ہم ثقافتی فروغ میں سب سے آگے رہنے کے لئے پرعزم ہیں کیونکہ ملک صحت کے بحران سے نکلنا شروع کر دیتا ہے۔ اس طرح کی خوشی کی وجہ سے لوگوں اور ثقافتوں کی نشوونما ہوتی ہے ، اور ہمارے نزدیک یہ سبھی کا رابطہ ہے۔ ” انہوں نے اس طرح کے ایک واقعے کو پھانسی دینے پر مزید کہا ، "یہ حکومت پاکستان کے تعاون سے ہے کہ یہ ممکن ہوا ہے ، اور ہم تہوار کے اس بنیادی حصے کے ہونے پر بے حد مشکور ہیں۔”
ٹیلی نار پاکستان حکومت کے اشتراک سے نہ صرف سیاحت کی صنعت میں اپنا کردار ادا کرنے میں اپنا کردار ادا کررہا ہے بلکہ جنوب سے شمال تک ایک اچھی طرح سے جڑے ہوئے پاکستان کو یقینی بنانے میں بھی اپنا کردار ادا کررہا ہے۔
فیڈرل بورڈ آف ریونیو (ایف بی آر) نے جولائی تا جنوری کیلئے مقررہ ہدف سے 20 ارب زائد ریوینیو حاصل کرلیا۔
ایف بی آر نے رواں مالی سال کے پہلے سات مہینوں میں 2570 ارب روپے کے محصولات جمع کیے جو پچھلے سال اسی عرصے میں حاصل ہونے والے 2416 ارب روپے سے 6.4 فیصد زیادہ ہیں۔ ایف بی آر کی جانب سے جاری کردہ اعداد و شمار کے مطابق جنوری کے مہینے میں ریونیو نیٹ کولیکشن 364 ارب روپے رہی جبکہ مقرر کردہ ہدف 340 ارب روپے تھا، یہ وصولیاں پچھلے سال جنوری کے حاصل کردہ نیٹ ریونیو کے مقابلے میں 12.3 فیصد زیادہ ہیں۔ رواں مالی سال اب تک 129 ارب روپے کے ریفنڈز جاری کیے جا چکے ہیں جو کہ پچھلے سال اس عرصے میں 69 ارب روپے تھے، اس سال اب تک ریفنڈز کے اجراء میں 87 فیصد اضافہ حاصل ہوا ہے۔
ٹیکس گوشواروں کے ساتھ ادا شدہ ٹیکس 48.3 ارب روپے رہا جو کہ پچھلے سال اس عرصہ میں 29.6 ارب روپے تھا۔ اس طرح اس سال ٹیکس ادائیگی میں 63 فیصد اضافہ حاصل ہوا ہے۔ اس کے علاوہ ایف بی آر نے 14 لاکھ ٹیکس گزاروں کو نوٹسز جاری کیے ہیں جنہوں نے گوشوارے داخل نہیں کیے یا صفر قابل ٹیکس آمدنی ظاہر کی ہے یا پھر اپنے اثاثوں کی غلط تفصیلات فراہم کی ہیں۔ ایف بی آر کے مطابق 30 جنوری 2021 تک انکم ٹیکس گوشوارے داخل کرنے والوں کی تعداد 25 لاکھ 20 ہزار ہو چکی، ٹیکس گوشوارے داخل کرنے والوں کی تعداد میں 9 فیصد اضافہ ہوا ہے، معاشی ترقی کے باعث ریوینو کے حصول میں مزید بہتری کی توقع ہے-
لاہور : لال پل، فتح گڑھ، لاری اڈا، داتا دربار اور بادشاہی مسجد کے اطراف لکشمی چوک، چوبرجی چوک سمیت 120 علاقوں میں نشہ کے عادی افراد کے ڈیرے منشیات کے استعمال میں تشویشناک حد تک اضافہ، خواتین کی بڑی تعداد بھی مبتلا، شہر میں کھلی سڑکوں پر منشیات عام ہو گئی، جبکہ پولیس خاموش تماشائی بنی ہوئی ہے۔ نشہ کے عادی افراد نے 120 مقامات پر ڈیرے جما لئے۔ لال پل، فتح گڑھ، مغلپورہ، ہربنس پورہ، باغبان پورہ اور پارکوں سمیت دیگر علاقوں میں کھلے عام نشے کا استعمال اور ٹیکے لگائے جا رہے ہیں ،سب سے زیادہ نوجوان نسل متاثر ہو رہی ہے ۔ ذرائع کے مطابق شہر میں 2020 کے دوران منشیات کی طلب اور رسد میں تشویشناک حد تک اضافہ ہوا ہے جس کی وجہ ملک میں معاشی عدم استحکام، مہنگائی ،بیروزگاری وغیرہ شامل ہیں۔ خواتین کی بڑی تعداد بھی نشہ جیسی لت کا شکار ہو رہی ہے ۔لاری اڈا، علی پارک، داتا دربار اور بادشاہی مسجد کے اطراف، ایف سی کالج میٹر وسٹیشن، پرندہ مارکیٹ، بھاٹی، موچی گیٹ، لوہاری، ٹیکسالی، شاہدرہ، لاہور ہوٹل، لکشمی ، ریگل، گنگا رام، چوبرجی چوک، سبزہ زار، علامہ اقبال ٹاؤن، گلشن راوی بند روڈ، شیر پاؤپل، مسلم ٹاؤن موڑ، کوآپ سٹور، مصری شاہ اور دیگر علاقوں میں منشیات کا استعمال ہو رہا ہے۔ ذرائع کے مطابق پاکستان میں نشہ کرنے والے افراد کی تعداد 2013 میں 67 لاکھ اور 2020 میں ایک کروڑ تک پہنچ چکی ہے ۔ترجمان پنجاب پولیس نے کہا انجکشن نشہ کو کنٹرول کرنا محکمہ ہیلتھ کا کام ہے کیونکہ نشئی انجکشن سمیت دیگر نشہ آور اشیا میڈیکل سٹورز سے لیکر استعمال کرتے ہیں۔ چیف ڈرگ کنٹرولر پنجاب اظہر جمال سلیمی نے کہا میڈیکل سٹورز پر نشہ آور ادویات کی روک تھام کیلئے اقدامات کئے جا رہے ہیں، بغیر نسخہ کے کسی کو بھی نارکوٹکس ادویات نہیں دی جا رہیں، اگر کوئی میڈیکل سٹور یا فارمیسی ایسا کر رہی ہے تو اس کے خلاف کارروائی کی جا رہی ہے ۔
مورخہ31جنوری 2021
ہائیر ایجوکیشن کمیشن کی ایک غلط پالیسی ملک کے تعلیمی نظام کی تباہی کا باعث بن سکتی ہے’ وائس چانسلر پروفیسر ڈاکٹر افتخار احمد کا پاکستان اکیڈمی آف سائنسز میں لیکچر دیتے ہوئے خطاب
ڈیرہ اسماعیل خان(ہینڈ آئوٹ31جنوری2021)ہائیر ایجوکیشن کمیشن آرڈیننس سیکشن10(c)کے تحت پابند ہے کہ یونیورسٹیوں کو پوچھ کر پالیسی واضع کرے مگر ون مین شو سے چیزیں خراب ہو رہی ہیں ۔ کچھ سمجھ نہیں آرہا ہے کہ کون ہے جو سارے نظام کو درہم برہم کرنا چاہتا ہے اور بدقسمتی یہ ہے کہ وائس چانسلرز کمیٹی بھی اس میں کوئی خاطر خواہ کردار ادانہیں کررہی ہے۔ ان خیالات کا اظہار وائس چانسلر گومل یونیورسٹی پروفیسر ڈاکٹر افتخار احمد نے پاکستان اکیڈمی آف سائنسز میں ”پاکستان کے ہائیر ایجوکیشن سیکٹرمیں غیر یقینی صورتحال کی وجہ سے بڑھتے مسائل” کے موضوع پر لیکچر دیتے ہوئے کیا ۔
پاکستان اکیڈمی آف سائنسز کا فیلو بننے کے بعد اپنے پہلے لیکچر میں وائس چانسلر گومل یونیورسٹی پروفیسر ڈاکٹر افتخار احمد نے کہا کہ آج کا دن میرے لئے کسی اعزاز اور خوشی سے کم نہیں کہ میں قوم کے تخلیق کاروں کے درمیان موجود ہوں۔ جنہوں نے سائنس، ٹیکنالوجی،زراعت، دفاع سمیت زندگی کے ہر شعبے میں ہمیشہ قومی تشکیل میں اپنا بھرپور کردار ادا کیا ہے۔ پروفیسر ڈاکٹر افتخار احمد نے کہا کہ اعلیٰ معیار تعلیم کے بغیر سائنس اور ٹیکنالوجی کا کوئی وجود نہیں۔اعلیٰ تعلیم معاشرے میں سماجی اور معاشی تبدیلی کے حوالے سے انجن کا کردار ادا کرتی ہے۔ جس پر اکیڈمی کو خصوصی توجہ دینا کی ضرورت ہے۔
ڈاکٹر افتخار احمد نے مزید کہا کہ پاکستان بھی ترقی پزیر ممالک کی صف اول میں کھڑا ہے جس میں اعلیٰ تعلیم کیلئے پروفیسر ڈاکٹر عطاء الرحمن کی زیر صدارت 2002میں ہائیر ایجوکیشن کمیشن کے مجاز ادارے کا آغاز کیا۔ جس کا اولین مقصداعلیٰ تعلیم کے نفاذ سے زیادہ سے زیادہ فوائد حاصل کرنا تھا جیسے کہ ہارڈ ورڈ ،ایم آئی ٹی، کالٹیک اوراسٹینفورڈجیسی نامور یونیورسٹیوں سے امریکہ کو فائدہ ہواہے ۔ وائس چانسلر ڈاکٹر افتخار احمد نے مزید کہا کہ گزشتہ دنوں ہائیر ایجوکیشن کمیشن کو خیبرپختونخوا کے وائس چانسلر زنے غیر یقینی صورتحال سے بچنے کیلئے کہا تھا کہ دو سالہ پروگرام کو 2020کی بجائے2023تک توسیع دیدی جائے مگر ان کی سفارشات کو ملحوظ خاطرنہ لاتے ہوئے ہائیر ایجوکیشن نے تین ماہ کی توسیع دیتے ہوئے یہ کہا کہ 2020 کو عالمی وباء کوروناوائرس کا سال قرار دیتے ہوئے اس سال کو 15ماہ تک بڑھا رہے ہیں-
اس موقع پر وائس چانسلر ڈاکٹر افتخار احمد نے ہائیر ایجوکیشن کمیشن کو تنقید کا نشانہ بناتے ہوئے کہا کہ مروجہ پالیسی جو 18سال کی کاوشوں کے بعد وجود میں آئی اس کو بیک جنبش قلم ختم کرنا اور نئی پالیسی کو بغیر سٹیک ہولڈرز کو اعتماد میں لئے لاگو کرنا ہائیر ایجوکیشن کمیشن آرڈیننس سیکشن 10(c)کی کھلم کھلا خلاف ورزی ہے۔ہائیر ایجوکیشن کمیشن کی ایک غلط پالیسی ملک کے تعلیمی نظام کی تباہی کا باعث بن سکتی ہے۔