Tag: باغی ٹی وی

گوجر خان گلیانہ موڑ کے نزدیک ماں نے 3 بچیوں سمیت کنویں میں چھلانگ لگا دی، 03 بچیاں جاں بحق، بچیوں کی والدہ ہسپتال منتقل،سی پی او محمد احسن یونس کا واقعہ کا نوٹس، واقعے کا مقدمہ پولیس کی مدعیت میں درج کرنے کا حکم دے دیا،ایس ایچ او گوجر خان پولیس ٹیم کے ہمراہ موقعہ پر موجود ہیں،

بچیوں کی والدہ سونیا گلفراز کو پولیس نے تحویل میں لے لیا گیا ہے،
تینوں بچیاں ردا فاطمہ بعمر 05 سال، ندا فاطمہ بعمر اڑھائ سال اور انیتا فاطمہ بعمر 6 ماہ جاں بحق ہو گئیں،

ابتدائی تحقیقات کے مطابق دونوں میاں بیوی کے درمیان گھریلو لڑائی جھگڑے کی بناء پر واقعہ پیش آیا،
واقعے کا مقدمہ درج کیا جارہا ہے، میرٹ پر تفتیش کرتے ہوئے مقدمہ کو یکسو کیا جائے گا،

وفاقی وزیر قانون ڈاکٹر بیرسٹر محمد فروغ نسیم نے وزیر اعظم عمران خان کے ساتھ ایک آرڈیننس جاری کرنے کی تجویز پر تبادلہ خیال کیا جس کے تحت والدین بچوں اور ان کے شریک حیات کو گھر سے بے دخل کر سکیں گے اور ان والدین کے حقوق کا تحفظ ہو سکے گا جو اپنے بچوں کے ساتھ رہتے ہیں۔ترجمان وزارت قانون و انصاف کے مطابق وزیر قانون وانصاف نے وزیر اعظم کو بتایا کہ وفاقی حکومت معاشرے کے کمزور طبقات کی مدد کے لئے ہر ممکن کوشش کر رہی ہے ،

اس تناظر میں ایک آرڈیننس جاری کیا جاسکتا ہے جس میں 3 چیزوں پر توجہ دی جانی چاہئے۔ اول یہ کہ ، اگر مکانات بچوں کے زیر ملکیت ہیں تو بچوں کو والدین کو گھروں سے بے دخل کرنے سے روکا جا سکے۔ دوسرا یہ کہ ، اگر مکانات والدین کی ملکیت ہیں ، والدین کو یہ حق حاصل ہونا چاہئے کہ وہ بچوں اور ان کی شریک حیات کو آسان طریقہ کار، یعنی پولیس / ضلعی انتظامیہ کی مداخلت کے ذریعے 10 دن کے اندر اندر بے دخل کر سکیں۔

اور تیسرا یہ کہ اگر مکانات والدین یا دادا کے فنڈ سے تعمیر کیے گئے تھے ، اور بچوں کے نام تھے تو ، والدین کو ان کی زندگی تک کچھ سہولت فراہم کی جا سکے۔ڈاکٹر فروغ نسیم نے یہ تجویز پیش کرتے ہوئے وزیر اعظم کو یہ بھی بتایا کہ اگر اس طرح کا آرڈیننس نافذ کیا گیا تو اس سے صدر پاکستان، وزیر اعظم ،وزیر قانون ، پوری کابینہ کو تمام والدین کی دعائیں ملیں گی۔ وزیر اعظم نے اس تجویز کی منظوری دے دی اور وزیر قانون سے کہا کہ وہ فوری طور پر آرڈیننس کا مسودہ تیار کریں

اسلامی تعاون تنظیم کی طرف سے توہین مذہب پر اقوام متحدہ سے قانون سازی کا مطالبہ ہر امن پسند انسان کی ترجمانی ہے ، پاکستانی وزیر خارجہ شاہ محمود قریشی نے او آئی سی وزراءخارجہ کے اجلاس میں پاکستان اور امت مسلمہ کی ترجمانی کی ہے۔ اسلامی تعاون تنظیم کا توہین مذہب پر متفقہ فیصلہ وزیر اعظم عمران خان کی کوششوں اور خادم الحرمین الشریفین شاہ سلمان بن عبد العزیز کی سربراہی اور دیگر اسلامی ممالک کے تعاون سے ممکن ہوا۔

یہ بات چیئرمین پاکستان علماءکونسل و نمائندہ خصوصی وزیر اعظم پاکستان حافظ محمد طاہر محمود اشرفی نے اپنے ایک بیان میں کہی۔ انہوں نے کہا کہ اسلامی تعاون تنظیم کے وزراءخارجہ کے اجلاس میں وزیر خارجہ شاہ محمود قریشی نے اسلامک فوبیا ، توہین ناموس رسالت ، توہین مذہب ، کشمیر اور فلسطین پر پاکستانی قوم کی ترجمانی کی ہے۔

وزیر اعظم پاکستان عمران خان کی فکر اور سوچ کے مطابق اسلامی تعاون تنظیم نے توہین مذہب پر اقوام متحدہ سے قانون سازی کا مطالبہ کیا ہے جو مثبت سمت قدم ہے۔ انہوں نے کہا کہ اسلامی تعاون تنظیم امت مسلمہ کا متفقہ فورم ہے جس کو مزید مضبوط بنایا جائے گا۔ اسلامی تعاون تنظیم کے مقابلے میں پاکستان نہ کسی تنظیم کا حصہ بنے گا اور نہ ہی کسی ایسی کوشش کا حصہ ہے

راولپنڈی : عالمی شہرت یافتہ خواجہ سرا نایاب علی نے ہیرو ایشیا ایوارڈ بھی اپنے نام کر لیا۔ نایاب علی کو ہیرو ایشیا ایوارڈ ٹرانس جینڈر کمیونٹی کے حقوق کے لیے خدمات انجام دینے پر دیا گیا، ایوارڈ دینے کی تقریب تھائی لینڈ کے دارالحکومت بنکاک میں منعقد ہوئی۔

ایوارڈ کے لیے انڈیا، بنگلا دیش، نیپال، انڈونیشیا، فلپائن اور بھوٹان سمیت تمام ایشیائی ممالک سے 250 ٹرانس جینڈر افراد کو نامزد کیا گیا تاہم یہ ایوارڈ پاکستانی خواجہ سرا نایاب علی کے حصہ میں آیا۔نایاب علی کورنا وبا کے پیش نظر بنکاک نہ جا سکیں، تقریب میں نایاب علی کا ویڈیو پیغام بھی نشر کیا گیا۔

نایاب علی اس سے پہلے رواں سال فروری میں آئرلینڈ حکومت اور ایمنسٹی انٹرنیشنل کا مشترکہ انٹرنشینل گالاز ایوارڈ بھی جیت چکی ہیں، انہیں یہ ایوارڈ آئر لینڈ کے دارالحکومت ڈبلن میں دیا گیا تھا