Tag: بالی وڈ

فرح خان اور شاہ رخ خان کی اہلیہ گوری خان کی دوستی کافی پرانی ہے یہ دونوں بہت اچھی سہلیاں ہیں اسی لئے ان کو اکثر ملتے ملاتے اور ایک ساتھ گھومتے ہوئے بھی دیکھا جاتا ہے . گوری کے ریئلٹی شو ڈریم ہومز کے تازہ ترین ایپی سوڈ میں فرح خان نے گوری کے ساتھ اپنی دوستی کی کہانی سنائی اور کہنے لگیں کہ شاہ رخ خان کی اہلیہ آج تک ‘مڈل کلاس پنجابی لڑکی’ ہی ہیں۔ انہوں نے گوری کو اپنے تین بچوں آریان خان، سوہانا خان اور ابرام خان کے لیے غیر معمولی ماں بھی کہا۔ایپی سوڈ کے دوران، فرح نے گوا میں گوری کے ساتھ اپنی پہلی ملاقات کو یاد کرتے

ہوئے کہا کہ SRK گوری کو گوا لے آئے جب ان کی ابھی شادی ہوئی تھی اور وہ ”کبھی ہاں کبھی نا” کی شوٹنگ کر رہے تھے۔ فرح نے کہا کہ اس کی ملاقات گوری سے گوا کے ساحل پر ہوئی۔میں گوری کو اتنے برسوں سے جانتی ہوں یہ آج تک نہیں بدلی .نہ صرف یہ اچھی خاتون ہے بلکہ اسکی عادات بھی بہت اچھی ہیں. انہوں نے مزید یہ بھی کہا کہ گوری خان ایک خاندانی خاتون ہے اس نے خاندان کو بھی جوڑ کر رکھا ہوا ہے. یوں فرح خان نے پروگرام میں گوری خان کے ساتھ اپنی دوستی کے حوالے سے بتانے کے ساتھ ساتھ گوری کی تعریفوں کے پل باندھے.

پرائم ویڈیو تھرلر سیریز ”ہش ہش” سے واپسی کرنے والی بالی وڈ اداکارہ آئشہ جھلکا نے حال ہی میں ایک انٹرویو دیا ہے اس میں انہوں نے سلمان خان کے ساتھ اداکاری کے دنوں کو یاد کرتے ہوئے کہا ہے کہ سلمان خان ایک شاندار انسان ہیں. آشا جھلکا نے کہا کہ ہم دونوں نے فلم قربان میں ایک ساتھ کام کیا یہ فلم 1991 میں ریلیز ہوئی تھی ،مجھے یاد ہے کہ سلمان خان سیٹ پر بچا ہوا کھانا پیک کرتے اور پھر کسی فقیر کو ڈھونڈتے اور اسکو دیتے تاکہ وہ کھا سکے. آشا جھلکا نے کہا کہ ہم جب شوٹنگ ختم کرتے تھے تو واپسی پر چاہے جتنی بھی رات ہو چکی ہوتی تھی

لیکن سلمان خان کھانا کسی فقیر کو تلاش کرکے ضرور اسکو دیتے. ان کا یہ روپ مجھے بہت پسند آیا خوشی یہ ہے کہ سلمان خان آج تک چیرٹی کرتے ہیں اور لوگوں کی مدد کرتے ہیں. آشا جھلکا نے کہا کہ بھکاری جو سڑکوں پر سوئے ہوتے تھے ان کو اگر کھانے کے لئے جگانا پڑتا تھا تو جگا دیتے تھے اور کہتے تھے کھانا کھا لو. یاد رہے کہ آشا جھلکا سلمان خان کے علاوہ اکشے کمار کے ساتھ جو جیتا وہی سکندر اور کھلاڑی جیسی سپر ہٹ فلموں میں نظر آئیں . آشا جھلکا نے او ٹی ٹی پلیٹ فارم سے بالی وڈ میں واپسی کی ہے.

بالی وڈ کی معروف رقاصہ و ماڈل ملائکہ اروڑہ خاصی مقبول ہیں اپنے فیشن سٹائل اور رقص کی وجہ سے. انہوں نے 1998 میں سلمان خان کے بھائی ارباز خان کے ساتھ شادی کی، اور ارباز خان کے ساتھ ان کی محبت کی شادی تھی یہ شادی 19 سال کے بعد اپنے اختتام کو پہنچ گئی لیکن ملائکہ اروڑہ اس پر ہیں کافی خوش . ان کا کہنا ہے کہ مجھے خوشی ہے کہ میں اپنے لئے کھڑی ہوئی اور میں نے وہ فیصلہ کیا جو میرا دل چاہتا ہے میں کسی دبائو میں نہیں آئی. عورت کو وہ فیصلہ کرنا چاہیے جو اس کا دل کہتا ہے گھٹ گھٹ کرنہیں رہنا چاہیے. ملائکہ اروڑہ نے

مزید یہ بھی کہا کہ میرے بیٹے کے مجھ سے بہت اچھے تعلقات ہیں اور اب تو میرے تعلقات میرے سابق شوہر کے ساتھ بھی اچھے ہیں اور ہم پہلے سے زیادہ ایک دوسرے کو عزت دیتے ہیں اور سمجھتے ہیں. ملائکہ اروڑہ نے کہا کہ ایسے رشتے میں‌کبھی نہیں رہنا چاہیے کہ جس پہ آپ کا دل نہ مانے مجھے جب لگا کہ مجھے ارباز سے الگ ہوجانا چاہیے میں ہو گئی اور میں نے دنیا کی پرواہ نہیں کی . یاد رہے کہ ملائکہ اورڑہ نے نوے کی دہائی میں شاہ رخ خان کے ساتھ گانا چھئیاں چھئیاں‌پر ڈانس کیا جو آج تک مقبول ہے اسکے علاوہ ان کے کئی پاپ گانے مشہور ہیں جن پر انہوں نے ڈانس کیا جن میں گڑ نالوں عشق مٹھا قابل زکر ہے.

بالی وڈ اداکارہ پریانکا پڑا جو کہ سوشل میڈیا پر کافی متحرک رہتی ہیں ان کی اور امریکی نائب صدر کملا ہیرس کی گفتگو سوشل میڈیا پر کافی وائرل ہو رہی ہے ۔ اداکارہ نے خود اپنے انسٹاگرام اکاﺅنٹ سے تصویریں اور وڈیو پوسٹ کی۔ اداکارہ نے لکھا کہ خواتین کو ہمیشہ سے ہی دبایا جاتا رہا ہے انکی صلاحیتوں کو شک کی نظر سے دیکھا جاتا رہا ہے لیکن خواتین اب ایک اچھے مقام پر ہیں ، اگر مل کر کا م کیا جائے تو غلطیوں کو درست کیا جاسکتا ہے۔ پریانکا چوپڑہ نے تصاویر اور وڈیو کے کیپشن میں یہ بھی لکھا کہ میں نے امریکی نائب صدر کملا ہیرس کو بتایا کہ میرے شوہر امریکہ میں ووٹ ڈال سکتے ہیں

میری بیٹی بھی امریکہ میں ووٹ ڈال سکتی ہے لیکن میں امریکہ میں ووٹ نہیں ڈالتی۔ پریانکا چوپڑا اور امریکی نائب صدر کی گفتگو اور ان کی ملاقات پر سوشل میڈیا مثبت انداز میں تبصرے کیے جا رہے ہیں۔ یاد رہے کہ پریانکا چوپڑہ ہالی وڈ کی فلموں میں بھی کام کر چکی ہیں اور انہیں ہالی وڈ میں خاصی پذیرائی بھی ملی پریانکا اداکاری کے ساتھ گاتی بھی ہیں۔ پریانکا نے انگلش زبان میں گیت گائے ہیں ان کے کریڈٹ پر بالی وڈ کی سپرہٹ‌ فلمیں ہیں . پریانکا چوپڑا نیگیٹیو کردار بھی ادا کر چکی ہیں .

اداکارہ رانی مکھرجی دو دہائیوں سے بالی وڈ انڈسٹری پر راج کررہی ہیں.فلم ” راجہ کی آئے گی بارات” سے انہوں‌ نے اپنے فلمی کیرئیر کا آغاز کیا تاہم ان کی پہلی سپر ہٹ فلم غلام تھی جو کہ 1998 میں ریلیز ہوئی تھی اس کے بعد انہوں نے کچھ کچھ ہوتا ہے میں بھی کام کیا اور پھر پیچھے مڑ کر نہ دیکھا. رانی مکھر جی کا شمار دیکھتے ہی دیکھتے صف اول کی اداکارائوں میں ہونے لگا. رانی مکھر جی اداکارہ کے ساتھ ساتھ اب مصنفہ بھی بن گئی ہیں اور وہ بہت جلد اپنی سوانح عمری ریلیز کریں گی.کہا جا رہا ہے کہ ان کی سوانح عمر ان کی سالگرہ 21 مارچ 2023

کے موقع پر جاری کی جائیگی. سوانح عمری کے بارے میں رانی مکھر جی کا کہنا ہے کہ میں نے بھارتی فلم انڈسٹری میں اتنے پیار سے گزارے 25 سالوں میں کبھی بھی اپنی زندگی اور سینما میں اپنے سفر کے بارے میں اپنے دل کی بات نہیں کی۔ سینما میں خواتین کے طور پر، ہم مسلسل پرکھے جاتے ہیں اور کتاب میری ذاتی آزمائشوں اور مصیبتوں اور اس کے مجھ پر پڑنے والے اثرات کے بارے میں ہے جو کہ پڑھنے والوں کے لئے یقینا متاثر کن ہو گی . را نی مکھر جی مزید کہتی ہیں‌ کہ میری یہ کتاب میری سالگرہ پر ریلیز ہو گی جس طرح‌میری فلموں‌کو پسند کیا گیا یقینا اس کتاب کو بھی پڑھا جائیگا اور میری سالگرہ کے دن کو مزید خاص بنایا جائیگا. یاد رہے کہ رانی مکھر جی آخری بار فلم بنٹی اور ببلی میں نظر آئیں تھیں اب وہ فلم مسز چٹرجی بمقابلہ ناروے میں نظر آئیں گی۔

بالی وڈ اداکارہ دیپیکا پاڈوکون کی طببیعت اب سنبھل گئی ہے اور وہ اپنے کام پر واپس بھی آ گئی ہیں ،. رپورٹس کے مطابق دیپیکا پاڈوکون نے اپنی روٹین کی مصروفیات کا پھر سے آغاز کر دیا ہے، رپورٹس یہ بھی ہیں صحتیاب ہونے کے بعد دیپیکا کو ممبئی ائیر پورٹ پر بھی دیکھا گیا وہ کافی ہشاش بشاش اور خوش دکھائی دے رہی تھیں. دیپیکا پاڈوکون کو سینے میں درد کی شکایت تھی جس کے بعد ان کی کافی طبیعت خراب ہوئی اور ان کو ممبئی کے بریچ کینڈی اسپتال میں داخل کیا گیا تھا، وہاں ان کے ٹیسٹ کئے گئے اور ان کو ٹریٹمنٹ بھی دیا گیا، تاہم دیپیکا کی طبیعت

میں اب کافی بہتری آ چکی ہے. اس خبر سے دیپیکا کے پرستاروں میں خوشی کی لہر دوڑ گئی ہے. اس کے ساتھ ساتھ دیپیکا پاڈوکون اور رنویر سنگھ کی علیحدگی کی خبریں سوشل میڈیا پر چل رہی ہیں لیکن اطلاعات یہ ہیں کہ ان خبروں میں کسی قسم کی صدقت نہیں ہے یہ خوبصورت جوڑا ایک دوسرے کے ساتھ خوش ہے بلکہ رنویر سنگھ کا ایک حالیہ کلپ وائرل ہو رہا ہے جس میں دیپیکا کی تعریفیں کرتے دکھائی دے رہے ہیں اور خواہش کا اظہار کررہے ہیں کہ چاہتا ہوں‌ کہ اہلیہ کے ساتھ دوبارہ کام کرنے کا موقع میسر آئے.

بالی وڈ اداکار دھرمیندر اور دلیپ کمار کی دوستی کتنی گہری رہی ہے یہ تو سب جانتے ہیں صدیوں کے اداکار دلیپ کمار کا انتقال ہوچکا ہے لیکن دھرمیندر کی یادوں میں دلیپ آج بھی زندہ ہیں.دھرمیندر اکثر و بیش تر دلیپ کمار کی وڈیوز لگاتے رہتے ہیں ان کے بارے میں لکھتے رہتے ہیں. حال ہی میں انہوں نے ٹویٹر پر ایک وڈیو شئیر کی ہے وہ وڈیو ہے دلیپ کمار کی، اس وڈیو میں دلیپ کمار کہہ رہے ہیں مشرقی میوزک میں جذباتیت اور شاعری بہت زیادہ ہوتی ہے خصوصی طور پر شاعری بہت زیادہ اچھی ہوتی ہے . جب بھی اچھے لفظوں میں گائے ہوئے اچھے گیت یاد آتے ہیں تو ماضی کی پوری زندگی کی یاد آجاتی ہے اور اسکا اثر یاداشت سے زیادہ ہوتا ہے. اس وڈیو کے کیپشن میں دھرمیندر نے لکھا کہ اس کی

وضاحت کون کر سکتا ہے. اسی ٹویٹ کے ساتھ انہوں نے یہ بھی لکھا کہ ہم فطرت ہونے کا احساس ہوتا ہے کاش یہ دلکش انداز مجھے بھی نصیب ہوتا. یاد رہے کہ دلیپ کمار بھی دھرمیندر کی بہت تعریف کرتے تھے ایک ایوارڈ شو میں انہوں نے کہا تھا کہ جب بھی دھرمنیدر کو دیکھتا ہوں تو خدا سے کہتا ہوں کہ کیوں مجھے اس جیسا خوبصورت نہیں بنایا. دوسری طرف دھرمیندر کا کہنا ہے کہ انہوں نے دلیپ کمار کو دیکھ کر اداکاری کی شروعات کی.

امیشا پاٹیل اور عمران عباس کی چند ہفتے پہلے ایک ملاقات ہوئی اس ملاقات کی وڈیو بھی وائرل ہوئی اس میں دونوں‌کو خوش گپیاں کرتے دیکھا جا سکتا ہے. جب سے عمران عباس اور امیشا پاٹیل کی وڈیو منظرعام پر آئی ہے سوشل میڈیا پر مختلف قسم کے تبصرے کئے جا رہے ہیں کہیں کہا جا رہا ہے کہ دونوں کا افئیر ہے کہیں کہا جا رہا ہے کہ دونوں شادی کرنے والے ہیں. لیکن امیشا پاٹیل نے ان افواہوں پر اب بات کی ہے. امیشا پاٹیل نے کہا ہے کہ میں بھی افواہوں کو سنا ہے سوشل میڈیا پر جو لکھا جا رہا ہے اس کو بھی پڑھ رہی ہوں جب میں نے یہ سب پڑھا تو میں نے زور دار

قہقہ لگایا. حالانکہ میں تو اپنے ایک پرانے ساتھی سے ملی تھی وہ بھی کئی برسوں کے بعد. ہم دونوں کئی برسوں سے ایکدوسرے کو جانتے ہیں. میں تو تب سے عمران عباس کو جانتی ہوں جب سے ہم دونوں امریکہ میں ایک ساتھ پڑھتے تھے. اب کافی برس کے بعد ہم دونوں کسی ایونٹ پر ملے اور فیصلہ کیا کہ بعد میں دوبارہ ملاقات کریں گے بس جب ہم ملے تو ہم نے وڈیو بنائی اور اپنے مداحوں کے ساتھ شئیر کردی . اس میں ایسی کیا بات ہو گئی کہ افواہوں کا بازار گرم ہو گیا کہ ہم دونوں کے درمیان دوستی بڑھ کر کچھ ہے یا ہمارا افئیر چل رہا ہے.

رنویر سنگھ اور دیپیکا پاڈوکون کا شمار اس وقت بالی ووڈ کے مشہور ترین ستاروں میں ہوتا ہے دونوں سوشل میڈیا پر ایک دوسرے کی پوسٹوں پر کمنٹس کر کے محبت کا اظہار بھی کرتے رہتے ہیں. حال ہی میں رنویر سنگھ نے ایک تقریب میں شرکت کی وہاں ان سے ان کی اہلیہ دیپیکا کے ساتھ تعلقات پر سوال ہوا تو انہوں نے کہا کہ ہم دونوں کے بہت اچھے تعلقات ہیں ، ہماری 2012 میں پہلی ملاقات ہوئی اور اس کے بعد ہمارا ملنا ملانا شروع ہو گیا. ہماری دوستی کو دس سال ہو گئے ہیں. اس موقع پر انہوں نے کیا ایک خواہش کا اظہار بولے ، میں اپنی اہلیہ دیپیکا پاڈوکون کے ساتھ ایک بار پھر سکرین شئیر کرنا چاہتا ہوں‌میری خواہش ہے کہ ہم دونوں ایک دوسرے کے ساتھ کام کریں. ہم دونوں نے باجی رائو مستانی ، رام لیلا و دیگر فلموں میں ایک ساتھ کام کیا ان میں ہم دونوں

کو ایک ساتھ بہت پسند کیا گیا. میری خواہش ہے کہ ہم دونوں کو ایک بار پھر ایک ساتھ کام کرنے کا موقع میسر آئے . گفتگو کے دوران انہوں نے اپنی اہلیہ دیپیکا پاڈوکون کے کام کی کھل کر تعریف کی. یاد رہے کہ رنویر سنگھ بولڈ فوٹو شوٹ کے کیس میں پھنسے ہوئے ہیں ابھی تک ان کو اس کیس کے حوالے سے کلئیرنس نہیں ملی ، اس کیس میں ان کی اہلیہ دیپیکا اور ان کے بالی وڈ کے دوستوں نے خوب دیا ساتھ جبکہ بھارت میں ان کے خلاف انتہا پسندوں کے گروہ نے مظاہرے کئے.

بالی وڈ کے فلمساز کرن جوہر نے حال ہی میں بات کی ان کو آن لائن ملنے والی نفرت پر. انہوں نے کہا ہے کہ ایک عرصہ سے میں ٹرول ہو رہا ہوں. اور وقت گزرنے کے ساتھ ساتھ میں نے خود کو اتنا مضبوط کر لیا ہے کہ اب مجھے آن لائن ٹرولنگ پریشان نہیں کرتی. لوگ کیا سوچتے ہیں میں اب اسکے بارے میں بھی بہت زیادہ نہیں سوچتا. میرے خلاف گھٹیا، خوفناک باتیں لکھی جاتی ہیں ٹرول کرنے والے میرے بچوں کو بھی نہیں چھوڑتے اور گالیاں دیتے ہیں. کرن جوہر نے یہ بھی انکشاف کیا کہ وہ زیر علاج ہیں اور ماضی میں انہیں پریشانی کے مسائل کا سامنا رہا ہے اور

پانچ سال تک وہ اسی جنگ کو لڑتے رہے. انہوں نے کہا کہ یہی وہ وقت تھا جب میں نے کھل کر اپنے ڈاکٹر سے بات کی اور علاج جاری رکھا. یاد رہے کہ کرن جوہر کی حال ہی میں فلم براہمسٹرا ریلیز ہوئی ہے اور اسے عوام میں خاصی پذیرائی ملی ہے. اسکے بعد کرن جوہر راکی اور رانی کی پریم کہانی کی تیاری میں مصروف ہیں اس میں عالیہ بھٹ ، رنویر سنگھ ، جیا بچن ، شبانہ اعظمی اور دھرمیندر نظر آئیں گے.اس فلم کی ریلیز کے فوراً بعد کرن جوہر ایک ایکشن فلم پر کام شروع کریں گے۔ تاہم آج کل ان کا شو کافی ود کرن کامیابی سے جاری ہے اس شو کی ہر قسط کسی نہ کسی سوال یا جواب کے حوالے سے کنٹرورشل ہوجاتی ہے.