Tag: بالی وڈ

عرفی جاوید جو کہ بولڈ کپڑے پہننے کی وجہ سے تنقید کا نشانہ بنتی ہیں. حال ہی میں انہوں نےایک ایونٹ میں بطور مہمان شرکت کی وہاں انکے کپڑوں پر کافی جملے کسے گئے ، پہلے تو عرفی چپ رہیں لیکن ان کی برداشت کا پیمانہ آخر کار لبریز ہو ہی گیا اور وہ میڈیا پر برس پڑیں. عرفی جاوید میڈیا کو پوز دے رہی تھیں کہ ان کے کپڑوں پر الٹے سیدھے تبصرے ہونے لگے ان سے اسی حوالے سے سوال بھی ہونے لگے یہ چیز نا پسند آئی عرفی کو انہوں‌ نے شدید غصے کا اظہار کرتے ہوئے کہا کہ میں یہاں تم لوگوں‌ کی باتیں سننے نہیں آئی ہوں تمہیں اگر کپڑوں پر تبصرہ کرنا ہی ہے تو اپنی گرل فرینڈ اور ماں بہن کے گھر پر جاکے کرو۔ میرے کپڑوں پر کوئی تبصرہ نہیں

کرے گا۔اب آپ میں سے کسی کی طرف سے اس حوالے سے کوئی بات نہیں‌ہونی چاہیے. میں آپ لوگوں‌کو بہت زیادہ عزت دیتی ہوں اور یہی عزت مجھے واپس بھی ملتی ہے لیکن اس طرح‌سے میرے کپڑوں پر تبصرہ کرنے کا کسی کو حق نہ ہے نہ میں دوں گی. یاد رہے کہ عرفی جاوید شیشے کے ٹکڑوں سے لے کر رسیوں تک اپنے مختلف انداز کے لباس کے لیے جانی جاتی ہیں، عرفی بولڈ ضرور ہیں لیکن ان کے کپڑوں‌ پر کوئی رتی برابر بھی تبصرہ کرتا ہے تو وہ اسکو دھو ڈالتی ہیں.

بالی وڈ فلم انڈسٹری پر تین دہائیوں تک راج کرنے والی اداکارہ اور سابق مس ورلڈ ایشوریہ رائے بچن جو لگ بھگ پانچ سال سے سلور سکرین سے دور ہیں. ایشوریا رائے کو دیکھے کےلئے ان کے مداح ہر وقت بے چین رہتے ہیں. سابق مس ورلڈ اب بالی وڈ میں واپسی کی تیاری کر چکی ہیں. جی ہاں ایشوریا رائے بچن کی فلم پونین سیلون رواں ماہ تیس تاریخ کو سینما گھروں کی زینت بننے جا رہی ہے. یہ خبر یقینا ایشوریا رائے کے پرستاروں کے لئے کسی خوشخبری سے کم نہیں ہے.فلم کا ٹریلر بھی جا ری کر دیا گیا ہے ایشوریا اس فلم میں دو مختلف کرداروں میں‌نظر آئیں

گی. پونین سیلون تامل فلم ہے اسکا انتظار ان کے مداح بے صبری سے کررہے ہیں لہذا فلم کی ریلیز کی تاریخ کا اعلان کر دیا گیا ہے تیس ستمبر کو یہ فلم بھارت سمیت دنیا کے دیگر ملکوں میں ریلیز ہونے جا رہی ہے.معروف فلم ڈائریکٹر منی رتنم کی ہدایت کاری میں بننے والی ’پونین سیلون‘ ایک کلاسک تامل ناول پر مبنی ہے جو حقیقت پر مبنی تاریخی واقعات پرمشتمل ہے.یاد رہے کہ ایشوریا رائے کا شمار بالی وڈ کی کامیاب اداکارائوں میں ہوتا ہے انہوں‌نے بالی وڈ کے تمام بڑے اور نامورہیروز کے ساتھ کام کیا ہے. ایشوریا رائے کے ویسے تو ہر کردار کو پسند کیا گیا لیکن دیوداس میں ان کے پارو کے کردار نے شائقین کے دل جیت لئے تھے.

انوشکا شرما جو کافی عرصے سے سلور اسکرین سے دور ہیں، ان کے پرستاروں کے لئے خوشخبری ہے کہ ان کی پسندیدہ اداکارہ اب فلم چکدا ایکسرپریس سے سلور سکرین پر واپسی کررہی ہیں. فلم چکدا ایکسپریس کی شوٹنگ لندن میں شروع ہو چکی ہے اس میں انوشکا شرما ایک بھارتی خاتون کرکٹر جھولن گوسوامی کا کردار ادا کرتی نظر آئیں گی۔ انوشکا فلم کے لیے سخت ٹریننگ بھی کر رہی ہیں اور اکثر اپنے سوشل میڈیا ہینڈل پر تصاویر اور ویڈیوز شیئر کرتی رہتی ہیں۔ پروسیت رائے کی ہدایت کاری میں بننے والی چکدا ایکسپریس جھولن گوسوامی کی زندگی پر مبنی ہے جو 2012 میں پدم شری حاصل کرنے والی دوسری ہندوستانی خاتون کرکٹر بنیں۔ انوشکا شرما کا کہنا ہے اس فلم

میں یہ بتانے کی کوشش کی گئی ہے کہ خواتین بھی کرکٹ کھیل سکتی ہیں اور کھیل کے میدان میں اپنا نام بنا سکتی ہیں. وہ کہتی ہیں کہ عموما یہ تصور کیا جاتا ہے کہ ہندوستان کی لڑکیاں کرکٹ میں اپنا کیرئیر نہیں‌بنا سکتیں ہم اس دقیا نوسی تصور کو اس فلم کے زریعے تبدیل کرنے کی کوشش کریں گے. اس فلم میں اداکارہ انوشکا شرما چار سال بعد اداکاری میں واپسی کر رہی ہیں.انوشکا آخری بار 2018 کی فلم ’زیرو‘ میں شاہ رخ خان اور کترینہ کیف کے ساتھ نظر آئی تھیں۔ اس کے بعد انہوں نے ایک طویل وقفہ لیا اوراپنے پہلے بچے وامیکا کی پرورش میں‌مصروف رہیں.

رنبیر کپور اور عالیہ بھٹ کی فلم براہمسٹرا ریلیز ہونے کو ہے لیکن رنبیر کپور اور عالیہ بھٹ کافی پریشان ہیں کیونکہ ان کی فلم کے لئے بائیکاٹ کا ٹرینڈ چل رہا ہے. رنبیر کپور کے پرانے ایک انٹرویو سے ایک کلپ نکال کر سوشل میڈیا پر وائرل کرنے کے بعد اس میں کہی گئی اس بات کو ایشو بنایا گیا کہ رنبیر کپور گائے کا گوشت کھاتے ہیں. رنبیر کپور سے جب حال ہی میں‌ پوچھا گیا کہ وہ بائیکاٹ کلچر کے بارے میں‌ کیاسوچتے ہیں؟‌تو انہوں نے کہا کہ اگر فلم اچھی ہو گی تو پسند کی جائیگی اگر فلم اچھی نہیں ہو گی تو اسے پسند نہیں‌کیا جائیگا. انہوں نے کہا کہ بات صرف اتنی ہے کہ کہانی کیسی ہے؟‌اگر کہانی اچھی ہے تو پھر پسند کی جائیگی اور نہ چاہتے ہوئے بھی لوگ

دیکھنے کےلئے آئیں گے. انہوں نے یہ بھی کہا کہ میری فلم شمشیرا ریلیز ہوئی یہ باکس آفس پر ناکام رہی اور ناکامی کی وجہ یہ رہی کہ لوگوں کو یہ فلم پسند نہیں‌آئی. اس حوالے سے میرے دل میں‌ کوئی منفی خیالات نہیں‌ ہیں یقینا لوگوں‌کو پسند نہیں آئی تبہی تو فلاپ ہوگئی. رنبیر نے زور دے کر کہا کہ اگر کہانی اچھی ہو گی تو لوگ اسے پسند کریں گے اور فلم کو تفریح کے طور پر دیکھنے کےلئے سینما گھروں‌کا رخ کریں گے. یوں رنبیر کپور نے بائیکاٹ کلچر پر بچ بچا کر بات کی تاکہ مزید ان کی کسی بات کو پکڑ نہ لیا جائے اور اس کا اثر ان کی ریلیز ہونے والی فلم براہمسٹرا پر ہو .

بالی وڈ کی گلوکارہ آشا بھوسلے کی سالگرہ کے موقع پر ہم ان کے چند بہترین گانے آپ کو یاد کروا رہے ہیں.یہ وہ گیت ہیں جو ہر دور میں مقبول رہے اور آج بھی یہ گیت گائے اور سنے جاتے ہیں.آشا بھوسلے نے ہر اداکارہ کی اداکاری کے انداز کو سمجھ کر گایا نتیجہ یہ رہا کہ ایسا لگتا تھا وہ ہیروئین یہ گیت خود ہی گا رہی ہے.
مڑ مڑ کے نہ دیکھ مڑ مڑ‌کے ، چھوڑ دو آنچل زمانہ کیا کہے گا ، حال کیسا ہے جناب کا ، اک پردیسی میرا دل لے گیا .آئیے مہرباں بیٹھیے جان جاں یہ . ابھی نہ جائو چھوڑ‌کر دل ابھی بھرا نہیں ، اشاروں اشاروں میں دل لینے والے،

یہ ریشمی زلفوں کا اندھیرا، زرا ہولے ہولے چلو میرے بالما ، پردے میں‌رہنے دو ، میری بیری کے بیر مت توڑو ، گنگنا رہے ہیں بھنورے کھل رہی ہے کلی کلی ، کجرا محبت والا آکھیوں‌میں ایسا ڈالا ، دم مارو دم ، چرا لیا ہے تم نے جو دل کو ، سجنا ہے مجھے سجنا کے لئے ، کوئی شہری بابو دل لہری بابو، یہ لڑکا ہائے اللہ کیسا ہے دیوانہ ، دل چیز کیا ہے آپ میری جان لیجیے ، جستجو جسکی تھی ، تو تو ہے وہی دل نے جسے اپنا کہا ، جوانی جان من حیسن دلربا ، اور کیا عہد وفا ہوتے ہیں ، پیار میں دل پہ مار دے گولی .

آشا بھوسلے کا شمار بالی وڈ کی صف اول کی گلوکارائوں میں ہوتا ہے، کم عمری میں انہوں‌ نے گانا شروع کیا.آشا بھوسلے کا کیرئیر آٹھ دہائیوں پر محیط ہے اس دوران انہوں‌ نے فلمی موسیقی، پاپ، غزلیں، بھجن، روایتی ہندوستانی کلاسیکی موسیقی، لوک گیت، قوالی، اور رابندر سنگیت گایا. آشا نے ہندی کے علاوہ 20 سے زیادہ ہندوستانی اور غیر ملکی زبانوں میں گایا. آشا بھوسلے کی آواز میں‌ گائے ہوئے گیت مدھوبالا سے لیکر مادھوری ڈکشٹ پر فلمائے گئے. ویسے تو آشا بھوسلے نے آٹھ دہائیوں میں ہر گلوکار کے ساتھ گایا اور داد سمیٹی لیکن محمد رفیع اور کشور کمار کے ساتھ ان کے گائے ہوئے گیت آج بھی میوزک کے متوالے یاد رکھے ہوئے ہیں. آشا بھوسلے نے پاپ گیت بہترین انداز میں گائے وہ ہر دور کے ہر طرح کے میوزک میں اپنی آواز اور انداز کو ڈھال لیتی تھیں. انہوں نے آرڈی برمن سے

شادی کی. آشا بھوسلے نے تمام عمر ساڑھی زیب تن کی.ان کے کریڈٹ پر ایسے لازوال گیت ہیں جو کہ رہتی
دنیا تک ان کا نام زندہ رکھیں گے.آشا بھوسلے کو ان کی خدمات کے اعتراف میں دو نیشنل فلم ایوارڈز، چار بی ایف جے اے ایوارڈز، اٹھارہ مہاراشٹر اسٹیٹ فلم ایوارڈز، نو فلم فیئر ایوارڈز بشمول لائف ٹائم اچیومنٹ ایوارڈ دئیے گئے.آشا بھوسلے کی دو بار گریمی ایوارڈز کے لئے نامزدگی بھی ہوئی.انہیں دادا صاحب پھالکے ایوارڈ اور پدم وبھوشن سے بھی نوازا گیا.آشا بھوسلے لتا منگیشکر کی بہن ہیں.آشا بھوسلے 8 ستمبر 1933 کو پیدا ہوئیں اور آج آشا بھوسلے اپنی 89 سالگرہ منا رہی ہیں.

بگ باس 13 سے شہرت کی بلندیوں کو چھونے والی شہناز گل جو سلمان خان کی فلم کسی کا بھائی کسی کی جان سے بالی وڈ میں ڈیبیو کررہی ہیں، وہ سوشل میڈیا پر چھائی رہتی ہیں کبھی وہ ہمیں‌گانا گاتی ہوئی نظر آرہی ہوتی ہیں اور کبھی وہ کچھ کہتی ہوئی سنائی دے رہی ہوتی ہیں. شہناز گل کو آڑھے ہاتھوں اس وقت لیا گیا جب ان کے کسی بھی سوشل میڈیا اکائونٹ پر ان کی طرف سے سدھارتھ شکلہ کی پہلی برسی پر کچھ نہ کہا گیا. تاہم شہناز گل نے حال ہی میں ایک انٹرویو دیا ہے اس میں انہوں نے سدھارتھ شکلہ کا زکر کیا ہے انہوں نے کہا ہے کہ سدھارتھ مجھے ہمیشہ ہی ہنستے مسکراتے ہوئے دیکھنا چاہتا تھا، اسے میں ہنستی ہوئی بہت اچھی لگتی تھی لہذا میں ہنستی مسکراتی ہی

رہوں گی اور اپنا کام کرتی جائوں گی مجھےخوش رہ کر سدھارتھ کو خوش رکھنا ہے. شہناز گل نے یہ بھی کہا کہ مجھے بہت سارا کام کرنا ہے مجھے ابھی بہت آگے جانا ہے. انہوں نے کہا کہ میں جب تیار ہوتی ہوں تو مجھے اپنا آپ بہت اچھا لگتا ہے مجھے ایسا لگتا ہے کہ جیسے میں سب سے بیسٹ ہوں. شہناز گل نے مزید یہ بھی کہا کہ پیار دیں پیار لیں. پیار بانٹیں گے تو خوشیاں ملیں گی اس لئے پیار کا دامن نہ چھوڑیں.

شتروگن سنہا کی بیٹی بالی وڈ اداکارہ سوناکشی سنہا نے حال ہی میں دئیے گئے ایک انٹرویو میں کہا ہے کہ وہ کھانے پینے کی بہت شوقین ہیں. وہ پیزا بھی کھا لیتی ہیں، چائینز بھی کھا لیتی ہیں. تھائی فوڈ بھی مزے سے کھاتی ہیں. لیکن چاول واحد ایسی چیز ہیں جو وہ بہت زیادہ شوق سے اور بہت زیادہ کھاتی ہیں . انہوں نے کہا کہ میں سب کچھ شوق سے کھا لیتی ہوں لیکن جب بات ہو رائس کی تو میں سب کچھ چھوڑ کر رائس کی طرف ہوجاتی ہوں اور میرا دل ہی نہیں بھرتا چاہے مجھے جتنے مرضی رائس کھلا دو یہاں تک کہ اگر مجھے پلیٹ میں چاولوں کے دو بڑے پہاڑ ہی کیوں نا بنا دئیے جائیں میں کھا لوں گی. سوناکشی کے مطابق ان کی لسٹ میں چاولوں کو نہ نہیں ہے. انہیں جب بھی اور جتنے بھی رائس دئیے

جائیں وہ کھا لیتی ہیں. یاد رہے کہ بالی وڈ فلموں میں اینٹری سے پہلے سوناکشی سنہا بہت موٹی تھیں ان کا وزن 90 کلو سے بھی زیادہ تھا انہوں نے دبنگ سلمان خان کے کہنے پر اپنا وزن کم کیا اس کے بعد انہی کے ساتھ فلم دبنگ میں بطور ہیروئین کام کیا. سوناکشی اس فلم میں اچھی خاصی سلم لگ رہی ہیں سوناکشی کو ان کی پہلی فلم سے ہی شائقین نے پسند کیا اور دیکھتے ہی دیکھتے انکا شمار بالی وڈ کی بہترین اداکارائوں میں ہونے لگا.

بالی وڈ اداکارہ اور رقاصہ راکھی ساونت کے انسٹاگرام پر فالورز کی تعداد 10 ملین ہو گئی ہے اس خوشی کو انہوں نے منایا اپنے بوائے فرینڈ عادل کے ساتھ. راکھی ساونت نے سوشل میڈیا پر ایک وڈیو شئیر کی جس میں وہ اپنے بوائے فرینڈ عادل کے ساتھ 10 ملین فالورز ہونے کی خوشی میں کیک کاٹ رہی ہیں . اس موقع پر انہوں نے کہ میں‌اپنے فالورز کی شکر گزار ہوں. میں بہت خوش ہوں کہ میرے فالورز کی تعداد 10 ملین ہو گئی ہے لوگوں کے تو پچاس پچاس ملین ہیں اور میرے 10 ملین ہونے میں اتنے سال لگ گئے. راکھی کی اس بات پر ان کے سامنے کھڑے ایک کیمرہ مین نے کہا کہ جب آپ کا اور عادل کا گانا آئیگا تو آپ کے فالورز کی تعداد 20 ملین ہو جائیگی. یاد رہے کہ راکھی ساونت ڈرامہ کوئین کے نام سے جانی

جاتی ہیں. انہوں نے حال ہی میں ایک انٹرویو دیا ہے جس میں انہوں نے کہا ہے کہ میرے بوائے فرینڈ عادل نے مجھے ایسے کپڑے پہننے سے منع کیا ہے جس سے جسم کی نمائش ہو لہذا میں ان کی اس بات کو ضرور مانوں گی. انسٹاگرام پر اپنے فالورز کی تعداد 10 ملین ہونے پر انہوں نے خوشی کا اظہار کرتے ہوئے کہا ہے کہ میں آج جو بھی ہوں اپنے مداحوں کی بدولت ہوں . میرے مداحوں نے ہمیشہ مجھے بہت زیادہ پیار دیا ہے جس کےلئے میں ان کی شکر گزار رہوں گی.

سوشل میڈیا پر پر وقت موضوع بحث رہنے والی عرفی جاوید نے حال ہی میں ایک انٹرویو دیا ہے اور کہا ہے کہ میں اداکار رنویر سنگھ کو بہت پسند کرتی ہوں ان کی ہر فلم بہت شوق سے دیکھتی ہوں. مجھے تو اس حد تک پسند ہیں کہ اگر وہ مجھے شادی کرنے کےلئے کہیں تو میں شادی بھی کر لوں گی. ویسے تو ان کی اہلیہ دیپیکا پاڈوکون بہت خوبصورت ہیں وہ ان کے ساتھ بہت اچھے لگتے ہیں لیکن اگر رنویر سنگھ دیپیکا کے بعد کسی عورت سے شادی کرنا چاہیں تو میں تیار ہوں. مجھے ان کی اہلیہ بن کر بہت خوشی ہو گی. عرفی جاوید نے یہ بھی کہا کہ مجھے سمجھ نہیں آتی کہ میں جو بھی پہنتی ہوں وہ اتنا ڈسکس کیوں ہوتا ہے اور میں جو بھی کہتی ہوں اس پر اتنا وبال کیوں اٹھتا ہے. انہوں نے کہا کہ میں‌نے ابھی

شادی کا فیصلہ نہیں کیا جب مجھے کوئی اچھا لڑکا ملے گا شادی کر لوں گی لیکن اگر رنویر مجھ سے شادی کرنا چاہیں تومیں تیار ہوں. عرفی نے مزید یہ بھی کہا کہ میں شلوار قمیض پہنوں یا مغربی لباس مجھ پر ہونی تو تنقید ہی ہے تو پھر میں کیوں نا اپنی مرضی کے مطابق کپڑے پہنوں.انہوں‌نے کہا کہ مجھ پہ الزام لگتا ہےکہ میں‌میڈیا کو پیسے دیکر اپنی کوریج کرواتی ہوں حالانکہ ایسا بالکل نہیں ہے میڈیا خود میرا پیچھا کرتا رہتا ہے جہاں میں ہوتی ہوں‌پہنچ جاتا ہے. انہوں نے میڈیا سے ہی سوال کر ڈالا اور کہا کہ آپ ہی بتائیے میں آپ لوگوں کو پیسے دیتی ہوں؟