Baaghi TV

Tag: بجلی

  • لاڑکانہ،پانچ دن سے بجلی نہیں، آصف زرداری کا نوٹس

    لاڑکانہ،پانچ دن سے بجلی نہیں، آصف زرداری کا نوٹس

    لاڑکانہ میں 5 روز سے بجلی نہیں، شہریوں کی عید خراب، سابق صدر متحرک ہو گئے، شدید گرمی میں بجلی کی عدم فراہمی کا نوٹس لیتے ہوئے سابق صدر آصف زرداری نے صوبائی وزیر توانائی کو بجلی بحالی کے کام کی خود نگرانی کرنے کی ہدایت کر دی

    سابق صدر آصف علی زرداری نے لاڑکانہ،دادو،شہدادکوٹ اور قمبر کے متعدد علاقوں میں بجلی کی بندش کا نوٹس لے لیا. آصف زرداری نے وزیر توانائی سندھ کو ہدایت کی کہ فوری طور پر وفاقی سیکریٹری پاور ڈویژن سے رابطہ قاٸم کیا جائے لاڑکانہ سمت تمام متاثرہ اضلاع کی بجلی فوری بحال کی جائے

    وزیر توانائی سندھ امتیاز شیخ نے سیکریٹری پاورڈوژن سے رابطہ کیا، ترجمان کے مطابق وزیر توانائی سندھ ماثرہ جگہ پہنچ کر خود کام کی نگرانی کررہے ہیں،سی ای او سیپکو سمیت تمام افسران اور سیپکو اہکار متاثرہ جگہ پر موجود ہیں،وزیر توانائی سندھ امتیاز شیخ کا کہنا ہے کہ ٹرانسمیشن لاٸن کے پول گرجانے کی وجہ سے ترسیلی نظام میں خرابی ہوگٸی ہے جس کی وجہ سے لاڑکانہ، دادو اور دگر اضلاع میں بجلی کا نظام متاثر ہوا ہے کام جاری ہے امید ہے آج شام تک تمام اضلاع میں بجلی بحال کردی جائے گی

    وزیر توانائی آج صبح خود سیپکو کے دفتر پہنچ گئے ،سی ای او سیپکو، افسران اور تمام اہلکاروں کو ہنگامی بنیادوں پر طلب کرلیا،

    سماجی رابطے کی ویب سائٹ ٹویٹر پر ٹویٹ کرتے ہوئے ایک صارف کا کہنا تھا کہ لاڑکانہ: 27 جون 2023 سے تاحال بجلی بند ہے، اس قیامت خیز گرمی میں عوام سے تمام بنیادی سہولیات چھین لی گئیں ہیں، عوام کو ریلیف دینا جو کہ کسی بھی حکومت وقت کی اولین ترجیح ہوتی ہے جس میں سندھ حکومت مکمل طور پر ناکام ہوگئی ہے

    https://twitter.com/Samee237/status/1675026430965735424

    دوسری جانب وفاقی وزیر توانائی خرم دستگیر کا کہنا ہے کہ سکھر الیکٹرک پاور کمپنی کے 132 کے وی ٹاور،خراب موسم سے گرے ،14 گرڈ سٹیشن متاثر ہو ئے ، 7 گرڈ کل بحال کر دئے گئے 4 کو آج بحال کر دیا گیا ہے ٹاور گرنے سے لاڑکانہ اور دادو کے علاقوں میں سپلائی ایک چوتھائی ہے نئے ٹاور تیزی سے کھڑے ہوتے ہی گرڈ فوری بحال کر دئے جائیں گے

    لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

    کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

    محبت کا ڈرامہ رچا کر لڑکی کی غیر اخلاقی تصاویر بنا کر بلیک میل کرنیوالا گرفتار

    جیل حکام خواتین قیدیوں کی عزتیں تارتارکرتے ہیں، پیدا ہونے والے بچوں کوقتل کردیا جاتا ہے،لاہورجیل سے خاتون قیدی کی ویڈیووائرل

    جیلوں میں قید خواتین کو ریلیف فراہم کرنے کے حوالے سے سفارشات پر مبنی رپورٹ وزیراعظم کو پیش

  • لاہور میں بارش،موسم خوشگوار،سڑکوں پر پانی،ٹریفک جام،بجلی بند

    لاہور میں بارش،موسم خوشگوار،سڑکوں پر پانی،ٹریفک جام،بجلی بند

    باغی ٹی وی کی رپورٹ کے مطابق پنجاب کے صوبائی دارالحکومت لاہو رمیں بارش سے جہاں موسم خوشگوار ہو گیا وہیں دوسری جانب لاہور کی سڑکیں تالاب کا منظر پیش کرنے لگیں، سڑکوں‌پر ہر طرف پانی،ٹریفک جام، نکاسی آب کا کوئی انتظام سامنے نہ آیا

    شدید ترین گرمی کے بعد لاہور میں بارش سے گرمی کی شدت کم ہو گئی، پیر کی صبح لاہور میں طوفانی بارش ہوئی، بارش کی وجہ سے ایک طرف کئی علاقوں کی بجلی چلی گئی تو دوسری جانب گلیوں، سڑکوں پر ہر طرف پانی ہی پانی ہے، چوبرجی چوک، راجگڑھ، جین مندر، کلمہ چوک، قینیچی، ڈی ایچ اے، شاہدرہ ، ٹھوکر سمیت ہر طرف سڑکوں پر تالاب ہی تالاب بنے ہوئے ہیں ، نکاسی آب کا مقامی حکومت نے خاطر خواہ انتظامات نہیں کیا، سڑکوں‌پر پانی کی وجہ سے ٹریفک بھی کئی علاقوں میں شدید ترین جام ہو چکی ہے،

    لاہور میں موسلادھار بارش کے باعث 90 سے زائد فیڈرز ٹرپ کر گئے ہیں جس کی وجہ سے مختلف علاقوں میں بجلی بند ہو گئی ہے،سبزہ زار، شاد باغ، وارث روڈ، سمن آباد، واپڈا ٹائون ،ٹھوکر نیاز بیگ، باغبانپورہ، ریلوے کالونی کے مختلف علاقوں میں بجلی بند ہے، لیسکو حکام کا کہنا ہے کہ لاہور سمیت لیسکو ریجن میں موسلادھار بارش کا سلسلہ آج دوسرے روز بھی جاری ہے۔اس وقت لیسکو کے 95 فیڈرز سے بجلی کی سپلائی عارضی طور پر معطل ہے.لاہور سمیت مختلف شہروں میں مسلسل بارش کے نتیجے میں پانی کھڑا ہونے سے بجلی بحالی کے کاموں میں مشکلات کا سامنا کرنا پڑ رہا ہے۔ جن علاقوں میں بارش کا سلسلہ تھم گیا ہے وہاں بجلی بحالی کے کام جاری ہیں.چیف ایگزیکٹو انجینئر شاہد حیدر بجلی بحالی کے کاموں کی خود مانیٹرنگ کررہے ہیں.کسی بھی ہنگامی صورتحال میں اپنے متعلقہ علاقے کے کمپلینٹ آفس سے فوری رابطہ کریں یا ان نمبروں 0320-0520888 ، 118 پر اطلاع دیں۔

    حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر

    برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے

    کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس

    وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟

    9 مئی کے بعد زمان پارک کی کیا حالت ہے؟؟

    دوسری جانب بارش سے گلبرگ میں‌ عمارت کی دیوار گری ہے، جس کا ڈی سی لاہور رافعہ حیدر نے نوٹس لے لیا اور کہا کہ زیر تعمیر عمارت کی دیوار گرنے سے بننے والا گڑھا سڑک کے انتہائی قریب تک پہنچ چکا ہے۔ حفاظتی انتظامات کے پیش نظر متاثرہ علاقہ ٹریفک کے لیے بند، سڑک اور اطراف کو سیل کر دیا گیا ہے۔اے سی ماڈل اور ایل ڈی اے ٹیمیں موقع پر پہنچ کا جائزہ لے رہی ہیں۔ حالات مکمل قابو میں آنے تک متعلقہ عمارت کی تعمیراتی سرگرمیاں بند رکھی جائیں گی۔ عوام سے گزارش ہے کہ مکمل کلئرنس ہونے تک کسی بھی زیر تعمیر عمارت کے قریب نہ جائیں۔

    صوبائی وزراء عامر میر، بیرسٹر سید اظفر علی ناصر، وہاب ریاض اور منصور قادر نے جنرل ہسپتال کا دورہ کیا اور پانی کی نکاسی کے عمل کا جائزہ لیا۔ اس موقع میڈیا سے گفتگو کرتے ہوئے وزیر اطلاعات و بلدیات پنجاب عامر میر نے کہا کہ گزشتہ رات 6 گھنٹے 47 منٹ بارش ہوئی۔ کلاؤڈ برسٹ ہونے سے مختصر وقت میں 260 ملی میٹر بارش ہوئی۔ اتنی زیادہ بارش جون کے مہینے میں کبھی ریکارڈ نہیں کی گئی۔ انہوں نے مزید کہا کہ 2 انڈر پاسز اور تین چار سڑکوں کے علاوہ لاہور کلیئر ہے۔ وزیر ہاؤسنگ، اربن ڈویلپمنٹ اینڈ پبلک ہیلتھ انجینئرنگ بیرسٹر اظفر علی ناصر نے کہا کہ مون سون بارشوں کیلئے واسا کو مکمل طور پر تیار رہنے کی ہدایات دی گئیں تھیں، جبکہ پانی کی نکاسی کی حکمت عملی مرتب کرنے کیلئے واسا انتظامیہ کے ساتھ متعدد اجلاس بھی منعقد کئے گئے۔

    وزیر ہاؤسنگ کا یہ بھی کہنا تھا کہ گزشتہ دو ماہ سے سیوریج نالوں کی صفائی اور ڈی سلٹنگ کی نگرانی کر رہا ہوں۔ نشیبی علاقوں میں ڈی واٹرنگ پمپس مسلسل کام کر رہے ہیں۔ وزیر اعلیٰ پنجاب کی ہدایت پر کل رات سے تمام وزراء بھی ضلعی انتظامیہ اور واسا کے ساتھ فیلڈ میں متحرک ہیں۔ انہوں نے مزید کہا کہ پانی کی نکاسی کیلئے تمام وسائل بروئے کار لا کر کام کر رہے ہیں۔ واسا کے پاس عملہ موجود ہے، مزید عملے کی ضرورت نہیں ہے۔ آئندہ مون سون بارشوں کیلئے بھی تیار ہیں۔ وزیر ہاؤسنگ نے بتایا کہ 7 گھنٹے سے کم وقت میں 260 ملی میٹر بارش ہوئی۔ 2 گھنٹے میں لاہور کی تمام شاہراہوں کو کلیئر کر دیا جائے گا۔ کابینہ ممبران اور ضلعی انتظامیہ علاقوں کے دورے کر رہے ہیں

  • ملک میں مہنگی بجلی پیدا کرنے کا منصوبہ تیار

    ملک میں مہنگی بجلی پیدا کرنے کا منصوبہ تیار

    اسلام آباد: وزارت توانائی نے ملک میں بجلی کے شارٹ فال کے ساتھ مہنگی بجلی پیدا کرنے کا منصوبہ تیار کرلیا۔

    باغی ٹی وی: وزارت پیٹرولیم کے ذرائع کے مطابق ممکنہ سمندری طوفان کے باعث 1800 میگا واٹ صلاحیت کے ونڈ پاور پلانٹس بند کر دیے گئے ہیں جبکہ ایل این جی پر بجلی کی پیداوار 1500 میگا واٹ کم کر دی گئی درآمدی کوئلے پرچلنےوالےپاور پلانٹس بھی بند کر دئیے گئے اور آج سے ڈیزل سے مہنگی بجلی پیدا کی جائے گی، جس کی فی یونٹ قیمت 66 روپے تک وصول کی جاسکتی ہے۔

    گرمی کی شدت میں اضافہ،بجلی کا شارٹ فال بڑھ گیا

    وزارت نے پن بجلی کی پیدوار بڑھانے کے لیے ڈیموں سے پانی کے زیادہ اخراج کا بھی فیصلہ کیا ہے دریائے سندھ میں پانی کا بہاؤ ایک لاکھ 50 ہزار کیوسک ہوگیا تربیلہ اور منگلا سے پانی کا اخراج بڑھایا جائے گا۔

    واضح رہے کہ گرمی کی شدت میں اضافے کے ساتھ بجلی کا شارٹ فال بھی بڑھ گیا تھا گزشتہ روز ذرائع پاورڈویژن کے مطابق بجلی کا شارٹ فال 5ہزار 38 میگاواٹ ہو گیا ہے۔ بجلی کی مجموعی پیداوار 20 ہزار 652 میگاواٹ اور طلب 26 ہزار میگاواٹ ہے۔ پن بجلی ذرائع سے مجموعی طور پر 5 ہزار 234 میگاواٹ بجلی پیدا ہو رہی ہے –

    گوگل نے پاکستان میں انتخابات کی حمایت میں اپنا ڈوڈل تبدیل کر دیا

    ذرائع پاورڈویژن کا کہنا تھا کہ سرکاری تھرمل پاور پلانٹس ایک ہزار 8سو 54 میگاواٹ بجلی پیدا کر رہے ہیں جبکہ نجی شعبے کے بجلی گھروں کی پیداوار 11ہزار 284 سو میگاواٹ ہے ایٹمی پاور پلانٹ سے 2 ہزار 148 میگا واٹ بجلی پیدا کی جارہی ہے۔ ونڈ پاور پلانٹس 984 میگا واٹ بجلی پیدا کر رہے ہیں۔ بیگاس سے 148 میگا واٹ بجلی کی پیداوار ہو رہی ہے-

    پنجاب کے مختلف شہروں میں بارش ،موسم خوشگوار ہو گیا

  • طوفان کے پیش نظر ایٹمی پاور پلانٹس سے بجلی کی پیداوار میں کمی

    طوفان کے پیش نظر ایٹمی پاور پلانٹس سے بجلی کی پیداوار میں کمی

    کراچی: ملک میں بجلی کا شارٹ فال 7 ہزار 284میگاواٹ کی سطح پر پہنچ گیا،طوفان کے پیش نظر ایٹمی پاور پلانٹس سے پیداوار میں کمی کردی گئی-

    باغی ٹی وی : سمندری طوفان کے اثرات کے باعث طوفانی ہواؤں سے بجلی کے ونڈ پلانٹس سے پیداوار میں کمی ہوئی ہے،بجلی کی طلب 26 ہزار 500 میگاواٹ اور پیداوار 19 ہزار252 میگاواٹ ریکارڈ کی گئی شارٹ فال بڑھنے کے باعث مختلف علاقوں میں لوڈشیڈنگ کا دورانیہ 12گھنٹے تک پہنچ گیا-

    لاہورماسٹر پلان 2050 کی منظوری کا نوٹیفکیشن کالعدم قرار

    ذرائع پاور ڈویژن کا کہنا ہے کہ ملک میں آج پن بجلی کی پیداوار 5ہزار 600 میگاواٹ ہے ، سرکاری تھرمل پاور پلانٹس 850 میگاواٹ بجلی پیدا کررہے ہیں، نجی شعبے کے بجلی گھروں سے پیداوار 10ہزار 500 میگاواٹ ہے، ونڈ پاور پلانٹس سے صرف 100 میگاواٹ سولر بجلی گھروں سے 82 میگاواٹ، بگاس سے 120 میگاواٹ نیوکلیئرپاور پلانٹس کی پیداوار 2 ہزار میگاواٹ ہے۔

    شرعی طور پر بغیر ثبوت قتل کا الزام لگانا انتہائی بھیانک گناہ کبیرہ ہے،فیاض الحسن …

    دوسری جانب ممکنہ طوفان بپر جوائے سے پہلے ہی کراچی کے مختلف علاقوں میں بجلی کی بندش شروع ہوگئی کراچی کے علاقوں گلستان جوہربلاک 8، ایف بی ایریابلاک 12، گارڈن ویسٹ، ڈیفنس ویو فیز ٹو، الفلاح، نارتھ کراچی، ملیرہالٹ، رفاع عام اور سعدی ٹاؤن سمیت دیگر علاقوں سے بجلی بندش کی شکایات موصول ہورہی ہیں۔

    "اسپیس ایکس” میں نوکری حاصل کرنےوالا 14 سالہ انجینئر

    کےالیکٹرک کا کہنا ہے کہ حالیہ سائیکلون میں ملک میں آر ایل این جی کی سپلائی متاثر ہونے کا خدشہ ہے جس کا اثر بجلی کی پیداوارپر بھی ہوسکتا ہے، آر ایل این جی نہ ملنے پرکراچی میں 2 گھنٹے تک اضافی لوڈ مینجمنٹ کی جاسکتی ہے، لوڈ مینجمنٹ کا اطلاق مستثنیٰ صارفین پر بھی ہوگا۔

  • گرمی کی شدت میں اضافہ،بجلی کا شارٹ فال بڑھ گیا

    گرمی کی شدت میں اضافہ،بجلی کا شارٹ فال بڑھ گیا

    اسلام آباد: گرمی کی شدت میں اضافے کے ساتھ بجلی کا شارٹ فال بھی بڑھ گیا۔

    باغی ٹی وی:ذرائع پاورڈویژن کے مطابق بجلی کا شارٹ فال 5ہزار 38 میگاواٹ ہو گیا ہے۔ بجلی کی مجموعی پیداوار 20 ہزار 652 میگاواٹ اور طلب 26 ہزار میگاواٹ ہے۔ پن بجلی ذرائع سے مجموعی طور پر 5 ہزار 234 میگاواٹ بجلی پیدا ہو رہی ہے۔

    پاکستان سمیت دنیا کے بیشتر ممالک میں عید الاضحیٰ کب ہو گی؟

    پاور ڈویژن ذرائع کے مطابق سرکاری تھرمل پاور پلانٹس ایک ہزار 8سو 54 میگاواٹ بجلی پیدا کر رہے ہیں جبکہ نجی شعبے کے بجلی گھروں کی پیداوار 11ہزار 284 سو میگاواٹ ہے ایٹمی پاور پلانٹ سے 2 ہزار 148 میگا واٹ بجلی پیدا کی جارہی ہے۔ ونڈ پاور پلانٹس 984 میگا واٹ بجلی پیدا کر رہے ہیں۔ بیگاس سے 148 میگا واٹ بجلی کی پیداوار ہو رہی ہے۔

    سمندری طوفان کے پیش نظر انتظامات مکمل کرلیے ہیں،ایڈمنسٹریٹر کراچی

    واضح رہے کہ قبل ازیں محکمہ موسمیات نے شہر میں گرمی کی شدت میں اضافے کا امکان ظاہر کرتے ہوئے درجہ حرارت 38 ڈگری سینٹی گریڈ تک جانے کی پیش گوئی کی ہے،درجہ حرارت بڑھنے کے پیش نظر ماہرین نے شہریوں کو خبردار کرتے ہوئے احتیاط کی ہدایت کی ہے-

    ماہرین صحت نے شہریوں کو ہدایت کی ہے کہ گرمی کی شدت میں اضافے سے شہریوں بالخصوص چھوٹے بچوں، ضعیف اور کمزور قوت مدافعت والے افراد کی حالت غیر ہو سکتی ہے لہذا بلاضرورت گھروں سے باہر نہ نکلا جائے اگر ضروری کام ہو تو گیلے کپڑے سے سر اور جسم ڈھانپ کر باہر نکلا جائے جسم میں نمکیات کو پورا کرنے کے لیے پانی کا زیادہ سے زیادہ استعمال کریں اور مرغن غذاؤں کے بجائے سادہ کھانا سبزیوں ، دہی ، لسی، پانی کا زیادہ سے زیادہ استعمال کیا جائے۔

    جسٹس محسن اختر کیانی نے عمران خان کی درخواست سماعت سے معزرت کرلی

  • کے الیکٹرک صارفین کیلئے بجلی مزید مہنگی

    کے الیکٹرک صارفین کیلئے بجلی مزید مہنگی

    کراچی: نیشنل الیکٹرک پاور ریگولیٹری اتھارٹی (نیپرا) نے کے الیکٹرک کے صارفین کیلئے فی یونٹ بجلی 1 روپے 55 پیسے مہنگی کر دی۔

    باغی ٹی وی : کے الیکٹرک صارفین کیلئے بجلی قیمت میں اضافے کی درخواست وفاقی حکومت نے دی تھی اور نیپرا نے درخواست پر سماعت پہلے ہی مکمل کر رکھی تھی جس کا اب فیصلہ جاری کر دیا گیا ہے نیپرا نے فیصلہ نوٹیفکیشن کیلئے وفاقی حکومت کو بھی بھجو ا دیا ہے-

    بھارتی فضائیہ نے مگ 21 لڑاکا طیاروں کے پورے فلیٹ کو گراؤنڈ کر دیا

    نیپرا کے مطابق کراچی کے صارفین کیلئے بجلی رواں مالی سال کی دوسری سہ ماہی ایڈجسٹمنٹ کی مد میں مہنگی کی گئی اوراس کا مقصد ملک بھر میں یکساں ٹیرف کا نفاذ یقینی بنانا ہے کراچی کے صارفین کو مئی، جون اور جولائی تین مہینوں میں ہر ماہ ایک روپے 55 پیسے اضافی ادا کرنا پڑیں گے فیصلے کا اطلاق بجلی کے لائف لائن صارفین پر نہیں ہوگا۔

    سراج الحق کےقافلےپرخودکش دھماکاکرنیوالےحملہ آورکی شناخت ہوگئی

  • بجلی مزید مہنگی کرنے کی منظوری

    بجلی مزید مہنگی کرنے کی منظوری

    اسلام آباد: نیپرا نے بجلی کی قیمت میں مزید اضافے کی منظوری دے دی۔

    باغی ٹی وی : سی پی پی اے نےنیپرا میں مارچ کیلئےبجلی کی قیمت میں اضافے کی درخواست دائرکی جس میں بجلی کی قیمت میں 1 روپے 17 پیسے فی یونٹ اضافے کی استدعا کی گئی جبکہ دوسری جانب پاور ڈویژن نے مارچ کیلئے 42 پیسے فی یونٹ بجلی پر ریلیف کا اعلان کیا۔

    منی لانڈرنگ ریفرنس :حمزہ شہباز کی حاضری معافی کی درخواست منظور

    نیپرا میں سی پی پی اے کی درخواست پر سماعت ہوئی۔ نیپرا حکام نے ریمارکس دیئے کہ بجلی کی ڈیمانڈ کم ہونے سے اس سال 28 فیصد برآمدات کم ہوئی ہے پاورڈویژن حکام نےبتایا کہ اس سال مارچ میں ہماری کل طلب 19ہزارمیگاواٹ رہی سی پی پی اےحکام نےبتایا کہ رواں سال مارچ میں بجلی 23 فیصدکم رہی، طلب میں کمی کی وجہ سے قیمتیں زیادہ ہونی ہیں۔

    نیپرا نےسی پی پی اے حکام سے استفسار کیا کہ اگر طلب کم ہے تو لوڈشیڈنگ زیرو کیوں نہیں کی، جب آر ایل این جی کی طلب کم ہے تو لوڈ شیڈنگ زیرو کی جانی تھی، لوڈ شیڈنگ زیرو کرتے تو کیپسٹی پیمنٹ کم ہوجاتی، 2 ہفتے میں بجلی کی طلب بڑھائے جانے کیلئے کام کیا جائے۔

    موجودہ ملکی صورتحال،جماعت اسلامی کا اہم اجلاس طلب

    نیپرا اتھارٹی کا کہنا تھا کہ بجلی کی طلب کم ہونے سے ٹیرف بڑھنے کا خدشہ ہےنیپرا نے سی پی پی اے کی درخواست پر ایک ماہ کیلئے بجلی 34 پیسے فی یونٹ مہنگی کرنے کی منظوری دے دی۔

    بجلی کی قیمت میں اضافہ مارچ کی ماہانہ فیول ایڈجسٹمنٹ کی مد میں کیا جائے گا، بجلی صارفین پر 2 ارب 90 کروڑ روپے کا اضافی بوجھ پڑے گا، بجلی صارفین کو مئی کے بلزمیں اضافی ادائیگیاں کرنا ہوں گی-

    دوسری جانب کے الیکٹرک نے بجلی کی قیمت میں 3 روپے 70 پیسے فی یونٹ اضافہ کردیا نیپرا اتھارٹی کے مطابق کے الیکٹرک صارفین کے لیے بجلی کی قیمت میں اضافہ مارچ کی ماہانہ فیلو ایڈجسٹمنٹ کی مد میں کیا گیا۔ اضافے کا اطلاق کے الیکڑک کے لائف لائن صارفین پر نہیں ہو گا۔

    باپ نے ایک ماہ کا بچہ ایک لاکھ میں فروخت کر کے اغوا کا درج …

    نیپرا حکام کا کہنا ہے کہ کے الیکڑک نے مارچ میں اپنے ذرائع سے 26 روپے 44 پیسے فی یونٹ بجلی پیدا کی جبکہ وفاق سے ملنے والی بجلی کی لاگت 9 روپے 50 پیسے فی یونٹ رہی۔چئیرمین نیپرا کے مطابق گزشتہ 5،7 سال میں کے الیکڑک نے زیادہ بہتری نہیں دکھائی۔ درآمدی فیول پر بجلی کی پیداوار انتہائی مہنگی ہوچکی ہے۔

    کے الیکٹرک حکام نے کہا کہ سوئی سدرن سے ملنے والی ایل این جی کی قیمت میں 14 فیصد ، سی پی پی اے سے ملنے والی بجلی کی قیمت میں 41 فیصد جبکہ پاکستان ایل این سے ملنے والی ایل این جی کی قیمت میں 20 فیصد اضافہ ہوا ہے۔ کے الیکڑک نے 1900 میگاواٹ بجلی اپنے سسٹم میں شامل کی۔ بجلی کی پیداواری صلاحیت میں 19 فیصد بہتری لائی گئی ہے۔

    کے الیکٹرک کی جانب سے بجلی کی فی یونٹ قیمت میں 3 روپے 70 پیسے فی یونٹ اضافے سے کراچی کے شہریوں پر 5 ارب 47 کروڑ 10 لاکھ روپے کا اضافی بوجھ پڑے گا۔

    سلمان خان مارول اسٹوڈیوز کی نئی فلم ’’گارڈین آف گلیکسی 3‘‘میں نظر آئیں گے؟

  • لاہور میں بارش، لیسکو ریجن کے 40 فیڈرزسے بجلی کی سپلائی عارضی طور پرمعطل

    لاہور میں بارش، لیسکو ریجن کے 40 فیڈرزسے بجلی کی سپلائی عارضی طور پرمعطل

    لاہور میں بارش، لیسکو ریجن کے 40 فیڈرزسے بجلی کی سپلائی عارضی طور پرمعطل

    لاہور کے مختلف علاقوں میں وقفے وقفے سے ہلکی پارش کا سلسلہ شروع ،بارش کے باعث موسم خوشگوارہو گیا

    شہر میں بادلوں کا راج ،گرمی کا زور ٹوٹ گیا ،جیل روڈ مال روڈ ڈیوس روڈ ٹاؤنشپ سمن آباد اور دیگر علاقوں میں ہلکی بارش ہوئی، بارش کے باعث درجہ حرارت کم سے کم 21 جبکہ زیادہ سے زیادہ 32 ڈگری سینٹی گریڈ تک جانے کا امکان ہے، ڈائریکٹر محکمہ موسمیات چوہدری محمد اسلم کے مطابق بارش کا سلسلہ آئندہ چار روز تک جاری رہنے کا امکان ہے،

    لاہور سمیت لیسکو ریجن کے مختلف علاقوں میں وقفے وقفے سے بارش کا سلسلہ جاری ہے۔ترجمان لیسکو کے مطابق بارش کے باعث لیسکو ریجن کے 40 فیڈرزسے بجلی کی سپلائی عارضی طور پرمعطل ہوئی ہے۔ لیسکو فیلڈ اسٹاف کو ہائی الرٹ کردیا گیا ہے۔ جن علاقوں میں بارش کا سلسلہ رک گیا ہے وہاں بجلی بحالی کے کام جاری ہیں۔ موسم کی خرابی کے پیش نظر لیسکو انتظامیہ کی معزز صارفین سے تعاون کی اپیل ہے۔ بجلی کی ہائی ٹینشن لائنوں سے کم ازکم10فٹ دور رہیں۔ * بجلی معطل ہونے کی صورت میں لیسکو کو مطلع کرکے عملے کے آنے کا انتظار کریں۔ بارشوں کے دوران لائن پر کام کرنے والے فیلڈ ملازمین سیفٹی سے متعلق تمام ایس او پیز پر سختی سے عمل کریں ۔ لائن اسٹاف حفاظتی آلات کے بغیر ہرگز کام نہ کرئے۔ صارفین کی شکایات کے ازالے کے ساتھ ساتھ اپنی قیمتی جان کی بھی حفاظت کریں اور قطعا جلد بازی نہ کریں۔

    شوہرکے موبائل میں بیوی نے دیکھی لڑکی کی تصویر،پھر اٹھایا کونسا قدم؟

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

  • کےالیکٹرک صارفین کیلئےفی یونٹ بجلی 6 روپےتک مہنگی ہو گی

    کےالیکٹرک صارفین کیلئےفی یونٹ بجلی 6 روپےتک مہنگی ہو گی

    اسلام آباد: کے الیکٹرک سہ ماہی ایڈجسٹمنٹس کے تحت فی یونٹ بجلی 6 روپے تک مہنگی ہوگی-

    باغی ٹی وی : نیشنل الیکٹرک پاور ریگولیٹری اتھارٹی (نیپرا) نے سہ ماہی ایڈجسٹمنٹس کے لیے وفاقی حکومت کی درخواستوں پرسماعت کی جس میں رواں مالی سال کی پہلی سہ ماہی ایڈجسٹمنٹ کی مد میں 4 روپے45 پیسےفی یونٹ تک اضافہ مانگا گیا اور گزشتہ مالی سال کی دوسری سہ ماہی ایڈجسٹمنٹ میں ایک روپے 55 پیسےفی یونٹ اضافہ مانگا گیا ہے۔

    اے این ایف نے بیرون ملک منشیات اسمگل کرنےکی کوششیں ناکام بنا دیں

    وفاقی حکومت کی درخواست میں مؤقف اختیار کیا گیا کہ کے الیکٹرک صارفین سے ان سہ ماہی ایڈ جسٹمنٹس کا اضافہ وصول نہیں کیا گیا تھا، ڈسکوز کے صارفین سےان سہ ماہی ایڈجسٹمنٹس کا اضافہ وصول کیاجاچکا ہےلہٰذا ملک میں یکساں ٹیرف کےلیےکے الیکٹرک صارفین سے بھی وصولی ہوگی۔

    دوران سماعت سی پی پی اے حکام نے بریفنگ میں بتایا کہ کے الیکٹرک کے صارفین پر 20ارب روپے تک کا اضافی بوجھ پڑے گا۔ کراچی کے صارفین اپریل سے سے جون تک اوسطاً 4 روپے 76 پیسے فی یونٹ اضافی اداکریں گے۔

    روس پاکستان کو خام تیل پرکتنی رعایت دے گا؟

    نیپرا کو بریفنگ میں بتایا گیا کہ کے الیکٹرک سہ ماہی ایڈجسٹمنٹس کے تحت فی یونٹ بجلی 6 روپے تک مہنگی ہوگی جب کہ 2 سہ ماہی ایڈجسٹمنٹس سے فی یونٹ بجلی اوسطاً 4 روپے 76 پیسے فی یونٹ مہنگی ہوگی۔

    نیپرانےکےالیکٹرک کی دو سہ ماہی ایڈجسٹمنٹس پرسماعت مکمل کرلی جس کا حتمی فیصلہ بعد میں جاری کیا جائے گا۔

    دنیا بھر میں پیٹرول اور ڈیزل کی قیمتوں میں مزید اضافے کا امکان

  • عوام کو بجلی کا جھٹکا،نیپرا نے فی یونٹ قیمت میں بڑے اضافے کی منظوری دیدی

    عوام کو بجلی کا جھٹکا،نیپرا نے فی یونٹ قیمت میں بڑے اضافے کی منظوری دیدی

    نیپرا نے بجلی کی فی یونٹ قیمت میں 3 روپے 23 پیسے تک اضافے کی منظوری دے دی ہے-

    باغی ٹی وی: چیئرمین نیپرا توصیف ایچ فاروقی کی زیر صدارت سرچارج میں اضافے کے لیے وفاقی حکومت کی درخواست پر سماعت ہوئی۔

    پیٹرول کے بعد ڈالر بھی مزید مہنگا ہو گیا،ملک میں ڈالرز کی قلت

    حکومت کی جانب سے دائر درخواست میں کہا گیا کہ ایک روپے 43 پیسے فی یونٹ سرچارج سے ضرورت پوری نہیں ہوسکتی، سرچارج 3 روپے 23 پیسے فی یونٹ تک بڑھایا جائے۔

    ممبر نیپرا خیبرپختونخوا مقصود انور نےکہا کہ یہ معاملہ کہاں تک جائےگا،کل مزید سرچارج بڑھانےکے لیے درخواست لے آئیں گے۔چیئرمین نیپرا توصیف ایچ فاروقی نے کہا کہ عوام کو کوئی سکون کا سانس لینے دیں۔

    پاور ڈویژن کے حکام نے کہا کہ گردشی قرض تیزی سے بڑھ رہا ہے، یہ سرچارج لگا کر بھی گردشی قرض میں کمی نہیں آئے گی، جس پر ممبر نیپرا سندھ رفیق شیخ پاور ڈویژن حکام پر برس پڑے۔

    انہوں نے کہا کہ ڈسکوز کی ناقص کارکردگی کی سزا عوام کو کیوں ملے، عوام کوبوجھ تلے دبا دیا، بجلی کمپنیوں کی خرابیوں کو دور کریں، ہم صارفین کے حقوق کے بھی محافظ ہیں۔

    وزیراعظم سے ڈاکٹر عافیہ صدیقی کی بہن کی ملاقات

    صارفین پر 335 ارب روپےکا اضافی بوجھ ڈالنے کی درخواست کی سماعت مکمل ہوگئی، نیپرا اعداد وشمار کا جائزہ لے کر فیصلہ جاری کرےگی، اطلاق کے الیکٹرک کے صارفین پر بھی ہوگا، نیپرا کا کہنا ہے کہ بجلی کی قیمتوں میں اضافے سے متعلق تفصیلی فیصلہ بعد میں جاری کیا جائے گا۔

    نوٹیفکیشن کے بعد بجلی کی قیمتوں میں اضافے کا بوجھ تمام صارفین پرپڑے گا، نیپرا اتھارٹی کا کہنا تھا کہ وفاقی حکومت کی درخواست کی منظوری کے علاوہ کوئی چارہ نہیں۔

    پاور ڈویژن حکام کے مطابق آئی پی پیز کو ادائیگیوں کا پلان وزارت خزانہ کو فراہم کردیا ہے،آئی پی پیز کو ادائیگیاں جلد شروع ہوجائیں گی۔

    اسمارٹ فون بند کر کے سونا حاملہ خواتین میں ذیابیطس کے خطرات کو کم کر …