Baaghi TV

Tag: بلاول بھٹو

  • ایرانی وزیرخارجہ آئندہ ماہ پاکستان کا دورہ کریں گے

    ایرانی وزیرخارجہ آئندہ ماہ پاکستان کا دورہ کریں گے

    ایرانی وزیرخارجہ حسین امیرعبدالہیان اگلے ماہ پاکستان کا دورہ کریں گے-

    باغی ٹی وی : ایرانی وزیرخارجہ حسین امیرعبدالہیان 3 اگست کو پاکستان پہنچیں گے، ان کے پاکستانی ہم منصب بلاول بھٹو سے باضابطہ مذاکرات ہوں گے، جس میں دو طرفہ تعلقات کے مزید فروغ پر مشاورت کی جائے گی، اور دونوں وزرائے خارجہ مشترکہ نیوز کانفرنس سے خطاب کریں گے۔

    چینی وزیر خارجہ کوعہدے سے فارغ کر دیا گیا

    ذرائع کے مطابق افغانستان میں دہشت گردوں کی محفوظ پناہ گاہیں دونوں ممالک کے لیے باعث تشویش ہیں، ایرانی وزیرخارجہ کے دورہ کے موقع پر افغانستان میں سلامتی کی صورت حال پر خصوصی طور بات ہوگی۔

    بھارت کے 26 جماعتی اتحاد کا مودی کے خلاف عدم اعتماد لانے کا فیصلہ

    قبل ازیں امریکی وزیرخارجہ انٹونی بلنکن نے وزیر خارجہ بلاول بھٹو زرداری سے ٹیلی فونک رابطہ کیا ،امریکی دفتر خارجہ کے ترجمان نے کہا تھا کہ انٹونی بلنکن نے پاکستانی وزیر خارجہ بلاول سے گفتگو میں پاک امریکا تعلقات میں تعمیری شراکت داری قائم رکھنے کے عزم کا اعادہ کیا ،امریکی وزیرخارجہ انٹونی بلنکن کا کہنا تھا کہ پاکستانی عوام دہشت گردی سے شدید متاثر ہوئے ہیں انسداد دہشت گردی کے لیے پاکستان کے ساتھ تعاون جاری رکھیں گے ،ترجمان امریکی دفتر خارجہ کے مطابق دونوں ممالک کے وزرائے خارجہ نے روس کی یوکرین کے خلاف جنگ کے اثرات سمیت پرامن اور مستحکم افغانستان پر تبادلہ خیال کیا-

    بلاول بھٹو سے مثبت گفتگو رہی،امریکی وزیرخارجہ

    انٹونی بلنکن کا کہنا تھا کہ بلاول بھٹو سے مثبت گفتگو رہی،پاکستان کی معیشت کی بحالی اور علاقائی بالخصوص افغانستان کی صورت حال پر بھی تبادلہ خیال کیا گیا امریکا پاکستان سے مثبت جمہوری اور تعمیری تعلقات کی حمایت کرتا ہے

    پاکستانی دفتر خارجہ کی ترجمان ممتاز زہرا بلوچ کے مطابق وزیر خارجہ بلاول بھٹو زرداری نے امریکی وزیرخارجہ انٹونی بلنکن سے ٹیلی فون پر تبادلہ خیال کیا اس دوران دونوں وزرائے خارجہ نے پاک امریکا تعلقات میں مثبت رفتار کا جائزہ لیا ، فریقین نے امن، سلامتی اور ترقی کے فروغ کے لیے تعمیری رابطے جاری رکھنے پر اتفاق کیا-

    ایرانی وزیرخارجہ آئندہ ماہ پاکستان کا دورہ کریں گے

  • بلاول بھٹو کا سیلاب متاثرین کو 20 لاکھ گھر بنا کر دینے کا اعلان

    بلاول بھٹو کا سیلاب متاثرین کو 20 لاکھ گھر بنا کر دینے کا اعلان

    لاڑکانہ: پاکستان پیپلز پارٹی کے چیئرمین و وزیرخارجہ بلاول بھٹو زرداری نے سیلاب متاثرین کو 20 لاکھ گھر بنا کر دینے کا اعلان کردیا۔

    باغی ٹی وی : لاڑکانہ میں بلاول بھٹو زرداری نے سیلاب متاثرین کو ان کیلئے بنائے گھروں کے مالکانہ حقوق کی اسناد تقسیم کیں اس موقع پر تقریب سے خطاب میں بلاول بھٹو زرداری کا کہنا تھاکہ سیلاب متاثرین کو 20 لاکھ گھر بناکر دیں گے، ایسےمضبوط گھر بناکردیں گے جنہیں سیلاب سےنقصان نہیں پہنچےگا، متاثرین کوگھروں کے مالکانہ حقوق دلائیں گے اور مالی مدد بھی کریں گے,20 لاکھ گھر بنانے میں وقت لگے گا جس کے گھر کا نقصان ہوا اس کو گھر اور مالکانہ حقوق دیے جائیں گے، ہمارے صوبے سے ایک انقلاب شروع ہورہا ہے، ہاؤسنگ منصوبہ ایسا بنارہےہیں کہ سیلاب آئے تو نقصان نہ ہو۔


    ان کا کہنا تھاکہ آج میں بے حد خوشی محسوس کررہا ہوں کیونکہ سیلاب متاثرین سے ان کے مکانات کی تعمیر اور مالکانہ حقوق کی فراہمی کا جو وعدہ ہم نے کیا تھا، وہ آج پورا ہوا۔ یہ نئے گھر اور مالکانہ حقوق متاثرین کیلئے ایک خوشگوار زندگی کا آغاز ہیں سیلاب متاثرین کو معاشی طور پر مضبوط بنائیں گے اس وقت پورے پاکستان میں معاشی مشکلات ہیں, مہنگائی اور بیروزگاری ہے غربت بڑھتی جارہی ہے اور ان مسائل کا حل پاکستان پیپلز پارٹی کی نظر میں صرف ایک ہی ہے کہ ہم نے عام آدمی, غریبوں کی مدد کرنی ہے.


    بلاول نے کہا کہ اسلام آباد میں بیٹھنےوالوں کو اندازہ نہیں کہ عوام کتنے مشکل میں ہیں، قائدعوام نےسکھایا تھا کہ عوام کو روٹی،کپڑا اور مکان دلاناہے، یہ سفر سندھ بھر میں شروع ہورہا ہے، 5 ہزار گھروں کےمالکانہ حقوق دیےجارہے ہیں، اس قسم کے منصوبے بلوچستان، پنجاب اور کےپی کے عوام کو بھی دیں گے، الیکشن جیتنے کے بعد ایسے انقلابی اقدامات کریں گے۔


    بلاول کا کہنا تھاکہ دوسری جماعتیں سمجھتی ہیں کہ وہ امیر کو امیربنائیں گے، جب امیر کو امیر تر بناتےہیں تو وہ اپنا پیسہ بینک اکاؤنٹ میں ڈال کربھول جاتاہے، ہماری اوران کی سوچ میں فرق یہ ہےپیپلزپارٹی عوام دوست منصوبےلاتی ہے، ہم ریاست کا اثاثہ حکومت سے لے کر عوام کو دلارہےہیں۔

  • ایم کیو ایم کے بیانات کو سنجیدہ نہیں لے رہے،شرجیل میمن

    ایم کیو ایم کے بیانات کو سنجیدہ نہیں لے رہے،شرجیل میمن

    وزیراطلاعات شرجیل میمن نے سندھ اسمبلی میں میڈیا سے گفتگو کرتے ہوئے کہا ہے کہ موجودہ معیشت کی صورتحال میں پیپلز پارٹی نے دھابیجی اکنامک زون شروع کیا ,

    شرحیل انعام میمن کا کہنا تھا کہ بلاول بھٹو نے کہا کہ چاہتے ہیں لوگوں کو روزگار ملے , سندھ حکومت مزید پراجیکٹس پر کام کر رہی ہے , ہماری معیشت دباؤ کا شکار ہے ,ملک میں انڈسٹریز کی اشد ضرورت ہے ,ہمیں فائینینشل پالیسیز کی اشد ضرورت ہے, الیکشن قریب ہے, چٹ پٹے جملوں سے ماحول بنایا جا رہا ہے ایم کیو ایم کے بیانات کو سنجیدہ نہیں لے رہے,پاکستان کو چلانے کا واحد حل محبت اور اتحاد ہے,اسمبلی توڑنے کی تاریخ حتمی نہیں ہے، کئی لوگ پیپلز پارٹی سے رابطےمیں ہیں  پیپلز پارٹی پورے پاکستان سے بھاری اکثریت سے جیت کر واپس آئے گی

    شرجیل میمن کا کہنا تھا کہ سارا ماحول عمران خان کو ریسکیو کرنے کے لئے بنایا جا رہا ہے, کسی بھی ملک کا اختیار نہیں کہ پاکستان کے اندرونی معاملات میں مداخلت کرے, مختلف ممالک میں ہمارے ملک کے خلاف مہم چلائی جا رہی ہے,لوگوں کو متحد رکھنے کی پالیسی پیپلز پارٹی کی پالیسی ہے, بلاول بھٹو زرداری اور آصف زرداری اتحاد کی بات کرتے ہیں,آج سے چار سال پہلے نفرت کا پودا لگایا گیا تھا, آج اس نفرت کا پودا لگانے والے کو اسرائیل بچانے کی کوشش کررہا ہے, اسرائیل چاہتا ہے کہ عمران خان کو سیف ایگزٹ مل جائے تاکہ باہر بیٹھ کر سازش کریں

    پاکستان پیپلزپارٹی آزادی صحافت کی حمایت جاری رکھے گی۔

    عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

    نور مقدم کیس، فنڈ ریزنگ اور مبشر لقمان کے انکشاف، بیٹا اور بیٹی نے نوازشریف کو ڈبودیا تاریخی رسوائی، شلپا شیٹھی، فحش فلمیں اور اصل کہانی؟

     تاریخ گواہ ہے کہ پیپلزپارٹی نے صحافیوں کی مدد کی ہے،

     چاہتے ہیں کہ مہنگائی کے اس دور میں عوام کو زیادہ سے زیادہ ریلیف مل سکے،

  • بلاول بھٹو زرداری 4 روزہ دورے پر جاپان پہنچ گئے

    بلاول بھٹو زرداری 4 روزہ دورے پر جاپان پہنچ گئے

    پاکستان پیپلز پارٹی کے چیئرمین اور وزیرخارجہ بلاول بھٹو زرداری 4 روزہ دورے پر جاپان پہنچ گئے۔

    باغی ٹی وی: وزیرخارجہ 4 روزہ دورے پر جاپان پہنچ گئے، آصفہ بھٹو بھی بلاول بھٹو کے ہمراہ ہیں،دورے کے دوران وزیر خارجہ بلاول بھٹو زرداری اپنے جاپانی ہم منصب یوشیما ساحیاشی اور جاپانی وزیر اعظم فومیو کشیدا سے اہم ملاقات کریں گے جب کہ جاپان کے نیشنل سکیورٹی ایڈوائزر ٹیکیو اکیبا سے بھی ملاقات ان کے دورے کا حصہ ہوگی۔

    دفتر خارجہ نے سماجی رابطے کی ویب سائٹ پر لکھا کہ جاپانی حکومت کی دعوت پر جاپان کے سرکاری دورے پرٹوکیو پہنچے ہیں۔ جاپان میں پاکستان کے سفیر، جاپانی وزارت خارجہ کے حکام اور پاکستانی کمیونٹی کے ارکان نے ان کا استقبال کیا۔

    پاکستان اور بھارت کےدرمیان قیدیوں کی فہرستوں کا تبادلہ


    ان اہم ملاقاتوں میں دونوں ممالک کے رہنماؤں کے درمیان سیاسی و معاشی تعلقات اور خطے سمیت اہم عالمی امور پر سیر حاصل گفتگو کی جائے گی،وزیر خارجہ بلاول بھٹو ایشین ڈیولپمنٹ بینک انسٹیٹیوٹ سے بھی خطاب کریں گے جاپان کے اہم کاروباری اداروں کے سربراہوں سے بھی ملاقات کریں گے جبکہ جاپانی حکومت سے جاپان میں پاکستانی مین پاور ایکسپورٹ کے حوالے سے بھی گفتگو کی جائے گی اور پاکستانی کمیونٹی سے بھی ملاقات متوقع ہے۔

    وزیراعظم شہباز شریف مری پہنچ گئے

  • بلاول بھٹو کا قومی اسمبلی میں بجٹ بحث میں حصہ لینے سے انکار

    بلاول بھٹو کا قومی اسمبلی میں بجٹ بحث میں حصہ لینے سے انکار

    اسلام آباد: بلاول بھٹو زرداری نے قومی اسمبلی میں بجٹ پر عمومی بحث میں حصہ لینے سے انکار کر دیا ہے-

    باغی ٹی وی: بلاول بھٹو نے اس سے قبل (ن) لیگ کے ساتھ بجٹ تجاویز کےلیے ہونے والے دہرے اجلاس میں بھی شرکت نہیں کی تھی جبکہ آصف علی زرداری نے قومی اسمبلی کے بجٹ سیشن میں شرکت نہیں کی تھی-

    قومی اسمبلی میں انتخابی ایکٹ میں ترامیم اسی ہفتے منظوری کےلیے ایوان صدر میں بھیجی جائیں گی،صدر علوی کی غیر حاضری کی صورت میں عبوری صدرچیئرمین سینیٹ صادق سنجرانی اس کی منظوری دیں گے، بجٹ کی منظوری ہفتے کو دی جائے گی کیونکہ چند ایک قانون ساز فوراً حج ادائیگی کےلیے روانہ ہو جائیں گے۔

    الیکشن کمیشن کا عمران خان،فواد چوہدری ، اسد عمرکے خلاف فرد جرم عائد کرنے کا …

    ڈیرہ مراد جمالی کا فیملی پارک” ویران خانہ” بن گیا

    سینیٹ نے بجٹ پر بحث مکمل کر لی ہے اور اس سے قبل قومی اسمبلی میں پیش کیے گئے بجٹ میں اپنی تجاویز/ ترامیم بھیج دی ہیں قومی اسمبلی مالیاتی دستاویز کے لیے حتمی ووٹنگ سے قبل سینیٹ کی تجاویز پر غور کرے گی۔

    مئی میں 25 کروڑ 50 لاکھ ڈالر کا کرنٹ اکاؤنٹ سرپلس رہا،اسٹیٹ بینک

    واضح رہے کہ سوات میں جلسے سے خطاب میں پاکستان پیپلزپارٹی کے چیئرمین و وزیر خارجہ بلاول بھٹو زرداری نے وزیراعظم کو وارننگ دیتے ہوئے کہا تھا کہ سیلاب متاثرین کی بحالی کے لیے پیسہ نہیں ملا تو پیپلز پارٹی بجٹ منظور نہیں ہونے دے گی بلاول نے حکومتی معاشی ٹیم پر تنقید کی تھی جس کے بعد وزیراعظم نے سندھ میں سیلاب متاثرین کیلئے 25 ارب روپےکی منظوری دی۔

    عمران خان جو مرضی اسٹریٹجی اپنائیں،میں اتفاق نہیں کرتا،اسد عمر

    ملائشیا نے بھی بھارتی تیجا طیارے خریدنے سے انکار کر دیا

  • وزیراعظم کی سندھ سیلاب متاثرین کی امداد کیلئے25 ارب روپےکی منظوری

    وزیراعظم کی سندھ سیلاب متاثرین کی امداد کیلئے25 ارب روپےکی منظوری

    اسلام آباد: وزیراعظم شہباز شریف نے سندھ میں سیلاب متاثرین کی امداد کے لیے 25 ارب روپےکی منظوری دے دی،یہ رقم سندھ میں سیلاب متاثرین کی امداد پر خرچ ہوگی-

    باغی ٹی وی: چیئرمین پیپلز پارٹی بلاول بھٹو زرداری نے گزشتہ دنوں سوات میں جلسے سے خطاب کے دوران وزیر اعظم سے بجٹ میں وعدے پورے نہ کرنےکا شکوہ کرتے ہوئے خبردار کیا تھا کہ سیلاب متاثرین کی بحالی کے لیے پیسا نہ ملا تو پیپلز پارٹی بجٹ منظور نہیں ہونے دے گی۔

    انہوں نے وزیراعظم اور ان کی معاشی ٹیم پر دوہرے معیار کا الزام لگاتے ہوئے کہا کہ وزیراعظم شہباز شریف نے کہا کچھ اور بجٹ میں کچھ اور سامنے آیا، اس وقت ملک اس کا متحمل نہیں ہوسکتا،وزیراعظم اپنی ٹیم میں شامل ان لوگوں سے ضرور حساب لیں جو وعدے پورے کرنے میں رکاوٹ ہیں ہمیں وزیراعظم کی نیت پر شک نہیں، انہوں نے خود سیلاب کی تباہی دیکھی، وہ سیلاب متاثرین سے کیے گئے وعدے پورے کریں-

    بلوچستان اسمبلی کا بجٹ اجلاس آج سہ پہر 4 بجے ہوگا

    جس کے بعد وزیراعظم نے جمعےکو پیپلزپارٹی کے وفد سے ملاقات کی تھی جس میں فنڈز کی فراہمی کی یقین دہانی کرائی تھی علاوہ ازیں ا س حوالے سے وزیراعظم شہباز شریف کی زیر صدارت اہم اجلاس بھی آج طلب کیا گیا ہے۔

    ذرائع کے مطابق چیئرمین پیپلز پارٹی اور وزیر خارجہ بلاول بھٹو زرداری اور دونوں جماعتوں کے مالی امور سے متعلق وزرا اور ماہرین اجلاس میں شریک ہوں گے جس میں بجٹ سے متعلق امور زیر غور آئیں گے۔

    سیاست میں بات چیت اور ڈائیلاگ کے بغیرآپ ملک نہیں چلا سکتے،رانا ثنا اللہ

    کے پی کے ضلعی ہسپتالوں میں بائیو میٹرک سسٹم نصب کرنے کا منصوبہ تاخیر کا …

  • الیکشن ایسا ہونا چاہیے جس پر انگلیاں نہ اٹھ سکیں،طلال چاہدری کا کراچی مئیرالیکشنز پر تحفظات

    الیکشن ایسا ہونا چاہیے جس پر انگلیاں نہ اٹھ سکیں،طلال چاہدری کا کراچی مئیرالیکشنز پر تحفظات

    اسلام آباد: مسلم لیگ ن کے مرکزی رہنما طلال چوہدری کا کہنا ہے ہم الیکشن کو ویلکم کرتے ہیں اور بھرپور طریقے سے الیکشن لڑیں گے-

    باغی ٹی وی: نجی خبررساں ادارے کے پروگرام میں طلال چوہدری کا کہنا تھا عدم اعتماد کی تحریک پیپلز پارٹی کی تجویز پر لائی گئی تھی، مسلم لیگ ن اور جے یو آئی تو نئے انتخابات چاہتی تھیں۔

    بلاول بھٹو کے سوات جلسے میں تقریر پر ردعمل دیتے ہوئے طلال چوہدری کا کہنا تھا ہم الیکشن کو ویلکم کرتے ہیں اور بھر پور طریقے سے الیکشن لڑیں گے، بلاول کا چیلنج ہمیں قبول ہے لیکن عام انتخابات آزاد کشمیر اور میئر کراچی کے الیکشن کی طرح نہیں ہونے چاہئیں، آزاد کشمیر الیکشن پر تحفظات ہیں جبکہ کراچی کے الیکشن پر بھی سوالات اٹھ رہے ہیں،جہاں پر پیپلزپارٹی کی حکومت ہے وہاں الیکشن پر ہمارے اعتراضات موجود ہیں، کراچی کے میئر کے الیکشن پر لوگ سوال اٹھا رہے ہیں، آنے والے الیکشن میں سوالات نہیں اٹھنے چاہئیں-

    پسند کی شادی کرنے پر رشتے داروں نے گھر میں گھس کر لڑکی کو قتل …

    بلاول بھٹو زرداری کی جانب سے بجٹ منظور نہ ہونے سے متعلق سوال پر طلال چوہدری کا کہنا تھا بجٹ کابینہ کی منظوری کے بعد پیش کیا جاتا ہے، کمیٹی کو بجٹ پر بریفنگ دی جاتی ہے، ہر جگہ پر پیپلزپارٹی کی مشاورت ہوتی ہے، سیلاب زدگان کے لیے وزیراعظم شہباز شریف زیادہ متحرک نظر آئے ہیں، بجٹ پر ابھی بھی کسی کو اعتراض ہو گا تو وزیراعظم دیکھیں گے-

    کوٹےسےکئی گنا زائد الکوحل کی فروخت کی اجازت،ماہانہ رقم فرح گوگی کوپہنچائی جاتی

    طلال چوہدری نے کہا کہ پاکستان ڈیفالٹ نہیں ہو گا، ہم چاہتے ہیں مقابلہ ہونا چاہیے لیکن مقابلہ کردار اور پرفارمنس کا ہونا چاہیے، جو کچھ ہو رہا ہے تمام اتحادی جماعتیں شامل ہیں، اسحاق ڈار اکیلے فیصلے نہیں کرتے، کابینہ کو بریفنگ دیتے ہیں۔

    میئر کراچی کے الیکشن:پی ٹی آئی کےغیر حاضر چیئرمینز کو شوکاز نوٹس جاری

  • کراچی سے تحریک انصاف کو خدا حافظ کہہ دیا ،ملک سے جلد ان سیاسی دہشت گردوں کونکالیں گے.بلاول بھٹو

    کراچی:وزیر خارجہ بلاول بھٹو نے کہا ہے کہ وہ پورے سندھ کے عوام کاشکریہ اداکرتے ہیں ،سندھ کےبلدیاتی انتخابات میں کامیابی پر عوام کا شکرگزارہوں۔

    باغی ٹی وی : کراچی میں جلسے سےخطاب کرتے ہوئے انہوں نے کہا کہ کراچی سے کشمور تک جیالوں کی بلدیاتی حکومت ہو گی،سندھ کے بلدیاتی انتخابات تاریخی الیکشن تھے کراچی میں جلسے سے خطاب میں بلاول بھٹو زرداری نے چیئرمین تحریک انصاف پر تنقیدی تیر چلائے اور عمران خان کی گرفتاری کےخلاف پُرتشدد احتجاج کی مذمت کرتے ہوئے اسے دہشت گردی قرار دیا۔

    ہم کراچی کا مینڈیٹ چوری نہیں ہونے دیں گے ،حافظ نعیم الرحمان

    بلاول نے کہا کہ لاہور میں کور کمانڈر ہاؤس میں جلاؤ گھیراؤ اور توڑ پھوڑ کے واقعات پر ردعمل دیتے ہوئے بلاول نے کہا کہ سیاسی دہشت گردوں نے جناح ہاؤس کو آگ لگائی، ہم نے کبھی جی ایچ کیو یا کور کمانڈر ہاؤس پر حملہ نہیں کیا، ہم نے دہشت گردوں کا مقابلہ کیا عمران کیا چیز ہے۔ لاڈلے کے سہولت کار ہر جگہ موجود ہیں سیاسی دہشت گرد نے جیل جانے کے خوف سے ملک کو آگ لگادی۔

    انہوں نے کہا کہ سندھ کے عوام نے دہائیوں سے چلنے والی تقسیم کی سیاست کو شکست دی ہے،کراچی سے کشمور تک ووٹ سے نفرت کی سیاست کو دفن کردیا گیا ہے،جو کہتے تھے کراچی اور سندھ الگ الگ ہے وہ لوگ آج دفن ہو گئے،جلد پاکستان سے بھی نفرت کی سیاست کو ختم کردیں گے،تقسیم اور نفرت کی سیاست کو مسترد کرتےہیں۔

    پاک افواج تنصیبات کے تقدس کی خلاف ورزی کی مزیدکسی کوشش کوبرداشت نہیں کریں گی،آرمی …

    بلاول بھٹو نے کہا کہ کراچی سے تحریک انصاف کو خدا حافظ کہہ دیا ہے،ملک سے جلد ان سیاسی دہشت گردوں کونکالیں گے، یہ سیاسی دہشت گرد اب بھی لاڈلے بنے ہوئے ہیں خود کو بہادر کہنےوالا سرپر بالٹی ڈال کر باہر نکلتا ہے،اس نے تو ایک رات بھی جیل میں نہیں گزاری ، ایک دن بھی گیسٹ ہاوس میں کپتان برداشت نہیں کر سکا جیل کے خوف سے اداروں پر حملے کیے اور پاکستان کو جلا دیا ، جس جیل میں صدر زرداری اور فریال تالپور کو بھیجا اس میں جانے سے کپتان ڈرتا ہے۔

    چئیرمین پیپلز پارٹی نے کہاکہ پی ٹی آئی کے کارکنوں کو کہتا ہوں آپ اس دہشتگردی کی مذمت کریں ، ہم تو مذاکرات کے حامی تھے مگر دہشت گردوں سے کس طرح مذاکرات کریں سیاسی دہشت گرد نے جیل میں جانے کے ڈر سے املاک کوآگ لگوائی،ہم نے بھارت کے جھوٹ کا جواب ان کے سامنے بیٹھ کر دیا۔

    نیب حراست میں بھی عمران خان ان سے رابطے میں تھے،بابر اعوان

    ان کا کہنا تھا کہ جیل کے خوف سے انہوں نے پورے پاکستان کو جلادیا۔ کہتا ہے جج صاحب مجھے رہا کرو، میں پورے دن باتھ روم نہیں گیا۔ بالٹی والے لیڈر نے اپنی ذات کی خاطر پاکستان کو نقصان پہنچایا کے ایم سی کے ٹینکر اور ریڈ بس نے عمران خان کا کیا بگاڑا تھا کہ انہیں جلادیا گیا۔ عمران خان اس قدر بزدل ہیں کہ جہاں فریال تالپور اور آصف زرداری کو بھیجا وہاں جانے سے ڈرتے ہیں۔

    وزیرخارجہ نے مزید کہا کہ سیاست کرنی ہے تو پی ٹی آئی کو عسکری ونگ علیحدہ کرنا ہوگا، تحریک انصاف کے پُرامن کارکنوں کو ملک میں کی گئی حالیہ دہشتگردی کی مذمت کرنی چاہیے چیئرمین پیپلزپارٹی نے دوران تقریر عدلیہ پر بھی طنز کیےبولے کوئی ادارہ عمران خان کی ٹائیگر فورس نہیں بن سکتا، ہوش کے ناخن لیے جائیں اپنے دائرے میں رہ کر کام کیا جائے۔ اب ہم روایتی اپوزیشن اور احتجاج نہیں کریں گے، انصاف دو ورنہ چھین لیں گے۔

    ہم نے اپنے اداروں کا تحفظ کرنا ہے اور ججز کے بگاڑ کو سیدھا کرنا …

    بلاول نے کہا کہ پیپلزپارٹی پہلے بھی چاروں صوبوں کی زنجیر تھی اور آج بھی ہے،پاکستان پیپلزپارٹی نے آمریت کی سیاست کو دفن کردیا ہے،ہم نے ثابت کردیا الیکشن لڑبھی سکتےہیں اور جیت بھی پیپلزپارٹی انتخابات سے نہیں ڈرتی،پیپلزپارٹی آج بھی الیکشن کے لیے تیار ہے، سیاسی مخالفین کو ووٹ کی طاقت سے ہرائیں گے۔

    انھوں نے کہا کہ پیپلز پارٹی الیکشن لڑنا بھی جانتی ہے اور جیتنا بھی جانتی ہے، ہم الیکشن سے نہیں ڈرتے، پیپلز پارٹی الیکشن کےلیے تیار ہے ہم اپنے سیاسی مخالفین کو ووٹ کی طاقت سے ہرائیں گے۔ صوبائی حکومت اور بلدیاتی انتخابات میں جیت کے بعد وفاق بھی پیپلز پارٹی کا ہوگا۔

    سرکاری عمارتیں جلانےکی عدالتی تحقیقات کروائی جائیں،عمران خان

  • چینی وزیرخارجہ جمعے کو پاکستان کا دو روزہ دورہ کریں گے

    چینی وزیرخارجہ جمعے کو پاکستان کا دو روزہ دورہ کریں گے

    اسلام آباد: چینی وزیرخارجہ چن گانگ وزارت کا عہدہ سنبھالنے کے بعد جمعے کو پاکستان کا دو روزہ دورہ کریں گے۔

    باغی ٹی وی : ترجمان دفتر خارجہ کے مطابق عہدہ سنبھالنے کے بعد چینی وزیر خارجہ کا یہ پاکستان کا پہلا دورہ ہے، وہ 5 اور 6 مئی کو اسلام آباد پہنچیں گے عہدہ سنبھالنے کے بعد ان کا یہ پاکستان کا پہلا دورہ ہوگا-

    عمران خان کیخلاف غیر شرعی نکاح کا کیس،عون چوہدری کا بیان ریکارڈ کروانے کی درخواست …


    ترجمان دفتر خارجہ کے مطابق چینی وزیر خارجہ بلاول بھٹوکی دعوت پر پاکستان کے سرکاری دورے پر آ رہے ہیں،بلاول بھٹو زرداری اور چن گانگ پاک چین اسٹریٹجک ڈائیلاگ کے چوتھے راؤنڈ کی سربراہی کریں گے-

    اسلام آباد میں پاک چین وزرائے خارجہ کی مشترکہ سربراہی میں پاک چین اسٹریٹجک ڈائیلاگ ہوں گے جس میں تمام شعبوں میں دو طرفہ تعلقات، علاقائی اور عالمی اُمور پر تبادلہ خیال ہوگا۔

    وزیر خارجہ بلاول کا بھارت روانگی سے قبل ویڈیو پیغام

    دونوں فریق موسمی اسٹریٹجک کوآپریٹو پارٹنرشپ کی پائیدار مدت کی توثیق کریں گے۔ پاکستان اور چین کے درمیان کثیر جہتی تعاون کے لیے روڈ میپ تیار کیا جائے گا۔

    واضح رہے کہ پاک چین اسٹریٹجک ڈائیلاگ کے تیسرے راؤنڈ‌ جولائی 2021 میں چین میں ہواتھا-

    چئیرمین پی ٹی آئی عمران خان کا اسلام آباد عدالت پیشی سے قبل ویڈیو پیغام

  • بلاول بھٹوآئندہ ماہ بھارت جائیں گے

    بلاول بھٹوآئندہ ماہ بھارت جائیں گے

    اسلام آباد: وزیر خارجہ بلاول بھٹو زرداری آئندہ ماہ شنگھائی تعاون تنظیم کے اجلاس میں شرکت کے لیے بھارت جائیں گے،وزیرخارجہ بلاول بھٹو زرداری 2016 کے بعد بھارت کا دورہ کرنے والے پہلے پاکستانی وزیرخارجہ ہوں گے۔

    ایک ہی دن انتخابات پر مشاورت کیلئےحکمراں جماعتوں کاعید کے بعد سربراہی اجلاس بلانے کا …

    باغی ٹی وی: ترجمان دفتر خارجہ نے ہفتہ وار بریفنگ میں بتایا کہ 4 اور 5 مئی کو بلاول بھٹو زرداری گوا میں ہونے والے شنگھائی تعاون تنظیم کے وزرائے خارجہ کے اجلاس میں پاکستانی وفد کی قیادت کریں گے دورہ بھارت کے لیے ہماری تیاری جاری ہے، دورہ بھارت پر میڈیا کی شرکت کے لیے بھی رہنمائی کریں گے-

    پاکستانی قوم خبردار،مفتی نے چاند دیکھے بنا دن دہاڑے قبل از وقت عید کا اعلان …

    ترجمان نے بتایا کہ ممبر ڈیزاسٹر اتھارٹی آج شنگھائی تعاون تنظیم کےاجلاس میں ورچوئل شرکت کررہے ہیں، وفاقی وزیرماحولیاتی تبدیلی شیری رحمان نے شنگھائی تعاون تنظیم کے دہلی میں ہونے والے اجلاس میں ورچوئل شرکت کی، ان کے ساتھ ڈی جی نیشنل ڈیزاسٹر اتھارٹی نے بھی ورچوئل شرکت کی۔

    ایک ساتھ انتخابات کرانے کی درخواست،سیاسی رہنما پہنچے سپریم کورٹ

    دوسری جانب بھارت میں رواں ماہ کے آخر میں ہونے والے شنگھائی تعاون تنظیم کے وزرائے دفاع کے اجلاس میں وزیر دفاع خواجہ آصف نے بھارت نہ جانےکا فیصلہ کیا ہے خواجہ آصف شنگھائی تعاون تنظیم کے اجلاس میں ورچوئل شرکت کریں گے، خواجہ آصف کو وزرائے خارجہ اجلاس میں شرکت کی دعوت دی گئی تھی۔

    اسرائیلی وزیراعظم کی سعودی عرب اور ایران کے درمیان معاہدے پر تنقید