محکمہ موسمیات کے مطابق ملک کے بیشتر میدانی علاقوں میں موسم گرم اورخشک رہے گا-
باغی ٹی وی : محکمہ موسمیات کے مطابق پنجاب ،خیبرپختو نخوا، گلگت بلتستان اورآزادکشمیرمیں بارش متوقع ہے،اسلام آباد میں موسم گرم اورخشک رہے گا ،خطۂ پوٹھو ہار، گوجرانوالہ ، سیالکوٹ، نارووال اور لاہور میں بارش کا امکان ہے،مانسہرہ، ایبٹ آباد ، کو ہستان،سوات، چترال، دیر اور کرم میں بارش متوقع ہے-
ڈیرہ غازیخان – سیوریج کا پانی سیلابی شکل اختیار کرنے لگا
این ڈ ی ایم اے کے مطابق ملک بھر میں بارشوں اور سیلاب سے مزيد 5 افراد جاں بحق ہوئے ،بارشوں اور سیلا ب سے بلوچستان میں مزید 3 افراد جاںبحق ہوئے،ملک بھرمیں سیلا ب سےجاںبحق افراد کی تعداد ایک ہزار486 ہوگئى،ملک بھرمیں 12 ہزار 718 کلو ميٹر سڑک بارشوں اورسيلاب سےمتاثر ہے ،ملک بھر میں 9 لاکھ 18 ہزار 473 مويشيوں کو نقصان پہنچا،ملک بهر میں 80 اضلاع بارشوں اور سيلاب سے تاحال متاثر ہيں،
بلوچستان میں 24 گھنٹوں کے دوران سیلاب کے نتیجے میں ہونے والے حادثات میں مزید3 اموات ہوئی ہیں پرووینشل ڈیزاسٹر مینجمنٹ اتھارٹی(پی ڈی ایم اے) کی جاری کردہ رپورٹ کے مطابق گزشتہ 24 گھنٹوں میں سیلاب کے نتیجے میں ہونے والے حادثات میں مزید 13 اموات رپورٹ ہوئیں،ایک مرد ، 9 خاتون اور 3 بچوں کی اموات کوئٹہ سے سامنے آئیں۔
سیلاب سے متاثرہ علاقوں میں پاک فضائیہ نے امدادی کام مزید وسیع کردیے
بلوچستان میں یکم جون سے اب تک جاں بحق ہونے والوں کی تعداد 294 ہوگئی ہے ،جاں بحق ہونے والوں میں 134 مرد73خواتین اور 87 بچے شامل ہیں ۔
پی ڈی ایم اے کی رپورٹ کے مطابق صوبے میں بارشوں کے دوران مختلف حادثات میں 181 افراد زخمی ہوچکے ہیں، سیلابی ریلوں اور بارشوں سے مجموعی طور پر بلوچستان میں 65 ہزار 997 مکانات نقصان کا شکار ہوئے تو وہیں 2 لاکھ 70 ہزار 744 سے زائد مال مویشی سیلابی ریلوں کی نذر ہوگئے ہیں ۔
اب تک مجموعی طور پر 2 لاکھ ایکڑ زمین پر کھڑی فصلوں کو نقصان پہنچا،صوبے میں سیلابی ریلوں میں 22 پل گر گئے جبکہ 2200 کلو میٹر پر مشتمل مختلف شاہراہیں بھی شدید متاثر ہوئیں۔
