Tag: بنگلہ دیش

بنگلادیشی یوٹیوبر اور مس ایشیا گلوبل جیتنے والی اداکارہ شانتا پال کو بھارت میں گرفتار کرلیا گیا۔

بھارتی میڈیا کے مطابق بنگلادیشی یوٹیوبر کو کلکتہ میں گرفتار کیا گیا رپورٹس میں کہا گیا ہے کہ،کولکتہ میں بنگلہ دیشی خاتون شانتا پال کو پاسپورٹ کے لیے درخواست دینے کے لیے جعلی ہندوستانی دستاویزات استعمال کرنے پر گرفتار کیا گیا،38سالہ،پال کو کولکتہ کے گولف گرین علاقے میں کرائے کے مکان سے گرفتار کیا گیا۔

رپورٹس میں کہا گیا ہے کہ شانتا پال،بنگلادیشی ائیرلائن کی نوکری چھوڑنے کے بعد فوڈ ولاگنگ کرتی تھیں،اداکارہ کو گھر کرائے پر لینے کیلئے جعلی بھارتی دستاویزات جمع کرانے پر 30 جولائی کو گرفتار کیا گیا،اداکارہ نے بھارتی شناختی دستاویزات کیسے حاصل کیں تفتیش کی جا رہی ہے، اداکارہ نے غیرقانونی طریقے سے بھارتی دستاویزات حاصل کی ہیں جن کی مختلف اداروں سے تصدیق کروائی جا رہی ہے۔

پاک چین دفاعی اشتراک لازوال دوستی کی روشن علامت ہے،مریم نواز

ہفتہ وار بنیادوں پر مہنگائی کے اعدادوشمار جاری

پاکستان بھارت کی کسی بھی جارحیت کا بھرپور جواب دے گا

بنگلہ دیش کے شہر چٹاگانگ میں ایک نوجوان کو شادی کے ڈیڑھ ماہ بعد معلوم ہوا کہ اس کی نئی نویلی دلہن دراصل مرد ہے۔

بنگلہ دیشی ویب سائٹ کے مطابق، چٹاگانگ میں ایک حیران کن واقعہ سامنے آیا، جہاں شادی کے ڈیڑھ ماہ بعد شوہر کو پتہ چلا کہ اس کی نئی نویلی دلہن درحقیقت ایک مرد ہےیہ انکشاف جمعہ 25 جولائی کو ہوا، جس کے بعد علاقے میں ہلچل مچ گئی اور خبر سوشل میڈیا پر بھی وائرل ہو گئی۔

مقامی ذرائع کے مطابق، دلہن کا نام سامعہ بتایا جا رہا تھا، مگر اصل میں اس کا نام محمد شاہین الرحمٰن ہے، جو ابوالقاسم نامی شخص کا بیٹا ہے اور چٹاگانگ کے عیدگاہ بوبازار علاقے کا رہائشی ہے،شاہین الرحمٰن نے فیس بک پر سامعہ کے نام سے ایک لڑکی کا جعلی پروفائل بنا رکھا تھا، جہاں اس کی دوستی محمود الحسن شانتو نامی نوجوان سے ہوئی، بعد میں دونوں کی 7 جون کو اہلِ خانہ کی رضامندی اور ایک مولوی کی موجودگی میں شادی کر دی گئی۔

راولپنڈی: جرگے کے حکم پرخاتون کاقتل، کیس میں گرفتار باپ، بھائی اور سابق شوہر نےاعتراف جرم کرلیا

شادی کے بعد سامعہ ڈیڑھ ماہ تک شانتو کے گھر میں دلہن بن کر رہی اور کسی کو شک نہ ہوا کہ وہ مرد ہے، تاہم حالیہ دنوں میں اس کے رویے پر شانتو اور اس کے گھر والوں کو شک ہوا اور مزید تحقیق پر اس کی اصل حقیقت معلوم ہو گئی۔

شانتو نے میڈیا سے گفتگو میں کہا کہ ان کی سامعہ سے فیس بک پر دوستی ہوئی اور محبت کا رشتہ قائم ہوا، پھر وہ اچانک ان کے گھر آ گئی اور دونوں نے گھروالوں کی مرضی سے شادی کر لی، چونکہ اس کے پاس شناختی کارڈ نہیں تھا، اس لیے نکاح رجسٹر نہیں ہوا، شادی کے بعد سامعہ کا رویہ عجیب تھا، وہ جب بھی قریب جانے کی کوشش کرتے تو یہی کہتی کہ ڈاکٹر نے منع کیا ہے۔

پشاور ہائیکورٹ: علی امین گنڈاپور کے وارنٹ گرفتاری معطل

یہ واقعہ سامنے آنے کے بعد شاہین الرحمٰن کو ہفتہ 26 جولائی کی صبح اس کے گھر واپس بھیج دیا گیا ہےشاہین الرحمٰن عرف سامعہ نے مرد ہونے کا اعتراف کرتے ہوئے کہا کہ وہ مانتے ہیں کہ شانتو کے ساتھ جو کیا، وہ غلط تھا، لیکن انہیں ہارمونز کا مسئلہ ہے، وہ بچپن سے خود کو لڑکی محسوس کرتے ہیں، لڑکیوں کی طرح کپڑے پہننا اور سنورنا پسند ہے، اسی لیے یہ سب کچھ کیا۔

ایک،تحقیقاتی رپورٹ میں انکشاف کیا گیا ہے کہ بنگلہ دیش کی سابق وزیراعظم شیخ حسینہ نے جولائی میں ہونے والے عوامی مظاہروں کے دوران سیکیورٹی فورسز کو براہ راست فائرنگ کی اجازت دی تھی-

’دی ڈیلی سٹار‘‘ کی رپورٹ میں ایک تصدیق شدہ کال ریکارڈنگ کا حوالہ دیا گیا ہے، جس میں حسینہ کو احتجاج کچلنے کے لیے ’’براہ راست گولی مارو‘‘ کا حکم دیتے ہوئے سنا جا سکتا ہے،’اس حکم کے بعد ریاستی اداروں نے مظاہرین کے خلاف مہلک ہتھیاروں کی تعیناتی میں اضافہ کیا، جس کے نتیجے میں درجنوں افراد جان سے ہاتھ دھو بیٹھے اور سینکڑوں زخمی ہوئے 10 جولائی کی رات دارالحکومت ڈھاکہ اور دیگر شہروں میں مظاہروں کے خلاف فورسز نے جس شدت سے کارروائی کی، وہ پہلے سے طے شدہ حکمت عملی کا حصہ تھی‘‘۔

تحقیقاتی رپورٹ میں کہا گیا ہے کہ کال ریکارڈنگ، جو آزاد ماہرین نے تصدیق کی ہے، بظاہر اس وقت کی ہے جب ملک میں حکومت مخالف مظاہرے شدت اختیار کر چکے تھے، اس ریکارڈنگ میں شیخ حسینہ مبینہ طور پر اعلیٰ سیکیورٹی اہلکاروں کو مظاہرین پر براہ راست فائرنگ کی ہدایت دیتی ہیں،سیاسی و انسانی حقوق کے مبصرین نے اس انکشاف کو تشویشناک قرار دیتے ہوئے فوری عدالتی تحقیقات اور عالمی سطح پر ردعمل کا مطالبہ کیا ہے۔ کئی بین الاقوامی اداروں نے بنگلہ دیش میں انسانی حقوق کی ممکنہ خلاف ورزیوں پر تشویش ظاہر کی ہے۔

ملاوٹ کی لعنت، گدھے کا گوشت ،کیا یہی تربیت ہے؟تجزیہ:شہزاد قریشی

اب تک سابق وزیراعظم شیخ حسینہ یا ان کی جماعت عوامی لیگ کی جانب سے اس رپورٹ پر کوئی باضابطہ ردعمل سامنے نہیں آیا۔ تاہم بعض رہنماؤں نے اس رپورٹ کو ’’سیاسی پراپیگنڈا‘‘ قرار دے کر مسترد کیا ہے،اس انکشاف نے ملک میں سیاسی بحران کو مزید گہرا کر دیا ہے اور یہ دیکھنا باقی ہے کہ کیا بنگلہ دیش کی عدلیہ یا عالمی برادری اس معاملے میں کوئی باضابطہ قدم اٹھاتی ہے یا نہیں۔

ڈھاکا:بنگلا دیش کے سابق انسپکٹر جنرل پولیس چوہدری عبداللہ مامون نے گزشتہ سال ہونے والے مظاہروں کے خلاف کارروائی کے دوران انسانیت کے خلاف جرائم کا اعتراف کرلیا ہے،اس کے ساتھ ہی سابق وزیراعظم شیخ حسینہ واجد پر باضابطہ طور پر فرد جرم عائد کر دی گئی ہے۔

بین الاقوامی جرائم ٹریبونل (آئی سی ٹی) میں جمعرات کو ہونے والی سماعت کے دوران چیف پراسیکیوٹر محمد تاج الاسلام نے صحافیوں کو بتایا کہ سابق آئی جی پی نے اپنے جرائم کا اعتراف کرتے ہوئے عدالت کو تعاون کی یقین دہانی کرائی ہےمامون جولائی اور اگست 2024 میں ہونے والی بغاوت کے دوران کیے گئے جرائم کے بارے میں اپنی تمام معلومات فراہم کریں گے عدالت نے ان کی حفاظت کے لیے علیحدہ رہائش کی بھی منظوری دے دی ہے۔

ٹریبونل نے جمعرات کو شیخ حسینہ اور ان کے سابق وزیر داخلہ اسد الزمان خان کمال کے خلاف الزامات ختم کرنے کی وکلا کی درخواست مسترد کر دی، دونوں شخصیات پر اس مقدمے میں باضابطہ طور پر فرد جرم عائد کی گئی ہے حسینہ واجد کے سرکاری وکیل عامر حسین نے کہا کہ مقدمہ ابھی ابتدائی مراحل میں ہے اور اس میں کئی قانونی کارروائیاں باقی ہیں۔

ایئر انڈیا طیارہ حادثے کا ذمہ دار کون؟ تحقیقاتی رپورٹ میں اہم انکشافات

یاد رہے کہ اقوام متحدہ کے اعداد و شمار کے مطابق گزشتہ سال جولائی سے اگست کے دوران شیخ حسینہ حکومت کے خلاف ہونے والے طلبا کے مظاہروں کو کچلنے کی کوششوں میں تقریباً 1,400 افراد ہلاک ہوئے تھے آئی سی ٹی اب حسینہ کی معزول حکومت اور ان کی کالعدم جماعت عوامی لیگ سے وابستہ سابق اعلیٰ حکام کے خلاف مقدمات چلا رہی ہے۔

اس سے قبل 2 جولائی کو شیخ حسینہ کو ایک الگ مقدمے میں توہین عدالت کا مرتکب قرار دیتے ہوئے چھ ماہ قید کی سزا سنائی گئی تھی۔ فرار وزیر داخلہ اسد الزمان خان کمال کے بارے بھی خیال کیا جاتا ہے کہ وہ بھارت میں موجود ہیں استغاثہ کا موقف ہے کہ مظاہروں کے دوران ہونے والے تشدد کی تمام تر ذمے داری براہ راست شیخ حسینہ پر عائد ہوتی ہے۔

وزیراعظم کی آرمی چیف کے صدارتی عزائم کی خبروں کی سختی سے تردید

واضح رہے کہ 77 سالہ حسینہ واجد مظاہروں کے بعد ہیلی کاپٹر کے ذریعے بھارت فرار ہوگئی تھیں، جس کے ساتھ ہی ان کے 15 سالہ اقتدار کا خاتمہ ہوا انہوں نے ڈھاکا واپس آنے کے لیے جاری کیے گئے حوالگی کے حکم کو نظر انداز کیا اور یکم جون سے ان کی غیر حاضری میں مقدمہ چل رہا ہےان پر قتل عام کی روک تھام میں ناکامی، سازش، معاونت، اشتعال اور شریک جرم ہونے سمیت کم از کم پانچ سنگین الزامات عائد ہیں۔