باغی ٹی وی کی رپورٹ کے مطابق بھارت میں ہونیوالے ٹرین حادثے میں ابھی تک 101 لاشوں کی شناخت نہیں ہو سکی، باقی لاشیں لواحقین کے حوالے کر دی گئی ہیں
ریلوے حکام کا کہنا ہے کہ اڑیشہ میں ہونے والے المناک حادثے میں 300 کے قریب اموات ہوئیں، 1000 سے زائد افراد زخمی ہوئے، زخمیوں کا علاج جاری ہے، معمولی زخمیوں کو ڈسچارج کر دیا گیا ہے وہیں لاشوں کی شناخت کا عمل شروع کیا گیا تھا ابھی تک 101 لاشوں کی شناخت نہیں ہو سکی، 200 کے قریب زخمی مختلف ہسپتالوں میں زیر علاج ہیں، جن لاشوں کی شناخت کی گئی انکو لواحقین کے حوالے کیا گیا ، باقیوں کی شناخت کے لئے ڈی این اے کیا جائے گا، لواحقین کے ساتھ مسلسل رابطے میں ہیں،
بھارت ٹرین حادثہ، والدین نے لاشوں کے ڈھیر سے بیٹے کو زخمی حالت میں تلاش کر لیا
دوسری جانب اطلاعات ہیں کہ ریل حادثے کے بعد زخمی افراد کو بھی مرنیوالوں کے ساتھ رکھا جاتا رہا، کئی زخمیوں کی اس طرح بھی موت ہوئی، میڈیا رپورٹس کے مطابق یہ انکشاف اسوقت سامنے آیا جب ایک باپ اپنے بیٹے کو ڈھونڈنے کی کوشش میں کامیاب اسوقت ہوا جب لاشوں کے اندر سے اسے زخمی بیٹا ملا، باپ نے زخمی بیٹے کو فوری ایمرجنسی وارڈ منتقل کروایا جہاں اسکا علاج کیا گیا، بورا کے رہائشی دکاندرا بیلا رام کے بیٹے نے بھی اس بدقسمت ٹرین میں سفر کیا جو حادثے کا شکار ہوئی، 24 سالہ بسوجیت سے حادثے کے بعد والدین نے رابطہ کیا لیکن رابطہ نہ ہوا، والدین جائے وقوعہ پر پہنچے، لاشوں ، زخمیوں میں بیٹے کو دیکھا، ہسپتال انتظامیہ نے لاشوں کی طرف جانے سے روکا، لیکن والدین نہ رکے، اچانک انہیں ایک کفن سے ہاتھ نظر آیا ، انہوں نے دیکھا تو وہ اسکے بیٹے کا تھا، والدین نے بیٹے کو دیکھا وہ مردہ نہیں بلکہ زخمی تھا، اسے وارڈ منتقل کیا گیا جہاں اسکا علاج کیا گیا،اور والدین اپنے بیٹے کی جان بچانے میں کامیاب ہو گئے،
اڑیشہ میں جمعہ کی شام تین ٹرینیں آپس میں ٹکرا گئی تھیں، واقعہ کے بعد آج تک بھی فضا سوگوار ہے، بھارتی وزیراعظم مودی نے زخمیوں سے ملاقات کی تھی، جائے وقوعہ کا بھی فضائی جائزہ لیا تھا، مودی نے ایک اجلاس میں تمام زخمیوں کو بہترین علاج معالجہ کی بھی ہدایت کی تھی،
اڑیشہ میں ہونیوالے ٹرین حادثے کے بعد بھارت کی اپوزیشن نے وزیر ریلوے سے استعفے کا مطالبہ کیا ہے، راہول گاندھی کا کہنا تھا کہ ہمارے دور حکومت میں جب بھی ٹرین حادثہ ہوا، وزیر ریلوے نے زمہ داری قبول کی اور استعفی دیا ، اب موجودہ وزیر ریلوے کو استعفیٰ دینا چاہئے، ادھو دھڑے گروپ کے رہنما سنجے راوت نے بھی ٹرین حادثے پربھارتی وزیر اعظم مودی پر تنقید کرتے ہوئے کہا کہ ریلوے وزیر اعظم کے لئے ایک کھلونا بن گیا ہے وزیر اعظم صرف ہری جھنڈی دکھاتے رہتے ہیں
سویڈن نے سیکس کو کھیل کا درجہ دیتے ہوئے مقابلے کروانے کا اعلان کر دیا
سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار
قصور کے بعد تلہ گنگ میں جنسی سیکنڈل. امام مسجد کی مدرسہ پڑھنے والی بچیوں کی ساتھ زیادتی
سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام
