Baaghi TV

Tag: تازہ ترین

  • جنوبی ایشیا میں پاکستان روس کا اہم اتحادی ہے. صدر پیوٹن

    جنوبی ایشیا میں پاکستان روس کا اہم اتحادی ہے. صدر پیوٹن

    روس نے جنوبی ایشیا میں پاکستان کو اہم اتحادی قرار دیدیا ہے.

    صدر پیوٹن نے پاکستان کو جنوبی ایشیا اور عالم اسلام میں روس کا اہم شراکت دار ملک قرار دیتے ہوئے دوطرفہ تعلقات کو مزید گہرا کرنے کے لیے روس کی بھرپور دلچسپی ظاہر کردی۔ وزیراعظم محمد شہباز شریف سے روس کے وزیر توانائی نکولے شولگینوف کی قیادت میں وفد نے لاہور میں ملاقات کی، اس دوران وزیراعظم نے پاکستان اور روس کے باہمی تعلقات کی اہمیت پر روشنی ڈالی۔

    ملاقات کے دواران وزیر اعظم نے ستمبر 2022 میں سمرقند میں روسی صدر ولادیمیر پیوٹن کے ساتھ اپنی ملاقات کا ذکرکرتے کرتے ہوئے تجارت، سرمایہ کاری اور اقتصادی معاملات میں دوطرفہ تعاون کو بڑھانے کے لیے دونوں ممالک کی کوششوں پر اطمینان کا اظہار کیا۔ دونوں اطراف سے دوطرفہ اقتصادی اور تجارتی تعلقات کی ترقی کے لیے توانائی کے شعبے کی اہمیت پر اتفاق کیا گیا، اس سلسلے میں روس سے پاکستان کو طویل المدتی بنیادوں پر تیل اور گیس کی فراہمی پر تبادلہ خیال کیا گیا اور گیس پائپ لائنز سے متعلق امور کا بھی جائزہ لیا گیا۔

    لاہور میں روسی وزیر سے ہوئی ملاقات میں پاکستان اور روس کے تعلقات کو مزید مضبوط بنانے کے لیے اہم فیصلے کیے گئے تھے، اس موقع پر روس کے وزیر توانائی نے وزیر اعظم کو روسی صدر ولادی میر پیوٹن کا خصوصی پیغام پہنچایا۔ صدر پیوٹن نے اپنے پیغام میں پاکستان کو جنوبی ایشیا اور عالم اسلام میں روس کا اہم پارٹنر قرار دیتے ہوئے دوطرفہ تعلقات کو مزید گہرا کرنے کے لیے روس کی بھرپور دلچسپی کا اعادہ کیا۔
    مزید یہ بھی پڑھیں؛
    حدیقہ میمن کیس:اجتماعی زیادتی کا جرم ثابت ہونے پر چار ملزمان کو عمر قید کی سزا
    ایرانی سفیر کی دفتر خارجہ طلبی، دہشت گردانہ حملے پرتشویش کا اظہار
    وزیراعظم نے آج 20 جنوری 2023 کو اسلام آباد میں ہونے والے پاک روس بین الحکومتی کمیشن کے اجلاس کے آٹھویں دور کے کام کے حوالے سے خیالات کا اظہار کیا۔

  • حدیقہ میمن کیس:اجتماعی زیادتی کا جرم ثابت ہونے پر چار ملزمان کو عمر قید کی سزا

    حدیقہ میمن کیس:اجتماعی زیادتی کا جرم ثابت ہونے پر چار ملزمان کو عمر قید کی سزا

    کراچی انسداد دہشت گردی عدالت نے میمن گوٹھ میں اجتماعی زیادتی کا شکار حدیقہ میمن کیس میں جرم ثابت ہونے پر چار ملزمان کو عمر قید کی سزا سنادی،مزید پانچ سال جیل میں سزا دینے کا بھی حکم جاری، ملوث ملزمان کو کراچی سینٹرل جیل منتقل کر دیا گیا-

    باغی ٹی وی : حدیقہ میمن کے والد جاوید میمن نے عدالت کے فیصلے پر رد عمل دیتے ہوئے کہا کہ ملزمان کو سزا دے کر معزز عدالت نے مزید بچیوں کی زندگی کو تباہ ہونے سے بچا لیا ہے ایڈووکیٹ محمد خان شیخ نے کہا کہ سماج میں برائیوں کو ختم کرنے میں یہ فیصلہ اہم کردار ادا کرے گا-

    قصور: اوباشوں نے لڑکی کو زیادتی کا نشانہ بنا ڈالا

    تفصیلات کے مطابق دو سال قبل 12 جنوری 2021 کو میمن گوٹھ میں 14 سالہ بچی طالبعلم حدیقہ جاوید میمن سے محلے کے چار ملزمان سبحان، آرض، عدیل مزمل نے اجتماعی زیادتی کر کے سوشل میڈیا پر نازیبا وڈیو بھی وائرل کی تھی جس کے خلاف تھانہ میمن گوٹھ میں مقدمہ درج کر کے ملوث ملزمان کو گرفتار کر لیا گیا تھا-

    اس سلسلے میں پہلے ملیر کورٹ اور بعدازاں انسداد دہشت گردی عدالت میں 18 ماہ تک کیس چلا جس کا عدالت نمبر 4 کے معزز جج الطاف اعوان نے جرم ثابت ہونے پر چاروں ملزمان کو 25 سال عمر قید اور مزید 5 برس قید کی سزا سنائی اور فوری طور پر ملزمان کو سینٹرل جیل بھجوا دیا-

     سے زیادتی کی کوشش کرنیوالا پڑوسی گرفتار

    کیس میں حدیقہ میمن کے وکیل محمد خان شیخ نے بتایا کہ میں نے کیس میں اس لیے محنت کی کے سماج میں سے برائیوں کو روکا جا سکے، لڑکی کے والد جاوید میمن کا کہنا ہے کہ اوباش لڑکوں نے میری بیٹی کی زندگی تباہ کردی ہے لیکن عدالت نے انصاف کرکے دیگر بچیوں کی زندگی کو محفوظ بنا دیا ہے۔

  • ایرانی سفیر کی دفتر خارجہ طلبی، دہشت گردانہ حملے پرتشویش کا اظہار

    ایرانی سفیر کی دفتر خارجہ طلبی، دہشت گردانہ حملے پرتشویش کا اظہار

    اسلام آباد: ایرانی سفیر کو دفتر خارجہ میں طلب کر کے پاکستانی حکام نے تحفظات سے آگاہ کردیا ہے۔

    باغی ٹی وی: پاکستان دفتر خارجہ نے پنجگور میں ایرانی دہشت گردوں کی فائرنگ سے سکیورٹی فورسز کے چار اہلکاروں کی شہادت پر ایرانی سفیر سید محمد علی حسینی کو طلب کیا اور اپنی تشویش کا اظہار کیا۔

    ایران کی حدود سےدہشت گردوں کا حملہ،4 سکیورٹی اہلکار شہید

    دفتر خارجہ کے ترجمان کے مطابق پاکستانی حکام کی جانب سے سفیر سے کہا گیا کہ امید کرتے ہیں ایرانی حکومت ذمہ داران کو انصاف کے کٹہرے میں لائے گی اور ایران اپنی سرزمین پاکستان کے خلاف استعمال ہونے سے روکے گا پاکستان دہشت گردی کی لعنت سے لاحق مشترکہ خطرے سے نمٹنے کے لیے ایران کے ساتھ مل کر کام کرنے کے لیے پرعزم ہے۔

    واضح رہے کہ گذشتہ روز پنجگور کے چکاب سیکٹر میں دہشت گردوں کے حملے میں 4 جوان شہید ہو گئے تھےفوج کے شعبہ تعلقات عامہ آئی ایس پی آرکےمطابق دہشت گردوں نے سرحد پر گشت کرنےوالےقافلے کو نشانہ بنایا دہشت گردوں کی طرف سےایرانی سرزمین استعمال کی گئی۔ آئی ایس پی آر کے مطابق شہدا میں سپاہی اسد علی، لانس نائیک فریداللہ، عبدالرزاق اور یونس خان شامل ہیں۔

    حکومت کا بندرگاہوں پر پھنسے کنٹینرز کے جرمانے معاف کرنے کا فیصلہ

  • عمران خان کی ترقی صرف باتوں کی حد تک تھی،میاں نواز شریف

    عمران خان کی ترقی صرف باتوں کی حد تک تھی،میاں نواز شریف

    لندن: پاکستان مسلم لیگ (ن) کے قائد میاں نواز شریف نے کہا ہےکہ پاکستان مشکلات سے باہر نکلے گا، ہم نکالیں گے، ہمارے دور میں لوگ خوشحال تھے، عمران خان کی ترقی صرف باتوں کی حد تک تھی۔

    باغی ٹی وی: سابق وزیراعظم میاں نواز شریف نے میڈیا سے گفتگو کرتے ہوئے کہا کہ میں نے گوجرانوالہ کے جلسے میں ہر بات کھول کر رکھ دی تھی، ن لیگ کے دور میں بڑی خوشحالی تھی، نہ کسی کی شکل چھپی ہوئی ہے اور نہ ہی کسی کا نام چھپا ہوا ہے پاکستان کو اپنی ذات کے گرد گھمایا گیا اور گھناؤنا مذاق کیا گیا لیکن ہم پاکستان کو مشکلات سے باہر نکالیں گے۔

    عمران خان 35 سے لڑیں یا 70 حلقوں سے…رانا ثناء اللہ نے بڑا دعویٰ کر دیا

    بعد ازاں وفاقی وزیر داخلہ رانا ثنا اللہ نے کہا کہ وزیراعلیٰ پنجاب نے پہلے کہا تھا کہ وہ اعتماد کا ووٹ نہیں لیں گے، پنجاب اسمبلی میں ہمارے نمبر زپورے تھے، نواز شریف کی قیادت میں تمام لوگ متحد ہیں، پنجاب کے الیکشن میں ن لیگ کامیابی حاصل کرے گی۔

    انہوں نے کہا کہ آج نواز شریف سے رہنمائی لی ہے اس کے مطابق ہی آگے کا لائحہ عمل طے کریں گے، مریم نواز اگلے ہفتے وطن واپس آئیں گی، مریم نواز کا 26،27 کو وطن واپسی کا پروگرام ہے، نواز شریف عام انتخابات میں ن لیگ کی مہم چلائیں گے، نواز شریف کی واپسی طے ہے، کچھ قانونی رکاوٹیں ہیں، نواز شریف پارٹی قائد ہیں، ووٹ اور سپورٹ ان کی ہے، نواز شریف کی انتخابات سے قبل واپسی ضروری ہے-

    سندھ بلدیاتی انتخابات:نتائج میں غیرضروری تاخیر سے سارا عمل متاثر ہوا،فافن

    رانا ثنا اللہ نے کہا کہ پی ٹی آئی کے کچھ اپنے لوگ ہی ان سے ناراض تھے، ہمارا 179 کا نمبر پیر کو بھی پورا تھا اور منگل کو بھی پورا تھا، عمران خان نے بار بار اسمبلیاں توڑنے کی تاریخیں دیں،توشہ خانہ میں عمران خان کا گھٹیا کردارسامنے آیا ہےعمران خان کی گرفتاری بنتی ہے تو اداروں کو گرفتار کرنا چاہیے۔

    رانا ثنا اللہ نے ایک سوال کے جواب میں واضح طور پر کہا کہ شاہد خاقان عباسی کی کوئی ناراضگی نہیں ہے، شاہد اسلم کی گرفتاری ڈیٹا لیک ہونے کے معاملے پر ہوئی۔

    لندن میں نواز شریف کی زیرصدارت پنجاب کی صورتحال پراجلاس

  • حکومت کا بندرگاہوں پر پھنسے کنٹینرز کے جرمانے معاف کرنے کا فیصلہ

    حکومت کا بندرگاہوں پر پھنسے کنٹینرز کے جرمانے معاف کرنے کا فیصلہ

    وفاقی وزير برائے پورٹس اینڈ شپنگ فیصل سبزواری نے کہا ہے کہ کئی ہفتوں سے بندرگاہوں پر پھنسے کنٹینرز کے جرمانے معاف کرنے کا فیصلہ کیا ہے۔

    باغی ٹی وی : انہوں نےکہا کہ مشکل وقت میں کاروباری طبقے کیلئے آسانیاں پیدا کرکےہی معیشت میں استحکام کی کوشش ہوسکتی ہے کاروباری برادری کے نمائندوں سے ملاقات کرکے مزید اقدامات پر بھی مشاورت کی جائے گی وزارت بحری امورنےبندرگاہوں کو ملنے والے جرمانے معاف کرنے کا فیصلہ کیا ہے اور نجی ٹرمینلز سے بھی جرمانے خاطر خواہ کم کرانے کی کوشش کی جائیگی۔

    لاہور ہائیکورٹ کا پنجاب حکومت کو اقلیتوں کے طلاق سرٹیفکیٹ سے متعلق رولز بنانے کا حکم


    ٹمبر مارکیٹ کے تاجروں نے اپنا حتجاج ختم کرتے ہوئے وفاقی وزیر کے رویہ اور اقدام کو مثبت قرار دیا قبل ازیں کراچی کے تاجروں نے کراچی سے تعلق رکھنے والے وفاقی وزیر پورٹس اینڈ شپنگ کی تلاش میں ریلی نکالی اور وفاقی وزیر پورٹس اینڈ شپنگ کی دفتر پی این ایس سی بلڈنگ کے باہر دھرنا دیا۔


    تاجروں کا کہنا تھا کہ وفاقی وزیر سے ایک ماہ سے ملاقات کی درخواست کررہے ہیں لیکن فیصل سبزواری مسائل سننے پر آمادہ نہیں جب کہ ایم کیو ایم رابطہ کمیٹی اور خالد مقبول صدیقی کے پاس بھی ہمارے لیے وقت نہیں کلیئرنس میں تاخیر اور ایل سیز نہ کھلنے سے بھاری ڈیمرجز عائد ہورہے ہیں، تاجروں نے پورٹ حکام اور وفاقی وزیر سے ڈیمرج اور پورٹ چارجز معطل کرنے کا مطالبہ کیا۔

    پاکستان کے زرمبادلہ کے ذخائر میں اضافہ ہوگیا

    ریلی کے بعد ٹمبر ٹریڈرز نے نجی بینک کی برانچ میں ایل سیز کے حوالے سے اپنے کاغذات کی واپسی کے لئے دھرنا بھی دیا۔

    تاجر رہنما شرجیل گوپلانی نے بتایا کہ 9.7 ملین ڈالر مالیت کی درامدی لکڑی کراچی بندرگاہ پہنچ چکی ہے، مزید 17 ملین ڈالر کی لکڑی راستے میں ہے گورنر اسٹیٹ بینک کی یقین دہانی کے باوجود ایل سی کی دستاویزات منظور نہیں ہورہیں پورٹ پر پہنچنے والی کھیپ پر بھاری ڈیمرج عائد ہورہا ہے جو ڈالر کی شکل میں ملک سے باہر جائے گا اور بحران کا شکار تاجروں اور درآمد کنندگان ہوجھ بنے گا۔

    پی این ایس سی بلڈنگ ہر دھرنے کے بعد حکام نے مزاکرات کی کوشش کی اور وفاقی وزیر پورٹس اینڈ شپنگ کا پیغام پہنچایا کہ جمعہ کو تین رکنی وفد سے ملاقات ممکن ہے جس پر تاجروں نے جمعہ کی سہ پہر تک دھرنا جاری رکھنے کا اعلان کیا۔

    ضلع خیبر میں پولیس چیک پوسٹ پر دہشت گردوں کا حملہ، 2 پولیس اہلکاروں سمیت 3 شہید

  • جانوروں کے گوبر سے تیار کردہ بائیو میتھین سے چلنے والا دنیا کا پہلا ٹریکٹر

    جانوروں کے گوبر سے تیار کردہ بائیو میتھین سے چلنے والا دنیا کا پہلا ٹریکٹر

    ہالینڈ کی ایک کمپنی نے جانوروں کے گوبر سے تیار کردہ بائیو میتھین سے چلنے والا دنیا کا پہلا ٹریکٹر تیار کر لیا۔

    باغی ٹی وی: اغیر ملکی خبر رساں ایجنسی کے مطابق دنیا بھر میں گائے بھینسوں کے گوبر سے بائیو ایندھن بنایا جا رہا ہے لیکن اب ہالینڈ کی ایک کمپنی نے بائیو ایندھن سے چلنے والا ٹریکٹر بھی متعارف کرا دیا۔

    992 سال بعد نیا چاند زمین کے قریب ترین ہو گا

    میتھین گیس سے چلنے والے ٹریکٹر کو “ٹی سیون” کا نام دیا گیا ہے اور اسے “نیو ہالینڈ ایگریکلچر” اوربرطانوی کمپنی بینامان نے مشترکہ طور پر تیار کیا ہے تاہم اس میں براہِ راست گوبر نہیں ڈالا جاتا گوبر سے بننے والی گیس کو صاف کر کے ایل این جی کی شکل دی جاتی ہے-

    گوبر جمع کرکے اسے پتلا کرکے بڑے ٹینکوں میں ڈالا جاتا ہے جس کا درجہ حرارت منفی 162 درجے سینٹی گریڈ ہوتا ہےاس سے گیس بنتی ہے جس میں غالب حصہ میتھین کا ہوتا ہے اور پھر اسے خاص انجن والے ٹریکٹروں اور گاڑیوں میں استعمال کیا جاسکتا ہے-

    مائیکرو سافٹ کا اپنے 10 ہزار ملازمین کو نکالنے کا اعلان

    خاص بات یہ کہ کسان اپنے ٹریکٹر کا ایندھن خود بنا سکیں گے اور دوسری جانب ماحول دوست زراعت کا فروغ بھی ہو سکے گا۔ اس طرح کسانوں کے اخراجات میں کمی اور بچت میں اضافہ ہو گا۔

    تاہم گوبر سے مائع ایل این جی بنانے کا عمل قدرے مہنگا ہوتا ہے۔ اس کے لیے برطانوی کمپنی نے ایک حل پیش کیا ہے۔ اس نے ایک موبائل کنورٹر بنایا ہے جو گوبر کی مناسب مقدار جمع ہونے پر وہاں پہنچ جاتا ہے اور گوبر کو بایوگیس میں بدل کر وہاں سے دوسرے کھیت تک روانہ ہوتا ہے۔ اسی کمپنی نے سستا کرایوجینک (ٹھنڈا) ٹینک بھی بنایا ہے۔

    دونوں کیمپنیوں کا کہنا ہے کہ اس طرح کسان اضافی رقم بنا سکیں گے یا بچاسکیں گے جبکہ ماہرین کا کہنا ہے کہ یہ چھوٹے سے چھوٹا کھیت یا فارم بھی اس عمل کو اپنے لیے ممکن اور منافع بخش بناسکتا ہے۔

    پیرو کے نیشنل پارک سے چھپکلی کی نئی قسم دریافت

  • پاکستان ہائی کمیشن نیو دہلی کی کوششوں سے بھارت میں قید پاکستانی کو رہائی مل گئی

    پاکستان ہائی کمیشن نیو دہلی کی کوششوں سے بھارت میں قید پاکستانی کو رہائی مل گئی

    لاہور: پاکستان ہائی کمیشن نیو دہلی کی کوششوں سے بھارت میں قید ایک پاکستانی نوجوان کو رہائی مل گئی-

    باغی ٹی وی: بھارتی حکام نے 18 سالہ پاکستانی نوجوان فرحان خان کو واہگہ بارڈر پر پاکستان رینجرزپنجاب کے حوالے کر دیا فرحان خان کا تعلق پنجاب کی تحصیل چشتیاں، ضلع بہاولنگر سے ہے اور اسے بھارتی حکام نے 2019 میں گرفتار کیا تھا۔

    ضلع خیبر میں پولیس چیک پوسٹ پر دہشت گردوں کا حملہ، 2 پولیس اہلکاروں سمیت 3 شہید

    فرحان خان گھروالوں سےناراض ہوکرنکلا اورغلطی سے بارڈرکراس کرگیا تھا پاکستان ہائی کمیشن نیو دہلی کے ترجمان کے مطابق پاکستان کی وزارت خارجہ اور بھارتی حکام سے مسلسل رابطوں اور کوششوں سے نوجوان کی رہائی ممکن ہوئی ہے جو جمعرات کے روز واپس پاکستان پہنچ گیا۔

    کمسن لڑکی سے زیادتی کی کوشش کرنیوالا پڑوسی گرفتار

    واضع رہے کہ پاکستان اور بھارت نے رواں ماہ یکم جنوری کو ایک دوسرے کے ساتھ قیدیوں کی فہرست کا تبادلہ کیا تھا۔ پاکستان نے بھارت کو51 بھارتی سویلین اور 654 ماہی گیروں کی تفصیلات فراہم کی تھیں جبکہ بھارت نے 339 پاکستانی سویلین اور 95 ماہی گیروں کی فہرست پاکستانی ہائی کمیشن نئی دہلی کے حوالے کی تھی۔

    سندھ بلدیاتی انتخابات:نتائج میں غیرضروری تاخیر سے سارا عمل متاثر ہوا،فافن

  • لاہور ہائیکورٹ کا پنجاب حکومت کو اقلیتوں کے طلاق سرٹیفکیٹ سے متعلق رولز بنانے کا حکم

    لاہور ہائیکورٹ کا پنجاب حکومت کو اقلیتوں کے طلاق سرٹیفکیٹ سے متعلق رولز بنانے کا حکم

    لاہور ہائیکورٹ نے پنجاب حکومت کو اقلیتوں کے طلاق سرٹیفکیٹ سے متعلق 90 روز میں رولز بنانےکا حکم دے دیا۔

    باغی ٹی وی: لاہورہائیکورٹ نے اقلیتی خاتون کی طلاق کے بعد والد کے نام سے شناختی کارڈ کے اجرا کی درخوست پر فیصلہ جاری کردیا درخواست گزار کےمطابق یونین کونسل اقلیتوں کو طلاق سرٹیفکیٹ جاری نہیں کرتی طلاق سرٹیفکیٹ کے بغیر نادرا شناختی کارڈ میں تبدیلی نہیں کرتا۔

    ضلع خیبر میں پولیس چیک پوسٹ پر دہشت گردوں کا حملہ، 2 پولیس اہلکاروں سمیت 3 شہید

    جسٹس طارق سلیم نے خاتون شہری کی درخواست پر 7 صفحات پر مشتمل فیصلہ جاری کیا۔

    جسٹس طارق سلیم نے درخواست گزار کے درخواست پر فیصلہ سناتے ہوئے اقلیتوں کے طلاق سرٹیفکیٹ سے متعلق 90 روز میں رولز بنانےکا حکم دے دیا ریمارکس دیئے کہ مسیحی برادری کی جانب سے ‎طلاق سرٹیفکیٹ جاری نہ ہونےکی شکایات آرہی ہیں پنجاب لوکل گورنمنٹ ایکٹ کے تحت رولز کا اجراضروری ہے۔

    ننکانہ : ڈی سی آفس میں قائم کیے گئے RTI مرکز کا باقاعدہ افتتاح

    لاہور ہائیکورٹ نے ہدایت کی ہے کہ رولز بنائےجائے تک نادرا رجسٹریشن پالیسی کے تحت سہولت فراہم کرےعدالت نے درخواست گزارکو شناختی کارڈ کیلئےدوبارہ نادراسے رجوع کرنےکی ہدایت بھی کردی۔

  • پاکستان کے زرمبادلہ کے ذخائر میں اضافہ ہوگیا

    پاکستان کے زرمبادلہ کے ذخائر میں اضافہ ہوگیا

    کراچی: ملک کے ذرمبادلہ کے ذخائر میں حالیہ ایک ہفتے کے دوران 25 کروڑ80 لاکھ ڈالر کا اضافہ ہوا ہے جس کے بعد ملک کے مجموعی ذرمبادلہ کے ذخائر بڑھ کر دس ارب 44 کروڑ36 لاکھ ڈالر تک پہنچ گئے۔

    باغی ٹی وی: اسٹیٹ بینک آف پاکستان کے ترجمان کی جانب سے جاری ہونے والے اعلامیے کے مطابق زرمبادلہ کے ذخائر بڑھنے کے بعد اسٹیٹ بینک کے پاس موجود ذرمبادلہ کے ذخائر بڑھ کرچار ارب60 کروڑ 12لاکھ ڈالر ہوگئے ہیں۔


    اسٹیٹ بینک کا کہنا ہے کہ درآمدات روکنے سے زرمبادلہ ذخائر کی گراوٹ رکی ہے، 13 جنوری تک ملکی زرمبادلہ کے ذخائر 10 ارب 44 کروڑ ڈالر رہے،جنوری کے دوسرے ہفتے میں زرمبادلہ کے ذخائر 25 کروڑ 58 لاکھ ڈالر بڑھے ہیں۔

    ترجمان اسٹیٹ بینک کے مطابق کمرشل بینکوں کے پاس موجود ذرمبادلہ کے ذخائر 5 ارب84کروڑ 24لاکھ ڈالر ہیں۔

  • ماضی کی معروف شاعرہ فاطمہ تاج النساء کا یوم وفات

    ماضی کی معروف شاعرہ فاطمہ تاج النساء کا یوم وفات

    نام فاطمہ تاج النساء اور تخلص تاجؔ تھا 25؍اکتوبر 1948ء کو حیدرآباد دکن میں پیدا ہوئیں۔ محترمہ فاطمہ تاجؔ کا نام، گذشتہ صدی کی چھٹی دہائی سے شروع ہونے والے زائد از نصف صدی طویل ادبی سفر میں والد ماجد رؤف خلش و اعتماد صدیقی مرحوم کے بشمول دیگر ممتاز شعراء کی فہرست میں شامل رہا ہے۔

    وہ جدیدیت سے پرے روایتی لیکن منفرد لہجہ کی حامل اچھی شاعرہ ہونے کے ساتھ عمدہ افسانہ و نثر نگار بھی تھیں۔ ان کی شائع شدہ تصانیف میں اب کے برس، خوشبوئے غزل، پھول غزل کے، حوصلہ، اک چراغ اور، چاندنی کا آئینہ، ہیرے بھی پتھر ہیں، بات ابھی باقی ہے (شعری مجموعے)، آس پاس، چھاؤں کی چادر دھوپ کی کلیاں، موسم کی طرح رشتے (افسانوں پر مشتمل)، وہ (ناولٹ) امانت (ادبی مضامین)، دلاسہ، من مانی (مضامین طنز و مزاح) جبکہ متوقع اشاعت پذیر کتابوں میں دو ناول ’’جب شام ہو گئی‘‘ و ’’نقشِ آب‘‘ اور مکمل شعری سرمایہ پر مشتمل "دیوانِ تاج” شامل ہیں۔

    حیدر آبادکی کئی نسائی ادبی تنظیموں کی فعال رکن بھی تھیں۔ اتر پردیس کی اردو اکادمی اور میرؔ اکادمی، لکھنؤ نے ان کو اعزازت سے نوازا ہے۔ ان کی شخصیت اور فن پر تسنیم سلطانہ نے ایم۔فل کیا ہےسیدہ فاطمہ تاجؔ 19؍جنوری 2020ء کو حیدرآباد دکن میں انتقال کر گئیں۔

    منتخب کلام بطور خراجِ تحسین:-

    مری حیات ابھی جس کے انتظار میں ہے
    وہ لمحہ کس کے خدا جانے اختیار میں ہے

    یہ پھول کانٹے بہت ہی عزیز ہیں ہم کو
    ہمارے ماضی کی خوشبو اسی بہار میں ہے

    کرے گا کیسے کوئی منزلوں کا اندازہ
    ابھی تو کارواں خود پردۂ غبار میں ہے

    نہ جانے کب یہ قفس زندگی کا ٹوٹے گا
    ابھی حیات مری درد کے حصار میں ہے

    زمانہ ٹوکتا جاتا ہے اس طرح مجھ کو
    کہ جیسے ترک وفا میرے اختیار میں ہے

    عجیب تاجؔ یہاں نظم زندگانی ہے
    ہے گلستاں میں کوئی کوئی لالہ زار میں ہے