Baaghi TV

Tag: تازہ ترین

  • وزیراعلیٰ پنجاب نےفلورملوں کوگندم کایومیہ سرکاری کوٹہ بڑھاکرڈبل کردیا

    وزیراعلیٰ پنجاب نےفلورملوں کوگندم کایومیہ سرکاری کوٹہ بڑھاکرڈبل کردیا

    گندم اور آٹے کے بحران کے خاتمے کے لیے وزیر اعلیٰ پنجاب چوہدری پرویر الٰہی نے فلور ملوں کو گندم کا یومیہ سرکاری کوٹہ بڑھا کر ڈبل کر دیا۔

    باغی ٹی وی : وزیراعلیٰ پنجاب پرویزالٰہی نے گندم و آٹے کے بحران سے نمٹنے کے لیے فلور ملوں کو گندم کا یومیہ سرکاری کوٹہ بڑھا کر ڈبل کرنے کے ساتھ سرکاری آٹے کی فروخت کے مقامات کو بھی دگنا کر دیا۔

    ڈی آئی خان :محکمہ فوڈ،منتخب نمائندوں اور بااثر آٹا ڈیلرز کی ملی بھگت سے آٹا بلیک میں فروخت ہونے لگا

    وزیراعلیٰ پنجاب نے کہا کہ صوبے بھر میں روز 10کلو آٹے کے 18 لاکھ40 ہزار تھیلے سرکاری ریٹ پر دستیاب ہوں گے، پیر سے فلور ملوں کو ان کے مطالبے سے زیادہ 26 ہزار ٹن سرکاری گندم جاری کی جائےگی سرکاری کوٹہ بڑھنے سے نجی گندم اور آٹے کی قیمتوں میں کمی آئےگی۔

    گزشتہ روز وزیراعلیٰ پنجاب چوہدری پرویز الٰہی نے آٹےکی قیمتوں میں مسلسل اضافے پر سیکرٹری اور ڈائریکٹر محکمہ خوراک پنجاب پر سخت ناراضی کا اظہار کیا تھا-

    ذرائع کے مطابق آٹےکی قیمتوں میں مسلسل اضافے پر وزیر اعلیٰ پنجاب نے سیکرٹری فوڈ اور ڈائریکٹر فوڈ کی سرزنش کی اور ساتھ ہی انہیں آٹےکی فراہمی کو فوری معمول پر لانے کی ہدایت بھی کی تھی-

    عدالت نے کہا تو ہم اعتماد کا ووٹ لیں گے، عمران خان

    وزیراعلیٰ پنجاب نے متعلقہ محکموں کے افسران سے پوچھا تھا کہ عوام آٹےکی بڑھتی قیمتوں سے پریشان دکھائی دے رہی ہے، آپ دفتروں میں بیٹھےکیا کارکردگی دکھا رہےہیں؟-

    وزیر اعلیٰ نے متعلقہ افسران سے کہا تھا کہ ہم نےلوگوں سےگڈگورننس کا وعدہ کر رکھا ہے، گندم کوٹہ اور امدادی قیمت بھی بڑھائی پھر بھی یہ حال کیوں ہے؟ صوبے بھر میں فوری طور پر آٹے کی قیمتوں کو کنٹرول کیا جائے اور ناجائز منافع خوری کرنے والوں کے خلاف سخت ایکشن لیا جائے۔

    عمران خان کی توشہ خانہ میں نااہلی کیخلاف درخواستیں سماعت کیلئے مقرر

  • بلدیاتی انتخابات فوج کی نگرانی میں کرائے جائیں،حافظ نعیم الرحمان

    بلدیاتی انتخابات فوج کی نگرانی میں کرائے جائیں،حافظ نعیم الرحمان

    امیر جماعت اسلامی کراچی حافظ نعیم الرحمان نے بلدیاتی الیکشن فوج کی نگرانی میں کرانے کا مطالبہ کر دیا۔

    باغی ٹی وی : ادارہ نور حق میں پریس کانفرنس کرتے ہوئے حافظ نعیم الرحمان کا کہنا تھا کراچی میں 15 جنوری کو بلدیاتی انتخابات ہونے جا رہےہیں لیکن حکومت کی پوری کوشش ہے کہ انتخابات ملتوی کرائے جائیں۔

    اکثر ارکان اسمبلی ڈیفنس اور کلفٹن کے رہائشی ہیں انہیں پتا ہی نہیں کہ کراچی کے عوام کے مسائل کیا ہیں،حافظ نعیم الرحمان

    حافظ نعیم کا کہنا تھا ایم کیو ایم کا کندھا استعمال کرکے پیپلزپارٹی بلدیاتی الیکشن سے فرار کا راستہ اختیار کر رہی ہے لیکن ہم ایسا ہونے نہیں دیں گے، صوبائی وزیر ناصر حسین شاہ نے یقین دہانی کرائی ہے کہ الیکشن وقت پر ہوں گے کراچی کے حالات کی پیپلز پارٹی اور ایم کیو ایم دونوں ہی شریک جرم ہیں، شہر کی بربادی میں سب کچھ ان ہی کا کیا دھرا ہے۔

    امیر جماعت اسلامی کراچی نے بلدیاتی انتخابات فوج کی نگرانی میں کرانے کا مطالبہ کرتے ہوئے کہا کہ شہر میں بدامنی کے خاتمے کے لیے رینجرز کو اختیارات دیئے جائیں، بلدیاتی انتخابات 120 دن میں کرانا لازمی ہے لیکن ڈیڑھ سال کا وقت گزر گیا۔

    قبل ازیں پریس کانفرنس کرتے ہوئے حافظ نعیم کا کہنا تھا کہ آج سے کراچی کے اہم مقامات پر کیمپ لگائیں گے ،نوجوانوں میں امید پیدا ہو رہی ہے ،سندھ حکومت اب یہ کہہ رہی ہے ہم الیکشن وقت پر کروائیں گے ،ناصر حسین شاہ نے جو کہا وہ خط واپس لیں –

    رینجرز کو اسٹریٹ کرائم روکنے کے اختیارات ملنے چاہیے،حافظ نعیم

    ناصر حسین شاہ نے کہا کہ ایم کیو ایم کو اعتراض ہے،صورتحال واضح ہونی چاہیے،تین دفعہ الیکشن ملتوی ہوئے امیدواروں نےاپنے وسائل لگائے ہیں،الیکشن ہمارا آئینی اور قانونی حق ہے پیپلزپارٹی کا ٹریک ریکارڈ اچھا نہیں ہے 2015میں بھی عدالت کےکہنے پرالیکشن کروائے گئے ،اگست 2020 سے الیکشن نہیں کروائے گئے ہم مسلسل پچھلے ڈیڑھ سال سے کہہ رہے ہیں کہ الیکشن کر وائیں،ایم کیو ایم ابھی کوشش میں ہے کسی طرح فیس سیونگ مل جائے ،پیپلزپارٹی خط کو واپس لے-

    امیر جماعت اسلامی کراچی حافظ نعیم کا مزید کہنا تھا کہ سیاسی ایڈمنسٹریٹر لگے ہیں ،چارج کیوں نہیں چھوڑ رہے پرسوں رات گلستاں جوہر میں ایک خاتون کو قتل کر دیا گیا ،رینجرز کو اسٹریٹ کرائم روکنے کے اختیارات ملنے چاہیے،رینجرز کو تین ماہ کے لیے اختیارات دیئے جائیں،پولیس جرائم پر قابو پانے میں ناکام ہو گئی ہے سسٹم کو ٹھیک کرنا حکومت کی ذمہ داری ہے، پولیس کے نظام میں بہتری کی ضرورت ہے-

    گھریلو تنازع: گوجرخان میں بڑے بھائی نےبرطانیہ سےآئے چھوٹے بھائی کوقتل کردیا

  • گھریلو تنازع: گوجرخان میں بڑے بھائی نےبرطانیہ سےآئے چھوٹے بھائی کوقتل کردیا

    گھریلو تنازع: گوجرخان میں بڑے بھائی نےبرطانیہ سےآئے چھوٹے بھائی کوقتل کردیا

    راولپنڈی کی تحصیل گوجرخان کے صندل روڈ پر سنگدل بھائی نے چھوٹے بھائی کو قتل کر دیا۔

    باغی ٹی وی: پولیس کے مطابق ملزم خالد شریف نے گھریلو تنازع پر فائرنگ کرکے چھوٹے بھائی ساجد شریف کو قتل کیا، مقتول ساجد چند روز قبل بیٹے کی شادی کےلیے برطانیہ سے پاکستان آیا تھا۔

    حقیقی بھائی نے اپنے ہی دو حقیقی بھائیوں کو دردناک موت کی آغوش میں سلا دیا

    پولیس کی جانب سے یہ بھی بتایا گیا ہے کہ مقتول کے بیٹے کی درخواست پر مقدمہ درج کر لیا گیا ہے جبکہ ملزم بھی پولیس کی گرفت میں ہے اور مدعی کی جانب سے بتایا گیا ہے کہ میرے تایا اور والد کے درمیان گھریلو تنازع تھا۔

    دوسری جانب تھانہ باہتر ضلع اٹک تحصیل فتح جنگ دولت کی ہوس حقیقی بھائی نے اپنے ہی دو حقیقی بھائیوں کو دردناک موت کی آغوش میں سلا دیا والدہ نے اپنے بڑے بیٹے کو دس لاکھ روپے نقد کیش وراثت میں کچھ دیگر چیزیں اور زمین کی حصہ داری و کا معاملہ اپنے بڑے بیٹے عبادت کی ذمہ داری لگائی کہ میرے مرنے کے بعد تم اپنے بہن بھائیوں کو ان کو قانونی جو بھی حصہ داری بنتی ہےتم نے ان کو دینی ہے –

    ٹانک: شدید دھند کے باعث ویگن کی چنگ چی کوٹکر،رکشہ میں سوار خواتین اساتذہ زخمی

    مگر بھائی کے روپ میں اور دولت کی ہوس کی وجہ سے اس کے اندر مکمل طور پر درندگی آ چکی تھی جس کے باعث اس نے اپنے ہی رشتوں پر اور اپنے ہی گھر پر قیامت ڈھانے کا منصوبہ بنا لیا اور ظالم درندے نے اپنی بیوی کے ساتھ مل کر اپنے دونوں حقیقی بھائیوں کو بے دردی سے قتل کرنے کے بعد اپنے ہی گھر کے ساتھ بھینسوں کے باڑے میں دفن کر دیا –

  • معروف عالم دین مولانا احترام الحق تھانوی امریکا میں انتقال فرما گئے

    معروف عالم دین مولانا احترام الحق تھانوی امریکا میں انتقال فرما گئے

    کراچی: معروف عالم دین مولانا احترام الحق تھانوی امریکا میں انتقال فرما گئے۔

    باغی ٹی وی : مولانا احترام الحق تھانوی کے صاحبزادے محتشم الحق تھانوی نے انتقال کی تصدیق کرتے ہوئے بتایا کہ والد صاحب گزشتہ 6 ماہ سے کینسر میں مبتلا تھے اور امریکہ کے شہر اٹلانٹا میں زیر علاج تھے۔

    محتشم الحق کے مطابق مرحوم کی نماز جنازہ اور تدفین ایٹلانٹا میں ہی ہوگی، نماز جنازہ بعد نماز عصر جارجیا اسلامک انسٹیٹیوٹ امریکا میں ادا کی جائے گی۔

    محتشم الحق تھانوی کے مطابق مولانا احترام الحق تھانوی حضرت مولانا احتشام الحق تھانوی کے سب سے بڑے صاحبزادے اور جامعہ احتشامیہ کے بانی تھے۔

  • امریکی ایوان نمائندگان میں چینی ایپ ٹک ٹاک پر پابندی عائد

    امریکی ایوان نمائندگان میں چینی ایپ ٹک ٹاک پر پابندی عائد

    امریکی ایوان نمائندگان میں مشہور چینی ایپ ٹک ٹاک پر پابندی عائد کر دی گئی۔

    باغی ٹی وی : غیر ملکی میڈیا رپورٹس کے مطابق امریکی ایوان نمائندگان کے زیر نگرانی استعمال ہونے والی تمام الیکٹرونک ڈیوائسز پر ٹک ٹاک کی پابندی لگادی گئی ہے۔

    امریکا کا سعودی عرب کیساتھ اسٹریٹجک شراکت داری برقرار رکھنے کی خواہش کا اظہار

    امریکی ایوان نمائندگان کو موصول ہونے والے نوٹس میں ارکان سے درخواست کی گئی ہے کہ جس نے بھی ایوان کے موبائل میں ٹک ٹاک ایپلیکیشن انسٹال کی ہوئی اسے براہ کرم اَن انسٹال کر دیں۔

    نوٹس کے مطابق ٹک ٹاک کو سکیورٹی خدشات کے باعث ارکان کے لیے خطرہ قرار یا گیا ہے علاوہ ازیں امریکی حکومت کی جانب سے جلد ہی تمام سرکاری ڈیوائسز پر ٹک ٹاک کی پابندی لگائے جانے کا امکان ہے۔

    یوکرین جنگ جلد ختم ہونے کی امید نہیں،کیف کو فوجی امداد جاری رکھیں گے،امریکا

    رپورٹس کے مطابق امریکی پالیسی سازوں نے ٹک ٹاک کو قومی سلامتی کے لیے ایک خطرہ قرار دیتے ہوئے خدشہ ظاہر کیا ہے کہ چینی حکومت ٹک ٹاک پر دباؤ ڈال کر امریکی صارفین کا ڈیٹا حاصل کرسکتی ہے جو کہ چینی انٹیلیجنس آپریشن میں استعمال کیا جاسکتا ہے۔

    تاہم اس خدشے کے حوالے سے اب تک کوئی واضح ثبوت نہیں ملا، البتہ گزشتہ ہفتے ٹک ٹاک نے غلط طریقے سے دو صحافیوں کے ٹک ٹاک ڈیٹا تک رسائی حاصل کرنے والے اپنے 4 ملازمین کو نوکری سے نکال دیا تھا۔

    قبل ازیں امریکی سینیٹ نے سکیورٹی خدشات پر وائس ووٹ کے ذریعے وفاقی ملازمین کے سرکاری ڈیوائسز پر چینی ایپ ٹک ٹاک کے استعمال پر پابندی کا بل منظور کیا تھا یہ اقدام چینی کمپنیوں کے خلاف کریک ڈاؤن میں ایک اور اضافہ ہے، کہا گیا تھا کہ ایوان نمائندگان سے منظوری کے بعد بل صدر کو دستخط کے لیے بھیجا جائے گا۔

    دوسری جانب ٹک ٹاک نے امریکی اقدام پر مایوسی کا اظہار کرتے ہوئے کہا تھا کہ اس کے خلاف جاسوسی، ڈیٹا ٹرانسفر کے الزامات بے بنیاد اور جھوٹ پر مبنی ہیں-

    ریپبلکن رہنما کیون مک کارتھی امریکی ایوان نمائندگان کے سپیکر منتخب

  • ریپبلکن رہنما کیون مک کارتھی امریکی ایوان نمائندگان کے سپیکر منتخب

    ریپبلکن رہنما کیون مک کارتھی امریکی ایوان نمائندگان کے سپیکر منتخب

    ریپبلکن رہنما کیون مک کارتھی امریکی ایوان نمائندگان (ایوان زیریں)کے اسپیکرکے لیے ووٹنگ کے15ویں مرحلے میں بالآخر اسپیکر منتخب ہوگئے۔

    باغی ٹی وی: مک کارتھی کو ایوان نمائندگان میں 428 میں سے216 ووٹ حاصل ہوئے جب کہ ان کے حریف ڈیموکریٹ حکیم جیفریز کو 212 ووٹ حاصل ہوئے۔

    امریکا کا سعودی عرب کیساتھ اسٹریٹجک شراکت داری برقرار رکھنے کی خواہش کا اظہار

    اس سے قبل، چیمبر میں گرما گرم مناظر کے درمیان، مسٹر گیٹز کا تقریباً نمائندے مائیک راجرز کے ساتھ جھگڑا ہو گیا تھا جو مسٹر میک کارتھی کے حامی تھے۔ الاباما کے کانگریس مین کو ساتھیوں کے ذریعہ جسمانی طور پر روکنا پڑا جب اس نے مسٹر گیٹز پر اپنی انگلی اور تھپکی دی۔

    سپیکر ایوان کا ایجنڈا طے کرتا ہے اور قانون سازی کےکام کی نگرانی کرتا ہےامریکی نائب صدر کے بعد یہ عہدہ صدارت کے بعد دوسرے نمبر پر ہے۔

    اپنی تصدیق کے بعد بات کرتے ہوئے، مسٹر میکارتھی نے ٹویٹر پر لکھا: "مجھے امید ہے کہ اس ہفتے کے بعد ایک چیز واضح ہو جائے گی میں کبھی ہار نہیں مانوں گا اور میں آپ کے لیے، امریکی عوام کے لیے کبھی ہار نہیں مانوں گا۔

    اسپیکر منتخب ہونے پر مک کارتھی نے جیت کا تمام ترکریڈٹ ڈونلڈ ٹرمپ کو دیتے ہوئے ان کا شکریہ ادا کیا ہے،ووٹنگ کے دوران ٹرمپ نے ان کا بھرپور ساتھ دیا اور ان کی بھرپور حمایت کی۔

    مسٹر میکارتھی نے صحافیوں کو بتایا کہ سابق صدر ٹرمپ نے حتمی ووٹ حاصل کرنے میں ان کی مدد کی تھی مجھے نہیں لگتا کہ کسی کو ان کے اثر و رسوخ پر شک کرنا چاہیے وہ شروع سے میرے ساتھ تھے وہ مجھے فون کرتے اور دوسروں کو بھی بلاتے-

    ابوظہبی ٹی10 لیگ میں کرپشن اور سٹے بازی کے انکشافات،آئی سی سی نے تحقیق شروع کر دی

    امریکی صدر جو بائیڈن نے مسٹر میک کارتھی کو ان کی جیت پر مبارکباد دی اور کہا کہ وہ ریپبلکن پارٹی کے ساتھ تعاون کے منتظر ہیں امریکی عوام توقع کرتے ہیں کہ ان کے رہنما اس انداز میں حکومت کریں جو ان کی ضروریات کو سب سے اوپر رکھے، اور اب ہمیں یہی کرنے کی ضرورت ہے۔

    ریپبلکن پہلے ہی مسٹر بائیڈن کےخاندانی کاروباری معاملات اور انتظامیہ کی تحقیقات شروع کرنے کا وعدہ کر چکے ہیں ووٹنگ کے 12ویں راؤنڈ میں ایک قابل ذکر تبدیلی میں، مسٹر میکارتھی 14 ریپبلکن ہولڈ آؤٹس کو اپنےحق میں ووٹ ڈالنےکے لیے قائل کرنے میں کامیاب رہے۔ 15ویں باغی نے 13ویں بیلٹ کے لیے اس کی پیروی کی۔

    13ویں بیلٹ کے ملتوی ہونے کے بعد، مسٹر میک کارتھی نے صحافیوں سے اصرار کیا کہ اگلے راؤنڈ میں اسپیکر شپ لینے کے لیے ان کے پاس "ووٹ” ہوں گے۔

    لیکن کیلیفورنیا کے کانگریس مین ابھی بھی 217 ووٹوں سے تین ووٹ کم تھے جن کی انہیں قیمتی گیل لینے کی ضرورت تھی، اور افراتفری اور ڈرامائی مناظر میں، وہ دوبارہ 14ویں بیلٹ پر جیتنے میں ناکام رہے۔

    سردی میں آگ سیکنے کیلئے جگہ مانگنے پرنوجوان قتل

    ماضی میں امریکا کے ایوان نمائند گان میں اسپیکرکا طویل ترین الیکشن 1855ء میں ہوا تھا جب اسپیکر کے انتخاب کے لیے 2 ماہ تک ووٹنگ جاری رہی تھی جس میں رائے شماری کے 133 راؤنڈ ہوئے تھے۔

    امریکی صدرجوبائیڈن نے کیون مک کارتھی کو اسپیکر منتخب ہونے پر مبارکباد دی ہے۔

  • بارش کاسبب بننے والی مغربی ہوائیں شمالی بلوچستان میں داخل

    بارش کاسبب بننے والی مغربی ہوائیں شمالی بلوچستان میں داخل

    کوئٹہ: بارش کاسبب بننے والی مغربی ہوائیں شمالی بلوچستان میں داخل ہوگئیں۔

    باغی ٹی وی: پرووینشل ڈیزاسٹر منیجمنٹ اتھارٹی (پی ڈی ایم اے) کے مطابق آج صبح سے بلوچستان کے مختلف علاقوں میں بارش اور برفباری کا امکان ہے۔

    سعودی عرب کا پاکستان میں ٹیکنالوجی ہاؤس قائم کرنے کا اعلان

    پی ڈی ایم اے کے مطابق مغربی ہواؤں کا اتوار کی دو پہر تک ملک کے بالائی علاقوں پر اثر انداز ہونے کا امکان ہے جس کے باعث زیارت، قلعہ سیف اللہ،دکی، ہرنائی، ژوب،بارکھان، شیرانی، نوکنڈی، دالبندین میں بارش متوقع ہے۔

    پی ڈی ایم اے کے مطابق پشین،قلعہ عبداللہ، زیارت، قلعہ سیف اللہ کے پہاڑوں پر برفباری متوقع ہے جبکہ برفباری سےقومی شاہراہیں اور رابطہ سڑکیں ٹریفک کیلئےمتاثرہونےکاامکان ہے مغربی سسٹم اتوار اور پیر کی رات تک بلوچستان کے مختلف علاقوں پر اثر انداز ہوتا رہے گا۔

    اسلام آبا د کیپیٹل پولیس کا جرائم پیشہ عناصرکیخلاف کاروائیاں جاری

    پی ڈی ایم اے کا کہنا ہے کہ متعلقہ اضلاع کے ڈپٹی کمشنرز کو ضروری اقدامات کرنے کیلئے الرٹ جاری کردیا گیا ہے،دوسری جانب موٹر وے پولیس نے بلوچستان کے شمال مغربی روٹس کے ٹرانسپورٹرز کے لیے الرٹ جاری کر دیا ہے۔

    پولیس کی جانب سے جاری کردہ الرٹ میں کوئٹہ سے چمن اور کوئٹہ سے قلعہ سیف اللّٰہ ہائی وے پر محتاط ڈرائیونگ کی ہدایات جاری کی گئی ہیں۔

    پشاور میں فورسز کی کارروائی، 4 دہشت گرد ہلاک

  • حقیقی بھائی نے اپنے ہی دو حقیقی بھائیوں کو دردناک موت کی آغوش میں سلا دیا

    حقیقی بھائی نے اپنے ہی دو حقیقی بھائیوں کو دردناک موت کی آغوش میں سلا دیا

    اٹک :تھانہ باہتر ضلع اٹک تحصیل فتح جنگ دولت کی ہوس حقیقی بھائی نے اپنے ہی دو حقیقی بھائیوں کو دردناک موت کی آغوش میں سلا دیا مصدقہ اطلاعات کے مطابق والدہ نے اپنے بڑے بیٹے کو دس لاکھ روپے نقد کیش وراثت میں کچھ دیگر چیزیں اور زمین کی حصہ داری و کا معاملہ اپنے بڑے بیٹے عبادت کی ذمہ داری لگائی کہ میرے مرنے کے بعد تم اپنے بہن بھائیوں کو ان کو قانونی جو بھی حصہ داری بنتی ہے

    یہ بھی کہا جارہا ہےکہ ان کا کہنا تھاکہ تم نے ان کو دینی ہے مگر بھائی کے روپ میں اور دولت کی ہوس کی وجہ سے اس کے اندر مکمل طور پر درندگی آ چکی تھی جس کے باعث اس نے اپنے ہی رشتوں پر اور اپنے ہی گھر پر قیامت ڈھانے کا منصوبہ بنا لیا اور ظالم درندے نے اپنی بیوی کے ساتھ مل کر اپنے دونوں حقیقی بھائیوں کو بے دردی سے قتل کرنے کے بعد اپنے ہی گھر کے ساتھ بھینسوں کے باڑے میں دفن کر دیا اس شخص کے اندر انسانیت پوری طرح مر چکی تھی

    بھانجے بھتیجے یا دوسرے کوئی بھی فیملی ممبر اس سے دونوں بھائیوں کے بارے میں معلومات لیتے یا پوچھتے تو یہ مختلف حیلے بہانوں سے ٹال مٹول سے کام لیتا اس کا پول کھلنے کے بعد بھی اس ظالم کی درندگی ختم نہ ہوئی اپنی بہنوں اور دیگر فیملی ممبران کو کہنے لگا کہ ایف آئی آر درج نہ کرواو مجھے سب کے سامنے قتل کر دو میں ظالم انسان ہوں اس نے خود کو بچانے کا ناکام ناٹک بھی کیا پولیس نے فوری طور پر ایف آئی آر کا اندراج کر کے پیس دن قبل بے دردی سے قتل ہونے والے مقتولین کی نعشیں جائے وقوعہ سے زمین کھود کر نکالنے کے بعد پوسٹ مارٹم کے لیے اسپتال اٹک پہنچا دی ایسے ملزمان کو معاشرے کے لئے نشان عبرت بنانا چاہیے جو چند روپے اور زمین کے تو کرنے کی خاطر شیطانیت اور انسانیت کو بھول کر درندگی کی انتہا کو پہنچ جاتے ہیں

  • سعودی عرب کا پاکستان میں ٹیکنالوجی ہاؤس قائم کرنے کا اعلان

    سعودی عرب کا پاکستان میں ٹیکنالوجی ہاؤس قائم کرنے کا اعلان

    لاہور:سعودی عرب کے شہزادہ فہد بن منصور السعود نے پاکستان میں سعودی پاکستان ٹیکنالوجی ہاؤس قائم کرنے کا اعلان کردیا، جس کا ہیڈ کوارٹر ریاض میں ہوگا جبکہ پہلی شاخ لاہور میں کھولی جائے گی۔

    لاہور میں جاری فیوچر فیسٹ 2023ء سے ورچوئل خطاب کرتے ہوئے پرنس فہد بن منصور السعود نے کہا کہ سعودی پاکستان ٹیک ہاؤس کے قیام کا مقصد اس شعبے سے وابستہ افراد کیلئے آسانی پیدا کرنا اور شعبے کو فروغ دینا ہے۔فہد بن منصور السعود اس بڑی ٹیک کمپنی کے شریک بانی ہیں جس کو 2009ء میں ایک پاکستانی سلمان ناصر نے شروع کیا تھا اور یہ پاکستان و سعودی عرب کے درمیان ڈیجیٹل تعاون کے حوالے سے ایک اہم علامت ہے۔

    شہزادہ فہد بن منصور السعود کا کہنا تھا کہ میرے لیے یہ باعث فخر ہے کہ ایک ایسی ملاقات کا حصہ بن رہا ہوں جس میں آئی ٹی انڈسٹری کے ماہرین موجود ہیں، میں نے پاکستان کا سفر 5 سال قبل شروع کیا تھا جب لاہور میں ایک آئی ٹی کمپنی قائم کرنے امکانات دریافت کرنے کیلئے نکلا تھا۔انہوں نے یہ بھی کہا کہ آئی ٹی سمیت دوسرے شعبوں کے حوالے سے بھی پاکستان میں بہت ٹیلنٹ موجود ہے یہاں تکنیکی وسائل، کوالٹی انشورنس اور صارفین کے تجربات کے حوالے سے اچھا کام کرنے والے موجود ہیں۔

    شہزادہ فہد کا مزید کہنا تھا کہ مجھے خوشی ہے کہ فیوچر فیسٹ 2023ء کے موقع پر سعودی عرب کے وفد کو پاکستانی کمپنیز اور بڑے اسٹیک ہولڈرز سے ملنے کا موقع ملے گا، جس سے سرمایہ کاری، شراکت داری اور ٹیلنٹڈ افراد کو آگے آنے کا موقع بھی ملے گا۔

  • کالام اور ملحقہ علاقوں میں شدید برفباری، موسم انتہائی سرد ہو گیا

    کالام اور ملحقہ علاقوں میں شدید برفباری، موسم انتہائی سرد ہو گیا

    سوات: کالام اور اس سے ملحقہ علاقوں میں شدید برفباری شروع ہو گئی جس سے موسم انتہائی سرد ہو گیا۔

    کالام، مہوڈنڈ کے علاوہ کالام سٹی میں شدید برف باری جاری ہے، برف باری سے موسم انتہائی سرد ہو گیا موسم سے جہاں ایک طرف سیاح لطف اندوز ہو رہے ہیں تو دوسری طرف راستے بند ہونے سے مشکلات میں مزید اضافہ بھی ممکن ہے۔محکمہ موسمیات کے مطابق تمام متعلقہ اداروں کو برفباری کے دوران محتاط رہنے کی ہدایات جاری کر دی گئی ہیں۔

    ادھر دوسری طرف شدید دھند کے باعث ملتان ایئرپورٹ پر فلائٹ آپریشن معطل کر دیا گیا ہے۔ایئرپورٹ ذرائع کے مطابق مسقط سے آنے والی پرواز کو ڈائیورٹ کر دیا گیا جبکہ شارجہ اور جدہ جانے والی قومی ایئرلائن کی پروازیں تاخیر کا شکار ہیں۔

    ایئرپورٹ ذرائع کا کہنا ہے کہ حد نگاہ انتہائی کم ہونے کے باعث فلائٹ آپریشن معطل کیا گیا ہے۔

    ادھرنئی دہلی میں نئی دہلی میں سرد موسم کے باعث آگ کے پاس بیٹھے کیلئے جگہ مانگنے پر 15 سالہ لڑکے کو قتل کردیا گیا۔بھارتی میڈیا کے مطابق یہ واقعہ نئی دہلی میں پیش آیا جہاں ایک 15 سالہ لڑکے کی لاش خون میں لت پت ملی جس کے جسم پر چھریوں کے زخم تھے۔

    پولیس کے مطابق قتل میں ملوث نوجوان نے اعتراف جرم کرتے ہوئے کہا کہ وہ اپنے دوست کے ساتھ آگ کے پاس بیٹھا تھا کہ مقتول نے آکر بیٹھنے کی جگہ مانگی جس پر نوجوان کو چاقو کے وار کر کے قتل کر دیا۔پولیس کے مطابق قتل میں ملوث دونوں لڑکوں کی عمریں 16 سال ہیں، قتل میں ملوث ایک شخص سمیت دو نابالغ لڑکوں کو گرفتار کر لیا گیا ہے۔