Baaghi TV

Tag: تازہ ترین

  • امریکا کا سعودی عرب کیساتھ اسٹریٹجک شراکت داری برقرار رکھنے کی خواہش کا اظہار

    امریکا کا سعودی عرب کیساتھ اسٹریٹجک شراکت داری برقرار رکھنے کی خواہش کا اظہار

    امریکہ نے ایک بار پھر سعودی عرب کے ساتھ اپنی 80 سالہ اسٹریٹجک شراکت داری کو برقرار رکھنے کی خواہش کا اظہار کیا ہے۔

    باغی ٹی وی: "العربیہ” کو دیئے گئے انٹرویو میں امریکی قومی سلامتی کونسل کے سٹریٹجک کمیونیکیشن کوآرڈینیٹر جان کربی نے کہا کہ دونوں ملکوں کے درمیان تعلقات 80 سال سےزیادہ پرانے ہیں، امریکہ ان تعلقات کو اس طرح برقرار رکھنے کا خواہاں ہے جس سے امریکی عوام کے مفادات اور ان کی قومی سلامتی کی خدمت ہو۔

    یوکرین جنگ جلد ختم ہونے کی امید نہیں،کیف کو فوجی امداد جاری رکھیں گے،امریکا

    انہوں نے کہا کہ صدر جو بائیڈن کی انتظامیہ سعودی عرب کے ساتھ سٹریٹجک شراکت داری کو جاری رکھنے کی ضرورت پر غور کرتی ہے۔

    انہوں نے ان تعلقات کی ضرورت پر زور دیا اور کہا کہ وہ ہر اس چیز کی پیروی کریں جو دونوں ممالک اور ان کے عوام کے مفاد کے مطابق ہو۔

    امریکی سینٹرل کمانڈ (CENTCOM) کے کمانڈر جنرل مائیکل کوریلا نے حال ہی میں اعلان کیا تھا کہ امریکہ اور سعودی فوجی تعلقات مضبوط ہیں، انہوں نے مزید کہا کہ یہ مشرق وسطیٰ کے خطے میں مستقل سلامتی اور استحکام کے لیے ضروری ہیں۔

    ایمیزون جنگلات کی تباہی سے ہمالیہ اورانٹارکٹک کی برف میں بھی کمی ہوسکتی ہے

    وائٹ ہاؤس نے بار بار سعودی قیادت کے لیے بائیڈن کی تعریف کا اعادہ کیا ہے، اس بات پر زور دیتے ہوئے کہ مملکت تقریباً آٹھ دہائیوں سے امریکہ کا اسٹریٹجک پارٹنر ہے۔

    وائٹ ہاؤس کی ترجمان کرائن جین پیئر نے یمن میں اقوام متحدہ کی ثالثی میں ہونے والی جنگ بندی کے لیے سعودی عرب کی حمایت اور ایرانی خطرات کو روکنے سمیت علاقائی اقتصادی اور سیکیورٹی تعاون میں توسیع کی تعریف کی۔

    امریکا نے ایران کو ڈرون فراہم کرنے والے سپلائرز پر پابندی عائد کردی

  • دوران فضائی سفر خاتون پر پیشاب کرنیکا ایک اور واقعہ،مسافر گرفتار

    دوران فضائی سفر خاتون پر پیشاب کرنیکا ایک اور واقعہ،مسافر گرفتار

    باغی ٹی وی کی رپورٹ کے مطابق بھارت میں دوران پرواز خاتون پر پیشاب کرنے کا ایک اور واقعہ بھی سامنے آیا ہے

    میڈیا رپورٹس کے مطابق ایئر انڈیا کی پرواز جو پیرس سے دہلی آ رہی تھی میں افسوسناک واقعہ پیش آیا جہاں دوران سفر ایک مسافر نے سوئی ہوئی خاتون پر پیشاب کر دیا، جس مسافر نے خاتون پر پیشاب کیا وہ نشے میں تھا ، خاتون کمبل اوڑھ کر سو رہی تھی کہ مسافر نے پینٹ کی زپ کھول کر اس پر پیشاب کر دیا، اس دوران ساتھی مسافروں نے اس مسافر کو پکڑا اور سیٹ پر بٹھایا بعد ازاں پرواز جب نئی دہلی پہنچی تو اس مسافر کو گرفتار کر لیا گیا،

    دوسری جانب ایسا ہی ایک اور واقعہ پیش آیا تھا، فضائی سفر میں مسافر نے خاتون پر پیشاب کر دیا تھا، اس مسافر کی شناخت شنکر کے طور پر ہوئی جس کی عمر 34 برس ہے، شنکر کو اس بیہودہ حرکت پر کمپنی نے کام سے نکال دیا ہے،شنکر مشرا کو دہلی پولیس نے بنگلورو سے گرفتار کیا ہے،، شنکر کے دوبارہ فضائی سفر پر پابندی عائد کی جا چکی ہے، واقعہ پر ایئر انڈیا کے سی ای او نے خاتون سے معافی مانگی ہے جبکہ چار کیبن کریو، پائلٹ کو بھی تحقیقات میں شامل کرتے ہوئے نوٹس جاری کیا گیا ہے کہ انہوں نے کیوں اطلاع نہیں دی، اور بات کو کیوں چھپایا، سی ای او ایئر انڈیا کا کہنا ہے کہ جو لوگ فلائٹ رولز پر عمل نہیں کریں گے ان کے خلاف ضروری کارروائی کی جائے گی،امریکہ میں قائم مالیاتی سروس کمپنی ویلز فارگو جہاں شنکر مشرا کام کرتے تھے انہوں نے انہیں برطرف کر دیا ہے۔

    اس واقعہ کی تفصیلات تب سامنے آئیں جب ایک خاتون نے ایئر انڈیا کے گروپ چیئرمین کو خط لکھا اور تفصیلات سے آگاہ کیا ، ایئر انڈیا گروپ کے چیئرمین این چندر شیکرن کو خط ملنے کے بعد واقعہ کی تحقیقات کا آغاز کر دیا گیا ہے، واقعہ کا مقدمہ بھی درج کر لیا گیا ہے جبکہ جہاز میں دوران سفر خاتون پر پیشاب کرنیوالے مسافر پر فضائی سفر کے لئے پابندی عائد کر دی گئی ہے،سول ایوی ایشن کے ڈی جی نے واقعہ کی مکمل رپورٹ طلب کر لی ہے،

    اگرکوئی پائلٹ جعلی ڈگری پر بھرتی ہوا ہے تو سی اے اے اس کی ذمے دارہے،پلوشہ خان

    بین الاقوامی فیڈریشن آف پائلٹس اینڈ ائیرٹریفک کنڑولرز طیارہ حادثہ کے ذمہ داروں کو بچانے میدان میں آ گئی

    شہباز گل پالپا پر برس پڑے،کہا جب غلطی پکڑی جاتی ہے تو یونین آ جاتی ہے بچانے

    وزیراعظم کا عزم ہے کہ پی آئی اے کی نجکاری نہیں ری سٹکچرنگ کرنی ہے،وفاقی وزیر ہوا بازی

  • میکسیکو کی خلائی ایجنسی نے سیٹلائٹ لانچ کے لیے بھارت سے مدد مانگ لی

    میکسیکو کی خلائی ایجنسی نے سیٹلائٹ لانچ کے لیے بھارت سے مدد مانگ لی

    میکسیکو کی خلائی ایجنسی نے سیٹلائٹ لانچ کرنے کے لیے بھارتی سپیس ریسرچ اورگنائزیشن کی مدد مانگ لی

    میکسیکو کی خلائی ایجنسی نے سیٹلائٹ لانچ کرنے کے لیے بھارتی سپیس ریسرچ اورگنائزیشن کی مدد مانگ لی ہے میکسیکو کی خلائی ایجنسی Agencia Espacial Mexicana (AEM) نے بھارتی اسپیس ریسرچ آرگنائزیشن (ISRO) سے میکسیکو کے لیے ریموٹ سینسنگ سیٹلائٹ بنانے اور لانچ کرنے میں مدد کی درخواست کی ہے۔ انڈین ویب 2 کی ایک خبر کے مطابق؛ ایجنسیا اسپیشل میکسیکو یعنی AEM کے ڈائریکٹر جنرل ڈاکٹر سلواڈور لینڈروس آیالا اور اور بھارتی اسپیس ریسرچ آرگنائزیشن یعنی ISRO کے چیئرمین ایس سوماناتھ کے درمیان حال ہی میں ہونے والی ایک ملاقات میں ایجنسیا اسپیشل کے سربراہ نے میکسیکو کے لیے ریموٹ سینسنگ سیٹلائٹ بنانے اور لانچ کرنے میں ہندوستان سے تعاون کی درخواست کی تھی.


    انڈین ویب 2 نے مزید لکھا کہ؛ 2010 میں قائم کیا گیا، میکسیکو کا خلائی ایجنسی ابھی تک ابتدائی مرحلے میں ہے جبکہ ان کے پاس ابھی تک مکمل طور پر بنیادی ڈھانچہ نہیں ہے۔ لہذا بھارتی خلائی ادارے نے میکسیکو کے خلائی ایجنسی کی تجویز پر وزارت خارجہ کے ساتھ اس معاملہ پر بات چیت کا ارادہ ظاہر کیا تھا. خیال رہے کہ 2015 میں ایجنسیا اسپیشل میکسیکو نے قمری خلائی مشن کے لیے امریکہ میں قائم اسپیس ٹیک نامی کمپنی اسٹروبوٹیک ٹیکنالوجی یعنی Astrobotic Technology کے ساتھ لانچ کے معاہدے پر دستخط کیے تاہم اب ایجنسیا اسپیشل میکسیکو اسے 2023 میں شروع کرے گا۔


    خبر میں مزید لکھا گیا ہے کہ ایجنسیا اسپیشل میکسیکو کی طرف سے اور میکسیکو کی سرزمین سے لانچ کیا جانے والا پہلا "سیٹیلائٹ” نینو کنیکٹ ایک یعنی Nanoconect-1 تھا، جسے دسمبر 2017 میں لانچ کیا گیا تھا۔ Nanoconect-1 ایک گونڈولا لے جانے والی اسٹراٹاسفیرک غبارے کی پرواز ہے۔ جبکہ میکسیکو کی خلائی ایجنسی نے جنگل میں آگ کی نگرانی کے لیے ایک موبائل ایپلیکیشن تیار کرنے اور اسے میکسیکو کے محکمہ جنگلات کے ساتھ شیئر کرنے کے لیے بھارتی ایجنسی کا شکریہ بھی ادا کیا.
    مزید یہ بھی پڑھیں؛
    ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
    اسلام آباد میں آج موسم شدید سرد اور خشک رہے گا
    فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے
    اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
    انڈین ویب 2 کا کہنا ہے کہ اے ای ایم چیف نے میکسیکو کے لیے ریموٹ سینسنگ سیٹلائٹ بنانے اور لانچ کرنے میں ہندوستان سے تعاون طلب کرنے کے ساتھ اے ایل سی ای کے ذریعے لاطینی امریکہ اور کیریبین خطے میں خلائی تعاون کو بڑھانے میں ہندوستان کی دلچسپی پر گزشتہ ماہ کے آخر میں منعقدہ ایک ورچوئل میٹنگ میں بھی تبادلہ خیال کیا گیا تھا۔

  • غیرملکیوں کو لوٹنے والا ملزم گرفتار

    غیرملکیوں کو لوٹنے والا ملزم گرفتار

    پولیس نے کراچی میں غیرملکیوں کو لوٹنے والا ملزم گرفتار کر لیا-

    باغی ٹی وی : کراچی میں شارع فیصل پر منی چینجر سے 23 لاکھ روپے لے کر نکلے غیر ملکی باشندوں کو لوٹنے والے ملزم کو ٹیپو سلطان پولیس نے سی سی ٹی وی فوٹیج کی مدد سے گرفتار کر لیا۔

    تھانہ بنی گالہ کے علاقہ سے اغوا ہونے والی لڑکی بحفاظت بازیاب

    پولیس حکام کے مطابق کراچی میں کرسچن فیلو شپ کے لیے بطور بائبل ٹیچر کام کرنے والے کینیڈین شہری کیون رچرڈ ملر اور ان کے ساتھی نے 18 نومبر کو شارع فیصل پر واقع منی چینجر سے غیر ملکی کرنسی تبدیل کرائی،راستے میں موٹر سائیکل پر سوار دو ملزمان نے ان سے 22 لاکھ 80 ہزار روپے اور موبائل فون لوٹ لیے۔

    ٹیپو سلطان تھانے کی پولیس نے واردات کا سی سی ٹی وی فوٹیج اور تکنیکی معاون سے سراغ لگایا، تحقیقات سے پتہ چلا کہ اس ڈکیتی میں مدعی سے رقم ملزم آصف عرف باس نے لوٹی تھی جسے خفیہ اطلاع پر کارروائی کرکے گرفتار کیا گیا –

    لاہور سمیت مختلف شہروں میں چائلڈ پورنوگرافی میں ملوث 20 سے زائد افراد گرفتار

    واردات کے وقت موٹر سائیکل چلانے والا ملزم سلمان عرف سلو شارع فیصل پر مقابلے میں ہلاک ہو چکا ہے، گرفتار ملزم آصف عرف باس بینک سے رقم لے کر نکلنے والے شہریوں کو لوٹنے میں بھی ملوث رہا، آصف عرف باس عادی جرائم پیشہ ہے، پہلے بھی متعدد بار گرفتار ہو چکا ہے جسے انویسٹی گیشن پولیس کے حوالے کر دیا گیا ہے۔

    ملزم کی نشاندہی پر واردات میں لوٹا گیا مدعی کا کینیڈین پاسپورٹ، کریڈٹ کارڑ اور دیگر بینک کارڈز برآمد کر لیے گئے، مدعی کیون رچرڈ ملر کا رقم کا بیگ اور متعدد موبائل فونز بھی برآمد ہوئے۔

    سی ٹی ڈی کا 5 دہشت گرد گرفتار کرنے کا دعوی

  • الیکشن کمیشن کیخلاف دائرتوہین عدالت درخواست تحریک انصاف نے واپس لے لی

    الیکشن کمیشن کیخلاف دائرتوہین عدالت درخواست تحریک انصاف نے واپس لے لی

    اسلام آباد ہائیکورٹ ، اسلام آباد بلدیاتی انتخابات ،الیکشن کمیشن کے خلاف دائر توہین عدالت درخواست تحریک انصاف نے واپس لے لی

    رجسٹرار نے آئینی ادارے کے سربراہ کے خلاف توہین عدالت سے متعلق اعتراضات اٹھایا تھا پی ٹی آئی نے رجسٹرار آفس سے توہین عدالت کی درخواست ہی واپس لے لی ،عدالتی حکم پر 31 دسمبر کو الیکشن نا کرانے پر توہین عدالت درخواست دائر کی گئی تھی چیف الیکشن کمشنر اور ممبران کے خلاف توہین عدالت درخواست دائر ہوئی تھی جسٹس ارباب محمد طاہر نے اسلام آباد بلدیاتی انتخابات 31 دسمبر کو کرانے کا حکم دیا تھا

    چیف الیکشن کمشنر، 4 ارکان، داخلہ اور کابینہ ڈویژن سیکرٹریز کے خلاف دائر کی گئی درخواست میں مؤقف اختیار کیا گیا کہ 31 دسمبر کو بلدیاتی انتخابات کرانے کے فیصلے پر عمل نہ کرنے پر توہین عدالت کی کارروائی کی جائے۔اسلام آباد ہائی کورٹ کے رجسٹرار نے اعتراض میں کہا ہے کہ آئینی عہدہ رکھنے والے چیف الیکشن کمشنر ے خلاف کیسے توہین عدالت دائر ہو سکتی ہے؟ توہین عدالت کی درخواست پی ٹی آئی رہنما علی نواز اعوان کی جانب سے ایڈووکیٹ سردار تیمور اسلم کی وساطت سے دائر کی گئی ہے۔

    خیال رہے کہ الیکشن کمیشن نے انٹراکورٹ اپیل دائر کرتے ہوئے موقف اختیار کیا تھا کہ بے شمار وجوہات پر الیکشن آج ممکن ہی نہیں تھے، بیلٹ پیپرز چھپوائی کے بعد پرنٹنگ کارپوریشن میں موجود تھے جنہیں 14 ریٹرننگ افسران کے دفاتر میں پہنچانا تھا، 14 ہزارسے زائد اسٹاف نے الیکشن ڈیوٹی کے فرائض سرانجام دینا تھے۔

    متنازع ٹوئٹ کیس؛ اعظم خان سواتی کے بیٹے نے چیف جسٹس اسلام آباد ہائیکورٹ کے خلاف عدم اعتماد کا خط واپس لے لیا۔
    ڈومیسٹک کرکٹرز کی سن لی گئی، پیر سے بقایاجات کی ادائیگی کا کام شروع

  • ایل سیز کو بغیر کسی رکاوٹ کے کھولنا ناگزیر ہے. شیخ عبدالرزاق کا اسٹیٹ بینک کو خط

    ایل سیز کو بغیر کسی رکاوٹ کے کھولنا ناگزیر ہے. شیخ عبدالرزاق کا اسٹیٹ بینک کو خط

    شیخ عبدالرزاق نے گورنراسٹیٹ بینک جمیل احمد کو ایک خط میں لکھا کہ ایل سیز کو بغیر کسی رکاوٹ کے کھولنا ناگزیر ہے.

    شیخ عبدالرزاق اپنے خط میں لکھتے ہیں کہ ایل سیز کو بغیر کسی رکاوٹ کے کھولنا ناگزیر ہے ، اس حوالے سے اسٹیٹ بینک کے 27 دسمبر کو جاری کردہ حکم نامے کے مطابق ترجیح دی جانی چاہیے کیونکہ خام مال کی عدم دستیابی کھانا پکانے کے تیل/گھی کی قیمتوں میں اضافے اور قلت کا باعث بن سکتی ہے.

    شیخ عبدالرزاق کا اسٹیٹ بینک کو لکھا گیا خط

    مرکزی بینک سے پیشگی اجازت کی شرط سے استثنیٰ کے باوجود تجارتی بینکوں نے خوردنی تیل کی درآمد کے لیے لیٹر آف کریڈٹ (ایل سیز) کھولنے سے انکار کردیا۔ جبکہ خوردنی تیل کے درآمد کنندگان اور گھی مینوفیکچررز کو غیر سرکاری طور پر مطلع کیا گیا ہے کہ ان کے لیٹر آف کریڈٹ(ایل سیز) انٹربینک ایکسچینج ریٹ پر نہیں کھولے جا سکتے تاہم بینک ایسے درآمد کنندگان کے لیے بخوشی کاروبار کیلیے تیار ہیں جو ایک ڈالر کے مقابلے میں 250 روپے اور اس سے زیادہ شرح مبادلہ پر ایل سیز کھولنے پر آمادہ ہیں.
    شیخ عبدالرزاق میڈیا سے گفتگو کرتے ہوئے

    پاکستان ونساپتی مینوفیکچررز ایسوسی ایشن (پی وی ایم اے) کے چیئرمین شیخ عبدالرزاق نے اسٹیٹ بینک آف پاکستان کے گورنرجمیل احمد کو لکھے گئے خط میں کہا ہے کہ کمرشل بینک خوردنی تیل کے درآمد کنندگان اور مینوفیکچررز کو آگاہ کر رہے ہیں کہ فوری طور پر خوردنی تیل کو ضروری اشیا کی فہرست سے خارج کر دیا گیا ہے اور اس وجہ سے ایل سیز کھولنے کی درخواستوں کو مسترد کر دیا گیا ہے۔

    انہوں نے مزید بتایا کہ لیٹر آف کریڈٹ کو بغیر کسی رکاوٹ کے کھولنا ناگزیر ہے ، اسےاسٹیٹ بینک کے 27 دسمبر کو جاری کردہ حکم نامے کے مطابق ترجیح دی جانی چاہیے،کیونکہ خام مال (خوردنی تیل) کی عدم دستیابی کھانا پکانے کے تیل/گھی کی قیمتوں میں اضافے اور قلت کا باعث بن سکتی ہے۔
    مزید یہ بھی پڑھیں؛
    ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
    اسلام آباد میں آج موسم شدید سرد اور خشک رہے گا
    فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے
    اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
    پاکستان سالانہ 4.5 ملین میٹرک ٹن سے زیادہ کی قومی ضرورت کو پورا کرنے کے لیے اپنی خوردنی تیل کی طلب کا 90 فیصد درآمد کرتا ہے۔ موجودہ ملکی ذخائر صرف تین سے چار ہفتوں کی طلب کو پورا کرنے کے لیے کافی ہیں۔ تاہم ایل سیز کھولنے میں رکاوٹ ہموار سپلائی لائن میں خلل ڈال سکتی ہے اور اس کے نتیجے میں مارکیٹ میں خلل پڑ سکتا ہے۔

  • تیرہ سالہ زیادتی کا شکار لڑکی کو ٹھہرا حمل،پھر کی گئی اجتماعی زیادتی

    تیرہ سالہ زیادتی کا شکار لڑکی کو ٹھہرا حمل،پھر کی گئی اجتماعی زیادتی

    تیرہ سالہ زیادتی کا شکار لڑکی کو ٹھہرا حمل،پھر کی گئی اجتماعی زیادتی

    باغی ٹی وی کی رپورٹ کے مطابق پنجاب میں خواتین کے ساتھ زیادتی کے واقعات میں کمی نہ آ سکی

    پنجاب کے شہر تحصیل جتوئی میں تیرہ سالہ لڑکی کو مبینہ طور پر 8 مہینوں تک اجتماعی زیادتی کا نشانہ بنایا گیا، پولیس نے کاروائی کرتے ہوئے ایک ملزم کو گرفتار کر لیا ہے،پولیس حکام کے مطابق پنجاب کے ضلع مظفر گڑھ کی تحصیل جتوئی کے علاقے کوٹلہ رحم شاہ میں تیرہ سالہ لڑکی کے ساتھ تین افراد آٹھ ماہ تک اجتماعی زیادتی کرتے رہے، اس دوران لڑکی کی برہنہ ویڈیوز اور تصاویر بھی بناتے رہے، ملزمان نے لڑکی کے ساتھ ایک بار اجتماعی زیادتی کی ،ویڈیو بنا کر پھر اسے بلیک میل کرتے رہے، یہ سلسلہ آٹھ ماہ تک چلتا رہا، لڑکی نے عزت کی خاطر خاموشی اختیار رکھی، تاہم اجتماعی زیادتی کے بعد لڑکی کو حمل ہو گا، لڑکی نے گھر والوں کو بتایا جس پر اہلخانہ نے مقدمہ درج کروایا،

    درج ایف آئی آر میں کہا گیا ہے، آٹھ ماہ قبل دوپہر کے وقت گھر کے باہر مویشیوں کے پاس موجود تھی کہ ملزم اعجاز جو مسلح تھا وہ آیا اور زبردستی اسلحہ کے زور پر کھیتوں میں لے گیا انہوں نے زیادتی کی اور کہا کہ کسی کو بتایا تو جان سے مار دوں گا، ویڈیو تصاویر بھی بنا لی گئی تھیں، ایف آئی آر میں مزید کہا گیاکہ میں حاملہ ہو گئی، ملزم کو بتایا کہ مجھے حمل ٹھہر گیا ہے، لیکن اس نے کوئی پرواہ نہ کی، پھر اس نے ایک دن مجھے دوائی کے بہانے بلایا اور پھر کھیتوں میں لے گیا، وہاں ملزم ممتاز اور عبدالستار بھی موجود تھے، تینوں ملزمان نے میرے ساتھ اجتماعی زیادتی کی ،کم عمر لڑکی کے مطابق ایک ہفتہ قبل طبیعت خراب ہونے پر اس نے اہلخانہ کو اس حوالے سے آگاہ کیا۔

    فرح خان کیسے کرپشن کر سکتی ؟ عمران خان بھی بول پڑے

    سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

    فرح خان بنی گالہ کی مستقل رہائشی ،مگرآمدروفت کا ریکارڈ نہیں، نیا سیکنڈل ،تحقیقات کا حکم

    مبینہ زیادتی کا شکار ہونے والی لڑکی کی شکایت پر جتوئی پولیس نے ملزمان کے خلاف مقدمہ درج کر کے تین ملزمان میں سے ایک کو گرفتار کر لیا جبکہ باقی دو فرار ہو گئے ہیں پولیس ترجمان کے مطابق لڑکی کا میڈیکل کروایا جارہا ہے اور ملزمان کی گرفتاری کے لیے چھاپے مارے جارہے ہیں جلد ہی دیگر دو ملزمان کو بھی گرفتار کر لیا جائے گا

  • یوکرین جنگ جلد ختم ہونے کی امید نہیں،کیف کو فوجی امداد جاری رکھیں گے،امریکا

    یوکرین جنگ جلد ختم ہونے کی امید نہیں،کیف کو فوجی امداد جاری رکھیں گے،امریکا

    واشنگٹن: جان کربی نے کہا ہے کہ یوکرین جنگ جلد ختم ہونے کی امید نہیں-

    باغی ٹی وی : وائٹ ہاؤس کے کمیونیکیشن کوآرڈینیٹر جان کربی نے کہا ہے کہ آنے والے مہینوں میں یوکرین میں فوجی کارروائیوں کو روکنے کا کوئی امکان نہیں دیکھ رہے انہوں نے کیف کو فوجی امداد جاری رکھنے کی اہمیت پر زور دیا۔

    امریکا نے ایران کو ڈرون فراہم کرنے والے سپلائرز پر پابندی عائد کردی

    جان کربی نے کہا کہ ہم یقین سے کہہ سکتے ہیں کہ ہم روسیوں سے یہ توقع نہیں رکھتے کہ وہ اگلے چند مہینوں میں اپنے ہاتھ اٹھا لیں گے اور لڑائی بند کر دیں گے۔

    دوسری جانب آرتھوڈوکس کرسمس کے موقع پر یوکرین میں روسی جنگ بندی پر تبصرہ کرتے ہوئے امریکی صدر جو بائیڈن نے جمعرات کو کہا ہے کہ روسی صدر ولادیمیر پوتین راحت کی سانس لینا چاہتے ہیں۔

    بائیڈن نے وائٹ ہاؤس سے ایک تقریر میں کہا کہ روسی صدر "ہسپتالوں، کنڈرگارٹنز اور گرجا گھروں پر بمباری کرنے کے لیے تیار تھے۔ 25 دسمبر اور نئے سال کی شام۔ میرے خیال میں وہ ایک دکان کی تلاش میں ہیں۔

    خیال رہے روس نے یوکرین میں 36 گھنٹے کی مدت کے لیے جنگ بندی کا اعلان کیا تھا جنگ بندی کا یہ اعلان کریملن نے روسی رہنما پیٹریارک کیرل کی درخواست پر کیا تھا۔ دوسری طرف یوکرین نے پوتین کی طرف سے تجویز کردہ جنگ بندی کو "منافقت” قرار دے دیا ہے۔

    گزشتہ روز امریکی وزیر خارجہ انتھونی بلنکن نے یوکرین اور روسی فوجی آپریشن سے متاثرہ ممالک کے لیے 3.75 بلین ڈالر سے زیادہ کے امریکی فوجی امدادی پیکج کا اعلان کیا۔

    امریکہ ،مغرب اوراپنے مخالفین سےنہ ڈرنے والے روسی صدرپوتن پرمذہبی رہنما کا وار چل…

    نئی امداد میں یوکرین کو بریڈلی فائٹنگ وہیکلز، آرٹلری سسٹم، بکتر بند پرسنل کیریئر، زمین سے فضا میں مار کرنے والے میزائل، گولہ بارود اور دیگر اشیا فراہم کرنا شامل ہے۔ اس پیکج کے بعد کیف کو امداد کی مالیت 2.85 بلین ڈالر تک پہنچ جائے گی۔

    امریکی محکمہ دفاع نے یہ انکشاف بھی کیا ہے کہ یوکرین کو بریڈلی فائٹنگ گاڑیوں کی فراہمی میں چند ماہ لگیں گے۔امریکی محکمہ دفاع نے جمعہ کو اپنے بیان میں کہا کہ روسی صدر ولادیمیر پیوٹن نے یوکرین میں اپنے اہداف کو ترک نہیں کیا، بیان میں ماسکو کی طرف سے جنگ بندی کے اعلان کے باوجود آج یوکرین میں جھڑپیں دیکھنے میں آئیں۔

    دوسری طرف یوکرین کے صدر ولادیمیر زیلنسکی نے حالیہ امریکی فیصلے پر اظہار تشکر کیا۔ اپنی ویڈیو تقریر میں انہوں نے کہا کہ یوکرین کو بریڈلی بکتر بند گاڑیاں فراہم کرنے کا واشنگٹن کا فیصلہ ضرورت کے عین مطابق ہے۔

    روسی جارحیت کے خلاف یوکرین کی مدد کرتے رہیں گے،امریکا

    یہ بات قابل ذکر ہے کہ ان اعداد و شمار کے ساتھ یوکرائنی جنگ کی کوششوں کے لیے امریکی امداد کی مالیت اربوں ڈالر تک پہنچ جاتی ہے۔ امریکی محکمہ خزانہ نے مہینوں پہلے اعلان کیا تھا کہ امریکی امداد بنیادی حکومتی کارروائیوں میں مدد فراہم کرے گی۔ یوکرینی عوام کی تکالیف کو کم کرنے میں مدد دے گی اور یوکرین کی مزاحمت کو مضبوط کرے گی۔

  • میرے ایک دوست کو 2 کالے ویگو میں کچھ لوگوں نے لاہور میں اٹھا لیا،مونس الہیٰ کا الزام

    میرے ایک دوست کو 2 کالے ویگو میں کچھ لوگوں نے لاہور میں اٹھا لیا،مونس الہیٰ کا الزام

    میرے ایک دوست کو 2 کالے ویگو میں کچھ لوگوں نے لاہور میں اٹھا لیا،مونس الہیٰ کا الزام

    باغی ٹی وی کی رپورٹ کے مطابق وزیراعلیٰ پنجاب پرویز الہیٰ کے بیٹے مونس الہیٰ نے الزام عائد کیا ہے کہ اسکے دوستوں کو اٹھایا گیا ہے

    مونس الہیٰ نے سماجی رابطے کی ویب سائٹ ٹویٹر پر ٹویٹ کی ہے اور ویڈیو بھی جاری کی ہے، مونس الہیٰ ٹویٹ کرتے ہوئے کہتے ہیں کہ کل میرے ایک دوست کو 2 کالے رنگ کی ویگو میں کچھ لوگوں نے لاہورمیں اٹھا لیا ایف آئی اے والے قسمیں کھاتے ہیں ہم نے نہیں اٹھایا اب کچھ دن بعد اچانک ایف آئی اے کو پہنچا دیا جائے گا ور ان کو مجبور کیا جائے گا پرچہ دو، آپ لوگوں کو سمجھ نہیں آتی کہ ہم نے پی ڈی ایم کے ساتھ نہیں ملنا

    مونس الہیٰ کے الزام پر ایف آئی اے یا کسی ادارے کی جانب سے ابھی تک کوئی موقف سامنے نہیں آ سکا، مونس الہیٰ نے اس ٹویٹ میں اپنے دوستوں کے ناموں کا ذکر نہیں کیا، ق لیگ اسوقت دو حصوں میں بٹی ہوئی ہے،چودھری شجاعت پی ڈی ایم کے ساتھ ہیں اور پرویز الہی پی ٹی آئی کے ساتھ کھڑے ہیں، پی ڈی ایم وفاق میں حکومت میں ہے جبکہ پی ٹی آئی اسوقت پنجاب میں حکومت میں ہے

     مبشر لقمان سے بانی مہمند لویہ جرگہ جاوید مہمند کی قیادت میں ایک وفد نے ملاقات کی ہے،

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

    بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

    تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

    عمران خان، تمہارے لئے میں اکیلا ہی کافی ہوں، مبشر لقمان

    عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

  • رینجرز کو اسٹریٹ کرائم روکنے کے اختیارات ملنے چاہیے،حافظ نعیم

    رینجرز کو اسٹریٹ کرائم روکنے کے اختیارات ملنے چاہیے،حافظ نعیم

    امیر جماعت اسلامی کراچی حافظ نعیم نے کہا ہے کہ کل باغ جناح میں بڑا جلسہ کرنے جا رہے ہیں،

    پریس کانفرنس کرتے ہوئے حافظ نعیم کا کہنا تھا کہ آج سے کراچی کے اہم مقامات پر کیمپ لگائیں گے ،نوجوانوں میں امید پیدا ہو رہی ہے ،سندھ حکومت اب یہ کہہ رہی ہے ہم الیکشن وقت پر کروائیں گے ،ناصر حسین شاہ نے جو کہا وہ خط واپس لیں ناصر حسین شاہ نے کہا کہ ایم کیو ایم کو اعتراض ہے،صورتحال واضح ہونی چاہیے،تین دفعہ الیکشن ملتوی ہوئے ، امیدواروں نے اپنے وسائل لگائے ہیں،الیکشن ہمارا آئینی اور قانونی حق ہے ،پیپلزپارٹی کا ٹریک ریکارڈ اچھا نہیں ہے 2015میں بھی عدالت کے کہنے پر الیکشن کروائے گئے ،اگست 2020 سے الیکشن نہیں کروائے گئے ہم مسلسل پچھلے ڈیڑھ سال سے کہہ رہے ہیں کہ الیکشن کر وائیں،ایم کیو ایم ابھی کوشش میں ہے کسی طرح فیس سیونگ مل جائے ،پیپلزپارٹی خط کو واپس لے ،

    امیر جماعت اسلامی کراچی حافظ نعیم کا مزید کہنا تھا کہ سیاسی ایڈمنسٹریٹر لگے ہیں ،چارج کیوں نہیں چھوڑ رہے پرسوں رات گلستاں جوہر میں ایک خاتون کو قتل کر دیا گیا ،رینجرز کو اسٹریٹ کرائم روکنے کے اختیارات ملنے چاہیے،رینجرز کو تین ماہ کے لیے اختیارات دیئے جائیں،پولیس جرائم پر قابو پانے میں ناکام ہو گئی ہے سسٹم کو ٹھیک کرنا حکومت کی ذمہ داری ہے، پولیس کے نظام میں بہتری کی ضرورت ہے،

    اکثر ارکان اسمبلی ڈیفنس اور کلفٹن کے رہائشی ہیں انہیں پتا ہی نہیں کہ کراچی کے عوام کے مسائل کیا ہیں،حافظ نعیم الرحمان

    سیاسی ایڈمنسٹریٹر نے کراچی کو ڈبو دیا،جماعت اسلامی

     بجلی کے بلوں پر عائد ٹیکس ناقابل برداشت ہے ،

    ہ پیپلزپارٹی سندھ کے عوام کیلئے آواز نہیں اٹھاتی