Baaghi TV

Tag: تازہ ترین

  • امریکہ ،مغرب اوراپنے مخالفین سےنہ ڈرنے والے روسی صدرپوتن پرمذہبی رہنما کا وار چل گیا

    امریکہ ،مغرب اوراپنے مخالفین سےنہ ڈرنے والے روسی صدرپوتن پرمذہبی رہنما کا وار چل گیا

    ماسکو:روسی صدر کی جنگ بندی کی تجویز کا اقوام متحدہ نے خیر مقدم کیا ہے جبکہ یوکرین نے اسے مسترد کر دیا ہے ۔ اقوام متحدہ کے ترجمان اسٹیفن دوچاریک نے روسی صدر ولادیمیر پوتین کی جانب سے عارضی طور پر جنگ بندی کی تجویز کا خیر مقدم کرتے ہوئے کہا ہے کہ اقوام متحدہ ہر اس تجویز کا جو جنگ کے خاتمے اور اقوام متحدہ کے منشور کے تحت ہو خیر مقدم کرتا ہے۔

    یوکرینی حکام اور امریکی وزارت خارجہ نے روسی صدر کی جنگ بندی کی تجویز کو مسترد کرتے ہوئے جنگ بندی کی تجویز کو منافقت قراردیا ہے۔ امریکی وزارت خارجہ کے ترجمان نڈ پرائس نے جنگ بندی پر مبنی روس کی تجویز کو دکھاوا قراردیا۔یوکرین کے صدر زیلسنکی کے مشیرمیخائیلو پودو لایاک نے کہا کہ روس یوکرینی علاقوں کا قبضہ چھوڑے تو ہی جنگ بندی ممکن ہے۔ ان کا مزید کہنا تھا کہ روس اپنی منافقت اپنے پاس رکھے۔

    واضح رہے کہ روسی صدر ولادیمیر پوتین نے یوکرین میں 36 گھنٹے کی عارضی جنگ بندی کا اعلان کیا تھا۔ انہوں نے یہ اعلان آرتھوڈکس عیسائیوں کی کرسمس کے موقع پر کیا ہے۔

    روس کے مذہبی پیشوا نے صدر ولادیمیر پوتین سے سیزفائر کی درخواست کی تھی۔کریملن سے جاری بیان میں بتایا گیا ہے کہ روحانی رہنما کرل کی درخواست قبول کرتے ہوئے روسی فیڈریشن کے وزیر دفاع کو ہدایت کی گئی ہے کہ 6 جنوری دن 12 بجے سے 7 جنوری رات 12 بجے تک سیزفائر رکھا جائے۔

    بیان میں یوکرین کے ساتھ تمام مقامات پر مکمل جنگ بندی کرنے کی ہدایت کی گئی ہے۔کریملن نے یوکرین سے بھی مطالبہ کیا ہے کہ وہ بھی جنگ بندی کا اعلان کرے تاکہ لوگ کرسمس کی رسومات ادا کرسکیں

  • عمران خان، پرویز الہیٰ، ایک رات میں دو کھرب کی ڈکیتی

    عمران خان، پرویز الہیٰ، ایک رات میں دو کھرب کی ڈکیتی

    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ پنجاب کے وزیر اعلی پرویز الہی جن کے نام کے ساتھ کچھ دن میں سابق وزیر اعلی جُڑنے والا ہے ۔انہوں نے ایک ایسی واردات کی ہے جس کوسن کر آپ کے ہوش اڑنے والے ہیں ۔یہ ایک ایسی واردات ہے جس سے صرف چند لمحوں میں دو تین کروڑ لوگوں کا مستقبل ، ان کی صحت ، ان کی رہائش سب کچھ داو پر لگ چکا ہے ۔

    مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھا کہ ایک ایسی واردات جس سے چند مخصوص افراد کو لاکھوں نہیں ، کروڑوں نہیں ، اربوں نہیں بلکہ کھربوں روپے کا فائدہ ہو گا اور دوسری طرف کروڑوں لوگ دو وقت کی روٹی کے لیے محروم ہو جائیں گے ۔ چوہدری پرویز الہی کو اس وقت سمجھ آ چکا ہے کہ وہ بہت جلد پنجاب کی گدی سے محروم ہونے جا رہے ہیں ۔ ان کے پاس اعتماد کے ووٹ کے لیے نمبر پورے نہیں ہیں ۔تحریک انصاف کے لوگ ان سے خفا ہیں اور جو چہرے پہلے نقاب میں چھپے تھے اب وہ کھل کر سامنے آ گئے ہیں اور عمران خان کو برملا کہہ رہے ہیں کہ ہم پرویز الہی کو اعتماد کا ووٹ کسی صورت نہیں دیں گے ۔پہلے یہ لوگ کم تھے لیکن اب ان کا پورا ایک کارواں بن چکا ہے ۔ان میں سے ایک تو مومنہ وحید تھیں ، جو مخصوص نشت پر تحریک انصاف کی ایم پی اے تھیں ۔ ان کے بارے میں قیاس آرائیاں کی جا رہی تھیں کہ وہ پرویز الہی کو اعتما د کا ووٹ نہیں دیں گی ۔ وہ قیاس آرائیاں سچ ثابت ہوئیں اور اب وہ کھل کر اس بات کا اقرار کر چکی ہیں کہ وہ پرویز الہی کو اعتماد کا ووٹ نہیں دیں گی ۔نا صرف وہ بلکہ انھوں نے یہ بھی انکشاف کیا ہے کہ تحریک انصاف کے مزید بھی کافی اراکین چوہدری پرویز الہی کا ساتھ نہیں دیں گے ۔

     

    مبشر لقمان کا مزید کہنا تھا کہ عمران خان کو بھی سمجھ آ چکی ہے کہ پرویز الہی اعتماد کے قابل نہیں ہیں اس لیے انھوں نے اپنے پارٹی اراکین کو یہ آرڈر دیے ہیں کہ پرویز الہی پر نظر رکھیں ۔پرویز الہی کو بھی سمجھ آ چکی ہے کہ عمران خان کتنے مفاد پرست ہیں اور کیسے استعمال کر کے لوگوں کو ایک ٹشو پیپر کی طرح پھینک دیتے ہیں ۔ اس لیے انھوں نے بھی تحریک انصاف کے لوگوں بارے اپنا غبار نکالنا شروع کر دیا ہے ۔ اور یہ سب ایک نا ایک دن ہونا ہی تھا۔ایک نا ایک دن اس غبارے نے پھٹنا ہی تھا۔پرویز الہی کو پتا تھا کہ وہ تا حیات وزیر اعلی نہیں بننے آئے۔ ان کے سر پر جب تک ہاتھ رہے گا وہ وزیر اعلی برقرار رہیں گے اور جب ہاتھ ہٹے گا تو کوئی دوسرا شخص ان کی جگہ لے لے گا۔اس لیے انھوں نے کھل کر پنجاب کے خزانے کو لوٹا۔اپنے حلقوں کےلیے اربوں روپے کے ریکارڈ فنڈز جاری کیے ۔ پروٹوکول کے مزے لوٹے اپنے من پسند لوگوں کو ہر طرح سے نوازا۔نئی گاڑیاں خریدیں جہاز کرائے پہ لیے اور اب تو مبینہ طور پر ہیلی کاپٹر بھی کرائے پر لیے جانے کی افواہیں گردش کر رہی ہیں ۔ اور وہیں تحریک انصاف کے اراکین قومی اسمبلی کھلے خزانے کا منہ دیکھتے رہ گئے ۔

    مبشر لقمان کی دہائی، ابھی نہیں تو کبھی نہیں۔جنرل فیض بے نقاب،وائٹ پیپر،خطرے کی گھنٹیاں

    ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

    عمران خان کی محبت بھری شاموں کا احوال، سب پھڑے جان گے، گالی بریگیڈ پریشان

    عمران خان پرلاٹھیوں کی برسات، حالت پتلی، لیک ویڈیو، خواجہ سرا کے ساتھ

     مبشر لقمان سے بانی مہمند لویہ جرگہ جاوید مہمند کی قیادت میں ایک وفد نے ملاقات کی ہے،

    بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

    تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

    ہوشیار،بشری بی بی،عمران خان ،شرمناک خبرآ گئی ،مونس مال لے کر فرار

     خواجہ سرا رمل علی اس وقت خبروں کی زینت بنی ہوئی ہیں،

  • عمران خان نیا شیخ رشید اورغیرسنجیدہ شخص ہے،سعید غنی

    عمران خان نیا شیخ رشید اورغیرسنجیدہ شخص ہے،سعید غنی

    باغی ٹی وی کی رپورٹ کے مطابق پیپلز پارٹی کے رہنما، سندھ کے صوبائی وزیر سعید غنی نے کہا ہے کہ پیپلز پارٹی 8جنوری کو کراچی میں ریلی نکالے گی

    پیپلز پارٹی کے رہنماؤں شہلا رضا، وقار مہدی و دیگر کے ہمراہ پریس کانفرنس کرتے ہوئے سعید غنی کا کہنا تھا کہ پیپلز پارٹی بھرپور انداز میں بلدیاتی انتخابات میں حصہ لے رہی ہے امید کرتا ہوں پیپلز پارٹی کراچی میں اپنا میئر لانے میں کامیاب ہوگی 15جنوری کو کراچی اور حیدرآباد ڈویژن میں بلدیاتی انتخابات ہو رہے ہیں ،بلدیاتی انتخابات کے حوالے سے ڈسٹرکٹ لیول پر کام کا جائزہ لیا جا رہا ہے بلدیاتی انتخابات ملتوی ہونے کی وجہ سے گہما گہمی ماند پڑ گئی تھی ہر یوسی میں انتخابی مہم کے حوالے سے پروگرامز ہو رہے ہیں،پیپلز پارٹی نے حالیہ دنوں میں بڑے جلسے کیے، کراچی میں الیکشن کے لیے ماحول سازگار ہے ہر سیاسی جماعت کا حق ہے وہ احتجاج کرے، ہمیں الیکشن وقت پر ہوتا ہوا نظر آرہا ہے،الیکشن ہو رہے ہیں تو احتجاج بھی ہوں گے ریلیاں بھی ہوں گی،عمران خان نیا شیخ رشید اور غیر سنجیدہ شخص ہے،

    سعید غنی کا کہنا تھا کہ حلقہ بندیاں دوبارہ نہیں کی جا سکتیں نہ ہمارا اختیار ہے ، الیکشن کی تاریخ قریب ہے ، حلقہ بندیاں کرنا ممکن نہیں ، حلقہ بندیوں پر عدالت سے فیصلہ آتا ہے تو آجائے ،اتوار کو بڑی ریلی نکالی جائے گی ، ریلی میں پیپلزپارٹی کے کارکن بڑی تعداد میں شرکت کریں گے ، ریلی میں بھرپور طاقت کا مظاہرہ کیا جائے گا

    قبل ازیں پاکستان پیپلز پارٹی کراچی ڈویژن کا اہم اجلاس ڈویژن کے صدر و صوبائی وزیر سعید غنی کی زیر صدارت منعقد ہوا۔اجلاس میں پیپلزپارٹی سندھ کے جنرل سیکرٹری سینیٹر وقار مہدی، کراچی ڈویژن کے جنرل سیکرٹری جاوید ناگوری، مرزا مقبول، سردار شاہ، نجمی عالم، شہلا رضا، محمد شکیل چوہدری،دیگر شریک ہوئے، اجلاس میں 15 جنوری کو کراچی میں ہونے والے بلدیاتی انتخابات کے حوالے سے تفصیلی تبادلہ خیال کیا گیا۔ سعید غنی کا کہنا تھا کہ 15 جنوری کو بلدیاتی انتخابات کراچی اور حیدرآباد میں ہر صورت ہوں گے۔ ہمیں بلدیاتی انتخابات کی بھرپور مہم کا آغاز ایک بار پھر زور و شور سے شروع کر دینا چاہیے

    کراچی جانے کیلئے عمران خان کو جہاز کس نے دیا؟ بحث چھڑ گئی

    پنجاب اسمبلی، ہنگامہ آرائی کا مقدمہ درج

    چودھری پرویز الہیٰ کو پولیس نے بلا لیا

    پرویز الہیٰ کی جانب سے حملے کے الزام کے بعد رانا مشہود بھی خاموش نہ رہ سکے

    میری جان سے زیادہ پاکستان کی آزادی ضروری ، فوری الیکشن چاہتے ہیں ، عمران خان

  • روس سے سستے تیل کی خریداری کا معاملہ؛ روسی وزیر توانائی سمیت پورا وفد پاکستان آرہا. مصدق ملک

    روس سے سستے تیل کی خریداری کا معاملہ؛ روسی وزیر توانائی سمیت پورا وفد پاکستان آرہا. مصدق ملک

    روس سے سستے تیل کی خریداری کا معاملہ؛ روسی وزیر توانائی سمیت پورا وفد پاکستان آرہا. مصدق ملک
    وزیر مملکت پیٹرولیم مصدق ملک نے کہا ہے کہ روس سے سستے تیل کی خریداری معاہدے کی تیاریاں مکمل ہیں۔ پاک روس سستے تیل خریداری معاہدے پر گفتگو کرتے ہوئے مصدق ملک نے کہا کہ روس کے وزیر توانائی سمیت پورا وفد پاکستان آرہا ہے، روس کے ساتھ سنجیدہ بات چیت جاری ہے اور وفد اسی وقت آتے ہیں جب تیاریاں مکمل ہوں۔ انہوں نے بتایا کہ روس خام تیل میں دنیا کے برابر یا اس بھی زیادہ ڈسکاونٹ دے گا۔

    مصدق ملک نے کہا کہ ہم پوری کوشش کرینگے ملکی مفاد میں معاملہ طے ہوجائے گا، ریفائنریز سے میٹنگ کرنے کے بعد روس کے ساتھ بات کی تھی، معاہدے کی تیاری مکمل ہے لیکن قبل از وقت غیر ذمہ دار بات نہیں کر سکتا، ریفائنریز پالیسی میں ڈیم ڈیوٹی کو سرمایہ کاری سے لنک کر رہے ہیں، ریفائنریز کو جو ڈیوٹی کی مد میں بچت ہوگی وہ سرمایہ کاری کرے گے اور حکومت اسکا باقاعدہ آڈٹ کرے گی۔
    مزید یہ بھی پڑھیں؛
    ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
    اسلام آباد میں آج موسم شدید سرد اور خشک رہے گا
    فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے
    اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
    ہمارے ملکی مفاد میں ہے جدت اور ریفائنریز اپ گریڈیشن میں پیسے لگے، ہماری ریفائنریز فرنس آئل زیادہ تیار کرتی ہیں جس کی کہیں مارکیٹ ہی نہیں ہے، بلیک آئل کی وجہ سے ریفائنریز کو نقصان ہورہا ہے، ہماری ریفائنریز تیس فیصد سے زائد فرنس آئل بنا رہی ہیں ، جب ریفائنریز کو اپ گریڈ کرینگے تو پیٹرول اور ڈیزل کی فینش پراڈکٹس زیادہ بنائے گئے، انہوں نے کہا کہ پرمیم نہ دینے سے پیٹرول ڈیزل کی قیمت کم ہوگی۔

  • چڑیل کی مخبریاں۔ بڑی خوشخبری،ڈالرہی ڈالربشری بی بی کی باری آگئی۔4ماڈل کا شوشہ کیوں چھوڑا؟

    چڑیل کی مخبریاں۔ بڑی خوشخبری،ڈالرہی ڈالربشری بی بی کی باری آگئی۔4ماڈل کا شوشہ کیوں چھوڑا؟

    لاہور:عمران خان پر حملہ کس نے کیا ، اور عمران خان پہلے اور اب کیا بیان دے رہےہیں، اس پر ایک سوال کا جواب دیتے ہوئے سنیئر صحافی مبشرلقمان نے کہا پہلے کہتا ہے کہ رانا ثنااللہ ، شہبازشریف نے حملہ کروایا پھر جنرل ریٹائرڈ باجوہ کا نام لیتا تھا ،پھر میجر جنرل نصیر کا نام بھی لیا ،اس کی نظر میں تو سب قاتل ہیں ، اس نے تو کسی کو نہیں چھوڑا ، ان کا کہنا تھاکہ کل ایک ویڈیو لنک میں کہا دیاہےکہ تین لوگوں نے فائرنگ کی ، اب بھی یہ بیان بدلے گا

    مبشرلقمان کا کہنا تھاکہ عمران خان نے لندن میں پراپیگنڈہ کرنے والا اپنا آلہ کارچھوڑا ہے جو کبھی پاکستان کی معززاورمقدس شوبزاداکاراوں کے بارے میں پراپیگنڈہ کرتا ہے تو کبھی وہ عمران خان کے مخالفین کے بارے میں بھونکتا ہے ، ان کا کہنا تھایہ ایک باقاعدہ منصوبہ بندی سے ہورہا ہے،

    ایک اور سوال کے جواب میں مبشرلقمان کا کہنا تھاکہ جب اس کا دل کرتا ہے آجاتا ہے سوشل میڈیا پیجز پر اورپھر اپنی پریس کانفرنس کرتا ہے،ویڈیو لنک خطاب کرتا ہے ، ان کا کہنا تھاکہ عمران خان کے پاس سوائے جھوٹ بولنے کے کچھ نہیں ، اداروں کو لڑانے کےعلاوہ اس کے پاس کچھ نہیں‌، یہ جھوٹا شخص ہے اور اس کا کام ہی ملک میں فتنہ پیدا کرنا ہے

    ایک سوال کے جواب میں جس میں بلاول بھٹو نے کہا تھا کہ الیکشن وقت پرہوں گے ، تو مبشرلقمان نے کہا کہ وقت پر ہی ہوں گے بس عمران خان بولنا بند کردے ،ان کا کہنا تھاکہ نہ تو الیکشن پہلے ہوں گے اور نہ ہی بعد میں ،ان کایہ بھی کہنا تھا کہ جواس معاملے میں مداخلت کریں گے وہ بھی اپنی حرکتوں سے بازرہیں ، بلاول بھٹو نے کہہ دیا ہے تو پھر الیکشن وقت پر ہوں گے

    ایک سوال کے جواب میں مبشرلقمان کا کہنا تھاکہ مفتاح اسمٰعیل خان کے بارے میں میری چڑیل نےکہا ہےکہ مفتاح اسمٰعیل عمران خان کی تعریفیں کریں‌ گے، پی ٹی آئی جوائن کرلیں گے اورپھرمفتاح اسمٰعیل کو سینٹ کا ٹکٹ ملے گا اورانکو سینیٹر منتخب کروا کرسینیٹ میں‌ پی ٹی آئی کے فنانس معاملات کا دفاع کرنے کی ذمہ داری دی جائے گی

     

    انکا کہنا تھاکہ مجھے بتایا جائے مفتاح اسمٰعیل کے پاس کیا ہے ،امپورٹ ڈیوٹیں بڑھا دیں ،اپنی ٹافیوں میں جو پڑتا ہے اس کی ڈیوٹی کم کردی ،ان کا کہنا تھاکہ اگرمفتاح اسمٰعیل ملک کےساتھ مخلص ہوتا تو یہ نہیں کرتا

    انہوں نے ایک اچھی خبردیتے ہوئے کہا کہ پاکستان کے معاشی حالات بہت جلد ہہترہوجائیں گے اورکل تک چاربلین ڈالرز کی رقم سعودی عرب کی طرف سے ملنے کی خوشخبری بھی آجائے گی ، ان کا کہنا تھا کہ سعودی عرب کے ساتھ معاملات طئے پاگئےہیں اور بہت جلد سعودی حکومت کی طرف سے یہ خوشخبری سنا دی جائے گی

    انہوں نے کہا کہ میری اطلاع کے مطابق بہت جلد آرمی چیف جنرل عاصم منیر چین جارہے ہیں ،جہاں‌ وہ چین کےساتھ پاکستان کے معاشی معاملات کو ڈیل کریں گے اورپھرامید ہےکہ چین بھی ہمارے ساتھ تعاون کرے گا ،ان کا کہنا تھا کہ بہت جلد معیشت بہتر ہوجائے گی

    مبشرلقمان کا کہنا تھاکہ عمران خان نے آج تک ریحام خان کےبارے میں کسی کو گفتگو کرتے ہوئے کیوں نہیں روکا ،وہ بھی چاہتےہیں‌کہ یہ سلسلہ چلتا رہے ، ان کا کہنا تھاکہ سب کو علم ہےکہ بشریٰ‌ بی بی اور ذلفی بخاری کے درمیان محبت پیدا ہوئی ، عمران خان تو اس کی بڑی تعریفیں کرتے تھکتے نہیں تھے کہتےتھے کہ وہ چوبیس چوبیس گھنٹے کی روزے رکھتی ہے ،انکا کہنا تھاکہ ہمیں کیا وہ 72 گھنٹےکا روزہ رکھ ،لیکن جو کچھ اس نے توشہ خانہ کے ساتھ کیا ہے وہ تو بہت ہی بڑا جرم اور سکینڈل ہے

    مراد سعید غائب ہیں‌ وہ تو کہتے تھےکہ وہ اپنے مخالفین کےخلاف کیس درج کروائیں گے،محسن بیگ پر تشدد بھی اس نے کروایا ، اس کے ساتھ ساتھ عمران خان نے کیس کرنا تھا ، برطانیہ میں جیو پر جنگ پر وہ بھی ابھی تک نہیں ہوسکا

    ان کا کہنا تھاکہ سنا ہےکہ پرویز الٰہی نے کہا کہ 25 مئی کا دن یاد رکھیں ، ان کا کہنا تھاکہ پرویز الٰہی یاد رکھیں‌ کہ آج پھر عمران خان نے جنرل باجوہ کو میر جعفر کہا تھا

  • لاہور سمیت مختلف شہروں میں چائلڈ پورنوگرافی میں ملوث 20 سے زائد افراد گرفتار

    لاہور سمیت مختلف شہروں میں چائلڈ پورنوگرافی میں ملوث 20 سے زائد افراد گرفتار

    لاہور سمیت مختلف شہروں میں چائلڈ پورنوگرافی میں ملوث 20 سے زائد افراد گرفتار
    پنجاب کے دارالحکومت لاہور سمیت مختلف شہروں میں چائلڈ پورنوگرافی میں ملوث 20 سے زائد افراد کو گرفتار کرلیا گیا۔ پنجاب کے مختلف شہروں میں ہم جنس پرستی، چائلڈ پورنو گرافی اور لائیو ویڈیو اسٹریمنگ کے ذریعے لاکھوں روپے کمانے اور بلیک میل کرنے کا انکشاف ہوا ہے۔ ایف آئی اے سائبر کرائم ونگ نے پنجاب میں چائلڈ پورنوگرافی اور ہم جنس پرستی میں ملوث افراد کے خلاف گرینڈ آپریشن کے دوران لاہور، فیصل آباد، ملتان، گوجرانولہ، شیخوپورہ راولپنڈی سے 20 سے زائد افراد کو گرفتار کر لیا۔

    گرفتار افراد کے قبضے سے بچوں،خواتین اور ادھیڑ عمر افراد کی نازیبا ویڈیوزاور تصاویر، جنسی ادویات و آلات سمیت دیگر سامان برآمد کر لیا گیا ہے۔ ایف آئی اے سائبر کرائم ونگ کے مطابق سوشل میڈیا پر مخصوص ایپ پر ہم جنس پرستوں کی بڑی تعداد موجود ہے جو زیادہ تر پنجاب کے مختلف شہروں سے تعلق رکھتے ہیں۔ ان ایپس پرچائلڈ پورنوگرافی سمیت ہم جنس پرستی کو فروغ دیا جا رہا ہے۔ملزمان ہم جنس پرستی کی سوشل میڈیا ایپ پر لائیو براڈ کاسٹ بھی کرتے تھے۔

    ایسے ہی ایک گروہ کے ارکان کو گرفتار کیا گیا ہے۔ گرفتار ملزمان میں نوید عاصم انور قیصر اسد منیر عمران تنویر افتخار وحید توقیر ندیم شرافت قاسم سمیت دیگر ملزمان شامل ہیں۔ تفتیش کے دوران انکشاف ہوا ہے کہ بچوں سے پب جی گیم کھیلتے ہوئے دوستی کی جاتی ہے پھر ان کو گیم میں شامل رہنے اور ان کی مرضی کے ساتھ پپ جی گیم کھلینے کا لالچ دے کر ان بچوں کی نازیبا ویڈیوز کلپس بنائی جاتی ہیں۔
    مزید یہ بھی پڑھیں؛
    ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
    اسلام آباد میں آج موسم شدید سرد اور خشک رہے گا
    فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے
    اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
    لاہور، گجرات اور ملتان کی مختلف نجی کالجزاور یونیورسٹی کے طلبہ و طالبات کو نجی پارٹیوں ،گروپ اسٹڈیزاور ماڈلنگ سمیت مختلف طریقوں سے ہم جنس پرستوں کے گروپوں میں شامل کیا جاتا ہے پھر نازیبا اور ہم جنس پرستی کے حوالے سے فلمیں دیکھا کر بھی مائل کیا جاتا ہے کہ یہ کوئی غیر قانونی یا برا کام نہیں بلکہ ایک آرٹ ہے۔ اس کی ادائیگی لاکھوں روپے میں کی جاتی ہے۔ ایف آئی اے ذرائع کے مطابق بہت سی غریب فیملیز بدنام ہونے کے ڈر اوران مافیا کی دھمکیوں کی وجہ سے ایف آئی اے کے ساتھ تحقیقات میں تعاون نہیں کر رہیں۔ کچھ ایسے بھی افراد تھے جنہوں نے درخواست تو دی مگر پھر شامل تفتیش نہیں ہوئے لیکن ایف آئی اے نے ان کے خلاف قانونی کارروائی شروع کر دی ہے۔ پی ٹی اے کے ساتھ مل کر بہت سی ایسی سائٹس کو بلاک بھی کیا جاچکا ہے۔

  • تحریک انصاف کا پنجاب اسمبلی سے بھی استعفوں پرغور

    تحریک انصاف کا پنجاب اسمبلی سے بھی استعفوں پرغور

    تحریک انصاف کا پنجاب اسمبلی سے بھی استعفوں پرغور

    اسمبلیوں کی تحلیل میں تاخیر، پی ٹی آئی قومی اسمبلی کی طرح پنجاب اسمبلی سے بھی استعفوں پرغورکر رہی ہے

    چیئرمین پی ٹی آئی عمران خان کو اتحادی جماعت کی جانب سے اسمبلی تحلیل میں تاخیر پر استعفوں کی تجویز دی گئی، عمران خان نے تجویز پر مذید مشاورت کا فیصلہ کر لیا، تحریک انصاف کے رہنما حسان خاور کا کہنا ہے کہ اسمبلی تحلیل نہ ہوئی تو پلان بی تیار ہے،اسمبلیوں سے اراکین کے استعفوں کے معاملے پر پی ٹی آئی مشاورت کرے گی،

    عمران خان کا کہنا ہے کہ اگر اسمبلی کی تحلیل میں تاخیر ہوئی تو ہمارے ارکان استعفے دیکر پنجاب اسمبلی سے باہر آجائیں گے، 11 جنوری سے پہلے وزیراعلیٰ کے اعتماد کے ووٹ کے عمل کو یقینی بنایا جائے، پارٹی ارکان اسمبلی میں مزید نہیں رہنا چاہتے اور اگر اسمبلی کی تحلیل میں کوئی رکاوٹ پیدا کی گئی تو پھر ہمارے ایم پی ایز مستعفی ہوجائیں گے

    دوسری جانب تحریک انصاف سے ناراض اراکین سے عمران خان نے رابطوں کی ہدایت کی ہے، مجلس وحدت المسلمین کی ناراض خاتون رکن کو عمران خان نے زمان پارک بلایا ہے، مجلس وحدت المسلمین کو پنجاب حکومت پر تحفظات تھے اسلئے پرویز الہیٰ کو ووٹ نہ دینے کا اعلان کیا تھا اور کہا تھا کہ حافظ عمار یاسر نے پنجاب حکومت کو یرغمال بنایا ہوا ہے، عمران خان کے ساتھ ہیں لیکن پرویز الہیٰ کو ووٹ نہیں دیں گے

    خیال رہے کہ اسپیکر سبطین خان کی ہدایت پر اسمبلی سیکریٹریٹ نے پنجاب اسمبلی کا اجلاس 9 جنوری کو طلب کررکھا ہے۔ذرائع کے مطابق پنجاب اسمبلی کے آئندہ اجلاس میں وزیر اعلیٰ پنجاب کے اعتماد کے ووٹ پر کارروائی شروع کی جائے گی تاہم 9 جنوری سے قبل ارکان کی مطلوبہ تعداد پوری نہ ہونے سے عمران خان سخت پریشان ہیں۔

    نیب قانون میں اپوزیشن کی جانب سے ترامیم کا مسودہ، قریشی نے کھری کھری سنا دیں، کہا تحریک انصاف کیلئے یہ ممکن نہیں

    عثمان بزدار کے گرد گھیرا تنگ،مبشر لقمان نے بطور وزیر بیورو کریسی کیلئے کیسے سٹینڈ لیا تھا؟ بتا دیا

     پنجاب میں سال 2022 کے دوران سیاسی کشیدگی عروج پر رہی،

  • رونالڈو کا دورہ سعودی عرب؛ بے دھیانی میں سعودی عرب کو ساؤتھ افریقہ کہہ دیا

    رونالڈو کا دورہ سعودی عرب؛ بے دھیانی میں سعودی عرب کو ساؤتھ افریقہ کہہ دیا

    رونالڈو کا دورہ سعودی عرب؛ بے دھیانی میں سعودی عرب کی جگہ ساؤتھ افریقہ کہہ دیا

    پرتگال سے تعلق رکھنے والے معروف فٹبال سپر اسٹار کرسٹیانو رونالڈو کا سعودی فٹبال کلب النصر کی نمائندگی کیلئے ریاض پہنچنے پر ان کا پرتپاک استقبال کیا گیا۔ سعودی میڈیا کے مطابق گزشتہ دنوں النصر فٹبال کلب کے ساتھ 200 ملین یورو کا معاہدہ طے پانے کے بعد ورلڈ فٹبال اسٹار رونالڈو سعودی لیگ میں شرکت کیلئے ریاض پہچنے تھے جہاں ان کا شاندار استقبال کیا گیا۔

    النصر فٹبال کلب سے ہونے والے معادے کے باضابطہ اعلان کیلئے ریاض کے مرسول اسٹیڈیم میں تقریب کا انعقاد کیاگیا تھا، شائقین کی بڑی تعداد اسٹیڈیم میں موجود تھی۔ سعودی عرب پہنچنے سے قبل رونالڈو نے ایک ویڈیوکے ذریعے مداحوں کو جلد ملاقات کا پیغام بھی دیا تھا. النصر میں شامل ہونے والے رونالڈو دنیاکے مہنگے ترین کھلاڑی ہونے کے ساتھ ساتھ مانچسٹر یونائیٹڈ اور رئیل میڈرڈ جیسے بڑے فٹبال کلبز کی نمائندگی کرچکے ہیں۔


    پانچ مرتبہ چیمپئینز لیگ ونررہنے والے رونالڈو فٹبال کے کئی اعزازت اپنے نام کرچکے ہیں،سعودی وزیر کھیل کی طرف سے نو مرتبہ سعودی لیگ چیمپئین رہنے والے النصرفٹبال کلب میں رونالڈو کی شرکت کو سعودی فٹبال کیلئے بڑا اقدام قرار دیا ہے جبکہ مہنگے ترین فٹبال اسٹار رونالڈو کے ہمراہ نوکروں کی ایک بڑی ٹیم سمیت سیکورٹی کمپنی بھی موجود تھی جنہیں ریاض کے ایک پرتعیش ہوٹل میں ٹہرایا گیا.


    جب کرسٹیانو رونالڈو کو ریاض میں میڈیا کے سامنے پیش کیا گیا تو ان کا کہنا تھا کہ یہاں فٹبال مختلف ہے، اس لیے میرے لیے جنوبی افریقہ آنا میرے کریئر کا اختتام نہیں ہے۔ میں اس لیے تبدیلی چاہتا ہوں اور سچ بولوں تو مجھے اس بات کی فکر نہیں ہے کہ لوگ کیا کہیں گے۔ انھوں نے کہا تھا میں نے سب کچھ جیت لیا، میں نے یورپ کے اہم ترین کلبز کے لیے کھیلا اور اب ایشیاء میں ایک نیا چیلنج ہوگا۔

    جبکہ واضح رہے کہ کرسٹیانو رونالڈو نے گزشتہ منگل کو سعودی عرب میں النصر کی جانب سے باقاعدہ تقریب میں میڈیا کے سامنے پیش ہونے پر انھوں نے بےدھیانی میں سعودی عرب کو جنوبی افریقہ کہہ دیا تھا. جبکہ انھوں نے مانچسٹر یونائیٹڈ چھوڑنے کے بعد النصر میں شمولیت اختیار کی ہے۔ میڈیا کانفرنس کے بعد انھوں نے ہزاروں مداحوں کی موجودگی میں اپنی النصر کی نئی جرسی میں تصویریں کھینچوائیں۔ النصر اور رونالڈو کے درمیان ہونے والی ڈیل کو اب تک کی سب سے مہنگی ڈیل کہا جا رہا ہے۔ النصر سنہ 2025 تک ہر سال رونالڈو کو تقریباً 200 ملین یورو یا 1800 کروڑ انڈین روپے ادا کرے گا۔


    سعودی عرب کی رونالڈو پر کروڑوں ڈالر کی بارش

    ابھی ایک ماہ کا وقت بھی نہیں گزرا جب پرتگال کی فٹبال ٹیم کے کپتان کرسٹیانو رونالڈو کو قطر میں ہونے والے ورلڈ کپ کے کوارٹر فائنل میں مراکش کے ہاتھوں ایک صفر کی شکست کے بعد چشم تر کے ساتھ میدان چھوڑتے ہوئے دیکھا گیا تھا۔ پرتگال کو شکست دے کر مراکش ورلڈ کپ کے سیمی فائنل میں پہنچنے والا پہلا افریقی عرب ملک بن گیا ہے جبکہ ورلڈ کپ جیتنے کا خواب چکنا چور ہونے کے چند ہفتوں بعد اب پرتگال کے کپتان کرسٹیانو رونالڈو نے یورپی فٹبال کلب مانچسٹر یونائیٹڈ کو چھوڑ کر سعودی عرب کی النصر میں شمولیت اختیار کی ہے.


    النصر کلب نے سوشل میڈیا پر ٹیم کی جرسی کے ساتھ رونالڈو کی تصویر شیئر کرکے جوش کا اظہار کیا ہے۔ جبکہ ماہرین 37 سالہ رونالڈو کے النصر کے ساتھ ہونے والے مہنگے معاہدے کو سعودی عرب کے ولی عہد محمد بن سلمان کی معاشی پالیسی سے بھی جوڑ رہے ہیں، جس کا ہدف مغربی ممالک کو پیچھے چھوڑ کر سعودی عرب کو عالمی طاقت کے طور پر ابھارنا ہے۔

    کرسٹیانو رونالڈو کو سائن کرنے کے بعد النصر نے ٹویٹ کیا ’تاریخ رقم کی جا رہی ہے۔ یہ معاہدہ نہ صرف ہمارے کلب کو بڑی کامیابی کی طرف گامزن کرے گا بلکہ ہماری لیگ، ہمارے ملک اور آنے والی نسلوں، لڑکے اور لڑکیوں کی اپنی بہترین کارکردگی دکھانے کے لیے بھی حوصلہ افزائی کرے گا۔‘ معاہدے کا اعلان کرتے ہوئے رونالڈو نے کہا کہ ’میں ایک مختلف ملک میں فٹ بال لیگ کا تجربہ کرنے کے لیے پرجوش ہوں۔‘ انہوں نے مزید کہا ’النصر جس وژن کے ساتھ کام کر رہا ہے اور سعودی عرب جس طرح مردوں اور خواتین کی فٹبال کے حوالے سے ترقی کر رہا ہے وہ متاثر کن ہے۔ ہم ورلڈ کپ میں سعودی عرب کی حالیہ کارکردگی سے دیکھ سکتے ہیں کہ یہ فٹبال میں بڑی صلاحیتوں کا حامل ملک ہے۔‘

    النصر کلب کی تاریخ

    ایک عالمی ادارے کے مطابق رونالڈو جس النصر کلب سے منسلک ہوئے ہیں وہ سنہ 1955 میں سعودی عرب کے دارالحکومت ریاض میں قائم کیا گیا تھا۔ یہ کلب ملک کی سعودی پروفیشنل لیگ (ایس پی ایل) میں کھیلتا ہے، جس میں کل 18 ٹیمیں ہیں۔ لیگ کے سب سے زیادہ گول کرنے والے ماجد عبداللہ نے بھی النصر کی جانب سے کھیلتے ہوئے ہر میچ میں ایک کی اوسط سے مجموعی طور پر 189 گول کیے ہیں۔ النصر ایس پی ایل کی دوسری کامیاب ترین ٹیم ہے جو اب تک نو مرتبہ ٹائٹل جیت چکی ہے۔ آخری بار النصر نے یہ ٹائٹل سنہ 2018-2019 میں جیتا تھا۔ سب سے زیادہ ٹائٹل جیتنے کے معاملے میں النصر سے آگے صرف الہلال کلب ہے۔

    النصر کے موجودہ کوچ روڈی گارشیا ہیں۔ اس کلب میں کیمرون کے سابق ورلڈ کپ ہیرو ونسنٹ ابوبکر اور برازیل کے سابق مڈفیلڈر لوئیز گسٹاوو بھی شامل ہیں۔ گول ڈاٹ کام کی خبر کے مطابق سعودی شہزادے عبدالرحمان بن سعود آل سعود نے سنہ 1960 میں کلب کی کمان سنبھالی تھی۔ انھوں نے النصر کو ملک کے بہترین کلبوں میں سے ایک بنانے میں کلیدی کردار ادا کیا۔

    خیال کیا جاتا ہے کہ سنہ 2004 میں ان کی موت کے بعد بھی کلب کو سعودی شاہی خاندان سے مالی امداد ملتی رہی ہے اور کلب بڑے کھلاڑیوں کو راغب کرنے میں کامیاب رہا ہے۔ گذشتہ سال ہی ایک اور سعودی ٹیم الہلال نے بھی رونالڈو کو پیشکش کی تھی۔ لیکن اس وقت رونالڈو نے اس پیشکش کو ٹھکرا دیا اور کہا تھا کہ وہ مانچسٹر یونائیٹڈ میں خوش ہیں۔ تاہم مانچسٹر یونائیٹڈ کے ساتھ بات چیت اس وقت بگڑ گئی جب رونالڈو نے گذشتہ سال نومبر میں ایک انٹرویو کے دوران کلب کے منیجر ایرک ٹین سے خوش نہ ہونے کا اظہار کیا۔

  • دینی مدارس کے بچوں کو لیپ ٹاپ دینے کے حوالے سے طریقہ کار بنانے کی ہدایت

    دینی مدارس کے بچوں کو لیپ ٹاپ دینے کے حوالے سے طریقہ کار بنانے کی ہدایت

    قومی اسمبلی کی قائمہ کمیٹی برائے ریاستی و سرحدی امورنے فاٹا ہاؤس اسلام آباد پر وزارت داخلہ کے قبضے پر شدید برہمی کااظہار کرتے ہوئے وزارت داخلہ کو فاٹا ہاؤس اسلام آباد صوبہ خیبر پختونخوا کے حوالے کرنے کی ہدایت کردی۔

    کمیٹی نے ایچ ای سی کو وفاق المدارس کے ساتھ مل کر دینی مدارس کے بچوں کو بھی لیپ ٹاپ دینے کے حوالے سے طریقہ کار بنانے کی ہدایت کردی ۔ قائمہ کمیٹیوں میں ارکان کی عدم دلچسپی کی وجہ سے کورم کا سنگین مسائل پید اہونا شروع ہوگئے کورم نہ ہونے کی وجہ سے سیفران کمیٹی 45منٹ تاخیر سے شروع ہوئی ۔حکام نے کمیٹی کو بتایا کہ شمالی وزیرستان کے متاثرہ دکاندارروں کو معاضہ دینے کے لیے فنڈز ہی نہیں ہیں فنڈز ملیں گے تو تقسیم کردیں گے ۔چیئرمین ایچ ای سی ڈاکٹر مختار نے کہاکہ مدارس والے بھی ہمارے بچے ہیں ان کو مین سٹریم میں لانا چاہئے، ان کے لئے لیپ ٹاپ کے لیے اگلے مالی سال میں علیحدہ پراجیکٹ بناتے ہیں۔

    قومی اسمبلی کی قائمہ کمیٹی برائے ریاستی و سرحدی امور( سیفران) کااجلاس چیئرمین محمد جمال الدین کی زیرصدارت پارلیمنٹ ہاوس میں ہوا۔اجلاس کے مقرہ وقت پر صرف ایک رکن محمدافضل کھوکھر اجلاس میں آئے ۔ کورم نہ ہونے کی وجہ سے اجلاس شروع کرنے میں 45منٹ کی تاخیر ہوئی ۔ اجلاس میں سیکرٹری سیفران، ای ڈی ایچ ای سی، ایڈیشنل سیکرٹری داخلہ، کے پی کے حکام نے شرکت کی ۔پہلے ایجنڈے کے محرک محسن داوڑ کمیٹی میں آئے تو کورم نہیں تھا جس پر انہوں نے کہاکہ آدھی پارلیمنٹ باہر بیٹھی ہوئی ہے اور باقی آدھے وزیر بن گئے ہیں کمیٹی میں شرکت کے لیے کوئی نہیں بچا ہے۔ وفاقی سیکرٹری سیفران نے کمیٹی کو بتایا کہ وزیر سیفران عمرے پر گئے ہوئے ہیں جس پر چیئرمین کمیٹی جمال الدین نے کہا کہ عمرے کے پیسے ہمارے اوپر تقسیم کرتے تو زیادہ ثواب ہوتا۔اس دوران رکن آفرین خان کمیٹی میں آئے جس کے بعد 11 بج کر 15منٹ پر رکن نصیبہ چنا،چوہدری محمداشرف اور نوید عامر جیو آئے تو کورم مکمل ہوا اور اجلاس کی کارروائی شروع ہوئی اس دوران اجلاس تاخیر سے شروع کرنے پر رکن کمیٹی محمدافضل کھوکھر کمیٹی سے چلے گئے ۔

    کمیٹی میں محسن داوڑ کا شمالی وزیرستان میں دہشتگردی کے خلاف جنگ کے دوران متاثر ہونے والی تاجر برادری میں فنڈز کی تقسیم کا معاملہ زیر بحث آیا۔پی ڈی ایم اے خیبرپختونخوا حکام نے بتایا کہ دکانیں تباہ ہونے والوں کو معاوضہ دینے کے لیے 6.7 ارب روپے کی درخواست بھیجی ہوئی ہے،فاٹا کے لئے 17 ارب روپے سالانہ مختص ہوتے تھے، گزشتہ سال 17 ارب مختص ہوئے لیکن12 ارب ریلیز ہوئے، اس سال وہ پیسے مختص ہی نہیں ہوئے، تو کس طرح معاوضہ دے سکتے ہیں ہمارے پاس فنڈز نہیں ہیں اس لئے معاوضوں کی ادائیگی روکی ہوئی ہے۔ایجنڈے کے محرک محسن داوڑ نے کہا کہ ہمارا ایجنڈا پیسوں کی تقسیم کے حوالے سے ہے اگر پیسے ہی نہیں تو تقسیم کے طریقہ کار پر بات کرنا وقت کا ضائع ہے اس لیے جب تک پیسے نہیں ملتے اس وقت تک یہ ایجنڈا موخر کیاجائے ۔ کمیٹی نے فنڈز نہ ہونے کی وجہ سے معاملہ موخر کردیا۔

    اجلاس میں فاٹا ہاؤس اسلام آباد پر وزارت داخلہ کے قبضے سے متعلق معاملہ زیر بحث آیا ۔ایڈیشنل سیکرٹری داخلہ نے کمیٹی کوبتایاکہ فاٹا ہاوس میں ہمارے دفاتر بنے ہوئے ہیں وہاں کام ہورہا ہے ہم نے بھی فاٹا ہاوس میں 6 ملین روپے خرچ کئے ہیں فاٹا ہاوس کے حوالے سے جو کمیٹی فیصلہ کرے گی ہم اس کو مانیں گے،فاٹا ہاوس ہمارے زیر استعمال ہے ۔محسن داوڑ نے کہا کہ آپ نے 6ملین خرچ کرکے اربوں کی جائیداد پر قبضہ کرلیا ہے فاٹا کے پی کے میں ضم ہوگیا ہے تو فاٹا ہاؤس بھی کے پی کے کو دیا جانا چاہیے آپ نے بلڈنگ ہڑپ کر لی ہے، پوری بلڈنگ پر قبضہ کر لیا ہے، کس قانون کے تحت یہ عمارت آپ نے قبضے میں لی ہے کس نے لکھ کر دیا ہے کہ آپ نے اس پر قبضہ کرلیا ہے ۔صوبہ کے پی کے کے حکام نے کمیٹی کو بتایا کہ فاٹا ہاوس کا قبضہ واپس لینے کے لیے ہم نے باقاعدہ خط لکھا ہے مگر ابھی تک اس کا جواب وزارت داخلہ نے نہیں دیاہے ۔ چیئرمین کمیٹی جمال الدین نے کہاکہ آپ فاٹا ہاؤس صوبے کو واپس کریں، اسے کے پے کے ہاؤس 2 ٹو کا نام دیا جائے، آدھا اسلام آباد انہی لوگوں کے پاس ہے، ہمیں فاٹا ہاؤس واپس کریں ۔محسن داوڑ نے کہاکہ کمیٹی کی جانب سے وزارت داخلہ کو ایک خط بھی بھیجا جائے،کہ فوری طورپر فاٹاہاؤس کو واپس کیاجائے ۔کمیٹی نے وزارت داخلہ کو فاٹا ہاؤس اسلام آباد صوبہ خیبر پختونخوا کے حوالے کرنے کی ہدایت کردی ۔

    دینی مدارس کے طلباء کو وزیراعظم لیپ ٹاپ اسکیم میں شامل نہ کئے جانے کا معاملہ زیر بحث آیا۔چیئرمین کمیٹی نے ایچ ای سی حکام کو کہاکہ سابقہ فاٹا اوردینی مدارس کو لیپ ٹاپ دینے کے حوالے سے بتائیں۔چیئرمین ایچ ای سی ڈاکٹر مختار احمد نے کمیٹی کو بریفنگ دیتے ہوئے کہاکہ 9500 لیپ ٹاپ پہلے بھی سابقہ فاٹا کے طلبہ کو ملے ہیں اب بھی سابقہ فاٹا کے بچوں کو ملیں گے۔دینی مدارس کا مینڈیٹ ہمارا نہیں ہے ۔ہم ان کو بھی لیپ ٹاپ دینے کے حق میں ہیں ۔مدارس کے طلبا کا ڈیٹا ایچ ای سی کے پاس نہیں ہے مدارس کے بچوں کو بھی مین سٹریم میں لایا جائے ۔اس وقت جو لیپ ٹاپس آرہے ہیں وہ پورے پاکستان کی پبلک سیکٹر یونیورسٹیوں کے لئے ہیں،ہم نے کوشش کی کہ دینی مدارس کا ڈیٹا مل جائے،ہم سپورٹ کرتے ہیں کہ ان کو بھی آن بورڈ کیا جائے،وہ ہمارے بچے ہیں ان کو مین سٹریم میں لانا چاہئے، ان کے لئے اگلے مالی سال میں علیحدہ پراجیکٹ بناتے ہیں، اس وقت سکیم صرف یونیورسٹیوں کے بچوں کے لئے ہے، میرٹ پر لیپ ٹاپس دیئے جائیں گے۔ کمیٹی نے چیئرمین ایچ ای سی کو ہدایت کی کہ وفاق المدارس کے ساتھ مل کر دینی مدارس کے بچوں کو بھی لیپ ٹاپ دینے کے حوالے سے طریقہ کار بنایا جائے ۔

    (محمداویس)

     پولیس نے مدرسے کے لڑکے سے بد فعلی کے ملزم مفتی عزیز الرحمن کے خلاف مقدمہ درج کر دی

    مولانا کی بچے سے زیادتی ، ویڈیو لیک ، اصل حقیقت کیا ہے ، سنیے مبشر لقمان کی زبانی

    مذہبی رہنماوں کا ردعمل

    طالب علم نے چائے پلائی اور پھر….مفتی عزیرالرحمان کی زیادتی کیس میں وضاحتی ویڈیو

    طالب علم سے زیادتی کرنیوالے مفتی کو مدرسہ سے فارغ کر دیا گیا

    وفاقی حکومت نے مدارس کے اتحاد ،اتحاد تنظیمات المدارس دینیہ کے مطالبات تسلیم کر لیے،

  • خیبر پختونخوا کے تاجروں کا ڈیٹا نادرا اورایف بی آرسے لیک،صدر سرحد چیمبرکا دعویٰ

    خیبر پختونخوا کے تاجروں کا ڈیٹا نادرا اورایف بی آرسے لیک،صدر سرحد چیمبرکا دعویٰ

    صدر سرحد چیمبر آف کامرس محمد اسحاق نے کہا ہے کہ خیبر پختونخوا کے تاجروں کا جو ڈیٹا نادرا اور ایف بی آر کے پاس ہے وہ دہشتگردوں کو لیک ہوا ہے. کال آتی ہے اور ان کے پاس بینک اکاونٹ گاڑیوں اور پورے گھر والوں کی تفصیلات ہوتی ہیں۔

    صدر سرحد چیمبر آف کامرس محمد اسحاق کا کہنا تھا کہ غیر ملکی نمبروں سے تاجروں کو بھتہ کی کالیں آنا شروع ہوگئی ہیں،واٹس ایپ اور غیر رجسٹرڈ نمبر وں بارے پولیس کو آگاہ کیا ہے، دھمکیوں پر تاجر بھتہ دینے پر مجبورہیں،پشاور کے متعدد تاجرکئی بار بھتہ دے چکے ہیں، ایک گروپ بھتہ لیتاہے تو دوسرا مانگ لیتا ہے انٹرنیشنل سم سے تاجروں کو بھتے کی کالز موصول ہورہی ہیں، مختلف مقامات پر موبائل ریٹیلر غیر قانونی موبائل سمزفروخت کررہے ہیں، تاجروں نے متعدد بار پولیس میں مقدمات بھی درج کرا دیئے ہیں،

    صدر سرحد چیمبر آف کامرس محمد اسحاق کا کہنا تھا کہ چائنہ ایکسپورٹ کےلئے کاشغر ،سست بارڈر مکمل کھولا جائے، ملک میں معیشت کافی خرابی کی جانب گامزن ہے،دکانوں کو رات کے اوقات میں بندکرنا اصل ایشو نہیں ہے خیبرپختونخوا میں کارخانے بندہوچکے ہیں،بند کارخانوں کو بجلی بل بھجوائے جارہے ہیں، ایل سیز پر پابندی برقرار رہی توبڑی تعداد میں کارخانے بند ہو جائینگے، وسطی ایشیاء ممالک کے ساتھ پاکستان کے کاروبار کا حجم کم ہوتا جارہا ہے، سنٹرل ایشیاء سے ایکسپورٹ پر افغان حکومت اضافی ٹیکس وصول کررہی ہے،خیبر پختونخوا بھرمیں 7 سے 9 ارب روپے کی بجلی چوری ہورہی ہے، گزشتہ 5ماہ کے دوران خیبر پختونخوا میں 500 سے زائد کارخانے بند ہیں،

    88 قبحہ خانوں پر چھاپوں کے دوران 417 ملزمان گرفتار

    لاہور میں خاتون کو رکشہ پر ہراساں کرنے کا ایک اور واقعہ

    13 سالہ بچے کے ساتھ بدفعلی کرنے والے دو ملزمان گرفتار

    سوشل میڈیا کے ذریعے لاہور میں لڑکیاں سپلائی کرنے والے ملزمان گرفتار

    دوسری شادی کیوں کی؟ پہلی بیوی نے خود کشی کر لی