Baaghi TV

Tag: تازہ ترین

  • عمران خان ہر صورت تفتیشی افسر کے روبرو پیش ہوں. عدالت

    عمران خان ہر صورت تفتیشی افسر کے روبرو پیش ہوں. عدالت

    عمران خان ہر صورت تفتیشی افسر کے روبرو پیش ہوں. عدالت

    بینکنگ کورٹ نے ممنوعہ فنڈنگ کیس میں عمران خان سے زمان پارک کے گھر میں ہی تفتیش کرنے کی استدعا مسترد کرتے ہوئے انہیں شامل تفتیش ہونے کا حکم دے دیا۔ اسلام آباد کی بینکنگ کورٹ میں ممنوعہ فنڈنگ کیس کی سماعت ہوئی۔ عمران خان کے وکیل نے چیئرمین پی ٹی آئی کی حاضری سے استثنیٰ کی درخواست دائر کرتے ہوئے ان سے زمان پارک لاہور میں تفتیش کرنے کی استدعا کردی۔ اسپیشل پراسیکیوٹر عمران عباسی نے عدالت کے سامنے مؤقف پیش کیا کہ عمران خان سیاسی معاملات چلارہے مگر عدالت نہیں آتے، وہ عدالت میں پیش ہوئے نہ ہی اب تک شامل تفتیش ہوئے۔

    عمران خان کے وکیل نے مؤقف اختیار کیا کہ ڈاکٹرز جیسے ہی عمران خان کو اجازت دیں گے وہ عدالت میں پیش ہو جائیں گے، ایف آئی اے کو بھی کہا ہے عمران خان سے تفتیش کیلئے زمان پارک آسکتے ہیں۔ اسپیشل پراسیکیوٹر نے مؤقف اختیار کیا کہ تفتیشی افسر کے لیے ممکن نہیں کہ لاہور جاکر تفتیش کرے، کل کو کوئی دوسرا ملزم کہے گا کوئٹہ آکر تفتیش کرلیں۔ عدالت نے ریمارکس دیئے کہ تفتیش کرنا تفتیشی افسر کا کام ہے،عدالت کوئی ہدایت نہیں دے گی، تفتیشی افسر جیسے اور جہاں چاہے تفتیش کرے، مداخلت نہیں کریں گے۔
    مزید یہ بھی پڑھیں؛
    ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
    اسلام آباد میں آج موسم شدید سرد اور خشک رہے گا
    فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے

    اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
    بینکنگ کورٹ کی جج رخشندہ شاہین نے محفوظ فیصلہ سنا دیا، اور عدالت نے چیئرمین تحریک انصاف عمران خان کی 31 جنوری تک عبوری ضمانت میں توسیع کردی۔ عدالت نے عمران خان کے وکیل کی عمران خان سے زمان پارک میں تفتیش کرنے کی استدعا مسترد کرتے ہوئے عمران خان کو شامل تفتیش ہونے کا حکم دیتے ہوئے ریمارکس دیئے کہ عمران خان ہر صورت تفتیشی افسر کے سامنے پیش ہوں۔ عدالت نے وکیل سے معاونت طلب کرتے ہوئے ریمارکس دیئے کہ کیوں نہ عدم پیشی پر عبوری ضمانت واپس لی جائے۔

  • روسی جارحیت کے خلاف یوکرین کی مدد کرتے رہیں گے،امریکا

    روسی جارحیت کے خلاف یوکرین کی مدد کرتے رہیں گے،امریکا

    واشنگٹن: امریکی قومی سلامتی کونسل کے ترجمان کا کہنا ہے کہ روسی جارحیت کے خلاف یوکرین کی مدد کر رہے ہیں اور کرتے رہیں گے۔

    باغی ٹی وی : غیر ملکی میڈیا کے مطابق گزشتہ روز روس میں مقبوضہ یوکرینی شہر مکیوکا میں یوکرین کی جانب سے فوجی ٹرینگ سینٹر میں امریکی میزائل داغے گئے جس کے نتیجے میں 89 روسی فوجی ہلاک ہوئے تھے۔

    یورپی یونین کے لیے پہلی سعودی خاتون سفیر مقرر

    اس واقعے پر وائٹ ہاوس کی جانب سے جاری بیان میں کہا گیا ہے کہ فوجی ہلاکتوں میں امریکا کا ہاتھ نہیں ہے۔

    کونسل کے ترجمان جان کربی نے کہا ہے کہ یوکرین اپنے دفاع میں جوابی کارروائی کررہا ہے جبکہ روسی فوجی اڈے پر امریکی ہتھیاروں کے استعمال کا روس کا الزام بے بنیاد ہے۔

    جان کربی نے مزید کہا کہ روسی جارحیت کے خلاف یوکرین کی مددکر رہے ہیں اور کرتے رہیں گے، یوکرین پرجارحیت روس نے کی اور روس ہی اپنے نقصانات کاذمہ دار ہے۔

    صومالیہ : دو مختلف کاربم دھماکوں میں 35 افراد ہلاک، 40 سے زائد زخمی

    میڈیا رپورٹس کے مطابق جان کربی نے اپنے بیان میں میزائل حملے میں ہلاک روسی فوجیوں کی اصل تعداد بتانے سے انکار کردیا۔

    واضح رہے کہ یوکرینی فوج کی جانب سے مافیفکا شہر میں روسی فوجی اڈے پر میزائل حملہ نئے سال کے آغاز پر کیا گیا تھا، یوکرینی حملے میں روسی فوج کا بڑی تعداد میں جانی و مالی نقصان ہوا تھا۔

    اس حوالے سے روسی وزارت دفاع کا کہنا ہے کہ ماکیفکو میں نقصان کی وجہ سپاہیوں کا نئے سال کے موقع پر موبائل فون کا استعمال ہے ماکیفکو میں ہونے والے فوجی نقصان کی وجہ جاننے کے لیے کمیشن تحقیقات کر رہا ہے۔

    روسی حملے میں ایک ہی دن میں 130 سے زائد یوکرینی فوجی ہلاک

  • الیکشن کمیشن سندھ کو بلدیاتی انتخابات ملتوی کرنے کی درخواست موصول

    الیکشن کمیشن سندھ کو بلدیاتی انتخابات ملتوی کرنے کی درخواست موصول

    الیکشن کمیشن سندھ کو بلدیاتی انتخابات ملتوی کرنے کی درخواست موصول

    الیکشن کمیشن سندھ کو بلدیاتی انتخابات ملتوی کرنے کے لیے نئی درخواست بھیج دی گئی، جس میں کمشنر حیدر آباد نے بلدیاتی انتخابات ملتوی کرنے کا مطالبہ کیا ہے۔ کمشنر حیدر آباد کی جانب سے الیکشن کمیشن سندھ کو لکھے گئے خط میں کہا گیا ہے کہ شدید بارشوں اور سیلاب سے ضلع دادو سب سے زیادہ متاثر ہوا ہے۔ میہڑ اور خیرپور ناتھن شاہ میں اب تک سیلابی پانی موجود ہے اور کوشش کے باوجود پانی کی نکاسی ممکن نہیں ہوسکی ہے۔ شگاف بھرنے کا کام بھی جاری ہے۔

    خط میں مزید کہا گیا ہے کہ ان علاقوں میں عوام کی رسائی اور نقل و حرکت دشوار ہے۔ میہڑ اور خیر پور ناتھن شاہ میں 12 ہزار خاندان اب تک بے گھر ہیں۔ کراچی: ان حالات میں پرامن پولنگ اور ٹرن آؤٹ بہتر نہیں ہوسکے گا۔ موجودہ صورتحال میں ان دو تعلقہ میں 1 سے 2 ماہ کے لیے انتخابات ملتوی کرنے کی درخواست کی جاتی ہے۔ دوسری جانب کراچی اور حیدرآباد ڈویژن میں15جنوری کو مقرر بلدیاتی الیکشن کے معاملے میں انتخابی ضابطہ اخلاق کی خلاف ورزیوں پر الیکشن کمیشن مانیٹرنگ ٹیم نے کارروائی کی ہے۔
    مزید یہ بھی پڑھیں؛
    ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
    اسلام آباد میں آج موسم شدید سرد اور خشک رہے گا
    فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے

    اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
    جبکہ ضلع کیماڑی میں ترقیاتی کاموں کی شکایت پر ڈی ایم او محمد حنیف نے تنبیہ جاری کردی، جس میں بتایا گیا ہے کہ بلدیاتی الیکشن کے دوران ترقیاتی منصوبے کا اعلان یا فنڈز کےاجرا پر پابندی ہے۔ ڈی ایم او (ڈسٹرکٹ مانیٹرنگ آفیسر) کیماڑی نے بلدیاتی امیدواروں کو خط کے ذریعے بتایا کہ انتظامیہ کی پیشگی اجازت کے بغیر کارنر میٹنگ پر پابندی ہے۔ دریں اثنا الیکشن کمیشن جامشورو کی مانیٹرنگ ٹیم کا اجلاس ہوا جس میں کوڈ آف کنڈکٹ پر عمل درآمد اور انتخابات کی تیاریوں کا جائزہ لیا گیا۔

  • گھریلوملازمہ پرمبینہ تشدد اورجنسی ہراساں کرنےکاالزام، بچی سے زیادتی کی کوشش،ملزم کو اہل علاقہ نے پکڑ کر کھمبے سے باندھ دیا

    گھریلوملازمہ پرمبینہ تشدد اورجنسی ہراساں کرنےکاالزام، بچی سے زیادتی کی کوشش،ملزم کو اہل علاقہ نے پکڑ کر کھمبے سے باندھ دیا

    فیصل آباد کے علاقے بلال نگر میں 11 برس کی گھریلو ملازمہ پر مبینہ تشدد اور جنسی ہراساں کرنے کا واقعہ پیش آیا۔

    باغی ٹی وی: پولیس کے مطابق بچی کی والدہ کی مدعیت میں گھر کے مالک، مالکن، بیٹی اور داماد کے خلاف مقدمہ درج کر لیا گیا ہے،بچی کی والدہ کی جانب سے دعویٰ کیا گیا ہے کہ مالک کے داماد نے بچی کو متعدد بار جنسی زیادتی کا نشانہ بنایا، والدہ نے بچی کو کتوں کا بچا ہوا کھانا دیئے جانے کا بھی الزام عائد کیا۔

    اوکاڑہ: ٹول پلازہ کے قریب ٹریلر ، مزدا ٹرک اور بس میں تصادم، 2 جاں بحق،…

    درج ایف آئی آر کے متن کے مطابق مالک کے داماد نے بچی کو متعدد بار جنسی زیادتی کا نشانہ بنایا، تین روز قبل بیٹی کو مالکان کے گھر سے باتھ روم سے بازیاب کرایا۔

    پولیس کا کہنا ہے کہ بچی کا میڈیکل کرا لیا گیا، میڈیکل رپورٹ کے بعد مزید کارروائی کی جائے گی۔

    دوسری جانب فیصل آباد میں ہی ایک اور واقعے میں 12 سال کی بچی سے زیادتی کی کوشش کرنے والے ملزم کو اہل علاقہ نے پکڑ کر کھمبے سے باندھ دیا۔

    پولیس کے مطابق فیصل آباد کے علاقے چک جھمرہ میں نوجوان نے 12 سال کی بچی سے زیادتی کی کوشش، اہل علاقہ نے ملزم کو پکڑ کر تشدد کا نشانہ بنایا اور کھمبے سے باندھ دیا ملزم عمران کو گرفتار کر کے تھانا ساہیانوالہ میں مقدمہ درج کر لیا گیا ہے۔

    گوجرہ : ایک شخص بیدردی سے قتل،نامعلوم ملزم نعش ویرانے میں پھینک کر فرار

  • 472 ارب روپے مالیت کے 11 منصوبوں کی منظوری

    472 ارب روپے مالیت کے 11 منصوبوں کی منظوری

    472 ارب روپے مالیت کے 11 منصوبوں کی منظوری

    مالی وسائل کی شدید کمی کے باوجود وفاقی حکومت نے بدھ کو 472 ارب روپے مالیت کے 11 منصوبوں کی منظوری دے دی، جن میں سیلاب کے بعد بحالی کے ضروری منصوبوں کے علاوہ سیاسی مفادات کی حامل بعض اسکیمیں بھی شامل ہیں، جن کا مقصد شہری اور دیہی ووٹروں کی ہمدردیاں حاصل کرنا ہے۔ شہباز رانا کے مطابق نیشنل اکنامک کونسل کی ایگزیکٹو کمیٹی (ECNEC) نے ان اسکیموں کی توثیق کردی ہے۔ اس کے علاوہ ’’ایکنک‘‘نے صوبہ سندھ میں فلڈ ریسپانس ایمرجنسی ہاؤسنگ پروجیکٹ کی لاگت کو معقول بناتے ہوئے اسے کم کر کے 160 ارب روپے کر دیا، جسے اس سے پہلے جلدبازی میں 330 ارب روپے کی مہنگی لاگت کے ساتھ منظور کیا گیا تھا۔

    وفاقی وزیر خزانہ اسحاق ڈار نے گزشتہ روز ہونے والے’’ایکنک‘‘ اجلاس کی صدارت کی۔ ’’ایکنک‘‘ نے نیشنل ڈیولپمنٹ انٹرن شپ کی بھی منظوری دی۔ پی ٹی آئی کے نوجوانوں کے بیانیے کا مقابلہ کرنے کے لیے 20,000 انٹرن شپس دینے کا منصوبہ بنایا گیا ہے۔ تاہم وظیفہ منظور شدہ اسکیموں کے ہنگامی بجٹ سے ادا کیا جائے گا، جو ان منصوبوں کے لیے مالی مسائل پیدا کر سکتا ہے۔ وزارت خزانہ کے اعلامیے کے مطابق یہ پروگرام نوجوانوں کو مرکزی دھارے میں لانے اور انہیں قومی ترقی میں شامل کرنے کے وزیراعظم پاکستان کے وژن کے مطابق ہے۔ پروگرام کے اخراجات پی ایس ڈی پی کے تحت چلنے والے ترقیاتی منصوبوں سے پورے کیے جائیں گے۔

    ’’ایکنک‘‘ نے 10.9 بلین روپے کی لاگت سے پرائم منسٹرز یوتھ لیپ ٹاپ اسکیمHEC- (فیز-III) کی بھی منظوری دی تاکہ آزاد جموں و کشمیر اور گلگت بلتستان سمیت ملک بھر کے پبلک سیکٹر کے اعلیٰ تعلیمی اداروں میں تعلیم حاصل کرنے والے نوجوان اور ہونہار طلبہ کو مواقع فراہم کیے جا سکیں۔ فیزIII منصوبے کے تحت دو سال میں ہونہار طلبہ میں 100,000 لیپ ٹاپ تقسیم کیے جائیں گے۔ ’’ایکنک‘‘ نے سندھ میں سیلاب سے متاثرہ افراد کی امداد کے لیے عالمی بینک کے 500 ملین امریکی ڈالر کے قرضے سمیت 160 ارب روپے کی معقول لاگت سے فلڈ ریسپانس ایمرجنسی ہاؤسنگ پروجیکٹ کی بھی منظوری دی۔

    یاد رہے کہ پہلے اسی منصوبے کی 330 ارب روپے کی لاگت کے ساتھ جلدبازی میں منظوری دیدی گئی تھی، جس میں اب 170 ارب روپے کی کمی کرکے کل لاگت کا نیا تخمینہ 160 ارب روپے لگایا گیا ہے۔ عالمی بینک پہلے ہی اس اسکیم کے لیے 500 ملین ڈالر کے قرضے کی منظوری دے چکا ہے۔ ’’ایکنک‘‘ نے ایم ایس اور ایم فل کے لیے 22.2 بلین روپے کی لاگت سے منتخب شعبوں میں پی ایچ ڈی کرنے کے لیے اوورسیز اسکالرشپس کی بھی منظوری دی ہے تاکہ نوجوان پاکستانی اسکالرز کو اعلیٰ تعلیم حاصل کرنے کے مواقع فراہم کیے جا سکیں۔

  • بلاول پاکستان کو دنیا کے نقشہ پر ترقی یافتہ ممالک کی صف میں نمایاں کریں گے. آصف علی زرداری

    بلاول پاکستان کو دنیا کے نقشہ پر ترقی یافتہ ممالک کی صف میں نمایاں کریں گے. آصف علی زرداری

    بلاول پاکستان کو دنیا کے نقشہ پر ترقی یافتہ ممالک کی صف میں نمایاں کریں گے. آصف علی زرداری

    سابق صدر آصف علی زرداری نے کہا ہے کہ بلاول بھٹو وہ زنجیر ہیں جو اپنے نانا کے پاکستان کی نہ صرف حفاظت کرتے رہیں گے بلکہ پاکستان کو دنیا کے ترقی یافتہ ممالک کی صف میں شامل کریں گے۔ آصف علی زرداری نے یہ بات ذوالفقار علی بھٹو کے یوم ولادت پر جیالوں اور حامیوں کو مبارکباد پیش کرتے ہوئے کہا کہ قائد عوام آج بھی بھی عوام کے دل پر حکمرانی کر رہے ہیں، ذوالفقار علی بھٹو کے قاتلوں اور سازش میں شریک کرداروں کی قبریں ویران ہیں.

    ان کا کہنا تھا کہ ذوالفقار علی بھٹو نے عوام کو شعور اور عزت سے سر اٹھا کر جینے کا سلیقہ سکھایا تھا، وہ فلسطین کے مسلمانوں کی آزادی کی جدوجہد کے بھی روح رواں تھے، اور انہوں نے ہی پاکستان کی ایٹمی صلاحیت کیلئے دنیا کے طاقتور قوتوں سے ٹکر لی۔
    مزید یہ بھی پڑھیں؛
    ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
    اسلام آباد میں آج موسم شدید سرد اور خشک رہے گا
    فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے
    اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
    انہوں نے مزید کہا کہ اقتدار کے لالچی ٹولے نے انتہائی حقیر مقاصد کی خاطر اپنے ملک پر قبضہ کر لیا ہے، کچھ خود غرض افراد نے ناجائز اقتدار کی خاطر پاکستان کو تختہ مشق بنا دیا، پاکستان کو پھر باوقار ملک بنائیں گے جس کیلئے بینظیر بھٹو نے زندگی بھر جدوجہد کی تھی، بلاول بھٹو زنجیر ہیں جو اپنے نانا کے پاکستان کی نہ صرف حفاظت کرتے رہیں گے اور پاکستان کو دنیا کے ترقی یافتہ ممالک کی صف میں شامل کریں گے۔

  • وائر اور بجلی کے بغیر چلنے والے ٹی وی تیار

    وائر اور بجلی کے بغیر چلنے والے ٹی وی تیار

    اب ٹیلی ویژن جسے چلانے کیلئے آپ کو کسی وائر اور بجلی کی ضرورت نہیں پڑے گی۔

    باغی ٹی وی: امریکا میں بنا تار والا یعنی وائرلیس ٹی وی تیار کر لیا گیا جسے لاس ویگاس میں کنزیومر الیکٹرونکس شو کے موقع پر متعارف کرایا گیا ہے۔

    جی میل میں سکیورٹی فیچر کا اضافہ

    امریکا کی اسٹارٹ اپ ڈس کمپنی کے اس ٹی وی میں بیٹری سے پاور فراہم کی گئی ہے، 4 بیٹریوں والا یہ ٹی وی سنگل چارج پر ایک ماہ چل سکتا ہے اگر اسے میں میں 6 گھنٹے چلایا جائے، ایک ماہ بعد اسے دوبارہ چارج کرنے کی ضرورت ہو گی۔

    جنوب مغربی امریکہ کی آب و ہوا مسلسل گرم اور خشک،بوٹانیکل گارڈن تتلیوں کے لیےبہترین…

    ٹی وی میں ایکٹیو لوپ ویکیوم ٹیکنالوجی کا استعمال بھی کیا گیا ہے جس کی مدد سے ٹی وی کو کسی بھی سطح پر رکھ کر چلایا جاسکتا ہے۔ اس ٹی وی کی ایک اور خصوصیت یہ بھی ہے کہ اس کیلئے ریموٹ کنٹرول کی بھی ضرورت نہیں ہو گی بلکہ ہاتھوں کے اشاروں سے چینل چینج ہو سکے گا۔

    جس کے ٹی وی کے اوپری حصے میں ایک کیمرا نصب کیا گیا ہے۔ کمپنی کے مطابق یہ ٹی وی 2023 کے آخر تک فروخت کے لیے پیش کر دیا جائے گا جس کی قیمت 3 ہزار ڈالرز ہوگی۔

    آئی فون نے خاتون کی جان بچا لی

  • اسلام آباد میں آج موسم شدید سرد اور خشک رہے گا

    اسلام آباد میں آج موسم شدید سرد اور خشک رہے گا

    اسلام آباد میں آج بروز جمعرات 5 جنوری کو موسم شدید سرد اور خشک رہے گا

    محکمہ موسمیات کی رپورٹ میں بتایا گیا ہے کہ وفاقی دارالحکومت اسلام آباد میں آج بروز جمعرات 5 جنوری کو موسم شدید سرد اور خشک رہے گا، جب کہ صبح کے اوقات میں کہرا بھی پڑی۔ جبکہ محکمہ موسمیات نے پیش گوئی کی ہے کہ خیبرپختونخوا کے بیشتر اضلاع میں موسم سرد اور خشک رہے گا، بالائی اضلاع میں شدید سرد اور بعض مقامات پرصبح کے اوقات میں کہر پڑنے کا امکان ہے، پشاور، نوشہرہ، مردان، صوابی ، رشکئی ،چارسدہ ا ور ڈی آئی خان میں دھند پڑنے کی توقع ہے۔

    پنجاب کے بیشتر اضلاع میں بھی موسم سرد اور خشک رہے گا، مری ،گلیات اور گرد و نواح میں موسم شدید سرد رہے گا، جب کہ لاہور، شیخوپورہ ،گوجرانوالہ، نارووال، سیالکوٹ،فیصل آباد، سرگودھا، اوکاڑہ میں شدید دھند کا سلسلہ جاری رہے گا۔، ادھر ساہیوال، بہاولپور، بہاولنگر، منگلا، منڈی بہاؤالدین، جوہر آباد اور ڈیرہ غازی خان میں شدید دھند کا سلسلہ جاری رہے گا،خطہ پوٹھوہار میں صبح کے اوقات میں کہر پڑنے کا امکان ہے۔

     محکمہ موسمیات کاکہناتھا کہ بلوچستان کے بیشتر اضلاع میں موسم سرد اور خشک رہے گا، بلوچستان کے بالائی اضلا ع میں شدید سرد رہے گا ،سندھ کے بیشتر اضلاع میں موسم سرد اور خشک رہے گا. صبح کے اوقات میں سکھر ، لاڑکانہ، حیدر آباد اور موہنجوداڑو میں دھند پڑنے کا امکان ہے ۔کشمیر اور گلگت بلتستان میں موسم شدید سرد اور خشک رہے گا،کشمیر میں صبح کے اوقات میں چند مقامات پر کہر پڑنے کا امکان ہے۔

    مزید یہ بھی پڑھیں؛
    ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
    اسلام آباد میں آج موسم شدید سرد اور خشک رہے گا
    فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے

    اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب

    دوسری جانب کراچی میں جمعرات 5 جنوری کی صبح درجہ حرارت 9 ڈگری سینٹی گریڈ تک گر گیا۔ شہر میں سرد ہوائیں چلنے سے سردی کی شدت میں اضافہ ہوا ہے۔ کراچی میں شمال مشرقی سمت سے چلنے والی ہواؤں سے موسم مزید سرد ہوگیا، جہاں شہریوں نے موسم انجوائے کرنے کے ليے مختلف پارکس کا رخ کیا۔

    میٹ آفس کے مطابق آئندہ چند روز میں کراچی میں سردی کی شدت میں مزید اضافہ ہوگا۔ آج دن میں شہر کا موسم خشک اور رات میں سرد رہے گا۔ محکمے کے مطابق صبح کے اوقات میں شہر کا درجہ حرارت 9 ڈگری سینٹی گریڈ ریکارڈ کیا گیا، جہاں 8 کلو میٹر فی گھنٹے کی رفتار سے ہوا چل رہی ہے۔ دن کراچی کا درجہ حرارت 25 سے 26 ڈگری سینٹی گریڈ تک رہنے کا امکان ہے۔ دن میں ہوا 18 کلو میٹر فی گھنٹے کی رفتار سے چلے گی۔

  • فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے

    فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے

    فیصل واوڈا کےاستعفی سےخالی سینیٹ کی نشست پرانتخاب کامعاملہ، کاغذات نامزدگی آج سے 7 جنوری تک جمع ہوں گے۔

    باغی ٹی وی : نامزد امیدواروں کی فہرست 9 جنوری کو لگائی جائے گی،کاغذات نامزدگی کی جانچ پڑتال 12 جنوری کوہوگی ،کاغذات نامزدگی 20 جنوری تک واپس لیے جاسکیں گےپولنگ 25 جنوری کو کی جائے گی جبکہ سندھ اسمبلی کوپولنگ اسٹیشن بنایاجائےگا۔

    خیال رہے کہ سندھ سے ایوان بالا کی جنرل نشست فیصل واوڈا کے استعفی کے باعث خالی ہوئی تھی، انہوں نے اپنا استعفا چیئرمین سینیٹ صادق سنجرانی کو پیش کیا جو منظور کرلیا گیا تھا فیصل واوڈا سپریم کورٹ کے احکامات کی روشنی میں مستعفی ہوئے تھے-

    الیکشن کمیشن نے 2018 کے انتخابات میں کاغذات نامزدگی کے ساتھ دہری شہریت پر جھوٹا حلف نامہ جمع کروانے پر فیصل واوڈا کو نااہل قرار دیا تھا۔ جس کے خلاف انہوں نے سپریم کورٹ میں اپیل دائر کی تھی سپریم کورٹ نے فیصل واوڈا کو تاحیات نااہلی کیس میں دو آپشن دیئے تھے۔

    عدالت نے کہا تھا کہ اپنی غلطی تسلیم کریں اور 63 (1) سی کے تحت نااہل ہوجائیں، بصورت دیگر عدالت 62 (1) ایف کے تحت کیس میں پیش رفت کرے گی فیصل واوڈا نے اپنی غلطی تسلیم کرتے ہوئے سینیٹر شپ سے استعفا دے دیا تھا جس پر ان کی تاحیات نااہلی ختم ہوگئی تھی۔

  • اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب

    اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب

    وفاقی وزیر اطلاعات مریم اورنگزیب نے پاکستانی اداکاراؤں کی کردار کشی کی مہم کی مذمت کرتے ہوئے وفاقی تحقیقاتی ادارے (ایف آئی اے) سے قانونی کارروائی کا مطالبہ کردیا۔

    باغی ٹی وی: وفاقی وزیرِ اطلاعات مریم اورنگزیب نے پاکستانی اداکاراؤں کی کردار کشی کے معاملے پر بات کرتے ہوئے کہا ہے کہ صرف اپنی ماؤں بہنوں کی عزت کی فکر اور باقی خواتین کی عزت نہ کرنے والے ذہنی بیمار ہیں۔

    وفاقی وزیر نے کہا کہ اختلاف رائے کرنے والوں کو گالیاں دینا، ماؤں بہنوں بیٹیوں کی عزت نہ کرنا، گھروں پر حملے کرنا "گھریلو تربیت” کی علامات ہوتی ہیں، فنکار ملک کا اثاثہ اور پاکستان کی پہچان ہیں، بیمار ذہن ہی ان پر حملے کرتے ہیں۔

    مریم اورنگزیب نے کہا کہ عورتوں کی محنت، جدوجہد اور صلاحیتوں کا اعتراف اور احترام کرنے کے بجائے گند اچھالنا شرم ناک ہے، ایسی بے ہودگی خواتین کی کامیابیوں کا سفر نہیں روک سکتی۔

    حال ہی میں میجر (ر) عادل راجا عادل راجا نے سوشل میڈیا پر جاری وی لاگ میں پاکستان کی ٹاپ ماڈلز اور اداکاراؤں پر سنگین الزامات عائد کیے تھےاور ذرائع کے حوالے سے دعویٰ کیا تھا کہ ایک ادارے کے پاس ان ماڈلز اور اداکاراؤں کی نازیبا ویڈیوز بھی موجود ہیں۔

    عادل راجا نے اپنے وی لاگ میں اداکاراؤں کا نام لینے کے بجائے ان کے ناموں کے ابتدائی حروف بتائے تھے جن میں M H. – M K. – A K- S A شامل تھے۔

    بعد ازاں پاکستانی اداکاراؤں کی جانب سے میجر (ر) عادل راجا کے الزامات پر شدید ردعمل کا اظہار دیکھنے میں آیا تھا-