Tag: تازہ ترین

پرویز الہٰی کو ڈی نوٹیفائی کرنے کے خلاف درخواست،جسٹس فاروق حیدر کی سماعت سے معذرت

لاہور ہائیکورٹ میں پرویز الہٰی کو ڈی نوٹیفائی کرنے کیخلاف درخواست سماعت کے لئے مقرر کر دی گئی چیف جسٹس لاہور ہائیکورٹ نے درخواست پر سماعت کے لیے لارجر بینچ تشکیل دے دیا جسٹس عابد عزیز شیخ کی سربراہی میں لارجر بینچ کچھ دیر بعد سماعت کرے گا جسٹس طارق سلیم شخ ،جسٹس مزمل اختر شبیر ،جسٹس فاروق حیدر ،جسٹس چوہدری اقبال لارجر بینچ کا حصہ ہیں

دوسری جانب لاہور ہائیکورٹ میں پرویز الہٰی کو ڈی نوٹیفائی کرنے کے خلاف درخواست پر سماعت،جسٹس فاروق حیدر نے بینچ میں شرکت سے معذرت کرلی بینچ کے سربراہ عابد عزیز شیخ نے فائل دوبارہ چیف جسٹس لاہور ہائیکورٹ کو بھجوا دی، جسٹس عابد عزیز شیخ نے کہا کہ جسٹس فاروق حیدر نے معذرت کر لی ہے،فاروق حیدر پرویز الہٰی کے وکیل رہے ہیں ،درخواست گزار کے وکیل نے آج ہی کیس کو سماعت کے لیے لگانے کی استدعا کی جس پر جسٹس عابد عزیز شیخ نے ریمارکس دیتے ہوئے کہا کہ ہم لکھ دیتے ہیں آج ہی سماعت کےلیے مقرر کیا جائے،

پرویز الہٰی ڈی نوٹیفائی کیس کی سماعت کیلئے نیا لارجر بنچ تشکیل دے دیا گیا،چیف جسٹس لاہور ہائیکورٹ نے لارجربنچ تشکیل دیا جسٹس فاروق حیدر کی جگہ جسٹس عاصم حفیظ بنچ میں شامل کئے گئے،

لاہور ہائیکورٹ میں وزیراعلیٰ پنجاب کو ڈی نوٹیفائی کرنے کا اقدام چیلنج کر دیا گیا ،وزیراعلیٰ پنجاب پرویز الہٰی کی جانب سے دائر درخواست 5 صفحات پر مشتمل ہے ،درخواست گزار کی جانب سے درخواست میں کہا گیا کہ گورنر پنجاب نے اعتماد کا ووٹ لینے کے لیے وزیراعلی ٰکو خط لکھا ہی نہیں خط اسپیکر پنجاب اسمبلی کو لکھا گیا وزیراعلیٰ پرویزالہٰی کو نہیں ایک اجلاس کے دوران گورنر دوسرا طلب نہیں کر سکتے ، گورنر کو غیر آئینی طور پر وزیر اعلیٰ کو ڈی نوٹیفائی کرنے اختیار نہیں ،عدالت گورنر پنجاب کے نوٹیفکیشن کو کالعدم قرار دے،

وزیراعلی ٰ پرویزالہٰی کی لیگل ٹیم لاہور ہائیکورٹ پہنچ گئی،وکیل عامر سعید راں کا کہنا تھا کہ جب گورنر نے وزیر اعلی ٰپنجاب کو اعتماد کے ووٹ کے لیے کہا ہی نہیں تو پھر ڈی نوٹیفائی کیسے کردیا،گورنر نے اسپیکر پنجاب اسمبلی کو لکھا، پرویز الہٰی کو نہیں،جس آرٹیکل کے تحت پرویز الہٰی کو ڈی نوٹیفائی کیا گیا اسکا گورنر کو اختیار ہی نہیں، جب عدم اعتماد کی تحریک موجود ہے تو اعتماد کے ووٹ کہا نہیں کہا جا سکتا،اجلاس کے دوران گورنر پنجاب اعتماد کا ووٹ لینے کا بھی نہیں کہہ سکتے

دوسری جانب صدر مملکت اور وزیر اعظم کو گورنر کو عہدہ سے ہٹانے کے لیے مراسلہ بھیج دیا گیا صدر مملکت اور وزیر اعظم کومراسلہ جوڈیشل ایکٹیوزم پینل کی جانب سے بھیجا گیا،مراسلے میں کہا گیا کہ گورنر پنجاب نے اپنے آئینی اختیارات سے تجاوز کیا ،اجلاس ختم ہونے تک دوسرا نہیں بلا سکتے کسی ایم پی اے نے استعفیٰ نہیں دیا اور نہ ہی کوئی فارورڈ بلاک بنا ہے، آئین آرٹیکل 130 سب آرٹیکل7 کے مطابق اٹھائے گئے اقدامات غیر قانونی اور غیر آئینی ہیں گورنر پنجا ب نے حلف بھی توڑا ہے،آئین آرٹیکل 101 کے تحت عہدہ سے ہٹایا جائے،

پرویز الہیٰ کا کہنا ہے کہ میں وزیر اعلیٰ ہوں،پنجاب کابینہ کام کرتی رہے گی،گورنر پنجاب کے اقدام کے خلاف ہم عدالت جائیں گے،اس نوٹیفکیشن کو نہیں مانتے،یہ غیر آئینی ہے،گورنر کے اقدام کے خلاف عدالت جانے کیلئے وکلا سے مشاورت شروع کر دی،

ق لیگی رہنما مونس الہیٰ کا کہنا ہے کہ گزشتہ رات کو کمال کر دیا ہے کمال کرنے والوں نے،گورنر پنجاب نے وزیراعلیٰ کو کہنا تھا کہ اعتماد کا ووٹ لواعتماد کا ووٹ اسپیکر پنجاب اسمبلی نے کروانا تھاگھبراہٹ میں ن لیگ اور پی ڈی ایم احمقانہ حرکت کر بیٹھے ہیں ،کیا اب دوبارہ حمزہ شہباز کو منتخب کروائیں گے؟

ترجمان پنجاب حکومت مسرت جمشید چیمہ کا کہنا ہے کہ گورنر نےآئین شکنی کی اور قانون کا مذاق بنایا،گورنر عوام کے نمائندے کو ڈی نوٹیفائی نہیں کر سکتے گورنر کی جانب سے آئین شکنی پر ہم صدر کو ریفرنس بھیجیں گے،اگر مستقبل میں آئین کی پاسداری کی توقع ہے تو آئین شکن گورنر کو نشان عبرت بنانا ضروری ہے،

:گورنرپنجاب نے وزیراعلیٰ پنجاب کوڈی نوٹیفائی کردیا

لاہور:گورنرپنجاب نے وزیراعلیٰ پنجاب کوڈی نوٹیفائی کردیا،اطلاعات کے مطابق گورنرپنجاب بلیغ الرحمن نے وزیراعلیٰ پنجاب چوہدری پرویز الٰہی کو ڈی نوٹیفائی کرنے کےاحکامات جاری کردیئے ہیں ،

نوٹی فکیشن میں کہا گیا ہے کہ وزیراعلیٰ کو اعتماد کا ووٹ لینے کی ہدایت کی گئی تھی انہوں نے مقررہ وقت تک ایوان سے اعتماد کا ووٹ نہیں لیا، بادی النظر میں وزیر اعلیٰ کو ایوان کی اکثریت حاصل نہیں رہی جس کے باعث انہیں ڈی نوٹیفائی کیا جارہا ہے۔ نوٹی فکیشن کے مطابق پرویزالٰہی نئے قائد ایوان کے انتخاب تک عہدے پر کام جاری رکھیں گے۔

اس حوالے سے جاری نوٹیفکیشن میں کہا گیا ہے کہ چونکہ وزیراعلیٰ نے گورنر کی طرف سے دی گئی ہدایت پر عمل نہیں کیا ہے اس لیے اب گورنرپنجاب کی طرف سے چوہدری پرویزالٰہی کو وزیراعلیٰ کے منصب ہٹایا جاتا ہے

گورنر کی جانب سے نوٹی فکیشن جاری ہونے کے بعد وزیراعلیٰ ہاؤس کو سیل کردیا گیا ہے۔

دوسری جانب ذرائع کا کہنا ہے کہ پاکستان تحریک انصاف اور مسلم لیگ ق ڈی نوٹیفائی قرار دیے جانے کے خلاف عدالت جائے گی اور قانونی طور پر پرویز الہیٰ آج کے اجلاس کی کارروائی کا حصہ نہیں بن سکیں گے۔

پنجاب کی جانب سے وزیر اعلیٰ پنجاب چوہدری پرویز الٰہی کو ڈی نوٹیفائی کرنے کے بعد پنجاب کابینہ کو تحلیل کر دیا گیا پے۔چیف سیکرٹری پنجاب کی جانب سے کابینہ کو تحلیل کرنے کا نوٹیفکیشن جاری کیا گیا ہے۔سیکرٹری پنجاب کابینہ کی جانب سے جاری کردہ نوٹی فکیشن کے مطابق پرویزالہٰی نئے وزیراعلیٰ کے انتخاب تک کام جاری رکھیں گےنوٹی فکیشن میں کہا گیا ہے کہ یقین ہے وزیراعلیٰ کو اراکین اسمبلی کی اکثریت کا اعتماد حاصل نہیں، اس نوٹی فکیشن کے بعد پنجاب کابینہ ختم ہوگئی ہے

یاد رہے کہ اس سے پہلے رانا ثنااللہ کہہ چکے تھے کہ آج رات چوہدری پرویز الٰہی کو ڈی نوٹیفائی کردیا جائے گا،ان کا کہنا تھا کہ گورنر پنجاب آج رات ڈی نوٹیفائی کیلئے ڈیکلریشن جاری کریں گے، لیٹر ایشو ہوتے ہی پرویزالہٰی وزیراعلیٰ نہیں رہیں گے، یہ خبر ہے کہ وزیراعلیٰ استعفیٰ دیدیں گے۔

Since CM has refrained from obtaining Vote of Confidence at the appointed day and time therefore he ceases to hold office. Orders issued this evening pic.twitter.com/ZWnK376DfP

— M Baligh Ur Rehman (@MBalighurRehman) December 22, 2022

نجی ٹی وی سے گفتگو کرتے ہوئے رانا ثناء اللہ نے کہا کہ گورنر پنجاب نے اسپیکر پنجاب اسمبلی کی رولنگ کا جواب دے دیا ہے، سبطین خان کو ان کی غلطی کی اصلاح کیلئے دیا گیا ٹائم گزر گیا۔ان کا کہنا ہے کہ گورنر پنجاب بلیغ الرحمان کو اب اپنی رائے کا اظہار کرنا ہوگا۔ ساتھ ہی دعویٰ کیا کہ آج رات تک گورنر پنجاب وزیراعلیٰ کو ڈی نوٹیفائی کرنے کیلئے ڈکلیئریشن جاری کریں گے، لیٹر ایشو ہوتے ہی پرویزالہٰی وزیراعلیٰ پنجاب نہیں رہیں گے۔

وزیر داخلہ کا یہ بھی کہنا ہے کہ خبر ہے ہوسکتا ہے وزیراعلیٰ پنجاب چوہدری پرویز الٰہی استعفیٰ دے دیں، پرویز الٰہی کی پوزیشن بدلتی رہتی ہے۔انہوں نے کہا کہ پی ٹی آئی کے گورنر ہاؤس پر احتجاج میں 500 سے 700 آدمی تھے، میں نے وزیراعلیٰ ہاؤس سیل کرنے کی بات نہیں کی تھی۔