Tag: تازہ ترین

ممنوعہ فنڈنگ کیس میں الیکشن کمیشن کے فیصلے کے خلاف پی ٹی آئی کی درخواست پر سماعت ہوئی

اسلام آباد ہائیکورٹ کے چیف جسٹس عامر فاروق کی سربراہی میں تین رکنی لارجر بنچ نے سماعت کی ،جسٹس میاں گل حسن اورنگ زیب اور جسٹس بابر ستار بھی لارجر بینچ میں شامل تھے پاکستان تحریک انصاف کے وکیل بیرسٹر انور منصور نے تحریری دلائل جمع کرا دیے ،بیرسٹر انور منصور خان نے کہا کہ اگر فنڈنگ میں ملنے والی رقم ممنوعہ ثابت ہو تو اسے ضبط کیا جا سکتا ہے، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ یعنی اگر ایسی کسی رقم کا پتہ چلے تو اسے قومی خزانے میں جمع کرایا جائے گا، وکیل انور منصور نے کہا کہ الیکشن کمیشن نے پارٹی تحلیل کرنے سے متعلق معاملہ وفاقی حکومت کو بھیجا، الیکشن کمیشن کے پاس تحریک انصاف سے متعلق کوئی ڈکلیئریشن دینے کا اختیار نہیں تھا،جسٹس میاں گل حسن اورنگزیب نے ریمارکس دیتے ہوئے کہا کہ الیکشن کمیشن نے تعین کرنے کے بعد ہی معاملہ آگے بھیجنا تھا، وکیل انور منصور نے کہا کہ ممنوعہ فنڈنگ اور فارن ایڈڈ کہنے میں فرق ہے، اسلام آباد ہائیکورٹ کے چیف جسٹس عامر فاروق نے استفسار کیا کہ اگر الیکشن کمیشن کے پاس شواہد آتے کہ پارٹی فارن ایڈڈ ہے تو پھر وہ کیا کرتے؟

جسٹس بابر ستار نے ریمارکس دیتے ہوئے کہا کہ الیکشن کمیشن نے آپکو شوکاز نوٹس جاری کر رکھا ہے، یہ تمام اعتراضات شوکاز نوٹس کے جواب میں اٹھائے جا سکتے ہیں،ہائیکورٹ میں یہ اعتراضات بہت قبل از وقت سٹیج پر ہیں،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ شوکاز نوٹس میں آپکے خلاف فیصلہ آتا ہے تو اسکا فورم کیا ہو گا؟ شوکاز نوٹس پر فیصلہ حتمی ہو گا کہ فنڈز ضبط کرنے ہیں یا نہیں، آپ اپنے دلائل ربط کے مطابق دیں، اس طرح تو یہ کسی نتیجے کی طرف نہیں جائے گا، وکیل انور منصور نے کہا کہ عدالت نے سوال کیا تو میں اس کا جواب دے رہا تھا، ہمیں سکھایا گیا تھا کہ جج کے سوال کا جواب نہ دینا مناسب نہیں ہوتا، ہماری استدعا ہے کہ کیس کی سماعت روزانہ کی بنیاد پر کی جائے، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ ہم تو آپ سے کہہ رہے ہیں کہ اسکو ختم کریں آپ تو ابھی شروع بھی نہیں کر سکے، 45 منٹ کی سماعت میں آپ شروع نہیں کر سکے، ہمیں کہاں سے کہاں لے جاتے ہیں،

انور منصور نے کہا کہ وفاقی حکومت کو اس کیس میں مزید کوئی کارروائی کرنے سے روکا جائے، اسلام آباد ہائیکورٹ کے چیف جسٹس عامر فاروق نے استفسار کیا کہ کیا وفاقی حکومت کوئی کارروائی کر رہی ہے؟ وکیل انور منصور نے کہا کہ ایف آئی اے نے اس بنیاد پر تباہی مچا دی ہے، 185 مقدمات درج کر دیے ہیں، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ ایف آئی اے کا معاملہ تو الگ ہے،انور منصور نے کہا کہ ہمیں اپنے دلائل مکمل کرنے کیلئے ایک ہفتے کا وقت چاہیے ہو گا، ، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ اس طرح تو یہ کیس مئی جون تک چلا جائے گا،آپ اپنے دلائل جلدی ختم کریں پھر دوسری سائیڈ کو اتنا ہی وقت دینگے، عدالت نے کیس کی سماعت 10 جنوری تک ملتوی کر دی ،پی ٹی آئی کی ایف آئی اے کو کارروائی سے روکنے کی استدعا مسترد کر دی گئی،

عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

نااہلی فیصلہ، احتجاج میں چند لوگ کیوں نکلے؟ عمران خان برہم

وزیر داخلہ رانا ثناء اللہ نے عمران خان کیخلاف مقدمہ درج کروانے کا اعلان کیا ہے

ویڈیو، اللہ کرے میں نااہل ہو جاؤں، عمران خان اپنی نااہلی کو بھی درست قرار دے چکے

عمران خان نا اہل قرار
میاں بیوی نے مل کر قومی خزانے کو لوٹا، مریم نواز کا عمران خان کی نااہلی پر ردعمل

تحریک انصاف نے پاکستان کے کئی شہروں میں احتجاج کا اعلان کر دیا ہ

گجرات فسادات کے بعد بھارتی مسلمانوں نے مودی کو ‘گجرات کا قصائی’ کا خطاب دیا۔ وزیرخارجہ بلاول بھٹو

وزیر خارجہ بلاول بھٹو زرداری نے بھارتی وزیراعظم نریندر مودی کے بارے میں اپنے حالیہ بیان کا دفاع کرتے ہوئے کہا ہے کہ وہ صرف’’تاریخی حقائق‘ کا حوالہ دے رہے تھے۔ گزشتہ ہفتے اقوام متحدہ کے ہیڈ کوارٹرز میں منعقدہ نیوز کانفرنس کے دوران وزیر خارجہ بلاول بھٹو زرداری نے بھارتی وزیر اعظم نریندر مودی کو سخت تنقید کا نشانہ بناتے ہوئے گجرات کا قصائی قرار دیا تھا۔بھارتی وزیر خارجہ جے شنکر کے الزامات پر ردعمل دیتے ہوئے کہا کہ ’میں جے شنکر کو یاد دلانا چاہتا ہوں کہ اسامہ بن لادن مر چکا ہے لیکن گجرات کا قصائی زندہ ہے اور وہ بھارت کا وزیراعظم ہے‘۔

انہوں نے مزید کہا تھا کہ 2002 میں گجرات میں 2000 سے زائد مسلمانوں کے قتل عام میں ملوث ہونے پر سزا دیے جانے کے بجائے مودی کو وزیر اعظم بنادیا گیا۔ وہ اپنے بھارتی ہم منصب ان بیانات کا جواب دے رہے تھے جس میں انہوں نے لگاتار دو روز پاکستان کو “اسامہ بن لادن کا میزبان اور دہشت گردی کا مرتکب ہونے کا الزام لگایا تھا۔ 16 دسمبر کو بھارت کے شہر اتر پردیش میں بلاول بھٹو کے ریمارکس کے خلاف احتجاج ہوا تھا، اس کے علاوہ متھرا میں بھی بی جے پی کے کارکنوں نے احتجاج کیا اور وزیرخارجہ بلاول بھٹو کا پتلا جلایا، لکھنؤ میں بی جے پی کارکن اٹل چوک پر جمع ہوئے اور بلاول بھٹو کے خلاف نعرے لگائے جب کہ دہلی میں بی جے پی کارکنوں نے پاکستانی سفارت خانے کے باہر احتجاج کیا تھا۔

WATCH: Pakistan’s Foreign Minister Bilawal Bhutto Zardari, one of the country's most high-profile politicians, defends comments about Indian leader Narendra Modi that sparked an uproar between the long-feuding neighbors. Via @BloombergTV

More here: https://t.co/p2nh0wZBVQ pic.twitter.com/pcjXqSNCVS

— Bloomberg TV (@BloombergTV) December 20, 2022

’بلومبرگ‘ کے ساتھ آج نشر ہونے والے ایک انٹرویو میں وزیر خارجہ نے کہا میں ایک تاریخی حقیقت بیان کر رہا تھا، میں نے جو الفاظ استعمال کیے وہ میرے اپنے نہیں تھے، میں نے یہ لفظ اپنے پاس سے استعمال نہیں کیے، میں نے نریندر مودی کے لیے ’گجرات کا قصائی‘ کا لفظ تخلیق نہیں کیا، گجرات فسادات کے بعد بھارتی مسلمانوں نے مودی کو یہ خطاب دیا۔ انہوں نے کہا میں مجھے سمجھتا ہوں کہ میں ایک تاریخی حقیقت کا حوالہ دے رہا تھا اور وہ سمجھتے ہیں کہ تاریخ کو دہرانا ذاتی تضحیک ہے۔ ان کا کہنا تھا کہ میرے اس بیان کو جاری ہوئے 2 روز گزرے ہیں جب کہ مودی کی پارٹی کے ایک رکن نے میرے سر پر 2 کروڑ روپے انعام مقرر کردیا ہے، میں نہیں سمجھتا کہ اس حقیقت کو غلط ثابت کرنے کا کہ مودی ’گجرات کا قصائی‘ ہے، بہترین طریقہ اس طرح کے انتہا پسندانہ قدم اٹھانا ہے۔