Baaghi TV

Tag: تازہ ترین

  • انڈونیشیا کا جزیرہ جاوا ایک بار پھر زلزلے سے لرز اٹھا

    انڈونیشیا کا جزیرہ جاوا ایک بار پھر زلزلے سے لرز اٹھا

    جاوا:انڈونیشیا کے جزیرے جاوا میں زلزلے کی شدت ریکٹر اسکیل پر6.7 ریکارڈ ہوئی۔اطلاعات کے مطابق انڈونیشیا کے جزیرے جاوا میں زلزلہ کے شدید جھٹکے محسوس کئے گئے، اور ریکٹر اسکیل پر زلزلے کی شدت 6.7 ریکارڈ ہوئی۔

    غیر ملکی خبررساں ادارے کے مطابق جزیرہ جاوا زلزلے سے لرز اٹھا، اور زلزلے کے جھٹکے اس قدر شدید تھے کہ عمارتوں اور گاڑیوں کے شیشے ٹوٹ گئے، جب کہ عوام میں خوف و ہراس پھیل گیا اور بھگڈر مچ گئی۔یورپی زلزلہ پیمامرکز کے مطابق زلزلے کے جھٹکے دارالحکومت جکارتہ میں بھی محسوس کیے گئے، جب کہ مغربی جزیرے جاوا میں آنے والے زلزلے کی گہرائی 118 کلومیٹر تھی۔

    خبرایجنسی کے مطابق زلزلے کے بعد فوری طور کسی نقصان کی اطلاعات نہیں ملیں، تاہم گزشتہ ماہ جاوا میں زلزلے سے 327 افراد جان سے گئے تھے، سیکڑوں زخمی اور ہزاروں عمارتیں تباہ ہوگئی تھیں۔

    اس سے پہلے پاکستان کے کچھ علاقوں سے زلزلے کی خبریں آئی ہیں‌، خیبر پختونخوا کے مختلف علاقوں میں زلزلے کے جھٹکے محسوس کیے گئے ہیں۔امریکی زلزلہ پیما مرکز کے مطابق زلزلے کی شدت 4.5 ریکارڈ کی گئی ہے۔زلزلہ پیما مرکز کا کہنا ہے کہ زلزلے کا مرکز افغانستان کے شہر اسمار سے 29 کلو میٹر دور تھا۔اس زلزلے کی گہرائی 94 کلومیٹر ریکارڈ کی گئی ہے۔

    جادو سیکھنے کے چکر میں بھائی کے بعد ملزم نے کس کو قتل کروا دیا؟

    پولیس کا ریسٹورنٹ پر چھاپہ، 30 سے زائد نوجوان لڑکے لڑکیاں گرفتار

    واٹس ایپ پر محبوبہ کی ناراضگی،نوجوان نے کیا قدم اٹھا لیا؟

    غیرت کے نام پر سنگدل باپ نے 15 سالہ بیٹی کو قتل کر دیا

  • یورپی یونین قیمتوں کی حد کو مقرر کرکے اپنی توانائی کی سلامتی کو خطرے میں ڈال رہی ہے،روس

    یورپی یونین قیمتوں کی حد کو مقرر کرکے اپنی توانائی کی سلامتی کو خطرے میں ڈال رہی ہے،روس

    روس نے دھمکی دی ہے کہ یورپی یونین قیمتوں کی حد کو مقرر کرکے اپنی توانائی کی سلامتی کو خطرے میں ڈال رہی ہے۔

    باغی ٹی وی : عالمی خبر رساں ادارے کے مطابق مغربی ممالک کے اتحاد نے فیصلہ کیا ہے کہ سمندری روسی خام تیل کے ایک بیرل کی زیادہ سے زیادہ قیمت $60 ہونی چاہیئے اور اس سے زیادہ قیمت پر خریدنے والے ممالک کو اس خریداری سے روکنا ہوگا۔

    حافظ آباد کی مقامی عدالت نے ڈونلڈ ٹرمپ سے جواب طلب کر لیا

    قیمت کی اس حد کو مقرر کرنے کا مقصد روس کو خام تیل کی خریداری سے حاصل ہونے والے منافع کو کم سے کم رکھنا ہےمغربی اتحادی ممالک سمجھتے ہیں کہ زیادہ قیمتوں سے روس کی آمدنی میں اضافہ ہوتا ہے اور پیوٹن اس آمدنی کو یوکرین میں جارحیت پر استعمال کرتے ہیں –

    روسی سمندری خام تیل کی قیمت کی حد مقرر کرنے کی تجویز رواں برس ستمبر میں صنعتی ممالک کے G7 گروپ کے اجلاس میں رکھی گئی تھی۔ اس گروپ میں بڑے صنعتی ممالک امریکا، کینیڈا، برطانیہ، فرانس، جرمنی، اٹلی، جاپان اور یورپی یونین شامل ہیں۔

    تاہم اب پیر کے روز سے اس قیمت کو نافذ العمل کردیا جائے گا جس کا مقصد روس پر دباؤ بڑھانا ہے تاکہ وہ یوکرین میں جنگ کے خاتمے کے لیے مذکرات کی میز پر آجائے۔

    امریکہ جو کہ آزادی اظہار رائے علمبرداربھی اور پامالی کا ذمہ دار بھی

    ادھر روس نے گی بیرل خام تیل کی خریداری کی زیادہ سے زیادہ قیمت کی حد مقرر کرنے پر ردعمل دیتے ہوئے کہا کہ وہ اس قیمت کو نافذ کرنے والے ممالک کو تیل فراہم نہیں کرے گا۔

    دوسری جانب یوکرین کا کہنا کہ مغرب ممالک کی تجویز کردہ روسی تیل کی خریداری کی زیادہ سے زیادہ قیمت 60 ڈالر نہیں بلکہ اس کی نصف ہونی چاہیئے تھی جس سے روس کی معیشت کو دھچکہ پہنچایا جا سکتا تھا۔

    مغربی ممالک کے اتحادیوں کا یہ بھی منصوبہ ہے کہ وہ ان ٹینکرز کی انشورنس سے انکار کر دیں گے جو اس مقرر کردہ حد سے زیادہ قیمت پر خریدنے والے ممالک کو تیل کی سپلائی پر مامور ہوں گے۔

    اس پر سینئر روسی سیاست دان لیونیڈ سلٹسکی نے ٹاس نیوز سے گفتگو میں دھمکی دی ہے کہ یورپی یونین قیمتوں کی حد کو مقرر کرکے اپنی توانائی کی سلامتی کو خطرے میں ڈال رہی ہے۔

    خیال رہے کہ وہ ممالک جو G7 کی قیادت والی پالیسی پردستخط کرتے ہیں انہیں صرف سمندر کے راستے منتقل ہونے والے تیل اور پیٹرولیم مصنوعات کی خریداری کی اجازت ہوگی تاہم قیمت کی حد زیادہ سے زیادہ 60 ڈالر فی بیرل سے کم یا اس سے کم ہونی چاہیئے۔

    زیادتی کا شکارخاتون نے انصاف نہ ملنے پرعدالت کے سامنے خود کو آگ لگا لی

    ماہرین کا کہنا ہے کہ مغربی اتحاد کے روس کے خلاف ان اقدامات سے جزوی فرق پڑے گا کیوں کہ بھارت اور چین جیسی بڑی منڈیاں روس سے تیل خرید رہی ہیں اور جی-7 کے دستخط کنندہ ہونے کی وجہ سے وہ اس پابندی کی زد میں بھی نہیں ہیں۔

  • ہمیں بیوروکریسی کو لگام ڈالنے کی ضرورت ہے. قادر مندوخیل

    ہمیں بیوروکریسی کو لگام ڈالنے کی ضرورت ہے. قادر مندوخیل

    ہمیں بیوروکریسی کو لگام ڈالنے کی ضرورت ہے. وزیرصحت قادر مندوخیل

    وزیر صحت قادر مندوخیل نے کہا ھے کہ سوئی گیس اسلام آباد کے ملازمین کو بلوچستان ٹرانسفر کیا گیا جبکہ تبادلہ ہونے والے سوئی گیس کے ملازمین نچلے گریڈ کے ہیں، اور بیوروکریسی کھلم کھلا بدمعاشی پر اتر آئی ہے. ان کا مزید کہنا تھا کہ آج تک بیوروکریسی کے ہاتھوں اتنا مجبور نہیں ہوئے ہیں. بیوروکریسی ترقیاتی کاموں میں 35 سے 40 فیصد کمیشن لے رہی ہے.
    مزید یہ بھی پڑھیں؛
    عمران خان نے کالے کرتوتوں کیوجہ سے اندر جانا ہے. رانا ثناءاللہ
    امریکا نےپاکستان سمیت 12 ممالک کو مذہبی آزادی کی خلاف ورزی کرنیوالےممالک کی فہرست میں شامل کرلیا
    مسلم لیگ ن کی سابق صدر اور سینئر پارلیمنٹیرین نجمہ حمید انتقال کرگئیں
    آزاد کشمیر بلدیاتی الیکشن،پولنگ سٹیشن پرپتھراؤ، متعدد افراد زخمی
    بعض اتحادی کہتے ہیں کہ ان کو فیس سیونگ نہیں دینی چاہیے یہ بھول جائیں کہ ہم آپ کو ملک میں آئینی بحران پیدا کرنے دیں گے،خواجہ سعد رفیق
    مذاکرات اور دھمکیاں،ایسا نہیں چلے گا، حکومت نے عمران خان کو آفر بھی دے دی
    وزیر صحت قادر مندوخیل کے مطابق؛ اسمبلیاں ختم ہونے پر سیاستدان پانچ فیصد کمیشن پر نیب کے چکر لگاتا ہے جبکہ بیوروکریسی 40فیصد کمیشن لے کر مزے اٹھا رہی ہوتی ہے لہزا ان کو لگام دینا ضوری کیونکہ انہوں نے بھی ملک کا بیڑا غرق کیا ہے اور انہیں لگام لگانا ضروری ہے. ان کہنا تھا ان کا احتساب ہونا بہت ضروری ہے یہ تنخواہ پینشن اور پھر کمیشن بھی لیتے ہیں.

    قادر مندوخیل کے مطابق اس کو پابند بنایا جانا چاہیئے اور یہ اس ملک کے ملازم ہیں یہ جتنا کام کرتے اس سے ڈبل مال بناتے ہیں لیکن انہیں کوئی روکنے والا نہیں ہے.

  • شام میں تیل اور اناج کی اسمگلنگ:امریکی افواج کے رویے کی مذمت کرتےہیں:چین

    شام میں تیل اور اناج کی اسمگلنگ:امریکی افواج کے رویے کی مذمت کرتےہیں:چین

    بیجنگ:چین نے شام میں امریکی فوجیوں کی تعیناتی اور جنگ زدہ عرب ملک سے تیل اور اناج کی اسمگلنگ کو "غیر قانونی” قرار دیا ہے۔میڈیا رپورٹس میں کہا گیا ہے کہ امریکی قابض افواج نے شمال مشرقی شام سے تیل سے لدے 54 ٹینکر شمالی عراق میں اپنے اڈوں پر بھیجے ہیں۔

    چینی وزارت خارجہ کے ترجمان ژاؤ لیجیان کے مطابق کچھ شامیوں نے مبینہ طور پر کہا کہ "امریکی فوجیوں نے جو کچھ کیا اس نے انہیں موسم سرما میں زندہ رہنے کی جدوجہد میں چھوڑ دیا”۔ژاؤ نے جمعہ کے روز نامہ نگاروں کو بتایا کہ "شام میں امریکی فوجیوں کی تعیناتی غیر قانونی ہے۔ شام سے امریکی تیل اور اناج کی اسمگلنگ غیر قانونی ہے۔ شام کے خلاف امریکی میزائل حملہ بھی غیر قانونی ہے۔”

    انہوں نے شامی حکومت کے سرکاری اعداد و شمار کا حوالہ دیا کہ 2011 سے 2022 کی پہلی ششماہی کے درمیان امریکی اسمگلنگ کی سرگرمیوں سے شام کو 100 بلین ڈالر سے زیادہ کا نقصان ہوا ہے۔ژاؤ نے کہا کہ امریکہ بین الاقوامی قوانین اور قواعد کی خلاف ورزی کرتا رہتا ہے، اور پھر بھی اس کا دعویٰ کرتا ہے کہ اسے "قواعد پر مبنی بین الاقوامی نظم” کہا جاتا ہے۔انہوں نے مزید کہا کہ جب واشنگٹن "قواعد” کے بارے میں بات کرتا ہے تو وہ اکثر اپنے مفاد کو پورا کرنے اور اپنی بالادستی کو برقرار رکھنے کا بہانہ تلاش کرنے کی کوشش کرتا ہے۔

    ترجمان نے امریکہ میں فرانس کے سابق سفیر جیرارڈ آراؤڈ کا حوالہ دیتے ہوئے کہا کہ "امریکی بنیادی طور پر جو چاہیں کرنا چاہتے ہیں، بشمول جب یہ بین الاقوامی قانون کے خلاف ہو، جیسا کہ وہ اس کی تعریف کرتے ہیں، وہ کرتے ہیں۔”ژاؤ نے کہا، "ہمیں یقین ہے کہ بین الاقوامی برادری اس سے اندھی نہیں ہے اور اس کے ساتھ چوکسی کا برتاؤ کرے گی۔”

    امریکی فوجی ٹرک اور ٹینکر اکثر ٹن اناج اور خام تیل شمال مشرقی شام کے صوبے حسکہ سے شمالی عراق کے نیم خودمختار کردستان کے علاقے میں لے جاتے ہیں جس کے تحت واشنگٹن کی جانب سے شام سے بنیادی اشیاء کی منظم اسمگلنگ کی جاتی ہے۔امریکی فوج نے طویل عرصے سے شمال مشرقی شام میں اپنی افواج اور سازوسامان تعینات کر رکھا ہے، پینٹاگون نے دعویٰ کیا ہے کہ اس تعیناتی کا مقصد علاقے میں آئل فیلڈز کو داعش کے دہشت گردوں کے ہاتھ میں جانے سے روکنا ہے۔

    تاہم دمشق کا موقف ہے کہ تعیناتی کا مقصد ملک کے قدرتی وسائل کو لوٹنا ہے۔ سابق امریکی صدر ڈونلڈ ٹرمپ نے کئی مواقع پر اعتراف کیا کہ امریکی افواج اس عرب ملک میں تیل کی دولت کے لیے موجود ہیں۔

    21 ستمبر کو چین نے امریکہ سے مطالبہ کیا کہ وہ شام کے قومی وسائل کو لوٹنا بند کرے اور عرب ملک کی خودمختاری اور علاقائی سالمیت کا احترام کرے۔ چین کی وزارت خارجہ نے یہ بھی کہا کہ امریکی حکومت کا فرض ہے کہ وہ فوجی دستوں کی مداخلت کے ذریعے کی جانے والی ڈکیتیوں کی تحقیقات کرے اور ساتھ ہی اس سے ہونے والے نقصانات کی تلافی کرے۔

    جادو سیکھنے کے چکر میں بھائی کے بعد ملزم نے کس کو قتل کروا دیا؟

    پولیس کا ریسٹورنٹ پر چھاپہ، 30 سے زائد نوجوان لڑکے لڑکیاں گرفتار

    واٹس ایپ پر محبوبہ کی ناراضگی،نوجوان نے کیا قدم اٹھا لیا؟

    غیرت کے نام پر سنگدل باپ نے 15 سالہ بیٹی کو قتل کر دیا

  • رواں برس لاہور سے 157 خواتین سمیت 4112 گداگر گرفتار

    رواں برس لاہور سے 157 خواتین سمیت 4112 گداگر گرفتار

    سی سی پی او لاہور ایڈیشنل آئی جی غلام محمود ڈوگر کی ہدایت پر لاہور پولیس کا عادی اور جرائم پیشہ گداگروں کے خلاف کریک ڈاون تیزی سے جاری ہے۔
    سربراہ لاہور پولیس غلام محمود ڈوگر نے کہا ہے کہ پیشہ ور بھکاریوں کے بھیس میں جرائم پیشہ افراد مجرمانہ کاروائیوں میں ملوث پائے گئے ہیں۔لاہور پولیس،ضلعی انتظامیہ اور چائلڈ پروٹیکشن اینڈ ویلفیئر بیورو کی مشترکہ ٹیمیں بچوں سے بھیک منگوانے والے پیشہ ور گداگروں کے خلاف کاروائیاں باقاعدگی سے جاری رکھے ہوئے ہیں۔غلام محمود ڈوگر نے کہا ہے کہ بچوں کو اس گداگری کے گھناؤنے دھند ے میں ملوث کرنے والے عناصر کسی رعایت کے مستحق نہیں،آہنی ہاتھوں سے نمٹیں گے۔شاہراہوں پر بھیک مانگنے والے مانگنے والے بچوں کوچائلڈ پروٹیکشن اینڈ ویلفیئر بیورو کے حوالے کیا جا رہا ہے۔ترجمان لاہور پولیس کے مطابق رواں سال عادی و جرائم پیشہ بھکاریوں کے خلاف شہر کے مختلف تھانوں میں 4054 مقدمات درج کرکے مجموعی طور پر 4112 گداگروں کو حراست میں لیا گیا۔

    ترجمان لاہور پولیس کے مطابق گرفتار کئے جانے والے گداگروں میں 3942 مرد،157خواتین بھکاری جبکہ گداگروں کے 13سہولت کار بھی شامل ہیں۔ترجمان کے مطابق سٹی ڈویژن پولیس نے 869، صدر ڈویژن نے 734،ماڈل ٹاؤن ڈویژن نے 788، اقبال ٹاؤن ڈویژن نے 566،کینٹ ڈویژن نے 688 جبکہ سول لائنز پولیس نے 467 پیشہ ور گداگروں کو گرفتار کیا۔لاہور پولیس نے ماہ نومبر میں 313 مرد اور 04 خواتین گداگروں سمیت 317 پیشہ ور بھکاریوں کو گرفتار کیا جبکہ رواں ماہ دسمبر میں اب تک 11مرد اور 03 خواتین بھکاریوں سمیت 14 گداگروں کو حراست میں لے کر ان خلاف قانونی کارروائی کی جا چکی ہے۔سربراہ لاہور پولیس غلام محمود ڈوگر کے مطابق گداگروں کی پشت پناہی کرنے والے منظم گروہوں کا نیٹ ورک توڑا جارہا ہے۔نشے کے عادی گداگروں کو بحالی مراکز میں بجھوایا جارہا ہے۔سی سی پی او لاہور نے مزید کہا کہ عادی گداگر ہمدردی کیلئے جعلی معذروی کا سہارا لیتے ہیں،شہری ایسے عناصر کی حوصلہ شکنی کیلئے لاہورپولیس کا بھرپور ساتھ دیں۔انہوں نے ڈویژنل ایس پیز اور ٹریفک افسران کو اہم شاہراہوں، چوراہوں،ٹریفک سگنلز،مارکیٹوں اور اہم مقامات پر ڈیرے ڈالنے والے بھکاری مافیا کے خلاف موثر کارروائیاں اور تدارک کرنے کی ہدایت کی

    فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف

    چائلڈ پورنوگرافی ویڈیوز سوشل میڈیا پر پھیلانے کا کیس، سپریم کورٹ کا بڑا فیصلہ

    چائلڈ پورنوگرافی میں‌ ملوث ملزم گرفتار،کتنی اخلاق باختہ ویڈیوز شیطان صفت کے پاس برآمد ہوئیں

    بھارت ، سال کے ابتدائی چار ماہ میں کی 808 کسانوں نے خودکشی

    سال 2020 کا پہلا چائلڈ پورنوگرافی کیس رجسٹرڈ،ملزم لڑکی کی آواز میں لڑکیوں سے کرتا تھا بات

  • شادی میں جانے والی تیرہ سالہ لڑکی کو کیا گیا اغوا

    شادی میں جانے والی تیرہ سالہ لڑکی کو کیا گیا اغوا

    ڈیرہ اسماعیل خان ،گزشتہ روزتھانہ سٹی کی حدود سے شادی میں جانے والی تیرہ سالہ زہرہ رحمان ولد شیخ عتیق الرحمان کونامعلوم ملزمان اغواکرکے لے گئے،تھانہ سٹی میں مقدمہ درج کرکے ملزمان کی تلاش شروع کردی گئی ہے ۔

    گزشتہ روزتھانہ سٹی کی حدود سے شادی میں جانے والی تیرہ سالہ زہرہ رحمان ولد شیخ عتیق الرحمان کو نامعلوم ملزمان اغوا کرکے لے گئے۔تھانہ سٹی میں مقدمہ درج کرکے ملزمان کی تلاش شروع کردی گئی ہے۔واضح رہے کہ پولیس کی نااہلی کی بدولت جرائم کی شرح میں بے حد اضافہ ہوگیا ہے اور عوام کو قیمتی سازو سامان سے محروم کیا جارہاہے جبکہ اغوائیگی کے واقعات میں بھی اضافہ ہو گیا ہے۔اس سلسلے میں اغوا ہونے والی لڑکی کے والدین نے عوام سے اپیل کی ہے کہ خدارا ہم بہت سخت پریشان ہیں اوربرائے مہربانی بچی کوت لاش کرنے میں ہماری مددکریں ۔معلومات ملنے پر درج ذیل نمبرات 03435068371 / 0337-7445943پررابطہ کرسکتے ہیں۔

    عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

    نوجوان جوڑے پر تشدد کیس، پانچویں ملزم کو کس بنیاد پر گرفتار کیا؟ عدالت کا تفتیشی سے سوال

    11 سالہ لڑکے کے ساتھ جنسی زیادتی کرنے پر بھارتی فوجی اہلکار گرفتار

    شادی اس بات کا لائسنس نہیں کہ شوہر درندہ بن کر بیوی پر ٹوٹ پڑے،عدالت

    خواجہ سراؤں کا چار رکنی گروہ گھناؤنا کام کرتے ہوئے گرفتار

    علاوہ ازیں بنوں روڈ ڈائیواڈہ حاجی فیض مسجد کے قریب تھانہ کینٹ کی حدودمیں میاں فضل کریم ٹائرورکس کی دکان پر چوری کی واردات، نامعلوم چور لاکھوں روپے کا سامان اور نقدی لے اڑے۔ مین بنوں روڈ حاجی فیض مسجد کے قریب تھانہ کینٹ کی حدود میں واقع کشمیر چوک نیو بنوں اڈا کے صدرخاکسار ساجداللہ ڈتہ ساجد اور سینئر صحافی غلمان بابرکے بھائی کی دکان میاں فضل کریم ٹائر ورکس غلام حیدر کی دوکان پر نامعلوم چوروں نے دوکان کی چھت رات کی تاریکی میں توڑ کر لاکھوں روپے کے سلوررم گاڑیوں کے وٹائر اور نقدی چرا کر لے گئے۔ واضح رہے کہ اس سے قبل بھی تین بار نامعلوم چور لاکھوں روپے کا سامان لے گئے تھے۔ چوری کی واردات کی اطلاع تھانہ کینٹ کے ایس ایچ او گل شیر خان کو دی گئی جس پر انہوں نے فوری ایکشن کرتے ہوئے بمعہ پولیس نفری جائے وقوعہ پر پہنچ گئے۔ انہوں نے کہا کہ بہت جلد چوروں کو گرفتار کر لیں گے۔

    رپورٹ، احمد نواز، ڈیرہ اسماعیل خان.

  • لاہور سیاسی سرگرمیوں کا مرکز بن گیا؛ چئیرمین سینٹ وزیر اعظم سے ملاقات کے لئے ماڈل ٹاون پہنچ گئے

    لاہور سیاسی سرگرمیوں کا مرکز بن گیا؛ چئیرمین سینٹ وزیر اعظم سے ملاقات کے لئے ماڈل ٹاون پہنچ گئے

    لاہور سیاسی سرگرمیوں کا مرکز بن گیا؛ چئیرمین سینٹ وزیر اعظم سے ملاقات کے لئے ماڈل ٹاون پہنچ گئے

    لاہور سیاسی سرگرمیوں کا مرکز بن گیا؛ چئیرمین سینٹ وزیر اعظم سے ملاقات کے لئے ماڈل ٹاون پہنچ گئے جہاں پاکستانی سیاست بارے بہت سارے اہم فیصلے ہونے ہیں اس حوالے سے ایک صارف نے لکھا ہے کہ؛ چئیرمین سینٹ صادق سنجرانی وزیر اعظم سے ملاقات کے لئے ماڈل ٹاون لاہور پہنچ گئے اور دیکھیں کہ؛ "سیاست بڑی ظالم چیز ہے کل کے دشمن آج کے دوست بن گئے.


    دوسری جانب ذرائع نے بتایا ہے کہ چئیرمین سینٹ صادق سنجرانی وزیر اعظم سے ملاقات کے لئے اپنے وفد کے ہمراہ ماڈل ٹاون وزیر اعظم کی رہائش گاہ پہنچے جہاں چئیرمین سینٹ موجودہ سیاسی صورتحال پر وزیر اعظم سے مشاورت کریں گے. اور دونوں رہنماء ایک دوسرے ملک کے اہم معاملات پر گفتگو کریں گے.

    دوسری جانب وزیر اعظم شہباز شریف کی زیر صدارت اجلاس کی اندرونی کہانی سامنے آئی ہے کہ مسلم لیگ ن نے سیاسی محاذ پر چیئرمین پاکستان تحریک انصاف (پی ٹی آئی) عمران خان کو ٹف ٹائم دینے کا فیصلہ کر لیا۔ اجلاس میں فیصلہ کیا گیا کہ عمران خان کو پہلے الزامات یاد کرائے جائیں اور ابھی مذاکرات کی بات کو لٹکایا جائے۔ شرکا نے رائے دی کہ عمران خان سیاست کر رہے ہیں اور وہ ہمیں بھی کرنی چاہیے جبکہ عوام کو یاد کرایا جائے کہ عمران خان مذاکرات کی دعوت پر کیا کہتا تھا۔

    وزیر اعظم شہباز شریف نے کہا کہ میں نے عمران خان کو صدق دل سے میثاق معیشت کی دعوت دی تھی۔ اجلاس میں متفقہ فیصلہ کیا گیا کہ پہلے مذاکرات کے وقت کا انتظار کیا جائے اور پھر الزامات یاد کرائے جائیں جبکہ عمران خان اگر غیر مشروط مذاکرات پر تیار ہوں تو معاملہ پاکستان ڈیمو کریٹک موومنٹ (پی ڈی ایم) کے پلیٹ فارم پر رکھا جائے۔
    مزید یہ بھی پڑھیں؛
    عمران خان نے کالے کرتوتوں کیوجہ سے اندر جانا ہے. رانا ثناءاللہ
    امریکا نےپاکستان سمیت 12 ممالک کو مذہبی آزادی کی خلاف ورزی کرنیوالےممالک کی فہرست میں شامل کرلیا
    مسلم لیگ ن کی سابق صدر اور سینئر پارلیمنٹیرین نجمہ حمید انتقال کرگئیں
    آزاد کشمیر بلدیاتی الیکشن،پولنگ سٹیشن پرپتھراؤ، متعدد افراد زخمی
    بعض اتحادی کہتے ہیں کہ ان کو فیس سیونگ نہیں دینی چاہیے یہ بھول جائیں کہ ہم آپ کو ملک میں آئینی بحران پیدا کرنے دیں گے،خواجہ سعد رفیق
    مذاکرات اور دھمکیاں،ایسا نہیں چلے گا، حکومت نے عمران خان کو آفر بھی دے دی

    تاہم لاہور پر سب کی نظریں اس لیئے بھی ہیں کہ یہ ملک کا سب سے بڑا صوبہ ہے اور یہی وجہ ہے کہ عمران خان آصف زردری اور شہباز شریف وغیرہ اس صوبہ کو اہمیت دیتے ہیں دوسری جانب عمران خان نے جو دھمکی دے رکھی ہے کہ وہ پنجاب سمیت اپنی صوبائی حکومتیں توڑ دیں گے جبکہ وزیر اعلی پنجاب پرویز الہی نے بھی کہا ہے کہ یہ حکومت عمران خان کی حکومت ہے یہی وجہ ہے کہ اب حکمران اتحادی جماعت نہیں چاہتی ہے کہ ایسا ہو اس لیئے وزیر اعظم شہباز شریف نے خود متحرک کرتے ہوئے لاہور میں ملاقاتیںتیز کردی ہیں.

  • امریکہ جو کہ آزادی اظہار رائے علمبرداربھی اور پامالی کا ذمہ دار بھی

    امریکہ جو کہ آزادی اظہار رائے علمبرداربھی اور پامالی کا ذمہ دار بھی

    واشنگٹن:دنیا بھر میں دہشتگردی کو فروغ دینے، انسانی حقوق کی بڑے پیمانے پر خلاف ورزی کرنے ، نسلی امتیاز برتنے، دہشتگرد اور تکفیری گروہوں کو وجود میں لانے اور مظلوموں کے مقابلے میں ظالموں کی حمایت کرنے والا ملک امریکہ اب آزادی اظہار رائے اور مذہبی آزادی کا راگ الاپ رہا ہے۔

    امریکی وزیر خارجہ انٹونی بلنکن نے دعویٰ کیا ہے کہ دنیا بھر میں حکومتوں، غیر سرکاری قوتوں نے اپنے عقائد اور مذاہب کی بنیاد پر بہت سے لوگوں کو ہراساں، خوف زدہ کیا اور جیل میں بند کرنے کے ساتھ ساتھ انہیں قتل بھی کیا۔امریکی وزیر خارجہ نے کہا کہ کچھ ایسی مثالیں بھی موجود ہیں کہ سیاسی مقاصد حاصل کرنے کے لیے لوگوں کی مذہبی آزادی کو دبایا گیا ہے۔

    انٹونی بلنکن نے کہا کہ آج میں پاکستان، روس چین، ایران، سعودی عرب، تاجکستان، ترکمانستان، نکاراگوا، شمالی کوریا، میانمار اور اریٹریا کو مذہبی آزادی کی شدید خلاف ورزیوں میں ملوث ہونے یا ایسے اقدامات کو برداشت کرنے کی وجہ سے خاص تشویش والے ممالک‘ (سی پی سی) میں شامل کرنے کا اعلان کرتا ہوں۔

    واضح رہے کہ امریکہ نے ایسے وقت میں مذکورہ ممالک کو مبینہ طور پر مذہبی آزادی کی سنگین خلاف ورزیوں میں ملوث ہونے یا ایسے اقدامات کو برداشت کرنے کے الزام کے تحت خودساختہ لسٹ میں شامل کیا ہے کہ خود امریکہ کو دنیا والوں کی طرف سے دہشتگردی، نسل پرستی، انسانی حقوق کی بد ترین پامالی اور اپنی غیر قانونی یک طرفہ پالیسیوں کو غیروں پر مسلط کرنے جیسے سنگین الزامات کا سامنا ہے۔

    سیاسی مبصرین و ماہرین کے مطابق امریکہ کیلئے یہ بات مشہور ہے کہ وہ کسی کا دوست نہیں وہ تو صرف اور صرف اپنے مفادات کیلئے کام کرتا ہے اور بین الاقوامی اداروں کو اُس نے اپنا آلۂ کار بنا کر عالمی ضابطوں کا کھلواڑ بنا لیا ہے اور ساتھ ہی اُس نے دہشتگردی، انسانی حقوق کی پامالی اور نسل پرستی جیسے مفاہیم کو اچھے اور برے میں تقسیم کر رکھا ہے۔

    فحاشی کے اڈے پر چھاپہ، پولیس کو ملیں صرف خواتین ،پولیس نے کیا کام سرانجام دیا؟

    جادو سیکھنے کے چکر میں بھائی کے بعد ملزم نے کس کو قتل کروا دیا؟

    پولیس کا ریسٹورنٹ پر چھاپہ، 30 سے زائد نوجوان لڑکے لڑکیاں گرفتار

  • عدالت کی جانب سے سکول بند کرنیکی تجویز،وزیر تعلیم نے بھی بڑا اعلان کر دیا

    عدالت کی جانب سے سکول بند کرنیکی تجویز،وزیر تعلیم نے بھی بڑا اعلان کر دیا

    عدالت کی جانب سے سکول بند کرنیکی تجویز،وزیر تعلیم نے بھی بڑا اعلان کر دیا

    صوبائی وزیر تعلیم پنجاب مراد راس نے بطور مہمان خصوصی انصاف آفٹرنون سکولز پروگرام کے اساتذہ میں ٹیبلیٹ تقسیم تقریب میں شرکت کی

    تقریب سے خطاب کرتے ہوئے مراد راس کا کہنا تھا کہ صوبے بھر کے اساتذہ میں 11475 ٹیبلیٹ تقسیم کئے جا رہے ہیں۔ اگلے چند دنوں میں یہ تمام ٹیبلیٹ اساتذہ تک پہنچ جائیں گے۔ یہ تمام ٹیبلیٹس بار کوڈیڈ ہیں، کوئی بھی ان کو اپنے ذاتی مفاد کیلئے استعمال نہیں کر سکے گا. ڈیجیٹلائیزیشن کو جتنا فروغ محکمہ سکول ایجوکیشن پنجاب نے گزشتہ چار سالوں میں دیا پاکستان کے کسی اور ادارے نے نہیں دیا. ٹیکنالوجی کے مثبت اور جامع استعمال سے شفافیت کا عمل یقینی بنتا ہے۔ ہ جو ٹیبلیٹ آج دے رہے ہیں یہ چھے مہینے پہلے ہمارے پاس آئے تھے لیکن رجیم چینج آپریشن کی بدولت ہمارا سارا کام تاخیر کا شکار ہوا۔ مسلم لیگ ن کی کرپٹ حکومت نے پنجاب میں ہمارے ترقی کے سفر کو سالوں پیچھے دھکیلنے میں کوئی کثر نہیں چھوڑی۔

    مراد راس نے کہا کہ تعلیم ایک ایسا شعبہ ہے جس کو کبھی کسی حال میں بھی سیاست کی بھینٹ نہیں چڑھنا چاہیے.انصاف آفٹرنون سکولز پروگرام کی بدولت دو سے ڈھائی لاکھ بچے سکولوں میں واپس آئے اور اس منصوبے کے تحت سکولوں کی اہگریڈیشن کا سب سے زیادہ فائدہ ہماری طالبات کو ہوا جو سکول دُور ہونے کی بدولت سکول چھوڑ دیتی تھیں انصاف آفٹرنون سکولز پروگرام جیسا منصوبہ اگر مسلم لیگ ن کے طریقے سے ہوتا تو اس پر کم از کم 295 ارب خرچ ہوتے اور منصوبہ 3 سال میں مکمل ہوتا جبکہ پاکستان تحریک انصاف کی حکومت نے 7 ہزار سے زائد سکولوں کو مخض 6 ارب روپوں کے عوض اپگریڈ کیا.

    سموگ کی بدولت سکول بند کرنے کے حوالے اظہار خیال کرتے ہوئے صوبائی وزیر تعلیم پنجاب مراد راس کا کہنا تھا کہ سکول بند کرنے کے حق میں نہیں، ہمیں یقینی بنانا ہو گا کہ بچے ماسک کا باقاعدگی سے استعمال کریں اور سکول آتے رہیں. پچوں کا تعلیمی خرج کسی صورت قبول نہیں، پوری کوشش ہے کہ بچے باقاعدگی سے سکول جاتے رہیں. اِس مد میں تفصیلی فیصلہ اگلے 24 سے 48 گھنٹوں میں نوٹیفکیشن کی صورت میں آ جائے گا۔ وزیر تعلیم پنجاب نے 3 دن سکول بند کرنے کی مخالفت کر دی کہا اسکولز میں امتحانات ہو رہے ہیں، 3 دن چھٹیاں نہیں دیں گے، اسکولز میں حالات دیکھتے ہوئے جلدی چھٹیاں ہو سکتی ہیں، کورونا کی طرح اسموگ میں ماسک پہنا لازمی کردیں گے،

    طالبات کو کالج کے باہر چھیڑنے والا گرفتار،گھر کی چھت پر لڑکی کے سامنے برہنہ ہونیوالا بھی نہ بچ سکا

    پولیس کا قحبہ خانے پر چھاپہ،14 مرد، سات خواتین گرفتار

    خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم

    @MumtaazAwan

    یہ ہے لاہور، ایک ہفتے میں 51 فحاشی کے اڈوں پر چھاپہ،273 ملزمان گرفتار

    طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی

    راہ چلتی طالبات کو ہراساں اور آوازیں کسنے والا اوباش گرفتار

  • اسٹریٹ کرائم میں ملوث تین ملزمان پولیس نے کئے گرفتار

    اسٹریٹ کرائم میں ملوث تین ملزمان پولیس نے کئے گرفتار

    اسٹریٹ کرائم میں ملوث تین ملزمان پولیس نے کئے گرفتار

    باغی ٹی وی کی رپورٹ کے مطابق شہر قائد کراچی میں جرائم پیشہ عناصر کے خلاف پولیس کی کاروائیاں جاری ہیں

    سمن آباد پولیس نے خفیہ اطلاع پر اسٹریٹ کرائم میں ملوث ملزم کے خلاف کاروائی کی ہے ملزم نے سمن آباد کی حدود سے شہری سے موبائل فون چھینا تھا جسکا مقدمہ 426/2022 دفعہ 39734 ت پ تھانہ سمن آباد میں درج کیا گیا تھا سمن آباد پولیس نے امروز ملزم کو گرفتار کر کے شہری سے چھینا ہوا موبائیل فون بھی برآمد کر لیا،ملزم کی شناخت حسن ولد نور محمد کے نام سے ہوئی ہے دورانِ گرفتاری ملزم کے قبضے سے 1 عدد TT پسٹل 30 بور لوڈ میگزین بھی برآمد ہوا،دورانِ تحقیقات ملزم نے متعدد وارداتوں کا انکشاف بھی کیا ہے ملزم کے خلاف اسلحہ کا مقدمہ علیحدہ سے درج کردیا گیا ہے

    دوسری جانب درخشاں اور کلفٹن پولیس نے دوران گشت جرائم پیشہ عناصر کے خلاف کاروائیاں کی ہیں،اس دوران موٹرسائیکل چوری اور منشیات فروشی میں ملوث 2 ملزمان گرفتارکر لئے، درخشاں اور کلفٹن پولیس کی جانب سے 1 ایک ملزم گرفتار کیا گیا جنکی شناخت بلترتیب ظہیر اور اعجاز کے ناموں سے ہوئی ملزم ظہیر کے قبضہ سے صدر کے علاقے سے چوری شدہ 1 عدد موٹر سائیکل جبکہ ملزم اعجاز کے قبضے سے 210 گرام چرس برآمد کی گئی، دوران تفتیش ملزمان نے بتایا کہ وہ شہر بھر سے اپنے متعلقہ جرم سے جڑی متعدد وارداتیں کر چکے ہیں ملزمان کے خلاف مقدمات درج، مزید تفتیش اور سابقہ کریمنل ریکارڈ کی چیکنگ جاری ہے

    گرل فرینڈ کی لاش کے 35 ٹکڑے کرنیوالے ملزم نے کیا عدالت میں جرم کا اعتراف

    شردھا کو قتل کرنیوالا پولیس آفتاب پولیس کی تحویل میں ہے، گزشتہ روز اس پر تلواروں سے حملے کی بھی کوشش کی گئی

    خاتون کی لاش کے کئے 56 ٹکڑے، ٕگوشت بھی کھایا ، ملزمان کا تہلکہ خیز انکشاف

    50 ہزار میں بچہ فروخت کرنے والی ماں گرفتار

    واش روم استعمال کیا،آرڈر کیوں نہیں دیا؟گلوریا جینز مری کے ملازمین کا حاملہ خاتون پر تشدد،ملزمان گرفتار

    قبل ازیں کانفرنس روم ایس ایس پی آفس ڈسٹرکٹ سینٹرل میں ایک کرائم میٹنگ کا انعقاد کیا گیا ،میٹنگ کی صدارت ایس ایس پی ڈسٹرکٹ سینٹرل نے کی جبکہ میٹنگ میں ایس پی لیاقت آباد، ایس پی گلبرگ، ایس پی نیو کراچی، ایس ڈی پی اوز سب ڈویژن سمیت ایس ایچ ڈسٹرکٹ سینٹرل نے شرکت کی میٹنگ ایجنڈا ماہِ نومبر اور اکتوبر میں اسٹریٹ کرائم، دوران ڈکیتی مرڈر ایند انجری, CCTV فوٹیج کلیکشن سمیت ایس ایچ اوز کی ماہانہ کارکردگی کا جائزہ لینا تھا ایس ایس پی ڈسٹرکٹ سینٹرل نے ایس ایچ اوز کی ماہانہ کارکردگی کا جائزہ لیا اور اسٹریٹ کرائم سمیت وھیکیولر کرائم کنٹرول کرنے کے حوالے ایس ایچ اوز کو سخت کارروائی کی ہدایات دیں یس ایس پی ڈسٹرکٹ سینٹرل نے منشیات اور گٹکاماوا فروشوں کی گرفتاری سمیت مفرور اور روپوش ملزمان کی فوری گرفتاری کے احکامات جاری کیے انہوں نے واردات کی CCTV فوٹیج کے حصول پر سخت زور دیتے ہوئے کہا کہ کسی واردات کے فوری بعد فوٹیج لازمی حاصل کریں ایسی فوٹیج ملزمان کی گرفتاری سمیت انکو سزا دلانے میں بھی پولیس کے انتہائی کارآمد ہے ماہانہ کارکردگی کا جائزہ لیتے ہوئے چند ایس ایچ اوز کی کارکردگی پر عدم اطمینان کا اظہار کیا جبکہ چند ایس ایچ اوز کی کارکردگی کو سراہا جنہوں نے اسٹریٹ کرائم سمیت وھیکیولر کرائم پر کام کیا جس سے واضح کمی واقع ہوئی