Tag: تازہ ترین

ڈیرہ اسماعیل خان برطرف 1613 اساتذہ کی آخری امید سردارعلی امین خان گنڈہ پور،گزشتہ دنوں وفاقی حکومت نے ایک پارلیمانی کمیٹی بنائی جس نے اعلان کیا ہے کہ وفاقی اورصوبائی سرکاری محکموں کے برطرف ہونے والے ملازمین کونوکری پر بحال کیاجائے ، اس گزارشات کے بعد سے سوشل و دیگر میڈیا پر خبر گردش کر رہی ہے کہ خیبر پختونخواہ حکومت کے سابق دور میں محکمہ تعلیم ڈیرہ اسماعیل خان سے برطرف کیے جانے والے1613اساتذہ کو بحال کرنے کے لیے وفاقی حکومت کی جانب سے ایک سمری منظور کی گئی ہے اس حوالے سے قانونی ماہرین کی جانب سے یہ بات سامنے آرہی ہے کہ وزیراعلیٰ خیبرپختونخواہ ایک ایگزیکٹوآڈر کے ذریعے بر طرف اساتذہ کی بحالی ممکن بنا سکتے ہیں ۔

اس خبر کی وجہ سے ایسے برطرف مرد و خواتین اساتذہ جنہیں برطرفی کے بعد سے آج تک دو وقت کی روٹی بمشکل میسر ہے ان کے دلوں میں ایک امید کی کرن جاگ چکی ہے کہ شاید وہ بحال ہو جائیں ان کے دن بھی سنور جائیں ان کے گھروں میں پڑے بھوک افلاس کے ڈیرے ختم ہو جائیں ان کے بچے بھی روکھی سوکھی ہی سہی پر وقت پر ملنے والی روٹی نوالے پیٹ بھر کر کھا سکیں اس وقت ان مجبور اساتذہ کی نظریں سابق وفاقی وزیر علی امین خان گنڈہ پور پر مرکوز ہیں کیونکہ وہ قائد تحریک انصاف عمران خان کے قریبی ساتھیوں میں شامل ہے ۔ اس سلسلے میں ڈیرہ اسماعیل خان سے برطرف کیے جانے والے1613اساتذہ نے سابق وفاقی وزیرسردارعلی امین خان گنڈہ پور سے مطالبہ کیاہے کہ وہ اس حوالے سے اپناکردار ادا کریں۔

دوسری جانب سابق پی آراورضوان عباس کی وفات پرزرعی یونیورسٹی میں ایک تعزیت اجلاس اوردعائیہ تقریب منعقدہوئی جس میںوائس چانسلر زرعی یونیورسٹی پروفیسرڈاکٹرمسرورالٰہی بابر(تمغہ امتیاز)رجسٹرار فخر الدین،اسسٹنٹ رجسٹرارزیب القمر،ایڈیشنل رجسٹرارعبدالباسط،،ڈائریکٹرفنانس جوہرزمان انچارج ڈیپارٹمنٹ کمپیوٹرسائنس، ڈائریکٹر ایڈمنسٹریشن ڈاکٹراحسان،پی آراوشیرازخان،اسسٹنٹ پی آر او نثار تھہیم و دیگرافسران اورپروفیسرزنے شرکت کی ۔ تعزیتی اجلاس میں اللہ پاک سے مرحوم سابق پی آر او رضوان عباس کے درجات بلندی کیلئے خصوصی دعامانگی گئی اورلواحقین کے ساتھ مکمل ہمدردی اوریکجہتی کااظہارکیاگیا ۔ تعزیتی اجلاس میں شریک ممبران کاکہناتھا کہ رضوان عباس کی ناگہانی وفات پر انتہائی دکھ اورافسوس ہواہے ۔ہم دکھ کی اس گھڑی میں مرحوم رضوان عباس کے لواحقین کے ساتھ ہیں ۔ انہوں نے کہاکہ رضوان عباس انتہائی ملنسار اورخوش اخلاق انسان تھا۔اس کی وفات سے پیداہونے والا خلاپرہونا مشکل ہے۔

رپورٹ، احمد نواز، ڈیرہ اسماعیل خان،

ڈیرہ اسماعیل خان کی عوام نے اپنے منتخب اراکین اسمبلی کو آئینہ دکھانا شروع کر دیا

ممبرقومی اسمبلی شیخ یعقوب کی مفاد پرستی اوردھوکہ دہی کی سیاست پر عوام کاپارہ ہائی ، حلقہ NA39 کی عوام شیخ یعقوب پرپھٹ پڑی،عوام کاکہنا ہے کہ شیخ یعقوب کی اوقات ویلج ناظم کی نہیں تھی اس کے فریب میں آکر اسے بھاری اکثریت سے کامیاب کرایا مگروہ الیکشن میں کیے اپنے سب وعدے بھول گیا ہے ، آئندہ جنرل الیکشن میں شیخ یعقوب کے مخالف امیدوارکوکامیاب کرواکر اپنی محرومیوں ازالہ کرائیں گے ۔ ممبرقومی اسمبلی شیخ یعقوب کامیابی کے بعد سے حلقے کی عوام کی آنکھوں سے دورہوگیاہے ۔ اس نے آج تک حلقے اورکسی عوامی مسئلے کے حل پر توجہ نہیں دی ہے ۔ حلقے کی عوا م کاکہنا ہے کہ شیخ یعقوب ایک مفاد پرست اوردھوکہ بازانسان ہے ۔ ہم نے پاکستان تحریک انصاف کی وجہ سے اسے الیکشن میں کامیاب کرایاتھا اوراس نے کامیابی کیلئے بڑے بڑے بلندبانگ دعوے کیے تھے مگروہ سب ریت کی دیوارثابت ہوئے ہیں۔ سیلاب کے دنوں میں ہماری امیدیں شیخ یعقوب سے وابستہ تھیں مگریہاں بھی اس نے ہماراکوئی مداوانہیں کیا اورسیلاب متاثرین آج تک اس کی راہ تک رہے ہیں۔

حلقہ آج تک بنیادی سہولیات سے محروم ہے ۔ پینے کاصاف پانی دستیاب نہیں ہے۔ گلیاں ٹوٹی پھوٹی ہیں۔ نکاسی کانظام خراب ہے ۔ شیخ یعقوب نے حلقہ اورعوام کی فلاح وبہبود کیلئے چارسالوں میںکوئی کام نہیں کیاہے ۔ انہوںنے شیخ یعقوب کوواضح الفاظ میں پیغام دے دیاہے کہ وہ حلقہNA39 سے الیکشن میں حصہ لینے کاخواب چھوڑ دے ورنہ اسے تاریخی ناکامی سے دورچارکرکے اسے حقیقت دکھائیں گے۔

دوسری جانب سابق ممبرصوبائی اسمبلی سمیع اللہ علیزئی کو مفادپرستی اوردھوکہ دہی کی سیاست نے اسے عوام منہ دکھانے کے قابل نہ چھوڑا،پارٹی ٹکٹ کے حصول کیلئے مختلف سیاسی پارٹیوں کے قائدین سے ملاقاتوں کیلئے دربدرکی ٹھوکریں کھانے لگا، کسی سیاسی پارٹی کی جانب سے گرین سگنل نہ ملنے کی وجہ سے دلبرداشتہ ہوگیاہے ،اپنا سیاسی اثرورسوخ کھوجانے کے ڈر سے اوچھے ہتھکنڈے اختیارکرنے کی تگ دومیں لگ گیاہے جبکہ حلقہ سٹی ٹو میں اس کے مخالف امیدوارپاکستان پیپلزپارٹی کے ممبرصوبائی اسمبلی احمدکریم کنڈی کی مقبولیت کا گراف دن بدن اونچا ہوتا جا رہا ہے جس کی وجہ سے سمیع اللہ علیزئی کادن کاچین ختم اوررات کی نیندیں حرام ہوگئی ہیں۔حلقہ سٹی ٹو کی عوام نے آئندہ جنرل الیکشن میں احمدکریم کنڈی کے حلقے میں ترقیاتی کاموں کی بدولت اسے بھرپورانداز سے کامیاب کرانے کافیصلہ کرلیا ہے ۔

سمیع اللہ علیزئی نے آئندہ الیکشن میں حصہ لینے کیلئے مختلف سیاسی پارٹیوں سے رابطوں کا سلسلہ شروع کررکھاہے مگراسے ہرطرف سے ہری جھنڈی دکھائی گئی ہے اوراسے ٹکٹ دینے سے صاف انکارکردیاہے۔ اس کے برعکس حلقہ سٹی ٹو میں اس کے مخالف امیدوارپاکستان پیپلزپارٹی کے ممبرصوبائی اسمبلی احمدکریم کنڈی کے کاموںکی بدولت اس کی مقبولیت کا گراف دن بدن اوپرہوتاجارہاہے جس کی وجہ سے سمیع اللہ علیزئی کا دن کاچین ختم اوررات کی نیندیں اڑگئی ہیں۔حلقہ سٹی ٹو کی عوام نے آئندہ جنرل الیکشن میں پاکستان پیپلزپارٹی کی ٹکٹ پر الیکشن میں حصہ لینے والے امیدواروممبرصوبائی اسمبلی احمدکریم کنڈی کی کامیابی یقینی بنانے اوراس کے حق میں ووٹ دینے کافیصلہ کرلیا ہے ۔

رپورٹ، احمد نواز، ڈیرہ اسماعیل خان،