Tag: تازہ ترین

کراچی:اے این ایف کی مختلف کارروائیوں میں 1 ہزار کلو سے زائد منشیات برآمد

کراچی:اے این ایف کی مختلف کارروائیوں میں 1 ہزار کلو سے زائد منشیات برآمد ،اطلاعات کے مطابق اینٹی نارکوٹکس فورس نے اونٹوں کے ذریعے بھاری مقدار میں چرس اسمگل کرنے کی کوشش نا کام بنادی جب کہ دیگر کارروائیوں کے دوران منشیات کی بھاری مقدار ضبط کرلی۔

اے این ایف ذرائع کے مطابق انسداد منشیات فورس نے ملک بھر میں مختلف کارروائیوں کے دوران بھاری مقدار میں منشیات برآمد کرکے ملزمان کو گرفتار کرلیا ہے۔

ترجمان اے این ایف کے مطابق اینٹی نارکوٹکس فورس کا منشیات کے خلاف کریک ڈاؤن جاری ہے، گوادر میں خطرناک و بیابان پہاڑی علاقے میں خفیہ اطلاع پر کامیاب کارروائی کے دوران اونٹوں کے ذریعے بھاری مقدار میں چرس اسمگل کرنے کی کوشش نا کام بنادی گئی۔ترجمان کا کہنا تھا کہ 1400 کلو چرس اونٹوں پر لاد کر گوادر اور پھر سمندری راستے سے اسمگل کرنی تھی۔

ترجمان کے مطابق انٹرنیشنل میل آفس راولپنڈی میں لندن سے آئے پارسل میں سے 68 گرام وِیڈ برآمد ہوئی جب کہ باچا خان انٹرنیشنل ائیرپورٹ پشاور سے شارجہ جانے والے 2 ملزمان کے ٹرالی بیگ سے 3 کلو500 گرام آئس برآمد کی گئی۔

کراچی انٹرنیشنل ائیرپورٹ پر تعینات اے این ایف اہلکاروں نے بنکاک جانیوالے 2 ملزمان اور خاتون کے پیٹ سے مجموعی طور پر 150 ہیروئن بھرے کیپسولز برآمد کیے۔دوسری جانب نیشنل ہائی وے روڈ حیدرآباد کے قریب ٹرک سے 119 کلو چرس برآمد کرکے 2 ملزمان کو گرفتار کیا گیا جب کہ نیشنل ہائی وے پرسکھر کے قریب مہراب پور کے رہائشی ملزم سے 11 کلو چرس برآمد کی گئی۔ترجمان کا مزید کہنا تھا کہ مُلزمان کیخلاف انسدادِ منشیات ایکٹ کے تحت مقدمات درج کرلیے گئے۔

ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

ناکے پر کیوں نہیں رکے؟ پولیس اہلکار نے شہری پر گولیاں چلا دیں

بارہ سالہ بچی کی نازیبا ویڈیو بنانے والا ملزم گرفتار

دسمبر 1, 2022
عالمی سطح پر پہلی مرتبہ پاکستان کی آواز سنی گئی:وزیراعظم

اسلام آباد:وزیراعظم شہبازشریف کا کہنا ہے کہ سیلاب متاثرین کی مدد کرنیوالے ممالک کا شکریہ ادا کرتا ہوں۔ مشکل کی اس گھڑی میں کی جانے والی امداد کو ہمیشہ یاد رکھا جائے گا۔کوپ 27 میں کامیاب موسمیاتی سفارتکاری میں کردار اداکرنے سے متعلق تقریب سے خطاب میں وزیراعظم کا کہنا تھا کہ فریقین کو مبارکباد پیش کرتاہوں۔ عالمی سطح پر پہلی مرتبہ پاکستان کی آواز سنی گئی۔

وزیراعظم نےکہا کہ بلاول بھٹو،شیری رحمان اور مریم اورنگزیب نے عالمی فورم پر بھرپور کردار اداکیا،انہوں نے کہا کہ یہ پہلی مرتبہ ہوا پاکستان کی آوازعالمی سطح پرسنی گئی، پاکستان خیرات نہیں بلکہ موسمیاتی انصاف چاہتا ہے، دعاگو ہیں جو پاکستان کےساتھ ہوا وہ کسی دوسرے ملک کےساتھ نہ ہو۔

شہباز شریف نے کہا کہ تلخ حقیقت ہےجو پاکستان میں ہوا وہ یہاں تک محدود نہیں رہے گا، پاکستان اُس چیز کا شکارہوا جو ہماری پیدا کردہ ہی نہیں، ترقی یافتہ ممالک میں کاربن کااخراج بہت زیادہ ہے، موسمیاتی تبدیلی کے اثرات روکنے کیلیے عالمی سطح پراقدامات کرنا ہوں گے۔

شیری رحمان اور حناربانی کھر نےپاکستان کی کامیابی سے آگاہ کیا شہبازشریف نے کہا کہ حالیہ سیلاب سے پاکستان میں بہت نقصان ہوا، موسمیاتی تبدیلی کے باعث بارشوں سے پاکستان میں بے پناہ تباہی ہوئی۔ سیلاب میں لوگوں کے گھر اجڑگئے، فصلیں تباہ ہوگئیں۔

ان کا کہنا تھا کہ پیرس معاہدے میں ماحولیاتی تبدیلی کے اثرات روکنے کے لیے 100 ارب ڈالر کا عہد کیا گیا تھا، پاکستان اس چیز کا شکار ہوا جو ہماری پیدا کردہ نہیں ہے، ترقی یافتہ ممالک میں کاربن کا اخراج بہت زیادہ ہے، موسمیاتی تبدیلیوں کے اثرات روکنے کے لیے عالمی سطح پر عملی اقدامات کرنا ہوں گے، وزارت خارجہ، وزارت موسمیاتی تبدیلی اور تمام متعلقہ اداروں کے کردار کو سراہتا ہوں۔ان کا کہنا تھا کہ سیلاب کے باعث 33ملین لوگ متاثر ہوئے جبکہ 30بلین ڈالرکا نقصان ہوا۔ وفاقی حکومت نے سندھ اوربلوچستان کی صوبائی حکومتوں نےمتاثرین کی بھرپور مدد کی۔

ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

ناکے پر کیوں نہیں رکے؟ پولیس اہلکار نے شہری پر گولیاں چلا دیں

بارہ سالہ بچی کی نازیبا ویڈیو بنانے والا ملزم گرفتار

دسمبر 1, 2022
فرانس میں ڈاکٹروں کی ہڑتال:مریض رُل گئے

فرانسس کی ڈاکٹرز اینڈ بائیولوجسٹ یونین نے موجودہ ہیلتھ سروسز ٹیرف کے خلاف ملک بھر کے پرائیوٹ ڈاکٹروں اور بائیولوجسٹ سے دو روزہ ہڑتال کی اپیل کی ہے۔دوہزار پندرہ سے فرانسیسی ڈاکٹروں کا ایک گروپ اپنے مطالبات کی منظوری کے لیے حکومت پر دباؤ ڈالنے کی غرض سے ہڑتال کی اپیل کرتا رہا ہے۔ فیوچر ڈاکٹرز نامی نوجواں ڈاکٹر کی یہ تحریک محض چند ہفتوں میں فیس بک پر پندرہ ہزار ممبر بنانے میں کامیاب رہی ہے اور اس میں مسلسل اضافہ ہورہا ہے۔

ایک لاکھ دس ہزار فرانسیسی ڈاکٹروں اور بائیولوجسٹ میں ہیلتھ سروسز ٹیرف کے معاملے پر شدید غم وغصہ پایاجاتا ہے۔فیوچرڈاکٹرز نامی تنظیم، اپنی فیسوں میں دو گنا اضافے کا مطالبہ کر رہی ہے۔ اور اس کا کہنا ہے کہ وزٹ فیس پچیس یورو سے بڑھا کر پچاس یوروکردی جائے جو یورپی یونین کے دیگر ملکوں کے برابر ہے۔فرانسیسی تنظیم یونین فار فری میڈیسن یو ایف ایم ایل کے سیکریٹری جروم مارٹی کا کہنا ہے کہ بظاہر ہمارا مطالبہ غیر منطقی دکھائی دیتا ہے لیکن اگر یورپی یونین کے دیگر ملکوں میں رائج میڈیکل ٹیرف کو دیکھا جائےتو پھر یہ مطالبہ پوری طرح منطقی دکھائی دے گا۔

کہا جارہا ہے کہ برونکائٹس کی وبا کی وجہ سے ایس او ایس میڈیسن اور چلڈرن ڈاکٹرز ایسوسی ایشن کو اس ہڑتال میں شرکت کی دعوت نہیں دی گئی لیکن اس کے باوجود فرانس بھر میں سیکڑوں کلینک بند ہو جانے کا امکان ہے۔اس سلسلے میں پیرس میں وزارت صحت کی عمارت کے سامنے جمعرات کو ایک مظاہرہ کیا جارہا ہے جس میں سیکڑوں ڈاکٹرز اور بائیولوجسٹ حصہ لے رہے ہیں۔فرانس کے بیس دیگر شہروں سے ایسے ہی مظاہروں کی خبریں موصول ہوئی ہیں ۔

ادھر برطانیہ میں ایمبولینس ڈرائیوروں کی انجمن کا کہنا ہے کہ کام کی سخت شرائط کی وجہ سے انگلینڈ اور ویلز میں ایمبولنس ڈرائیوروں کی تعداد کم ترین سطح پر پہنچ گئی ہے۔
سی جی ٹی این نامی ٹی وی چینل کی رپورٹ کے مطابق انگلینڈ اور ویلز کے ہر دس میں سے ایک ایمبولینس ڈرائیور نے اپنے مطالبات کے حق میں ہڑتال پر جانے کا اعلان کیا ہے تاہم ہڑتال شروع کرنے کی تاریخ کا اعلان ٹریڈ یونین کے فیصلے کے بعد کیاجائے گا۔

ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

ناکے پر کیوں نہیں رکے؟ پولیس اہلکار نے شہری پر گولیاں چلا دیں

بارہ سالہ بچی کی نازیبا ویڈیو بنانے والا ملزم گرفتار

دسمبر 1, 2022
مغرب اپنی لاقانونیت کی پردہ پوشی کرنےکی کوشش کررہا ہے:روس

جنیوا: اقوام متحدہ میں روس کے مستقل مندوب نے نامہ نگاروں سے گفتگو میں کہا ہے کہ یورپی ممالک نے روس مخالف اتنے زیادہ منصوبے تیار کئے ہیں کہ ان پر عمل کرنا خود ان ممالک کے لئے مشکل ہو گیا ہے۔ انھوں نے تاکید کی کہ یورپی ممالک خود قانون بنا کر اسے اقوام متحدہ کے اختیارات میں شامل کرنے کی کوشش کرتے ہیں ۔

واسیلی نبنزیا نے کہا کہ یورپی ممالک کا یہ اقدام اپنے خود ساختہ قوانین پر مبنی نئے بین الاقوامی نظام کا ایک نمونہ ہے۔ یوکرین جنگ کے آغاز کے بعد امریکہ اور یورپی ممالک نے اپنے اقدامات کے ذریعے اس جنگ کی آگ کے شعلوں کو مزید بھڑکا دیا اور وہ روسی اثاثے منجمد کر کے ان کو قبضانے کی کوشش کر رہے ہیں ۔

یورپی کمیشن کی چیئرمین نے ایک بیان میں کہا ہے کہ یورپی کمیشن یوکرین میں روس کے اقدامات کا جائزہ لینے کے لئے اقوام متحدہ کی حمایت سے ایک خصوصی عدالت قائم کئے جانے کے منصوبے پر غور کر رہا ہے۔

اقوام متحدہ میں روس کے نمائندے نے یورپی کمیشن کے روس مخالف منصوبے پر ردعمل کا اظہار کرتے ہوئے کہا ہے کہ یورپی ممالک اس قسم کے منصوبے تیار کر کے روس کے مقابلے میں اپنے غیر قانونی اقدامات کا جواز فراہم کرنے کی کوشش کر رہے ہیں۔

ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

ناکے پر کیوں نہیں رکے؟ پولیس اہلکار نے شہری پر گولیاں چلا دیں

بارہ سالہ بچی کی نازیبا ویڈیو بنانے والا ملزم گرفتار

دسمبر 1, 2022
کراچی؛ گھر میں کھٹمل مار دوا کی گیس بھرنے سے بچی جاں بحق

کراچی: محمود آباد میں گھر کے اندر کھٹمل مار دوا کی گیس بھرنے سے ایک بچی جاں بحق جبکہ ماں اور چار بچوں کی حالت غیر ہوگئی۔تمام افراد کو فوری طور پر اسپتال منتقل کیا گیا ، دو بچوں کی حالت تشویشناک بتائی جاتی ہے۔

محمود آباد کے علاقے اعظم بستی میں رہائشی عمارت کے ایک فلیٹ میں گھر کے اندر گیس بھرگئی جس کے نتیجے میں ایک بچی موقع پر ہی چل بسی ، واقعے میں چار بچے اور ایک خاتون کی حالت غیر ہوگئی۔

واقعے کی اطلاع ملتے ہی پولیس اور ریسکیو ورکرز موقع پر پہنچ گئے اور ہلاک و متاثرہ افراد کو فوری طور پر جناح اسپتال منتقل کیا ، پولیس حکام کا کہنا ہے کہ مذکورہ گھر میں شہزاد نامی شخص اور اس کے اہل خانہ مقیم ہیں۔انھوں نے گزشتہ روز گھر میں کھٹمل مارنے والے گولیاں گھر میں رکھی تھیں جن کے پھٹنے کے بعد گھر میں گیس بھرگئی ، گھر میں گیس یا ہوا کے اخراج (وینٹی لیشن) کا انتظام نہ ہونے کے باعث گیس گھر سے باہر نہ نکل سکی اور گھر کے اندر ہی جمع ہوتی گئی۔

شہزاد صبح کام کاج کی غرض سے گھر سے نکل چکا تھا جبکہ اہل خانہ سورہے تھے جس پر ایک بچی چار سالہ ریچل موقع پر ہی دم توڑ گئی ، دیگر میں اس کے چار بہن بھائی کرسٹینا ، فرسٹینا ، پیٹرسن ، اسرائیل اور ان کی والدہ اسپتال میں زیر علاج ہیں۔دو بچوں کی حالت تشویشناک بتائی جاتی ہے ، پولیس حکام نے مزید بتایا کہ گھر کا مکمل طور پر معائنہ کیا گیا جبکہ خصوصی طور پر گھر کا کچن بھی چیک کیا گیا۔

ابتدائی طور پر گھر میں سوئی گیس بھرنے کی اطلاع موصول ہوئی تھی تاہم سوئی گیس کے لیکیج کے کوئی شواہد نہیں ملے ، پولیس واقعے کی مزید تحقیقات کررہی ہے ۔

ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

ناکے پر کیوں نہیں رکے؟ پولیس اہلکار نے شہری پر گولیاں چلا دیں

بارہ سالہ بچی کی نازیبا ویڈیو بنانے والا ملزم گرفتار

دسمبر 1, 2022
پنجاب سیف سٹیز اتھارٹی اور چینی کمپنی نے مصالحتی معاہدے پر دستخط کر دیے

پنجاب سیف سٹیز اتھارٹی اور چینی کمپنی نے مصالحتی معاہدے پر دستخط کر دیے

پنجاب سیف سٹیز اتھارٹی اور چینی کمپنی ہوارے نے مصالحتی معاہدے پر دستخط کر دیے ہیں۔ چیف آپریٹنگ آفیسر محمد کامران خان نے بتایا کہ معاہدے کے تحت چینی کمپنی سیف سٹیز کے مکمل سسٹم کو 100 فیصد فعال کرے گی۔ معاہدے کے تحت حکومت پنجاب کو کوئی اضافی رقم ادا نہیں کرنا ہوگی اور چینی کمپنی ابتدائی معاہدے کے تحت ایک ڈالر 104 روپے کے مطابق مینٹینس کے کام کرے گی۔

پنجاب سیف سٹیز اتھارٹی اور چینی کمپنی ہواوے کے درمیان مصالحتی معاہدے پر دستخط کی تقریب سیف سٹیز ہیڈکوارٹر قربان لائن میں منعقد ہوئی۔ چینی کونسل جنرل مسٹر مسٹر زاؤ شیرین اور صوبائی وزرا مشیر داخلہ پنجاب عمر سرفراز چیمہ، وزیر پارلیمانی امور راجہ بشارت مہمان خصوصی تھے۔ قائم مقام آئی جی پنجاب کنور شاہ رخ، چینی کمپنی کے ڈپٹی سی ای او احمد بلال سمیت سینئر عہدیداروں نے تقریب میں خصوصی طور پر شرکت کی۔ اس موقع پر میڈیا کے نمائندوں سے گفتگو میں چیف آپریٹنگ آفیسر محمد کامران خان نے بتایا کہ سیف سٹیز سے مذاکرات کی بدولت چینی کمپنی اپنے تمام مطالبات سے دستبردار ہوگئی ہے اور چینی کمپنی اور حکومت کو ہماری شرائط پر رضامند کرنا حکومت پنجاب اور سیف سٹیز کی بڑی کامیابی ہے۔ انہوں نے بتایا کہ چینی کمپنی کے انجینئرز پاکستان آکر 3 سے 4 ماہ میں پراجیکٹ کو مکمل فعال کریں گے۔ چیف آپریٹنگ آفیسر نے بتایا کہ پراجیکٹ کیلئے تمام ضروری ہاورڈوئیر اور سافٹ وئیر چینی کمپنی اپنے خرچ پر فراہم کریگی۔ انہوں نے کہا کہ پنجاب سیف سٹیز اتھارٹی اور چینی کمپنی کے مابین تمام مسائل حل ہو گئے جبکہ پنجاب کابینہ اس تصفیاتی معاہدے کی پہلے ہی منظوری دے چکی ہے۔ اس سے قبل کابینہ اور ذیلی کمیٹیوں میں معاہدے پر تفصیلی مشاورت ہوئی جس کے بعد ہم نے یہ سنگ میل عبور کیا ہے۔

کامران خان نے بتایا کہ چینی کمپنی سیف سٹیز پراجیکٹ میں جدید ٹیکنالوجی کی ضرورتوں کے مطابق جدت لائے گی اور سیف سٹیز اتھارٹی اک نئے عزم کیساتھ منصوبے کو عوامی امنگوں کے مطابق پروان چڑھائے گی۔ انہوں نے بتایا کہ سیف سٹیز ایک قومی سلامتی کا مں صوبہ اور جدید پولیسنگ کا شاہکار ہے۔ لاہور پراجیکٹ کے بعد قصور اور ننکانہ صاحب میں سیف سٹیز کا جدید سسٹم انسٹال کیا گیا۔ رواں مالی سال میں مرید کے اور سیالکوٹ سیف سٹیز منصوبوں پر کام جاری ہے۔ حکومت پنجاب کی ہدایات پر سیف سٹیز اتھارٹی راولپنڈی میں بھی جدید سینٹر قائم کر رہی ہے۔ ایک سوال کے جواب میں انہوں نے بتایا کہ چینی کمپنی کے پروپرائٹی سلوشن کے باعث بہت سے سافٹ وئیر اور ہارڈ وئیر کے استعمال کیلئے کمپنی کی مدد لازم تھی۔ معاہدے کے روشنی میں اب تمام تکنیکی رکاوٹیں ختم ہو چکی ہیں اور پراجیکٹ مکمل طور پر فعال ہو رہا ہے۔ چیف آپریٹنگ آفیسر حمد کامران خان نے کہا کہ مسائل کے حل کیلئے حکومت پنجاب اور چینی حکومت کی مدد پر نہایت ممنون ہیں۔ حکومت کی مدد سے صوبہ بھر کو محفوظ بنانے کیلئے پرعزم ہیں۔ چینی کمپنی کے ڈپٹی سی ای او احمد بلال مسعود نے کہا کہ کمپنی سیف سٹیز پراجیکٹ کو مکمل فعال بنانے کیلئے ہرممکن مدد فراہم کرے گی۔ انہوں نے کہا کہ سیف سٹیز سٹیٹ آف دی آرٹ منصوبہ ہے جو دہشت گردی کے خاتمے، کرائم کنٹرول اور ٹریفک مینجمنٹ میں مثالی کردار ادا کر رہا ہے۔ سیف سٹیز صرف کیمروں سے نگرانی کا منصوبہ نہیں بلکہ اس میں ٹیکنالوجی، ڈیٹا اور اینالیسزکی متعدد سہولیات ہیں۔

چلغوزے سستے،پڑھا لکھا ایس ایچ او،تمباکو کی قیمت ،مردم شماری کیلئے فنڈ ،کابینہ کے فیصلے

تمباکو نوشی کے استعمال کے خلاف مہم،ویب سائٹ کا افتتاح

تمباکو نوشی کے خلاف کرومیٹک کے زیر اہتمام کانفرنس :کس کس نے اور کیا گفتگو کی تفصیلات آگئیں

تمباکو سیکٹر میں سالانہ 70 ارب روپے کی ٹیکس چوری کا انکشاف

جب حکمران ٹکٹ ہی ان لوگوں کو دیں جن کا کاروبار تمباکو اور سگریٹ سے وابستہ ہو تو کیا پابندی لگے گی سینیٹر سحر کامران

تمباکو نوشی کا زیادہ استعمال صحت کے لئے نقصان دہ ہے،ڈاکٹر فیصل سلطان مان گئے

دسمبر 1, 2022
نئی ایل سی پالیسی کےباعث ملک میں دواؤں کی شدید قلت کا خطرہ

اسلام آباد:ایل سی کے حوالے سے نئی پالیسی کے باعث ملک میں دواؤں کے خام مال کا ذخیرہ صرف دوماہ کا رہ گیا ہے۔ فارما انڈسٹری نے حکام کو آگاہ کردیا۔قومی اسمبلی کی قائمہ کمیٹی صحت کی ذیلی کمیٹی کے اجلاس میں پاکستان فارماسوٹیکل مینوفیکچرر ایسوسی ایشن نے خطرے کی گھنٹی بجا دی۔

ملک کے پہلے وزیراعظم لیاقت علی خان کے بیٹے اکبر لیاقت وفات پا گئے

صدر پاکستان فارماسوٹیکل مینوفیکچرر ایسوسی ایشن ارشد محمود کا کہنا ہے کہ دو ماہ کے بعد اچانک دوائیاں شارٹ ہونا شروع ہو جائیں گی۔ارشد محمود نے کہا کہ وزیراعظم اور سرکاری اداروں کو دیکھنے کی ضرورت ہے کہ اسٹیٹ بینک نے جو ایل سی نہ کھولنے کے حوالے سے زبانی احکامات دیے ہیں اس کے باعث دو ماہ کے بعد دوائیں دستیاب نہیں رہیں گی۔

58 سالہ شخص کے پیٹ سے نکلے ڈیڑھ کلو وزنی 187 سکے،ڈاکٹرز بھی حیران

دوا ساز کمپنیوں کا مؤقف ہے کہ انہیں پہلے ہی دواؤں کی کم قیمتوں کے باعث مسائل اور بحران کا سامنا ہے اگر نیا خام مال درآمد کرنے میں سہولیات نہ دی گئیں تو نتیجہ دواؤں کی قلت کی صورت میں ہی نکلے گا۔

یاد رہے کہ اس سے چند ماہ قبل بھی دوائیوں کا بحران پیدا ہوگیا تھا اور انتہائی قیمتی اور جان بچانے والی ادویات ایک تو ناپید ہوگئیں دوسرا وہ ادویات انتہائی مہنگی ہوگئی تھیں ، جس کی وجہ سے مریضوں کو بہت زیادہ پریشانی کا سامنا کرنا پڑا ہے

دسمبر 1, 2022
یوم وفات عبدالحلیم شرر

لکھنؤ
وفات:1 دسمبر 1926ء
لکھنؤ

عبدالحلیم شرر (04ستمبر 1860ء تا 01 دسمبر 1926ء) برصغیر کے ایک انتہائی معروف اردو ادیب اور صحافی تھے۔ ناول نگاری میں انھوں نے خصوصی شہرت حاصل کی۔ بہت سے اخبارات اور رسائل سے وابستہ رہے جن میں سے بیشتر انھوں نے خود جاری کیے۔

ابتدائی زندگی اور تعلیم
۔۔۔۔۔۔۔۔۔۔۔
جمعہ، 2 جمادی الثانی 1276ھ (بمطابق 04 ستمبر 1860ء) میں لکھنؤ میں پیدا ہوئے۔ ان کے والد حکیم تفضل حیسن، واجد علی شاہ کے دربار سے تعلق رکھتے تھے۔ اپنے باقی خاندان کی طرح شرر بھی 9 سال کی عمر میں اپنی والدہ کے ساتھ کلکتہ چلے گئے اور والدین کے ساتھ مٹیا برج رہنے لگے۔
کلکتہ میں رہائش کے دوران اپنے والد کے علاوہ سید حیدر علی، مولوی محمد حیدر، مرزا محمد علی صاحب مجتہد اور حکیم محمد مسیح سے عربی، فارسی، منطق اور طب کی تعلیم حاصل کی۔ اسی زمانے میں انگریزی بھی پڑھی لیکن اس کی باقاعدہ تعلیم حاصل نہیں کی۔
1875ء میں اپنے نانا مولوی قمر الدین کی سبکدوشی کے بعد ان کی جگہ نواب واجد علی شاہ کے ہاں ملازم ہوئے۔ دو سال کے بعد یہ ملازمت چھوڑ کر 1877ء میں کلکتہ سے لکھنؤ چلے آئے اور یہاں مستقل سکونت اختیار کر لی۔ یہیں رہائش کے دوران مولوی عبد الحئی کے پاس عربی کی تعلیم مکمل کی۔ 1879ء میں ماموں کی بیٹی سے شادی کے ایک سال بعد دہلی چلے گئے جہاں شمس العلماء میاں نذیر حسین محدث دہلوی سے حدیث کی تعلیم میں سند لی۔ یہیں قیام کے دوران نجی طور پر انگریزی میں بھی خاصی مہارت حاصل کر لی۔

صحافتی زندگی کا آغاز
۔۔۔۔۔۔۔۔۔۔۔
کلکتہ میں قیام کے دوران شرر نے لکھنؤ کے ایک اخبار اودھ اخبار کے نامہ نگار کی حیثیت سے کام کیا۔ دہلی سے لکھنؤ واپس آئے تو منشی احمد علی کسمنڈوی نے اخبارات میں مضامین لکھنے کی طرف توجہ دلائی۔ ان مضامین کی مقبولیت کے نتیجے میں 1880ء میں لکھنؤ واپس آنے پر منشی نولکشور نے شرر کو اودھ پنج کے ادارتی عملے میں شامل کر لیا۔ ان کے مضامین کو خوب شہرت ملی۔ اس اخبار میں 1884ء تک کام کیا۔
اودھ اخبار کی ملازمت کے دوران شرر نے اپنے ایک دوست مولوی عبد الباسط کے نام سے محشر نامی ہفت روزہ رسالہ جاری کیا۔ یہ رسالہ شرر کے مضامین کی وجہ سے بے انتہا مقبول ہوا۔ خیال کیا جاتا ہے کہ اس رسالے کی شہرت کی وجہ سے ان کو حیدرآباد میں اودھ اخبار کا نمائندۂ خصوصی بنا کر بھیج دیا گیا۔ حیدرآباد میں چھ ماہ قیام کیا۔ جب انہیں اخبار کی طرف سے لکھنؤ واپس آنے اجازت نہ ملی تو اودھ پنج سے استعفی دے دیا اور واپس لکھنؤ آ گئے۔
ادبی زندگی
۔۔۔۔۔۔۔
شرر نے اپنے اولین ناول دلچسپ کا پہلا حصہ 1885ء میں اور دوسرا حصہ 1886ء میں شائع کیا۔ اور یوں ان کی باقاعدہ ادبی زندگی کا آغاز ہو گیا۔ انہوں نے 1886ء ہی میں بنکم چندر چٹر جی کے ناول درگرش نندنی کا انگریزی سے اردو میں ترجمہ کیا۔
1887ء میں اپنا مشہور رسالہ دلگداز جاری کیا جو 1926ء تک چھپتا رہا۔ دلگداز میں مولانا نے بیش بہا مضامین لکھے جو بعد میں کئی جلدوں میں (مضامین شرر) کے نام سے شائع کیا۔ ان رسائل میں انہوں نے آزاد نظم اور معراء نظم کے تجربات کیے اور یوں اردو شاعری میں نظم کے حوالے سے اہم سنگ میل کی صورت اختیار کی۔
ملک عبد العزیز ورجنا ان کا پہلا تاریخی ناول تھا جو 1888ء میں قسط وارشائع ہوا۔ اس کے بعد 1889ء میں حسن انجلینا اور 1890ء میں منصور موہنا نامی ناول شائع ہوئے۔ 1890ء ہی میں شرر نے اسلامی شخصیات کے بارے میں مہذب نامی رسالہ جاری کیا جو مالی مشکلات کی وجہ سے ایک سال کے اندر ہی بند ہو گیا۔ بعد ازاں، 1891ء میں، قیس و لبنٰی نامی ناول چھپا۔
دورۂ انگلستان
1891ء میں ہی شرر کو نواب وقار الملک کے پاس حیدرآباد میں ملازمت مل گئی۔ 1892ء میں نواب نے انہیں اپنے بیٹے کا اتالیق بنا کر انگلستان بھیج دیا جہاں وہ 1896ء تک مقیم رہے۔ روانگی سے قبل شرر نے تین ناول، دلکش، زید و حلاوہ اور یوسف و نجمہ لکھنے شروع کیے جنہیں ان کی غیر موجودگی میں کسی اور نے مکمل کیا۔ مذکور ناولوں میں سے آخری دو کو بعد میں شرر نے خود بھی مکمل کیا لیکن زید و حلاوہ کا نام تبدیل کر کے فلورا فلورنڈا رکھ دیا۔

فردوس بریں
۔۔۔۔۔۔۔۔
1896ء میں انگلستان سے واپس آ کر دوبارہ حیدرآباد میں مقیم ہو گئے اور اس مرتبہ یہیں سے دل گداز کو جاری کیا۔ 1899ء تک حیدرآباد میں قیام رہا اور اسی دوران اپنے ناول ایام عرب کا پہلا حصہ شائع کیا۔ انہی برسوں میں شرر نے کچھ تاریخی تحقیق کا کام کیا اور اس کو سکینہ بنت حسین میں شائع کیا۔ اس کی اشاعت کے بعد حیدرآباد کے ایک حلقے میں شرر کی شدید مخالفت شروع ہو گئی جس کے نتیجے میں 1899ء میں انہیں حیدرآباد چھوڑنا پڑا۔
لکھنؤ واپس آ کر دل گداز کو یہاں سے دوبارہ جاری کیا۔ 1900ء میں پردہ عصمت کے نام سے ایک پندرہ روزہ رسالہ نکالا۔ لکھنؤ میں یہ قیام 1901ء تک رہا اور یہی وہ دور تھا جس میں شرر نے اپنا شہرۂ آفاق ناول فردوس بریں تحریر کیا۔ یہ ناول 1899ء میں شائع ہوا۔
اس دور کی دیگر تصانیف یہ ہیں:
۔۔۔۔۔۔۔۔۔۔۔
حسن بن صباح (تاریخی رسالہ)
ایام عرب، (حصہ دوم) (1900ء)
مقدس نازنین (1900ء)
ڈاکو کی دلہن (ایک انگریزی ناول کا ترجمہ) (1900ء)
بدر النساء کی مصیبت (1901ء)
گو 1899ء میں شرر واپس لکھنؤ آ گئے تھے لیکن ان کی حیدرآباد والی ملازمت بدستور جاری رہی اور نواب وقار الملک اور مولوی عزیز مرزا کی وجہ سے انہیں تنخواہ مسلسل لکھنؤ پہنچتی رہی۔
1901ء میں انہیں واپس حیدرآباد بلا لیا گیا جس کی وجہ سے انہیں دل گداز اور پردہ عصمت بند کرنے پڑے۔ لیکن ان کے حیدر آبد پہنچتے ہی نواب وقار الملک ملازمت سے علاحدہ ہو گئے اور پھر ان کا انتقال ہو گئے جبکہ مولوی عزیز مرزا کا تبادلہ اضلاع میں ہو گیا۔ اس کا نتیجہ یہ ہوا کہ 1903ء میں ملازمت سے برطرف ہو گئے اور واپس لکھنؤ آ گئے۔
1904ء میں دل گداز کو ایک مرتبہ پھر جاری کیا۔ 1907ء تک اپنے قیام میں شرر نے جو کتابیں تحریر کیں ان کی فہرست ذیل میں ہے:
شوقین ملکہ
یوسف و نجمہ
سوانح حیات حضرت جنید بغدادی
تاریخ سندھ
سوانح حیات حضرت ابوبکر شبلی
1907ء میں شرر کو حیدرآباد میں محکمۂ تعلیم کا اسسٹنٹ ڈائریکٹر متعین کر دیا گیا۔ 1908ء میں وہیں سے دل گداز کو پھر جاری کیا۔ لیکن نظام حیدر آباد کی کسی بات پر ناراضی کی وجہ سے حیدرآباد کو پھر چھوڑنا پڑا۔ یہاں قیام کے دوران جو کتب تحریر کیں وہ یہ ہیں:
آغا صادق کی شادی (معاشرتی ناول)
ماہ ملک (تاریخی ناول)
آخری دور[ترمیم]
لکھنؤ واپس آ کر 1910ء میں دل گداز کو پھر یہاں سے جاری کیا اور اس کی اشاعت تمام عمر جاری رکھی۔ 1910ء سے 1926ء ان کی ادبی زندگی کا اہم ترین دور سمجھا جاتا ہے۔ اس دوران انہوں نے تصنیف و تالیف کا کام مسلسل جاری رکھا اور بہت سی کتب شائع کیں جن کی فہرست بلحاظ سال یہ ہے:
1910ء: فلپانا (تاریخی ناول)
1911ء: غیب دان دلہن (ناول)
1912ء: زوال بغداد (تاریخی ناول)۔ تاریخ عصر قدیم (مکمل)
1913ء: رومۃ الکبری (تاریخی ناول)۔ حسن کا ڈاکو (پہلا حصہ)
1914ء: حسن کا ڈاکو (دوسرا حصہ)۔ اسرار دربار رام پور (دو حصے)
1915ء: خوفناک محبت (ناول)۔ الفانسو (ناول)
1916ء: فاتح و مفتوح (ناول)
1917ء: بابک خرمی (ناول – حصہ اول)۔ جویائے حق (ناول – پہلا حصہ)۔ سوانح قرۃ العین۔ تاریخ عزیز مصر۔ تاریخ مسیح و مسیحیت
1918ء: بابک خرمی (ناول – حصہ دوم)۔ تاریخ عرب قبل اسلام
1919ء: جویائے حق (ناول – دوسرا حصہ)۔ لعبت چین (ناول)۔ تاریخ ارض مقدس، سوانح خاتم المرسلین، صقلیہ میں اسلامی تاریخ
1920ء: عزیزۂ مصر (ناول)۔ اسیر بابل (ناول)
1921ء: جویائے حق (ناول – تیسرا حصہ)
1923ء: طاہرہ (ناول)
1925ء: مینا بازار
1926ء: شہید وفا، میوۂ تلخ اور نیکی کا پھل (ڈرامے)
ادبی اعداد و شمار
۔۔۔۔۔۔۔۔
شرر کی چند تصانیف ایسی بھی ہیں جن کی تاریخ اشاعت کے بارے میں یقین سے نہییں کہا جا سکتا۔ اور اسی طرح ان کی تصانیف کی کل تعداد کا اندازہ لگانا بھی مشکل ہے۔ شرر کی تصانیف کی اصل تعداد کے بارے میں مختلف محققین میں اختلاف پایا جا تا ہے۔ مرزا محمد عسکری نے ان کی تصانیف کے جو اعداد و شمار تحریر کیے ہیں وہ یہ ہیں:
اخبارات و رسائل
۔۔۔۔۔۔۔۔
محشر (ہفتہ وار)، دل گداز (ماہ وار)، مہذب (ہفتہ وار)، پردۂ عصمت (پندرہ روزہ)، اتحاد (پندرہ روزہ)، العرفان (ماہ وار)، دل افروز (ماہ وار)، ظریف (ہفتہ وار)، مؤرخ (ماہ وار)۔
تصانیف
۔۔۔۔۔۔۔
موضوع:تعداد
سوانح عمریاں:21
تاریخی ناول:28
دوسرے ناول:14
تاریخ:15
نظم و ڈراما:6
متفرق:18
کل تعداد:102
مجموعات مضامین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شرر کے مضامین کے مجموعات آٹھ جلدوں میں شائع ہو چکے ہیں جن کی تفصیل ذیل کے جدول میں ہے:
عدد جلد تفصیل
جلد اول حصہ اول: شاعرانہ اور عاشقانہ مضامین
حصہ دوم: شاعرانہ اور عاشقانہ مضامین
حصہ سوم: آغاز و اختتام سال کے مضامین
(یہ دل گداز کے اداریے ہیں)
جلد دوم حصہ اول: تاریخی و جغرافیائی مضامین
حصہ دوم: مختلف ملکوں، شہروں اور قوموں کے حالات اور تذکرے
حصہ سوم: ہندوستان میں مشرقی تمدن کا آخری نمونہ
جلد سوم حصہ اول: دنیا کے مختلف مملک کی مشہور عورتوں کا تذکرہ
حصہ دوم: دنیا کے مختلف مملک کی مشہور عورتوں کا تذکرہ
حصہ سوم: دنیا کے مشہور مردوں کے حالات
جلد چہارم ادبی اور تحقیقی مضامین
جلد پنجم اصلاحی مضامین
جلد ششم تاریخی واقعات پر خیال آرائی
جلد ہفتم نظم و ڈراما
جلد ہشتم مقالات شرر
شرر کی تصانیف بے شمار ہیں۔ ان کے ناولوں اور مضامین سے اندازہ ہوتا ہے کہ انہوں نے تاریخ اور خصوصاً اسلامی تاریخ کا اچھا مطالعہ کیا تھا۔ اور پھر تاریخی ناول لکھے۔ مشہور ناول ملک العزیز ورجینا، منصورموہنا، ایام عرب، فلورافلورنڈا، فتح اندلس اور فردوس بریں ہیں۔
شرر نے 01 دسمبر 1926ء میں لکھنؤ میں وفات پائی ۔

دسمبر 1, 2022
اعظم سواتی کو جیل بھجوانے کا حکم

اسلام آباد کی ڈسٹرکٹ اینڈ سیشن کورٹ نے متنازع ٹویٹ کیس میں اعظم سواتی کو 14 روزہ جوڈیشل ریمانڈ پر اڈیالہ جیل بھیجنے کا حکم دے دیا

ایف آئی اے نے جوڈیشل مجسٹریٹ محمد شبیر بھٹی کی عدالت میں اعظم سواتی کو جوڈیشل ریمانڈ پر جیل بھیجنے کی استدعا کی ،ایف آئی اے نے 4 روزہ ریمانڈ ختم ہونے سے قبل ہی عدالت میں درخواست دائر کر دی اعظم سواتی کا 4 روزہ جسمانی ریمانڈ ہفتہ 3 دسمبر کو مکمل ہونا تھا ،ایف آئی اے نے درخواست کی کہ ہم نے تفتیش مکمل کر لی ہے اعظم سواتی سے مزید تفتیش کی ضرورت نہیں ہے ،جوڈیشل مجسٹریٹ شبیر بھٹی نے ایف آئی اے کی درخواست منظور کرتے ہوئے اعظم سواتی کو 14 روزہ جوڈیشل ریمانڈ پر اڈیالہ جیل بھیجنے کا حکم دے دیا

قبل ازیں اعظم سواتی کے خلاف پاکستان کے مختلف شہروں میں درج مقدمات اسلام آباد ٹرانسفر کرنے کی درخواست دائر کی گئی ہے،درخواست تحریک انصاف کے رہنما بابر اعوان نے دائر کی ہے، سپریم کورٹ میں دائر درخواست میں وفاقی حکومت ، ڈی جی ایف آئی اے اور آئی جی سندھ و بلوچستان کو فریق بنایا گیا ہے، سپریم کورٹ میں دائر درخواست میں کہا گیا ہے کہ ایف آئی اے نے اعظم سواتی کو جھوٹے مقدمے میں گرفتار کیا ایف آئی اے مقدمہ کے بعد ملک بھر میں اعظم سواتی کے خلاف متعدد مقدمے درج ہوئے اعظم سواتی کو دیگر علاقوں میں کیسز میں پیش ہونے پر سکیورٹی خطرات ہیں سپریم کورٹ میں دائر درخواست میں عدالت سے استدعا کی گئی ہے کہ اعظم سواتی پر درج تمام مقدمات کو اسلام آباد میں یکجا ٹرانسفر کیا جائے ،سپریم کورٹ میں درخواست التوا کے دوران مقدمات پر آپریشن معطل کیا جائے .

اعظم سواتی مشکل میں پھنس گئے، حکومت کا ایک اور ایکشن

پورے راستے مجھ پر تشدد کیا گیا، میری ویڈیوز بنائی گئیں،اعظم سواتی

نازیبا ویڈیو کی تحقیقات،اعظم سواتی کمیٹی میں پیش نہ ہوئے،ایف آئی اے نے بتائی حقیقت

اسلام آباد:اعظم خان سواتی نے سپاہی سےسینیٹرتک کا سفرکس طرح‌ طے کیا؟

تحریک انصاف کے سینیٹر اعظم سواتی کو گرفتار کر لیا گیا

دسمبر 1, 2022
چین میں احتجاج کے پیچھے مغربی ملکوں خاص طور سے امریکہ کا ہاتھ ہے، چینی صدر

چین کے صدر شی جن پنگ نے اپنے نشری انٹرویو میں کہا کہ چند سو فریب خوردہ عناصر کی جانب سے نظم و نسق خراب کرنے کی کوشش ہرگز برداشت نہیں کی جائے گی۔

صدر شی جن پنگ کا کہنا تھا کہ چین کی ترقی و پیشرفت روکنے میں ناکامی کے بعد دشمن مغربی حکومتیں اوران کے اتحادی ہمارے عظیم اورطاقتور ملک میں ہنگامے کرانے کی کوشش کر رہے ہیں۔

بھارت کی ہندی فلم انڈسٹری پاکستانی گانوں کی چوری میں بھی نمبر ون نکلی

انہوں نے کہا کہ ہم تمام شہریوں کو احتجاج کا یکساں حق دیتے ہیں اور اس کا احترام کرتے ہیں لیکن ہم ان سے یہ کہنا چاہتے ہیں کہ سڑکوں پر نہ نکلیں کیونکہ ہم بات چیت کے ذریعے مشکلات کو حل کرسکتے ہیں۔ انہوں نے کہا کہ یہ بات پوری طرح واضح ہے کہ چین میں کرونا کی نئی بندشوں کے بہانے ہونے والے احتجاج کے پس پردہ مغربی ملکوں اور خاص طور سے امریکہ کا ہاتھ ہے۔

کیا اب پاسپورٹ پر سنگل نام والے پاکستانی متحدہ عرب امارات نہیں جاسکیں گے؟

قابل ذکر ہے کہ پچھلے دنوں کورونا کی نئی بندشوں اور قرنطینہ پالیسی کےخلاف چین کے مختلف شہروں میں لوگوں نے مظاہرے کیے ہیں۔اس سے پہلے چین کے صدر شی جن پنگ نے کہا کہ کمیونسٹ پارٹی آف چائنا کی 20 ویں قومی کانگریس کے اختتام کے فورا بعد یورپی یونین کے تمام رکن ممالک کے نمائندے،یورپی کونسل کے صدر چارلس میشیل کا دورہ چین ، یورپی یونین کے چین کے ساتھ تعلقات کے فروغ کی خواہش کا عکاس ہے۔

امریکی سفیر ڈونلڈ بلَوم نے اعلیٰ تعلیم اور افرادی قوت کی ترقی کے حوالے سے بین…

چین اور یورپ عالمی امن کے تحفظ کی دو بڑی قوتیں، مشترکہ ترقی کی دوبڑی منڈیاں اور انسانی ترقی کی دوبڑی تہذیبیں ہیں۔ چین اور یورپی یونین کے تعلقات آگے بڑھ رہے ہیں۔ باہمی فوائد اور جیت – جیت تعاون چین، یورپ اور بین الاقوامی برادری کے مشترکہ مفادات میں ہے. بین الاقوامی صورتحال بے حد ہنگامہ خیز ہے اور جتنے عالمی چیلنجز سامنے آئیں گے، چین اور یورپی یونین کے تعلقات کی عالمی اہمیت اتنی ہی اجاگر ہوگی۔

دسمبر 1, 2022