Baaghi TV

Tag: تازہ ترین

  • پاک بحریہ نے ساڑھے 8 ارب روپے کی 5800 کلو منشیات پکڑلی

    پاک بحریہ نے ساڑھے 8 ارب روپے کی 5800 کلو منشیات پکڑلی

    کراچی: پاک بحریہ نے بحیرہ عرب میں منشیات کی اسمگلنگ کے خلاف کارروائی کرتے ہوئے ساڑھے 8 ارب روپے کی 5800 کلو منشیات پکڑ لی۔ترجمان پاک بحریہ کے مطابق پاک بحریہ کا شمالی بحیرہ عرب میں دو مختلف مقامات پر انسداد منشیات آپریشن کیا گیا، برآمد شدہ منشیات مزید قانونی کارروائی کے لیے کسٹم حکام کے حوالے کر دی گئیں۔

    برآمد کی گئی منشیات کی مالیت بین الاقوامی مارکیٹ میں تقریباً ساڑھے آٹھ ارب روپے سے زائد ہے۔

     

    دوسری طرف سی آئی اے کراچی نے بڑی کارروائی کی ہے،بین الصوبائی منشیات نیٹ ورک کے خلاف کریک ڈاؤن کیا ہے، بلوچستان سے کراچی آنے والی کار کے خفیہ خانوں میں بھاری مقدار میں منشیات چھپا کر کراچی سپلائی کرنے کی کوشش ناکام۔ دو منشیات فروش گرفتار کر لئے، ایس آئی یو نے گلشن اقبال نزد سٹی لان بلاک 13-ڈی سے دو منشیات فروش گرفتار کر لیے جبکہ ان کے دو مفرور ساتھیوں کی تلاش جاری ہے،

     

     

     

    گرفتار منشیات فروشوں میں سید کاظم علی ولد سید حاجی محمد یعقوب، وقاص عنصر ولد عنصر علی گرفتار جبکہ ان کے دو ساتھی محمد احمد ولد ابرہیم اور پرویز احمد ولد بشیر احمد فرار ہو گئے ہیں،گرفتار و مفرور منشیات فروشوں سے 51 کلو سے زائد چرس اور ایک کار نمبری BCG-44 برآمد کی گئی ہے،ابتدائی تفتیش میں ملزمان نے انکشاف کیا ہے کہ وہ منشیات علاقہ گلستان، قلعہ عبداللہ صوبہ بلوچستان سے برآمد شدہ کار کے خفیہ خانوں میں چھپا کر سپلائی کے لیے کراچی لائے تھے۔ ملزمان نے مزید انکشاف کیا ہے وہ اور ان کے مفرور ساتھی پہلے بھی گرفتار ہو کر جیل جا چکے ہیں۔ ملزمان سے مزید تفتیش جاری ہے۔

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

    غیر ملکی خاتون کے سامنے 21 سالہ نوجوان نے پینٹ اتاری اور……خاتون نے کیا قدم اٹھایا؟

    بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

    50 ہزار میں بچہ فروخت کرنے والی ماں گرفتار

    دوسری جانب ضلع ویسٹ پولیس نے اسٹریٹ کرائم میں ملوث ملزمان کو گرفتار کرلیا۔تھانہ مومن آباد پولیس نے سیکٹر 10 ZMC روڈ پر کاروائی کرکے ملزمان کو گرفتار کیا۔ملزمان سے وارداتوں میں استعمال ہونے والا اسلحہ بمعہ ایمونیشن اور زیراستعمال موٹرسائیکل برآمد کر لیا گیا ہے، برآمدہ موٹرسائیکل نمبری LEN-126 کے متعلق معلومات حاصل کی جارہی ہے۔ملزمان کیخلاف سندھ اسلحہ ایکٹ کے تحت مقدمات درج کر لئے گئے ہیں،گرفتار ملزمان میں اصغر علی ولد محمد عاشق اور محمد مالک ولد محمد عاشق شامل ہیں۔

  • حکومت معاشرے کے پسماندہ طبقات کو تعلیم تک رسائی فراہم کرنے کے لیے پرعزم ہے. احسن اقبال

    حکومت معاشرے کے پسماندہ طبقات کو تعلیم تک رسائی فراہم کرنے کے لیے پرعزم ہے. احسن اقبال

    وفائی وزیر منصوبہ بندی احسن اقبال کا اجلاس سے خطاب ہوئے کہنا تھا کہ حکومت معاشرے کے پسماندہ طبقات کو تعلیم تک رسائی فراہم کرنے کے لیے پرعزم ہے.
    وفاقی وزیر برائے منصوبہ بندی ترقی و خصوصی اقدامات پروفیسر احسن اقبال نے کہا کہ ملک کی ترقی کے اہداف حاصل کرنے کے لئے اعلیٰ تعلیم تک رسائی وقت کی اہم ضرورت ہے جبکہ موجودہ حکومت معاشرے کے پسماندہ طبقات کو تعلیم تک رسائی فراہم کرنے کے لیے پرعزم ہے۔ان خیالات کا اظہار وفاقی وزیر نے بدھ کو ہائیر ایجوکیشن اور افرادی قوت کی ترقی کے بارے میں بین الاقوامی سربراہی اجلاس سے خطاب کرتے ہوے کیا۔

    اس موقع پر خطاب کرتے ہوئے وفاقی وزیر نے کہا کہ یہ سربراہی اجلاس پاکستان کی ترقی کی ترجیحات کے تناظر میں ایک بروقت اقدام ہے کیونکہ پاکستان کے اعلیٰ تعلیمی نظام کے لیے امریکی تعاون کی ایک طویل تاریخ ہے جس میں پرائمری اور بنیادی تعلیم سے لے کر اعلیٰ تعلیمی نظام کو مضبوط بنانے کے لیے سنٹرز آف ایکسیلنس کے قیام تک شامل ہیں۔تقریب میں پاکستان میں امریکی سفیر ڈونلڈ بلوم، ریاست یوٹاہ کے سینیٹر ڈاکٹر کیتھ گروور، چیئرمین ہائر ایجوکیشن کمیشن ایچ ای سی، ڈاکٹر مختار احمد اور دیگر افراد نے شرکت کی۔
    مزید یہ بھی پڑھیں؛
    2035ءتک چین کے جوہری ہتھیارتین گُنا بڑھ کرقریباً 1500 ہوجائیں گے. رپورٹ
    عام انتخابات کے بعد وفاق سمیت چاروں صوبوں میں عوامی راج ہوگا،بلاول
    پولیس کی بروقت کاروائی، ڈکیتی کی کوشش بنائی ناکام،ملزمان گرفتار
    موٹروے بھونگ انٹرچینج کی تعمیرسے متعلق کیس کی سماعت ملتوی
    جامعات میں داخلوں کیلیے انٹربورڈ کا 45 فیصد پاسنگ مارکس پر غور
    وفاقی وزیر نے مزید کہا کہ پاکستان میں نوجوان نہ صرف اپنی مستقبل کی تعلیم کے بارے میں فکر مند ہیں بلکہ اپنی معاش، اپنی ذہنی صحت اور تندرستی کے بارے میں بھی فکر مند ہیں۔ وزارت منصوبہ بندی نے پہلے ہی انکی صحت بالخصوص نفسیاتی معاونت کے لئے اقدامات اٹھا رہی ہے۔یاد رہے کہ پاکستان میں نوجوانوں میں بے روزگاری کی شرح کا تخمینہ 8.5 سے 10 فیصد کے درمیان ہے، 80 فیصد نوجوانوں کی افرادی قوت کے پاس تعلیم کی سطح کم ہے اور اس کی بنیادی وجہ مہارتوں کے معیار، رسائی اور مطابقت میں فرق ہے۔

    وفاقی وزیر کا مزید کہنا تھا کہ ہمیں بحیثیت قوم کلیدی چیلنجوں کا سامنا ہے کہ ہم اپنی نوجوان آبادی کو قومی ترقی کے ایجنڈے اور ترجیحات کی حمایت کے لیے درکار علم اور ہنر سے کیسے آراستہ کریں، اور دوسری طرف، اگر ہم اپنے نوجوانوں کی صلاحیتوں صحیح سمت میں استعمال کرنے میں ناکام رہے تو یہ سب سے بڑا موقع ضائع ہو جائے گا۔یہ بین الاقوامی سربراہی اجلاس پالیسی مکالموں، سمپوزیموں، سیمینارز اور پائیدار ترقی کو آگے بڑھانے کے لیے اعلیٰ تعلیم سے متعلق امور پر ماہرین کی مشاورت کے سلسلے میں پہلا اجلاس ہے۔

  • گرل فرینڈ کی لاش کے 35 ٹکڑے فریج میں رکھنے کے ایک گھنٹے بعد ملزم نے منگوایا کھانا

    گرل فرینڈ کی لاش کے 35 ٹکڑے فریج میں رکھنے کے ایک گھنٹے بعد ملزم نے منگوایا کھانا

    باغی ٹی وی کی رپورٹ کے مطابق گرل فرینڈ کو قتل کر کے لاش کے 35 ٹکڑے کرنے کے کیس میں تحقیقات جاری ہیں، ملزم کو پولیس نے گرفتار کر رکھا ہے، ہر روز نئے انکشافات سامنے آ رہے ہیں

    شردھا کو قتل کرنیوالا پولیس آفتاب پولیس کی تحویل میں ہے، گزشتہ روز اس پر تلواروں سے حملے کی بھی کوشش کی گئی تھی جسے پولیس نے ناکام بنا دیا، پولیس کے مطابق ملزم نے انکشاف کیا ہے کہ شردھا کو قتل کر کے اسکی لاش کے ٹکڑے فریج میں رکھ کر ملزم نے ایک گھنٹے بعد فوڈ ایپ کے ذریعے کھانا آرڈر کیا تھا اور اور کھانا ڈیلیور بھی ہوا تھا، ملزم کا فون جب چیک کیا گیا تو اس دوران یہ بات سامنے آئی کہ ملزم نے آن لائن کھانا ڈیلیور کیا تھا،

    قتل کیس کی تحقیقات کرنے والوں کو ملزم کی جانب سے کھانا منگوانے کے واقعہ پر جھٹکا لگا کہ ایک انسان اپنی دوست کو قتل کر کے اور اسکی لاش کے ٹکڑے کر کے فریج میں رکھنے کے ایک گھنٹے بعد کھانا کیسے کھا سکتا ہے؟ عام طور پر ایسے واقعات میں ملزمان کو کچھ سمجھ نہیں آتی اور وہ پانی تک نہیں پی سکتے ،تحقیقاتی ٹیم کے مطابق دوران تفتیش ملزم کا کہنا ہے کہ اسکی دوست شردھا بار بار تعلق ختم کرنے کا کہتی تھی لیکن آفتاب اس پر رضا مند نہیں تھا اور وہ اس تعلق کو جاری رکھنا چاہتا تھا،وہ شردھا کو کسی اور لڑکے کے ساتھ نہیں دیکھنا چاہتا تھا

    لاہور میں حوا کی دو اور بیٹیاں لٹ گئیں،اغوا کے بعد جنسی زیادتی

    شوہر نے بھائی اور بھانجے کے ساتھ ملکر بیوی کے ساتھ ایسا کام کیا کہ سب گرفتار ہو گئے

    لڑکیوں سے بڑھتے ہوئے زیادتی کے واقعات کی پنجاب اسمبلی میں بھی گونج

    لاہور میں خواتین سے زیادتی کے بڑھتے واقعات،ملزمہ کیا کرتی؟ تہلکہ خیز انکشاف

    نو سالہ بچی سے زیادتی کی کوشش کرنیوالا سگا پھوپھا گرفتار

    خواتین کو دست درازی سے بچانے کیلئے سی سی پی او لاہور میدان میں آ گئے

    خواتین کی تصاویر اور ویڈیوز بنانے والے اوباش ملزمان گرفتار

    یہ ہے پنجاب،ایک روز میں ایک شہر میں جنسی زیادتی کے چھ کیسزسامنے آ گئے

    واضح رہے کہ ملزم نے شردھا واکر کو مئی میں قتل کر کے لاش کے 35 ٹکڑے کر کے فریج میں رکھ دیےتھے، ملزم نے شردھا کی لاش کے ٹکڑے 18 دن میں مختلف مقامات پر پھینکے ,میڈیا رپورٹس کے مطابق دہلی کے علاقے مہرولی میں ملزم نے جس فلیٹ میں اپنی گرل فرینڈ کو قتل کیا تھا ، قتل کے وقت اس نے موٹر چلا دی تھی تا کہ اسکی چیخیں کسی کو سنائی نہی دیں، ملزم نے ممبئی کی شردھا کو قتل کر کے اسکی لاش فریج میں رکھی اور اٹھارہ دن تک لاش کے ٹکڑے شہر کے مختلف علاقوں میں پھینکتا رہا، بھارتی میڈیا کے مطابق ملزم کو پولیس نے گرفتار کر رکھا ہے، ملزم کو دہلی پولیس چھترپور کے جنگلاتی علاقہ میں لے گئی اور تقریبا تین گھنٹے گزارے ،ملزم سے تحقیقات کی گئیں اور اس نے لاش کے ٹکڑے کہاں کہاں پھینکے ان مقامات کے بارے میں ملزم سے پوچھا گیا، پولیس حکام کے مطابق ملزم تیز دماغ والا ہے، ملزم کو ہندی آتی ہے لیکن وہ سوالوں کے جواب انگریزی میں دیتا ہے، ملزم نے تسلیم کیا کہ جب وہ لاش کے ٹکڑے کرتا تھا تو اسوقت قتل کرنے کی طرح موٹر چلا دیتا تھا تا کہ ٹکڑے کرنے کی بھی آوازیں دور تک نہ جائیں،

    ملزم کے پڑوسیوں نے بھارتی میڈیا کو بتایا کہ ملزم کسی سے زیادہ بات چیت نہیں کرتا تھا،شام کو ملزم روز گھر آتا تھا، کسی کے ساتھ اسکی دوستی وغیرہ علاقے میں نہیں تھی، ملزم اپنا کھانا بھی آن لائن ڈلیوری سے منگواتا تھا،اپنی گرل فرینڈ کو قتل کرنے کے بعد ملزم اگلے روز مارکیٹ گیا وہاں سے 23 ہزار کی فریج خریدی، اسے گھر لایا اور لاش فریج میں رکھ دی، جس چاقو سے ملزم لاش کے ٹکڑے کرتا تھا اسے کچرے کے ڈھیر پر پھینک دیا گیا،

    غیر ملکی خاتون کے سامنے 21 سالہ نوجوان نے پینٹ اتاری اور……خاتون نے کیا قدم اٹھایا؟

    بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

    50 ہزار میں بچہ فروخت کرنے والی ماں گرفتار

    واش روم استعمال کیا،آرڈر کیوں نہیں دیا؟گلوریا جینز مری کے ملازمین کا حاملہ خاتون پر تشدد،ملزمان گرفتار

    خاتون کی لاش کے کئے 56 ٹکڑے، ٕگوشت بھی کھایا ، ملزمان کا تہلکہ خیز انکشاف

    گرل فرینڈ کی لاش کے 35 ٹکڑے کرنیوالے ملزم نے کیا عدالت میں جرم کا اعتراف

  •  حکومت گرانے کا بیانیہ پہلے ٹھیک تھا یا اب والا؟ فیصل واؤڈا کا پی ٹی آئی سے سوال

     حکومت گرانے کا بیانیہ پہلے ٹھیک تھا یا اب والا؟ فیصل واؤڈا کا پی ٹی آئی سے سوال

    حکومت گرانے کا بیانیہ پہلے ٹھیک تھا یا اب والا؟ فیصل واؤڈا کا پی ٹی آئی سے سوال

    پی ٹی آئی رہنما فواد چوہدری کی امریکی سفیر ڈونلڈ بلوم سے ملاقات پر سابق رہنما پی ٹی آئی فیصل واوڈا کا ردعمل سامنے آگیا۔ فیصل واوڈا نے ٹوئٹر پر بیان میں طنزیہ انداز میں سوال کیا کہ کیا یہ وہی امریکی سفیر ڈونلڈ لو ہے جس نے سازش سے پی ٹی آئی کی حکومت گرائی؟ کیا اب ڈونلڈ لو سازش کے ذریعے پی ٹی آئی کی حکومت واپس لانے والا ہے؟ کیا اب یہ ڈونلڈ لو ٹھیک ہوگیا ہے؟ حکومت گرانے کا بیانیہ پہلے ٹھیک تھا یا اب والا۔ ماجرا کیا ہے۔


    فیصل واوڈا کو سوشل میڈیا پر امریکی سفارت کار ڈونلڈ بلوم کو امریکی سفیر ڈونلڈ لو سمجھنے پر تنقید کا نشانہ بنایا جا رہا ہے۔ گزشتہ روز پی ٹی آئی رہنما فواد چوہدری نے امریکی سفیر ڈونلڈ بلوم سے ملاقات کی تھی۔ پی ٹی آئی نے سازش کے ذریعے اپنی حکومت ختم کرنے کا الزام ڈونلڈ لو پر عائد کیا تھا۔
    مزید یہ بھی پڑھیں؛
    2035ءتک چین کے جوہری ہتھیارتین گُنا بڑھ کرقریباً 1500 ہوجائیں گے. رپورٹ
    عام انتخابات کے بعد وفاق سمیت چاروں صوبوں میں عوامی راج ہوگا،بلاول
    پولیس کی بروقت کاروائی، ڈکیتی کی کوشش بنائی ناکام،ملزمان گرفتار
    موٹروے بھونگ انٹرچینج کی تعمیرسے متعلق کیس کی سماعت ملتوی
    جامعات میں داخلوں کیلیے انٹربورڈ کا 45 فیصد پاسنگ مارکس پر غور
    ایک صارف نے لکھا کہ؛ ڈونلڈ بلوم پاکستان میں امریکی سفیر ہے جبکہ ڈونلڈ لو امریکہ میں امریکی وزارت خارجہ میں اہم عہدار ہے. یہ دونوں الگ الگ لوگ ہیں.
    علاوہ ازیں تحریک انصاف کے غلیظ کارکنان جو گالیاں دینے میں ماہر ہیں نے فیصل واؤڈا کو غلیظ مغلظات بکیں تاہم یاد رہے یہ وہی لوگ ہیں جو اس وقت فیصل واؤڈا کو اچھا سمجھتے تھے جب وہ پی ٹی آئی میں تھے.

  • گورنر سندھ سے معروف سیاستدان علیم خان کی ملاقات

    گورنر سندھ سے معروف سیاستدان علیم خان کی ملاقات

    کراچی میں گورنر سندھ کامران ٹیسوری سے معروف سیاست دان عبدالعلیم خان نے گورنر ہاؤس میں ملاقات کی۔ملاقات میں کراچی سمیت سندھ سے متعلق مختلف امور پر بات چیت کی گئی۔

     

    ملاقات کے دوران گورنر سندھ کامران ٹیسوری کا کہنا تھا کہ ملک کی معاشی شہ رگ کراچی کی ترقی کے لئے سب ایک پیج پر ہیں۔ بین الصوبائی ہم آہنگی کیلئے مختلف شعبوں میں وفود کے تبادلے ضروری ہیں۔اس موقع پر عبدالعلیم خان نے گورنر سندھ کے کرادر کو سراہتے ہوئے کہا کہ صوبے کی ترقی کے لئے گورنر سندھ کا وژن قابل ستائش ہے۔

    علیم خان عمران خان کے اے ٹی ایم رہے ہیں،آج بڑے نیک بن رہے ہیں‌:عظمیٰ بخاری

     

    اس موقع پر علیم خان نے گورنرسندھ کی خدمات کی تعریف کی اور ان کو سندھ میں جمہوریت اور فلاحی کاموں میں بہترین کردار ادا کرنے پر سراہا ، کامران ٹیسوری نے  بھی اس موقع پر علیم خان کا شکریہ ادا کیا اوران کے لیے نیک خواہشات کا اظہار بھی کیا ،

    علیم خان اور عون چوہدری کی نواز شریف سے ملاقات

     

    ورنرسندھ کامران خان ٹیسوری نے شمسی سوسائٹی ملیر میں دلخراش واقعہ کا نوٹس لے لیا ہے۔ گورنرسندھ نے ایڈیشنل آئی جی کراچی پولیس سے واقعہ کی رپورٹ طلب کرتے ہوئے ملوث عناصر کو ہر صورت قانون کی گرفت میں لانے کی ہدایت دی۔ گورنرسندھ نے جاں بحق افراد کی مغفرت، درجات کی بلندی اور لواحقین کے لئے صبر جمیل اورزخمی افراد کی جلد صحتیابی کے لئے دعا بھی کی۔ گورنرسندھ نے کہا کہ واقعہ کا سن کر شدید دکھ پہنچا۔

    علیم خان نے ایل ڈی اے کی اڑھائی کنال زمین پراپنے ابا جی کی قبر بنا دی،میاں اسلم…

  • کار کے خفیہ خانوں میں منشیات چھپا کرکراچی سپلائی کرنے کی کوشش ناکام

    کار کے خفیہ خانوں میں منشیات چھپا کرکراچی سپلائی کرنے کی کوشش ناکام

    کار کے خفیہ خانوں میں بھاری مقدار میں منشیات چھپا کر کراچی سپلائی کرنے کی کوشش ناکام

    سی آئی اے کراچی نے بڑی کارروائی کی ہے،بین الصوبائی منشیات نیٹ ورک کے خلاف کریک ڈاؤن کیا ہے، بلوچستان سے کراچی آنے والی کار کے خفیہ خانوں میں بھاری مقدار میں منشیات چھپا کر کراچی سپلائی کرنے کی کوشش ناکام۔ دو منشیات فروش گرفتار کر لئے، ایس آئی یو نے گلشن اقبال نزد سٹی لان بلاک 13-ڈی سے دو منشیات فروش گرفتار کر لیے جبکہ ان کے دو مفرور ساتھیوں کی تلاش جاری ہے، گرفتار منشیات فروشوں میں سید کاظم علی ولد سید حاجی محمد یعقوب، وقاص عنصر ولد عنصر علی گرفتار جبکہ ان کے دو ساتھی محمد احمد ولد ابرہیم اور پرویز احمد ولد بشیر احمد فرار ہو گئے ہیں،گرفتار و مفرور منشیات فروشوں سے 51 کلو سے زائد چرس اور ایک کار نمبری BCG-44 برآمد کی گئی ہے،ابتدائی تفتیش میں ملزمان نے انکشاف کیا ہے کہ وہ منشیات علاقہ گلستان، قلعہ عبداللہ صوبہ بلوچستان سے برآمد شدہ کار کے خفیہ خانوں میں چھپا کر سپلائی کے لیے کراچی لائے تھے۔ ملزمان نے مزید انکشاف کیا ہے وہ اور ان کے مفرور ساتھی پہلے بھی گرفتار ہو کر جیل جا چکے ہیں۔ ملزمان سے مزید تفتیش جاری ہے۔

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

    غیر ملکی خاتون کے سامنے 21 سالہ نوجوان نے پینٹ اتاری اور……خاتون نے کیا قدم اٹھایا؟

    بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

    50 ہزار میں بچہ فروخت کرنے والی ماں گرفتار

    واش روم استعمال کیا،آرڈر کیوں نہیں دیا؟گلوریا جینز مری کے ملازمین کا حاملہ خاتون پر تشدد،ملزمان گرفتار

    خاتون کی لاش کے کئے 56 ٹکڑے، ٕگوشت بھی کھایا ، ملزمان کا تہلکہ خیز انکشاف

    گرل فرینڈ کی لاش کے 35 ٹکڑے کرنیوالے ملزم نے کیا عدالت میں جرم کا اعتراف

    دوسری جانب ضلع ویسٹ پولیس نے اسٹریٹ کرائم میں ملوث ملزمان کو گرفتار کرلیا۔تھانہ مومن آباد پولیس نے سیکٹر 10 ZMC روڈ پر کاروائی کرکے ملزمان کو گرفتار کیا۔ملزمان سے وارداتوں میں استعمال ہونے والا اسلحہ بمعہ ایمونیشن اور زیراستعمال موٹرسائیکل برآمد کر لیا گیا ہے، برآمدہ موٹرسائیکل نمبری LEN-126 کے متعلق معلومات حاصل کی جارہی ہے۔ملزمان کیخلاف سندھ اسلحہ ایکٹ کے تحت مقدمات درج کر لئے گئے ہیں،گرفتار ملزمان میں اصغر علی ولد محمد عاشق اور محمد مالک ولد محمد عاشق شامل ہیں۔

  • کے الیکٹرک صارفین کے لئے دو اچھی جبکہ ایک بری خبر

    کے الیکٹرک صارفین کے لئے دو اچھی جبکہ ایک بری خبر

    کے الیکٹرک صارفین کے لئے دو اچھی اور ایک بری خبر;اکتوبر کی فيول ايڈجسٹمنٹ کی مد ميں 2.15 روپے کا ريليف

    کراچی کے بجلی صارفین کے لئے بجلی دو روپے 15 پیسے فی یونٹ سستی کرنے کے ساتھ یکساں ٹیرف کے ذریعے گھریلو اور صنعتی صارفین پر اضافی بوجھ ڈالنے کا فیصلہ کرلیا گيا۔ کراچی والوں کيلئے اچھی اور بری خبر ايک ساتھ ہے، اچھی خبر یہ ہے کہ کے الیکٹرک صارفین کے لئے اکتوبر کی فيول ايڈجسٹمنٹ کی مد ميں بجلی 2 روپے 15 پيسے فی يونٹ سستی کر دی گئی ہے، جب کہ دوسری طرف یکساں ٹیرف کے ذریعے گھریلو اور صنعتی صارفین پر اضافی بوجھ ڈالنے کا فیصلہ ہو گيا۔

    اکتوبر کيلئے بجلی سستی ہونے سے صارفین کو تين ارب 59 کروڑ روپے کا ریلیف ملے گا ۔ فیصلے کا اطلاق کے الیکڑک کے لائف لائن صارفین پر نہیں ہوگا۔ نيپرا حکام کے مطابق کے الیکڑک نے اپنے وسائل سے 32 روپے 96 پیسے فی یونٹ بجلی پیدا کی، سی پی پی اے سے خریدی جانے والی بجلی کی قیمت 12 روپے ایک پیسے فی یونٹ تھی، جب کہ میرٹ آرڈر کی خلاف ورزی سے صارفين پر ایک ارب چھ کروڑ روپے کا اضافی بوجھ پڑا۔

    کے اليکٹرک حکام نے جواز پيش کيا کہ فرنس آئل اور ایل این جی کی قیمتوں میں کمی کي وجہ سے فرق پڑا۔ چيئرمين نيپرا نے اسستفسار کيا کہ اکتوبر میں ڈیزل سے بجلی کیوں پیدا کی گئی؟ کیا اس بارے ميں پیشگی اطلاع دی گئی۔ جس پر کے اليکٹرک حکام نے جواب ديا بجلی کی پیداوار کے لحاظ سے قوانین پر عمل درآمد کیا گیا۔ کراچی والوں کیلئے دوسری بڑی اور اچھی خبر یہ ہے کہ الیکٹرک صارفین کے لئے سہ ماہی ایڈجسٹمنٹ کی مد میں بھی بجلی 7.83 روپے سستی ہوگئی ہے، اور یہ ريليف جولائی سے ستمبر کی سہ ماہی ایڈجسٹمنٹ کی مد میں ديا گيا ہے۔

    اس حوالے سے نیپرا کی جانب سے فیصلہ وفاقی حکومت کو بھجوایا جائے گا۔ دوسری طرف کے الیکٹرک صارفین کیلئے دسمبر سے مارچ 2023 تک بجلی مہنگی کی جائے گی۔ 200 یونٹ والے گھریلو صارفین کیلئے بجلی ایک روپیہ 48 پیسے جب کہ 200 یونٹ سے زائد استعمال کرنے والوں کو بجلی 3 روپے 21 پیسے فی یونٹ مہنگی ملے گی۔ اور صنعتی صارفین کیلئے 4 روپے 45 پیسے فی یونٹ مزید مہنگی ہوگی۔

  • نابینا طالبہ سے زیادتی میں ملوث ٹیچر سمیت اسکول کے تینوں ملازم معطل

    نابینا طالبہ سے زیادتی میں ملوث ٹیچر سمیت اسکول کے تینوں ملازم معطل

    اوکاڑہ:نابینا طالبہ سے زیادتی میں ملوث اسکول ٹیچر سمیت اسکول کےتینوں ملازمین کو معطل کردیا گیا۔ذرائع کے مطابق محکمہ خصوصی تعلیم نے اسپیشل ایجوکیشن سینٹر دیپالپور میں نابینا طالبہ سے مبینہ زیادتی میں ملوث 3 اسکول ملازمین کو معطل کر دیا۔

     

    ڈائریکٹر جنرل اسپیشل ایجوکیشن کے مطابق مبینہ زیادتی میں ملوث 3 ملزمان کو پیڈا ایکٹ کے تحت کاروائی کرتے ہوئے معطل کیا گیا۔ واقعے میں ملوث ملزمان کے خلاف قانون کے مطابق محکمانہ کارروائی کی جا رہی ہے ۔ترجمان محکمہ اسپیشل ایجوکیشن کا کہنا ہے کہ ملازمین میں میوزک ٹیچر کامران، چوکیدار صفدر اور اٹینڈ نٹ اللہ دتہ شامل ہیں ۔

    واضح رہے کہ گزشتہ روز اوکاڑہ کے تھانہ سٹی دیپالپور کی حدود میں اسپیشل ایجوکیشن کی آٹھویں جماعت کی نابینا طالبہ سے زیادتی کاانکشاف ہوا تھا، اس سلسلے میں متاثرہ طالبہ کے والد کی مدعیت میں درج مقدمے میں کہا گیا تھا کہ ملزمان 2 ماہ سے نابینا طالبہ سے زیادتی کررہے تھے اور کسی کو بتانے پر سنگین نتائج کی دھمکیاں بھی دیتے رہے۔

     

     

     

    طالبہ کے والد کی مدعیت میں مقدمہ درج کرکے ملزمان کو گرفتار کرلیا گیا ہے۔ پولیس کے مطابق مدعی مقدمہ محمد خورشید کی دونوں بیٹیاں نابینا ہیں اور اسپیشل ایجوکیشن اسکول میں زیر تعلیم ہیں۔ ایف آئی آر کے مطابق ملزمان نابینا طالبہ کو زیادتی سے متعلق کسی کو بتانے کی صورت میں سنگین نتائج کی دھمکیاں دے کر خاموش رہنے کا کہتے رہے۔

     

    ڈی پی اوکاڑہ کی جانب سے نوٹس لیے جانے کے بعد مقدمہ درج کرکے ملزمان کو گرفتار کرکے حالات میں بند کردیا گیا۔ ملزمان محمد کامران میوزک ٹیچر اور چوکیدار محمد صفدر تقریباً 2 ماہ سے 16 سالہ نابینا بچی کو زیادتی کا نشانہ بنا رہے تھے۔

  • یورپی یونین پولیٹیکل ڈائیلاگ کا آٹھواں دور؛ اگلا دور آئندہ برس اسلام آباد میں منعقد کرنے پر اتفاق ہو گیا

    یورپی یونین پولیٹیکل ڈائیلاگ کا آٹھواں دور؛ اگلا دور آئندہ برس اسلام آباد میں منعقد کرنے پر اتفاق ہو گیا

    یورپی یونین پولیٹیکل ڈائیلاگ کا آٹھواں دور،اگلا دور آئندہ برس اسلام آباد میں منعقد کرنے پر اتفاق ہو گیا.
    پاکستان اور یورپی یونین نے سیاسی مذاکرات کا اگلا دور آئندہ برس اسلام آباد میں منعقد کرنے پر اتفاق کیا ہے۔ فریقین کے درمیان یہ اتفاق رائے برسلز میں پاکستان۔یورپی یونین پولیٹیکل ڈائیلاگ کے آٹھویں دور میں ہوا۔ قائم مقام سیکرٹری خارجہ جوہر سلیم اور یورپین ایکسٹرنل ایکشن سروس کے ڈپٹی سیکرٹری جنرل اینریک مورا نے اپنے اپنے وفود کی قیادت کی۔ دفتر خارجہ کے ترجمان کی جانب سے بدھ کو جاری بیان کے مطابق بات چیت میں فریقین نے پاکستان اور یورپی یونین کے تعلقات کی 60 ویں سالگرہ کے موقع پر سیاسی مکالمے کی خصوصی اہمیت کا خاص طور پر ذکر کیا۔ بات چیت میں پاکستان۔یورپی یونین تعلقات کے ساتھ ساتھ علاقائی اور عالمی پیش رفت کے تناظر میں مختلف امور پر تبادل خیال کیا گیا۔ فریقوں نے کثیر جہتی شراکت داری کی اہمیت کو اجاگر اور باہمی تعلقات کی مثبت رفتار پر اطمینان کا اظہار کرتے ہوئے دوطرفہ تعاون کو مزید وسعت دینے کے لیے مل کر کام جاری رکھنے پر اتفاق کیا۔

    قائم مقام سیکرٹری خارجہ نے ماحولیاتی تبدیلی سے پاکستان میں بڑے پیمانے پر آنے والے سیلاب کے متاثرین کے لیے یورپی یونین کی جانب سے فراہم کی جانے والی بروقت انسانی امداد کو سراہا۔ انہوں نے کہا کہ ایک اہم تجارتی اور ترقیاتی پارٹنر کے طور پر یورپی یونین کی مسلسل حمایت پاکستان کی بحالی اور تعمیر نو کی کوششوں کو مؤثر طریقے سے مدد کرنے اور تباہ شدہ انفراسٹرکچر کی دوبارہ تعمیر کرنے میں اہم ثابت ہوگی۔ فریقین نے تسلیم کیا کہ یورپی یونین کی جی ایس پی پلس سکیم ترقی اور باہمی طور پر فائدہ مند تجارتی تعاون کے لیے تجارت کا ایک کامیاب نمونہ ہے۔ قائم مقام سیکرٹری خارجہ نے نئی جی ایس پی پلس سکیم کی تجویز پر پاکستان کے موقف کا اظہار کرتے ہوئے امید ظاہر کی کہ نئی سکیم میں پائیدار ترقی، غربت کے خاتمے اور روزگار کی فراہمی سمیت باہمی مقاصد کو مناسب طور پر ترجیح دی جائے گی۔ انہوں نے شرکاء کو پاکستان اور یورپی یونین کے درمیان تجارت، سرمایہ کاری اور ترقیاتی تعاون کے دائرہ کار کو متنوع بنانے کے لیے پاکستان کی خواہش سے بھی آگاہ کیا۔

    فریقوں نے یورپی یونین کے فلیگ شپ پروگرام جیسے گلوبل گیٹ وے اور ہورائزن یورپ کے تحت تعاون کے مواقع تلاش کرنے پر اتفاق کیا۔فریقین نے ”مائیگریشن اور موبائلٹی” پر ایک جامع مذاکرات کے حالیہ آغاز کا بھی خیر مقدم کیا۔ یہ مکالمہ یورپ کی طرف ہجرت کے قانونی راستوں کے لیے ایک ادارہ جاتی پلیٹ فارم فراہم کرنے کے ساتھ ساتھ ٹیلنٹ پارٹنرشپ تلاش کرے گا جبکہ پاکستان۔یورپی یونین کے ”ری ایڈمیشن” معاہدہ کے موثر نفاذ کو ممکن بنائے گا۔ قائم مقام سیکرٹری خارجہ نے ڈپٹی سیکرٹری جنرل کو بھارت کے غیر قانونی طور پر زیر قبضہ جموں و کشمیر میں انسانی حقوق کی سنگین صورتحال سے آگاہ کیا۔

    انہوں نے بین الاقوامی برادری پر زور دیا کہ وہ اپنا اثر و رسوخ استعمال کرتے ہوئے بھارت پر زور دے کہ وہ اقوام متحدہ کی سلامتی کونسل کی قراردادوں کا احترام کرے۔انہوں نے کہا کہ 5 اگست 2019 کے بھارتی غیر قانونی اور یکطرفہ اقدامات کا مقصد بین الاقوامی سطح پر تسلیم شدہ تنازعہ کو نقصان پہنچانا اور مقبوضہ علاقہ کے آبادیاتی ڈھانچے کو تبدیل کرنا تھا۔ انہوں نے کہا کہ یہ اقدام اقوام متحدہ کی سلامتی کونسل کی قراردادوں، چوتھے جنیوا کنونشن اور بین الاقوامی قانون کی کھلم کھلا خلاف ورزی ہے۔

    قائم مقام سیکرٹری خارجہ نے اقوام متحدہ کے چارٹر کے اصولوں کے ہمہ گیر اور مستقل اطلاق کے لیے پاکستان کے اصولی موقف کا اعادہ کیا جس میں طاقت کے استعمال کا عدم استعمال، ریاستوں کی خودمختاری اور علاقائی سالمیت کا احترام، تنازعات کا حل اور تمام ریاستوں کے لیے یکساں تحفظ شامل ہیں تاکہ دیرپا امن و سلامتی کو یقینی بنایا جاسکے۔ انہوں نے پاکستان کے اس مطالبہ کو دہرایا کہ مخاصمت کا فوری خاتمہ ہونا چاہئے اور یوکرین کے تنازعہ کا جلد از جلد سفارت کاری اور بات چیت کے ذریعے مذاکرات سے حلل تلاس کیاجانا چاہئے۔ قائم مقام سیکرٹری خارجہ نے افغانستان کو درپیش پیچیدہ چیلنجز کا ذکر کرتے ہوئے افغان عوام کی فلاح و بہبود کو یقینی بنانے کے لیے عبوری افغان حکومت کے ساتھ بین الاقوامی برادری کی مستقل شمولیت کی اہمیت کا اعادہ کیا۔

  • ٹیسٹ میچ کی خوبصورتی ہے کہ وہاں صبر کو آزمایا جاتا ہے،بابر اعظم

    ٹیسٹ میچ کی خوبصورتی ہے کہ وہاں صبر کو آزمایا جاتا ہے،بابر اعظم

    ٹیسٹ میچ کی خوبصورتی ہے کہ وہاں صبر کو آزمایا جاتا ہے،بابر اعظم

    انگلش کرکٹر جوروٹ کا کہنا ہے کہ اسکواڈ میں 15،16کھلاڑی موجود ہیں،ہمارے کچھ کھلاڑیوں کو انفیکشن ہوگیا ،کوئی کھلاڑی دستیاب نہ ہوا تو متبادل میدان میں آئے گا،پاکستانی اسکواڈ اچھے کھلاڑیوں پر مشتمل ہے ،پاکستان میں جیتنا اہم ہو گا،مجھے بھی وائرل انفیکشن ہوا ،24 گھنٹے میں ٹھیک ہو جائیگا، آج کا پریکٹس سیشن لازمی نہیں آپشنل تھا،

    کپتان قومی کرکٹ ٹیم بابر اعظم کا کہنا ہے کہ اچھا کھیل پیش کریں گے ،ٹیم کمبی نیشن کو دیکھ رہے ہیں،کل سے سیریز شروع ہو رہی ہیں، تیاری بہت اچھی ہے،تیاری کے لیے ہمیں ایک ہفتہ ملا ،پلینگ الیون کا اعلان آج شام یا کل تک ہوجائے گا،راولپنڈی میں جتنی بھی کرکٹ کھیلی ہے لوگ انجوائے کرتے ہیں ٹیسٹ میچ کی خوبصورتی ہے کہ وہاں صبر کو آزمایا جاتا ہے،میں پرفیکٹ نہیں، ابھی بہت کچھ سیکھنا ہے،انگلینڈ کے کھلاڑی جلد صحت یاب ہوں گے ،

    انگلینڈ اور پاکستان کے درمیان پاکستان کی سرزمین پر 17 سال بعد پہلا ٹیسٹ یکم دسمبر سے راولپنڈی میں کھیلا جائے گاسیریز کا دوسرا ٹیسٹ نو دسمبر سے ملتان جبکہ تیسرا ٹیسٹ 17 دسمبر سے کراچی میں ہوگا ،انگلش کرکٹ ٹیم ٹی ٹوئنٹی ورلڈ کپ سے قبل بھی پاکستان کا دورہ کرچکی ہے جس میں مہمان ٹیم نے پاکستان سے 7 ٹی ٹوئنٹی میچز کھیلے تھے

    ہ انگلینڈ کرکٹ ٹیم کی پاکستان آمد کا خیر مقدم کرتے ہیں

    پاکستان اور انگلینڈ ٹیسٹ سیریز کی ہونے والی ٹرافی کی تقریب رونمائی ملتوی