Baaghi TV

Tag: تازہ ترین

  • عمران خان آئینی راستہ نکالنےکی کوشش کررہےہیں:شاہ محمود قریشی کا کھاریاں میں خطاب

    عمران خان آئینی راستہ نکالنےکی کوشش کررہےہیں:شاہ محمود قریشی کا کھاریاں میں خطاب

    کھاریاں: وائس چیئرمین تحریک انصاف شاہ محمود قریشی کا کہنا ہے کہ عمران خان آئینی اور جمہوری راستہ نکالنے کی کوشش کررہے ہیں۔کھاریاں میں پریس کانفرنس کے دوران شاہ محمود قریشی کا کہنا تھا کہ غیر یقینی صورتحال کیا پاکستان کے مفاد میں ہے، مسلم لیگ ن اہم تعیناتی پر ملک کو بحرانوں میں کیوں دھکیل رہی ہے۔

    شاہ محمود قریشی کا کہنا تھا کہ سعودی ولی عہد محمد بن سلمان کا اہم دورہ کا بھی کینسل ہو چکا ہے، سعودی ولی عہد کے آنے سے ملک کی جو معاشی صورتحال میں بہتری ہونی تھی وہ کھٹائی میں پڑ گئی ہے۔

    رہنما تحریک اںصاف کا کہنا تھا کہ ساری صورتحال بے یقینی کی ہے جس پر پوری قوم پریشان ہے، ملک کو بحران سے نکالنے کا واحد راستہ عام انتخابات ہیں۔شاہ محمود قریشی کا کہنا تھا کہ الیکشن نئی اصلاحات کے مطابق ہی ہونا چاہیں، حکومت الیکشن اصلاحات پر بہانے تلاش نہ کرے۔ مزید کہا کہ وزیرآباد واقعے کے ایف آئی آر کے مطالبے پر آج بھی قائم ہے۔

    شاہ محمود قریشی کا کہنا تھا کہ ملکی معاشی بحران کے ذمہ دار کون ہیں، بزنس کمیونٹی کی اکثریت کہہ رہی ہے کہ ملکی معیشت کی سمت درست نہیں ہے ان چھ ماہ میں مہنگائی بیروزگاری میں بتدریج اضافہ ہوا ہے۔

    سابق وفاقی وزیر نے کہا کہ ہم نے ان تمام مسائل اور سیاسی عدم استحکام کا حل پیش کیا ہے کہ فوری انتخابات کرائے جائیں لیکن اس پر توجہ نہیں دی جا رہی۔

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • پاکستان نےپھرسےقومی کھیل ہاکی میں مقام حاصل کرنا شروع کردیا:حکومت مزید کردارادا کرے:خالد سجاد کھوکھر

    پاکستان نےپھرسےقومی کھیل ہاکی میں مقام حاصل کرنا شروع کردیا:حکومت مزید کردارادا کرے:خالد سجاد کھوکھر

    لاہور:پاکستان ہاکی فیڈریشن کے صدر بریگیڈیئر ر خالد سجاد کھوکھر نے کہا کہ پاکستان ہاکی ٹیم میں باصلاحیت کھلاڑیوں کومیرٹ کی بنیاد پر موقع دیا گیا، نوجوان کھلاڑیوں نےسلطان اذلان شاہ ہاکی کپ میں اپنی صلاحیتوں کےبھرپور جوہر دکھائے اور ایونٹ میں گیارہ سال بعد وکٹری سٹیڈ پر جگہ بنائی، پاکستان ہاکی فیڈریشن نے نامساعد مالی حالات کے باوجود اینگرو کارپوریشن کے تعاون سے انٹرنیشنل ہاکی ایونٹ میں پاکستان کی شرکت کو یقینی بنایا اور ٹیم کانسی کا تمغہ لے کر وطن واپس لوٹی۔

    پاکستان ہاکی فیڈریشن کے صدر بریگیڈیئر ر خالد سجاد کھوکھر نے کہا کہ میں درخواست کرتا ہوں کہ ایف آئی ایچ نیشن کپ میں شرکت کے لئے حکومت پاکستان ہاکی ٹیم کو فنڈز فراہم کرے، وزیر اعلی سندھ سید مراد علی شاہ اور سندھ حکومت نے ہمیشہ پاکستان ہاکی کا ساتھ دیا جس پر انکے مشکور ہیں۔

    پاکستان ہاکی فیڈریشن کے صدر بریگیڈیئر ر خالد سجاد کھوکھر نے کہا کہ پاکستان ہاکی ٹیم نے جس بہترین انداز میں سلطان اذلان شاہ ہاکی کپ میں پرفارم کیا ہے اس سے مستقبل کے ایونٹ کیلئے کھلاڑیوں کے حوصلے بلند ہوئے ہیں.قومی ہاکی ٹیم نے ایشیئن چیمپیئن جاپان کو شکست دیکر وکٹری اسٹینڈ پر آکر قوم کے دل جیت لئے ہیں. ہم سب کو چائیے کھلاڑیوں کی حوصلہ افزائی کریں. قومی کھیل ہاکی کودیگر کھیلوں کی طرح حکومتی اور پرائیوٹ اداروں کی سپورٹ کی ضرورت ہے. سب کو قومی کھیل کی ترقی و ترویج کیلئے آگے بڑھنا چائیے. تاکہ قومی کھیل کو کھویا ہوا مقام واپس مل سکے.

    صدر پی ایچ ایف برگیڈیئر ر خالد سجاد کھوکھر نے کہا کہ پی ایچ ایف نے نامساعد مالی حالات کے باوجود پاکستان ٹیم کو انٹرنیشنل ایونٹ میں شرکت کے لئے بھجوایا جس کے لئے حکومت سندھ اور اینگرو کارپوریشن کے بے حد مشکور ہیں۔ انہوں نے کہا کہ میں اینگرو کارپوریشن کا مشکور ہوں کہ انہوں نے قومی ہاکی ٹیم کو اس کڑے وقت میں سپانسر کرکے قومی ساکھ کو قائم رکھا۔ نوجوان کھلاڑیوں نے ایونٹ میں اپنی صلاحیتوں کے جوہر دکھائے اور پاکستان کے لئے کانسی کا تمغی حاصل کیا جوکہ پاکستان کے لئے اعزاز کی بات ہے۔

    صدر پی ایچ ایف نے مزید کہا کہ پاکستان ہاکی ٹیم کی ایف آئی ایچ نیشن کپ میں شرکت لازمی ہے جس میں فتح کی صورت میں اولمپکس کوالیفائی کرنے کے چانسز موجود ہین جبکہ پرولیگ میں بھی شرکت کا موقع ملے گا جس سے پاکستان کی رینکنگ میں مزید بہتری آئے گی۔ صدر پاکستان ہاکی فیڈریشن برگیڈیئر رخالد سجاد کھوکھر نے کہا کہ حکومت پاکستان سے درخواست کرتا ہوں کہ پاکستان ہاکی ٹیم کو فنڈز فراہم کریں تاکہ پاکستان ایف آئی ایچ نیشن کپ میں شرکت کرسکے جس میں جیتنے کی صورت میں اولمپکس اور پرو لیگ میں شرکت یقینی ہے۔

    صدرپی ایچ ایف نے مزید کہا کہ پاکستان اگر اس انٹرنیشنل ایونٹ میں شرکت نہیں کرے گا تو پاکستان پر بھاری جرمانہ عائد ہوگا اور پابندی لگنے کا خدشہ ہے۔ حکومت پاکستان سے التماس ہے کہ پاکستان ہاکی ٹیم کی انٹرنیشنل ایونٹ میں شرکت کو یقینی بنائے

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • ‘قومی ٹیم نے بہادری سے مقابلہ کیا’، وزیراعظم کی انگلینڈ کو جیت پر مبارکباد

    ‘قومی ٹیم نے بہادری سے مقابلہ کیا’، وزیراعظم کی انگلینڈ کو جیت پر مبارکباد

    لاہور:وزیراعظم شہباز شریف نے ٹی 20 ورلڈ کپ جیتنے پر انگلینڈ کی کرکٹ ٹیم کو مبارکباد دی جبکہ قومی ٹیم کے لئے کہا کہ انہوں نے بہادری سے مقابلہ کیا۔

    خیال رہے کہ انگلینڈ نے پاکستان کو فیصلہ کن معرکے میں 5 وکٹ سے شکست دے کر دوسری مرتبہ چیمپئن بننے کا اعزاز حاصل کیا۔

    قومی ٹیم کی شکست پر سماجی رابطے کی ویب سائٹ ٹوئٹر پر پیغام جاری کرتے ہوئے وزیراعظم شہباز شریف نے لکھا کہ پاکستانی ٹیم نے سخت اور بہادری سے مقابلہ کیا، شاندار باؤلنگ پرفارمنس دی گئی لیکن انگلینڈ نے آج بہتر کھیل کا مظاہرہ کیا۔

    انہوں نے اپنے ٹوئٹ میں مزید لکھا کہ اس میگا ٹورنامنٹ کے فائنل میچ میں جگہ بنانے پر ہمیں اپنے لڑکوں پر فخر ہے۔

    صدر عارف علوی

    صدر مملکت ڈاکٹر عارف علوی نے بھی سماجی رابطے کی ویب سائٹ ٹوئٹر پر اپنے پیغام میں لکھا کہ عمدہ آل راؤنڈر کارکردگی کا مظاہرہ کرتے ہوئے کپ جیتنے پر انگلینڈ کو مبارک دیتا ہوں۔

    اپنے ٹوئٹ میں انہوں نے لکھا کہ پاکستان ٹیم آپ نے اچھا کھیلا، کم سکور کے باوجود اچھی باؤلنگ کی اور اپنی پوری کوشش کی۔

     

    یاد رہے کہ ٹی 20 ورلڈ کپ کے فائنل میں پاکستان کو 5 وکٹ سے شکست دے کر انگلینڈ دوسری مرتبہ چیمپئن بن گیا۔ٹی 20 ورلڈ کپ کا فائنل میلبرن کرکٹ گراؤنڈ میں کھیلا گیا جہاں انگلینڈ کے کپتان جوز بٹلر نے ٹاس جیت کر پاکستان کو پہلے بیٹنگ کی دعوت دی۔

    انگلینڈ اننگز

    138 رنز ہدف کے تعاقب میں انگلینڈ کی جانب سے کپتان جوز بٹلر اور الیکس ہیلز نے اننگز کا آغاز کیا، ہیلز پہلے اوور کی آخری گیند پر شاہین شاہ آفریدی کی گیند پر کلین بولڈ ہوگئے، تاہم جوز بٹلر نے پر اعتماد بلے بازی کا مظاہرہ کیا، وہ 1 چھکے اور 3 چوکوں کی مدد سے 17 گیندوں پر 26 رنز بناکر حارث رؤف کی گیند پر محمد رضوان کو کیچ دے بیٹھے۔

     

    فل سالٹ نے 10 رنز بنائے اور حارث رؤف کی ہی گیند پر افتخار احمد کے ہاتھوں کیچ آؤٹ ہوگئے، چوتھے آؤٹ ہونے والے بیٹر ہری بروک تھے جنہوں نے 20 رنز بنائے اور شاداب خان کی گیند پر حارث رؤف کو کیچ دے بیٹھے۔

     

    اس طرح انگلش ٹیم نے مقررہ ہدف 19 اوورز میں 5 وکٹ کے نقصان پر حاصل کرلیا، بین سٹوکس نے شاندار بلے بازی کا مظاہرہ کیا اور 1 چھکے، 5 چوکوں کی مدد سے 49 گیندوں پر 52 رنز بناکر ناقابل شکست رہے، لیام لیونگسٹون بھی 1 رن بناکر ناٹ آؤٹ رہے۔

    پاکستان کی جانب سے حارث رؤف نے سب سے زیادہ 2 جبکہ شاہین شاہ  آفریدی، شاداب خان اور محمد وسیم جونیئر نے 1،1 وکٹ اپنے نام کی۔

    پاکستان اننگز

    قومی ٹیم نے پہلے کھیلتے ہوئے انتہائی مایوس کن بلے بازی کا مظاہرہ کرتے ہوئے مقررہ 20 اوورز میں 8 وکٹ کے نقصان پر صرف 137 رنز بنائے، اوپنر محمد رضوان 15 رنز بنا کر سیم کرن کا شکار بنے جبکہ ٹیم کے 45 کے مجموعی سکور پر محمد حارث 8 اور بابر 32 رنز بنا کر عادل رشید کی گیند پر آؤٹ ہوئے، افتخار احمد صفر پر بین سٹوکس کی گیند پر آؤٹ ہوئے۔

    شان مسعود کو 38 اور محمد نواز کو 5 رنز پر سیم کرن نے جبکہ شاداب کو 20 رنز پر کرس جورڈن نے آؤٹ کیا جبکہ محمد وسیم جونیئر 4 رنز بناکر پویلین لوٹے۔

    انگلینڈ کی جانب سے سیم کرن نے 3، عادل رشید اور کرس جورڈن نے 2، 2 جبکہ بین سٹوکس نے ایک وکٹ حاصل کی۔

  • فائنل میں ناکامی پر شاداب خان نے قوم سے معافی مانگ لی

    فائنل میں ناکامی پر شاداب خان نے قوم سے معافی مانگ لی

    لاہور:ٹی 20 ورلڈ کپ کے فائنل میں شکست پر شاداب خان نے قوم سے معافی مانگ لی۔میلبرن میں کھیلے گئے ٹی 20 ورلڈ کپ کے فائنل میں انگلینڈ نے پاکستان کو شکست دی۔

    فائنل میں ہار کے بعد قومی ٹیم کے نائب کپتان شاداب خان نے ٹوئٹ کی ہے، جس میں انہوں نے مداحوں سے شکست پر معذرت کی ہے۔شاداب خان نے کہا کہ قومی ٹیم کی مسلسل حمایت پر ہم پاکستانی شائقین کا شکریہ ادا کرتے ہیں۔

    مداحوں سے مخاطب ہوکر شاداب خان نے کہا کہ ہم نے ہر ممکن کوشش کی لیکن آپ کے لئے ٹرافی نہ جیت سکے، آپ کی امیدوں پر پورا نہ اتر سکنے پر معذرت چاہتے ہیں۔شاداب خان نے مزید کہا کہ ہم بحیثیت ٹیم خود کو بہتر کرنے اور مزید مضبوطی سے واپسی کی کوشش کریں گے۔آل راؤنڈر نے کہا کہ ہم پر بھروسہ نہ چھوڑیں، آپ کا اعتماد ہمیں مضبوط بناتا ہے۔

    قومی ٹیم کے نائب کپتان اور آل راؤنڈر شاداب خان پاکستان کی جانب سے ٹی 20 انٹرنیشنل کرکٹ میں سب سے زیادہ وکٹیں حاصل کرنے والے بولر بن گئے ہیں۔

    13 نومبر کو میلبرن میں پاکستان اور انگلینڈ ٹی 20 ورلڈ کپ کے فائنل میں مدمقابل آئے۔میچ کے دوران شاداب خان نے ہیری بروکس کو آؤٹ کرکے اپنی 98 ویں وکٹ لی۔

     

    اس کے ساتھ ہی شاداب خان ٹی 20 انٹرنیشل میں پاکستان کے سب سے کامیاب بولربن گئے۔اس سے قبل شاداب خان اور شاہد آفریدی 97 وکٹوں کے ساتھ پہلے نمبر پر تھے۔

    یاد رہے کہ اس سے پہلےٹی 20 ورلڈ کپ کے فائنل میں پاکستان کو 5 وکٹ سے شکست دے کر انگلینڈ دوسری مرتبہ چیمپئن بن گیا۔ٹی 20 ورلڈ کپ کا فائنل میلبرن کرکٹ گراؤنڈ میں کھیلا گیا جہاں انگلینڈ کے کپتان جوز بٹلر نے ٹاس جیت کر پاکستان کو پہلے بیٹنگ کی دعوت دی۔

    انگلینڈ اننگز

    138 رنز ہدف کے تعاقب میں انگلینڈ کی جانب سے کپتان جوز بٹلر اور الیکس ہیلز نے اننگز کا آغاز کیا، ہیلز پہلے اوور کی آخری گیند پر شاہین شاہ آفریدی کی گیند پر کلین بولڈ ہوگئے، تاہم جوز بٹلر نے پر اعتماد بلے بازی کا مظاہرہ کیا، وہ 1 چھکے اور 3 چوکوں کی مدد سے 17 گیندوں پر 26 رنز بناکر حارث رؤف کی گیند پر محمد رضوان کو کیچ دے بیٹھے۔

    فل سالٹ نے 10 رنز بنائے اور حارث رؤف کی ہی گیند پر افتخار احمد کے ہاتھوں کیچ آؤٹ ہوگئے، چوتھے آؤٹ ہونے والے بیٹر ہری بروک تھے جنہوں نے 20 رنز بنائے اور شاداب خان کی گیند پر حارث رؤف کو کیچ دے بیٹھے۔

    اس طرح انگلش ٹیم نے مقررہ ہدف 19 اوورز میں 5 وکٹ کے نقصان پر حاصل کرلیا، بین سٹوکس نے شاندار بلے بازی کا مظاہرہ کیا اور 1 چھکے، 5 چوکوں کی مدد سے 49 گیندوں پر 52 رنز بناکر ناقابل شکست رہے، لیام لیونگسٹون بھی 1 رن بناکر ناٹ آؤٹ رہے۔

    پاکستان کی جانب سے حارث رؤف نے سب سے زیادہ 2 جبکہ شاہین شاہ آفریدی، شاداب خان اور محمد وسیم جونیئر نے 1،1 وکٹ اپنے نام کی۔

    پاکستان اننگز

    قومی ٹیم نے پہلے کھیلتے ہوئے انتہائی مایوس کن بلے بازی کا مظاہرہ کرتے ہوئے مقررہ 20 اوورز میں 8 وکٹ کے نقصان پر صرف 137 رنز بنائے، اوپنر محمد رضوان 15 رنز بنا کر سیم کرن کا شکار بنے جبکہ ٹیم کے 45 کے مجموعی سکور پر محمد حارث 8 اور بابر 32 رنز بنا کر عادل رشید کی گیند پر آؤٹ ہوئے، افتخار احمد صفر پر بین سٹوکس کی گیند پر آؤٹ ہوئے۔

    شان مسعود کو 38 اور محمد نواز کو 5 رنز پر سیم کرن نے جبکہ شاداب کو 20 رنز پر کرس جورڈن نے آؤٹ کیا جبکہ محمد وسیم جونیئر 4 رنز بناکر پویلین لوٹے۔

    انگلینڈ کی جانب سے سیم کرن نے 3، عادل رشید اور کرس جورڈن نے 2، 2 جبکہ بین سٹوکس نے ایک وکٹ حاصل کی۔

  • راولپنڈی : مسلح ڈاکو تاجر کے گھر سے لاکھوں روپوں کے زیورات لے کر فرار،مقدمہ درج

    راولپنڈی : مسلح ڈاکو تاجر کے گھر سے لاکھوں روپوں کے زیورات لے کر فرار،مقدمہ درج

    راولپنڈی:مسلح ڈاکو تاجر کے گھر سے لاکھوں روپوں کے زیورات لے کر فرار ہو گئے-

    باغی ٹی وی : تفصیلات کے مطابق تھانہ گوجرخان کے علاقے اسکیم ون میں تین مسلح ڈاکو وہاب سیٹھی کےگھرسےایک لاکھ نقدی اور 15 لاکھ روپے مالیت کے 10 تولے سونے کے زیورات لوٹ کر فرارہوگئےمسلح ڈاکو پیدل فرارہوتےوقت مصروف شاہراہ پر موٹر سائیکل سوار باپ بیٹی کو گرا کر موٹرسائیکل چھین کر فرار ہوئے، واردات کی سی سی ٹی فوٹیج سامنے آگئی۔

    سی سی ٹی فوٹیج میں ڈاکوؤں کو گھر سے ڈکیتی کی واردات کرکے مسلح حالت میں فرار ہوتے اور ہوائی فائرنگ کرکے راہ گیروں کو بھاگتے ہوئے بھی دیکھا جاسکتا ہے۔

    سی سی ٹی وی فوٹیج کے مطابق موٹر سائیکل سوار باپ بیٹی کو ڈاکو پاوں سے ٹھوکر مار کر گراتے ہیں دونوں موٹر سائیکل سمیت زمین پر گر جاتے ہیں ڈاکو موٹر سائیکل چھین کر پر فرار ہوجاتے ہیں، مصروف شاہراہ پر ملزمان کی ہوائی فائرنگ اور اسلحہ دیکھ کر کسی نے مداخلت نہیں کی اور ڈاکو بآسانی فرار ہوگئے۔

    پولیس کا کہنا تھا کہ ملزمان فرار ہونے کے بعد چھینی گئی موٹر سائیکل تھانہ روات کے علاقے میں چھوڑ گئے جس کو تحویل میں لے لیا گیا ہے متاثرہ تاجر کی مدعیت میں مقدمہ درج کرکے تفتیش کا آغاز کر دیا گیا ہے، ملزمان کو جلد گرفتار کرلیا جائے گا۔

    امریکا میں ائیر شو کے دوران دوسری عالمی جنگ کے دو طیارے ٹکرا کر تباہ

  • نشئی بیٹے نے روٹی کا توا سر پر مارکر باپ کو ہلاک کردیا

    نشئی بیٹے نے روٹی کا توا سر پر مارکر باپ کو ہلاک کردیا

    کراچی:اتحاد ٹاؤن کشمیری محلے کے رہائشی راج مستری کو اس کے نشے کے عادی بیٹے نے روٹی پکانے کا توا گرم کر کے سر پر مار کر ہلاک کر دیا اور فرار ہوگیا،مقتول 5 بچوں کا باپ تھا۔

    پولیس حکام کے مطابق بلدیہ ٹاؤن کشمیری محلہ روٹ نمبر 20 بس کے اسٹاپ کے قریب ایک شخص کو تشدد کے بعد قتل کردیا گیا۔ مقتول کی شناخت 55 سالہ محمد عمر ولد محمد پریو کے نام سے ہوئی۔

    مقتول کے بیٹے علی رضا نے بتایا کہ وہ کھارادر کپڑا مارکیٹ میں دکان پرکام کرتا ہے، اس کےوالد راج مستری کا کام کرتے تھے،وہ دو بھائی اور 3 بہنیں ہیں، واقعے کے وقت وہ گھر میں موجود نہیں تھا اس کی والدہ نے فون پر بتایا کہ بھائی احمد رضا عرف جوجی نے والد کو روٹی پکانے والا توا چولہے پر گرم کرنے کے بعد سر پر مار دیا جبکہ ان کے جسم کے مختلف حصوں پر بھی وہ گرم توا مارا ہے۔

    بیٹے علی رضا نے بتایا کہ وہ فوری گھر پہنچا تو والد خون میں لت پت پڑے تھے، بلدیہ ٹاؤن نمبر 9 کے ایک نجی اسپتال لے گیا جہاں ڈاکٹروں نے ابتدائی طبی امداد کے بعد سول اسپتال ریفر جہاں والد نے دم توڑ دیا۔

    بیٹے نے بتایا کہ ملزم بھائی محمد عمر عرف جوجی نے والدہ کو بھی چھری سے مارنے کی کوشش کی تاہم وہ بھاگ کر گھر سے باہر نکل گئیں، ملزم ہیروئن سمیت ہر قسم کا نشہ کرتا ہے، دوپہر میں والدہ سے 250 روپے لے کر گیا تھا، اسے والد نے کبھی پیسے دینے سے منع نہیں کیا، سمجھ میں نہیں آرہا کہ اس نے والد کو کس بات پر قتل کیا؟

    مقتول کا آبائی تعلق اندرون سندھ ہالہ سے ہے، مقتول کے بڑے بیٹے علی رضا نے اپنے چچا سے مشورہ کرنے کے بعد والد کا پوسٹ مارٹم کرانے سے انکار کر دیا جبکہ ملزم کے خلاف قانونی کارروائی کرنے کے لیے پولیس سے گزارش کی ہے۔پولیس کا کہنا ہے کہ واردات کے بعد ملزم موقع سے فرار ہوگیا جس کی تلاش میں مختلف مقامات پر چھاپے مارے جا رہے ہیں۔

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • ماضی میں ڈالرکو آزاد چھوڑکرملکی معیشت کا بیڑا غرق کیا گیا:اسحاق ڈار

    ماضی میں ڈالرکو آزاد چھوڑکرملکی معیشت کا بیڑا غرق کیا گیا:اسحاق ڈار

    دبئی:وفاقی وزیر خزانہ اسحاق ڈار نے کہا ہے کہ ماضی میں ڈالر کو آزاد چھوڑ کر ملکی معیشت کا بیڑا غرق کیا گیا۔اطلاعات کے مطابق وزیر خزانہ اسحاق ڈار نے مسلم لیگ ن کی تقریب سے خطاب کرتے ہوئے گزشتہ 4 سال میں معیشت تباہ کر دی گئی، پاکستان سنگاپور کے بجائے سری لنکا بننے کے قریب پہنچ گیا تھا۔
    اسحاق ڈار نے کہا کہ ریاست بچانے کے لیے حکومت کی تبدیلی کا فیصلہ کیا گیا، عوام کو ریلیف دینے کی کوشش کر رہے ہیں، ساتھ ہی پٹرول کی قیمتوں کو کنٹرول کرنے کی کوشش کر رہے ہیں۔

    انہوں نے کہا کہ ڈالر کو آزاد چھوڑ کر ملکی معیشت کا بڑا غرق کیا گیا، ڈالر کی قیمت بڑھنے سے ملکی قرضے میں 4000 ارب روپے کا اضافہ ہوا تھا، ڈالر اور روپے کی قدر میں توازن پیدا کریں گے، ڈالرز کو 200 روپے سے کم کرنے کی کوشش کریں گے، ہماری حکومت کا عزم ہے کہ ڈالر کے مقابلے میں روپے کی قدر کو بہتر کریں گے۔

    وزیر خزانہ کا مزید کہنا تھا کہ شہباز شریف معیشت کو دوبارہ پاؤں پرکھڑا کرنے کے لیے معاشی اصلاحات پرعمل کر رہے ہیں، آئی آیم ایف پروگرام پورا کریں گے، موجودہ مالی سال 32 سے 34 ارب ڈالرزکی ضرورت ہے، امید ہے کہ یہ رقم جمع کر لی جائےگی۔

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • پاکستان ریلوے نے 3 ٹرینوں کے کرائے بڑھا دیئے

    پاکستان ریلوے نے 3 ٹرینوں کے کرائے بڑھا دیئے

    راولپنڈی: پاکستان ریلوے نے 3 ٹرینوں کے کرائے بڑھا دیئے-

    باغی ٹی وی : پاکستان ریلوے نے 3 ٹرینوں کے کرائے بڑھا دیے جبکہ نجی شعبے میں دی گئی4 ٹرینوں کو واپس سرکاری کنٹرول میں کرنے کا فیصلہ کیا گیا ہے۔

    موسمی تبدیلیوں نے پاکستان کے لیے خطرے کی گھنٹی بجادی، ماحول سے متعلق مسائل کی سنگینی میں اضافہ

    راولپنڈی سے کراچی کیلیے تیز گام کا اکانومی کلاس ٹکٹ 2000 روپے سے بڑھا کر 3500 روپے کردیا ہے، راولپنڈی سے لاہور ریل کار کا کرایہ 500 روپے سے بڑھا کر950روپے کر دیا گیا ہے، جعفر ایکسپریس کا کرایہ راولپنڈی سے کوئٹہ 2860 روپے سے بڑھا کر 3700 روپے کر دیا گیا ہے اس پر عملدرآمد کا بھی آغاز ہو گیا ہے۔

    پاکستان ریلوے نے نجی شعبہ میں دی گئی مہر ایکسپریس، بہاؤالدین زکریا ایکسپریس، فرید ایکسپریس اور بلال ایکسپریس رواں ماہ کے آخر پر واپس سرکاری کنٹرول میں لے رہا ہے جس کی تیاریاں شروع کر دی گئی ہیں۔

    پاکستان کے20 غریب ترین اضلاع کی ترقی کیلئے 5 سالہ منصوبے کا آغاز


    گزشتہ روز وفاقی وزیر ریلوے خواجہ سعد رفیق کی زیر صدارت اجلاس ہوا تھا جس میں کہا گیا تھا کہ 20 نومبر کو جعفر ایکسپریس مچھ اسٹیشن تک بحال ہو جائےگی مچھ سے کوئٹہ تک مسافروں کوبسوں پہ بھجوایا جائےگا بلوچستان حکومت سیکیورٹی فراہم کرے گی مسافروں کی حفاظت کیلیے ٹرین کو انجینئرنگ ریسٹرکشنز کے ساتھ چلایا جائے گا-

    اجلاس میں کہا گیا تھا کہریلوے اسٹیشنز کو شمسی توانائی پر منتقل کرنے کے لیے ریوائزڈ پی سی ون کی جلد منظوری لی جائےٹرینوں کی ارننگ اور آکیوپینسی بارے بریفنگ، ایک ایک ٹرین کی ایویلیوایشن ہو گی پشاور ڈویژن میں ریلوے زمینوں پر تجاوزات کے خلاف بھرپور ایکشن کا فیصلہ، ڈی ایس کو ٹاسک دے دیا گیا سکھر ڈویژن میں انجینئرنگ ریسٹرکشنز کم کرنے کے لیے ٹیکنیکل ٹیم کو رپورٹ پیش کرنے کی ہدایت کی گئی-

    ورلڈ کپ فائنل سے قبل وزیراعظم شہباز شریف کا قومی ٹیم کے نام پیغام

  • کراچی:سوئی سدرن نے اچانک اسٹیل مل بیٹری پلانٹ کی گیس بند کردی

    کراچی:سوئی سدرن نے اچانک اسٹیل مل بیٹری پلانٹ کی گیس بند کردی

    کراچی:سوئی سدرن نے اچانک اسٹیل مل بیٹری پلانٹ کی گیس بند کردی،اطلاعات کےمطابق سوئی سدرن نے اچانک اسٹیل مل کے کوک اوون بیٹری پلانٹ کو ملنے والے کنکشن کی گیس بند کردی، جس سے پلانٹ کے تباہ ہونے کا خطرہ پیدا ہوگیا ہے۔اسٹیل مل انجینیرز کے مطابق کوک اوون بیٹری پلانٹ کا گیس پریشر رات گیارہ بجے اچانک زیرو ہوگیا۔

    ایندھن مہنگا ہونے سے چھوٹی گاڑیوں کی ڈیمانڈ بڑھ گئی

    انجینیرز کے مطابق پلانٹ کو گیس فراہمی بحال نہ ہوئی تو مزید پانچ ارب روپے کا نقصان ہوگا، جب کہ بیٹری بیٹھ جانے سے پیداوار کی بحالی کا امکان بھی ختم ہوجائیگا۔گیس بندش سے متعلق انجینیرز نے بتایا کہ سوئی گیس حکام نے گیس فراہمی روکنے کی کوئی وجہ نہیں بتائی۔

    پاکستان انگلینڈ ورلڈ کپ فائنل: آئی سی سی نے رولز میں پھرتبدیلی کردی

    یہاں یہ بات بھی قابل ذکر ہے کہ اس پلانٹ کیلئے گیس کی سپلائی اتنی ضروری ہے کہ اگر کوک اوون بیٹری پلانٹ کی مرمت درکار ہو تو اس موقع پر بھی گیس کی سپلائی میں تعطل نہیں آتا ہے۔

    لاہور میں جدید ٹرانسپورٹ کی سہولتیں، اب چلیں گی بلیولائن انڈر گراؤنڈ ریل گاڑیاں

    دوسری جانب ترجمان ایس ایس جی سی کا کہنا ہے کہ گیس پریشر میں کمی کی معلومات لے کر آگاہ کرتا ہوں۔رپورٹ کے مطابق کوک اوون بیٹری کو غیر فعال ہونے سے بچانے کیلئے کم از کم درجہ حرارت پر رکھا گیا ہے۔

  • پاکستان کے20 غریب ترین اضلاع کی ترقی کیلئے 5 سالہ منصوبے کا آغاز

    پاکستان کے20 غریب ترین اضلاع کی ترقی کیلئے 5 سالہ منصوبے کا آغاز

    اسلام آباد: وزارت منصوبہ بندی نے پاکستان کے20 غریب ترین اضلاع کی ترقی کے لیے 5 سالہ (2022-27) منصوبے کا آغاز کردیا۔

    باغی ٹی وی :سرکاری خبررساں ایجنسی اے پی پی کے مطابق وزارت منصوبہ بندی نے پاکستان بھر کے20 غریب ترین اضلاع کے لیے خصوصی ترقیاتی اقدامات پر مشتمل 5 سالہ منصوبے کا آغاز کیا ہے جس کو سینٹرل ڈیولپمنٹ ورکنگ پارٹی نے منظوری کیلیے ایکنک کو بھیج دیا ہے۔

    اس منصوبے کے پہلے فیز کی تخمینہ لاگت 40 ارب روپے ہے جو وفاقی اور صوبائی حکومتوں کے درمیان پچاس، 50 فیصد لاگت کے اشتراک کی بنیاد پر مکمل کیا جائے گا۔

    وفاقی وزیر احسن اقبال نے سی ڈی ڈبلیو پی نے اجلاس کی صدارت کرتے ہوئے کہا کہ پاکستان کی اقتصادی تاریخ میں اپنی نوعیت کا پہلا منصوبہ ہے جہاں وفاقی حکومت غریب ترین اضلاع کی ترقی کے لیے بھرپور اقدامات اٹھا رہی ہے، منتخب 20 اضلاع میں بلوچستان کے 11، سندھ کے 5، خیبر پختونخوا سے 3 اور پنجاب سے 1 ضلع شامل ہے، ان میں بہت سے اضلاع حالیہ سیلاب کی تباہ کاریوں سے بری طرح متاثر ہوئے ہیں۔

    وفاقی وزیر کا مزید کہنا تھا کہ اس منصوبے کا بنیادی مقصد ملک کے غریب ترین اضلاع میں بنیادی ڈھانچے اور انسانی سرمائے کی ترقی میں ہدفی سرمایہ کاری کے ذریعے جامع ترقی اور مساوی ترقی کو فروغ دینا ہے۔

    اے این ایف کا مُلک بھر میں منشیات کے خلاف کاروائیوں کا سلسلہ جاری

    وفاقی وزیر کا مزید کہنا تھا کہ انسانی سرمائے کی ترقی میں سرمایہ کاری، خاص طور پر نوجوان اور خواتین، اس منصوبے کے بنیادی ستونوں میں شامل ہیں۔پاکستان وژن 2025 اور پائیدار ترقی کے عالمی ایجنڈے 2030 کے ساتھ ہم آہنگ، اس منصوبے کا مقصد علاقائی عدم مساوات کو کم کرنے اور ملک میں قومی یکجہتی اور ہم آہنگی کو مضبوط بنانے میں اہم کردار ادا کرنا ہے۔

    یہ منصوبہ یوتھ ڈویلپمنٹ پروگرام کا حصہ ہے جو وزیراعظم شہباز شریف نے گزشتہ ماہ شروع کیا تھا۔ اس پروگرام کے تحت دیگر اقدامات میں ینگ انجینئرز کے لیے 2,000 انٹرنشپ، 250 منی اسپورٹس کمپلیکس انیشیٹو، پاکستان انوویشن فنڈ اور 75 نیشنل ٹاپ ٹیلنٹ اسکالرشپس شامل ہیں۔

    دریں اثنا پی ٹی آئی لانگ مارچ پر تنقید کرتے ہوئے احسن اقبال نے کہا ہے کہ حکومت ڈھول بجانے سے نہیں کارکردگی سے چلتی ہے۔

    جرمن قونصل جنرل آج گرین شرٹ پہن کر پاکستانی کرکٹ ٹیم کو سپورٹ کریں گے