Baaghi TV

Tag: تازہ ترین

  • انگلیںڈ سے شکست: پاکستان نے بھارتی ٹیم پر کالا جادو کرایا،بھارتی میڈیا کا مضحکہ خیز دعوٰی

    انگلیںڈ سے شکست: پاکستان نے بھارتی ٹیم پر کالا جادو کرایا،بھارتی میڈیا کا مضحکہ خیز دعوٰی

    ٹی ٹوئنٹی ورلڈکپ کی سیمی فائنل میں انگلینڈ کے ہاتھوں عبرتناک شکست پر بھارتی میڈیا کا رونا ختم نہیں ہورہا،اور طرح طرح کی ہرزہ سرائیاں کر رہا ہے جبکہ ایک بھارتی چینل نے تو پاکستان پر الزام لگاتے ہوئے مضحکہ خیز دعویٰ کیا ہے۔

    باغی ٹی وی : بھارت پاکستان پر آئے دن کوئی نہ کوئی الزام تراشی کرتا رہتا ہے جس کے بعد اسے خود بھی دنیا کے سامنے شرمندگی کا سامنا کرنا پڑتا تاہم وہ اپنی حرکتوں سے باز نہیں آتا ہمیشہ کی طرح بھارتی میڈیا نے اپنا یہ رواج برقرار رکھتے ہوئے بھارتی کرکٹ ٹیم کی انگلینڈ‌کے ہاتھوں عبرتناک شکست کا مضحکہ خیز الزام پاکستان پر لگا دیا ہے-

    جرمن قونصل جنرل آج گرین شرٹ پہن کر پاکستانی کرکٹ ٹیم کو سپورٹ کریں گے


    بھارتی چینل کے مطابق بھارت کو انگلینڈ نے نہیں ہرایا بلکہ اسے پاکستان نے کالے جادو کے ذریعے ٹورنامنٹ سے باہر کیا ہے چینل کے مطابق پاکستان انڈیا سے فائنل میں مقابلہ کرنے سے گھبرا رہا تھا کیوںکہ انڈیا اس کو آسانی سے شکست دے سکتا تھا، اسی لئے پاکستان نے کالے جادو کا سہارا لیا۔

    برطانوی ڈپٹی ہائی کمشنر کو بابر اور رضوان کی جوڑی سے ڈر

    بھارتی چینل نے ایک پاکستانی اداکارہ سحر شنواری کا ایک ٹویٹ دلیل کے طور پر پیش کیا گیا ہے جس میں اداکارہ نے دعویٰ کیا تھا کہ وہ انڈین اسکواڈ کو نقصان پہنچانے کیلئے کالے جادو کا استعمال کریں گی تاکہ گرین شرٹس فائنل میں پہنچ جائیں۔

    بھارتی نیوز چینل کے مضحکہ خیز دعویٰ کا سوشل میڈیا صارفین مذاق اڑا رہے ہیں اور دلچسپ تبصرے کیے جارہے ہیں۔

    آئی سی سی نے ٹی 20 ورلڈکپ کی انعامی رقم کا اعلان کردیا

  • امریکا میں ائیر شو کے دوران دوسری عالمی جنگ کے دو طیارے ٹکرا کر تباہ

    امریکا میں ائیر شو کے دوران دوسری عالمی جنگ کے دو طیارے ٹکرا کر تباہ

    ڈیلس: امریکی ریاست ٹیکساس میں دوسری عالمی جنگ کی یاد میں منعقدہ ائیر شو کے دوران دوسری عالمی جنگ کے زمانے کے دو طیارے ٹکرا کر تباہ ہوگئے۔

    باغی ٹی وی: غیرملکی میڈیا رپورٹس کے مطابق امریکی ریاست ٹیکساس کے شہر ڈیلس میں جاری دوسری عالمی جنگ کی یاد میں منعقدہ ایک ائیر شو کے دوران بوئنگ B-17 فلائنگ فورٹریس بمبار طیارہ اور بیل P-63 کنگ کوبرا فائٹر طیارہ آپس میں ٹکرا کر تباہ ہو گئے۔

    شہر قائد ،ڈاکٹر پر کار سواروں نے گولیاں چلا دیں، ڈاکٹر کی موت

    سوشل میڈیا پر پوسٹ کی گئی ویڈیوز میں دیکھا جا سکتا ہے کہ ائیر شو کے دوران ہوا بازی کا مظاہرہ کرتے ہوئے دونوں طیاروں کے درمیان ٹکر کے بعد طیارے زمین پر گر کر آگ پکڑ لیتے ہیں۔


    فیڈرل ایوی ایشن ایڈمنسٹریشن کے مطابق ڈیلس ائیرپورٹ پر ایمرجنسی کارروائیاں شروع کر دی گئی ہیں، طیاروں پر سوار عملے کے حوالے سے کوئی معلومات واضح نہیں ہیں تاہم 6 افراد کی ہلاکتوں کا خدشہ ہے۔

    حکام نے یہ نہیں بتایا کہ طیاروں میں کتنے افراد سوار تھے، لیکن ایئر شو کرنے والی کمپنی کے صدر ہینک کوٹس نے کہا کہ طیاروں میں سے ایک، B-17 فلائنگ فورٹریس بمبار، میں عام طور پر چار سے پانچ افراد کا عملہ ہوتا ہے۔ . دوسرے P-63 کنگ کوبرا لڑاکا طیارے میں ایک ہی پائلٹ ہے۔

    یادگاری فضائیہ کے، جو طیاروں کی ملکیت بھی تھی، کوٹس نے کہا کہ کوئی ادائیگی کرنے والے کسٹمر طیارے میں نہیں تھے۔ انہوں نے کہا کہ ان کے طیارے اعلیٰ تربیت یافتہ رضاکار، اکثر ریٹائرڈ پائلٹ اڑاتے ہیں۔

    گوجرہ : تھانہ نواں لاہور کی حدود میں پارکو کی پائپ لائن سے تیل چوری ، مقدمہ درج

    نیشنل ٹرانسپورٹیشن سیفٹی بورڈ کے تفتیش کاروں کی ایک ٹیم اتوار کو جائے حادثہ پر پہنچے گی۔

    ڈلاس کے میئر ایرک جانسن نے کہا کہ NTSB نے جائے حادثہ کا کنٹرول سنبھال لیا ہے، مقامی پولیس اور فائر بریگیڈ نے مدد فراہم کی۔

    جانسن نے ٹویٹر پر کہا ، "ویڈیوز دل دہلا دینے والی ہیں۔

    فیڈرل ایوی ایشن ایڈمنسٹریشن نے ایک بیان میں کہا کہ طیارے دوپہر 1:20 کے قریب ٹکرا گئے اور گر کر تباہ ہوئے۔ یہ تصادم یادگاری ایئر فورس ونگز اوور ڈیلاس شو کے دوران ہوا۔

    ٹیکساس ائیر شو کے دوران ٹکرانے والے دونوں طیارے دوسری عالمی جنگ کے دوران استعمال کیے گئے تھے، چار انجن والے B-17 بمبار طیارے دوسری عالمی جنگ کے دوران امریکا کی اہم طاقت بنے ہوئے تھے جبکہ امریکی ساختہ کنگ کوبرا زیادہ تر سوویت افواج کی جانب سے استعمال کیا گیا تھا۔

    گوجرہ : موٹرسائیکل سوار نوجوان گدھاگاڑی سے ٹکراکر جاں بحق

    بوئنگ کے مطابق دوسری عالمی جنگ کے خاتمے کے بعد زیادہ تر B-17 طیاروں کو اسکریپ کر دیا گیا تھا جبکہ چند طیارے میوزیم کی زینت بنا دیئے گئے اور کچھ طیارے اب بھی مخصوص ائیر شوز میں ہوابازی کا مظاہرہ کرنے کیلئے استعمال کیے جاتے ہیں۔

  • آئی سی سی نے ٹی 20 ورلڈکپ کی انعامی رقم کا اعلان کردیا

    آئی سی سی نے ٹی 20 ورلڈکپ کی انعامی رقم کا اعلان کردیا

    میلبرن: انٹرنیشنل کرکٹ کونسل نے ٹی 20 ورلڈکپ کی انعامی رقم کا اعلان کردیا، جس کے مطابق فاتح ٹیم کو 1.06 ملین ڈالرز دیے جائیں گے جبکہ اس میں ٹرافی شامل نہیں ہوگی۔

    آئی سی سی کے اعلان کے مطابق ٹی 20 ورلڈکپ کی مجموعی انعامی رقم 5.6 ملین ڈالر ہے جو پاکستانی کرنسی کے حساب سے تقریبا 1 ارب 26 کروڑ 79 لاکھ روپے کے قریب بنتی ہے۔

    قونصل جنرل آج گرین شرٹ پہن کر پاکستانی کرکٹ ٹیم کو سپورٹ کریں گے

    ٹی 20 ورلڈکپ کی فاتح ٹیم کو 1.06 ملین ڈالر ملیں گے، جو پاکستانی کرنسی کے حساب سے 36 کروڑ 22 لاکھ اور 64 ہزار روپے بنتے ہیں جبکہ رنر اپ کو 8 لاکھ امریکی ڈالر 18 کروڑ گیارہ لاکھ روپے کے قریب بنتے ہیں۔

    اسی طرح سیمی فائنل میں شکست کا سامنا والی ہر ٹیم کو چار لاکھ امریکی ڈالرز، سپر 12 مرحلے میں فتح حاصل کرنے والی ٹیم کو فی میچ کے حساب سے 40 ہزار امریکی ڈالرز، سپر 12 میں آؤٹ ہونے والی ٹیموں کو 70، 70 ہزار امریکی ڈالرز دیے جائیں گے۔

    آئی سی سی کے مطابق پہلے راؤنڈ میں آؤٹ ہونے والی ٹیم 40 ہزار ڈالرز کی حقدار ہوگی۔

    قومی ٹیم کے کپتان اور انگلش ٹیم کے قائد نے میلبرن کرکٹ اسٹیڈیم کی چھت پر ٹی 20 ورلڈکپ کی ٹرافی کے ساتھ تصاویر بنوائیں۔

    برطانوی ڈپٹی ہائی کمشنر کو بابر اور رضوان کی جوڑی سے ڈر


    آئی سی سی نے دونوں کپتانوں کی چھت تک پہنچنے کی ویڈیو بھی جاری کردی، جس میں بابر اعظم اور جوز بٹلر کو چھت پر جاتے اور پھر ٹرافی کے ہمراہ خوبصورت مقام پر تصاویر بناتے ہوئے دکھایا گیا ہے۔

    ایک سوال کے جواب میں بابر اعظم نے شاداب خان جبکہ بٹلر نے بھارتی بلے باز سوریا کمار یادیو کو پلیئر آف دی ٹورنامنٹ قرار دیا۔

    پاکستان انگلینڈ ورلڈ کپ فائنل: آئی سی سی نے رولز میں پھرتبدیلی کردی

    واضح رہے کہ ٹی 20 ورلڈکپ کا فائنل پاکستان اور انگلینڈ کی ٹیموں کے درمیان آج میلبرن کرکٹ اسٹیڈیم میں کھیلا جائے گا، تاہم اتوار کے روز وہاں بارش بھی متوقع ہے، اسی وجہ سے پیر کے دن بھی 10 اوور کا فائنل کروانے پر غور کیا جارہا ہے۔

    یاد رہے کہ 30 سال قبل 1992 میں پاکستان اور انگلینڈ کی ٹیمیں ورلڈکپ میں آسٹریلیا میں ہی مدمقابل تھیں، جس میں عمران خان کی کپتانی میں کھیلنے والی ٹیم نے پہلی بار پاکستان کو عالمی چیمپئن بنایا تھا۔

    شائقین کرکٹ ٹی 20 ورلڈکپ کو بھی 1992ء سے جوڑ رہے ہیں اور وہ دلچسپ نشانیاں بیان بھی کرتے ہوئے امید کا اظہار کررہے ہیں کہ پاکستان ایک بار پھر تاریخ دہراتے ہوئے ٹی 20 کا فاتح بھی بن جائے گا۔

    ویڈیو:ٹی ٹوئنٹی ورلڈ کپ فائنل سےایک دن قبل میلبرن میں تیز بارش

  • جرمن قونصل جنرل آج گرین شرٹ پہن کر پاکستانی کرکٹ ٹیم کو سپورٹ کریں گے

    جرمن قونصل جنرل آج گرین شرٹ پہن کر پاکستانی کرکٹ ٹیم کو سپورٹ کریں گے

    کراچی میں جرمن قونصل جنرل ڈاکٹر روڈیگر لوٹنز بھی پاکستانی ٹیم کے مداح نکلے ہیں۔

    باغی ٹی وی : ٹی ٹوئنٹی ورلڈکپ کے لیے پاکستان اور انگلینڈ کے درمیان فائنل میچ کی دھوم مچی ہے ، کرکٹ کا جنون پاکستان میں سفارت خانوں میں بھی پہنچ گیا ہے-

    برطانوی ڈپٹی ہائی کمشنر کو بابر اور رضوان کی جوڑی سے ڈر


    پاکستان اور انگلینڈ کے درمیان ٹی ٹوئنٹی ورلڈکپ فائنل میں جرمن قونصل جنرل آج گرین شرٹ پہن کر پاکستانی کرکٹ ٹیم کو سپورٹ کریں گے۔

    ڈاکٹر روڈیگر لوٹنز فائنل میں پاکستان کرکٹ ٹیم کی جیت کے لیے پر امید ہیں، جرمن قونصل جنرل نے فائنل دیکھتے ہوئےگرین ٹی شرٹ پہن کر پاکستانی ٹیم کو سپورٹ کرنے کا اعلان کیا ہے۔


    جرمن قونصل جنرل ڈاکٹر روڈیگرلوٹنز کا کہنا ہے کہ فٹ بال اور والی بال کے ساتھ ساتھ اب کرکٹ میچ بھی اہم ہے۔

    آسٹریلیا کے شہر میلبرن میں ٹی 20 ورلڈکپ کا فائنل آج انگلینڈ اور پاکستان کے درمیان کھیلا جائے گا،پاکستانی وقت کے مطابق ٹی 20 کا فائنل دوپہر ایک بجے شروع ہوگا،شاہین 1992 کی تاریخ دہرانے کیلیے تیار ہیں جبکہ انگلش ٹیم بھی جیت کے لیے پُرعزم دکھائی رے رہی ہے۔

    ٹی20 ورلڈ کپ فائنل؛ لاہور والوں کے لئے بڑا فیصلہ

    ملبرن میں آئی سی سی ٹی ٹوئنٹی ورلڈ کپ کےفائنل سےقبل یہاں مقیم اور دنیا بھرسے فائنل دیکھنے کو آنے والے پاکستانی فینز نے آسٹریلوی شہر کو پاکستان کے رنگوں سے بھر دیا ہےمیلبرن کے علاقے کارلٹن میں شام ہی سے پاکستانی فینز کا رش دیکھنے میں آیا-

    شائقین کرکٹ قومی ٹیم کی شرٹ میں ملبوس پھرتے رہے، فینز ٹولیوں کی شکل میں جمع ہوکر پاکستان زندہ باد کے نعرے لگاتے، لیگون اسٹریٹ پر موجود پاکستانی ریسٹورنٹس بھی کرکٹ کے سحر میں مبتلا ہوکر منفرد انداز میں قومی ٹیم کے ساتھ اپنی محبت کا اظہار کررہے تھے، ان ریسٹورنٹس میں پاکستان کے ملی نغمے بلند آواز میں بجتے رہے، فینز بھی ساتھ ساتھ گنگناتے رہے۔

    ویڈیو:ٹی ٹوئنٹی ورلڈ کپ فائنل سےایک دن قبل میلبرن میں تیز بارش

    کرکٹ شائقین کا کہنا تھا کہ وہ پر امید ہیں کہ اتوار کو ٹی ٹوئنٹی ورلڈ کپ کے فائنل میں انگلینڈ کے خلاف پاکستان ٹیم سرخرو ہوگی اور جیت کے بعد ایسا جشن منایا جائے گا کہ میلبرن کی سڑکیں کراچی اور لاہور کا سا منظر پیش کرنے لگیں گی۔

    دوسری جانب میلبرن میں گزشتہ رات کی بارش کے بعد صبح بادل چھٹ گئے، دھوپ نکل آئی ہے تاہم میچ میں بھی وقفے وقفے سے بارش کا امکان ہے تاہم میلبرن میں آج بارش کے امکانات مزید کم ہوگئے۔

    ملبرن میں آج کہیں دھوپ، کہیں بادل ہیں، بارش کے مجموعی امکانات 95 فیصد سے کم ہو کر 46 رہ گئے ہیں شام سات بجے بارش کے امکانات 41 فیصد اور آٹھ بجے بارش کا امکان44 فیصد تک رہ گیا ہے رات نو بجے سے گیارہ کے درمیان بارش کے 53 فیصد سے 65 فیصد امکانات ہیں-

    پاکستان انگلینڈ ورلڈ کپ فائنل: آئی سی سی نے رولز میں پھرتبدیلی کردی

  • کراچی: سیکیورٹی گارڈ مبینہ ہنی ٹریپ کا شکار

    کراچی: سیکیورٹی گارڈ مبینہ ہنی ٹریپ کا شکار

    کراچی: سیکیورٹی گارڈ مبینہ ہنی ٹریپ کا شکار،اطلاعات کے مطابق کراچی کے علاقے صفورہ کا رہائیشی سیکیورٹی گارڈ مبینہ ہنی ٹریپ کا شکارہوگیا ہے اور یہ بھی اطلاعات ہیں کہ اس اغوا کے پیچھے اغواکاروں کا منظم گروہ ہے

    کراچی سے ذرائع کے مطابق جنید قمر نامی شخص کو 24 ستمبر کوکشموربلا کر اغواء کیا گیا، یہ بھی کہا جارہا ہے کہ ان اغواء کاروں کی جانب سے اہلخانہ کو 1 کروڑ تاوان کا فون آیا جس میں مغوی کے اہلخانہ کی جانب سے پولیس کو درخواست دے دی گئی

    مقامی ذرائع کے مطابق اغواء کاروں کی جانب سے مغوی کی زنجیروں سے بندھی دردناک ویڈیو بھیجی گئی، یہ بھی کہا جارہا ہے کہ اس ویڈیو میں جنید درد سے چیخ چلا رہا ہے،اس ویڈیو میں اغواکار تشدد کرتے ہوئے کہتےہیں‌کہ بولو پیسے بھیجیں ایک کروڑ رروپے

    یہ بھی معلوم ہوا ہے کہ اس تشدد کی وجہ سے مغوی اپنی بے بسی ظاہرکرتے ہوئے کہتا ہے کہ جتنے بولو گے بولوں کا ، امی کو بولونگا، مغوی کی دہائی
    امی کو بولونگا جتنے پیسے اکھٹے کیے بھیجیں،

    یہ بھی معلوم ہوا ہے کہ اغواء کاروں کی جانب سے دوسری ویڈیو بھی بھیج دی گئی، جبکہ دوسری ویڈیو میں مغوی انتہائی خستہ حال ہے، جس میں صاف ظاہرہوتا ہے کہ داڑھی کے بال بڑھ گئے اور کلاشنکوف کی نوک پر تشدد کیا جارہا ہے

    اس دوران مغوی کہہ رہا ہے کہ میری مدد کرو، اللہ کے نام پر، امی مجھے بچاو، میں مر رہا ہوں، خدا کے واسطے مجھے بچاو، مغوی روتا رہا، یہ بھی معلوم ہوا ہے کہ مبینہ طور پر لڑکی کی آوازاور تصویردکھا کر جنید کو پھنسایا گیا

    مغوی کی والدہ نے اس حوالے سے پولیس کا آگاہ کرتےہوئے کہا کہ سکھر تک میرے بیٹے کا مجھ سے رابطہ تھا، والدہ کا یہ بھی کہنا تھا کہ اغواء کاروں کی جانب سے بیٹے کو تشدد کا نشانہ بنایا جارہا ہے، والدہ کا کہنا تھا کہ میرے بیٹے کو بازیاب کیا جائے،

    مغوی کی والدہ کا کہنا تھا کہ اغواء کاروں کا شکار جنید قمر شادی شدہ تین بچوں کا باپ ہے، والدہ نے مزید بتایاکہ میرےبیٹے کے اغواء کو دو ماہ ہونے والے ہیں، میں کراچی پولیس کے پاس جاتی ہوں تووہ کشمورپولیس کا کہتے ہیں، والدہ کا کہنا تھا کہ میں کیا کروں کس کے پاس جاکر مقدمہ درج کرواوں،

  • دفاعی نمائش آئیڈیاز 2022 کیلئےمتبادل ٹریفک روٹ پلان جاری

    دفاعی نمائش آئیڈیاز 2022 کیلئےمتبادل ٹریفک روٹ پلان جاری

    کراچی:ایکسپو سینٹر کراچی میں دفاعی نمائش آئیڈیاز 2022 کیلئے ٹریفک پولیس نے روٹ پلان جاری کردیا۔اطلاعات کے مطابق تین روزہ عالمی دفاعی نمائش کے دوران راستوں کی بندش کی صورت میں شہریوں کو متبادل راستے استعمال کرنے کی ہدایت کی گئی ہے، شارع فیصل نرسری سے ہیوی اور کمرشل ٹریفک کو شاہ سلیمان روڈ آنے کی اجازت نہیں ہوگی۔

    ایئرپورٹ سے ہیوی اور کمرشل ٹریفک ڈرگ روڈ سے نیپا چورنگی جاسکے گی جبکہ راشد منہاس روڈ سے ملینیم مال ہیوی ٹریفک کو ڈالمیا روڈ آنے کی اجازت نہیں ہوگی۔

    اسی طرح نمائش کے دوران سرشاہ سلیمان روڈ کے دونوں ٹریک صبح 7 سےشام 6 تک بند ہوں گے، ڈی آئی جی ٹریفک احمد نواز نے پریشانی سے بچنے کیلئے شہریوں کو متبادل راستے اختیار کرنے کا مشورہ دیا ہے۔

    کراچی ایکسپو سینٹر میں تین روزہ آئیڈیاز 2022 15 سے 18 نومبر تک جاری رہے گی، اس دوران صرف مخصوص اسٹیکرز کی حامل گاڑیاں ہی ایکسپو سینٹرتک جاسکیں گی۔

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • عمران خان نے پاکستان کو تباہی کے دہانے پر لاکھڑا کیا ہے: امریکی اخبار

    عمران خان نے پاکستان کو تباہی کے دہانے پر لاکھڑا کیا ہے: امریکی اخبار

    لاہور:عالمی سطح کے معتبر ترین امریکی اخبار وال اسٹریٹ جرنل میں شائع مضمون میں کہا گیا ہےکہ عمران خان نے پاکستان کو تباہی کے دہانے پر لا کھڑا کیا ہے۔

    مضمون نگار نے لکھا کہ اگر فوج بکھرتی ہے تو اس کے بعد پاکستان بھی نہیں بچےگا، سینیئر فوجی افسر کو عوامی سطح پر نشانہ بنانا انتقامی کارروائی اور سول ملٹری تعلقات کو بڑا نقصان پہنچانےکے مترادف ہے۔

    اخبار کے مطابق عمران خان کا فوج کے لیے پیغام واضح ہےکہ میرے لیے نہیں کھیلو گے تو تمھیں ڈس کریڈٹ کرنےکے لیے ہر حد تک جاؤں گا، عمران خان کا طرز عمل صاف بتا رہا ہےکہ وہ بطور ادارہ فوج کو بدنامی کی حد تک لے جانا چاہتے ہیں۔

    وال سٹریٹ جرنل کے مضمون میں لکھا گیا ہے کہ عمران خان کی بلیک میلنگ کے آگے سر جھکانا فوج کے لیے ایک برا آپشن ہوگا، موجودہ صورت حال میں فوجی قیادت کے سامنے چند اچھے آپشن بھی ہیں تاہم عمران خان کی بلیک میلنگ کو تسلیم کرنا ادارے کو کم زورکرنے کے مترادف ہوگا۔

    مضمون نگار کے مطابق پاکستان میں فوج کے کردار پر تنقید بھی کی جاتی ہے لیکن ملک کے لیے اس کی شان دار خدمات زیادہ اہم ہیں، یہ فوج ہی ہے جس نے بھارت سمیت دیگر پاکستان مخالفین کو مشکلات میں پھنسائے رکھا ہے اور فوج نے ایک غیر فعال ملک میں ایک فعال ادارے کے طور پر اپنے آپ کو منوایا ہے۔

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • برطانوی ڈپٹی ہائی کمشنر کو بابر اور رضوان کی جوڑی سے ڈر

    برطانوی ڈپٹی ہائی کمشنر کو بابر اور رضوان کی جوڑی سے ڈر

    لاہور:ٹی 20 ورلڈ کپ میں پاکستان اور انگلینڈ کے فائنل کیلئے ڈپٹی برطانوی ہائی کمشنر بھی پُرجوش ہیں، ان کا کہنا ہے کہ بابر اور رضوان کی جوڑی سے بہت ڈر لگتا ہے، پاکستان ٹیم ناممکن کو ممکن بنانے کی صلاحیت رکھتی ہے۔

    نجی ٹی وی سے گفتگو کرتےہوئے کراچی میں برطانیہ کی ڈپٹی ہائی کمشنر سیرا مونی بھی ٹی 20 ورلڈ کپ فائنل سے متعلق پرجوش نظر آئیں۔انہوں نے کہا کہ انگلینڈ ٹیم کی بیٹنگ بہت مضبوط ہے، انگلینڈ میں بٹلر پاکستان میں رضوان اور بابر پسندیدہ کھلاڑی ہیں، بابر اعظم اور محمد رضوان کی جوڑی سے ڈر لگتا ہے۔

     

    ڈپٹی ہائی کمشنر کا مزید کہنا ہے کہ انگلینڈ اور پاکستان کے لوگ کرکٹ سے بہت محبت کرتے ہیں، ورلڈ کپ فائنل میں جیت کرکٹ کی ہوگی، انگلینڈ کو میچ جیتنے کیلئے شاہین اور شاداب سے بچنا ہوگا۔

    دوسری طرف کون بنے گا مینز ٹی ٹونٹی ورلڈ کپ کا چیمپئن؟ پاکستان اور انگلینڈ کی ٹیموں کے درمیان آٹھویں آئی سی سی مینز ٹی ٹونٹی ورلڈ کپ کا فائنل 13 نومبر اتوار کو ایم سی جی ،میلبورن میں کھیلا جائے گا۔ فائنل میچ پاکستان کے معیاری وقت کے مطابق دن ایک بجے شروع ہوگا۔

    انٹرنیشنل کرکٹ کونسل کے زیراہتمام آسٹریلیا میں جاری آٹھواں آئی سی سی مینز ٹی ٹونٹی ورلڈ کپ کرکٹ ٹورنامنٹ اپنے اختتامی مراحلے میں داخل ہے ، میگا ایونٹ میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں۔ میگا ایونٹ کے چیمپئن کا فیصلہ 13 نومبر کو میلبورن میں ہوگا۔ میلبورن میں اس روز بارش کا بھی امکان ہے۔b

  • ایندھن مہنگا ہونے سے چھوٹی گاڑیوں کی ڈیمانڈ بڑھ گئی

    ایندھن مہنگا ہونے سے چھوٹی گاڑیوں کی ڈیمانڈ بڑھ گئی

    کراچی :مکمل تیار گاڑیوں اور گاڑیوں کے پرزوں کی درآمدات میں درپیش مشکلات کے باعث کاروں کی فروخت میں گزشتہ چند ماہ سے کمی دیکھی جارہی تھی تاہم حکومت نے اب درآمدات پر عائد پابندیوں میں کسی حد تک نرمی کردی ہے جس کا اثر آٹو انڈسٹری میں بھی آیا ہے اور گزشتہ ماہ (اکتوبر) کاروں کی فروخت میں اضافہ ریکارڈ کیا گیا ہے۔

    پاکستان آٹو مینو فیکچرز ایسوسی ایشن (PAMA)کے اعدادوشمار کے مطابق گزشتہ ماہ اکتوبر میں مجموعی طور پر 13 ہزار 369 کاریں فروخت ہوئیں جب کہ اس کے مقابلے میں ستمبر میں 11 ہزار46کاریں فروخت ہوئی تھیں، یعنی ماہ بہ ماہ اکتوبر میں 21 فیصد زیادہ کاریں بکیں ہیں۔البتہ گزشتہ ماہ اکتوبر کا اکتوبر 2021سے موازنہ کیا جائے تو پچھلے ماہ کاروں کی فروخت 36فیصد کم رہی۔

    پاما کے اعدادوشمار کے مطابق گزشتہ ماہ اکتوبر میں چھوٹی اور نسبتاً کم قیمت کاروں کی فروخت میں اضافہ ہوا ہے جب کہ اس کے مقابلے میں مہنگی کاروں کی فروخت میں کمی ہوئی ہے۔

    اعدادوشمار کے مطابق گزشتہ ماہ اکتوبر کے دوران اس سے پچھلے ماہ ستمبر کے مقابلے میں 1300سی سی اور اس سے اوپر ماڈل کے کاروں کی فروخت میں ایک فیصد، 1000سی سی کاروں کی فروخت میں 25فیصد اور 1000سی سی سے کم کاروں کی فروخت میں 50 فیصد کا نمایاں اضافہ دیکھنے میں آیا۔

    اکتوبر میں 1000سی سی سے کم کاروں کی فروخت4461رہی جو اس سے پچھلے ماہ ستمبر کے 2981کے مقابلے میں دگنی ہے۔اٹو انڈسٹری سے منسلک زرائع کے مطابق گاڑیوں کی قیمتیں بڑھنے اور تیل مہنگا ہونے کی وجہ سے چھوٹی گاڑیوں کی خریداری بڑھ گئی ہے۔

    اعدادوشمار کے مطابق سب سے زیادہ پاک سوزوکی کے آلٹو کاریں فروخت ہوئیں جس میں ستمبر کے مقابلے میں 76فیصد اضافہ ریکارڈ کیا گیا۔اسی طرح پاک سوزوکی کی کلٹس میں 50فیصد،راوی کاروں کی فروخت میں 20فیصد اور سوئفٹ کار کی فروخت میں 7 فیصد اضافہ ہوا جب کہ بولان میں 54 فیصد کمی ریکارڈ کی گئی اور ستمبر میں 766 ویگن آر فروخت ہوئے تھے اکتوبر میں اس کے مقابلے میں ویگن آر کی فروخت 768رہی یعنی زیادہ فرق دیکھنے میں نہیں آیا۔

    مجموعی طور پر پاک سوزوکی کے تمام ماڈل کی فروخت میں 33 فیصد اضافہ ہوا ہے۔ انڈس کمپنی کے فارچونراینڈ ہیلکس کی فروخت میں 84 فیصد اور کرولا یارس کی فروخت میں 3 فیصد اضافہ ہوا۔

    اکتوبر میں ہونڈا کی سٹی اور سوک کاریں اس سے پچھلے ماہ ستمبر کی نسبت 14 فیصد زیادہ بکیں۔

    پاما کے اعدادوشمار کے مطابق ہنڈائی نشاط کی کاروں میں ماہ بہ ماہ 50 فیصد کمی ریکارڈ کی گئی جس میں ایلنٹرا کی فروخت میں 58 فیصد، ٹسکان کی فروخت میں 46 فیصد، سوناٹا کی فروخت میں 49 فیصداور پورٹر کی فروخت میں 40 فیصد کمی ہوئی۔

    اسی طرح ایل سی ویز، وین اور جیپوں کی فروخت میں 22 فی صد اضافہ ہوا، ٹرکوں کی فروخت میں 20فیصد کمی اور بسوں کی فروخت میں 25 فیصد اضافہ ہوا جب کہ ٹریکٹرز کی فروخت میں 12فیصد کمی ریکارڈ کی گئی۔

    موٹر سائیکلوں کی فروخت میں گزشتہ ماہ 16فیصد اضافہ ہوا جب کہ اس کے مقابلے میں رکشوں کی فروخت میں 56فیصد کمی آئی۔

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • بین جوائے لینڈ مہم پر اعتراض اور جواب :از طہ منیب

    بین جوائے لینڈ مہم پر اعتراض اور جواب :از طہ منیب

    گزارش ہے کہ آج کی جدید دنیا نے شخصی و انفرادی آزادی کے نام پر خلاف فطرت و شرع معاملات جیسا کہ ہم جنس پرستی و دیگر کو نا صرف اپنے ہاں قانونی حیثیت دی ہے بلکہ ڈیجیٹل میڈیا و اینٹرٹینمنٹ انڈسٹری میں باقاعدہ تمام قسم کی موویز و سیزنز میں اس ایجنڈے کی (جسے LGBTQ+ کہا جاتا ہے) ترویج سے مشروط کیا ہے کہ کچھ نا کچھ اس مسئلہ کو لازمی ہائی لائٹ کیا جائے۔ باقاعدہ طور پر بننے والا مواد اس سے ہٹ کر ہے۔ پہلے پہل مغربی سینما جو ہالی ووڈ کے نام سے جانا جاتا ہے اس نے اس گند کو پھیلانے کا کام کیا بعد ازاں بھارتی سینما بالی ووڈ اور اب یہ جرات پاکستانی فلم انڈسٹری کو بھی ہوگئی ہے۔ سرمد کھوسٹ پاکستانی سینما میں متنازعہ موویز بنانے کے حوالے سے معروف ہیں جنکی اکثر موویز سینسر بورڈ میں آکر پھنس جاتی تھیں اور اکثر نکل بھی جاتی تھیں۔ لیکن حیران کن طور جوائے لینڈ نامی مووی جو دو لڑکوں کی محبت و شادی پر مبنی سٹوری ہے یہ نا صرف بن گئی بلکہ باہر کے سینما سے متعدد ایوارڈز لینے کے بعد بغیر کسی تردد کے سینسر بورڈز سے اپروول کے بعد 18 نومبر کو پاکستانی سینماؤں میں ریلیز کیلئے تیار ہے۔

    اللہ کی بغاوت اور غیض و غضب کا شکار قوم لوط کا عمل غلیظ (جسکے مرتکب فاعل و مفعول کی سزا رسول کریم صلی اللہ علیہ وآلہ وسلم کے حدیث کے مطابق قتل ہے) کی ترویج پر مبنی یہ مووی کی ریلیز لا الہ الا اللہ محمد رسول اللہ کے نام پر بنے ملک جسکے آئین کے دیباچہ میں قرارداد مقاصد کے مطابق اس ملک میں قرآن و سنت و آئین سے متصادم کوئی قانون نہیں بن سکتا وہاں پہلے ٹرانس جینڈر بل کے نام پر آئین و قانون میں نقب اور اب سرعام اسکی ترویج کی جرات یقینا سینسر بورڈ و حکومت اور اسکے بعد مذہبی جماعتوں کے کردار پر سوالیہ نشان ہے۔ اس فتنے کے سدباب کیلئے #BanJoyland مہم پلان کی تو الحمد اللہ پوسٹرز و ویلاگز کے ساتھ ٹویٹر پر ٹرینڈ بھی پینل ہوگیا ،کچھ نا کچھ سوشل میڈیا پر آگاہی و ٹویٹر سپیس بھی ہوگئی، یقینا یہ ناکافی ہے اسکی روک تھام کیلئے سوشل میڈیا سے بڑھ کر عدالت کے دروازے کھٹکھٹانے اور سڑکوں پر نوجوانوں کے ہمراہ احتجاج کے ذریعے اس بد فعلی کو روکنے کی پوری کوشش اسکے بین ہونے تک کی جائے گی ان شا اللہ۔

    اب اس مہم پر کافی احباب کا اعتراض آیا ہے کہ آپ تو بذات خود اسکی پروموشن کا باعث بن رہے ہیں تو گزارش یہ کہ ہمارے نا کرنے سے مووی ریلیز ہو کر رہے گی اور اسکے بعد اسکی ویوورشپ یقیناً لاکھوں میں ہوگی۔ اگر اس سے قبل ہی اسکی روک تھام کر لی جاتی ہے تو یقیناً یہ فائدہ مند ہوگا۔ اس مہم سے زیادہ سے زیادہ چند سیکنڈ کے پرومو تک پہنچ ہوگی لیکن اصل گند مووی کی ریلیز سے بچا جا سکتا ہے۔ خلاف قانون و آئین و اسلام مووی کی روک تھام کی مہم کوئی پہلی مہم نہیں ہے بلکہ ماضی میں بھی اس طرز کی مہمات کامیاب ہوئی ہیں جن میں اعلیٰ عدلیہ کے حکم پر بھارتی و دیگر فلمز کی نمائش پر پابندی لگی۔
    باقی ہر برے کام کے بارے میں یہ سوچا جانے لگے پھر تو اچھائی کی ترویج اور برائی روک تھام ناممکن ہو جائے، امر بالمعروف اور نہی عن المنکر یہ ہمارا مذہبی فریضہ ہے کہ برائی کو ہوتا دیکھیں تو استطاعت کے مطابق ہاتھ یا زبان سے روکیں اور اگر ممکن نہیں تو پھر کم از کم دل میں برا جانیں۔ امید ہے کچھ نا کچھ کلئر کر پایا ہوں گا۔ شکریہ

    الحمد اللہ یہ تحریر لکھنے کے دوران ہی یہ خوشخبری ملی کہ یہ فلم بین ہو چکی ہے۔ یقیناً یہ معمولی کاوش اللہ کی مدد یہ سے یہ کامیابی ملی۔ تمام احباب کا خصوصی شکریہ۔ جزاک اللہ خیر