Baaghi TV

Tag: تازہ ترین

  • وزیرآباد واقعے کی تحقیقات کیلئے جے آئی ٹی کی تشکیل کا فیصلہ

    وزیرآباد واقعے کی تحقیقات کیلئے جے آئی ٹی کی تشکیل کا فیصلہ

    وزیرآباد واقعے کی تحقیقات کیلئے جے آئی ٹی کی تشکیل کا فیصلہ

    صوبائی وزیر پارلیمانی امور، تحفظ ماحول و کوآپریٹوز محمد بشارت راجہ کی زیر صدارت پنجاب کابینہ کی سٹینڈنگ کمیٹی لا اینڈ آرڈر (ایس سی سی ایل او) کے اجلاس میں چیئرمین پی ٹی آئی عمران خان پر وزیر آباد کے قریب حملے کی تحقیقات کیلئے جوائنٹ انویسٹی گیشن ٹیم (جے آئی ٹی)کی تشکیل کا فیصلہ کیا گیا ہے۔

    کابینہ کمیٹی کا اجلاس سول سیکرٹریٹ میں ہوا۔ چیئرمین کمیٹی محمد بشارت راجہ نے بذریعہ ویڈیو لنک راولپنڈی سے صدارت کی۔ مشیر وزیراعلیٰ برائے داخلہ عمر سرفراز چیمہ، چیف سیکرٹری عبداللہ خان سنبل اور دیگر افسروں نے بھی شرکت کی۔ اجلاس میں پی ٹی آئی کے لانگ مارچ کے (جمعرات) سے شروع ہونے والے اگلے مرحلے کی سکیورٹی کے انتظامات کا تفصیلی جائزہ لیا گیا۔ ڈی آئی جی آپریشنز پنجاب نے بریفنگ دی۔ اجلاس نے فیصلہ کیا کہ ایڈیشنل انسپکٹر جنرل ہائی وے پٹرول پنجاب ریاض نذیر گاڑا جے آئی ٹی کی قیادت کریں گے جبکہ جے آئی ٹی کے دیگر ارکان میں متعلقہ ایجنسیوں کے نمائندے شامل ہوں گے۔

    کابینہ کمیٹی نے یہ فیصلہ بھی کیا کہ لانگ مارچ کے کنٹینر پر موجود پی ٹی آئی کے سنیئر رہنماؤں کو وہی سکیورٹی دی جائے گی جو عمران خان کیلئے مخصوص ہے۔ چیئرمین کمیٹی محمد بشارت راجہ نے ہدایت کی کہ مستقبل میں کسی ناخوشگوار واقعے سے بچنے کے لئے متعلقہ ضلع کی پولیس اور ضلعی انتظامیہ پی ٹی آئی کی مقامی قیادت سے رابطہ رکھیں۔ کنٹینر کے قریب گاڑیوں کی غیر ضروری موجودگی کو روکا جائے گا۔ انہوں نے کہا کہ وزیر آباد واقعے کے تناظر میں لانگ مارچ کے کنٹینر پر بلٹ پروف روسٹرم اور گلاس لازمی نصب کیا جائے گا۔

    انہوں نے کہا کہ روٹ کے قریب واقع عمارتوں پر سنائپرز کی تعیناتی اور دیگر سکیورٹی انتظامات میں کوتاہی نہیں ہونی چاہیے۔ کمیٹی نے راولپنڈی سمیت دیگر علاقوں کی صورتحال کا جائزہ لیتے ہوئے فیصلہ کیا کہ موٹرویز کی راہ میں رکاوٹوں کو جلد دور کیا جائے گا بالخصوص معزز جج صاحبان کی گاڑیوں کو لازمی طور پر راستہ دینے کیلئے پی ٹی آئی قیادت سے بات کی جائے گی

    شوکت خانم میں عمران خان کا علاج جاری ہے،میڈیکل رپورٹس تسلی بخش قرار دے دی 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

    پاکستان کو ایک مرتبہ پھر انتہا پسندی اور مذہبی جنونیت کا سامنا 

    تحریک انصاف کا احتجاج، راستے بند، شہریوں کی زندگی اجیرن

    ویڈیو:عمران خان پر حملہ کرنیوالا ملزم گرفتار،عمران خان کیسے آئے باہر؟

    دوسری جانب وزیراعلیٰ پنجاب چودھری پرویز الٰہی کی زیر صدارت وزیر اعلی آفس میں اعلیٰ سطح کا اجلاس منعقد ہوا جس میں لانگ مارچ قافلے کے ٹوبہ ٹیک سنگھ والے روٹ کے سکیورٹی انتظامات کا تفصیلی جائزہ لیا گیا-وزیراعلیٰ چودھری پرویز الٰہی نے لانگ مارچ کے ٹوبہ ٹیک سنگھ والے روٹ پرسکیورٹی انتظامات کے حوالے سے پولیس حکام اور انتظامی افسران کو ہدایات دیں -اسد عمر ٹوبہ ٹیک سنگھ سے لانگ مارچ کے قافلے کو لیڈ کریں گے-لانگ مارچ کا قافلہ ٹوبہ ٹیک سنگھ، جھنگ، فیصل آباد، جڑانوالہ، چنیوٹ اور دیگر شہروں سے ہوتا ہوا راولپنڈی پہنچے گا جبکہ وزیر آباد سے شروع ہونے والا لانگ ما رچ اپنے مقرر کردہ روٹ سے ہوتا ہوا راولپنڈی پہنچے گا-چیئرمین پی ٹی آئی عمران خان ویڈیو لنک کے ذریعے لانگ مارچ کے شرکاء سے خطاب کریں گے-

    وزیراعلیٰ چودھری پرویز الٰہی نے پورے روٹ پر سکیورٹی کے فول پروف انتظامات کی ہدایت دی اور کہا کہ ٹوبہ ٹیک سنگھ والے روٹ کے لانگ مارچ کے شرکاء کو بھی بہترین سکیورٹی فراہم کریں گے۔ڈرون اور سی سی ٹی وی کیمروں کی مدد سے لانگ مارچ اور روٹ کی نگرانی کی جائے گی۔روٹ کے راستے میں عمارتوں کی چھتوں پر پولیس کمانڈوز تعینات کئے جائیں گے۔لانگ مارچ کے پورے روٹ پرامن عامہ برقراررکھنے کیلئے خصوصی انتظامات کیے جائیں گے۔وضع کردہ سکیورٹی پلان پر من وعن عملدرآمد یقینی بنایاجائے گا۔ وزیراعلیٰ چودھری پرویز الٰہی نے ڈیوٹی پر مامور اہلکاروں کے لئے کھانے کے بہترین انتظامات کرنے کی ہدایت کی اور کہا کہ پولیس کنٹرول روم24گھنٹے کام کرے گا۔روٹ کے ہر ضلع میں پی ٹی آئی کی قیادت سے مشاورت کیلئے فوکل پرسن تعینات کر دیئے گئے ہیں۔لانگ مارچ میں شریک سیاسی رہنماؤں اور شرکاء کو ہائی لیول سکیورٹی فراہم کریں گے۔

    وزیر اعلی نے ہدایت کی کہ کنٹینر پربلٹ پروف روسٹرم اوربلٹ پروف شیلڈز کا استعمال یقینی بنایا جائے۔لانگ مارچ کے شرکاء پہلے بھی پرامن رہے اور اب بھی پرامن رہیں گے۔پولیس اورانتظامیہ عوام کے جان و مال کے تحفظ کیلئے کوئی کسر اٹھا نہ رکھے۔چودھری پرویزالٰہی نے کہا کہ تمام متعلقہ ادارے بہترین کوآرڈینیشن کے تحت امن وامان کی صورتحال کو یقینی بنائیں اورٹریفک رواں دواں رکھنے کیلئے متبادل انتظامات کیے جائیں۔کو آرڈینیشن کمیٹی روزانہ کی بنیاد پر میٹنگ کرے اورصورتحال کے تناظرمیں اقدامات کیے جائیں۔

    وزیراعلیٰ چودھری پرویز الٰہی کو ٹوبہ ٹیک سنگھ اور دیگر شہروں میں لانگ مارچ میں شریک قیادت اور شرکاء کے سکیورٹی انتظامات کے بارے میں بریفنگ دی گئی-پی ٹی آئی کے مرکزی رہنما اسد عمر، صوبائی وزیر ڈاکٹر یاسمین راشد، عمر ایوب،صوبائی مشیر داخلہ عمر سرفراز چیمہ، شوکت بھٹی، چیف سیکرٹری عبداللہ خان سنبل،ا یڈیشنل چیف سیکرٹری داخلہ کیپٹن (ر) اسداللہ خان، پرنسپل سیکرٹری وزیراعلیٰ محمد خان بھٹی، ایڈیشنل آئی جی آپریشنز پنجاب، ایڈیشنل آئی جی سی ٹی ڈی، ایڈیشنل آئی جی سپیشل برانچ،سی سی پی او لاہور، ڈی آئی جی آپریشنز پنجاب، سیکرٹری سپیشلائزڈ ہیلتھ کیئر اینڈ میڈیکل ایجوکیشن، ڈی جی ریسکیو 1122، کمشنر فیصل آباد ڈویژن، کمشنر سرگودھا ڈویژن، آر پی او فیصل آباد، آر پی او سرگودھا، چنیوٹ، سرگودھا، فیصل آباد، ٹوبہ ٹیک سنگھ اور جھنگ کے ڈپٹی کمشنرز اور ڈی پی اوزنے اجلاس میں شرکت کی-ڈپٹی کمشنر و ڈی پی او چکوال ویڈیو لنک کے ذریعے اجلاس میں شریک ہوئے-

  • آرمی چیف کی قومی ٹیم کو نیوزی لینڈکیخلاف سیمی فائنل جیتنے پر مبارک باد

    آرمی چیف کی قومی ٹیم کو نیوزی لینڈکیخلاف سیمی فائنل جیتنے پر مبارک باد

    راولپنڈی:پاک فوج کےسربراہ نےپاکستان کی فتح پرپاکستان کی کرکٹ ٹیم اورٹیم مینجمنٹ کو مبارکباد دیتےہوئے کہا ہےکہ یہ سب پاکستانیوں کی فتح ہے،آرمی چیف جنرل قمرجاوید باجوہ نےپاکستان ٹیم کو نیوزی لینڈ کےخلاف سیمی فائنل جیتنےپرمبارک باد دی ہے۔

    آرمی چیف کا کہنا ہےکہ بہترین پرفارمنس کے ساتھ سیمی فائنل جیتنے پر ٹیم پاکستان کو مبارک باد، فائنل کے لیےگڈلک، پاکستان زندہ باد۔

    ویل ڈن پاکستان ٹیم، وزیراعظم کی قومی ٹیم کو سیمی فائنل جیتنے پر شاباش

    ڈی جی آئی ایس پی آر نے بھی سیمی فائنل میں قومی ٹیم کی فتح پر مسلح افواج کی جانب سے قومی کرکٹ ٹیم کو مبارک باد دی ہے۔

    خیال رہےکہ آئی سی سی ٹی ٹوئنٹی ورلڈکپ کے پہلے سیمی فائنل میں پاکستان نے نیوزی لینڈ کو شکست دے کر فائنل کےلیے کوالیفائی کرلیا ہے۔

    پاکستان نے نیوزی لینڈ کی جانب سے دیا گیا 153 رنز کا ہدف آخری اوور میں حاصل کیا، بابر اعظم اور محمد رضوان نے نصف سنچریاں اسکور کیں۔

    دوسری طرف اس وقت پاکستان اور نیوزی لینڈ کےدرمیان کھیلے جانے والے اہم میچ کی جھلکیاں منظرعام پر آرہی ہیں

    پاکستان کی نیوزی لینڈ کو سیمی فائنل میں شکست کی تصویری جھلکیاں

     

    پاکستان نے آئی سی سی ٹی ٹوئنٹی ورلڈکپ کے سیمی فائنل میں نیوزی لینڈ کو شکست دیکر فائنل کے لیے کوالیفائی کر لیا۔

    پاکستان نے تیسری بار ٹی ٹوئنٹی ورلڈکپ کے فائنل کے لیے کوالیفائی کیا ہے، پہلی مرتبہ پاکستان نے 2007 میں فائنل کے لیے کوالیفائی کیا تھا جبکہ دوسری مرتبہ 2009 میں اور تیسری بار 2022 میں پاکستان فائنل میں پہنچا ہے۔

     

     

     

     

     

     

     

     

     

     

     

     

     

     
     
     
     
     
     
     
     
     
     
     
     
     
     
     
  • نازیبا ویڈیوز کی جنگ،ہم کہاں جا رہے ہیں؟ تجزیہ:شہزاد قریشی

    نازیبا ویڈیوز کی جنگ،ہم کہاں جا رہے ہیں؟ تجزیہ:شہزاد قریشی

    گالم گلوچ‘ ہلڑ بازی‘ بلوہ بندوق کیا کم تھے کہ نازیبا اور فیک ویڈیو کے وار کرکے ملک کے نہ صرف معاشرتی و سماجی اقدار کو پامال کیا جارہاہے بلکہ سیاست اور سیاستدانوں کے زندہ جنازے نکالے جارہے ہیں اور نوجوان نسل کے ذہنوں میں سیاست کے لئے نفرت بھری جارہی ہے۔ یاد رکھیں کسی بھی معاشرے میں سیاسی آزادیوں کے فروغ اور سیاسی پارٹیوں کا استحکام ہی درپیش چیلنجز سے قوموں کو نکالنے میں مدد کرتے ہیں۔ مضبوط سیاسی اقدار مضبوط سیاسی افکار ہی کسی قوم کو مضبوط مستحکم معاشرہ اور مضبوط معیشت دیتے ہیں۔ مضبوط معیشت ہی ناقابل تسخیر دفاع کی ضامن ہے

    صد افسوس کہ ہمارے ہاں سیاست کو کھیل تماشا ناچ گانا گالم گلوچ احتجاج کے نام پر سرکاری اور نجی املاک کو آگ لگانے سکول کالج بند کرانے تو بنا ہی دیا گیا تھا لیکن سیاستدانوں کی ویڈیو جنگ نے تو ہر باشعور اور سنجیدہ حلقے کو جھنجھوڑ کے رکھ دیا ہے۔ حال ہی میں اعظم سواتی کی ازدواجی زندگی پر فیک ویڈیو کا ڈرامہ رچایا گیا اور اسی عمر کے بزرگ سیاستدان پرویز رشید کی ایک ویڈیو منظر عام پر لائی گئی جس نے سنجیدہ سیاسی حلقوں میں سکتہ طاری کردیا ہے۔ پرویز رشید سیاست میں رواداری اور سنجیدگی کا آئی کان ہے اور ان کی سیاسی جدوجہد کو تمام سیاسی پارٹیوں میں احترام کی نظر سے دیکھا جاتا ہے ایسی شخصیات کے لباس پر غلاظت کے چھینٹوں سے کون سے مذموم عزائم کو پورا کرنے کی مشق کی جارہی ہے اور ان حرکات کو قوم کو سماجی انحطاط معاشرتی بے راوہ روی اور سیاسی بانجھ پن کی صورت میں قوم کو مستقبل قریب میں ایک بھاری قیمت ادا کرنا پڑے گی ضرورت اس امر کی ہے کہ تمام مقتدر حلقوں سیاسی جماعتوں اور معاشرتی قوتوں کو یکجا ہو کر ایسی سازشوں کو روکنا ہوگا.

  • تنقید کرنیوالےانجوائےکریں ٹیم فائنل میں پہنچ گئی ہے: بابر اعظم

    تنقید کرنیوالےانجوائےکریں ٹیم فائنل میں پہنچ گئی ہے: بابر اعظم

    پرتھ:قومی کرکٹ ٹیم کےکپتان بابراعظم کاکہنا ہےکہ تنقید کرنےوالےانجوائےکریں ٹیم فائنل میں پہنچ گئی ہے۔آئی سی سی ٹی ٹوئنٹی ورلڈکپ کےپہلے سیمی فائنل میں فتح کےبعد گفتگوکرتےہوئےبابر اعظم کہنا تھا کہ ہم پلان کرکے آئے تھےکہ ابتدائی 6 اوررز میں مومینٹم سیٹ کریں گے اور ہم اس میں کامیاب رہے۔

    ٹی 20 ورلڈکپ، نیوزی لینڈ کو ہرا کر پاکستان فائنل میں پہنچ گیا

    بابر اعظم کہنا تھا کہ آج بالرز نے اچھی پرفارمنس دی، ہم جیت کے لمحےکو انجوائے کر رہےہیں، مل بیٹھ کر فائنل کے لیے پلان کریں گے۔

    میچ کے بعد پریس کانفرنس کرتے ہوئے بابر اعظم کا کہنا تھا کہ ورلڈکپ کا آغاز اچھا نہیں رہا، کرکٹ میں اپ ڈاؤن ہوتے رہتے ہیں، یقین تھا کہ کم بیک کروں گا، ٹیم منیجمنٹ کا شکریہ کہ مجھ پر یقین برقرار رکھا۔

    ٹی 20: محمد رضوان اور بابر اعظم کی نویں سنچری پارٹنرشپ

    بابر اعظم کا کہنا تھا کہ فائنل میں جو بھی ٹیم سامنے ہو 100 فیصد دیں گے، تنقید مجھ پر نہیں ٹیم پر کی جاتی ہے، تنقید کپتان پر ہو تو سمجھیں تنقید ٹیم پر ہی کی جارہی ہے، تنقید کرنے والے انجوائےکریں ٹیم فائنل میں پہنچ گئی ہے۔

    خیال رہےکہ آئی سی سی ٹی ٹوئنٹی ورلڈکپ کے پہلے سیمی فائنل میں پاکستان نے نیوزی لینڈ کو شکست دے کر فائنل کےلیے کوالیفائی کرلیا ہے۔

    پاکستان نے نیوزی لینڈ کی جانب سے دیا گیا 153 رنز کا ہدف آخری اوور میں حاصل کیا، بابر اعظم اور محمد رضوان نے نصف سنچریاں اسکور کیں۔

  • سودی نظام قرآن و سنت کیخلاف،سٹیٹ بینک اپیل واپس لے گا، وزیر خزانہ

    سودی نظام قرآن و سنت کیخلاف،سٹیٹ بینک اپیل واپس لے گا، وزیر خزانہ

    سودی نظام قرآن و سنت کیخلاف،سٹیٹ بینک اپیل واپس لے گا، وزیر خزانہ

    وفاقی وزیر خزانہ اسحاق ڈارنے سودی نظام کے خلاف شریعت کورٹ کے فیصلے کے خلاف اپیلیں واپس لینے کا اعلان کردیا۔

    پریس کانفرنس کرتے ہوئے وزیر خزانہ اسحاق ڈار کا کہنا تھا کہ سودی نظام قرآن و سنت کے خلاف ہے پاکستان کو سود سے پاک نظام کی طرف لے کے جائیں گے. اس پر کافی بحث ہوئی، مشاورت گورنر سٹیٹ بینک سے ہوئی، اسلامی بینکنگ نظام کو آگے بڑھایا گیا تھا ایک کمیٹی قائم کی گئی تھی، اس نے کافی کام کیا تھا اور پیشقدمی ہوئی تھی لیکن پھر آگے نہ بڑھ سکا، سود کے خلاف فیصلہ آیا تو سٹیٹ بینک نے اپیل دائر کی، چونکہ یہ شرعی اور اخلاقی حکم ہے ہماری ترجیح، فیصلوں کا معیار قرآن و سنت ہے، سٹیٹ بینک شرعی عدالت کے فیصلے کے خلاف پٹیشن واپس لے گا. ہماری حکومت کوشش کرے گی کہ تیزی سے اس حوالہ سے اسلامی نظام نافذ کر سکیں، سود سے پاک اسلامی نظام لائیں گے، بینکنگ سسٹم یا 75 سال سے جو چل رہا، ایک دم سے اسے نہیں بدلا جا سکتا لیکن ہم ان شاء اللہ کچھ کریں گے

    وزیر خزانہ اسحاق ڈار کا اس موقع پر کہنا تھا کہ نیوزی لینڈ کے خلاف شاندار فتح پر قومی ٹیم کومبارکباد پیش کرتاہوں،دعا ہے کہ اللہ فائنل میں بھی ٹیم کو کامیابی عطا کرے،

    واضح رہے کہ رواں برس 28 اپریل کو وفاقی شرعی عدالت نے سود کے خلاف کیس کا 19 سال بعد فیصلہ سنا یا تھا، عدالت نے اپنے فیصلے میں کہا کہ اسلامی بینکنگ کا ڈیٹا عدالت میں پیش کیا گیا وفاقی حکومت کی جانب سے سود سے پاک بینکنگ کے منفی اثرات سے متفق نہیں ،معاشی نظام سےسود کا خاتمہ شرعی اور قانونی ذمہ داری ہے ،عدالت نے اپنے فیصلے میں کہا کہ بینکوں کے منافع کی تمام اقسام سود کے زمرے میں آتی ہیں، انٹرسٹ ایکٹ 1839 مکمل طورپرشریعت کیخلاف ہے سود کیلئےسہولت کاری کرنیوالے تمام قوانین اورشقیں غیرشرعی قرار دے دی گئیں اسلامی بینکاری نظام رسک سے پاک اوراستحصال کیخلاف ہے، ملک سے ربا کا خاتمہ ہرصورت کرنا ہو گا، ربا کا خاتمہ اسلام کے بنیادی اصولوں میں سے ہے، بینکوں کاقرض کی رقم سے زیادہ وصول ربا کے زمرے میں آتا ہے، بینکوں کا ہرقسم کا انٹرسٹ رباہی کہلاتا ہے، قرض کسی بھی مدمیں لیا گیا ہواس پر لاگو انٹرسٹ ربا کہلائے گا ،وفاقی شرعی عدالت نے فیصلے میں قرار دیا کہ تمام بینکوں کی جانب سےاصل رقم سے زائدرقم لینا سود کے زمرے میں آتا ہے، حکومت کوہدایت دی جاتی ہے کہ انٹرسٹ کا لفظ ختم کرے، ربا مکمل طورپرہرصورت میں غلط ہے

    سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

    سابق اہلیہ کی غیراخلاقی تصاویر سوشل میڈیا پر اپ لوڈ کرنے والے ملزم پر کب ہو گی فردجرم عائد؟

    ‏سوشل میڈیا پرغلط خبریں پھیلانا اورانکو بلاتصدیق فارورڈ کرنا جرم ہے، آصف اقبال سائبر ونگ ایف آئی اے

    وزارت خزانہ نے مجموعی قرضوں کی تازہ ترین تفصیلات جاری کردیں

    ریاست مدینہ کے دعویدار نے مزید سود والا قرضہ لے لیا ،بہرہ مند تنگی

    نعرہ ریاست مدینہ کا اور ملک چلا رہے ہیں سود پر، مذمتی قرارداد اسمبلی میں جمع

    ای ایف پی کا گورنر اسٹیٹ بینک رضا باقر سے شرح سود میں نمایاں کمی کا مطالبہ

     ملکی موجودہ ابتر معاشی صورتحال تباہ کن مغربی سودی نظام ہے،علامہ زاہدالراشدی

    سود کا خاتمہ حکم الہٰی کے ساتھ آئین پاکستان کا اہم تقاضا بھی، ڈاکٹر قبلہ ایاز

  • پاکستان میں 35ملین افراد ذیابیطس میں مبتلا،لاکھوں بیماری سے لاعلم

    پاکستان میں 35ملین افراد ذیابیطس میں مبتلا،لاکھوں بیماری سے لاعلم

    پاکستان میں 35ملین افراد ذیابیطس میں مبتلا،لاکھوں بیماری سے لاعلم

    پرنسپل پوسٹ گریجویٹ میڈیکل انسٹی ٹیوٹ و امیر الدین میڈیکل کالج پروفیسر ڈاکٹر سردار محمد الفرید ظفر نے پاکستان میں ذیابیطس کے مریضوں کی بڑھتی ہوئی تعداد کو خطرے کی گھنٹی قرار دیتے ہوئے کہا ہے کہ ضرورت اس امر کی ہے کہ ڈاکٹرز، سول سوسائٹی اور میڈیا شہریوں میں احتیاطی تدابیر اور حفظان صحت کے اصولوں کو اجاگر کرنے اور ذیابیطس پر قابو پانے کے لئے جنگی بنیادوں پر کام کریں تاکہ نئی نسل کو اس مہلک مرض سے بچا کر صحت مند معاشرہ پروان چڑھ سکے۔ انہوں نے کہا کہ ذیابیطس دنیا بھر میں بالخصوص تیسری دنیا میں تیزی سے پھیلنے والا مرض ہے اور آج ہر پانچواں پاکستانی شوگر کی بیماری میں مبتلا ہے، پاکستان میں ذیابیطس کے مرض میں مبتلا افراد کی تعداد تقریبا ً 35ملین جبکہ لاکھوں لوگ بیماری سے لاعلم ہیں جو لمحہ فکریہ ہے تاہم اس مرض سے خوفزدہ ہونے کی بجائے غذا، ادویات، ورزش اور پرہیز کو معمول بنانا چاہیے۔ پروفیسر الفرید ظفر نے مزید کہا کہ ذیابیطس کو کئی امراض کی ماں کہا جائے تو بے جا نہ ہو گا تاہم غفلت و لاپرواہی کے سبب انسانی اعضاء سے بھی محروم ہونا پڑ جاتا ہے۔

    ان خیالات کا اظہار انہوں نے لاہور جنرل ہسپتال میڈیکل یونٹ تھری کے زیر اہتمام ذیابیطس کے عالمی دن کی مناسبت سے منعقدہ تقریب و پریس کانفرنس سے خطاب کرتے ہوئے کیا۔ پروفیسر آف میڈیسن و شوگر سپیشلسٹ ڈاکٹر طاہر صدیق،صدر پاکستان میڈیکل ایسوسی ایشن پروفیسراشرف نظامی، پروفیسر عظیم الدین ذاہد، ڈاکٹر عزیز فاطمہ، ڈاکٹر محمد مقصود نے کہا کہ ذیابیطس خاموش قاتل ہے جو انسانی جسم کو دیمک کی طرح کھوکھلا کرتا ہے۔انہوں نے بتایا کہ شوگر کی بنیادی وجوہات موٹاپا، غیر صحت مندانہ طرز زندگی ،خاندان میں شوگر کے مرض کا عام ہونا، غیر متوازن غذا،بڑھتی عمر، بلڈ پریشر، خون میں چکنائی میں عدم توازن جیسی وجوہات شامل ہیں۔ اس بیماری کے دیگر اسباب میں ورزش سے لا تعلقی،جسمانی مشقت کا فقدان اور سماجی و معاشرتی مسائل بھی شامل ہیں،اس بیماری کی روک تھام کیلئے ضروری ہے کہ لوگ اپنے روزمرہ کے معاملات کے ساتھ خوراک میں بھی تبدیلی لائیں اور جسمانی ورزش وغیرہ کو اپنی زندگی کا حصہ با قاعدہ طور پر حصہ بنائیں۔

    پروفیسر الفرید ظفراور پروفیسر طاہر صدیق کا کہنا تھا کہ سکول کی سطح سے ہی ذیابیطس کی تشخیص و علاج معالجے کو قومی صحت پالیسی میں متعارف کرایا جائے کیونکہ بر وقت تشخیص اور فوری علاج سے ہی اس بیماری کی پیچیدگیوں سے لا حق ہونے والے مسائل کا خاتمہ ہو سکتا ہے۔ انہوں نے کہا کہ والدین کم عمری میں ہی اپنے بچوں کو فاسٹ فوڈ اور سوڈا مشروبات سے دور رکھیں یہ وزن میں اضافے کا سبب ہے اور موٹاپا ٹائپ ٹو شوگر کی وجوہات میں ایک اہم وجہ ہوتی ہے۔انہوں نے کہا کہ ذیابیطس اندھے پن، گردے فیل ہونے، فالج اور ہاتھ پاؤں سے محرومی کی اہم وجہ بھی ہے۔

    صحافیوں سے گفتگو کرتے ہوئے معروف گائناکالوجسٹ پروفیسر الفرید ظفرکا کہنا تھا کہ ایسی خواتین جنہیں ذیابیطس کا مرض نہیں ہوتا لیکن دوران حمل ان کی شوگر ہائی رہتی ہے جس کی بنیادی وجہ ذہنی دباؤ اور جسمانی تبدیلیا ں ہیں۔انہوں نے کہا کہ ایسی خواتین کو گائناکالوجسٹ سے اپنا طبی معائنہ با قاعدگی سے کروانا چاہیے تاکہ شوگر کی زیادتی اور ہائی بلڈ پریشر کو کنٹرول کیاجا سکے جو زچگی کے دوران ماں و بچے کی زندگی کے لئے خطرات پیدا کرتے ہیں۔  یہ بات مشاہدے میں آئی ہے کہ حمل کے دورا ن بڑھی ہوئی شوگر زچگی کے بعد نارمل سٹیج پر آ جاتی ہے تاہم ایسی خواتین کے لئے ضروری ہے کہ وہ اپنی شوگر کو باقاعدگی سے مانیٹر کریں جبکہ مریض کو ڈاکٹر کی ہدایت کے مطابق ادویات اور انسولین لگانے میں کسی قسم کی ہجکچاہٹ محسوس نہیں کرنی چاہیے۔انہوں نے بتایا کہ1985میں دنیا بھر میں 3کروڑ افراد ذیابیطس کا شکار تھے جبکہ اب یہ تعداد24سے25کروڑ کے لگ بھگ پہنچ چکی ہے،ذیابیطس دنیا میں ہونے والی اموات کی چوتھی بڑی وجہ ہے  شوگر کے مریض اپنے چہرے سے زیادہ پاؤں کا خیال رکھیں

  • وزیراعظم،ڈی جی آئی ایس پی آر، وزیر خارجہ سمیت دیگر کی قومی ٹیم کو مبارکباد

    وزیراعظم،ڈی جی آئی ایس پی آر، وزیر خارجہ سمیت دیگر کی قومی ٹیم کو مبارکباد

    باغی ٹی وی کی رپورٹ کے مطابق ٹی ٹونٹی ورلڈ کپ، پاکستان فائنل میں پہنچ گیا، وزیراعظم سمیت سیاسی قائدین نے قومی ٹیم کو مبارکباد دی ہے

    آرمی چیف سمیت مسلح افواج کےسربراہان نے قومی کرکٹ ٹیم کومبارکباد دی ہے، ڈی جی آئی ایس پی آرنے قومی ٹیم کوشاندارفتح پرمبارکباد دی ہے،پاکستان کی سیمی فائنل میں فتح پردنیا بھرمیں پاکستانیوں نے جشن منایا ،اس موقع پر وزیراعظم شہباز شریف کا کہنا تھا کہ جنون، عزم اور نظم و ضبط، شاندار واپسی پر شاباش پاکستان،چیئرمین پی ٹی آئی عمران خان نے بھی قومی ٹیم کومبارکباد دی ہے وزیرخارجہ بلاول بھٹو نے بھی قومی کرکٹ ٹیم کوجیت پرمبارکباد دی ہے ،سابق وزیراعظم نوازشریف نے بھی قومی ٹیم کوشاندارفتح پرمبارکباد دی ہے مریم نواز نے بھی نیوزی لینڈ کیخلاف شاندارفتح پرقومی ٹیم کومبارکباد دی ہے شاہدخاقان عباسی،یوسف رضاگیلانی ،راجہ پرویزاشرف نے بھی قومی ٹیم کو مبارکباد دی ہے

    صوبائی وزیر کھیل ملک تیمور مسعود نے قومی کرکٹ ٹیم کو ٹی 20ورلڈ کپ کے فائنل میں پہنچنے پر مبارکباد دی اور کہا کہ ٹی 20ورلڈ کپ کے سیمی فائنل نے 1992ء کے کرکٹ ورلڈ کپ کی یاد تازہ کردی ہے، قومی کرکٹ ٹیم کے اوپنرز کپتان بابر اعظم اور محمد رضوان نے نصف سینچریاں بنا کر ٹیم کو فتح دلانے میں اہم کردار ادا کیا، پاکستانی باؤلرز نے شاہین شاہ آفریدی اور محمد نواز نے نپی تلی باؤلنگ کی،باؤلر نے نیوزی لینڈ کی ٹیم کوبڑا سکوربنانے سے روکے رکھا

    ٹی20ورلڈکپ کافائنل اتوار13نومبرکومیلبرن میں ہوگا 30سال بعدپاکستان میلبرن کرکٹ گراونڈ میں ورلڈکپ کافائنل کھیلےگا

  • ہیپاٹائٹس اے ویکسین کے عطیہ پر چین کے شکرگزارہیں. وزیر صحت عبدالقادر پٹیل

    ہیپاٹائٹس اے ویکسین کے عطیہ پر چین کے شکرگزارہیں. وزیر صحت عبدالقادر پٹیل

    ہیپاٹائٹس اے ویکسین کے عطیہ پرچین کے شکرگذارہیں. وفاقی وزیر صحت عبدالقادر پٹیل
    وفاقی وزیر صحت عبدالقادر پٹیل نے چین کی جانب سے ہیپاٹائٹس اے ویکسین کی ایک لاکھ خوراکوں کے عطیہ پر حکومت اور عوام کی جانب سے شکریہ ادا کرتے ہوئے کہا ہے کہ پاکستان اور چین مضبوط، حقیقی اور پائیدار تعلقات کے ساتھ رواں دواں ہیں ‘پاکستان کی سیلاب سے متاثرہ آبادی کو امداد فراہم کرنا حکومت کی اولین ترجیح ہے۔بدھ کو وفاقی وزیر صحت عبدالقادر پٹیل نے وزارت نیشنل ہیلتھ سروس ریگولیشنز اینڈ کوآرڈینیشن اسلام آبادمیں منعقدہ تقریب کی صدارت کرتے ہوئے کہا کہ چین کی حکومت اور عوام کے شکرگذارہیں اور خوشی ہوئی کہ پاک چین دوستی نے ایک اور سنگ میل عبورکیا ہے ۔

    انہوں نے کہا کہ اس وقت پاکستان تاریخ کے بدترین سیلاب کی تباہ کاریوں سے گذر رہا ہے جہاں ابھی تک سندھ اور بلوچستان کے صوبوں میں بڑی آبادی سیلابی امدادی کیمپوں میں مقیم ہے۔ ان امدادی کیمپوں کے رہائشی مختلف وبائی امراض کے خطرے سے دوچار ہیں‘جس میں ہیپاٹائٹس اے وائرس کے پھیلائو کا خطرہ زیادہ ہے۔ لہٰذا پاکستان کی سیلاب سے متاثرہ آبادی کو امداد فراہم کرنا حکومت کی اولین ترجیح ہے۔ اس وقت، ہم بچوں اور بڑوں کے لیے چین کی طرف سے ہیپاٹائٹس اے ویکسین کی ایک لاکھ خوراکوں کے عطیہ پرشکر گزار ہیں۔ یہ عمل دونوں ممالک کی صحت اور خوشحالی کے لیے پاکستان اور چین کے درمیان اسٹریٹجک تعاون پر مبنی شراکت داری کو تقویت دیتا ہے۔سینوویک کے چیف ایگزیکٹو آفیسر مسٹر گائو کیانگ نے کہا کہ آج پاکستان اور چین کے درمیان باہمی اعتماد، احترام اور خیر سگالی پر مبنی لازوال اور بے مثال دوطرفہ دوستی کے ستر سال کے تسلسل میں ایک اہم سنگ میل ہے۔انہوں نے کہا کہ چین کی حکومت اور عوام کی جانب سےمجھے یہ بتاتے ہوئے خوشی ہو رہی ہے کہ ہمیں اس اقدام کا حصہ بننے پر فخر ہے۔
    مزید یہ بھی پڑھیں؛
    عمران خان کی کہانی ختم:ہرطرف سے پکی چھٹی:15نومبرکوعمران خان جیل میں ہوںگے؟
    وفاقی وزیر نے تحریک انصاف سے مذاکرات سے متعلق رابطوں کی تصدیق کردی
    وائرلیس آپریٹر ویئون (جاز) کا پاکستان میں اپنے ٹاورز فروخت کرنے کا منصوبہ
    شاعر مشرق علامہ محمد اقبال کا 145 واں یوم پیدائش آج منایا جا رہا ہے
    اس موقع پر ڈاکٹر محمد احمد قاضی، ڈی جی، ایف ڈی آئی نے تمام عہدیداروں کا شکریہ ادا کیا اور کہا کہ میں فراہم کردہ مدد کے لیے سینوویک کی پوری ٹیم کا شکریہ ادا کرتا ہوں اور یقین دلاتا ہوں کہ اسے پاکستان کے بچوں اور بالغ آبادی کے لیے بہترین طریقے سے استعمال کیا جائے گا۔

  • ٹی 20 ورلڈکپ، نیوزی لینڈ کو ہرا کر پاکستان فائنل میں پہنچ گیا

    ٹی 20 ورلڈکپ، نیوزی لینڈ کو ہرا کر پاکستان فائنل میں پہنچ گیا

    لاہور:پاکستان نے 1992ء ورلڈکپ کی تاریخ دہراتے ہوئے آسٹریلیا میں کھیلے جانے والے ٹی 20 ورلڈکپ میں نیوزی لینڈ کو 7 وکٹوں سے شکست دیکر محدود فارمیٹ میں تیسری مرتبہ فائنل میں جگہ بنا لی۔

    ٹی 20 ورلڈکپ کے پہلے سیمی فائنل میچ میں نیوزی لینڈ کے کپتان کین ولیمسن نے ٹاس جیت کر قومی ٹیم کے کپتان بابر اعظم کو بیٹنگ کرنے کے بارے میں آگاہ کیا۔

    پاکستانی بیٹنگ:

    153 رنز کے ہدف کے تعاقب میں قومی ٹیم کی طرف سے اننگز کا آغاز کپتان بابر اعظم اور محمد رضوان نے کیا، دونوں بیٹرز میگا ایونٹ میں مسلسل ناکام رہے تھے تاہم کیویز کے خلاف سیمی فائنل میچ کے دوران جارحانہ انداز میں بیٹنگ کی اور حریف باؤلرز کی خوب درگت بنائی۔

    بابر اعظم اور محمد رضوان نے ٹی 20 فارمیٹ میں اپنی نویں سنچری شراکت بنائی، یہ ریکارڈ 12 ویں اوورز میں بنا، اس وقت بابر اعظم نے 52 اور رضوان 46سکور بنا چکے تھے۔

    دونوں پلیئرز کے درمیان 105 رنز کی پارٹنر شپ بنی اور بابر اعظم 42 گیندوں پر 53 رنز بنا کر بولٹ کا نشانہ بن گئے، مچل نے کیچ تھاما۔ بابر اعظم کے آؤٹ ہونے کے بعد وکٹ کیپر بیٹر محمد رضوان نے اپنی 23 ویں نصف سنچری مکمل کی اور مسلسل ناکامی کا جمود بھی توڑا۔

    17 ویں اوورز میں وکٹ کیپر بلے باز 57 سکور بنا کر پویلین لوٹ گئے، ٹرینٹ بولٹ نے وکٹ حاصل کی، اس دوران قومی بلے باز نے امپائر سے نو بال کی استدعا کی تاہم بعد میں تھرڈ امپائر نے نو بال کے بجائے آؤٹ قرار دیدیا۔ محمد حارث 30 سکور بنا کر سینٹر کی گیند پر وکٹ گنوا بیٹھے۔

    پاکستان نے ہدف آخری اوورز میں 3 وکٹوں کے نقصان پر حاصل کر لیا، شان مسعود 3اور افتخار صفر پر ناؤٹ آ رہے۔ بولٹ نے دو وکٹیں حاصل کیں۔

    یاد رہے کہ پاکستان اس سے قبل 2007ء کے ورلڈکپ میں فائنل میں بھارت سے شکست کھا چکا ہے جبکہ 2009ء کے میگا ایونٹ میں سری لنکا کو پچھاڑا تھا۔

    نیوزی لینڈ بیٹنگ:

    اس سے قبل سڈنی میں کھیلے جانیوالے ٹی20 ورلڈ کپ کے پہلے سیمی فائنل میں نیوزی لینڈ کے کپتان کین ولیمسن نے ٹاس جیت کر پاکستان کو باؤلنگ کی دعوت دی تھی۔ ولیمسن الیون کا آغاز ہی جارحانہ ہوا جب فن ایلن نے پہلی ہی گیند پر چوکا لگایا لیکن اگلی گیند پر امپائر نے انہیں آؤٹ دیا البتہ انہوں نے ریویو لینے کا فیصلہ کیا جو بالکل درست ثابت ہوا کیونکہ ان کے بلے سے لگنے کے بعد پیڈ پر لگی تھی۔

    اس دوران اگلی ہی گیند پر ایک مرتبہ پھر گیند ان کے پیڈ سے ٹکرائی اور امپائر نے انہیں دوبارہ ایل بی ڈبلیو قرار دے دیا، ایلن نے ریویو لیا لیکن وہ ناکام رہے اور پویلین لوٹ گئے، اس کے بعد ڈیون کونوے کا ساتھ دینے کپتان کین ولیمسن آئے ہیں اور دونوں کھلاڑیوں نے مل کر سکور کو 38 تک پہنچایا۔

    پاور پلے کی آخری گیند پر کیوی جوڑی نے مشکل رن لینے کی کوشش کی لیکن شاداب خان کی تھرو نے کونوے کی اننگز کا خاتمہ کردیا، انہوں نے 21رنز بنائے۔ اگلی وکٹ کے لیے مزید انتظار نہ کرنا پڑا اور محمد نواز نے اپنی ہی گیند پر کیچ لے کر خطرناک گلین فلپس کی اننگز کا بھی خاتمہ کردیا۔ تین وکٹیں گرنے کے بعد ولیمسن کا ساتھ دینے ڈیرل مچل آئے اور دونوں نے تیزی سے اسکور کو آگے بڑھانا شروع کیا۔

    دونوں کھلاڑیوں نے چوتھی وکٹ کے لیے 68 رنز کی شراکت قائم کی، شاہین شاہ آفریدی نے اپنے آخری اوور میں 46 رنز بنانے والے ولیمسن کو آؤٹ کر کے پاکستان کو چوتھی کامیابی دلائی۔

    دوسرے اینڈ سے ڈیرل مچل نے عمدہ بیٹنگ کا سلسلہ جاری رکھا اور نصف سنچری مکمل کی۔ نیوزی لینڈ نے مقررہ اوورز میں 4 وکٹوں کے نقصان پر 152 رنز بنائے، مچل نے 35 گیندوں پر 53 رنز کی اننگز کھیلی۔ شاہین شاہ آفریدی نے دو وکٹیں حاصل کی جبکہ محمد نواز نے ایک شکار کیا۔

    بابر اعظم

    اس سے قبل ٹاس جیتنے کے بعد بابر اعظم نے کہا کہ قومی ٹیم کے کپتان بابر اعظم نے کہا کہ ٹاس جیتنے کی صورت میں ہم بھی پہلے بیٹنگ کرتے۔ انہوں نے پاکستان نے ٹیم میں کوئی تبدیلی نہیں کی اور بنگلہ دیش کے خلاف جیتنے والی فاتح الیون کو برقرار رکھا ہے۔

    پاکستانی سکواڈ

    بابر اعظم (کپتان)، محمد رضوان، محمد حارث، افتخار احمد، شاداب خان، محمد نواز، محمد وسیم جونیئر، شاہین شاہ آفریدی، حارث رؤف اور نسیم شاہ۔

    نیوزی لینڈ سکواڈ

    کین ولیمسن (کپتان)، فن ایلن، ڈیون کونوے، گلین فلپس، ڈیرل مچل، جیمز نیشام، مچل سینٹنر، ٹم ساؤدھی، ایش سودھی، لوکی فرگوسن اور ٹرینٹ بولٹ

  • گھریلو جھگڑا،ماں نے دو بچوں کو قتل کر دیا

    گھریلو جھگڑا،ماں نے دو بچوں کو قتل کر دیا

    گھریلو جھگڑے پر ماں نے بچوں کو مار دیا، خود کو بھی مارنے کی کوشش کی،

    ڈی پی او رائے مظہر اقبال نے تھانہ صدر حافظ آباد کے علاقہ مدہریانوالہ میں دو کمسن بچوں کی ہلاکت کے واقعہ کا نوٹس لے لیا

    ڈی پی او نے ایس ڈی پی او صدر سرکل سے واقعے کی رپورٹ طلب کرلی ۔پولیس نے جائے وقوعہ پر پہنچ کر تفتیش کا آغاز کر دیا ۔ پولیس کے مطابق فرانزک ٹیمیں موقعہ سے تمام شواہد اکٹھے کر رہی ہیں۔ دونوں کمسن بچوں کی لاشوں کو پوسٹ مارٹم کے لیے سرکاری ہسپتال منتقل کر دیا گیا ہے۔ ابتدائی تفتیش کے مطابق گھریلو ناچاقی پر والدہ شگفتہ نے دونوں بچوں کی نسیں کاٹیں۔ نسیں کٹنے کی وجہ سے دونوں بچوں کی موقع پر ہلاکت ہو گئی

    دونوں بچوں میں کمسن 3 سالہ عبدالحادی اور ڈیڑھ سالہ شیر خوار عبدالرحیم شامل ہیںملزمہ شگفتہ نے بچوں کو قتل کرنے کے بعد خود بھی خودکشی کی کوشش کی ملزمہ شگفتہ کی چھ سال قبل اپنے کزن محمد شبیر سے شادی ہوئی تھی۔ ملزمہ شگفتہ کا ایک سال سے اپنے خاوند سے جھگڑا چل رہا تھا۔ملزمہ شگفتہ خاوند سے لڑائی جھگڑا کر کے مدہریانوالہ اپنے والدین کے گھر رہائش پذیر تھی۔ ملزمہ شگفتہ پولیس کی حراست میں ہے اور ہسپتال میں زیر علاج ہے۔

    مارگلہ کی پہاڑیوں پر تعمیرات پر پابندی عائد

    ایف نائن پارک میں شہری پر حملے کا مقدمہ تھانہ مارگلہ میں درج کر لیا گیا

     اعظم سواتی بھی اسلام آباد پولیس کے خلاف بول اٹھے