Tag: تازہ ترین

چیئرمین تحریک انصاف عمران خان سے اعتزاز احسن کی ملاقات ہوئی ہے

زمان پارک میں عمران خان کی رہائشگاہ پر ہونیوالی ملاقات میں اعتزاز احسن نے عمران خان پر ہونیوالے مبینہ حملے کی مذمت کی، اس موقع پر عمران خان کا کہنا تھا کہ اعتزاز احسن کو 17سال پہلے پی ٹی آئی میں شامل ہونے کی دعوت دی تھی ،ہمارا اور اعتزاز احسن کا نظریہ ایک ہی ہے اعتزاز احسن کا مستقبل ہمارے ساتھ ہے، اعتزاز احسن میرے وکٹ کیپر ہوا کر تے تھے،اعتزاز احسن کرکٹ کو بخوبی جانتے ہیں،

اس موقع پر اعتزاز احسن کا کہنا تھا کہ جب عمران خان پر فائرنگ ہوئی تو اس وقت ٹی وی دیکھ رہا تھا، ملزم نوید کے ویڈیو بیان کے بعد مجھے فون آیا تو میں نے کہا طوطا بول رہا ہے،عمران خان نے اعتزاز احسن کو پی ٹی آئی میں شمولیت کی دعوت دی اور کہا کہ انتظار میں ہوں اعتزاز احسن کب پی ٹی آئی میں شامل ہو کر ساتھ چلیں گے، اعتزاز احسن کا کہنا تھا کہ آج ملاقات کے دوران عمران خان نے مجھے پی ٹی آئی میں شمولیت کی دعوت دے دی اس عزت افزائی کا شکریہ

واضح رہے کہ عمران خان وزیرآباد میں لانگ مارچ کے دوران ہونیوالے مبینہ حملے کے بعد شوکت خانم منتقل ہوگئے تھے، ہسپتال والوں نے ڈسچارج کیا تو عمران خان زمان پارک آ گئے، عمران خان کے گھر کے نواح میں سیکورٹی کے سخت انتظامات کئے گئے ہیں، پارٹی رہنماؤں کی عمران خان سے ملاقاتوں کا سلسلہ بھی جاری ہے،

تحریک انصاف کا احتجاج، راستے بند، شہریوں کی زندگی اجیرن

ویڈیو:عمران خان پر حملہ کرنیوالا ملزم گرفتار،عمران خان کیسے آئے باہر؟

 عمران خان کو پتہ تھا کہ انہیں ہٹانے کی منصوبہ بندی جاری ہے،

شوکت خانم میں عمران خان کا علاج جاری ہے،میڈیکل رپورٹس تسلی بخش قرار دے دی 

شوکت خانم کے باہر سے مشکوک شخص گرفتار

جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

پاکستان کو ایک مرتبہ پھر انتہا پسندی اور مذہبی جنونیت کا سامنا 

صوبائی وزیر تعلیم مراد راس نے بطور مہمان خصوصی دانش سکولز سالانہ سپورٹس گالا 2022 کی افتتاحی تقریب میں شرکت کی اور اس موقع پر ان کا کہنا تھا کہ طلبا کی زندگی میں کھیلوں کی قلیدی اہمیت ہوتی ہے۔ ہمارے بچوں کیلئے غیر نصابی سرگرمیاں بھی اُتنی ہی اہم ہیں جتنی کہ تعلیم۔

مراد راس نے کہا کہ میں آج یہاں صرف ٹاپ پوزیشن حاصل کرنے والے طلبا کو نہیں بلکہ سپورٹس گالا میں حصہ لینے والے تمام بچوں کو ان کی ہمت کوشش اور جذبے کیلئے مبارکباد پیش کرتا ہوں۔ سپورٹس گالا 2022 میں شریک ہونے والے تمام طلبا کا جوش و جذبہ قابلِ تعریف ہے۔ مراد راس نے کہا کہ پنجاب دانش سکولز اینڈ سینٹرز آف ایکسیلنس کی پوری انتظامیہ نے تیسرے دانش سکولز سپورٹس گالا کے انعقاد کے لئے بہترین انتظامات کیے ہیں۔ اس موقع پر صوبائی وزیر سکول ایجوکیشن پنجاب مراد راس نے دانش سکول حاصل پور میں طلبا کیلئے نئے تعمیر کئے جانے والے رہائشی بلاک کا افتتاح بھی کیا۔مراد راس کا چئیرمن پی ٹی آئی عمران خان پر قاتلانہ حملے کے حوالے بات کرتے ہوئے کہنا تھا کہ پاکستان بھر کے لوگوں کی اُمیدیں عمران خان سے جُڑی ہیں۔ تمام لوگ اُن کی جلد از جلد اور مکمل صحتیابی کے لئے بھرپور دعا کریں۔

صوبائی وزیر سکول ایجوکیشن پنجاب مراد راس نے کہا کہ ہم نے دانش سکولز کے نظام کو گزشتہ چند سالوں میں بہتر سے بہترین بنایا ہے۔ انہوں نے بتایا کہ دانش سکول سپورٹس گالا 2022 کے مقابلے 7 دن تک جاری رہیں گے اور طلباء کے مابین کرکٹ، فٹبال، ہاکی، والی بال، ہینڈبال، رسا کشی، باسکٹ بال، 100 میٹر، 400 میٹر دوڑ، و دیگر کھیلوں کے مقابلے ہوں گے۔ یہاں ہمارے بچوں کو غیر نصابی سرگرمیوں کے لئے سٹیٹ آف دی آرٹ سہولیات دی جا رہی ہیں۔

مراد راس نے کہا کہ دانش سکولز سالانہ سپورٹس گالا 2022 میں کُل 1760 طلبا و طالبات حصہ لے رہے ہیں۔ صوبائی وزیر مراد راس کا یہ بھی کہنا تھا کہ ہم نے پنجاب دانش سکولز اینڈ سینٹرز آف ایکسیلنس کو ڈے بورڈرز کے لئے بھی کھول دیا یے تاکہ بورڈنگ والے طلبا کے ساتھ ساتھ ڈے بورڈرز بھی زبردست تعلیمی سہولیات سے مستفید ہو سکیں۔ ہم نے سیاسی روایات کے خلاف ماضی کی حکومتوں کے منصوبے بند کرنے کی بجائے انہیں پہلے سے بہتر بنایا ہے۔ انہوں نے کہا کہ تعلیم اور صحت دو ایسے ادارے ہیں جنہیں کبھی بھی کسی بھی حال میں سیاست کی بھینٹ نہیں چڑھنا چاہیے۔دانش سکولز سالانہ سپورٹس گالا کی افتتاحی تقریب کا انعقاد دانش سکولز اینڈ سینٹرز آف ایکسیلنس حاصل پور میں کیا گیا اور اس موقع پر کمشنر بہاولپور ڈویژن راجہ جہانگیر انور، سی ای او دانش سکولز اینڈ سینٹرز آف ایکسیلنس احمر ملک، مقامی ایم پی ایز، و دیگر موجود تھے