Baaghi TV

Tag: تازہ ترین

  • شاعر مشرق علامہ محمد اقبال کا 145 واں یوم پیدائش آج منایا جا رہا ہے

    شاعر مشرق علامہ محمد اقبال کا 145 واں یوم پیدائش آج منایا جا رہا ہے

    شاعر مشرق اور عظیم مفکر ڈاکٹر علامہ محمد اقبال کا 145 واں یوم پیدائش آج منایا جا رہا ہے، مزار اقبال پر گارڈز کی تبدیلی کی پروقار تقریب ہوئی-

    باغی ٹی وی : پاکستان نیوی کے دستے نے مزار اقبال پر گارڈز کی اعزازی ذمہ داری سنبھال لی ،پاک بحریہ کے اسٹیشن کمانڈر لاہور کموڈور ساجد حسین تقریب کے مہمان خصوصی تھے-

    علامہ محمد اقبال 9 نومبر 1877 کو سیالکوٹ میں پیدا ہوئے ابتدائی تعلیم اپنے آبائی شہر میں حاصل کی اور پھر لاہورآ گئے ان کے والد کا نام شیخ نور محمد تھا، 1899 میں ایم اے کرنے کے بعد اورینٹل کالج میں شعبہ درس و تدریس سے وابستہ ہوگئے اور اس دوران شاعری بھی جاری رکھی۔

    علامہ اقبال نے 1905 میں برطانیہ چلے گئے جہاں پہلے انھوں نے کیمبرج یونیورسٹی ٹرنٹی کالج میں داخلہ لیا اور پھر معروف تعلیمی ادارے لنکنزاِن میں وکالت کی تعلیم لینا شروع کردی بعد ازاں بعد وہ جرمنی چلے گئے جہاں میونخ یونیورسٹی سے انھوں نے فلسفہ میں پی ایچ ڈی کی ڈگری حاصل کی-

    ڈاکٹر محمد اقبال نے 1910 میں وطن واپسی کے بعد وکالت کے ساتھ سیاست میں بھی حصہ لینا شروع کیا اور اپنی شاعری کے ذریعے فکری اور سیاسی طور پر منتشر مسلمانوں کو خواب غفلت سے جگایا شاعرِ مشرق ڈاکٹر علامہ محمد اقبال 20ویں صدی کے معروف مفکر، شاعر، مصنف، قانون دان، سیاست دان، مسلم صوفی اور تحریک پاکستان کی اہم ترین شخصیات میں سے ایک تھے۔

    شاعر مشرق نے اپنی زندگی کا ایک بڑا حصہ یورپ اور انگلستان میں گزارا لیکن انہوں نے انگریزوں کا طرز رہن سہن کبھی نہیں اپنایا، اپنی شاعری میں علامہ اقبال نے زیادہ تر نوجوانوں کو مخاطب کیا، علامہ اقبالؒ کو دورِ جدید کا صوفی بھی سمجھا جاتا ہے۔

    علامہ اقبال نے برصغیر کے مسلمانوں کو غلامی کی زنجیروں سے نجات دلانے کے لیے جداگانہ قومیت کا احساس اُجاگر کیا اور اپنی شاعری سے مسلمانوں کو بیدار کیا اُن کے افکار اور سوچ نے اُمید کا وہ چراغ روشن کیا جس نے نا صرف منزل بلکہ راستے کی بھی نشاندہی کی۔

    علامہ اقبال کا شہرہ آفاق کلام دُنیا کے ہر حصے میں پڑھا اور سمجھا جاتا ہے، انہوں نے ہمیشہ مسلمانوں کو آپس میں اتحاد اور اتفاق کی تلقین کی اور دعوت عمل دی۔

    1934 کو مسلم لیگ کے مرکزی پارلیمانی بورڈ کے رکن بنے تاہم طبیعت نے ان کا ساتھ نہ دیا اور وہ قیام پاکستان سے 9 برس قبل 21 اپریل 1938 کو لاہور میں اپنے خالق حقیقی سے جاملے آپ کا مزار بادشاہی مسجد کے سائے میں مرجع خلائق ہے۔

    حکومت پاکستان نے کئی سال کے بعد رواں برس مفکر پاکستان کے یوم پیدائش کے موقع پر ملک بھر میں عام تعطیل کا اعلان کیا ہے۔

  • امریکہ کی وسطی ریاستوں میں پولنگ ختم،ووٹنگ کی گنتی شروع

    امریکہ کی وسطی ریاستوں میں پولنگ ختم،ووٹنگ کی گنتی شروع

    امریکہ کی وسطی ریاستوں میں بھی پولنگ ختم ، مغربی ریاستوں میں ووٹنگ جاری ہے-

    باغی ٹی وی : امریکا میں وسط مدتی انتخابات ہو رہے ہیں، مختلف ریاستوں میں پولنگ کا وقت ختم ہو گیا ہے اور ووٹوں کی گنتی شروع ہو چکی ہے۔

    پاکستانی نژاد برطانوی گلوکار زین ملک کا وزیرِاعظم رشی سونک کو بچوں کے اہم مسئلے پرخصوصی خط

    امریکی ریاست پینسلوینیا، اوہایو، نیو یارک، نیو جرسی، ٹیکساس، مشی گن، اور ریاست مین سمیت مختلف ریاستوں میں پولنگ کا وقت ختم اور ووٹوں کی گنتی کا عمل شروع ہو گیا ہے۔

    جارجیا، ورجینیا، فلوریڈا، ساؤتھ کیرولائنا، اور ورماؤنٹ سمیت نیو ہیمپشائر کے کچھ علاقوں میں بھی پولنگ کا وقت ختم ہو نے کے بعد ووٹوں کی گنتی کا عمل شروع کر دیا گیا ہے۔

    پروجیکشن کے مطابق ایوان نمائندگان میں ری پبلکن کو 78اور ڈیموکریٹس کو 34 نشستوں پر برتری حاصل ہے ،پروجیکشنسینیٹ میں ڈیموکریٹس کو 37 جبکہ ری پبلکن کو 36 نشستوں پر برتری ہے-

    ایوان نمائندگان میں ری پبلکن کو 78اور ڈیموکریٹس کو 34 نشستوں پر برتری حاصل ہے ایوان نمائندگان میں ری پبلکن کو 86اور ڈیموکریٹس کو 35 نشستوں پر برتری حاصل ہے جبکہ سینیٹ میں ڈیموکریٹس کو 37 جبکہ ری پبلکن کو 36 نشستوں پر برتری ہے-

    بھارت: دنیا کے امیر ترین مندرکے کتنی دولت؟ ٹرسٹ نے 100 سال بعد اثاثے ظاہر کر دیئے

    سینیٹ میں ڈیموکریٹس کو 38 جبکہ ری پبلکن کو 38 نشستوں پر برتریہے ایوان نمائندگان میں ری پبلکن کو 112اور ڈیموکریٹس کو 65 نشستوں پر برتری حاصل ہوئی ایوان نمائندگان میں ری پبلکن کو 127اور ڈیموکریٹس کو 72 نشستوں پر برتری حاصل ہوئی-

    واضح رہے کہ متحدہ ریاست ہائے امریکا میں وسط مدتی انتخابات میں ایوان نمائندگان کی تمام 435 سمیت سینیٹ کی 35 نشستوں، 36 ریاستوں کے گورنروں، ریاستی اسمبلیوں اور مقامی سطح پر عوامی نمائندوں کا انتخاب ہو رہا ہے کئی ریاستوں میں مسلم اور پاکستانی امیدوار بھی قسمت آزما رہے ہیں ڈیموکریٹس جیتے یا ریپبلکن اہم ترین امور پرقانون سازی بھی متاثرہوگی، امیگریشن، جرائم، اسقاط حمل، تعلیم، صحت ہر اشو بیلٹ پر آ گیا۔

    کانگریس میں طاقت کا توازن ری پبلکنز کے پلڑے میں آیا تو ڈونلڈ ٹرمپ کی پوزیشن مضبوط ہو گی، صدربائیڈن بیک فُٹ پر چلے جائیں گے، ڈیموکریٹس کیلئے صدارتی الیکشن بھی مصیبت بننے کاخدشہ ہے امریکا کے وسط مدتی انتخابات کیلئے ووٹنگ میں ایوان نمائندگان میں ابھی ڈیموکریٹس کی 220 اور ری پبلکنز کی 212 نشستیں ہیں جبکہ 3 نشستیں خالی ہیں۔

    نیوزی لینڈ:51 نمازیوں کوشہید کرنے والے مجرم کی سزا کیخلاف اپیل

    دوسری جانب سینیٹ میں ری پبلکنز کے 50 اور ڈیموکریٹس کے 48 سینیٹرز ہیں، 2 آزاد سینیٹرز کی حمایت ڈیموکریٹس کو حاصل ہے، نیویارک، پنسلوانیا سمیت دس بڑی امریکی ریاستوں میں ری پبلکنز اور ڈیموکریٹس میں کانٹے کا مقابلہ متوقع ہے۔

    واضح رہے کہ انتخابات کیلئے چار کروڑ امریکی شہری پہلے ہی ووٹ ڈال چکے ہیں، ابتدائی اندازوں کے مطابق ایوان نمائندگان میں ری پبلکنز کی برتری کا امکان زیادہ ہے۔

    علاوہ ازیں امریکی سینیٹ میں پہلی بارمسلمان رکن منتخب کا امکان روشن ہو گیا ہے، پاکستانی امریکن ڈاکٹر آصف محمود کے ایوان نمائندگان کا رکن منتخب ہونے کا امکان پیدا ہو گئے ہیں۔

    کھاریاں سے تعلق رکھنے والے ڈاکٹر آصف محمود کا کیلی فورنیا کے ڈسٹرکٹ فورٹی میں ری پبلکن رکن کانگریس یونگ کم سے کانٹے کا مقابلہ متوقع ہے کنیٹی کٹ میں پاکستانی امریکن ڈاکٹر سعود انور کے تیسری بار ریاستی سینیٹ کا رکن بننے کا امکان ہے۔

    ٹوئٹر نے بھارت میں 90 فیصد سے زائد عملے کو نوکری سے فارغ کر دیا

    ٹیکساس کی اسمبلی میں ڈاکٹر سلیمان لالانی، سلمان بھوجانی بھی الیکش لڑ رہے ہیں جبکہ ٹیکساس ہی سے سہراب گیلانی بھی ایوان کا رکن بننے کے امیدوار ہیں،کیلی فورنیا سے علی سجاد تاج تیسری بار مئیر بننے کی دوڑ میں شامل ہیں جبکہ صبینہ ظفر اور فرح خان ایک بارپھر کونسل کا رکن بننے کی امیدوارہیں۔

    ترک امریکن ڈاکٹر مہمت عوز ریاست پنسلوینیا سے ری پبلکن پارٹی کے ٹکٹ پر الیکشن لڑ رہے ہیں جبکہ صومالیہ کی 26 برس کی منا عبدی ریاست مین (Maine) کے ڈسٹرکٹ 95 سے بلامقابلہ منتخب ہو چکی ہیں-

    امریکا میں مسلمانوں کی تعداد 36 لاکھ ہے جو کہ مجموعی آبادی کا محض ایک اعشاریہ ایک فیصد بنتی ہے جبکہ امریکا میں مسلم ووٹروں کی تعداد صرف 12 لاکھ ہے۔

  • ڈیرہ اسماعیل خان:پولیس کی جرائم پیشہ افراد کے خلاف کامیاب کارروائیاں

    ڈیرہ اسماعیل خان:پولیس کی جرائم پیشہ افراد کے خلاف کامیاب کارروائیاں

    ڈیرہ اسماعیل خان:ڈسٹرکٹ پولیس آفیسر شعیب خان کے ناجائز اسلحہ کے خلاف کاروائیوں کے احکامات پر ڈی ایس پی کی قیادت میں ایس ایچ اوعبدالغفارنے پولیس نفری کے ہمراہ ملزم شریف اللہ ولد ظفرخان قوم ساگی سے ایک ایس ایم جی بمعہ بہترکارتوس کارتوس برآمدکرکے گرفتارکرلیا،ملزم کے خلاف تھانہ نواب میں مقدمہ درج کرلیاگیا۔تفصیلات کے مطابق ڈسٹرکٹ پولیس آفیسر شعیب خان کے ناجائز اسلحہ کے خلاف کاروائیوں کے احکامات پرڈی ایس پی کی قیادت میں ایس ایچ اوعبدالغفارنے پولیس نفری کے ہمراہ ملزم شریف اللہ ولد ظفرخان قوم ساگی سے ایک ایس ایم جی بمعہ بہترکارتوس کارتوس برآمدکرکے گرفتارکرلیاہے۔ملزم کے خلاف تھانہ نواب میں مقدمہ درج کرلیاگیاہے۔ڈیرہ کے عوامی سماجی حلقوں نے ناجائز اسلحہ کے خلاف کاروائیوں کے احکامات دینے پر ڈسٹرکٹ پولیس آفیسر شعیب خان کو خراج تحسین پیش کیاہے۔

    دوسری طرف ڈسٹرکٹ پولیس آفیسرشعیب خان کے منشیات کے خلاف کاروائیوں کے احکامات پرڈی ایس پی کی قیادت میں اے ایس آئی کیسب نے نواب پولیس ہمراہ منشیات فروش ملزم شاہ فیصل ولد عمرگل سکنہ کٹہ خی سے پچاس گرام چرس برآمدکرکے مقدمہ کرلیا، ملزم کوگرفتارکرلیاگیاہے۔ تفصیلات کے مطابق ڈسٹرکٹ پولیس آفیسرشعیب خان کے منشیات کے خلاف کاروائیوں کے احکامات پرڈی ایس پی کی قیادت میں اے ایس آئی کیسب نے پولیس نفری کے ہمراہ منشیات فروش ملزم شاہ فیصل ولد عمرگل سکنہ کٹہ خی سے پچاس گرام چرس برآمدکرکے مقدمہ درج کرکے گرفتارکرلیاگیاہے۔تھانہ نواب پولیس نے ملزم کوگرفتارکرکے پابندسلاسل کردیاہے۔ ڈیرہ کے عوامی سماجی حلقوں نے منشیات کے خلاف احکامات دینے پر ڈسٹرکٹ پولیس آفیسرشعیب خان کو خراج تحسین پیش کیاہے۔

    ڈیرہ اسمٰعیل خان سے ذرائع کے مطابق ڈسٹرکٹ پولیس آفیسر شعیب خان کے ناجائز اسلحہ کے خلاف کاروائیوں کے احکامات پرڈی ایس پی یونیورسٹی کی قیادت میں آئی ایچ سی آصف نے پولیس نفری کے ہمراہ بنددھپانوالاسے ملزم اسماعیل ولد جہانگیر قوم موسیٰ خیل سکنہ ٹکواڑہ سے ایک رپیٹر تیس بور بمعہ نو کارتوس برآمدکرکے گرفتارکرلیا،ملزم کے خلاف تھانہ یونیورسٹی میں مقدمہ درج کرلیاگیا۔تفصیلات کے مطابق ڈسٹرکٹ پولیس آفیسر شعیب خان کے ناجائز اسلحہ کے خلاف کاروائیوں کے احکامات پر ڈی ایس پی یونیورسٹی کی قیادت میں آئی ایچ سی آصف نے پولیس نفری کے ہمراہ بنددھپانوالاسے ملزم اسماعیل ولد جہانگیر قوم موسیٰ خیل سکنہ ٹکواڑہ سے ایک رپیٹر تیس بور بمعہ نو کارتوس برآمدکرکے گرفتارکرلیاہے۔ملزم کے خلاف تھانہ یونیورسٹی میں مقدمہ درج کرلیاگیاہے۔ڈیرہ کے عوامی سماجی حلقوں نے ناجائز اسلحہ کے خلاف کاروائیوں کے احکامات دینے پر ڈسٹرکٹ پولیس آفیسر شعیب خان کو خراج تحسین پیش کیا

    لاہور: پی ٹی آئی نےمختلف شہروں میں جاری احتجاج ختم کرنےکااعلان کردیا

    دوسری طرف ایک اور واقعہ میں تھانہ پروامیں گھر کی دیوارکے تنازعہ پرپانچ ملزمان کے دھکم پیل سے دوشیزہ کی عفت میں خلل ڈالنے پر مقدمہ درج کرلیاگیا۔ تفصیلات کے مطابق تھانہ پروامیں ابراہیم ولد خالقداد نے رپورٹ درج کرائی ہے کہ میں اورچاچا اپنے گھر کی دیوارتعمیرکرنے میں مصروف تھے کہ رمضان،شاہ نواز، ثناء اللہ پسران رانجھو، بشیر محمدولد محمدحسین، رائیس ولد شاہنواز اقوام ماچھی ہمارے گھر آئے اورکہاکہ یہ دیوارتعمیر مت کرواورہمیں لاتوں مکوں اورڈنڈوں سے گزارات کرناشروع کردیا جس سے میں زخمی ہواہوں۔ہمشیرہ خلاصی کیلئے آئی تو ملزمان بالا نے ہمشیرہ کو دھکے دے کراس کی عفت میں خلل ڈالا۔ تنازعہ دیوارکی تعمیر کرنے پر ہواہے۔ تھانہ پرواپولیس نے پانچ ملزمان کے خلاف واقعے کامقدمہ درج کرکے تفتیش شروع کردی ہے۔ ملزمان واقعے کے بعدفرارہونے میں کامیاب ہوگئے ہیں۔

    نئے آئی جی کی تقرری کا معاملہ، پنجاب نے وفاقی حکومت کو 3 نام بھجوا دیئے

    ڈیرہ اسماعیل خان سے پولیس کے مطابق تھانہ درابن کی حدودمیں سابقہ قتل مقاتلے کی دشمنی پر ملزمان کی فائرنگ سے ایک شخص زخمی،درابن پولیس نے زخمی کی رپورٹ پر ملزمان کے خلاف مقدمہ درج کرلیا ہے۔ تفصیلات کے مطابق تھانہ درابن میں مدعی غلام فرید ولد ربنواز قوم کہاوڑ سکنہ گنڈی عاشق نے رپورٹ درج کرائی ہے کہ دوملزمان گلستان ولد سوناخان اورارشدولد اورنگزیب اقوام کہاوڑ نے مجھ پر اورمیری بیوی پرآتشیں اسلحہ سے فائرنگ کی جس سے لگ کر میں زخمی ہواہوں جبکہ خوش قسمتی سے بیوی محفوظ رہی ہے۔ تھانہ درابن پولیس نے زخمی کی رپورٹ پر دوملزمان کے خلاف واقعے کا مقدمہ درج کرلیا ہے۔ ملزمان واقعے کے بعد فرارہونے میں کامیاب ہوگئے ہیں جن کی تلاش کیلئے پولیس نے چھاپوں کا سلسلہ شروع کررکھاہے۔

  • بلاول بھٹو اور برطانوی وزیر خارجہ میں ملاقات، دوطرفہ تعلقات پر تبادلہ خیال

    بلاول بھٹو اور برطانوی وزیر خارجہ میں ملاقات، دوطرفہ تعلقات پر تبادلہ خیال

    قاہرہ :وزیرخارجہ بلاول بھٹو زرداری اور برطانوی وزیر خارجہ جیمز کلیوری کے درمیان مصر کے شہر شرم الشیخ میں ملاقات ہوئی جس میں باہمی دلچسپی کے امور سمیت دوطرفہ تعلقات پر تبادلہ خیال کیا گیا۔

    بلاول بھٹو زرداری نے برطانیہ کی جانب سے پاکستان کے سیلاب متاثرین کی امداد پر اظہار تشکر کیا۔ ملاقات میں وزیرخارجہ بلاول بھٹو زرداری اور برطانوی وزیر خارجہ جیمز کلیوری نے برطانیہ میں مقیم پاکستانی کمیونٹی کے مؤثر اور مثبت کردار کو سراہا۔

    لاہور: پی ٹی آئی نےمختلف شہروں میں جاری احتجاج ختم کرنےکااعلان کردیا

    دوسری طرف وزیرخارجہ سے اقوام متحدہ کے ترقیاتی پروگرام کے ایڈمنسٹریٹر آخم شٹائنر نے ملاقات کی۔

    دفتر خارجہ کے مطابق وزیرخارجہ بلاول بھٹو زرداری نے اقوام متحدہ کے ترقیاتی پروگرام کے ایڈمنسٹریٹر کو پاکستان میں سیلاب سے بحالی کے اقدامات سے آگاہ کیا۔

    لاہور: پی ٹی آئی نےمختلف شہروں میں جاری احتجاج ختم کرنےکااعلان کردیا

    اس موقع پر گفتگو کرتے ہوئے بلاول بھٹو زرداری نے اقوام متحدہ کی جانب سے سیلاب سے متاثرہ افراد کی بحالی کی امداد پر اظہار تشکر کیا۔

  • پاکستان کیلیے سیلاب کی تباہی کے ساتھ درآمدی اخراجات بڑا چیلنج ہیں، وزیراعظم

    پاکستان کیلیے سیلاب کی تباہی کے ساتھ درآمدی اخراجات بڑا چیلنج ہیں، وزیراعظم

    شرم الشیخ: وزیراعظم شہباز شریف نے کہا ہے کہ سیلاب کی وجہ سے پاکستان میں 3 کروڑ سے زائد افراد شدید متاثر ہوئے، ماحولیاتی انصاف کا تقاضہ ہے کہ تمام ممالک ماحولیاتی تبدیلی کے حوالے سے مشترکہ طور پر کردار ادا کریں۔

    شرم الشیخ میں وزیراعظم نے سمٹ سے خطاب کرتے ہوئے کہا کہ کانفرنس آف پارٹیز (کوپ) 27 کی میزبانی پر مصر کے صدر کو مبارک باد پیش کرتا ہوں، کوپ 27 انسانیت کی آواز بن کر ابھرا ہے۔

    انہوں نے کہا کہ میں اس سمٹ کے ذریعے دنیا بھر کو ایک بار پھر پاکستان میں سیلاب سے ہونے والی تباہی کے بارے میں آگاہ کرنا چاہتا ہوں، غیر معمولی بارشوں کی وجہ سے دریاؤں اور ندی نالوں میں طغیابی سے بڑے پیمانے پر تباہی ہوئی، جس سے تین کروڑ سے زائد افراد متاثر جبکہ 8 ہزار کلومیٹر طویل سڑکیں اور تین ہزار کلومیٹر ریلوے ٹریک متاثر ہوئے ہیں۔

    وزیراعظم نے کہا کہ پاکستان میں آنے والے سیلاب کے باعث نقصانات کا تخمینہ 30 ارب ڈالرز لگایا گیا ہے۔

    اُن کا مزید کہنا تھا کہ پاکستان کا کاربن کے اخراج میں ایک فیصد سے بھی کم حصہ ہے جبکہ ہم کاربن کے اخراج میں مزید کمی کے حوالے سے بھی اقدامات کررہے ہیں۔

    شہباز شریف نے کہا کہ ’ماحولیاتی تبدیلی کے نقصانات سے نمٹنے کیلیے متاثرہ ملکوں کو وسائل درکار ہیں، ان ممالک کو اپنے دستیاب وسائل سے اس چیلنج سے لڑنا ہوگا، ماحولیاتی انصاف کا تقاضہ ہے کہ تمام ممالک مشترکہ طور پر ذمہ داری لیں اور کردار ادا کریں، کئی سالوں سے اس مسئلے پر بات ہونے کے باوجود کوئی ٹھوس نتیجہ نہیں نکل سکا۔

    وزیراعظم نے مطالبہ کیا کہ ’ماحولیاتی تبدیلی سے نمٹنے کی لیے گلوبل رسک انڈیکس کا قیام ناگزیر ہے، ماحولیاتی تبدیلی سے متعلق عالمی کنونشن پر عملدرآمد ناگزیر ہے‘۔

    اُن کا مزید کہنا تھا کہ پاکستان کو اپنی ذمہ داریوں کا مکمل احساس ہے، پاکستان کاربن کے اخراج میں مزید کمی کیلیے پُرعزم ہے، سیلاب کے باعث گندم، خوردنی تیل اور دیگر اشیا کی درآمد ضروری ہوگئی ہے، ایک طرف تباہی اور وسائل کی کمی جبکہ دوسری طرف درآمدی اخراجات بڑا چلینج ہے۔

  • الیکشن کمیشن: سندھ بلدیاتی انتخابات کیس کی بدھ کو ہونیوالی سماعت مؤخر

    الیکشن کمیشن: سندھ بلدیاتی انتخابات کیس کی بدھ کو ہونیوالی سماعت مؤخر

    اسلام آباد:الیکشن کمیشن آف پاکستان میں سندھ بلدیاتی انتخابات کیس کی کل کی سماعت یوم اقبال کے باعث مؤخر کردی گئی۔

    الیکشن کمیشن آف پاکستان میں کراچی سمیت سندھ میں بلدیاتی انتخابات کیس کی 9 نومبر کو ہونیوالی سماعت مؤخر کردی گئی، اب سماعت 15 نومبر کو ہوگی۔

    الیکشن کمیشن آف پاکستان نے پیپلزپارٹی، جماعت اسلامی اور تحریک انصاف کو طلب کر رکھا ہے، آئی جی اور چیف سیکریٹری سندھ کو بھی طلب کیا گیا ہے۔

    کیس کی بدھ کو ہونیوالی سماعت یوم اقبال پر عام تعطیل کے باعث مؤخر کی گئی ہے۔

    یاد رہے کہ اس سے پہلے کراچی کے 7 اضلاع میں بلدیاتی انتخابات ایک بار پھر ملتوی کر دیئے گئےتھے

    کراچی میں 23 اکتوبر کو ہونے والے بلدیاتی انتخابات ملتوی کرنے کا فیصلہ الیکشن کمیشن کے اجلاس میں کیا گیا جو چیف الیکشن کمشنر کی زیرصدارت ہوا تھا

    الیکشن کمیشن نے کہا کہ کراچی میں بلدیاتی انتخابات کے حوالے سے اجلاس 15 روز بعد پھر کیا جائے گا۔ جس میں صورتحال کا جائزہ لیں گے۔ وفاقی حکومت کے خط کے بعد سندھ بلدیاتی انتخابات کا دوسرا مرحلہ ملتوی کیا گیا۔

    چیف الیکشن کمشنر کی زیرصدارت اجلاس میں وفاقی حکومت کے خط کا جائزہ لیا گیا۔ اجلاس میں سندھ حکومت اور قانون نافذ کرنے والے اداروں سے فیڈ بیک لیا جائے گا، لیکن کل پھر اہم اجلاس ملتوی کردیا گیا ہے

  • ٹی ٹوئنٹی ورلڈ کپ: پاکستان، نیوزی لینڈ پہلے سیمی فائنل میں کل آمنے سامنے

    ٹی ٹوئنٹی ورلڈ کپ: پاکستان، نیوزی لینڈ پہلے سیمی فائنل میں کل آمنے سامنے

    پرتھ:ٹی ٹوئنٹی ورلڈ کپ میں پاکستان اور نیوزی لینڈ کی ٹیمیں کل پہلے سیمی فائنل میں مد مقابل ہوں گی۔یاد رہےکہ اس میگا ایونٹ کے اہم مقابلے کے لیے سڈنی میں نیوزی لینڈ کی ٹیم نے بھرپور پریکٹس کی جبکہ سوائے بابر اعظم کے پاکستانی کھلاڑیوں نے آرام کیا، کپتان نے اکیلے ڈیڑھ گھنٹے پریکٹس کی۔

    سڈنی کرکٹ گراؤنڈ میں میچ کی تیاریاں مکمل ہوچکی ہیں۔ گرین شرٹس نے مسلسل تین میچز میں فتوحات سمیٹ کر سیمی فائنل میں جگہ بنائی۔ اس لیے وننگ کمبی نیشن کے ساتھ وہ کیویز کا مقابلہ کرے گی۔

    دوسری جانب نیوزی لینڈ ٹیم ورلڈ کپ میں بھرپور فارم میں ہے، اس کے بیٹرز اور بولرز دونوں ہی کی کارکردگی شاندار رہی ہے۔

    گرین شرٹس کے لیے اچھی خبر یہ ہے کہ ان کے اسٹرائیک بولر شاہین آفریدی بھی مکمل ردھم میں آچکے ہیں۔

    پھر سڈنی کی کنڈیشنز بھی پاکستان کو سوٹ کرتی ہیں۔ پاکستان اور نیوزی لینڈ کے درمیان سیمی فائنل پاکستانی وقت کے مطابق کل دوپہر ایک بجے شروع ہوگا۔

    دوسری طرف
    پاکستان اور نیوزی لینڈ کے درمیان ٹی ٹوئنٹی ورلڈکپ کا سیمی فائنل کل کھیلا جائے گا جس کے لیے کرکٹ شائقین بھرپورجوش میں ہیں۔

    پاکستان اور نیوزی لینڈ کے درمیان ٹی ٹوئنٹی ورلڈکپ کا سیمی فائنل کل سڈنی کرکٹ گراؤنڈ میں کھیلا جائے گا جہاں بارش کے میچ میں انٹری دینے کے کوئی خاص امکانات نہیں ہیں۔

    میڈیا رپورٹس کے مطابق سڈنی میں کل بارش کے 8 سے 24 فیصد امکانات ہیں، عام طور پر مطلع صاف رہے گا تاہم جزوی طور پر ابر آلود بھی ہوسکتا ہے۔

    سڈنی میں کل درجہ حرارت دن کے اوقات میں 22 ڈگری تک رہنے کا امکان ہے جب کہ 15 سے 30 کلو میٹر فی گھنٹہ کی رفتار سے ہوائیں چلیں گی۔

    دوسری جانب میڈیا رپورٹس میں سڈنی کرکٹ گراؤنڈ کی پچ سے متعلق بتایا گیا ہےکہ اس گراؤنڈ کی پچ ہمیشہ بلے بازوں کے لیے بہترین رہی ہے اس لیے دونوں جانب سے کل تابڑ توڑ رنز اسکور کیے جانے کا امکان ہے جب کہ پہلے بلے بازی کرنے والی ٹیم 170 سے 180 تک کا ٹارگٹ دے سکتی ہے۔

    اس کے علاوہ نئی بال سے بال کرانے والے بالرز کے لیے پچ مددگار ثابت ہوگی۔

  • اسلحہ کے زور پرلاہورکی اسٹیج اداکارہ سے جنسی زیادتی، مقدمہ درج

    اسلحہ کے زور پرلاہورکی اسٹیج اداکارہ سے جنسی زیادتی، مقدمہ درج

    لاہور: سندر کے علاقے میں سفاک ملزم نے سٹیج کی ادکارہ کو جنسی درندگی کا نشانہ بنا ڈالا۔ذرائع کے مطابق ملزم اشرف شاہ نے اسٹیج ادکارہ کو مبینہ طور پر اغواء کرکے جنسی درندگی کا نشانہ بنایا ہے۔

    پولیس ایف آئی آر کے مطابق اداکارہ نے دعویٰ کیا ہے کہ 2018 میں ملزم نے انہیں اپنے فارم ہاﺅس بلوا کر پارٹی میں نشہ آور مشروب پلائی اور پھر جنسی درندگی کا نشانہ بنایا۔

     

    اداکارہ کے مطاق ملزم اشرف شاہ نے برہنہ حالت میں ان کی تصاویر اور ویڈیوز بھی بنائیں اور مسلسل بلیک میل کرکے 20 لاکھ روپے ہتھیالیے۔

    پولیس کو دیئے گئے بیان میں اداکارہ کا کہنا ہے کہ 2019 میں میری شادی ہوئی اور ملزم اشرف شاہ نے میرے شوہر کو برہنہ ویڈیوز دکھا کر میرا گھر خراب کیا۔

    ایف آئی آر کے مطابق 2 نومبر کو ملزم اشرف شاہ اپنے ڈرائیور اور ملازم کے ہمراہ اداکارہ کے گھر آیا اور زبردستی گاڑی میں اسے شاہدرہ فارم ہاﺅس لے گیا جہاں اسلحہ کے زور پر اسے جنسی زیادتی کا نشانہ بنایا۔

    اداکارہ نے دعویٰ کیا ہے کہ ان کے ایک لاکھ بیس ہزار روپے، ڈائمنڈ انگوٹھی اور تین طلائی چینیں بھی چھین لی گئیں۔

    لاہور کے تھانہ سندر پولیس نے ادکارہ حسنہ کی مدعیت میں مقدمہ درج کر کے تحقیقات شروع کردی ہیں۔

  • غلام محمود ڈوگرنےہدایات پرعمل نہ کیا تو برخاست بھی کیاجاسکتا ہے:اسٹیبلشمنٹ ڈویژن ذرائع

    غلام محمود ڈوگرنےہدایات پرعمل نہ کیا تو برخاست بھی کیاجاسکتا ہے:اسٹیبلشمنٹ ڈویژن ذرائع

    لاہور:غلام محمود ڈوگر نے ہدایات پرعمل نہ کیا تو برخاست بھی کیاجاسکتا ہے، اس حوالے سے اسٹیبلشمنٹ ڈویژن کے ذرائع کا کہنا ہے کہ اس حوالےسے اہم فیصلے کرلیئے گئے ہیں‌

     

    اسٹیبلشمنٹ ڈویژن نے معطل کیپیٹل سٹی پولیس آفیسر (سی سی پی او) لاہور غلام محمود ڈوگر کو ایک اورخط لکھا ہے۔خط کے متن کے مطابق وفاق سے کئی خطوط بھیجے گئے، آپ نے ان پر عمل نہیں کیا۔

    خط میں کہا گیا ہے کہ گریڈ21کے پولیس آفیسرغلام محمود ڈوگر بلاتاخیر اسٹیبلشمنٹ ڈویژن میں رپورٹ کریں۔

    دوسری جانب ذرائع اسٹیبلشنمٹنٹ ڈویژن کا کہنا ہے کہ غلام محمود ڈوگر نے ہدایات پر عمل نہ کیا تو برخاست بھی کیا جاسکتا ہے۔

    خیال رہے کہ گزشتہ دنوں وفاقی حکومت نے سی سی پی او لاہور غلام محمد ڈوگر کو معطل کردیا تھا اور انہوں نے اس معطلی کے خلاف لاہور ہائیکورٹ سے رجوع کیا تھا جہاں عدالت نے ان کی درخواست ناقابل سماعت قرار دیتے ہوئے خارج کردی۔

    دوسری طرف اس سے پہلے وفاقی حکومت نے انسپکٹر جنرل (آئی جی) پنجاب فیصل شاہکار کو تبدیل نہ کرنے کا فیصلہ کرلیا۔

    ذرائع اسٹیبلشمنٹ ڈویژن کا کہنا تھاکہ فیصل شاہکار نے وفاق کو درخواست کی تھی کہ انہیں تبدیل کردیاجائے لیکن انہیں تبدیل نہ کرنے کا فیصلہ کیا ہے۔

    ذرائع کا کہنا ہے کہ عمران خان پرحملےکےبعدفیصل شاہکارنےآئی جی پنجاب کےطورپرکام کرنے سےمعذرت کی تھی۔ذرائع نے بتایا کہ پنجاب حکومت نےفیاض دیوکوآئی جی پنجاب تعینات کرنےکی سفارش کررکھی ہے۔

  • راستے بند ہونے پربزرگ خاتون کا فیاض الحسن چوہان پر برس پڑیں

    راستے بند ہونے پربزرگ خاتون کا فیاض الحسن چوہان پر برس پڑیں

    راولپنڈی: پاکستان تحریک انصاف (پی ٹی آئی) کی جانب سے مری روڈ پر مظاہرے سے شہری پریشان ہوکر رہ گئے۔

    ذرائع کے مطابق مری روڈ پر احتجاج کے لیے جمع ہوئے پی ٹی آئی رہنما فیاض الحسن چوہان اور دیگر مظاہرین پر بزرگ خاتون برس پڑیں۔

    متاثرہ خاتون نے کہا کہ 3 گھنٹوں سے پھنسی ہوئی ہوں کوئی پوچھنے والا نہیں، کبھی مذہبی اور کبھی سیاسی جماعتیں روڈ بند کردیتی ہیں جس کے باعث شہریوں کو اذیت سے دوچار ہونا پڑتا ہے،

    اس موقع پر خاتون نے سوال اٹھایا کہ کیا یہ ملک ان لوگوں کے لیے بنا ہے۔

     

    دوسری جانب خاتون کی ویڈیو سوشل میڈیاپرتیزی سے وائرل ہورہی ہےجس میں متعدد صارفین پی ٹی آئی ورکرز کےاحتجاج پرغصہ میں نظر آرہےہیں۔

     

    یاد رہے کہ دوسری طرف پاکستان تحریک انصاف (پی ٹی آئی) کے رہنما فیاض الحسن چوہان کا کہنا ہے کہ عمران خان پر حملے کے خلاف جو ایف آئی آر کاٹی گئی اسے مسترد کرتے ہیں۔

    راولپنڈی میں میڈیا سے گفتگو کرتے ہوئے فیاض الحسن چوہان نے کہا کہ ہمارے احتجاج میں ایک پتا بھی نہیں ٹوٹا اور کسی کا کوئی نقصان بھی نہیں ہوا۔

    انہوں نے کہا کہ گزشتہ روز ایک شخص نے کھمبے پر چڑھ کر تاروں کو ہاتھ لگایا تھا، اگر اس شخص کو بھی کوئی تھپڑ لگا دیتا تو وہ کھمبے پر نہ چڑھتا۔