Baaghi TV

Tag: تازہ ترین

  • سال 2022 کا آخری چاند گرہن کل ہوگا

    سال 2022 کا آخری چاند گرہن کل ہوگا

    رواں سال کا آخری چاند گرہن کل ہوگا جسے پاکستان میں جزوی طورپردیکھا جاسکےگا۔

    با غی ٹی وی : محکمہ موسمیات کے مطابق محکمہ موسمیات کا کہنا ہے کہ 8 نومبرکو پاکستانی وقت کے مطابق چاند گرہن کا آغاز 1 بجکر 2 منٹ پر ہوگا، 3 بج کر 17منٹ پر چاند کو مکمل گرہن لگےگا، 4 بجے گرہن عروج پر ہوگا، چاند گرہن کا اختتام 6 بجکر 56 منٹ پر ہوگا۔

    ڈرو : معززین کی 40 سال سے جاری پرانی دشمنی ختم کرانے کی کوشش

    چاند گرہن ملک کے مختلف شہروں میں مختلف اوقات کے دوران دیکھا جسکے گا کراچی میں چاند گرہن کا آغازشام 5 بج کر56 منٹ جبکہ اختتام 6 بج کر56 منٹ پرہوگا اسلام آباد میں شام 5 بج کر6 منٹ،لاہورمیں 5 بج کر5 منٹ پرچاند گرہن شروع ہوگا۔

    پشاورمیں چاند گرہن کا آغاز 5 بج کر12 منٹ،کوئٹہ میں 5 بج کر38 منٹ،گلگت میں 4 بج کر57 منٹ جبکہ مظفرآباد میں 5 بج کر4 منٹ پرہوگا۔

    پرویز الہی کی عمران خان کو وزارت اعلی سے مستعفٰی ہونے کی دھمکی

    پاکستان میں چاند گرہن کا اختتام 6 بج کر56 منٹ پرہوگا جس کا سب سے ذیادہ مشاہدہ گلگت میں 74.54فیصد، لاہور میں 62.96 فیصد ، مظفرآباد میں 65.20 فیصد،اسلام آباد میں 61.01 فیصد، کراچی میں 00.88 فیصد،پشاورمیں 52.55 فیصد جبکہ کوئٹہ میں 14.06 فیصد ہوگا۔

    مکمل چاند گرہن کا مشاہدہ ایشیا کے کچھ حصوں آسٹریلیا ،شمالی امریکا، اورجنوبی امریکا کے بیشتر حصوں میں بھی مکمل چاند گرہن کا مشاہدہ کیا جاسکےگا، شمالی اور مشرقی یورپ کے بھی بیشتر حصوں میں مکمل چاند گرہن کا مشاہدہ کیا جاسکےگا سال 2022 میں 2سورج اور2چاند گرہن ہوئے۔

    ٹھٹھہ : جب سے سول ہسپتال این جی او کے حوالے کیاگیا تب سے عوام سر درد کی گولی اور سرنج بھی بازار سے…

  • پرویز الہی کی عمران خان کو وزارت اعلی سے مستعفٰی ہونے کی دھمکی

    پرویز الہی کی عمران خان کو وزارت اعلی سے مستعفٰی ہونے کی دھمکی

    لاہور: زمان پارک میں پی ٹی آئی چیئرمین عمران خان اور وزیراعلیٰ پنجاب چوہدری پرویز الہی کی ملاقات ہوئی ۔

    باغی ٹی وی : پنجاب میں ایک نیا بحران آنے کو تیار۔بے اختیار پنجاب حکومت کے وزیراعلی نے استعفے کی دھمکی دے دی۔ عمران خان پرویز الہی کا منہ دیکھتے رہے عمران خان اور وزیر اعلی پنجاب میں اختلافات شدت اختیار کر گئے۔

    پرویز الہی نے عمران خان کو استعفے کی دھمکی دے دی۔ ایک روز میں دو بار پرویز الہی عمران خان سے ملاقات کے لئے زمان پارک گئے تا ہم ملاقاتوں کا کوئی حتمی نتیجہ نہ نکل سکا جس کے بعد پرویز الہی نے عمران خان کو دھمکی دیتے ہوئے کہا کہ میں نے عہدے سے استعفئ دے دینا ہے

    زمان پارک میں پی ٹی آئی چیئرمین عمران خان اور وزیراعلیٰ پنجاب چوہدری پرویز الہی کی ملاقات ہوئی دونوں رہنماؤں کی ملاقات کے دوران لانگ مارچ کے اگلے مرحلے اور وزیر آباد حملے کی ایف آئی آر کے حوالے سے گفتگو کی گئی-

    سی سی پی او لاہورنے اپنی معطلی لاہور ہائیکورٹ میں چیلنج کر دی

    ذرائع کے مطابق دوران ملاقات چوہدری پرویز الہٰی نے چئیر مین پی ٹی آئی کو کہا کہ فوجی افسران کے نام ایف آئی آر میں شامل کروائے تو وزارت اعلیٰ سے استعفی دے دوں گا پرویز الہی کی اس بات پر تحریک انصاف کے رہنما پرویز الہی کا منہ دیکھتے رہ گئے ۔

    زمان پارک میں ہونے والی ملاقات میں مونس الہی اورحسین الٰہی بھی شریک ہوئے۔جبکہ ملاقات میں پی ٹی آئی کے فواد چوہدری ، عمر سرفراز چیمہ ایڈووکیٹ جنرل پنجاب احمد اویس وکیل حسان نیازی اور دیگر رہنما بھی شریک ہوئے۔

    دوسری جانب چوہدری پرویزالہٰی کے صاحبزادے اور ق لیگ کے رہنما مونس الہٰی کا کہنا ہے کہ پولیس کو پولیس کی مدعیت میں عمران خان پرقاتلانہ حملے کی اپنی مرضی کی ایف آئی آر درج کرنے سے روکا ہے۔

    واضح رہے کہ عمران خان پر مبینہ حملے کو تین روز گزر چکے ابھی تک مقدمہ درج نہیں ہو سکا۔ سپریم کورٹ نے آج 24 گھنٹوں میں مقدمہ درج کرنے کا حکم دیا ہے ۔ آئی جی پنجاب نے عدالت میں کہا تھا کہ پنجاب حکومت نے مقدمہ درج کرنے سے روکا ہے-

    پی ٹی آئی احتجاج، راستہ نہ ملنے پر شہری کی کھمبے پر چڑھ کر خود کشی کی کوشش

  • سعودی ولی عہدمحمد بن سلمان رواں ماہ پاکستان کا دورہ کریں گے

    سعودی ولی عہدمحمد بن سلمان رواں ماہ پاکستان کا دورہ کریں گے

    سعودی ولی عہد اور وزیر اعظم محمد بن سلمان رواں ماہ پاکستان کا دورہ کریں گے۔

    باغی ٹی وی : سفارتی ذرائع کے مطابق سعودی ولی عہد و وزیر اعظم کا 21 نومبر کو دورہ پاکستان کا امکان ہے جس کے لیے رواں ہفتے کے آخر میں سعودی عرب کی خصوصی سیکیورٹی ٹیم پاکستان پہنچے گی سعودی خصوصی سیکیورٹی ٹیم ایم بی ایس کے دورے کے حوالے سے سیکیورٹی انتظامات کا حتمی جائزہ لے گی۔

    پی ٹی آئی احتجاج، راستہ نہ ملنے پر شہری کی کھمبے پر چڑھ کر خود کشی کی کوشش

    سفارتی ذرائع کا کہنا ہے کہ ولی عہد کے دورے میں پاکستان کو 4.2 ارب ڈالرز اضافی بیل آؤٹ پیکج ملنےکی توقع ہے جبکہ دورے میں سعودی عرب کی پاکستان میں مضبوط سرمایہ کاری متوقع ہے اور سعودی وزیر اعظم و ولی عہد کے دورے کے دوران متعدد پاک سعودی پیٹرولیم معاہدوں کو آخری شکل دی جا رہی ہے۔

    عمران‌خان انتقام کی تسکین کیلئے جھوٹی ایف آئی آر درج کرانا چاہتا ہے، راناثناءاللہ

    سفارتی ذرائع کا کہنا ہے کہ سعودی عرب گوادر میں جدید آئل ریفائنری کے قیام میں مدد کرے گا، گوادرمیں 10 ارب ڈالرزسے آئل ریفائنری کیلئے سعودی عرب چین سے مل کر مدد کرے گا اور چینی کمپنیاں منصوبےکی تکمیل کےبعدابتدائی طورپرریفائنری چلائیں گی۔

    سفارتی ذرائع کے مطابق غیر یقینی سیاسی صورتحال میں مزید خرابی سعودی ولی عہد کے دورے میں رکاوٹ کرسکتی ہے اوپیک میں امریکہ مخالف سعودی حکمت عملی پر پاکستان کی حمایت سے سعودی عرب پاکستان سے خوش ہے۔

    وزیراعظم کی عرب لیگ کے سیکرٹری جنرل سے ملاقات

  • کراچی میں پاکستان کی پہلی الیکٹرک بس سروس کی آزمائش

    کراچی میں پاکستان کی پہلی الیکٹرک بس سروس کی آزمائش

    کراچی میں پاکستان کی پہلی الیکٹرک بس سروس کی آزمائشی سروس شروع ہوگئی-

    باغیٹی وی : تفصیلات کے مطابق الیکٹرک بس سندھ آرکائیوز کمپلیکس سے سی ویو تک چلائی گئی، یہ بسیں 20 منٹ میں چارج ہوکر 240 کلومیٹر فاصلہ طے کرنے کی صلاحیت رکھتی ہیں یہ منصوبہ پیپلز بس سروس کے فیز ٹو کے تحت چلایا جارہا ہے۔

    پی ٹی آئی احتجاج، راستہ نہ ملنے پر شہری کی کھمبے پر چڑھ کر خود کشی کی کوشش

    شرجیل انعام میمن نے سوشل میڈیا پر تصاویر شئیر کیں انہوں نے ٹوئٹ میں کہا کہ محکمہ ٹرانسپورٹ، سندھ حکومت کراچی میں نئی ​​بس سروس شروع کرنے جارہی ہے، یہ پاکستان کی پہلی الیکٹریکل گاڑیاں ہیں جو مکمل طور پر ماحول دوست ہیں، کل سے ہم شہر میں ٹیسٹ ڈرائیو شروع کرنے جارہے ہیں۔

    دوسری جانب میڈیا سے گفتگو میں شرجیل میمن نے کہا کہ آج پیپلز بس سروس کے دوسرے فیز کا آغاز ہوگیا، ماحول دوست بسوں کی آج ٹیسٹ ڈرائیور تھی، 10 روز بعد باقاعدہ بس سروس کا آغاز کردیا جائے گا، یہ یورپین معیار کی بسیں ہیں جن کی لمبائی 12 میٹر ہے، کوشش ہے کہ جہاں ٹریفک کم ہو وہاں یہ بسیں چلائی جائیں جس کے لیے سروے جاری ہے، جلد روٹس کا تعین کیا جائے گا۔

    لانگ مارچ کی تاریخ ایک دن میں دوسری بار تبدیل، جمعرات کو شروع کرنیکا اعلان

    انہوں نے کہا کہ جس کمپنی کے ساتھ الیکٹرک بسوں کے پروجیکٹ پر کام کر رہیں وہ شمسی توانائی کے سینٹرز بنائے گی جس سے یہ بسیں چارج کی جائیں گی, ابتدائی طور پر 50 الیکٹرک بسیں کراچی پہنچ چکی ہیں ہماری کوشش ہےکہ کراچی میں الیکٹرک بسوں کا مینو فیچرنگ پلانٹ لگائیں جس کے لیے چین، یورپ اور مقامی کمپنیوں سے مذاکرات جاری ہیں۔


    ان کا کہنا تھا کہ ہماری کوشش ہے کہ کراچی میں دنیا کی 2 سے 3 بڑی کمپنیاں پلانٹ لگائیں جس سے سندھ میں روزگار کے مواقع پیدا ہوں، یہ الیکٹرک بسیں، ہائبرڈ ڈیزل بسوں سے دگنا قیمت پر پاکستان آرہی ہیں کراچی میں پلانٹ لگنے سے ان کی درآمدی ڈیوٹی میں کمی آئے گی اور کم قیمت پر بسیں دستیاب ہوں گی۔

    پروجیکٹ ڈائریکٹر این آر ٹی سی صہیب شفیق نے بتایا کہ 12 میٹر بسوں میں 32 نشستیں عام شہریوں اور 2 نشستیں خصوصی افراد کے لیے ہیں اور 35 سے 40 افراد کھڑے ہو کر سفر کرسکتے ہیں، مجموعی گنجائش 70 سے 90 افراد کی ہے، یہ بسیں 20 منٹ میں چارج ہوجاتی ہیں اور ایک چارج میں 240 کلومیٹر فاصلہ طے کرنے کی صلاحیت رکھتی ہیں، بسوں کو چارج کرنے کے لیے یو پی موڑ بس ڈپو پر چارجنگ سسٹم لگایا گیا ہے۔

    عمران‌خان انتقام کی تسکین کیلئے جھوٹی ایف آئی آر درج کرانا چاہتا ہے، راناثناءاللہ


    آزمائشی بس سروس کے دوران وزیر اطلاعات، ٹرانسپورٹ اور ماس ٹرانزٹ شرجیل انعام میمن، وزیر محنت سعید غنی، مشیر وزیر اعلیٰ سندھ جیل خانہ جات اعجاز جکھرانی، ایڈمنسٹریٹر کراچی بیریسٹر مرتضیٰ وہاب، سیکرٹری ٹرانسپورٹ عبدالحلیم شیخ، ایم ڈی ماس ٹرانزٹ اتھارٹی کیپٹن (ر) الطاف حسین ساریو اور دیگر نے سفر کیا اور بسوں میں سہولت کا جائزہ لیا۔

    پاکستان پیپلز پارٹی کی حکومت کا نیا منصوبے کا اعلان ایک ایسے موقع پر سامنے آیا ہے جب کراچی میں ٹرانسپورٹ کے نئے منصوبے جاری ہیں جبکہ پیپلز بس سروس کے تحت یکے بعد دیگرے نئے روٹس لانچ کیے گئے ہیں تاہم الیکٹرک بسوں کی پائیداری کے حوالے سے شکوک تاحال برقرار ہیں کیونکہ پچھلے سال یہی اقدام زیادہ عرصے تک چل نہیں پایا تھا۔

    ذرائع کے مطابق حکومت سندھ نے مارچ 2021 میں اسی طرح کا اقدام اٹھایا تھا اور اس وعدے کے ساتھ کراچی میں ملک کا پہلا الیکٹرک بس پروجیکٹ شروع کیا تھا کہ سال کے آخر تک ان ماحول دوست گاڑیوں کی تعداد 100 تک پہنچ جائے گی الیکٹرک بس کو ٹاور سے سہراب گوٹھ تک چلانے کے لیے شروع کیا گیا تھا اور ایک اسٹاپ کا کرایہ کم از کم 10 روپے مقرر کیا گیا تھا، تاہم یہ پائیدار ثابت نہیں ہوا اور اس واحد روٹ کو بھی بند کردیا گیا تھا۔

    سی سی پی او لاہورنے اپنی معطلی لاہور ہائیکورٹ میں چیلنج کر دی

  • پی ٹی آئی احتجاج، راستہ نہ ملنے پر شہری کی کھمبے پر چڑھ کر خود کشی کی کوشش

    پی ٹی آئی احتجاج، راستہ نہ ملنے پر شہری کی کھمبے پر چڑھ کر خود کشی کی کوشش

    راولپنڈی: عمران خان پر وزیرآباد میں مبینہ حملے کے بعد پی ٹی آئی کا احتجاج جاری ہے-

    باغی ٹی وی : پی ٹی آئی کی جانب سے مختلف شہروں میں احتجاج کیا گیا اس دوران سڑکیں بند کی گئی شہریوں کو مشکلات کا سامنا رہا ۔ راولپنڈی میں کئی مقامات پر پی ٹی آئی کارکنان نے احتجاج کیا اور مطالبہ کیا کہ عمران خان پر حملے کا مقدمہ درج کیا جائے۔

    وزیراعظم کی عرب لیگ کے سیکرٹری جنرل سے ملاقات


    راولپنڈی میں ہی احتجاج کے دوران ایک افسوسناک واقعہ پیش آیا ہے احتجاج کے دوران سڑکیں بند تھیں ایک شہری نے مطالبہ کیا کہ اسے راستہ دیا جائے تا ہم اسے راستہ نہ دیا گیا جس کے بعد شہری بجلی کے کھمبے پر چڑھ گیا اس دوران قریب کھڑے لوگ ویڈیو بناتے رہے لیکن کسی نے اسکو روکا نہیں اور نہ ہی کھمبے پر چڑھنے سے منع کیا-
    https://www.youtube.com/watch?v=2Z8yDutDZAc
    بے حسی کا یہ عالم کہ احتجاج میں شامل سب افراد خاموش تماشائی دکھائی دیئے راولپنڈی مری روڈ پرشہری جب کھمبے کی بلندی پر پہنچا تاروں سے ٹکرایا تو اچانک آگ بھڑک اٹھی شہری بجلی کا جھٹکا لگنے سے اونچائی سے نیچے گر گیا-

    عمران‌خان انتقام کی تسکین کیلئے جھوٹی ایف آئی آر درج کرانا چاہتا ہے، راناثناءاللہ

    اطلاعات کے مطابق شہری کو تشویشناک حالت میں ہسپتال منتقل کر دیا گیا یے ۔ 25 سالہ نوجوان کی شناخت زینت اللہ کے طور پر ہوئی ۔ جس کا مقامی ہسپتال میں علاج جاری ہے-

    دوسری جانب یہ بھی کہا جا رہا ہے کہ کھمبے پر چڑھنے والا پی ٹی آئی کارکن تھا تا ہم ابھی تک تصدیق نہ ہو سکی-

    یہ بھی خبریں ہیں کہ یہ پی ٹی آئی سپورٹر نہیں تھا راہگیر تھا احتجاج کے باعث مانگنے پر بھی راستہ نہ ملنے کی وجہ سے بجلی کے کھمبے پر چڑھ کر خود کشی کی ہے-

    سی سی پی او لاہورنے اپنی معطلی لاہور ہائیکورٹ میں چیلنج کر دی

  • لانگ مارچ کی تاریخ ایک دن میں دوسری بار تبدیل، جمعرات کو شروع کرنیکا اعلان

    لانگ مارچ کی تاریخ ایک دن میں دوسری بار تبدیل، جمعرات کو شروع کرنیکا اعلان

    لاہور: پاکستان تحریک انصاف کے رہنما شاہ محمود قریشی کا کہنا ہے کہ اب ہم لانگ مارچ جمعرات سے شروع کریں گے-

    باغی ٹی وی : لاہور میں میڈیا سے گفتگو کرتے ہوئے شاہ محمود قریشی نے کہا کہ لانگ مارچ جمعرات دوپہر 2 بجےسے شروع ہو گا عمران خان پر حملے کے 72 گھنٹے گزرنے کے باوجود ایف آئی آر درج نہیں ہو سکی چیئرمین پاکستان تحریک انصاف (پی ٹی آئی) عمران خان نے لانگ مارچ ایک دن آگے بڑھا دیا اس صورتحال پر ہماری پارٹی نے مشاورت کی ہے،ہماری اولین ترجیح ایف آئی آر درج کروانا ہے۔

    قبل ازیں لاہور میں میڈیا سےگفتگو کرتے ہوئے عمران خان کا کہنا تھا کہ لانگ مارچ منگل کے بجائے بدھ سے شروع ہوگا،لانگ مارچ ہر صورت منزل حاصل کرےگا، الیکشن کی تاریخ لےکر ہی واپس آئیں گے، پوری قوم تیار بیٹھی ہے۔

    عمران خان کا کہنا تھا کہ لانگ مارچ کی قیادت اسد عمر، شاہ محمود قریشی اور پرویز خٹک کریں گے، آصف زرداری اور نواز شریف سےکبھی سمجھوتا نہیں ہوسکتا پاک فوج ہماری ہے اور اس کے خلاف جانا ممکن نہیں، سرحدوں پرکھڑے فوجی ان کے بچوں کی طرح ہیں۔

    پی ٹی آئی احتجاج، مری روڈ پر متعدد ایمبولینسز پھنس کر رہ گئیں مریضوں کو اسپتال پہنچانے میں مشکلات

    انہوں نے کہا کہ آرمی چیف کی تقرری میرا ایشو نہیں ہے، نواز شریف اور آصف زرداری سے کبھی سمجھوتہ نہیں ہو سکتا۔

    واضح رہے کہ سابق وزیراعظم عمران خان نے گزشتہ روز اعلان کیا تھا کہ لانگ مارچ دوبارہ منگل کو اسی جگہ وزیرآباد سے شروع ہو گا جہاں پر فائرنگ ہوئی تھی۔

    عمران‌خان انتقام کی تسکین کیلئے جھوٹی ایف آئی آر درج کرانا چاہتا ہے، راناثناءاللہ

  • اذلان شاہ ہاکی کپ: پاکستان نے مصر شکست دے دی

    ملائیشیا: ایپوہ میں سلطان اذلان شاہ ہاکی کپ میں پاکستان نے مصر کو ایک کے مقابلے میں چار گول سے ہرادیا۔

    باغی ٹی وی : ملائشیا کے شہر ایبوہ میں کھیلے گئے میچ میں سلطان اذلان شاہ ہاکی کپ میں پاکستان نے مصر کو ایک کے مقابلے میں چار گول سے شکست دی۔

    اذلان شاہ کپ؛ کوریا نے پاکستان 1-2 گول سے ہرادیا

    پاکستان کی جانب سے 12ویں منٹ میں پینلٹی کارنر کے ذریعے رانا عبدالوحید نے، 26 ویں منٹ میں محمد سفیان نے ، 39ویں میں ارشد لیاقت نے جبکہ 44ویں منٹ میں محمد سفیان نے اپنا دوسرا گول پینلٹی کارنر کے ذریعے اسکور کیا۔

    دیکھاپھرقدرت کانظام:قومی ٹیم کےسیمی فائنل میں پہنچنےکےبعدرمیزراجہ نےقرآنی آیت شیئرکردی

    مصر کی جانب سے واحد گول 50ویں منٹ میں محمد راغب نے اسکور کیا۔ پاکستان تیسری و چوتھی پوزیشن کا میچ 9 نومبر کو پاکستانی وقت کے مطابق 5:15 بجے کھیلے گا۔

    قبل ازیں اذلان شاہ ہاکی کپ میں کوریا نے پاکستان کو 1-2 گول سے ہرا کر شکست دی تھی اس سے قبل پاکستان کو جنوبی افریقہ کے خلاف شکست کا سامنا کرنا پڑا تھا جبکہ ملائشیا سے میچ ایک ایک گول سے برابر رہا تھا

  • عمران‌خان انتقام کی تسکین کیلئے جھوٹی ایف آئی آر درج کرانا چاہتا ہے، راناثناءاللہ

    عمران‌خان انتقام کی تسکین کیلئے جھوٹی ایف آئی آر درج کرانا چاہتا ہے، راناثناءاللہ

    اسلام آباد: وزیر داخلہ رانا ثناء اللہ نے کہا ہے کہ عمران خان زخموں پر پروپیگنڈا کرتا ہے-

    باغی ٹی وی : پارلیمنٹ ہاؤس میں میڈیا سے گفتگو کرتے ہوئے وزیر داخلہ رانا ثناء اللہ نے کہا کہ عمران خان ذاتی،گھٹیا اور انتقام کی تسکین کے لیے جھوٹی ایف آئی آر درج کرانا چاہتا ہے، وہ زخموں پر پروپیگنڈا کرتا ہے،ملک کا قانون اتنا بے بس نہیں ہےکہ کوئی فراڈیا کہے اور اعلی حکام کے خلاف ایف آئی آر درج کرلی جائے۔

    پی ٹی آئی احتجاج، مری روڈ پر متعدد ایمبولینسز پھنس کر رہ گئیں مریضوں کو اسپتال پہنچانے میں مشکلات

    انہوں نے کہا کہ ایسا تماشا ملک کی بنیادیں ہلا کر رکھ دیتا ہے، عمران خان نے ایک سینئر فوجی افسر کا نام دیا ہے، فوج ایک منظم ادارہ ہے کوئی اس کی پالیسی کے خلاف نہیں جاسکتا۔

    قبل ازیں وزارت داخلہ نے عمران خان پر حملے کی ایف آئی آر 36گھنٹے بعد بھی درج نہ ہونے پر حیرانی کا اظہار کرتے ہوئے مقدمے کو کمزور کرنے اور کیس کے شواہد ضائع کرنے کا ذمہ دار پنجاب حکومت کو قرار دیا ہے وفاقی وزارت داخلہ نے چیف سیکریٹری پنجاب، ایڈیشنل چیف سیکریٹری محکمہ داخلہ پنجاب اور آئی جی پنجاب کو خط ارسال کیا جس میں پی ٹی آئی کے قافلے پر تین نومبر کو ہونے والی فائرنگ کے واقعہ سے متعلق دریافت کیا گیا ہے۔

    خط میں وزارت داخلہ نے ہائی پروفائل کیس کو غلط طریقے سے ڈیل کرنے پر مرکز کے شدید تحفظات سے پنجاب حکومت کو آگاہ کیا ہے اور وفاقی حکومت نے اس بات پر حیرانی کا اظہار کیا ہے کہ ابھی تک ایف آئی آر درج کیوں نہیں ہوئی؟ حقیقت یہ ہے کہ مذکورہ کیس کی ایف آئی آر جو کہ عام طور پر کسی بھی واقعے کے 24 گھنٹے کے اندر درج کی جانی چاہیے تھی، 36 گھنٹے بعد بھی درج نہیں کی گئی، جائے وقوع پر پنجاب پولیس اہلکاروں کی موجودگی میں واقعہ پیش آنے کے باوجود ایف آئی آر کے اندراج میں ناکامی صوبائی حکومت کی جانب سے اس افسوس ناک واقعے پر عدم توجہی کا اظہار ہے۔

    سی سی پی او لاہورنے اپنی معطلی لاہور ہائیکورٹ میں چیلنج کر دی

    خط میں کہا گیا کہ صوبائی حکومت اور اس کے ذمہ داران کی مذکورہ بالا ناکامیاں، اس معاملے کو غلط طریقے سے سنبھالنے کا واضح ثبوت ہیں اور مجرمانہ غفلت کے مترادف ہے، واقعے کے بعد صوبے میں امن و امان کی صورتحال کو موثر طریقے سے نہیں سنبھالا گیا جس سے عوام کو شدید پریشانی کا سامنا کرنا پڑا۔

    خط میں کہا گیا تھا کہ امن و امان کی صورتحال کو سنبھالنے میں صوبائی پولیس اور انتظامیہ کی نااہلی نے آئین کے آرٹیکل 15 کے تحت آزادانہ نقل و حرکت کے بنیادی حق کی خلاف ورزی کی ہے، شرپسندوں کے چھوٹے گروہوں کی جانب سے مرکزی شاہراہوں اور سڑکوں کی بندش سے پنجاب کے شہروں میں نظام زندگی مفلوج اور بین الاضلاعی نقل و حرکت بھی متاثر ہوئی، یہ ضروری ہے کہ صوبائی حکومت امن و امان کی بحالی اور تمام شہریوں کے جان و مال کے تحفظ کو یقینی بنانے کے لیے فوری طور پر اپنی کوششیں تیز کرے۔

    وزارت داخلہ نے خط میں کہا تھا کہ پنجاب حکومت صوبے کے اعلیٰ ترین آئینی عہدے دار کے دفتر اور رہائش کو محفوظ بنانے میں ناکام رہی، لاہور میں گورنر ہاوٴس پر شرپسندوں کے ہجوم کے حملے نے صوبائی حکومت کی جانب سے صورتحال کو سنبھالنے میں مزید ناکامی کا ثبوت دیا۔

    وزیر آئی ٹی امین الحق آئی ٹی پارک منصوبے کے سنگ بنیاد کے موقع پر وزیر خزانہ اسحاق ڈار پر برس پڑے

  • میزائل تجربات جنوبی کوریا اور امریکا پر حملے کی تیاری ہیں، یہ جنگی مشقیں جاری رہیں گی،شمالی کوریا

    میزائل تجربات جنوبی کوریا اور امریکا پر حملے کی تیاری ہیں، یہ جنگی مشقیں جاری رہیں گی،شمالی کوریا

    پیانگ یانگ: شمالی کوریا کا کہنا ہے کہ اس نے میزائل تجربات اپنے سخت حریف ممالک جنوبی کوریا اور امریکا پر حملے کے لیے کئے اور یہ جنگی مشقیں جاری رہیں گی-

    باغی ٹی وی : عالمی خبر رساں ادارے "روئٹرز” کے مطابق شمالی کوریا نے گزشتہ ایک ہفتے کے دوران درجنوں میزائل داغے اور جنگی طیاروں کی سمندر حدود میں پروازوں کو بڑھادیا جس پر شمالی کوریا کی فوج کا کہنا تھا کہ یہ مہمات جنوبی کوریا اور امریکی فضائیہ کی بڑی فوجی مشقوں کے خلاف بطور احتجاج کی گئیں۔

    مصنوعی سیاروں کو خلا میں لے جانے والے ایرانی راکٹ کی کامیاب آزمائشی پرواز

    شمالی کوریا کی فوج کا کہنا تھا کہ ہتھیاروں کے تجربات میں ڈسپریشن وار ہیڈز سے لدے بیلسٹک میزائل اور زیر زمین دراندازی کے وار ہیڈز شامل تھے جن کا مقصد دشمن کے فضائی اڈوں پر حملہ کرنا تھا جان بوجھ کر کشیدگی کو بڑھانا تھا اور بہت زیادہ جارحانہ نوعیت کی ایک خطرناک جنگی مشقیں کیں-

    شمالی کی فوج نے کہا کہ اس نے فضائی اڈوں اور ہوائی جہازوں کے ساتھ ساتھ جنوبی کوریا کےایک بڑےشہر پر حملوں کی نقلی سرگرمیاں انجام دی ہیں تاکہ دشمنوں کے مسلسل جنگی جنون کو ختم کیا جا سکے –

    میزائل لانچوں کی ہلچل میں ایک ہی دن میں اب تک کا سب سے زیادہ حملہ شامل ہے، اور جوہری ہتھیاروں سے لیس شمالی کوریا کے میزائل تجربے کے ریکارڈ سال کے درمیان آیا ہے۔

    علاوہ ازیں زمین سے فضا میں مار کرنے والے میزائل کے تجربات کیے جو دشمن کے طیاروں کو مختلف اونچائیوں اور فاصلوں پر “فنا” کرنے کے لیے بنائے گئے ہیں۔ تجربات میں اسٹریٹجک کروز میزائل جنوبی کوریا کے جنوب مشرقی ساحلی شہر السان سے 80 کلومیٹر دور بین الاقوامی پانیوں میں گرے۔

    شمال کی فوج نے فنکشنل وار ہیڈ کے ساتھ ایک بیلسٹک میزائل کے ایک اہم تجربے کا بھی دعویٰ کیا جس کے ذریعے دشمن کے آپریشن کمانڈ سسٹم کو مفلوج کر دیا گیا لیکن کچھ مبصرین کو شک ہے کہ شمالی کوریا کے ہاس ایسے برقناطیسی حملے کی صلاحیت نہیں۔

    آرٹیمس1مشن کو14 نومبر کو چاند پر بھیجے جانے کا امکان

    شمالی کوریا کی فوج کی جانب سے جاری بیان میں مزید کہا گیا کہ میزائل تجربات جنوبی کوریا اور امریکی اہداف جیسے کہ فضائی اڈوں اور آپریشن کمانڈ سسٹم کو مختلف قسم کے میزائلوں کے ساتھ “بے رحمی سے نشانہ بنانے کی مشقیں تھیں جن میں ممکنہ طور پر جوہری صلاحیت کے ہتھیار شامل تھے۔

    جس پر امریکا اور جنوبی کوریا نے مشترکہ فوجی مشقیں جاری رکھنے کے عزم کا اظہار کرتے ہوئے شمالی کوریا کو خبردار کیا کہ جوہری ہتھیاروں کے استعمال کے نتیجے میں کِم جونگ اُن کی حکومت کا خاتمہ ہوگا۔

    شمالی کوریا کی جواباً فوجی مشقوں کوماہرین حکمراں کِم جونگ اُن کے اپنے حریفوں کی فوجی مشقوں کے دباؤ کے سامنے پیچھے نہ ہٹنے کے عزم کی نشاندہی سمجھتے لیکن کچھ ماہرین کی رائے ہےکہ کِم جونگ اُن نے اپنی مشقوں کوجوہری ہتھیاروں کوجدید بنانےسمیت امریکا اور جنوبی کوریا کے ساتھ مستقبل کے معاملات میں اپنا فائدہ بڑھانے کے بہانے کے طور پر بھی استعمال کیا۔

    جنوبی کوریا اور امریکی حکام نے یہ بھی کہا ہے کہ پیانگ یانگ نے جوہری ڈیوائس کا تجربہ کرنے کے لیے تکنیکی تیاری کر لی ہے، یہ 2017 کے بعد پہلی بار ہو گا۔

    تنزانیہ:وکٹوریہ جھیل میں مسافر طیارہ گرکرتباہ

    امریکی محکمہ خارجہ کے ایک بیان کے مطابق، امریکہ، جاپان اور جنوبی کوریا کے سینئر سفارت کاروں نے اتوار کو فون پر بات کی اور حالیہ تجربات کی مذمت کی، جس میں ایک میزائل کا "لاپرواہ” لانچ بھی شامل ہے جو گزشتہ ہفتے جنوبی کوریا کے ساحل سے گرا تھا۔

    جنوبی کوریا کے جوائنٹ چیفس آف اسٹاف کے ایک اہلکار نے پیر کو بتایا کہ جنوبی کوریا کے ایک جہاز نے ملبہ برآمد کیا ہے جس کے بارے میں خیال کیا جاتا ہے کہ یہ شمالی کوریا کے مختصر فاصلے تک مار کرنے والے بیلسٹک میزائل (SRBM) کا حصہ ہے۔ یہ پہلا موقع تھا جب شمالی کوریا کا بیلسٹک میزائل جنوبی کوریا کے پانیوں کے قریب گرا تھا۔

    اہلکار نے بتایا کہ جنوبی کوریائی بحریہ کے ریسکیو جہاز نے پرزوں کی بازیابی کے لیے زیرِ آب تحقیقات کا استعمال کیا، جن کا تجزیہ کیا جا رہا ہے۔

    سعودی فضائیہ کا فائٹر طیارہ ایف 15 مشق کے دوران گر کر تباہ،پائلٹس محفوظ

  • سعودی فضائیہ کا فائٹر طیارہ ایف 15 مشق کے دوران گر کر تباہ،پائلٹس محفوظ

    سعودی فضائیہ کا فائٹر طیارہ ایف 15 مشق کے دوران گر کر تباہ،پائلٹس محفوظ

    ریاض: سعودی عرب کی فضائیہ کا فائٹر طیارہ ایف 15 مشق کے دوران گر کر تباہ ہوگیا –

    باغی ٹی وی : سعودی میڈیا کے مطابق سعودی وزارت دفاع نے اعلان کیا کہ پیر کے روزرائل سعودی ایئر فورس کا ایف 15 ایس لڑاکا طیارہ تربیتی مشن کے دوران فنی خرابی کے باعث گر کر تباہ ہوگیا ۔ تاہم طیارے میں سوار عملہ کا جانی نقصان نہیں ہوا۔

    بغیر پائلٹ کے عسکری ہیلی کاپٹر نے دو مشن مکمل کرلیے

    طیارہ مشرقی صوبے میں کنگ عبدالعزیز ایئر بیس کے تربیتی علاقے میں معمول کی تربیت پر محو پرواز تھا کہ اچانک ہچکولے کھاتے ہوئے زمین بوس ہوگیا۔ طیارے کے گرتے ہی اس میں آگ بھڑک اُٹھی اور طیارہ ملبے کے ڈھیر میں تبدیل ہوگیا۔

    اتحادی افواج کے ترجمان ترکی المالکی نے بتایا کہ دونوں پائلٹس جدید انخلا کرسیوں کی مدد سے طیارے سے باہر نکلنے میں کامیاب ہوگئے پائلٹس زمین پر بحفاظت اتر آئے۔ طیارہ جس جگہ گرا وہاں بھی کوئی جانی یا مالی نقصان نہیں ہوا۔

    تنزانیہ:وکٹوریہ جھیل میں مسافر طیارہ گرکرتباہ

    جس علاقے میں طیارہ گرنے کا واقعہ پیش آیا وہاں حوثی باغیوں نے ماضی میں حملے کیے تھے تاہم ترکی المالکی نے اس واقعے میں دہشت گردی کے عنصر کی تردید کرتے ہوئے بتایا کہ طیارہ فنی خرابی کے باعث تباہ ہوا۔

    ترجمان سعودی وزارتِ دفاع کی جانب سے جاری بیان میں کہا گیا ہے کہ ایف 15 ایس طیارہ میں پیدا ہونے والی فنی خرابی سے متعلق جاننے کے لیے ایک تحقیقاتی کمیٹی تشکیل دے دی گئی ہے۔

    خیال رہے کہ امریکی "گلوبل فائر پاور” ویب سائٹ کے مطابق 2022 میں سعودی فضائیہ کو دنیا کے 142 ممالک میں سے دس طاقتور ترین فضائی افواج میں شامل کیا گیا تھا۔

    مصنوعی سیاروں کو خلا میں لے جانے والے ایرانی راکٹ کی کامیاب آزمائشی پرواز