لاہور:عمران خان پر فائرنگ کرنے والے شخص کو پکڑنے والے بہادر شخص کا بیان سامنے آگیا۔وزیرآباد اللہ والا چوک کے قریب تحریک انصاف کے چیئرمین عمران خان کے کینٹینر پر فائرنگ کرنے والے مبینہ ملزمان کو پولیس کے پکڑ لیا ہے۔
واقعے کی ویڈیو بھی وائرل ہوگئی ہے جس میں واضح طور پر دیکھا جاسکتا ہے شلوار قمیض میں ملبوس ایک ملزم شارٹ گن کے ذریعے فائرنگ کررہا ہے، جب کہ اس کے پیچھے ایک بہادر نوجوان اس کا ہاتھ پکڑ کر اسے روکنے کی کوشش کررہا ہے۔
حملہ آور کو پکڑنے والے شخص ابتسام نے ایک ویڈیو بیان میں کہا کہ میں نے حملہ آور کو بائی پاس کے پاس سے دیکھا تھا کہ وہ عمران خان کے کینٹینر کے ساتھ بھاگ رہا تھا۔
ابتسام نے بتایا کہ حملہ آور کے پاس آٹو میٹک پستول تھی، جسے دیکھ کر مجھے بہت حیرانی ہوئی اور میں اس کے پیچھے پیچھے چلتا رہا۔
ابتسام کے مطابق حملہ آور مجھے سے 5 سے 7 میٹر دور تھا، اور اس نے جیسے ہی پستول کینٹینر کی طرف کرکے ٹریگر دبایا تو میں نے بھاگ کر اس کا ہاتھ پکڑ لیا، جس سے ساری فائرنگ کینٹینر کے نیچے کی جانب ہوگئی، جب کہ کینٹینر پر کھڑے کسی بھی شخص کی طرف فائر نہیں ہوا۔
ابتسام نامی شخص کا کہنا تھا کہ مجھے لگتا ہے کہ حملہ آور کو جب میں نے پکڑا تو وہ پوری طرح تیار نہیں تھا، اور اس نے بوکھلا کر برسٹ مار دیا، اور تمام گولیاں نیچے کھڑے ہوئے افراد کی جانب ہوگئیں۔
ابتسام کا کہنا تھا کہ اگر اس دوران مجھے بھی گولی لگ جاتی تو مجھے کوئی پرواہ نہیں، عمران خان کو اتنا کہوں گا کہ جب تک ہم زندہ ہیں آپ کو آنچ بھی نہیں آسکتی۔
ابتسام نے مزید کہا کہ میں شرمندہ ہوں کہ حملہ آور کو فائرنگ سے پہلے نہیں پکڑ سکا، لیکن اگر پولیس حملہ آور کو پکڑ کر نہ لے جاتی تو میں اسے جان سے مار دیتا، کیوں کہ اگر خدانخواستہ عمران خان کو وزیرآباد میں کچھ ہوجاتا تو ہم شرمندگی سے ہی مرجاتے۔
ویڈیو:عمران خان پر حملہ کرنیوالا ملزم گرفتار،عمران خان کیسے آئے باہر؟
باغی ٹی وی کی رپورٹ کے مطابق سابق وزیراعظم عمران خان کو لانگ مارچ کے دوران وزیرآباد میں گولی لگی ہے
عمران خان پر قاتلانہ حملہ کرنے والے ملزم کو گرفتار کر لیا گیا ہے، عمران خان ، فیصل جاوید زخمی ہوئے ہیں، ایک شخص کی موت بھی ہوئی ہے
عمران خان حملے میں زخمی ہونے کے بعد کینیٹینر سے اترے اور انہیں علاج کے لئے ہسپتال منتقل کیا گیا، عمران خان کے کینیٹینر سے اترنے کی ویڈیو باغی ٹی وی نے حاصل کر لی ہے
عمران خان پر حملہ کرنے والے ملزم کے بارے میں تفصیل سامنے آئی ہے، ملزم کا نام محمد نوید ول محمد بشیر ہے، ملزم آئیں ہے اور وزیرآباد کا ہی رہائشی ہے، ملزم کے قبضے سے نائن ایم ایم پسٹل اور دو خالی میگزین برآمد کئے گئے ہیں
عمران خان پر حملے کے بعد پولیس کی جانب سے گرفتار ملزم تحریک انصاف کے رہنما کا سیکورٹی گارڈ نکلا
پولیس نے جس شخص کو موقع سے گرفتار کیا ہے وہ تحریک انصاف کے رہنما،رکن قومی اسمبلی عالمگیر خان کا گارڈ ہے، عالمگیر خان نے اس بات کی تصدیق کی ہے کہ گرفتار شخص میرا گارڈ ہے، اسے غلطی سے پکڑا گیا
وزیرآباد، عمران خان کے کنٹینر کے قریب فائرنگ کی گئی ہے فائرنگ کے بعد عمران خان زخمی ہو گئے ہیں، فیصل جاوید بھی زخمی ہوئے ہیں، ایک شخص کی موت بھی ہوئی ہے، وزیرآباد جاں بحق ہونے والے شخص کی شناخت معظم گوندل کے طور پرہوئی ہے،
لانگ مارچ میں فائرنگ، سیکورٹی کی ذمہ دار پنجاب پولیس، دیں جواب پرویز الہیٰ
باغی ٹی وی کی رپورٹ کے مطابق لانگ مارچ میں عمران خان کے کینٹینر پر فائرنگ ہوئی ہے جس کے نتیجے میں عمران خاں زخمی ہو گئے ہیں
فائرنگ کرنے والے کو پولیس نے حراست میں لے لیا ہے،عمران خان کے لانگ مارچ کی سیکورٹی کی ذمہ داری پنجاب پولیس کے پاس تھی، گزشتہ روز بھی پنجاب پولیس کو لانگ مارچ کی سیکورٹی کے لئے 50 ملین کا فنڈ جاری کیا گیا ، گوجرانوالہ میں نو ہزار کے قریب پولیس اہلکار لانگ مارچ کی سیکورٹی پر تعینات تھے، عمران خان کے لانگ مارچ میں کینٹینر کے قریب اسلحہ لے کر ملزم کیسے پہنچا؟ یہ ہے وہ سوال جس کا جواب کسی اور کو نہیں پنجاب حکومت کو، وزیراعلیٰ پنجاب چودھری پرویز الہییٰ، آئی جی پنجاب کو دینا پڑے گا
دوسری جانب غیر مصدقہ اطلاعات کے مطابق مبینہ حملہ اور پی ٹی آئی کا ہی کارکن تھا، ہوائی فائرنگ کرتے ہوئے دھکا لگنے سے برسٹ کنٹینر پر جالگا جہاں عمران خان فیصل جاوید اور احمد چٹھہ سمیت دیگر قائدین کھڑے تھے , ہوائی فائرنگ کرنے والے دو اشخاص کو حراست میں لے کر نامعلوم مقام پر منتقل کردیا گیا ہے
وزیرآباد، عمران خان کے کنٹینر کے قریب فائرنگ کی گئی ہے فائرنگ کے بعد عمران خان زخمی ہو گئے ہیں، فیصل جاوید بھی زخمی ہوئے ہیں، ایک شخص کی موت بھی ہوئی ہے، وزیرآباد جاں بحق ہونے والے شخص کی شناخت معظم گوندل کے طور پرہوئی ہے،
لاہور:پاکستان تحریک انصاف کا لانگ مارچ اسلام آباد کی طرف رواں دواں ہے اوراس دوران بہت سے پریشان کُن خبریں آرہی ہیں ، اس حوالے سے ایک سوال کے جواب میں مبشرلقمان نے کہا کہ آج کنیٹینر کو آگ لگ گئی ہے اور آج ایک چودہ سال کا ایک لڑکا کنٹینرسے ٹکرا کر جانبحق ہوگیا ہے ، اس کے ساتھ ساتھ عمران خان کی قدآورتصاویر کو پھاڑنے کا سلسلہ بھی شروع ہوچکا ہے
ایک سوال کے جواب میں مبشرلقمان نے کہ کہا کہ ابھی تو وہ خونی مارچ شروع ہی نہیں ہوا ، جو فیصل واوڈا نے کہا ابھی تو یہ شروع نہ ہوا ، ابھی توتو اسلحہ بھی چلنا ہے ، ان کا کہنا تھا کہ عمران خان کو کچھ نہیں ہوگا اس لیے اس لانگ مارچ میں اپنے نوجوان بچوں ، بوڑھوں ،خواتین اور ہرمکتبہ فکرکے لوگوں کوجانے سے روکیں ورنہ بہت نقصان ہوسکتا ہے
شاہ محمود قریشی کے زخمی ہونےکے والے سے کہا کہ پتہ نہیں کہ وہ زخمی بھی ہوئے ہیں یا کہ نہیں ، ان کا یہ بھی کہنا تھا کہ پنجاب ان کے ساتھ ہے ، پولیس بھی لانگ مارچ میں شامل ہے ، ادارے ساتھ دے رہےہیں ان حالات میں عمران خان کے لانگ مارچ میں سوائے پریشانیوں کے کچھ نہیں ،کوئی اور ہوتا تو یا تو وہ جیل میں ہوتا یا ڈینگی سے لڑرہا ہوتا، ان کا کہنا تھا کہ کوئی اور ہوتا تو ہسپتال میں ہوتا، عمران خان تو جوتے کی نوک پران فیصلوں کو رکھ رہے ہیں
ایک سوال کے جواب میں ان کا کہنا تھاکہ شہبازکا یہ کہنا کہ آرمی چیف کی تقرری کا ابھی فیصلہ نہیں ہوا،مبشرلقمان کا کہنا تھا کہ اگرشہبازشریف آرمی چیف کی تقرری کا فیصلہ کردیں تو عمران خان کے لانگ مارچ سے ہوا نکل جائے گی دوسری صورت یہ ہے کہ عمران خان یہ کہہ سکتا ہے کہ میرے دباوبڑھانے سے آرمی چیف کی تقرری کا مسئلہ حل ہوا
ایک اور سوال کے جواب میں مبشرلقمان کا کہنا تھا کہ لانگ مارچ والوں کو عمران خان تھکا دے گا اور یہ بھی ممکن ہے کہ اس کے نظریے سے لوگ پیچھے ہٹ جائیں اور پھرسب تکھ جائیں ، فواد چوہدری کےحوالے سے ایک سوال کا جواب دیتے ہوئے انکا کہنا تھا کہ میں نہیں سمجھتا کہ یہ ایسا کرپائیں گے ، کہتے ہیں کہ سمبڑیال جارہے ہیں لیکن پتہ چلتا ہے کہ راہوالی پہنچ گئے ،
ایک اور سوال کے جواب میں جس میں یہ پوچھا گیا کہ عمران خان نے اس بات کا انکشاف کیا ہے کہ نیب تو ان کے اختیارمیں ہی نہیں تھے اصل فیصلے تو کہیں اور ہوتے تھے ، اس پرمبشرلقمان کا کہنا تھا کہ اگرکنٹرول میں نہیں تھا تو پھرراتوں راتوں افسران کو کون بدلتا تھا ، ان کا یہ بھی کہنا تھا چیئرمین نیب انے ایک لڑکی کوبھی اس سلسلے میں پریشان کیا
مبشرلقمان نے ایک سوال کے جواب میں کہا کہ عمران خان خود کہہ رہے ہیں کہ الیکشن ہونے میں دس ماہ لگ سکتےہیں ، ان کا یہ بھی کہنا تھا کہ عمران خان کے مداح اس کے نظریے کے ساتھ نہیں چل سکتے ، سوشل میڈیا پر تو ممکن ہے لیکن وہ کسی دوسرے فورم پراپنا مقدمہ پیش نہیں کرسکتا، شاہ محمود قریشی کے حوالےسے ان کا کہنا تھا کہ پتہ نہیں شاہ محمود قریشی کو کچھ ہوا بھی ہے یا کہ نہیں ،یا کہ وہ بہانہ بنا رہے ہیں
ایک اور سوال کے جواب میں ان کا کہنا تھا کہ عمران خان کوکسی کی کوئی پرواہ نہیں ، بس ان کی خواہش ہے کس طرح وزارت عظمیٰ مل جائے پھروہ پتہ نہیں کیا کریں گے ، ان کا یہ بھی کہنا تھا کہ عمران خان کے ساتھ بھی اس کےساتھ نہیں ، عوام بھی نہیں
ایک اور سوال کے جواب میں ا کا کہنا تھا کہ شیریں مزاری کے علاقے میں پولیس کی مدد سے بعض لوگوں سےقبضہ واگزارکرائے جارہے ہیں، اور یہ سب پرویز الٰہی کی مدد سے ہی ہورہا ہے ،
ایک اور سوال کے جواب میں ان کا کہنا تھا کہ رانا ثنااللہ کا یہ کہنا ہے کہ وہ عمران خان کے ساتھ وہ مذاکرات نہیں کریںگے اس کی ایک وجہ یہ ہے کہ وہ سیاستدان نہیں ، ان کا کہنا تھا کہ عمران خان سلیکٹڈ ہیں الیکٹڈ نہیں ، اس حوالے سے بلاول بھٹو بھی یہی کچھ کہہ چکے ہیں
اسلام آباد میں لانگ مارچ کے تحت جلسے کےحوالے سے ایک سوال کے جواب میں ان کا کہنا تھا کہ عدالت توآج بہت سخت ریمارکس دے رہی ہے، عدالت کا یہ کہنا ہے کہ دس ہزار لوگ دولاکھ کی آبادی والے شہرکوکیسے یرغمال بنا سکتے ہیں ،ان کا کہنا تھا کہ عدالت کا حتمی فیصلہ کیا ہے وہ تو عدالت ہی بہتر جانتی ہے
ایک اور سوال کے جواب میں ان کا کہنا تھا کہ سوشل میڈیا پرپابندی ایسے شخص پر ہونی چاہیے جس نے ہردوسرے شخص کو گرویدہ کررکھا ہے اور وہ ان کی مدد سے بہت منفی ریمارکس دے رہیں اور اداروں کو تنقید کا نشانہ بنا رہے ہیں
سندھ میں الیکشن کےحوالے سے ان کا کہنا تھا کہ سیلاب کا پانی ابھی بھی موجود ہے ، حالات اجازت نہیں دیتے ، عملے کی فراہمی بہت مشکل ہے اس لیے اگرانتخابات لیٹ ہوتے ہیں تو کوئی قباحت نہیں ، انہوں نے بنگلہ دیش کے میچ کے حوالے سے کہا کہ ہارے کوئی بھی مگرآنے والے میچوں میں پاکستان کا بہترایوریج کے ساتھ جیتنا ضروری ہے
عمران خان 10 سال بھی تحریک چلائے حکومت اپنا کام کرے گی. وفاقی وزیر اطلاعات
وفاقی وزیر اطلاعات و نشریات مریم اورنگزیب نے کہا ہے کہ سیلاب متاثرین کے لیے جو فنڈز اکھٹے کیے گئے تھے وہ تو لانگ مارچ پر لگ رہے ہیں۔ اسلام آباد میں پریس کانفرنس کے دوران مریم اورنگزیب نے کہا کہ وزیر اعظم شہبازشریف کا دورہ چین کامیاب رہا ہے، دوست ممالک کے ساتھ تعلقات کو مستحکم کررہے ہیں، عمران خان نے ملک کو سری لنکا بنانے کی کوشش کی، ہم 4 سال سے ملک کو ہونے والے نقصان کو کم کرنے کی کوشش کررہے ہیں، حکومت نے آتے ہی آئی ایم ایف کے پروگرام کو بحال کرایا، وزیراعظم نے 2 روز قبل کسانوں کے لئے ریلیف پیکیج کا اعلان کیا۔
وفاقی وزیر اطلاعات کا کہنا تھا کہ سیلاب متاثرین کے لیے جو فنڈز اکھٹے کیے گئے تھے وہ تولانگ مارچ پرلگ رہے ہیں، عمران خان کے لانگ مارچ کے دوران خاتون صحافی صدف نعیم کی موت ہوئی، گزشتہ روز بھی لانگ مارچ کے دوران واقعات ہوئے جو قابل مذمت ہے۔ وزیر اطلاعات نے کہا کہ الیکشن عمران خان کی خواہش پر نہیں اپنے وقت پر ہوں گے، عمران خان فیس سیونگ کے لیے کوشش کررہے ہیں، عمران خان نے واضح کردیا کہ ان کی تحریک 10 ماہ جاری رہے گی، عمران خان 10سال بھی تحریک چلائے حکومت اپنا کام کرے گی۔
مزید یہ بھی پڑھیں؛ امریکہ میں بینکوں اور نجی کمپنیوں سے بھتہ و تاوان لینے میں غیر معمولی اضافہ حکومت کا عالمی بینک کے ساتھ 50 کروڑ ڈالر کے معاہدہ گھر میں شوہر کی خدمت بیوی کی ذمہ داری نہیں ہے،مصری عالم دین کا فتوی
مریم اورنگزیب کا کہنا تھا کہ عدم اعتماد کامیاب ہونے جا رہی تھی تو عمران خان نے سازشیں شروع کر دیں، عمران خان بتائیں کہ جب الیکشن چاہتے تھے تو لانگ مارچ میں کیوں گئے۔
بریکنگ، لانگ مارچ میں فائرنگ، عمران خان بھی زخمی ہو گئے
چیئر مین پاکستان تحریک انصاف عمران خان کے زخمی ہونے کا معاملہ عمران خان کو لاہور منتقل کیا جا رہا ہے عمران خان کو علاج معالجہ کے لیئے شوکت خانم اسپتال منتقل کیا جائے گا عمران خان کا علاج معالجہ چار رکنی میڈیکل بورڈ کرے گا میڈیکل بورڈ ڈاکٹر فیصل سلطان کی سربراہی میں بنایا جارہا ہے ،وزیرصحت ڈاکٹر اختر ملک کا کہنا ہے کہ عمران خان کو دونوں ٹانگوں میں گولی لگی ہے،عمران خان کو فوری طور پر لاہور منتقل کیا جارہاہے،عمران خان کی حالت بہتر ہے وہ ایک بہادرکپتان ہیں
وزیرآباد، عمران خان کے کنٹینر کے قریب فائرنگ کی گئی ہے فائرنگ کے بعد عمران خان زخمی ہو گئے ہیں، فیصل جاوید بھی زخمی ہوئے ہیں، ایک شخص کی موت بھی ہوئی ہے، وزیرآباد جاں بحق ہونے والے شخص کی شناخت معظم گوندل کے طور پرہوئی ہے،
لانگ مارچ میں فائر نگ کے بعد بھگدڑ مچ گئی ،کنٹینر سے اعلانات کئے جا رہے ہیں،کہ عمران خان محفوظ ہیں تا ہم بعد میں خبر آئی کہ عمران خان کو پاؤں پر گولی لگی ہے، عمران خان کو گاڑی کے ذریعے روانہ کردیا گیا، فائرنگ کے نتیجے میں آٹھ افراد زخمی ہوئے ہیں ، مبینہ اطلاعات کے مطابق فائرنگ کرنے والا گرفتار کر لیا گیا ہے
عمران خان زخمی ہوئے ہیں، وزیر صحت پنجاب نے تصدیق کی ہے کہ عمران خان زخمی ہوئے ہیں، عمران خان کو گاڑی پر روانہ کر دیا گیا ہے ، وزیر صحت یاسمین راشد کا کہنا ہے کہ عمران خان زخمی ہوئے ہیں لیکن محفوظ ہیں،
مبینہ اطلاعات کے مطابق عمران خان کے لانگ مارچ پر فائرنگ کے نتیجے میں تحریک انصاف کے رہنما فیصل جاوید بھی زخمی ہوئے ہیں ،فائرنگ سے پی ٹی آئی کے مقامی رہنما احمد چٹھہ بھی زخمی ہوئے ہیں، سابق گورنر سندھ عمران اسماعیل کا کہنا تھا کہ میں سامنے کھڑا تھا،جب یہ حملہ ہوا ہے، آج کے دن مارچ یہاں پر ختم کر رہے ہیں،
تحریک انصاف کے رہنما فرح حبیب کا کہنا ہے کہ عمران خان پر بزدلانہ حملہ کیا گیا ہے ،ہم نے پہلے بھی کہا تھا کہ عمران خان کی جان کو خطرہ ہے عمران خان پر بزدلانہ قاتلانہ حملہ کیا گیا ہے ،حماد اظہر کا کہنا تھا کہ احمد چٹھہ کے ساتھ ہوں، احمد چٹھہ کو2 گولیاں لگی ہیں، زخم گہرا نہیں ہے، انکے جسم سے گولیاں نکالی جا رہی ہیں، فیصل جاوید کا کہنا تھا کہ عمران خان خیریت سے ہیں،ہمارے حوصلے بلند ہیں آزادی کی یہ تحریک اب رکے گی نہیں
وزیراعظم شہباز شریف نے وزیر آباد میں پی ٹی آئی لانگ مارچ پر فائرنگ کی شدید مذمت کی ہے وزیراعظم شہباز شریف نے واقعے کی فوری رپورٹ طلب کر لی وزیراعظم شہباز شریف نے وزیر داخلہ رانا ثناء اللہ کو آئی جی پولیس اور چیف سیکرٹری پنجاب سے فوری رپورٹ طلب کرنے کی ہدایت کر دی
وفاقی وزیر احسن اقبال نے واقعہ کی مذمت کرتے ہوئے کہا کہ اللہ کا شکر ہے کہ عمران خان محفوظ ہیں،سیاست میں تشدد کی کوئی گنجائش نہیں۔ میں عمران نیازی کے کنٹینر پہ وزیر آباد میں فائیرنگ کے واقعہ کی شدید مذمت کرتا ہوں۔ حکومت پنجاب کو سیکیورٹی انتظامات کا جائزہ لینا چائیے۔ ن لیگی رہنما رکن پنجاب اسمبلی حنا پرویز بٹ کا کہنا ہے کہ وزیرآباد میں ہونے والے فائرنگ کے واقعہ کی مذمت کرتی ہوں ملزمان کو حراست میں لیکر فوری طور پر تحقیات کی جائیں
وزیر داخلہ رانا ثنااللہ نے وزیرآباد میں فائرنگ کے واقعے کی شدید مذمت کی ہے ،وفاقی وزیر داخلہ رانا ثنا اللہ نے واقعے پر گہری تشویش کا اظہار کیا، وزیراعظم کی ہدایت پر چیف سیکریٹری اور آئی جی پنجاب سے واقعے کی رپورٹ طلب کر لی، وفاقی سیکیورٹی ایجنسیز سے بھی فائرنگ واقعے کی رپورٹ طلب کر لی گئی
آئی جی پنجاب فیصل شاہکار نے وزیر آباد میں عمران خان کے کنٹینر کے قریب فائرنگ کے واقعہ کا نوٹس لیا ہے، آئی جی پنجاب نے آر پی او گجرات سے واقعہ کی رپورٹ طلب کرلی ۔آئی جی پنجاب نے ڈی پی او گجرات کو فوری موقع پر پہنچنے کی ہدایت کر دی، اور کہا کہ واقعہ کی ہر پہلو سے انکوائری کی جائے ۔ فائرنگ کرنے والے ملزمان کو جلد از جلد قانون کے کٹہرے میں لایا جائے ۔
واضح رہے کہ تحریک انصاف کے لانگ مارچ کا آج ساتواں روز ہے، تحریک انصاف کے لانگ مارچ کا آغاز جمعہ کو لاہور سے ہوا تھا، گزشتہ روز عمران خان نے گوجرانوالہ میں خطاب کیا اور پھر واپس لاہور آ گئے،آج گکھڑ سے دوبارہ لانگ مارچ کا آغاز ہوا، اطلاعات کے مطابق حقیقی آزادی مارچ کے نئے شیڈول کے مطابق شرکاء 10 نومبر کو راولپنڈی پہنچیں گے اور 11 نومبر کو تمام پاکستان سے قافلے اسلام آباد پہنچیں گے
ملتان بین الاقوامی ہوائی اڈہ پر ہنگامی مشق 2022 کا انعقاد
باغی ٹی وی : ملتنا میں ملتان بین الاقوامی ہوائی اڈہ پر ہنگامی مشق 2022 کا انعقاد کیا گیا جس میں ہوائی اڈے کے منیجر (اے پی ایم) اور چیف فائر اینڈ ریسکیو آفیسر (سی ایف آر او) نے شرکاء کو مشق کے بارے میں بریفنگ دی۔
ترجمان مکے مطابق مشق کا مقصد مواصلات، باہمی سہولیات کے تبادلے اور سٹیک ہولڈرز کے ردعمل کو جانچنا تھاسول ایوی ایشن کے فائر ٹینڈرز نے ایندھن سے لگی آگ کو بجھایا۔
ریسکیو آپریشن سی اے اے، ای ڈی ایچ آئی اور ریسکیو 1122 نے انجام دیا سی اے اے میڈیکل ٹیم، ایئرپورٹ ہیلتھ آفیسر نے زخمیوں کے لئے جگہ قائم کی نشتر ہسپتال، ریلوے ہسپتال اور سول ہسپتال نے بھی مشق میں حصہ لیا۔
پاکستان اور امریکا باہمی اعتماد کو بڑھانے کے باعث وسیع البنیاد تعلقات کو فروغ دے رہے ہیں. مسعود خان
امریکا میں پاکستان کے سفیر مسعود خان نے کہا ہے کہ پاکستان اور امریکا باہمی اعتماد کو بڑھانے کے باعث وسیع البنیاد تعلقات کو فروغ دے رہے ہیں۔ انہوں نے یہ بات امریکی تھنک ٹینک اٹلانٹک کونسل، جون ہاپکنز یونیورسٹی، یونیورسٹی آف لاہور اور اینگرو کارپوریشن کی جانب سے پاکستان امریکا تعلقات کا مستقبل پر منعقدہ 2 روزہ کانفرنس کے دوران کہی۔ پاک امریکا تعلقات کے فروغ کے کےامکانات روشن ہیں۔ انہوں نے کہا کہ پاکستان اور امریکا کے تعلقات اب بھارت اور افغانستان سے ربط میں آ چکے ہیں ، انہوں نے مزید کہا کہ پاکستان اور امریکہ کے درمیان اب تنہا، وسیع البنیاد تعلقات ہیں۔کانفرنس کے افتتاحی سیشن میں امریکی تھنک ٹینک اٹلانٹک کونسل کے صدر فریڈ کیمپی اورکامرس اور کاروباری امور کے امریکی نمائندہ خصوصی دلاور سید نے بھی خطاب کیا۔
پاکستانی سفیر مسعود خان کانفرنس میں شرکت کی یقین دہانی پر اٹلانٹک کونسل کے صدر اور دیگر معاونت کاروں کا شکریہ ادا کیا۔ انہوں نے کہا کہ پاکستان اور امریکا وسیع تر خطے کے حوالے سے ذمہ داریوں کے ساتھ ایک واحد طریقہ کار تیار کر رہے ہیں۔ انہوں نے کہا کہ ہم اس وقت نئے تکنیکی دور میں ایک وسیع البنیاد تعلقات کو دوبارہ ترتیب دینے اور نئے سرے سے متحرک کرنے کے لیے مصروف عمل ہیں۔ماضی میں امریکی پالیسی علاقائی توازن پر مبنی تھی اور اسے اب بھی ویسا ہی ہونا چاہیے۔ انہوں نے کہا کہ پاکستان اور بھارت کے ساتھ امریکا کے تعلقات اپنے طور پر کھڑے ہیں۔مسعود خان نے کہا کہ پاکستان اور امریکا ایک دوسرے کے سٹریٹجک کلکولس اور ضرورت کو سمجھتے ہیں۔ اگرچہ پاکستان کے چین کے ساتھ مضبوط تعلقات ہیں لیکن ہم امریکاکے ساتھ بھی تمام شعبوں میں بہت مضبوط تعلقات کے خواہاں ہیں۔انہوں نے کہا کہ افغانستان سے امریکی فوجیوں کے انخلا ءکے بعد ان کے تعلقات کی مطابقت اور نوعیت کے بارے میں غیر یقینی اور بے چینی تھی لیکن دو طرفہ سفارت کاری نے اب رابطے کو ایک حد تک بڑھا دیا ہے۔
انہوں نے کہا کہ گزشتہ 75 سالوں میں پاکستان اور امریکانے مختلف شعبوں میں تعاون کی میراث قائم کی ہے۔ پاکستان کو امریکی حمایت سے معاشی اور عسکری طور پر فائدہ ہوا اور دونوں ممالک نے مل کر سرد جنگ کے دوران تعاون کے ذریعے، دہشت گردی سے لڑ کر، اقوام متحدہ کے قیام امن میں حصہ ڈال کر اور مشترکہ طور پر بحری قزاقی کے خلاف کارروائیاں کر کے دنیا کو محفوظ بنایا۔ انہوں نے کہا کہ ہم جنگ اور امن میں شراکت دار ہیں اور پاکستان پر شعبے میں تعاون جاری رکھے گا، پاکستان نے افغانستان سے بڑے پیمانے پر انخلا میں امریکا کی مدد کی اور امریکا نے پاکستان ک کورونا وائرس سے بچائو کے لیے ویکسین کی 7کروڑ 90لاکھ خوراکیں فراہم کیں جس کے بعد امریکا پاکستان کو ویکسین فراہم کرنے والا ٹاپ ڈونر ملک بن گیا۔
انہوں نے اعتماد کا اظہار کیا کہ پاکستان اور امریکا کے درمیان سٹریٹجک ہم آہنگی اقتصادی، تکنیکی اور تعلیمی شعبوں میں دوطرفہ تعلقات کو بڑھانے کے لیے ایک مفید ماحول پیدا کرے گی اور ہم اس فریم ورک میں جغرافیائی سیاسی مداخلت نہیں کرنے دیں گے۔ سفیر مسعود خان نے خبردار کیا کہ تنازعات کے انتظام اور تنازعات کے حل، علاقائی ڈیٹرنس، ردعمل کے طریقہ کار اور تزویراتی استحکام کے حوالے سے جنوبی ایشیا میں اپنی ذمہ داریوں کو نظر انداز کرنا ایک مہلک غلطی ہوگی۔ ماضی میں امریکی پالیسی علاقائی توازن پر مبنی تھی، اس کی کوئی وجہ نہیں ہے کہ اب ایسا نہیں ہونا چاہئے۔
مزید یہ بھی پڑھیں؛ امریکہ میں بینکوں اور نجی کمپنیوں سے بھتہ و تاوان لینے میں غیر معمولی اضافہ حکومت کا عالمی بینک کے ساتھ 50 کروڑ ڈالر کے معاہدہ گھر میں شوہر کی خدمت بیوی کی ذمہ داری نہیں ہے،مصری عالم دین کا فتوی
انہوں نے کشمیر پر دوطرفہ اور کثیرالجہتی سفارت کاری کو بحال کرنے پر زور دیتے ہوئے کہا کہ ایشیا پیسیفک کے خطے میں ابھرتے ہوئے سیکورٹی آرکیٹکچر کی وجہ سے ان علاقوں کو بین الاقوامی برادری کا بلائنڈ سپاٹ نہیں بننا چاہیے۔ انہوں نے کہا کہ پاکستان اور امریکا کے درمیان باہمی اعتماد میں اضافے کے باعث امریکا کی پاکستان کو نئے دفاعی پلیٹ فارمز کی فراہمی پر پابندی کا خاتمہ جائز توقعات ہیں۔ پاکستانی سفیر نے کہا کہ سلامتی کے دائرہ کار میںرہتے ہوئے امریکا اور پاکستان افغانستان میں استحکام، دہشت گردی کا مقابلہ کرنے اور علاقائی سلامتی کو فروغ دینے کے لیے اپنے مشترکہ مفادات کی پیروی کر رہے ہیں۔
باغی ٹی وی کی رپورٹ کے مطابق ترجمان جے یو آئی اسلم غوری نے کہا ہے کہ عمران نیازی کا فسادی مارچ برے طریقے سے فلاپ ہوچکا ہے.
ترجمان جے یو آئی اسلم غوری کا کہنا تھا کہ عمران نیازی کا مارچ گزشتہ پانچ روز سے لاہور اور گوجرانوالہ کے گرد و نواح میں رینگ رہا ہے اور جلد ہی اپنے منطقی انجام کو پہنچے گا. عمران نیازی اسلام آباد کی طرف نہیں اپنے انجام کی طرف بڑھ رہا ہے.عمران نیازی کے فسادی مارچ نے اب تک تین بیگناہ معصوم افراد کی جانیں لے چکا ہے جبکہ دس افراد اب بھی زخمی حالت میں زیر علاج ہیں.عمران نیازی اپنے مارچ سے اب خود جان چھڑانے کیلئے بیک ڈور منتیں ترلے کررہا ہے. عمران نیازی کے فسادی مارچ میں دو ہزار افراد بھی شریک نہیں جبکہ عمران نیازی ٹریفک کو اپنے مارچ کے شرکاء ظاہر کررہا ہے.عمران نیازی کے مقدر میں ناکامی لکھی جاچکی ہے خواہ مخواہ چیمپئن بننے کی کوشش کر رہا ہے.
ترجمان جے یو آئی اسلم غوری کا کہنا تھا کہ عمران نیازی نے اپنے چار سالہ دور حکومت میں پاکستان کے معاشی نظام کا قتل عام کیا.پاکستان کا معاشی نظام مستحکم ہوتے ہی عمران نیازی کنٹینر پر چڑھ کر اک بار پھر پاکستان کے معاشی نظام کو کمزور کرنا چاہتا ہے.عمران نیازی اپنی کرسی کی حوس میں پاکستان کو بین الاقوامی سطح پر تنہا کرنا چاہتا ہے.عمران نیازی بیرونی ایجنٹ کا کردار ادا کررہا ہے.
خالہ نے شادی سے انکار کیوں کیا؟ ملزم نے پانچ سالہ بچے کی جان لے لی
ایس ایس پی انویسٹی گیشن لاہورحسنین حیدر نے جرائم پیشہ عناصر کی گرفتاریوں کے حوالہ سے میڈیا کو آگاہ کیا ہے
ایس ایس پی انویسٹی گیشن لاہورحسنین حیدر کا کہنا تھا کہ معصوم بچے کو اغواء کے بعد اندھے قتل کی لرزہ خیز واردات میں ملوث ملزم گرفتار کر لیا گیا ہے، واقعہ تھانہ بادامی باغ کی حدود میں پیش آیا تھا،
انویسٹی گیشن پولیس بادامی باغ نے معصوم بچے کو اغواء کے بعد اندھے قتل کی لرزہ خیز واردات میں ملوث ملزم گرفتار کر لیا،گرفتارملزم ذیشان عرف گڈو نے 5سالہ بچے ایان کو گھر کے باہر سے اغواء کیا، ملزم نے معصوم بچے کا گلا کاٹ کر ریلوے لائنز کے ساتھ پٹخ پٹخ کر بے دردی سے قتل کیا،ملزم مقتول بچے کی خالہ سے شادی کرنا چاہتا تھا، انکار پر سنگین اقدام اٹھایا،ملزم نے نکاح رکوانے کے لیے نکاح سے ایک روز قبل بچے کو قتل کیا،درندہ صفت ملزم قتل کی واردات کے بعد بچے کے ورثاء کے ساتھ مل کر بچے کو تلاش کرتا رہا،ملزم کو سی سی ٹی وی کیمروں سمیت مختلف شواہد کی روشنی میں گرفتارکیا گیا،
ایس ایس پی حسنین حیدر کا کہنا تھا کہ شہریوں کی جان و مال کا تحفظ پولیس کی اولین ترجیح ہے پولیس پراسیکیوشن پارٹنرشپ کی مدد سے ملزم کو سخت سزا دلوائی جائے گی،
